[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.16 # Naradapurana 1.16 Nāradapurāṇa 1.16 - **Language:** Sanskrit ## Contents - [1.16.116](https://indike.org/pramana/in.purana.narada.1.16.116) — 1 part ### [1.16.1](https://indike.org/pramana/in.purana.narada.1.16.1) nārada uvāca himavadgirimāsādya kiṃ cakāra mahīpatiḥ / kathamānītavāngaṅgāmetanme vaktumarhasi // ### [1.16.2](https://indike.org/pramana/in.purana.narada.1.16.2) sanaka uvāca bhagīratho mahārājo jaṭācīradharo mune / gacchanhimādriṃ tapase prāpto godāvarī taṭam // ### [1.16.3](https://indike.org/pramana/in.purana.narada.1.16.3) tatrāpaśyanmahāraṇye bhṛgorāśramamuttamam / kṛṣṇasārasamākīrṇaṃ mātaṅgagaṇasevitam // ### [1.16.4](https://indike.org/pramana/in.purana.narada.1.16.4) bhramadbhūmarasaṃghuṣṭaṃ kūjadvihagasaṃkulam / vrajadvarāhanikaraṃ camarīpucchavīcitam // ### [1.16.5](https://indike.org/pramana/in.purana.narada.1.16.5) nṛtyanmayūranikaraṃ sāraṅgādiniṣevitam / pravarddhitamahāvṛkṣaṃ munikanyābhirādarāt // ### [1.16.6](https://indike.org/pramana/in.purana.narada.1.16.6) śālatālatamālāḍhyaṃ nūnahintālamaṇḍitam / mālatīyūthikākundacampakāśaavatthabhūṣitam // ### [1.16.7](https://indike.org/pramana/in.purana.narada.1.16.7) utpullakusumopeta mṛṣisaṅghaniṣevitam / vedaśāstramahāghoṣamāśramaṃ prāviśadbhugoḥ // ### [1.16.8](https://indike.org/pramana/in.purana.narada.1.16.8) gṛṇantaṃ parama brahma vṛttaṃ śiṣyagaṇairmunim / tejasā sūryasadṛśaṃ bhṛguṃ tatra dadarśa saḥ // ### [1.16.9](https://indike.org/pramana/in.purana.narada.1.16.9) praṇanāmātha viprendraṃ pādasaṃgrahaṇādinā / ātithyaṃ bhṛgurapyasya cakre sanmānapūrvakam // ### [1.16.10](https://indike.org/pramana/in.purana.narada.1.16.10) kṛtātithyakriyo rājā bhṛguṇā paramarṣiṇā / uvāca prāñjalirbhūtvā vinayānmunipuṅgavam // ### [1.16.11](https://indike.org/pramana/in.purana.narada.1.16.11) bhagīratha uvāca bhagavansarvadharmajña sarvaśāstraviśārada / pṛcchāmi bhavabhīto 'haṃ nṛṇāmuddhārakāraṇam // ### [1.16.12](https://indike.org/pramana/in.purana.narada.1.16.12) bhagavāṃstuṣyate yena karmaṇā munisattama / tanmamākhyāhi sarvajña anugrāhyo 'smi te yati // ### [1.16.13](https://indike.org/pramana/in.purana.narada.1.16.13) bhṛguruvāca rājaṃstavepsitaṃ jñātaṃ tvaṃ hi puṇyavatāṃ varaḥ / anyathā svakulaṃ sarvaṃ kathamuddharttumarhasi // ### [1.16.14](https://indike.org/pramana/in.purana.narada.1.16.14) yo vā ko vāpi bhūpāla svakulaṃ śubhakarmaṇā / uddharttakāmastaṃ vidyānnararupadharaṃ harim // ### [1.16.15](https://indike.org/pramana/in.purana.narada.1.16.15) karmaṇā yena deveśo nṛṇāmiṣṭaphalapradaḥ / tatpravakṣyāmi rājendra śṛṇuṣva susamāhitaḥ // ### [1.16.16](https://indike.org/pramana/in.purana.narada.1.16.16) bhava satyaparo rājanna hiṃsāniratastathā / sarvabhūtahito nityaṃ mānṛtaṃ vada vai kvacit // ### [1.16.17](https://indike.org/pramana/in.purana.narada.1.16.17) tyaja durjanasaṃsargaṃ bhaja sādhusamāgamam / kuru puṇyamahorātraṃ smara viṣṇuṃ sanātanam // ### [1.16.18](https://indike.org/pramana/in.purana.narada.1.16.18) kuru pūjāṃ mahāviṣṇoryāhi śānti manuttamām / dvādaśāṣṭākṣaraṃ mantraṃ jaya śreyo bhaviṣyati // ### [1.16.19](https://indike.org/pramana/in.purana.narada.1.16.19) bhagīrathā uvāca satyaṃ tu kīdṛśaṃ proktaṃ sarvabhūtahitaṃ mune / anṛtaṃ kīdṛśaṃ proktaṃ durjanāścāpi kīdṛśāḥ // ### [1.16.20](https://indike.org/pramana/in.purana.narada.1.16.20) sādhavaḥ kīdṛśāḥ proktāstathā puṇyaṃ ca kīdṛśam / smartavyaśca kathaṃ viṣṇustasya pūjā ca kīdṛśī // ### [1.16.21](https://indike.org/pramana/in.purana.narada.1.16.21) śāntiśca kīdṛśī proktā ko mantro 'ṣṭākṣaro mune / ko vā dvādaśavarṇaśca mune tattvārthakovida // ### [1.16.22](https://indike.org/pramana/in.purana.narada.1.16.22) kṛpāṃ kṛtvā mayi parāṃ sarvaṃ vyākhyātamarhasi / bhṛguruvāca sādhu sādhumahāprājña tava buddhiranuttamā // ### [1.16.23](https://indike.org/pramana/in.purana.narada.1.16.23) yatpṛṣṭo 'haṃ tvayā bhūpa tatsarvaṃ pravadāmi te / yathārthakathanaṃ yattatsatyamāhurvipaścitaḥ // ### [1.16.24](https://indike.org/pramana/in.purana.narada.1.16.24) dharmāvirodhato vācyaṃ taddhi dharmaparāyaṇaiḥ / deśakālādi vijñāya svayamasyāvirodhataḥ // ### [1.16.25](https://indike.org/pramana/in.purana.narada.1.16.25) yadvacaḥ procyate sadbhistastatyamabhidhīyate / sarveṣāmeva jantūnāmakleṣajananaṃ hi tat // ### [1.16.26](https://indike.org/pramana/in.purana.narada.1.16.26) ahiṃsā sā nṛpa proktā sarvakāmapradāyinī / karmakāryasahāyatvamakāryaparipanthitā // ### [1.16.27](https://indike.org/pramana/in.purana.narada.1.16.27) sarvalokahitatvaṃ vai procyate dharmakovidaiḥ / icchānuvṛttakathanaṃ dharmādharmavivekinaḥ // ### [1.16.28](https://indike.org/pramana/in.purana.narada.1.16.28) anṛtaṃ taddhi vijñeya sarvaśreyovirodhi tat / ye loke dveṣiṇo mūrkhāḥ kumārgaratabuddhayaḥ // ### [1.16.29](https://indike.org/pramana/in.purana.narada.1.16.29) te rājandurjjanā jñeyāḥ sarvadharmabahiṣkṛtāḥ / dharmādharmavivekena vedamārgānusāriṇaḥ // ### [1.16.30](https://indike.org/pramana/in.purana.narada.1.16.30) sarvalokahitāsaktāḥ sādhavaḥ parikīrttitāḥ / hari bhaktikaraṃ yattatsadbhiśca parirañcitam // ### [1.16.31](https://indike.org/pramana/in.purana.narada.1.16.31) ātmanaḥ prītijanakaṃ tatpuṇyaṃ parikīrttitam / sarvaṃ jagadidaṃ viṣṇurvaṣṇuḥ sarvasya kāraṇam // ### [1.16.32](https://indike.org/pramana/in.purana.narada.1.16.32) ahaṃ ca viṣṇuryajjñānaṃ tadviṣṇusma raṇaṃ viduḥ / sarvadevamayo viṣṇurvidhinā pūjayāmi tam // ### [1.16.33](https://indike.org/pramana/in.purana.narada.1.16.33) iti yā bhavati śraddhā sā tadbhaktiḥ prakīrtitāḥ / sarvabhūtamayo viṣṇuḥ paripūrṇaḥ sanātanaḥ // ### [1.16.34](https://indike.org/pramana/in.purana.narada.1.16.34) ityabhedena yā buddhiḥ samatā sā prakīrttitā / samatā śatrumitreṣu vaśitvaṃ ca tathā nṛpa // ### [1.16.35](https://indike.org/pramana/in.purana.narada.1.16.35) yadṛcchālābhasaṃtuṣṭiḥ sā śāntiḥ parikīrtitā / ete sarve samākhyātāstapaḥ siddhipradā nṛṇām // ### [1.16.36](https://indike.org/pramana/in.purana.narada.1.16.36) samastapāparāśīnāṃ tarasā nāśahetavaḥ / aṣṭākṣaraṃ mahāmantraṃ sarvapāpapraṇāśanam // ### [1.16.37](https://indike.org/pramana/in.purana.narada.1.16.37) vakṣyāmi tava rājendra puruṣārthaikasādhanam / viṣṇoḥ priyakaraṃ caiva sarvasiddhipradāyakam // ### [1.16.38](https://indike.org/pramana/in.purana.narada.1.16.38) namo nārāyaṇāyeti japetpraṇakpūrvakam / namo bhagavate procya vāsudevāya tatparam // ### [1.16.39](https://indike.org/pramana/in.purana.narada.1.16.39) praṇavādyaṃ mahārāja dvādaśārṇamudāhṛtam / dvayoḥ samaṃ phalaṃ rājannaṣṭadvādaśavarṇayoḥ // ### [1.16.40](https://indike.org/pramana/in.purana.narada.1.16.40) pravṛttau ca nivṛttau ca sāmyamuddiṣṭametayoḥ / śaṅkhacacakradharaṃ śāntaṃ nārāyaṇamanāmayam // ### [1.16.41](https://indike.org/pramana/in.purana.narada.1.16.41) lakṣmīsaṃśritavāmāṅkaṃ tathābhayakaraṃ prabhum / kirīṭakuṇḍaladharaṃ nānāmaṇḍanaśobhitam // ### [1.16.42](https://indike.org/pramana/in.purana.narada.1.16.42) bhrājatkaustubhamālāḍhyaṃ śrīvatsāṅkitavakṣasam / pītāmbaradharaṃ devaṃ surāsuranamaskṛtam // ### [1.16.43](https://indike.org/pramana/in.purana.narada.1.16.43) dhyāyedanādinidhanaṃ sarvakāmaphalapradam / antaryāmī jñānarupī paripūrṇaḥ sanātanaḥ // ### [1.16.44](https://indike.org/pramana/in.purana.narada.1.16.44) etatsarvaṃ samākhyātaṃ yattu puṣṭaṃ tvayā nṛpa / svasti te 'stu tapaḥ siddhiṃ gaccha labdhuṃ yathāsukham // ### [1.16.45](https://indike.org/pramana/in.purana.narada.1.16.45) evamukto mahīpālo bhṛguṇā paramarṣiṇā / paramāṃ prītimāpannaḥ prapedetapase vanam // ### [1.16.46](https://indike.org/pramana/in.purana.narada.1.16.46) himavadgirimāsādya puṇyadeśe manohare / nādeśvare mahākṣetre tapastepe 'tiduścaram // ### [1.16.47](https://indike.org/pramana/in.purana.narada.1.16.47) rājā triṣavaṇasnāyī kandamūlaphalāśanaḥ / kṛtātithyarhaṇaścāpi nityaṃ homaparāyaṇaḥ // ### [1.16.48](https://indike.org/pramana/in.purana.narada.1.16.48) sarvabhūtahitaḥ śānto nārāyaṇaparāyaṇaḥ / patraiḥ puṣpaiḥ phalaistoyaistrikālaṃ haripūjakaḥ // ### [1.16.49](https://indike.org/pramana/in.purana.narada.1.16.49) evaṃ bahutithaṃ kālaṃ nītvā cātyantadhairyavān / dhyāyannārāyaṇaṃ devaṃ śīrṇaparṇāśano 'bhavat // ### [1.16.50](https://indike.org/pramana/in.purana.narada.1.16.50) prāṇāyāmaparo bhūtvā rājā paramadhārmikaḥ / nirucchvāsa stapastaptuṃ tataḥ samupacakrame // ### [1.16.51](https://indike.org/pramana/in.purana.narada.1.16.51) dhyāyannārāyaṇaṃ devamanaṃ tamaparājitam / ṣaṣṭivarṣasahastāṇi nirucchvāsaparo 'bhavat // ### [1.16.52](https://indike.org/pramana/in.purana.narada.1.16.52) tasya nānmāpuṭādrājño vahnirjajñaṃ bhayaṅkaraḥ / taṃ dṛṣṭvā devatāḥ sarve vitrastā vahnitā pitāḥ // ### [1.16.53](https://indike.org/pramana/in.purana.narada.1.16.53) abhijagmurmahāviṣṇuṃ yatrāste jagatāṃ patiḥ / kṣīrodasyottaraṃ tīra saṃprāpya tridaśeśvarāḥ / astuvandevadeveśaṃ śaraṇāgatapālakam // ### [1.16.54](https://indike.org/pramana/in.purana.narada.1.16.54) devā ūcuḥ natāḥ sma viṣṇuṃ jagadekanāthaṃ smaratsamastārtiharaṃ pareśam / svabhāvaśuddhaṃ paripūrṇabhāvaṃ vadanti yajjñānatanuṃ ca tajjñāḥ // ### [1.16.55](https://indike.org/pramana/in.purana.narada.1.16.55) dhyeyaḥ sadā yogivarairmahātmā svecchāśarīraiḥ kutadevakāryaḥ / jagatsvarupo jagadādināthastasmai natāḥ smaḥ puruṣottamāya // ### [1.16.56](https://indike.org/pramana/in.purana.narada.1.16.56) yanannāmasaṃkīrttanato khalānāṃ samasta pāpāni layaṃ prayānti / tamīśamīḍyaṃ puruṣaṃ purāṇaṃ natāḥ sma viṣṇuṃ puruṣāthasiddhyai // ### [1.16.57](https://indike.org/pramana/in.purana.narada.1.16.57) yattejasā bhānti divākarādyā nātikramaṃ tyasya kadāpi śikṣāḥ / kālātmakaṃ taṃ tridaśādhināthaṃ namāmahe vai puruṣārtharupam // ### [1.16.58](https://indike.org/pramana/in.purana.narada.1.16.58) jagatkaro 'tyabjabhavo 'tti rudraḥ punāti lokāñśrutibhiśca viprāḥ / tamādidevaṃ guṇasannidhānaṃ sarvopadeṣṭāramitāḥ śaraṇyam // ### [1.16.59](https://indike.org/pramana/in.purana.narada.1.16.59) varaṃ vareṇyaṃ madhukaiṭabhāriṃ surāsurābhyarcitapādapīṭham / // sadbhaktisaṃkalpitāsiddhihetuṃ jñānaikavedyaṃ praṇatāḥ sma devam // ### [1.16.60](https://indike.org/pramana/in.purana.narada.1.16.60) anādimadhyāntamajaṃ pareśamanādyavidyākhyatamovināśam / saccitparānandaghanasvarupaṃ rupādihīnaṃ praṇatāḥ sma devam // ### [1.16.61](https://indike.org/pramana/in.purana.narada.1.16.61) nārāyaṇaṃ viṣṇumanantamīśaṃ pītāmbaraṃ padmabhavādisevyam / yajñāpriyaṃ yajñakaraṃ viśuddhaṃ natāḥ sma sarvottamamavyayaṃ tam // ### [1.16.62](https://indike.org/pramana/in.purana.narada.1.16.62) iti stuto mahāviṣṇurdevairindrādibhistadā / caritaṃ tasya rājarṣerdevānāṃ saṃnyavedayat // ### [1.16.63](https://indike.org/pramana/in.purana.narada.1.16.63) tato devānsamāśvāsya dattvābhayamanañjanaḥ / jagāma yatra rājarṣistapastapati nārada // ### [1.16.64](https://indike.org/pramana/in.purana.narada.1.16.64) śaṅkhacakradharo devaḥ saccidānandavigrahaḥ / pratyakṣatāmagāttasya rājñaḥ sarvajagadguruḥ // ### [1.16.65](https://indike.org/pramana/in.purana.narada.1.16.65) taṃ duṣṭvā puṇḍarīkākṣaṃ bhābhāsitadigantaram / atisīpuṣpaṃsaṃkāśaṃ sphuratkuṇḍalamaṇḍitam // ### [1.16.66](https://indike.org/pramana/in.purana.narada.1.16.66) snigdha kuntalavakrābjaṃ vibhrājanmukuṭojjvalam / śrīvatsakaustumadharaṃ vanamālāvibhūṣitam // ### [1.16.67](https://indike.org/pramana/in.purana.narada.1.16.67) dīrghabāhumudārāṅgaṃ lokeśārcitapantkajam / nanāma daṇḍavadbhūmau bhūpatirnamrakandharaḥ // ### [1.16.68](https://indike.org/pramana/in.purana.narada.1.16.68) atyantaharṣasaṃpūrṇaḥ saromāñcaḥ sagadgadaḥ / kṛṣṇa kṛṣṇeti śrīkṛṣṇeti samuccaran // ### [1.16.69](https://indike.org/pramana/in.purana.narada.1.16.69) tasya viṣṇuḥ prasannātmā hyantaryāmī jagadguruḥ / uvāca kṛpayāviṣṭo bhagavānbhūtabhāvanaḥ // ### [1.16.70](https://indike.org/pramana/in.purana.narada.1.16.70) śrībhagavānuvāca bhagīratha mahābhāga tavābhīṣṭaṃ bhaviṣyati / āgamiṣyanti mallokaṃ tava pūrvapitāmahāḥ // ### [1.16.71](https://indike.org/pramana/in.purana.narada.1.16.71) mama mūrtyantaraṃ śambhuṃ rājanstotraiḥ svaśaktivaḥ / stuhi te sakalaṃ kāmaṃ savai sadyaḥ kariṣyanti // ### [1.16.72](https://indike.org/pramana/in.purana.narada.1.16.72) yastu jagrāha śaśinaṃ śūraṇaṃ samupāgatam / tasmādārādhayeśānaṃ stotraiḥ stutyaṃ sukhapradam // ### [1.16.73](https://indike.org/pramana/in.purana.narada.1.16.73) anādinidhano devaḥ sarvakāma phalapradaḥ / tvayā saṃpujito rājansadyaḥ śreyo vidhāsyati // ### [1.16.74](https://indike.org/pramana/in.purana.narada.1.16.74) ityuktvā devadeveśo jagatāṃ patiracyutaḥ / antardadhe muniśreṣṭha uttasthauso 'pi bhūpatiḥ // ### [1.16.75](https://indike.org/pramana/in.purana.narada.1.16.75) kimidaṃ smama āhosvitsatyaṃ sākṣādvijottam / bhūpatirvismayaṃ prātpaḥ kiṃ karomīti vismitaḥ // ### [1.16.76](https://indike.org/pramana/in.purana.narada.1.16.76) athāntarikṣe vāgujcaiḥ prāha taṃ bhrāntacetasam / satyametaditi vyaktaṃ na cintāṃ kartumarhasi // ### [1.16.77](https://indike.org/pramana/in.purana.narada.1.16.77) tanniśamyāvanīpāla īśānaṃ sarvakāraṇam / samastadevatārājamastauṣīdbhaktitatparaḥ // ### [1.16.78](https://indike.org/pramana/in.purana.narada.1.16.78) bhagīratha uvāca praṇamāmi jagannāthaṃ praṇatārtipraṇāśanam / pramāṇāgocaraṃ devamīśānaṃ praṇavātmakam // ### [1.16.79](https://indike.org/pramana/in.purana.narada.1.16.79) jagadrūpamajaṃ nityaṃ sargasthityantakāraṇam / viśvarupaṃ virupākṣa praṇato 'smyugraretasam // ### [1.16.80](https://indike.org/pramana/in.purana.narada.1.16.80) ādimadhyāntarahitamanantamajamavyayam / samāmananti yogīndrā staṃ vande puṣṭivardhanam // ### [1.16.81](https://indike.org/pramana/in.purana.narada.1.16.81) namo lokādhināthāpa vañcate parivañcate / namo 'stu nīlagrīvāya pasūnāṃ pataye namaḥ // ### [1.16.82](https://indike.org/pramana/in.purana.narada.1.16.82) namaḥ kapālahastāya pāśapataye namaḥ / namo 'kalpaprakalpāya bhūtānāṃ pataye namaḥ // ### [1.16.83](https://indike.org/pramana/in.purana.narada.1.16.83) namaḥ pinākahastāya śūlahastāya te namaḥ / namaḥ kapālahastāya pāśamudgaradhāriṇe // ### [1.16.84](https://indike.org/pramana/in.purana.narada.1.16.84) namaste sarvabhūtāya ghaṇṭāhastāya te namaḥ / namaḥ pañcāsyadevāya kṣetrāṇāṃ pataye namaḥ // ### [1.16.85](https://indike.org/pramana/in.purana.narada.1.16.85) namaḥ samastabhūtānāmādibhṛtāya bhūbhṛte / anekaruparupāya nirguṇāya parātmane // ### [1.16.86](https://indike.org/pramana/in.purana.narada.1.16.86) namo daṇādhidevāya gaṇānāṃ pataye namaḥ / namo hiraṇyagarbhāya hiraṇyapataye namaḥ // ### [1.16.87](https://indike.org/pramana/in.purana.narada.1.16.87) hiraṇyaretase tubhyaṃnamo hiraṇyabāhave / namo dhyānasvarupāya namaste dhyānasākṣiṇe // ### [1.16.88](https://indike.org/pramana/in.purana.narada.1.16.88) namaste dhyānasaṃsthāya dhyānagamyāya te namaḥ / yenedaṃ viśvamakhilaṃ carācaravirājitam // ### [1.16.89](https://indike.org/pramana/in.purana.narada.1.16.89) varṣevābhreṇa janitaṃ pradhānapuruṣātmanā // ### [1.16.90](https://indike.org/pramana/in.purana.narada.1.16.90) svaprakāśaṃ mahātmānaṃ paraṃ jyotiḥ sanātanam / yamāmananti tattvajñāḥ savitāraṃ nṛcakṣuṣām // ### [1.16.91](https://indike.org/pramana/in.purana.narada.1.16.91) umākāntanandikeśantaṃ nīlakaṇṭhaṃ sadāśivam / mṛtyuñjayaṃ mahādevaṃ parātparataraṃ vibhum // ### [1.16.92](https://indike.org/pramana/in.purana.narada.1.16.92) paraṃ śabdabrahmarupaṃ taṃ vande 'khilakāraṇam / kaparddine namastubhyaṃ sadyo jātāya vai namaḥ // ### [1.16.93](https://indike.org/pramana/in.purana.narada.1.16.93) bhavodbhavāya śuddhāya jyeṣṭhāya ca kanīyase / manyave ta iṣe traghayyāḥ pataye yajñatantave // ### [1.16.94](https://indike.org/pramana/in.purana.narada.1.16.94) ūrje diśāṃ ca pataye kālāyāghorarupiṇe / kṛśānuretase tubhyaṃ namo 'stu sumāhātmane // ### [1.16.95](https://indike.org/pramana/in.purana.narada.1.16.95) yataḥ samudrāḥ sarito 'drayaśca gandharvayakṣāsurasiddhasaṅghāḥ / sthāṇu ścariṣṇurmahadalpakaṃ ca asañca sajjīvamajīmāsa // ### [1.16.96](https://indike.org/pramana/in.purana.narada.1.16.96) nato 'smi taṃ yoginatāṅghripadmaṃ sarvāntarātmānamarupamīśam / svatantramekaṃ guṇunāṃ guṇaṃ ca namāmi bhūyaḥ praṇamāmi bhūyaḥ // ### [1.16.97](https://indike.org/pramana/in.purana.narada.1.16.97) itthaṃ stuto mahādevaḥ śaṅkaro lokaśaṅkaraḥ / āvirbabhūva bhṛpasya saṃtatpatapasogrataḥ // ### [1.16.98](https://indike.org/pramana/in.purana.narada.1.16.98) pañcavakraṃ daśabhujaṃ candrārdhdakṛtaśaekharam / trilocanamudārāṅgaṃ nāgayajñopavītinam // ### [1.16.99](https://indike.org/pramana/in.purana.narada.1.16.99) viśālavakṣasaṃ devaṃ tuhinādrisamaprabham / gajacarmāmbaradharaṃ surārcitapadāmbujam // ### [1.16.100](https://indike.org/pramana/in.purana.narada.1.16.100) dṛṣṭvā papāta pādāgre daṇḍavadbhuvi nārada / tata utthāya sahasā śivāgre vihitāñjaliḥ // ### [1.16.101](https://indike.org/pramana/in.purana.narada.1.16.101) praṇanāma mahādevaṃ kīrtayañśaṅkarāhvayam / vijñāya bhaktiṃ bhūpasya śaṅkaraḥ śaśiśekharaḥ // ### [1.16.102](https://indike.org/pramana/in.purana.narada.1.16.102) uvāca rājñe tuṣṭo 'smi varaṃ varaya vāñchitam / toṣito 'smi tvayā samyak stotreṇa tapasā tathā // ### [1.16.103](https://indike.org/pramana/in.purana.narada.1.16.103) evamuktaḥ sa devena rājā saṃtuṣṭamānasaḥ / uvāca prāñjalirbhūtvā jagatāmīśvareśvareśvaram // ### [1.16.104](https://indike.org/pramana/in.purana.narada.1.16.104) bhagīratha uvāca anugrāhyo 'smi yadi te varadānānmaheśvara / tadā gaṅgāṃ prayacchāsmatpitṝṇāṃ muktihetave // ### [1.16.105](https://indike.org/pramana/in.purana.narada.1.16.105) śrīśiva uvāca dattā gaṅgā mayā tubhyaṃ pitṝṇāṃ te gatiḥ parā / tubhyaṃ mokṣaṃ paraśceti tamuktvāntardadhe śivaḥ // ### [1.16.106](https://indike.org/pramana/in.purana.narada.1.16.106) parardino jaṭāstrastā gaṅgā lokaikapāvirnī / pāvayantī jagatsarvamanvagacchadbhagīratham // ### [1.16.107](https://indike.org/pramana/in.purana.narada.1.16.107) tataḥ prabhṛti sā devī nirmalā malahāriṇī / bhāgīrathīti vikhyātā triṣu lokeṣvabhūnmune // ### [1.16.108](https://indike.org/pramana/in.purana.narada.1.16.108) sagarasyātmajāḥ pūrvaṃ yatra dagdhāḥ svapāpmanā / taṃ deśaṃ plāvayāmāsa gaṅgā sarvasaridvarā // ### [1.16.109](https://indike.org/pramana/in.purana.narada.1.16.109) yadā saṃplāvitaṃ bhasma sāgarāṇāṃ tu gaṅgāyā / tadaiva narake magnā uddhṛtāśca gatainasaḥ // ### [1.16.110](https://indike.org/pramana/in.purana.narada.1.16.110) purā saṃkruśyamānena ye yamenātipūḍitāḥ / ta eva pūcitāstena gaṅgājalapariplutāḥ // ### [1.16.111](https://indike.org/pramana/in.purana.narada.1.16.111) gatapāpānya vijñāya yamaḥ sagarasaṃbhavān / praṇamyābhyarcya vidhivatprāha tānprītamānasaḥ // ### [1.16.112](https://indike.org/pramana/in.purana.narada.1.16.112) bho bho rājasutā yūyaṃ narakād bhṛśadāruṇāt / muktā vimānamāruhya gacchadhvaṃ viṣṇumandiram // ### [1.16.113](https://indike.org/pramana/in.purana.narada.1.16.113) ityuktāste mahātmāno yamena gatakalmaṣāḥ / divyadehadharā bhūtvā viṣṇulokaṃ prapedire // ### [1.16.114](https://indike.org/pramana/in.purana.narada.1.16.114) evaṃprabhāvā sā gaṅgā viṣṇupādāgrasaṃbhavā / sarvalokeṣu vikhyātā mahāpātakanāśinī // ### [1.16.115](https://indike.org/pramana/in.purana.narada.1.16.115) ya idaṃ puṇyamākhyānaṃ mahāpātakanāśanam / paṭhecca śṛṇuyādvāpi gaṅgāsnānaphalaṃ labhet // ### [1.16.116](https://indike.org/pramana/in.purana.narada.1.16.116) yastve tatpuṇyamākhyānaṃ kathayedrvāhyaṇāgrataḥ / sa yāti viṣṇubhavanaṃ punarāvṛttivarjitam // ### [1.16.116.p1](https://indike.org/pramana/in.purana.narada.1.16.116.p1) iti śrūbṛhannāradīyapurāṇe pūrvabhāge prathamapāde gaṅgāmāhātmye bhagīrathagaṅgānayanaṃ nāma ṣoḍaṣo 'dhyāyaḥ ## Linked texts (3) - [Skandamahāpurāṇa (vulgate)](https://indike.org/pramana/in.purana.skanda*vulgate.3.1.3.118) — Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.16.2) — Sanskrit - [Śārṅgadharapaddhati](https://indike.org/pramana/in.lit.subhasita.subhasita.kosa.sarngadharapaddhati.37.39) — Śārṅgadhara, Sanskrit --- Source: [https://indike.org/pramana/in.purana.narada.1.16](https://indike.org/pramana/in.purana.narada.1.16) · Pramāṇa