[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.15 # Naradapurana 1.15 Nāradapurāṇa 1.15 - **Language:** Sanskrit ## Contents - [1.15.37](https://indike.org/pramana/in.purana.narada.1.15.37) — 1 part - [1.15.42](https://indike.org/pramana/in.purana.narada.1.15.42) — 1 part - [1.15.50](https://indike.org/pramana/in.purana.narada.1.15.50) — 1 part - [1.15.106](https://indike.org/pramana/in.purana.narada.1.15.106) — 1 part - [1.15.169](https://indike.org/pramana/in.purana.narada.1.15.169) — 1 part ### [1.15.1](https://indike.org/pramana/in.purana.narada.1.15.1) dharmarāja uvāca pāpa bhedānpravakṣyāmi yathā sthūlāśca yātanāḥ / śṛṇuṣva dhairyamāsthāya raudrā ye narakā yataḥ // ### [1.15.2](https://indike.org/pramana/in.purana.narada.1.15.2) pāpino ye durātmāno narakāgniṣu santatam / pacyante yeṣu tānvakṣye bhayaṅkaraphalapradān // ### [1.15.3](https://indike.org/pramana/in.purana.narada.1.15.3) tapanovālukākumbhaumahārauravarauravau / kumbhaghīpāko nirucchvāsaḥ kālasūtraḥ pramardanaḥ // ### [1.15.4](https://indike.org/pramana/in.purana.narada.1.15.4) asipatravanaṃ ghoraṃ lālābhakṣohimotkaṭaḥ / mūṣāvasthā vasākūpastathā vaitaraṇī nadī // ### [1.15.5](https://indike.org/pramana/in.purana.narada.1.15.5) bhakṣyante mūtrapānaṃ ca purīṣahlada eva ca / tatpaśūlaṃ tatpaśilā śālmalīdruma eva ca // ### [1.15.6](https://indike.org/pramana/in.purana.narada.1.15.6) tathā śoṇitakūpaśca ghoraḥ śoṇitabhojanaḥ / svamāṃsabhojanaṃ caiva vahnijvālāniveśanam // ### [1.15.7](https://indike.org/pramana/in.purana.narada.1.15.7) śilāvṛṣṭiḥ śastravṛṣṭirvahnivṛṣṭistathaiva ca / kṣārodakaṃ coṣṇatoyaṃ tatpāyaḥ piṇḍabhabhaṇam // ### [1.15.8](https://indike.org/pramana/in.purana.narada.1.15.8) atha śiraḥśoṣaṇaṃ ca marutprapatanaṃ tathā / tathā pāśāṇavarṇaṃ ca kṛmibhojanameva ca // ### [1.15.9](https://indike.org/pramana/in.purana.narada.1.15.9) kṣāro dapānaṃ bhramaṇaṃ tathā krakacadāraṇam / purīṣalepanaṃ caiva purīṣasya ca bhojanam // ### [1.15.10](https://indike.org/pramana/in.purana.narada.1.15.10) retaḥ pānaṃ mahāghoraṃ sarvasandhiṣudāhanam / dhūmapānaṃ pāśabandhaṃ nānāśūlānulepanam // ### [1.15.11](https://indike.org/pramana/in.purana.narada.1.15.11) aṅgāraśayanaṃ caiva tathā musalamarddanam / bahūni kāṣṭhayantrāṇi kaṣaṇaṃ chedanaṃ tathā // ### [1.15.12](https://indike.org/pramana/in.purana.narada.1.15.12) patanotpatanaṃ caiva gadādaṇḍādipīhanam / gajadantapraharaṇaṃ nānāsarpaiśca daṃśanam // ### [1.15.13](https://indike.org/pramana/in.purana.narada.1.15.13) śītāmbusecanaṃ caiva nāsāyāṃ ca mukhe tathā / ghorakṣārāmbupānaṃ ca tathā lavaṇabhakṣaṇam // ### [1.15.14](https://indike.org/pramana/in.purana.narada.1.15.14) strāyucchedaṃ snāyubandhamasthicchedaṃ tathaiva ca / kṣārāmbupūrṇarandhrāṇāṃ praveśaṃ māṃsabhojanam // ### [1.15.15](https://indike.org/pramana/in.purana.narada.1.15.15) pittapānaṃ mahāghoraṃ tathaivaḥśleṣmabhojanam / vṛkṣāgrātpātanañcaiva jalāntarmajjanaṃ tathā // ### [1.15.16](https://indike.org/pramana/in.purana.narada.1.15.16) pāṣāṇadhāraṇaṃ caiva śayanaṃ kaṇṭakopari / pipīlikādaṃśanaṃ ca vṛścikaiścāpi pīḍanam // ### [1.15.17](https://indike.org/pramana/in.purana.narada.1.15.17) vyāghrapīḍā śivāpīḍā tathā mahiṣamīḍanam / karddame śayanaṃ caiva durgandhaparipūraṇam // ### [1.15.18](https://indike.org/pramana/in.purana.narada.1.15.18) bahuśaścārdhaśayanaṃ mahātiktaniṣevaṇam / atyuṣṇatailapānaṃ ca mahākaṭuniṣevaṇam // ### [1.15.19](https://indike.org/pramana/in.purana.narada.1.15.19) kaṣāyodakapānaṃ ca tatpapāṣāṇatakṣaṇam / atyuṣṇaśītasnānaṃ ca tathā daśanaśīrṇanam // ### [1.15.20](https://indike.org/pramana/in.purana.narada.1.15.20) tatpāyaḥ śayanaṃ caiva hyayobhārasya bandhanam / evamādyāmahābhāga yātanāḥ koṭikoṭiśaḥ // ### [1.15.21](https://indike.org/pramana/in.purana.narada.1.15.21) api varṣasahasreṇa nāhaṃ nigadituṃ kṣamaḥ / eteṣu yasya yatprātpaṃ pāpinaḥ kṣitirakṣaka // ### [1.15.22](https://indike.org/pramana/in.purana.narada.1.15.22) tatsarvaṃ saṃprapakṣyāmi tanme nigadataḥ śṛṇu / brahmahā ca surāpī ca steyī ca gurutalpagaḥ // ### [1.15.23](https://indike.org/pramana/in.purana.narada.1.15.23) mahāpātakinastvete tatsaṃsargī ca pañcamaḥ / pantibhedīvṛthāpākī nityaṃ brahmaṇadūṣakaḥ // ### [1.15.24](https://indike.org/pramana/in.purana.narada.1.15.24) ādeśī vedavikretā pañcaite brahmadhātakāḥ / brahmaṇaṃ yaḥ samāhūya dāsyāmīti dhanādikam / eścānnāstīti yo bruyāttamāhurbrahmaghātinam // ### [1.15.25](https://indike.org/pramana/in.purana.narada.1.15.25) snānārthaṃ pūjanārthaṃ vā gacchato brāhmaṇasya yaḥ / samāyātyantarāyatvaṃ tamāhurbrahmadhātinam // ### [1.15.26](https://indike.org/pramana/in.purana.narada.1.15.26) pasnindāsu nirataścātmotkarṣarataśva yaḥ / asatyanirataśvacaiva brahmahā parikīrtitaḥ // ### [1.15.27](https://indike.org/pramana/in.purana.narada.1.15.27) adharmasyānumantā ca brahmahā parikīrtitaḥ / anyodvegarataścaiva anyeṣāṃ doṣasūvakaḥ // ### [1.15.28](https://indike.org/pramana/in.purana.narada.1.15.28) dambhācārarataśvaiva brahmahetyabhidhīyate / nityaṃ pratigraharatastathā prāṇivadhe rataḥ // ### [1.15.29](https://indike.org/pramana/in.purana.narada.1.15.29) adharmasyānumamantā ca brahmahā parikīrtitaḥ / brahmahatyā samaṃ pāpameva bahuvidhaṃ nṛpa // ### [1.15.30](https://indike.org/pramana/in.purana.narada.1.15.30) surāpānasamaṃ pāpaṃ pravakṣyāmi samāsataḥ / gaṇānnabhojanaṃ caiva gaṇikānāṃ niṣevaṇam // ### [1.15.31](https://indike.org/pramana/in.purana.narada.1.15.31) patitānnādanaṃ caiva surāpānasamaṃ smṛtam / upāsamāparityāgo devalānāṃ ca bhojanam // ### [1.15.32](https://indike.org/pramana/in.purana.narada.1.15.32) surāpayoṣitsaṃyogaḥ surāpānasamaḥ smṛtaḥ / yaḥ śūdreṇa samāhato bhojanaṃ kurute dvijaḥ // ### [1.15.33](https://indike.org/pramana/in.purana.narada.1.15.33) surāpī sa hi vijñeyaḥ sarvadharmabahiṣkṛtaḥ / yaḥ śūdreṇābhyanujñātaḥ preṣyakarma kariti ca // ### [1.15.34](https://indike.org/pramana/in.purana.narada.1.15.34) surāpāna samaṃ pāpaṃ labhate sa narādhamaḥ / evaṃ bahuvidhaṃ pāpaṃ surāpānasamaṃ smṛtam // ### [1.15.35](https://indike.org/pramana/in.purana.narada.1.15.35) hemasteyasamaṃ pāpaṃ pravakṣyāmi niśāmaya / kandamūlaphalānāṃ ca kastūrī paṭavāsasām // ### [1.15.36](https://indike.org/pramana/in.purana.narada.1.15.36) sadā steyaṃ ca ratnānāṃ svarṇasteyasamaṃ smṛtam / tāmrāyastrapukāṃsyānāmājyasya madhunastathā // ### [1.15.37](https://indike.org/pramana/in.purana.narada.1.15.37) steyaṃ sugandhadravyāṇṇāṃ svarṇasteyasamaṃ smṛtam / kramukasyāpiharaṇamambhasāṃ candanasya ca // ### [1.15.37.p1](https://indike.org/pramana/in.purana.narada.1.15.37.p1) parṇarasāpaharaṇaṃ svarṇasteyasamaṃ smṛtam / ### [1.15.38](https://indike.org/pramana/in.purana.narada.1.15.38) pitṛyajñaparityāgo dharmakāryavilopanam // ### [1.15.39](https://indike.org/pramana/in.purana.narada.1.15.39) yatīrnāṃ nindataṃ caiva svarṇasteyasamaṃ smṛtam / bhakṣyāṇāṃ cāpaharaṇaṃ dhānyānāṃ haraṇaṃ tathā // ### [1.15.40](https://indike.org/pramana/in.purana.narada.1.15.40) rudrākṣaharaṇaṃ caiva svarṇasteyasamaṃ smṛtam / bhāgīnīgamanaṃ caiva putrastrīgamanaṃ tathā // ### [1.15.41](https://indike.org/pramana/in.purana.narada.1.15.41) rajasvalādigamanaṃ gurutalpasamaṃ smṛtam / hīnajātyābhigamanaṃ madyapastrīniṣevaṇam // ### [1.15.42](https://indike.org/pramana/in.purana.narada.1.15.42) parastrīgamanaṃ caiva gurutalpasamaṃ smṛtam / bhrātṛstrīgamanaṃ caiva vayasyastrīniṣevaṇam // ### [1.15.42.p1](https://indike.org/pramana/in.purana.narada.1.15.42.p1) viśvastāgamanaṃ caiva gurutalpasamaṃ smṛtam / ### [1.15.43](https://indike.org/pramana/in.purana.narada.1.15.43) akāle karmakaraṇaṃ putrīgamana meva ca // ### [1.15.44](https://indike.org/pramana/in.purana.narada.1.15.44) dharmalopaḥ śāstranindā gurutalpasamaṃ smṛtam / ityevamādayo rājanmahāpātakasaṃjñitāḥ // ### [1.15.45](https://indike.org/pramana/in.purana.narada.1.15.45) eteṣvekatamenāpi saṅgakṛttatsamo bhavet / yathākathañcitpāpānāmeteṣāṃ paramarṣibhiḥ // ### [1.15.46](https://indike.org/pramana/in.purana.narada.1.15.46) śāntaistu niṣkṛtirdṛṣṭā prāyaścitādikalpanaiḥ / prāyaścittavihīnāni pāpāni śṛṇu bhūpate // ### [1.15.47](https://indike.org/pramana/in.purana.narada.1.15.47) samastapāpatulyāni mahānarakadāni ca / brahmahatyādipāpānāṃ kathañcinniṣkṛtirbhavet // ### [1.15.48](https://indike.org/pramana/in.purana.narada.1.15.48) brahmaṇaṃ dveṣṭi yastasya niṣkṛtirnāsti kutracit / viśvastaghātinaṃ caiva kṛtanghānāṃ nareśvara // ### [1.15.49](https://indike.org/pramana/in.purana.narada.1.15.49) śūdrastrīsaṅgināṃ caiva niṣkṛtirnāsti kutracit / śūdrānnapuṣṭadehānāṃ vedanindāratātmanām // ### [1.15.50](https://indike.org/pramana/in.purana.narada.1.15.50) satkathānindakānāñca nehāmutracaniṣkṛtiḥ // ### [1.15.50.p1](https://indike.org/pramana/in.purana.narada.1.15.50.p1) bauddhālayaṃ viśedyastu mahāpadyapi vaidvijaḥ / ### [1.15.51](https://indike.org/pramana/in.purana.narada.1.15.51) natasyaniṣkṛtirdṛṣṭāprāyaścitaśatairapi // ### [1.15.52](https://indike.org/pramana/in.purana.narada.1.15.52) bauddhāḥ pāṣaṃṇḍinaḥ proktā yato vedavinindakāḥ / tasmādvijastānnekṣeta yato dharmabahiṣkṛtāḥ // ### [1.15.53](https://indike.org/pramana/in.purana.narada.1.15.53) jñānato 'jñānato vāpi dvijo boddhālayaṃ viśet / jñātvā cenniṣkṛtirnāsti śāstrāṇāmiti niśvayaḥ // ### [1.15.54](https://indike.org/pramana/in.purana.narada.1.15.54) eteṣāṃ pāpabāhulyānnarakaṃ koṭikalpakam / prāyaścittavihīnāni proktānyanyāni ca prabho // ### [1.15.55](https://indike.org/pramana/in.purana.narada.1.15.55) pāpāni teṣāṃ narakāngadato me niśāmaya // ### [1.15.56](https://indike.org/pramana/in.purana.narada.1.15.56) mahāpātakinasteṣu pratyekaṃ yugavāsinaḥ / tadante pṛthivīmetya satpajanmasu gardabhāḥ // ### [1.15.57](https://indike.org/pramana/in.purana.narada.1.15.57) tataḥ śvāno viddhadehā bhaveyurdaśajanmasu / āśatābdaṃ viṭkṛmayaḥ sarpā dvādaśajanmasu // ### [1.15.58](https://indike.org/pramana/in.purana.narada.1.15.58) tataḥ sahasrajanmāni mṛgādyāḥ paśavo nṛpa / śatābdaṃ sthāvarāścaiva tato godhāśarīriṇaḥ // ### [1.15.59](https://indike.org/pramana/in.purana.narada.1.15.59) tatastu satpajanmāni caṇḍālāḥ pāpakāriṇaḥ / tataḥ ṣoḍaśa janmāni śūdrādyā hīnajātayaḥ // ### [1.15.60](https://indike.org/pramana/in.purana.narada.1.15.60) tatastu janmadvitaye daridrāvyādhipīḍitāḥ / pratigrahaparā nityaṃ tato nirayagāḥ punaḥ // ### [1.15.61](https://indike.org/pramana/in.purana.narada.1.15.61) asūyāviṣṭamanaso raurave narake smṛtam / tatra kalpadvayaṃ sthitvā cāṇḍālāḥ śatajanmasu // ### [1.15.62](https://indike.org/pramana/in.purana.narada.1.15.62) mā dadasveti yo brūyādgavāngibrāhmaṇeṣu ca / śunāṃ yoniśataṃ gatvā cāṇḍāleṣūpajāyate // ### [1.15.63](https://indike.org/pramana/in.purana.narada.1.15.63) tato viṣṭhākṛtimiścaiva tato vyāghrastrijanmasu / tadante narakaṃ yāti yugānāmekaviṃśatim // ### [1.15.64](https://indike.org/pramana/in.purana.narada.1.15.64) paranindāparā ye ca ye ca niṣṭhurabhāṣiṇaḥ / dānānāṃ vinghakarttārasteṣāṃ pāpaphalaṃ śṛṇu // ### [1.15.65](https://indike.org/pramana/in.purana.narada.1.15.65) muśalolū khalābhyāṃ tu cūrṇyante taskarā bhṛśam / tadante tatpapāṣāṇagrahaṇaṃ vatsaratraghayam // ### [1.15.66](https://indike.org/pramana/in.purana.narada.1.15.66) tataśca kālasūtreṇa bhidyante satpa vatsarān / śocantaḥ svṛnikarmāṇi paradravyāpahārakāḥ // ### [1.15.67](https://indike.org/pramana/in.purana.narada.1.15.67) karmaṇā tatra pacyante narakāngiṣu santatam // ### [1.15.68](https://indike.org/pramana/in.purana.narada.1.15.68) parasvasūcakānāṃ ca narakaṃ śṛṇu dāruṇam / yāvadyugasahasraṃ tu tatpāyaḥ piṇḍabhakṣaṇam // ### [1.15.69](https://indike.org/pramana/in.purana.narada.1.15.69) saṃpīḍyate ca rasanā saṃdaṃśairbhṛśadāruṇaiḥ / nirucchvāsaṃ mahāghore kalpārddhaṃ nivasanti te // ### [1.15.70](https://indike.org/pramana/in.purana.narada.1.15.70) parastrīlolupānāṃ ca narakaṃ kathayāmi te / tatpatāmrastriyastena surupābharaṇairyutāḥ // ### [1.15.71](https://indike.org/pramana/in.purana.narada.1.15.71) yādṛśīstādṛśīstāśca ramante prasabhaṃ bahu / vidvavantaṃ bhayenāsāṃ gṛhṇanti prasabhaṃ ca tam // ### [1.15.72](https://indike.org/pramana/in.purana.narada.1.15.72) kathayantaśca tatkarma nayante narakānkramāt / anyaṃ bhajante bhūpāla patiṃ tyaktvā ca yāḥ striyaḥ // ### [1.15.73](https://indike.org/pramana/in.purana.narada.1.15.73) tatpāyaḥpuruśāstāstu tatpāyaḥśayanebalāt / pātayitvā ramante ca bahukālaṃ balānvitāḥ // ### [1.15.74](https://indike.org/pramana/in.purana.narada.1.15.74) tatastairyoṣito muktā hutāśanasamojjvalam / a yaḥ stambhaṃ samāśsiṣya tiṣṭhantyabdasahasrakam // ### [1.15.75](https://indike.org/pramana/in.purana.narada.1.15.75) tataḥ kṣārodakasnānaṃ kṣārodakaniṣevaṇam / tadante narakān sarvān bhuñjate 'bdaśataṃ śatam // ### [1.15.76](https://indike.org/pramana/in.purana.narada.1.15.76) yo hanti brāhmaṇaṃ gāṃ ca kṣatriyaṃ ca nṛpottamam / sa cāpi yātanāḥ sarvā bhuṅkte kalpeṣu pañcasu // ### [1.15.77](https://indike.org/pramana/in.purana.narada.1.15.77) yaḥ śṛṇoti mahannindāṃ sādaraṃ tatphalaṃ śṛṇu / teṣāṃ karṇeṣu dāpyante tatpāyaḥ kīlasaṃcayāḥ // ### [1.15.78](https://indike.org/pramana/in.purana.narada.1.15.78) tataśca teṣu chidreṣu tailamatyuṣṇamulbaṇam / pūryate ca tataścāpiṃ kumbhīpākaṃ prapadyate // ### [1.15.79](https://indike.org/pramana/in.purana.narada.1.15.79) nāstikānāṃ pravakṣyāmi vimukhānāṃ hare harau / abdānāṃ koṭiparyantaṃ lavaṇaṃ bhuñjate hi te // ### [1.15.80](https://indike.org/pramana/in.purana.narada.1.15.80) tataśca kalpaparyantaṃ raurave tatpasaikate / bhajyante pāpakarmaṇo 'nyepyevaṃ narādhipa // ### [1.15.81](https://indike.org/pramana/in.purana.narada.1.15.81) brāhmaṇanye nirīkṣante kopadṛṣṭyā narādhamāḥ / tatpasūcīsahasreṇa cakṣusteṣāṃ prasūryate // ### [1.15.82](https://indike.org/pramana/in.purana.narada.1.15.82) tataḥ kṣārāmbudhārābhiḥ secyante nṛpasattama / tataśca krakarcerghorairbhidyante pāpakarṃmaṇaḥ // ### [1.15.83](https://indike.org/pramana/in.purana.narada.1.15.83) viśvāsaghātināṃ caiva maryādābhedināṃ tathā / parānnalollupānāṃ ca narakaṃ śṛṇu dāruṇam // ### [1.15.84](https://indike.org/pramana/in.purana.narada.1.15.84) svamāṃsabhojino nityaṃ bhakṣamāṇāḥ śvabhistu te / narakeṣu samasteṣu pratyekaṃ hyabdavāsinaḥ // ### [1.15.85](https://indike.org/pramana/in.purana.narada.1.15.85) pratigraharatā ye ca ye vai nakṣatrapāṭhakāḥ / ye ca devalakānnānāṃ bhojinastāñśṛṇuṣva me // ### [1.15.86](https://indike.org/pramana/in.purana.narada.1.15.86) rājannākalpaparyantaṃ yātanāsvāsu duḥkhitāḥ / pacyante satataṃ pāpāviṣṭā bhogaratāḥ sadā // ### [1.15.87](https://indike.org/pramana/in.purana.narada.1.15.87) tatastailena pūryante kālasūtraprapīḍitāḥ / tataḥ kṣārodakasnānaṃ mūtraviṣṭāniṣevaṇam // ### [1.15.88](https://indike.org/pramana/in.purana.narada.1.15.88) tadante bhuvamāsādya bhavanti mlecchajātayaḥ / anyodvegaratā ye tu yānti vaitaraṇīṃ nadīm // ### [1.15.89](https://indike.org/pramana/in.purana.narada.1.15.89) tyaktapañcamahāyajñā lālābhakṣaṃ vrajanti hi / upāsanāparityāgī rauravaṃ narakaṃ vrajet // ### [1.15.90](https://indike.org/pramana/in.purana.narada.1.15.90) vipragrāmakarādānaṃ kurvatāṃ śṛṇu bhūpate / yātanāsvāsu pacyante vāvadācandratārakam // ### [1.15.91](https://indike.org/pramana/in.purana.narada.1.15.91) grāmeṣu bhūpālavaro yaḥ kuryādadhikaṃ karam / sa sahasrakulo bhuṅktenarakaṃ kalpapañcasu // ### [1.15.92](https://indike.org/pramana/in.purana.narada.1.15.92) vipragrāmakarādāne yo 'numantātu pāpakṛt / sa eva kṛtavān rājanbrahmahatyāsahasrakam // ### [1.15.93](https://indike.org/pramana/in.purana.narada.1.15.93) kālasūtre mahāghore sa vaseddicaturyugam / ayonau ca viyonau ca paśuyonau ca yo naraḥ // ### [1.15.94](https://indike.org/pramana/in.purana.narada.1.15.94) tyajedreto mahāpāpī saretobhojanaṃ labhet / vasākūpaṃ tataḥ prāpya sthitvā divyābdasatpakam // ### [1.15.95](https://indike.org/pramana/in.purana.narada.1.15.95) retobhojī bhavenmartyaḥ sarvalokeṣu ninditaḥ / upavāsadine rājandantadhāvanakṛnnaraḥ // ### [1.15.96](https://indike.org/pramana/in.purana.narada.1.15.96) sa ghoraṃ narakaṃ yātivyāghrapakṣaṃ caturyugam / yaḥ svakarmaparityāgī pāṣaṇḍītyucyate budhaiḥ // ### [1.15.97](https://indike.org/pramana/in.purana.narada.1.15.97) tatsaṃgakṛtamoghaḥ syāttāvubhāvatipāpinau / kalpakoṭisahasreṣu prānputo narakānkramāt // ### [1.15.98](https://indike.org/pramana/in.purana.narada.1.15.98) devadravyāpaharttāro gurudravyāpahārakāḥ / brahmahatyāvratasamaṃ duṣkṛtaṃ bhuñjate nṛpa // ### [1.15.99](https://indike.org/pramana/in.purana.narada.1.15.99) anāthadhanaharttāro hyanāthaṃ ye dviṣanti ca / kalpakoṭisahasrāṇi narake te vasanti ca // ### [1.15.100](https://indike.org/pramana/in.purana.narada.1.15.100) strīśūdrāṇāṃ samīpe tu ye vedādhyayane ratāḥ / teṣāṃ pāpaphalaṃ vakṣye śṛṇuṣva susamāhitaḥ // ### [1.15.101](https://indike.org/pramana/in.purana.narada.1.15.101) adhaḥśīrṣordhvapādāśca kīlitāḥ stambhaghakadvaye / dhrūmrapānaratā nityaṃ tiṣṭhantyābrahmavatsaram // ### [1.15.102](https://indike.org/pramana/in.purana.narada.1.15.102) jale devālaye vāpi yastyajeddehajaṃ malam / bhrūṇahatyāsamaṃ pāpaṃ saṃprānpotyatidāruṇam // ### [1.15.103](https://indike.org/pramana/in.purana.narada.1.15.103) dantāsthikeśanakharānye tyajyantyamarālaye / jale vā bhuktaśeṣaṃ ca teṣāṃ pāpaphalaṃ śṛṇu // ### [1.15.104](https://indike.org/pramana/in.purana.narada.1.15.104) prāsaprotā halairbhinnā ārttarāvavirāviṇaḥ / atyuṣṇatailapāke 'titapyante bhṛśadāruṇe // ### [1.15.105](https://indike.org/pramana/in.purana.narada.1.15.105) kurvanti duḥkhasaṃtatpāstato 'nyeṣu vrajanti ca / brahmasaṃharate yastu gandhakāṣṭaṃ tathaiva ca // ### [1.15.106](https://indike.org/pramana/in.purana.narada.1.15.106) sa yāti narakaṃ ghoraṃ yāvadācandratārakam / brahmasvaharaṇaṃ rājannihāmātra ca duḥkhadam // ### [1.15.106.p1](https://indike.org/pramana/in.purana.narada.1.15.106.p1) ihasaṃpadvināśāyaparatranarakāya ca / ### [1.15.107](https://indike.org/pramana/in.purana.narada.1.15.107) kūṭasākṣyaṃvadedyastu tasya pāpaphalaṃśṛṇu // ### [1.15.108](https://indike.org/pramana/in.purana.narada.1.15.108) sa yāti yātanāḥ sarvā yāvadindrāścaturdaśa / ihaputrāśca vinaśyanti paraghatra ca // ### [1.15.109](https://indike.org/pramana/in.purana.narada.1.15.109) rauravaṃ narakaṃ bhuṅkte tato 'nyānapi ca kramāt / ye cātikāmino martyā ye ca mithyāpravādinaḥ // ### [1.15.110](https://indike.org/pramana/in.purana.narada.1.15.110) teṣāṃ sukhe jalaukā stu pūryyante pannagopamāḥ / evaṃ ṣaṣṭisahasrābde tataḥ kṣārāmbagusecanam // ### [1.15.111](https://indike.org/pramana/in.purana.narada.1.15.111) ye vṛthāmāṃsaniratatāste yānti kṣārakardamam / tato gajairnipātatyante marutprapatanaṃ yathā // ### [1.15.112](https://indike.org/pramana/in.purana.narada.1.15.112) tadante bhavamāsādya hīnāṅgāḥ prabhavanti ca / yastvṛtau nābhigaccheta svastriṃya manujeśvara // ### [1.15.113](https://indike.org/pramana/in.purana.narada.1.15.113) sa yāti rauravaṃ ghoraṃ brahmahakatyāṃ ca vindati / anyācārarataṃ dṛṣṭvā yaḥ śakto na nivārayet // ### [1.15.114](https://indike.org/pramana/in.purana.narada.1.15.114) tatpāpaṃ samavānpoti narakaṃ tāvubhāvapi / pāpināṃ pāpagaṇanāṃ kṛtvānyebhyo diśanti vindati // ### [1.15.115](https://indike.org/pramana/in.purana.narada.1.15.115) astitve tulyapāpāste mithyātve dviguṇā nṛpa / apāpe pātakaṃ yastu samaropya vinindati // ### [1.15.116](https://indike.org/pramana/in.purana.narada.1.15.116) sa yāti narakaṃ ghoraṃ yāvañcardrārkatārakam / pāpināṃ nindyamānānāṃ pāpārddhaṃ kṣayameti ca // ### [1.15.117](https://indike.org/pramana/in.purana.narada.1.15.117) yastu vratāni saṃgṛhya asamāpya parityajyet / so 'sipatre 'nubhūyārtiṃ hīnāṅgojāyate bhuvi // ### [1.15.118](https://indike.org/pramana/in.purana.narada.1.15.118) anyaiḥ saṃgṛhyamāṇānāṃvratānāṃ vinghakṛnnaraḥ / atīva duḥkhadaṃraudraṃ sa yāti śloṣmabhojanam // ### [1.15.119](https://indike.org/pramana/in.purana.narada.1.15.119) nyāye ca dharmaśikṣāyāṃ pakṣapātaṃ karoti yaḥ / na tasya niṣkṛtirbhūyaḥ prāyaścittāyutairapi // ### [1.15.120](https://indike.org/pramana/in.purana.narada.1.15.120) abhojyabhojī saṃprāpyaṃ viṅbhojyaṃ tu samāyutam / tataścaṇḍālayonau tu gomāṃsāśī sadā bhavet // ### [1.15.121](https://indike.org/pramana/in.purana.narada.1.15.121) avamānya dvijānvāgbhirbrahmahatyāṃ ca vindati / sarvāścayātanā bhuktvā cāṇḍālo daśajanmasu // ### [1.15.122](https://indike.org/pramana/in.purana.narada.1.15.122) vigrāya dīyamāne tu yastu vinghaṃ samācaret / brahmahatyāsamaṃ tena karttavyaṃ vratameva ca // ### [1.15.123](https://indike.org/pramana/in.purana.narada.1.15.123) apahṛtya paḥsyārthaṃ yaḥ parebhyaḥ prayacchati / apaharttā tu nirayī yasyārthastasya tatphalam // ### [1.15.124](https://indike.org/pramana/in.purana.narada.1.15.124) pratiśrutyāpradānena lālābhakṣaṃ vrajennaraḥ / yatinindāparo rājan śilānamātre prayāti hi // ### [1.15.125](https://indike.org/pramana/in.purana.narada.1.15.125) ārāmacchedino yānti yugānāmekaviṃśatim / śvabhojanaṃ tataḥ sarvā bhuñjate yātanāḥ kramāt // ### [1.15.126](https://indike.org/pramana/in.purana.narada.1.15.126) devatāgṛhabhettārastaḍāgānāṃ ca bhūpate / puṣpārāmabhidaścaiva yāṃ gatiṃ yānti tacchṛṇu // ### [1.15.127](https://indike.org/pramana/in.purana.narada.1.15.127) yātanāsvāsu sarvāsu pacyante vai pṛthak pṛthak / tataśca viṣṭākṛmayaḥ kalpānāmekaviṃśatim // ### [1.15.128](https://indike.org/pramana/in.purana.narada.1.15.128) tataścāṇḍālayonau tu śatajanmāni bhūpate / grāmavidhvaṃ sakānāṃ tu dāhakānāṃ ca lumpatām // ### [1.15.129](https://indike.org/pramana/in.purana.narada.1.15.129) mahatpāpaṃ tadādeṣṭuṃ na kṣamo 'haṃ nijāyuṣā / ucchiṣṭabhojino ye ca mitradrohaparāśva ye // ### [1.15.130](https://indike.org/pramana/in.purana.narada.1.15.130) eteṣāṃ yātanāstīvrā bhavantyācandratārakam / ucchinnapitṝdevejyā vendamārgabahiḥsthitāḥ // ### [1.15.131](https://indike.org/pramana/in.purana.narada.1.15.131) pāpānāṃ yātānānāṃ ca dharmāṇāṃ cāpi bhūpate / evaṃ bahuvidhā bhūpa yātanāḥ pāpakāriṇaṇām // ### [1.15.132](https://indike.org/pramana/in.purana.narada.1.15.132) teṣāṃ tāsāṃ ca saṃkhyānaṃ karttuṃ nāsamahaṃ prabho / pāpānāṃ yātanānāṃ ca dharmāṇāṃ cāpi bhūpate // ### [1.15.133](https://indike.org/pramana/in.purana.narada.1.15.133) saṃkhyāṃ nigadituṃ loke kaḥ kṣamo viṣṇunā vinā / eteṣāṃ sarvapāpānāṃ dharmaśāstravidhānataḥ // ### [1.15.134](https://indike.org/pramana/in.purana.narada.1.15.134) prāyaścitteṣu cīrṇeṣu pāparāśiḥ praṇaśyati / prāyaścittāni kāryāṇi samīpe kamalāpateḥ // ### [1.15.135](https://indike.org/pramana/in.purana.narada.1.15.135) nyūnātiriktakṛtyānāṃ saṃpūrtikaraṇāya ca / gaṅgā catulasī caiva satsaṅgo harikīrttanam // ### [1.15.136](https://indike.org/pramana/in.purana.narada.1.15.136) anasūyā hyahiṃsā ca sarvepyete hi pāpahāḥ / viṣṇvarpitāni karmāṇi saphalāni bhavanti hi // ### [1.15.137](https://indike.org/pramana/in.purana.narada.1.15.137) anarppitāni karmāṇi bhasmavinyastadravyavat / nityaṃ naimittikaṃ kāmyaṃ yaccānyanmokṣamādhanam // ### [1.15.138](https://indike.org/pramana/in.purana.narada.1.15.138) viṣṇau samārpitaṃ sarvaṃ sāttvikaṃ saphalaṃ bhavet / haribhaktiḥ parā nṛṇāṃ sarvaṃ pāpaprāṇāśinī // ### [1.15.139](https://indike.org/pramana/in.purana.narada.1.15.139) sā bhaktidraśadhā jñeyā pāpāraṇyadavopamā / tāmasai rājasaiśvaiva sāttvikaiśca nṛpottama // ### [1.15.140](https://indike.org/pramana/in.purana.narada.1.15.140) yaccānyasya vināśārthaṃ bhajanaṃ śrīpaternṛpa / sā tāmasyadhamā bhaktiḥ khalabhāvadharā yataḥ // ### [1.15.141](https://indike.org/pramana/in.purana.narada.1.15.141) yor'cayetkaitavadhiyā svairiṇī svapatiṃ yathā / nārāyaṇaṃ jagannāthaṃ tāmasī madhyamā tu sā // ### [1.15.142](https://indike.org/pramana/in.purana.narada.1.15.142) devāpūjāparāndṛṣṭvā mātsaryādyor'cayeddhīram / sā bhaktiḥ pṛthivīpāla tāmasī cottamā smṛtā // ### [1.15.143](https://indike.org/pramana/in.purana.narada.1.15.143) dhanadhānyādikaṃ yastu prārthayannarcayedvarim / śraddhayā parayā yuktaḥ sā rājasyadhamā smṛtā // ### [1.15.144](https://indike.org/pramana/in.purana.narada.1.15.144) yaḥ sarvalokavikhyātakīrtimuddiśya mādhavam / arcayetparayā bhaktyā sā madhyā rājasī matā // ### [1.15.145](https://indike.org/pramana/in.purana.narada.1.15.145) sālokyādi padaṃ yastu samuddiśyārcayeddharim / sā rājasyuttamā bhaktiḥ kīrtitā pṛthivīpate // ### [1.15.146](https://indike.org/pramana/in.purana.narada.1.15.146) yastu svakṛtapāpānāṃ kṣayārthaṃ prārcayedvarim / śraddhayā parayopetaḥ sā sāttvikyadhamā smṛtā // ### [1.15.147](https://indike.org/pramana/in.purana.narada.1.15.147) hareridaṃ priyamiti śuśrūṣāṃ kurute tu yaḥ / śraddhayā saṃyuto bhūyaḥ sāttvikī madhyamā tu sā // ### [1.15.148](https://indike.org/pramana/in.purana.narada.1.15.148) vidhibuddhyārcayedyastu dāsavacchrīpatiṃ nṛpa / bhaktīnāṃ pravarā sā tu uttamā sāttvikī smṛtā // ### [1.15.149](https://indike.org/pramana/in.purana.narada.1.15.149) mahīmānaṃ hareryastu kiñcitkṛtvā priyo naraḥ / tanmayatvena saṃtuṣṭaḥ sā bhaktiruttamottamā // ### [1.15.150](https://indike.org/pramana/in.purana.narada.1.15.150) ahameva paro viṣṇurmayisarvamidaṃ jagat / iti yaḥ satataṃ paśyettaṃ vidyāduttamottamam // ### [1.15.151](https://indike.org/pramana/in.purana.narada.1.15.151) evaṃ daśavidhā bhaktiḥ saṃsāracchedakāriṇī / tatrāpi sāttvikī bhaktiḥ sarvakāmaphala pradā // ### [1.15.152](https://indike.org/pramana/in.purana.narada.1.15.152) tasmācchṛṇuṣva bhūpāla saṃsāravijigīṣathuṇā / svakarmaṇo virodhena bhaktiḥ kāryā janārdane // ### [1.15.153](https://indike.org/pramana/in.purana.narada.1.15.153) yaḥ svadharmaṃ parityajya bhaktimātreṇa jīvati / na tasya tuṣyate viṣṇurācāreṇaiva tuṣyate // ### [1.15.154](https://indike.org/pramana/in.purana.narada.1.15.154) sarvāgamānāmācāraḥ prathamaṃ parikalpate / ācāraprabhavo dharmo dharmasya prabhuracyutaḥ // ### [1.15.155](https://indike.org/pramana/in.purana.narada.1.15.155) tasmātkāryā harerbhaktiḥ svardhamasyāvirodhinī / sadācāravihīnānāṃ dharmā apyasukhapradāḥ // ### [1.15.156](https://indike.org/pramana/in.purana.narada.1.15.156) svadharmahīnā bhaktiśvāpyakṛtaiva prakīrtitā / yattu pṛṣṭaṃ tvayā bhūyastatsarvaṃ gaditaṃ mayā // ### [1.15.157](https://indike.org/pramana/in.purana.narada.1.15.157) tasmāddharmaparo bhūtvā pūjayasva janārdanam / nārāyaṇamaṇīyāṃsaṃ sukhameṣyasi śāśvakatam // ### [1.15.158](https://indike.org/pramana/in.purana.narada.1.15.158) śiva eva hariḥ sākṣāddharireva śivaḥ svayam / dvayorantaradṛgyāti narakārankoṭiśaḥ khalaḥ // ### [1.15.159](https://indike.org/pramana/in.purana.narada.1.15.159) tasmādviṣṇuṃ śivaṃ vāpi samaṃ buddhā samarcaya / bhedakṛdduḥkhamāpnoti iha loke paratragha ca // ### [1.15.150\_2](https://indike.org/pramana/in.purana.narada.1.15.150_2) yadarthamahamāyātastvatsamīpaṃ janādhipa / tatte vakṣyāmi sumate sāvadhānaṃ niśāmaya // ### [1.15.161](https://indike.org/pramana/in.purana.narada.1.15.161) ātmaghātakapāpmāno dagdhāḥ kapilakopataḥ / vasanti narake te tu rājaṃstava pitāmahāḥ // ### [1.15.162](https://indike.org/pramana/in.purana.narada.1.15.162) tānuddhara mahābhāga gaṅgānayanakarmaṇā / gaṅgā sarvāṇi pāpāni nāśayatyeva bhūpate // ### [1.15.163](https://indike.org/pramana/in.purana.narada.1.15.163) keśāsthinakhadandāśca bhasmāpira nṛpasattama / nayati viṣṇusadanaṃ spṛṣṭā gāṅgenara vāriṇā // ### [1.15.164](https://indike.org/pramana/in.purana.narada.1.15.164) yasyāsthi bhasma vā rājan gaṅgāyāṃ kṣipyate naraiḥ / sa sarvapāpanirmuktaḥ prayāti bhavanaṃ hareḥ // ### [1.15.165](https://indike.org/pramana/in.purana.narada.1.15.165) yāni kāni ca pāpāni proktāni tava bhūpate / tāni karmāṇira naśyanti gaṅgābindvabhiṣecanāt // ### [1.15.166](https://indike.org/pramana/in.purana.narada.1.15.166) sanaka uvāca ityuktvā muniśārdūla mahārājaṃ bhagīratham / dharmātmānaṃ dharmarājaḥ sadyaśvāntardadhetadā // ### [1.15.167](https://indike.org/pramana/in.purana.narada.1.15.167) sa tu rājā mahāprājñaḥ sarvaśāstrārthapāragāḥ / nikṣipya pṛthivīṃ sarvāṃ saciveṣu yayau vanam // ### [1.15.168](https://indike.org/pramana/in.purana.narada.1.15.168) tuhinādrau tato gatvā naranārāyaṇāśramāt / paścime tuhinākrānte śṛṅgeṣoḍaśayojane // ### [1.15.169](https://indike.org/pramana/in.purana.narada.1.15.169) tapastaptvānayāmāsa gaṅgāṃ trailokyapāvanīm // ### [1.15.169.p1](https://indike.org/pramana/in.purana.narada.1.15.169.p1) iti śrībṛhannāradīyapurāṇe pūrvabhāge prathamapāde dharmākhyāne dharmarājopadeśena bhagīrathasya gaṅgānayanodyamavarṇanaṃ nāma pañcadaśo 'dhyāyaḥ ## Linked texts (4) - [Skandamahāpurāṇa (vulgate)](https://indike.org/pramana/in.purana.skanda*vulgate.3.1.1.85) — Sanskrit - [Kulavṛtti](https://indike.org/pramana/in.sampradaya.general.sakta.kulavrtti.1.993) — Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.15.2) — Sanskrit - [Ācārabhūṣaṇa](https://indike.org/pramana/in.niti.dharma.acara.acarabhusana.23.1.2) — Tryambaka rāma oka 1794, Sanskrit --- Source: [https://indike.org/pramana/in.purana.narada.1.15](https://indike.org/pramana/in.purana.narada.1.15) · Pramāṇa