[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.12 # Naradapurana 1.12 Nāradapurāṇa 1.12 - **Language:** Sanskrit ## Contents - [1.12.97](https://indike.org/pramana/in.purana.narada.1.12.97) — 1 part ### [1.12.1](https://indike.org/pramana/in.purana.narada.1.12.1) nātada uvāca śrutaṃ tu gaṅgāmāhātmyaṃ vāñchitaṃ pāpanāśanam / adhunā lakṣaṇaṃ brūhi bhrātarme dānapātraghayoḥ // ### [1.12.2](https://indike.org/pramana/in.purana.narada.1.12.2) sanaka uvāca sarveṣāmeva varṇānāṃ brahmaṇaḥ paramo guruḥ / tasmai tānāni deyāni dattasyānantyamicchatā // ### [1.12.3](https://indike.org/pramana/in.purana.narada.1.12.3) brāhmaṇaḥ pratigṛhṇīyātsarvato bhayavarjitaḥ / na kadāpi kṣatraviśo gṛhṇīyātāṃ pratigraham // ### [1.12.4](https://indike.org/pramana/in.purana.narada.1.12.4) caṇḍasya putrahīnasya dambhācāraratasya ca / svakarmatyāginaścāpi dattaṃ bhavati niṣphalam // ### [1.12.5](https://indike.org/pramana/in.purana.narada.1.12.5) paradāraratasyāpi paradravyābhiliṣiṇaḥ / nakṣatrasūcakasyāpi dattaṃ bhavati niṣphalam // ### [1.12.6](https://indike.org/pramana/in.purana.narada.1.12.6) asūyāviṣṭamanasaḥ kṛtanghasya ca māyinaḥ / ayājyayājakasyāpi dattaṃ bhavati niṣphalam // ### [1.12.7](https://indike.org/pramana/in.purana.narada.1.12.7) nityaṃ yācñāparasyāpi hiṃsakasya khalasya ca / rasavikrayiṇaśvaiva dattaṃ bhavati niṣphalam // ### [1.12.8](https://indike.org/pramana/in.purana.narada.1.12.8) nāmaikā da vedavikrayiṇaścāpi smṛtivikrayiṇastathā / dharmavikrayiṇo vipra dattaṃ bhavati niṣphalam // ### [1.12.9](https://indike.org/pramana/in.purana.narada.1.12.9) gānena jīvikā yasya yasya bhāryā ca puścalī / paropatāpinaścāpi dattaṃ bhavati niṣphalam // ### [1.12.10](https://indike.org/pramana/in.purana.narada.1.12.10) asijīvī maṣījīvī devalo grāmayājakaḥ / dhāvako vā bhavetteṣāṃ dattaṃ bhavati niṣphalam // ### [1.12.11](https://indike.org/pramana/in.purana.narada.1.12.11) pākakartuḥ parasyārthe kavaye gadahāriṇe / abhakṣya bhakṣakasyāpi dattaṃ bhavati niṣphalam // ### [1.12.12](https://indike.org/pramana/in.purana.narada.1.12.12) śūdrānnabhojinaścaiva śūdrāṇāṃ śavadāhinaḥ / paiṃśvalānnabhujaścāpi dattaṃ bhavati niṣphalam // ### [1.12.13](https://indike.org/pramana/in.purana.narada.1.12.13) nāmavikrayiṇo viṣṇoḥ saṃdhyākarṃmorjjhitasya ca / duṣpratigrahadagdhasya dattaṃ bhavati niṣphalam // ### [1.12.14](https://indike.org/pramana/in.purana.narada.1.12.14) divāśayanaśīlasya tathā maithunakāriṇaḥ / sadhyābhojina evāpidattaṃ bhavati niṣphalam // ### [1.12.15](https://indike.org/pramana/in.purana.narada.1.12.15) mahāpātakayuktasya tyaktasya jñātibāndhavaiḥ / kuṇḍasya cāpi golasya dattaṃ bhavati niṣphalam // ### [1.12.16](https://indike.org/pramana/in.purana.narada.1.12.16) parivatteḥ śaṭhasyāpi parivattuḥ pramādinaḥ / strījitasyātiduṣṭasya dattaṃ bhavita niṣphalam // ### [1.12.17](https://indike.org/pramana/in.purana.narada.1.12.17) madyamāṃsāśinaścāpi strīviṭasyātilobhinaḥ / caurasya piśunasyāpi dattaṃ bhavati niṣphalam // ### [1.12.18](https://indike.org/pramana/in.purana.narada.1.12.18) ye kecitpāpaniratā ninditāḥ sujanaiḥ sadā / na tebhyaḥ pratigṛhṇīyānna ca vadyāddijottama / satkarmaniratāyāpi deyaṃ yatnena nārada // ### [1.12.19](https://indike.org/pramana/in.purana.narada.1.12.19) yaddānaṃ śraddhayā dattaṃ tathā viṣṇusamarpaṇam / yācitaṃ vāpi pātreṇa bhavettaddānamuttamam // ### [1.12.20](https://indike.org/pramana/in.purana.narada.1.12.20) paralokaṃ samuddaśya hyaihikaṃ vāpi nārada / yaddānaṃ dīyate pātre tatkāmyaṃ madhyamaṃ smṛtam // ### [1.12.21](https://indike.org/pramana/in.purana.narada.1.12.21) dagbhena cāpi hiṃsārthaṃ parasyāvidhināpi ca / kruddhenāśraddhayāpātre taddānaṃ madhyamaṃ smṛtam // ### [1.12.22](https://indike.org/pramana/in.purana.narada.1.12.22) adhamaṃ balitoṣāyamadhyamaṃ svārthasiddhaye / uttamaṃ hariprītyarthaṃ prāhurvedavidāṃ varāḥ // ### [1.12.23](https://indike.org/pramana/in.purana.narada.1.12.23) dānabhogavināśāśca rāyaḥ syurgatayastridhā // ### [1.12.24](https://indike.org/pramana/in.purana.narada.1.12.24) yo dadāti ca nobhukte taddhanaṃ nāśakāraṇam / dhanaṃ dharmaphalaṃ vipra dharmo mādhavatuṣṭikṛt // ### [1.12.25](https://indike.org/pramana/in.purana.narada.1.12.25) taravaḥ kiṃ na jīvanti te 'pi loke parārthakāḥ / yatra mūlaphalairvṛkṣāḥ parakāryaṃ prakurvate // ### [1.12.26](https://indike.org/pramana/in.purana.narada.1.12.26) manuṣyā yadi viprāgthra na parārthāstadā mṛtāḥ / parakāryaṃ na ye martyāḥ kāyenāpi dhanena vā // ### [1.12.27](https://indike.org/pramana/in.purana.narada.1.12.27) manasā vacasā vāpi te jñeyāḥ pāpakṛttamāḥ / atretihāsaṃ vakṣyāmi śṛṇu nārada tattvataḥ // ### [1.12.28](https://indike.org/pramana/in.purana.narada.1.12.28) yatra dānādikānāṃ tu lakṣaṇaṃ parikīrtitam / gaṅgāmāhātmyasahitaṃ sarvapāpapraṇāśanam // ### [1.12.29](https://indike.org/pramana/in.purana.narada.1.12.29) bhagīrathasya dharmasya saṃvādaṃ puṇyakāraṇam / āsīdbhagīratho rājā sagarānvayasaṃbhavaḥ // ### [1.12.30](https://indike.org/pramana/in.purana.narada.1.12.30) śaśāsa pṛthivīṃ metāṃ satpadvīpāṃ sasāgarām / sarvadharmarato nityaṃ satyasaṃdhaḥ pratāpavān // ### [1.12.31](https://indike.org/pramana/in.purana.narada.1.12.31) kandarpasaddaśo rupe yāyajṛko vicakṣaṇaḥ / prāleyādrisamo dhairye dharme dharmasamo nṛpaḥ // ### [1.12.32](https://indike.org/pramana/in.purana.narada.1.12.32) sarvalakṣaṇasaṃpannaḥ sarvaśāstrārthapāragaḥ / sarvasaṃpatsamāyuktaḥ sarvānandakaro mune // ### [1.12.33](https://indike.org/pramana/in.purana.narada.1.12.33) ātithyaprayato nityaṃ vāsudevārcanerataḥ / parākramī guṇanidhirmaitraḥ kāruṇikaḥ sadhīḥ // ### [1.12.34](https://indike.org/pramana/in.purana.narada.1.12.34) etādṛśaṃ taṃ rājānaṃ jñātvā dṛṣṭo bhagīratham / dharmarājo dvijaśreṣṭha kadāciddraṣṭumāgataḥ // ### [1.12.35](https://indike.org/pramana/in.purana.narada.1.12.35) samāgataṃ dharmarājamarhayāmāsa bhūpatiḥ / śāstradṛṣṭena vidhinā dharmaḥ prī uvāca tam // ### [1.12.36](https://indike.org/pramana/in.purana.narada.1.12.36) dharmarāja uvāca rājandharmavidāṃ śreṣṭhaprasiddho 'si jagattraye / dharmarājo 'tha kīrtiṃ te śrutvā tvāṃ draṣṭumāgataḥ // ### [1.12.37](https://indike.org/pramana/in.purana.narada.1.12.37) sanmārganirataṃ satyaṃ sarvabhūtahite ratam / draṣṭumicchanti vibudhāratavo tkuṣṭaguṇapriyāḥ // ### [1.12.38](https://indike.org/pramana/in.purana.narada.1.12.38) kīrtirnītiśca saṃpattirvartate yatra bhūpate / vasanti tatra niyataṃ guṇāḥsantaśca devatāḥ // ### [1.12.39](https://indike.org/pramana/in.purana.narada.1.12.39) aho rājanmahābhāga śobhanīcaritaṃ tava / sarvabhūtahitatvādi mādṛśāmapi durlabham // ### [1.12.40](https://indike.org/pramana/in.purana.narada.1.12.40) ityuktavantaṃ taṃ dharmaṃ praṇipatya bhagīrathaḥ / provāca vinayāviṣṭaḥ saṃhṛṣṭaḥ ślakṣṇayā gitaṃ // ### [1.12.41](https://indike.org/pramana/in.purana.narada.1.12.41) bhagīratha uvāca bhagavansarvadharmajña samadarśit sureśvara / kṛpayā parayāviṣṭo yatpṛcchāmi vadasva tat // ### [1.12.42](https://indike.org/pramana/in.purana.narada.1.12.42) dharmā kīdṛgvidhāḥ proktāḥ ke lokā dharmaśālinām / kiyatyo yātanāḥ proktāḥ keṣāṃ tāḥ parikīrtitāḥ // ### [1.12.43](https://indike.org/pramana/in.purana.narada.1.12.43) tvayā saṃmānanīyā ye śāsanīyāśca ye yathā / tatsarvaṃ me mahābhāga vistarādvaktumarhasi // ### [1.12.44](https://indike.org/pramana/in.purana.narada.1.12.44) dharmarāja uvāca sādhu sādhu mahāvuddhe matiste vimalorjitā / dharmādharmānpravakṣyāmitattvataḥ śṛṇu bhaktitaḥ // ### [1.12.45](https://indike.org/pramana/in.purana.narada.1.12.45) dharmā bahuvidhāḥ proktāḥ puṇyalokapradāyakāḥ / tathaiva yātanāḥ proktā asaṃkhyā ghoradarśatāḥ // ### [1.12.46](https://indike.org/pramana/in.purana.narada.1.12.46) vistarādgadituṃ nālamapi varṣaśatāyutaiḥ / tasmātaṃsamāsato vakṣye dharmādharmamidarśanam // ### [1.12.47](https://indike.org/pramana/in.purana.narada.1.12.47) tathaiva yātanāṃ vai mahāpuṇyaṃ prakīrtatam / tathaivādhyātmaviduṣo dattaṃ bhavati cākṣayam // ### [1.12.48](https://indike.org/pramana/in.purana.narada.1.12.48) kuṭumbinaṃ yā śāstrajñaṃ śrotriyaṃ vā guṇānvitam / yo dattvā syāpayedṛtiṃ tasya puṇyaphalaṃ śṛṇu // ### [1.12.49](https://indike.org/pramana/in.purana.narada.1.12.49) mātṛtāḥ pitṛtaścaiva dvijaḥ koṭikulanvitaḥ / nirviśya viṣṇubhavanaṃ kalpaṃ tatraiva mādate // ### [1.12.50](https://indike.org/pramana/in.purana.narada.1.12.50) gaṇyante pāṃsavo bhūmergaṇyante vṛṣṭivindavaḥ / na gaṇyante vidhātrāpi brahahmavṛttiphalāni vai // ### [1.12.51](https://indike.org/pramana/in.purana.narada.1.12.51) samastadevatārupo brāhmaṇaḥ parikīrtitaḥ / jīvanaṃ dadatastasya kaḥ puṇyaṃ gadituṃ kṣamaḥ // ### [1.12.52](https://indike.org/pramana/in.purana.narada.1.12.52) yo viprahitakṛnnityaṃ sa sarvānkṛtavānmakhān / sa strātaḥ sarvatīrtheṣu tatpaṃ tenākhilaṃ tapaḥ // ### [1.12.53](https://indike.org/pramana/in.purana.narada.1.12.53) yo dadasveti viprāṇāṃ jīvanaṃ prerayetparam / so 'pi tatphalamāpnoti kimanyairbahubhāṣitaiḥ // ### [1.12.54](https://indike.org/pramana/in.purana.narada.1.12.54) taḍāgaṃ kārayedyastu svayamevāpareṇa vā / vaktuṃ tatpuṇyasaṃkhyānaṃ nālaṃ varṣaśatāyuṣā // ### [1.12.55](https://indike.org/pramana/in.purana.narada.1.12.55) ekaścedadhvago rājaṃstaḍāgasya jalaṃ pibet / katkartuḥ sarvapāpāni naśyantyeva na saṃśayaḥ // ### [1.12.56](https://indike.org/pramana/in.purana.narada.1.12.56) ekāhamaṣi yatkuryādbhūmisthamudakaṃ naraḥ / sa muktaḥ sarvapāpebhyaḥ śatavarṣaṃ vaseddivi // ### [1.12.57](https://indike.org/pramana/in.purana.narada.1.12.57) kartuṃ taḍāgaṃ yo martyaḥ sāhyakaḥ śaktito bhavet / so 'pi tatphalanāpnoti tuṣṭaḥ preraka eva ca // ### [1.12.58](https://indike.org/pramana/in.purana.narada.1.12.58) mṛdaṃ siddhārthamātrāṃ vā taḍāgādyo vahiḥ kṣipet / tiṣṭatyabdaśataṃ svarge vimuktaḥ pāpakoṭibhiḥ // ### [1.12.59](https://indike.org/pramana/in.purana.narada.1.12.59) devatā yasya tuṣyanti guravo vā nṛpottama / taḍāgapuṇyabhāksa syādityeṣā śāśvatī śrutiḥ // ### [1.12.60](https://indike.org/pramana/in.purana.narada.1.12.60) iti hāsaṃ pravakṣyāmi tavātra nṛpasattama / yaṃ śṛtvā sarvapāyebhyo mucyate nātra saṃśayaḥ // ### [1.12.61](https://indike.org/pramana/in.purana.narada.1.12.61) gauḍadeśe 'tivikhyāto rājāsīdvīrabhadrakaḥ / mahāpratīpī vidyāvānsadā vipraprapūjakaḥ // ### [1.12.62](https://indike.org/pramana/in.purana.narada.1.12.62) vedaśāstrakulācārayukto mitrakvirdhanaḥ / tasya rājñī mahābhāgā nānmā campakamañjarī // ### [1.12.63](https://indike.org/pramana/in.purana.narada.1.12.63) tasya rājño mahāmātyāḥ kṛtmākṛsyavicāraṇāḥ / dharmāṇāṃ dharmaśāstrestu sadā kurvanti niścayam // ### [1.12.64](https://indike.org/pramana/in.purana.narada.1.12.64) prāyaścittaṃ cikittsāṃ ca jyotiṣe dharmanirṇayam / vināśāstreṇa yo brūyāttamāhurbrahmaghātakam // ### [1.12.65](https://indike.org/pramana/in.purana.narada.1.12.65) iti niścitya manasā manvādīritadharmkān / ācāryebhyaḥ sadā bhūpaḥ śṛṇoti vidhipūrvakam // ### [1.12.66](https://indike.org/pramana/in.purana.narada.1.12.66) na ko 'pyanyāyavartī tasya rājye 'varo 'pi ca / dharmeṇa pālyamānasya tasya deśasya bhūpateḥ // ### [1.12.67](https://indike.org/pramana/in.purana.narada.1.12.67) jātaṃ samatvaṃ svargasya saurājyasya śubhāvaham / sa caikadā tu nṛpatirmṛgayāyāṃ mahāvane // ### [1.12.68](https://indike.org/pramana/in.purana.narada.1.12.68) mantryādibhiḥ parivṛto babhrāma madhyabhāskaram / daivādākheṭaśūnyasya hyatiśrāntasya tatra vai // ### [1.12.69](https://indike.org/pramana/in.purana.narada.1.12.69) nṛparītasya saṃjātaṃ saraso darśanaṃ nṛpa / tataḥ śuṣkāṃ tu sarasīṃ dṛṣṭvā tatra vyacintayat // ### [1.12.70](https://indike.org/pramana/in.purana.narada.1.12.70) kimayaṃ sarasīśṛṅgebhuvaḥ kena vinirmitā / kathaṃ jalaṃ bhavedatra yena jīvedayaṃ nṛpaḥ // ### [1.12.71](https://indike.org/pramana/in.purana.narada.1.12.71) tato buddhiḥ samabhavatkhāte tasyā nṛpottama / hastamātraṃ tato garttaṃ khātvā toyamavātpavān // ### [1.12.72](https://indike.org/pramana/in.purana.narada.1.12.72) tena toyena pītena rājñastṛtpirajāyata / mantriṇaścāpi bhūmiśa buddhisāgarasaṃjñinaḥ // ### [1.12.73](https://indike.org/pramana/in.purana.narada.1.12.73) sa buddhisāgaro bhūpaṃ prāha dharmārthakovidaḥ / rājanniyaṃ puṣkariṇī varṣājalavatī purā // ### [1.12.74](https://indike.org/pramana/in.purana.narada.1.12.74) adyaināṃ baddhavaprāṃ ca karttuṃ jātā matirmama / tadbhavānmodatāṃ deva dattādājñāṃ ca me 'nagha // ### [1.12.75](https://indike.org/pramana/in.purana.narada.1.12.75) iti śrutvā vacastasya mantriṇo nṛpasattamaḥ / mumude 'titarāṃ bhūpaḥ svayaṃ kartuṃ samudyataḥ // ### [1.12.76](https://indike.org/pramana/in.purana.narada.1.12.76) tameva mantriṇāṃ tatra yuyoja śubhakarmaṇi / tato rājājñayā so 'pi buddhisāgarako mudā // ### [1.12.77](https://indike.org/pramana/in.purana.narada.1.12.77) sarasīṃ sāgaraṃ karttumudyataḥ puṇyakṛttamaḥ / dhanuṣāṃ caiva pañcāśatsarvato vistṛtāyatām // ### [1.12.78](https://indike.org/pramana/in.purana.narada.1.12.78) sarasīṃ baddhasu śilāṃ cakārāgādhaśambarām / tāṃ vinirmāya sarasīṃ rājñe sarvaṃ nyavedayat // ### [1.12.79](https://indike.org/pramana/in.purana.narada.1.12.79) tasyāṃ tataḥ prabhṛti vai sarve 'pi vanacāriṇaḥ / pānthāḥ pipāsitā bhūpa labhante sma jalaṃ śubham // ### [1.12.80](https://indike.org/pramana/in.purana.narada.1.12.80) kadācitsvāyuṣaścānte sa mantrī buddhisāgaraḥ / pramṛto gatavāṃllokaṃ lokaśāsturmama prabho // ### [1.12.81](https://indike.org/pramana/in.purana.narada.1.12.81) tadarthaṃ tu mayā pṛṣṭo dharmo dharmalipiṅkaraḥ / citragutpastu tatkarma mahyaṃ sarvaṃ nyavedayat // ### [1.12.82](https://indike.org/pramana/in.purana.narada.1.12.82) upadeṣṭā svayaṃ cāsau dharmakāryasya bhūpateḥ / tasmāddharmavimānaṃ tu samāroḍhumihārhati // ### [1.12.83](https://indike.org/pramana/in.purana.narada.1.12.83) ityukte citragutpena samājñatpo mayā nṛpa / vimānaṃ dharmasaṃjñaṃ tu āroḍhuṃ buddhisāgaraḥ // ### [1.12.84](https://indike.org/pramana/in.purana.narada.1.12.84) atha kālāntare rājansarājā vīrabhadrakaḥ / mṛto gato mama sthānaṃ namaścakre mudānvitaḥ // ### [1.12.85](https://indike.org/pramana/in.purana.narada.1.12.85) mayā tu tatra tasyāpi pṛṣṭaṃ karmākhilaṃ nṛpa / kathitaṃ citragutpena dharmaṃ sarasisaṃbhavam // ### [1.12.86](https://indike.org/pramana/in.purana.narada.1.12.86) tadā samyaṅmayā rājā bodhito 'bhūdyathāśṛṇu / adhityakāyāṃ bhūpāla saikatasya gireḥ parā // ### [1.12.87](https://indike.org/pramana/in.purana.narada.1.12.87) lāvakenāmunācañcvā khātaṃ dvyaṃṅguprambuni / tataḥ kālāntare tena vārāheṇa nṛpottama // ### [1.12.88](https://indike.org/pramana/in.purana.narada.1.12.88) khanitaṃ hastamātraṃ tu jalaṃ tuṇḍena cātmanaḥ / tato 'nyadāmuyā kālyāhasta yugmamitaḥ kṛtaḥ // ### [1.12.89](https://indike.org/pramana/in.purana.narada.1.12.89) khāto jale mahārāja toyaṃ māsadvayaṃ sthitam / pītaṃ kṣudrairvanacaraiḥ sattvaistṛṣṇāsamākulaiḥ // ### [1.12.90](https://indike.org/pramana/in.purana.narada.1.12.90) tato varṣatrāyānte tu gajatānena suvrata / hastatrayamitaḥ khātaḥ kṛtastatrādhikaṃ jalam // ### [1.12.91](https://indike.org/pramana/in.purana.narada.1.12.91) māsatraye sthitaṃ tacca payo jīvairvanecaraiḥ / bhavāṃstatra samāyāto jalaśoṣāda nantaram // ### [1.12.92](https://indike.org/pramana/in.purana.narada.1.12.92) māse tatra tu saṃprātpaṃ hastaṃ khātvā jalaṃ nṛpa / tatastasyopadeśena mantriṇo nṛpate tvayā // ### [1.12.93](https://indike.org/pramana/in.purana.narada.1.12.93) pañcāśaddhanurutkhātaṃ jātaṃ tatatra mahājalam / punaḥ śilābhiḥ sudṛḍhaṃ baddhaṃ jātaṃ mahatsaraḥ / vṛkṣāśca ropitāstatra sarvalokopakāriṇaḥ // ### [1.12.94](https://indike.org/pramana/in.purana.narada.1.12.94) tena svasvena puṇyena pañcaite jagatīpate / vimānaṃ dharmyamāruḍhāstvamāṇyenaṃ samāruha // ### [1.12.95](https://indike.org/pramana/in.purana.narada.1.12.95) iti vākyaṃ samākarṇya mama rājā sa bhūmipa / āruroha vimānaṃ tatṣaṣṭho rājā samāṃśabhāk // ### [1.12.96](https://indike.org/pramana/in.purana.narada.1.12.96) iti te sarvamākhyātaṃ taḍāgajanitaṃ phalam / śrutvaitanmucyate pāpādājanmamaraṇāntikāt // ### [1.12.97](https://indike.org/pramana/in.purana.narada.1.12.97) yo naraḥ śraddhayo yukto vyākhyātaṃ śruṇuyātpaṭhet / so 'pyāpnotyakhilaṃ puṇyaṃ saronirmāṇasaṃbhavam // ### [1.12.97.p1](https://indike.org/pramana/in.purana.narada.1.12.97.p1) iti śrībṛhannāradīyapurāṇe pūrvabhāge prathamapāde dharmākhyāne dvādaśo 'dhyāyaḥ ## Linked texts (2) - [Śivapurāṇa](https://indike.org/pramana/in.purana.siva.7.1.3.14) — Vyāsa, Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.12.7) — Sanskrit --- Source: [https://indike.org/pramana/in.purana.narada.1.12](https://indike.org/pramana/in.purana.narada.1.12) · Pramāṇa