[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.17 # Naradapurana 1.17 Nāradapurāṇa 1.17 - **Language:** Sanskrit ## Contents - [1.17.113](https://indike.org/pramana/in.purana.narada.1.17.113) — 1 part ### [1.17.1](https://indike.org/pramana/in.purana.narada.1.17.1) ṛṣaya ūcuḥ sādhu sūta mahābhāga tvayātikaruṇātmanā / śrāvitaṃ sarvapāpanghaṃ gaṅgāmāhātmya muttamam // ### [1.17.2](https://indike.org/pramana/in.purana.narada.1.17.2) śrutvā tu gaṅgāmāhātmyaṃ nārado devadarśanaḥ / kiṃ papraccha punaḥ sūta sanakaṃ munisattamam // ### [1.17.3](https://indike.org/pramana/in.purana.narada.1.17.3) sūta uvāca śṛṇudhvamṛṣayaḥ sarve nāradena surarṣiṇā / pṛṣṭaṃ punaryathā prāha pravakṣyāmi tathaiva tat // ### [1.17.4](https://indike.org/pramana/in.purana.narada.1.17.4) nānākhyānetihāsāḍyaṃ gaṅgāmāhātmyamuttamam / śrutvā brahmasuto bhūyaḥ pṛṣṭavānidamādarāt // ### [1.17.5](https://indike.org/pramana/in.purana.narada.1.17.5) nārada uvāca aho 'tidhanyaṃ sukṛtaikasāraṃ śrutaṃ mayā puṇyamasaṃvṛtārtham / gāṅgeyamāhātmyamaghapraṇāśi tvatto mune kāruṇikādabhīṣṭam // ### [1.17.6](https://indike.org/pramana/in.purana.narada.1.17.6) ye sādhavaḥ sādhu bhajanti viṣṇuṃ svārthaṃ parārthaṃ ca yatanta eva / nānopadeśaiḥ suvimugdhacittaṃ prabodhayanti prasabhaṃ prasannam // ### [1.17.7](https://indike.org/pramana/in.purana.narada.1.17.7) tataḥ samākhyāhi harervratāni kṛtaiśca yaiḥ prītimupaiti viṣṇuḥ / dadāti bhaktiṃ bhajatāṃ dayālurmuktistu tasyā viditā hi dāsī // ### [1.17.8](https://indike.org/pramana/in.purana.narada.1.17.8) dadāti muktiṃ bhajatāṃ mukundo vratārcanadhyānaparāyaṇānām / bhaktānusevāsu mahāprayāsaṃ vimṛśya kasyāpi na bhaktiyogam // ### [1.17.9](https://indike.org/pramana/in.purana.narada.1.17.9) pravṛttaṃ ca nivṛttaṃ ca yatkarma harito ṣaṇam / tadā khyāhi muniśreṣṭha viṣṇubhakto 'si mānada // ### [1.17.10](https://indike.org/pramana/in.purana.narada.1.17.10) sanaka uvāca sādhu sādhu muniśreṣṭha bhaktastvaṃ puruṣottameḥ / bhūyo bhūyo yataḥ puccheścaritraṃ śārṅgadhanvanaḥ // ### [1.17.11](https://indike.org/pramana/in.purana.narada.1.17.11) vratāni te pravakṣyāmi lokopakṛtimanti ca / prasīdati hariryaistu prayacchatyabhayaṃ tathā // ### [1.17.12](https://indike.org/pramana/in.purana.narada.1.17.12) yasya prasanno bhagavānyajñaliṅgo janārdanaḥ / ihāmutra sukhaṃ tasya tapovṛddhiśca jāyate // ### [1.17.13](https://indike.org/pramana/in.purana.narada.1.17.13) yena kenāpyupāyena haripūjāparāyaṇāḥ / prayānti paramaṃ sthānamiti prāhurmaharṣayaḥ // ### [1.17.14](https://indike.org/pramana/in.purana.narada.1.17.14) mārga śīrṣe site pakṣe dvādaśyāṃ jalaśāyinam / upoṣito 'ḍarcayetsamyaṅ naraḥ śraddhāsamanvitaḥ // ### [1.17.15](https://indike.org/pramana/in.purana.narada.1.17.15) snātvā śuklāmbaradharo dantadhāvanapūrvakam / gandhapuṣpākṣatairdhūpair dīpairnaivedyapūrvakaiḥ // ### [1.17.16](https://indike.org/pramana/in.purana.narada.1.17.16) vāgyato bhaktibhāvena muniśreṣṭhārcayeddharim / keśavāya namastubhyamiti viṣṇuṃ ca pūjayet // ### [1.17.17](https://indike.org/pramana/in.purana.narada.1.17.17) aṣṭottaraśataṃ hutvā vanhau ghṛtatilāhutīḥ / rātrau jāgaraṇaṃ kuryācchālagrāmasamīpataḥ // ### [1.17.18](https://indike.org/pramana/in.purana.narada.1.17.18) snāpayetprasthapayasā nārāyaṇamanāmayam / gītairvādyaiśca naivedyairbhakṣyairbhojyaiśca keśavam // ### [1.17.19](https://indike.org/pramana/in.purana.narada.1.17.19) trikālaṃ pūjayedbhaktyā mahālakṣmyā samanvitam / punaḥ kalye samutthāya kṛtvā karma yathocitam // ### [1.17.20](https://indike.org/pramana/in.purana.narada.1.17.20) pūrvavatpūjayedvevaṃ vāgyato niyataḥ śuciḥ / pāyasaṃ ghṛtasaṃmiśraṃ nālikeraphalānvitam // ### [1.17.21](https://indike.org/pramana/in.purana.narada.1.17.21) mantreṇānena viprāya dadyādbhaktyā sadakṣiṇam / keśavaḥ keśihā devaḥ sarvasaṃpatpradāyakaḥ // ### [1.17.22](https://indike.org/pramana/in.purana.narada.1.17.22) paramānnapradānena mama syādiṣṭadāyakaḥ / brahmaṇānbhojayetpaścācchaktito bandhubhiḥ saha // ### [1.17.23](https://indike.org/pramana/in.purana.narada.1.17.23) nārāyaṇa paro bhūtvā svayaṃ bhuñjīta vāgyataḥ / iti yaḥ kurute bhaktyā keśavārcanamuttamam // ### [1.17.24](https://indike.org/pramana/in.purana.narada.1.17.24) sa paiṇḍarīkayajñasya phalamaṣṭaguṇaṃ labhet / pauṣamāse site pakṣe dvādaśyāṃ samupoṣitaḥ // ### [1.17.25](https://indike.org/pramana/in.purana.narada.1.17.25) namo nārāyaṇāyeti pūjayetprayato harim / payasā snāpya naivedyaṃ pāyasaṃ ca samarpayet // ### [1.17.26](https://indike.org/pramana/in.purana.narada.1.17.26) rātrau jāgaraṇaṃ kuryātrrikālārcanatatparaḥ / dhūpairdīpaiśca naivedyairgandhaiḥ puṣpairmanoramaiḥ // ### [1.17.27](https://indike.org/pramana/in.purana.narada.1.17.27) tṛṇaiśca gītavādyādyaiḥ stotraiścāpyaryayeddharim / kṛśarānnaṃ ca viprāya dadyātsaghṛtadakṣiṇam // ### [1.17.28](https://indike.org/pramana/in.purana.narada.1.17.28) sarvātmā sarvalokeśaḥ sarvavyāpī sanātanaḥ / nārāyaṇaḥ prasannaḥ syātkṛśarānnapradānataḥ // ### [1.17.29](https://indike.org/pramana/in.purana.narada.1.17.29) mantreṇānena viprāya dattvā vai dānamuttamam / dvijāṃśca bhojeyacchaktyā svayamadyātsabāndhavaḥ // ### [1.17.30](https://indike.org/pramana/in.purana.narada.1.17.30) evaṃ saṃpūjayedbhaktyā devaṃ nārāyaṇaṃ prabhum / agniṣṭomāṣṭakaphalaṃ sa saṃpūrṇamavāpnuyāt // ### [1.17.31](https://indike.org/pramana/in.purana.narada.1.17.31) māghasya śukladvādaśyāṃ pūrvavatsamupoṣitaḥ / namaste mādhavāyeti hutvāṣṭau ca ghṛtāhutīḥ // ### [1.17.32](https://indike.org/pramana/in.purana.narada.1.17.32) pūrvamānena payasā snāpayenmādhavaṃ tadā / puṣpagandhākṣatairarcetsāvadhānena cetasā // ### [1.17.33](https://indike.org/pramana/in.purana.narada.1.17.33) rātrau jāgaraṇaṃ kuryātpūrvavadbhaghaktisaṃyutaḥ / kalyakarma ca nirvartya mādhavaṃ punararcayet // ### [1.17.34](https://indike.org/pramana/in.purana.narada.1.17.34) prasthaṃ tilānāṃ viprāya dadyādvai mantrapūrvakam / sadakṣiṇaṃ savāstrañca sarvapāpavimuktaye // ### [1.17.35](https://indike.org/pramana/in.purana.narada.1.17.35) mādhavaḥ sarvabhūtātmā sarvakarmaphalapradaḥ / tiladānena mahatā sarvānkāmānprayacchatu // ### [1.17.36](https://indike.org/pramana/in.purana.narada.1.17.36) mantreṇānena viprāya dattvā bhaktisamanvitaḥ / brahmaṇānbhojayecchaktyā saṃsmaranmādhavaṃ prabhum // ### [1.17.37](https://indike.org/pramana/in.purana.narada.1.17.37) evaṃ yaḥ kurute bhaktyā tiladāne vrataṃ mune / vājapeya śatasyāsau saṃpūrṇaṃ phalamāpnuyāt // ### [1.17.38](https://indike.org/pramana/in.purana.narada.1.17.38) phaālgunasya site pakṣe dvādaśyāṃ samupoṣitaḥ / govindāya namastubhyamiti saṃpūjayedvratī // ### [1.17.39](https://indike.org/pramana/in.purana.narada.1.17.39) aṣṭottagaraśataṃ dṛtvā ghṛtamiśratilāhutīḥ / pūrvamānena payasā govindaṃ snāpayecchuciḥ // ### [1.17.40](https://indike.org/pramana/in.purana.narada.1.17.40) rātrau jāgaraṇaṃ kuryātrrikālaṃ pūjayaittathā / prātaḥ kṛtyaṃ samāpyātha govindaṃ pūjayetpunaḥ // ### [1.17.41](https://indike.org/pramana/in.purana.narada.1.17.41) vrīhyāḍhakaṃ ca viprāya dadyādvastraṃ sadakṣiṇam / namo govinda sarveśa gopikājanavallabha // ### [1.17.42](https://indike.org/pramana/in.purana.narada.1.17.42) anena dhānya dānena prīto bhava jagadguro / evaṃ kṛtvā vrataṃ samyak sarvapāpavivarjitaḥ // ### [1.17.43](https://indike.org/pramana/in.purana.narada.1.17.43) gomedhamakhajaṃ puṇyaṃ sampūrṇaṃ labhate naraḥ / caitramāse site pakṣe dvādaśyāṃ samupoṣitaḥ // ### [1.17.44](https://indike.org/pramana/in.purana.narada.1.17.44) namo 'stu viṣṇave tubhyamiti pūrvavadarcayet / kṣīreṇa snāpayedviṣṇuṃ pūrvamānena śaktitaḥ // ### [1.17.45](https://indike.org/pramana/in.purana.narada.1.17.45) tathaiva snāpayedvipra ghṛtaprasthena sādanam / kṛtvā jāgaraṇaṃ rātrau pūjayetpūrvavadrūtī // ### [1.17.46](https://indike.org/pramana/in.purana.narada.1.17.46) tatakaḥ kalye samutthāya prātaḥ kṛtyaṃ samāpya ca / aṣṭottaraśataṃ hutvā madhaavājyatilamiśritam // ### [1.17.47](https://indike.org/pramana/in.purana.narada.1.17.47) sadakṣiṇaṃ ca viprāya dadyādvai taṇḍulāḍhakam / prāṇarupī mahāviṣṇuḥ prāṇadaḥ sarvavallabhaḥ // ### [1.17.48](https://indike.org/pramana/in.purana.narada.1.17.48) taṇḍulāḍhakadānena prīyatāṃ me janārdanaḥ / evaṃ kṛtvā naro bhaktyā sarvapāpavivarjitaḥ // ### [1.17.49](https://indike.org/pramana/in.purana.narada.1.17.49) atyangiṣṭomayajñasya phalamaṣṭaguṇaṃ labhet / vaiśākhaśukladvādaśyāmupoṣya madhusūdanam // ### [1.17.50](https://indike.org/pramana/in.purana.narada.1.17.50) droṇakṣīreṇa deveśaṃ snāpayedbhaktiṃsaṃyutaḥ / jāgaraṃ tatragha karttavyaṃ trikālārcanasaṃyutam // ### [1.17.51](https://indike.org/pramana/in.purana.narada.1.17.51) namaste madhuhantre ca juhuyācchaktito ghṛtam / aṣṭottaraśataṃ prorcya vidhivanmadhusūdanam // ### [1.17.52](https://indike.org/pramana/in.purana.narada.1.17.52) vipāpo hyaśvamedhānāmaṣṭānāṃ phalamānpuyāt / jyeṣṭamāse site pakṣe dvādaśyāmupavāsakṛt // ### [1.17.53](https://indike.org/pramana/in.purana.narada.1.17.53) kṣīreṇāḍhakamānena snāpayedyastriviktamam / namastriviktamāyeti pūjayedbhaktisaṃyutaḥ // ### [1.17.54](https://indike.org/pramana/in.purana.narada.1.17.54) juhuyātpāyasenaiva hyaṣṭottaraśatāhutīḥ / kṛtvā jāgaraṇaṃ rātrau punaḥ pūjāṃ prakalpayet // ### [1.17.55](https://indike.org/pramana/in.purana.narada.1.17.55) apūpaviṃśatiṃ dattvā brāhmaṇāya sadakṣiṇam / devadeva jagannāta prasīda parameśvara // ### [1.17.56](https://indike.org/pramana/in.purana.narada.1.17.56) upāyanaṃ ca saṃgṛhya mamābhīṣṭaprado bhava / brāhmaṇānbhojayecchaktyā svayaṃ bhuñjīta vāgyataḥ // ### [1.17.57](https://indike.org/pramana/in.purana.narada.1.17.57) evaṃ yaḥ kurute vipra vrataṃ traivikramaṃ param / so 'ṣṭānāṃ naramedhānāṃ vipāpaḥ phalamānpuyāt // ### [1.17.58](https://indike.org/pramana/in.purana.narada.1.17.58) āṣāḍhaśukladvādaśyāmupavāsī jitendriyaḥ / vāmanaṃ pūrvamānena snāpayetpayasā vratī // ### [1.17.59](https://indike.org/pramana/in.purana.narada.1.17.59) namaste vāmanāyeti dūrvājyāṣṭottaraṃ śatam / hutvā ca jāgaraṃ kuryādvāmanaṃ cārcayetpunaḥ // ### [1.17.60](https://indike.org/pramana/in.purana.narada.1.17.60) sadākṣiṇaṃ ca dadhyannaṃ nālikeraphalānvitam / bhaktyā pradadyādviprāya vāmanārcanaśīline // ### [1.17.61](https://indike.org/pramana/in.purana.narada.1.17.61) vāmano vuddhido hotā dravyastho vāmanaḥ sadā / vāmanastārako 'smācca vāmanāya namo namaḥ // ### [1.17.62](https://indike.org/pramana/in.purana.narada.1.17.62) anena dattvā dadhyannaṃ śaktito bhojayeddijān / kṛtvai vamagriṣṭomānāṃ śatasya phalamāpnuyāt // ### [1.17.63](https://indike.org/pramana/in.purana.narada.1.17.63) śrāvaṇasya site pakṣe dvādaśyāmupavāsakṛt / kṣīreṇa madhumiśreṇa snāpayecchrīdharaṃ vratī // ### [1.17.64](https://indike.org/pramana/in.purana.narada.1.17.64) namo 'stu śrīdharāyeti gandhādyaiḥ pūjayetkramāt / juhuyātpṛṣadājyena śatamaṣṭottaraṃ mune // ### [1.17.65](https://indike.org/pramana/in.purana.narada.1.17.65) kṛtvā ca jāgaraṃ rātrau punaḥ pūjāṃ prakalpayet / dātavyaṃ caiva viprāya kṣīrāḍhakamanuttamam // ### [1.17.66](https://indike.org/pramana/in.purana.narada.1.17.66) dakṣiṇāṃ ca savastrāṃ vai pradadyāddhemakuṇḍale / mantreṇānena viprendru sarvakāmāśrasiddhaye // ### [1.17.67](https://indike.org/pramana/in.purana.narada.1.17.67) kṣīrābdhiśāyindeveśa ramākānta jagatpate / kṣīradānena suprīto bhava sarvasukhapradaḥ // ### [1.17.68](https://indike.org/pramana/in.purana.narada.1.17.68) sukhapradattvādviprāṃśca bhojayecchaktito vratī / eva kṛtvā śvamedhānāṃ sahasrasya phalaṃ labhet // ### [1.17.69](https://indike.org/pramana/in.purana.narada.1.17.69) māsi bhādrapade śukle dvādaśyāṃ samupoṣitaḥ / snāpayeddroṇapayasā hṛṣīkeśaṃ jagadgurum // ### [1.17.70](https://indike.org/pramana/in.purana.narada.1.17.70) hṛṣīkeśa namastubhyamiti saṃpūjayennaraḥ / caruṇā madhuyuktena śatamaṣṭottaraṃ hunet // ### [1.17.71](https://indike.org/pramana/in.purana.narada.1.17.71) jāgarādīnini nirvartya dadyādātmavide tataḥ / sārdhāḍhakaṃ ca godhūmāndakṣiṇāṃ hema śaktitaḥ // ### [1.17.72](https://indike.org/pramana/in.purana.narada.1.17.72) hṛṣīkeśa namastubhyaṃ sarvalokaikahetave / mahyaṃ sarvasukhaṃ dehi godhūmasya pradānataḥ // ### [1.17.73](https://indike.org/pramana/in.purana.narada.1.17.73) bhojayedvrāhmāñśaktyā svayaṃ cāśrītavāgyataḥ / sarvapāpavinirmukto brahmamedhaphalaṃ labhet // ### [1.17.74](https://indike.org/pramana/in.purana.narada.1.17.74) āśvine māsiśuklāyāṃ dvādaśyāṃsamupoṣitaḥ / padmanābhaṃ capayasā snāpayedbhaktitaḥ śuciḥ // ### [1.17.75](https://indike.org/pramana/in.purana.narada.1.17.75) namaste padmanābhāya homaṃ kuyārtsvaśaktitaḥ / tilabrīhiyavājyaiśca pūjayecca vidhānataḥ // ### [1.17.76](https://indike.org/pramana/in.purana.narada.1.17.76) jāmaraṃ niśi nirvartya punaḥ pūjāṃ samācaret / dadyādviprāya kuḍavaṃ madhunastu sadakṣiṇam // ### [1.17.77](https://indike.org/pramana/in.purana.narada.1.17.77) padmanābhagha namastubhyaṃ sarvalokapitāmaha / madhudānena suprīto bhavasarvasukhapradaḥ // ### [1.17.78](https://indike.org/pramana/in.purana.narada.1.17.78) evaṃ yaḥ kurute bhaktyā padmanābhavrataṃ sudhīḥ / brahmamedhasahasrasya phalamānpoti niścitam // ### [1.17.79](https://indike.org/pramana/in.purana.narada.1.17.79) dvādaśyāṃ kārtike śukle upavāsī jitendriyaḥ / kṣīreṇākaḍhakamānena dandhā vājyena tāvatā // ### [1.17.80](https://indike.org/pramana/in.purana.narada.1.17.80) namo dāmodarāyeti snāpayedbhaktibhāvataḥ / aṣṭottaraśataṃ hutvā maghvājyāktatilāhutīḥ // ### [1.17.81](https://indike.org/pramana/in.purana.narada.1.17.81) jāgaraṃ niyataḥ kuryāttrikālārcanatatparaḥ / prātaḥ saṃpūjayeddevaṃ padmapuṣpairmanoramaiḥ // ### [1.17.82](https://indike.org/pramana/in.purana.narada.1.17.82) punaraṣṭottaraśataṃ juhuyātsaghṛtai stilaiḥ / pañcabhakṣyayutaṃ cānnaṃ dadyādviprāya bhaktitaḥ // ### [1.17.83](https://indike.org/pramana/in.purana.narada.1.17.83) dāmodara jagannātha sarvakāraṇakāraṇa / trāhimāṃ kṛpayā deva śāraṇāgatapālakaḥ // ### [1.17.84](https://indike.org/pramana/in.purana.narada.1.17.84) anena dattvā dānaṃ ca śrotriyāya kuṭumbine / dakṣiṇāñca yathāśaktyā brāhmaṇāṃśvāpi bhojayet // ### [1.17.85](https://indike.org/pramana/in.purana.narada.1.17.85) evaṅkṛtvā vrataṃ samyagaśrīyādvūndhubhiḥ saha / aśvamegha sahasrāṇāṃ dviguṇaṃ phalamaśnute // ### [1.17.86](https://indike.org/pramana/in.purana.narada.1.17.86) evaṃ kuryādvratī yastu dvādaśīvratamuttamam / saṃvatsaraṃ muniśreṣṭha sa yāti parama padam // ### [1.17.87](https://indike.org/pramana/in.purana.narada.1.17.87) ekamāse dvimāse vāyaḥ kuryādbhaktitatparaḥ / tattatphalamavānpoti prānpoti ca hareḥ padam // ### [1.17.88](https://indike.org/pramana/in.purana.narada.1.17.88) pūrṇaṃ saṃvatsaraṃ kṛtvā kuryādudyāpanaṃ vratī / mārgaśīrṣāsite pakṣe dvādaśyāṃ ca munīśvara // ### [1.17.89](https://indike.org/pramana/in.purana.narada.1.17.89) snātvā prātaryathācāraṃ dantadhāvanapūrvakam / śuklamālyāmbaradharaḥ śuklagandhānulepanaḥ // ### [1.17.90](https://indike.org/pramana/in.purana.narada.1.17.90) maṇḍapaṃ kārayeddivyaṃ caturastraṃ suśībhanam / ghaṇṭācāmarasaṃyuktaṃ kiṅkiṇīravaśobhitam // ### [1.17.91](https://indike.org/pramana/in.purana.narada.1.17.91) alaṅkṛtaṃ puṣpamālyairvitānaghvajarājitān / chāditaṃ śuklavastreṇa dīpamālāvibhūṣitam // ### [1.17.92](https://indike.org/pramana/in.purana.narada.1.17.92) tanmadhye sarvatobhadraṃ kuryātsamyagalaṅkṛtam / tasyoparinyasetkumbhāndvādaśāmbuprapūritān // ### [1.17.93](https://indike.org/pramana/in.purana.narada.1.17.93) ekena śulkavanastreṇa samyaksaṃśodhitena ca / sarvānācchādayetkumbhānpañcaratnasamanvitān // ### [1.17.94](https://indike.org/pramana/in.purana.narada.1.17.94) lakṣmīnārāyaṇaṃ devaṃ kārayedbhaktimānvratī / henmā vā rājatenāpi tathā tāmreṇa vā dvijā // ### [1.17.95](https://indike.org/pramana/in.purana.narada.1.17.95) sthāpayetpratimāṃ tāṃ ca kumbhopari susaṃyamī / tanmūlyaṃ vā dvijaśreṣṭha kāñcanaṃ ca svaśaktitaḥ // ### [1.17.96](https://indike.org/pramana/in.purana.narada.1.17.96) sarvavrateṣu matimānvittaśāṭhyaṃ vivarja yet / yadi kuryātkṣayaṃ yānti tasyāyurddhanasaṃpadaḥ // ### [1.17.97](https://indike.org/pramana/in.purana.narada.1.17.97) anantaśāyinaṃ devaṃ nārāyaṇamanāmayaṭam / pañcāmṛtena prathamaṃ snāpayedbhaktisaṃyutaḥ // ### [1.17.98](https://indike.org/pramana/in.purana.narada.1.17.98) nāṃmabhiḥ keśavādyaiśca hyupacārānmakalpayet / rātrau jāgaraṇaṃ kuryātpurāṇaśravaṇādibhaghiḥ // ### [1.17.99](https://indike.org/pramana/in.purana.narada.1.17.99) jitanidro bhavetsamyaksopavāso jitendriyaḥ / trikālamarcayeddevaṃ yathāvibhavavistaram // ### [1.17.100](https://indike.org/pramana/in.purana.narada.1.17.100) tataḥ prātaḥ samutthāya prātaḥ kṛtyaṃ samāpya ca / tilahomānvyāhṛtibhiḥ sahasraṃra kāvyeddvijaiḥ // ### [1.17.101](https://indike.org/pramana/in.purana.narada.1.17.101) tataḥ saṃpūjayeddevaṃ gandhapuṣpādibhiḥ kramāt / devasya purataḥ kuryātpurāṇaśravaṇaṃ tataḥ // ### [1.17.102](https://indike.org/pramana/in.purana.narada.1.17.102) dadyāddvādaśaviprebhyo dadhyannaṃ pāyasaṃ pāyasaṃ tathā / apūpairdaśa bhiryuktaṃ saghṛtaṃ ca sadakṣiṇam // ### [1.17.103](https://indike.org/pramana/in.purana.narada.1.17.103) devadevajagannātha bhaktānugrahavigraha / gṛhāṇopāyanaṃ kṛṣṇa sarvābhīṣṭaprado bhava // ### [1.17.104](https://indike.org/pramana/in.purana.narada.1.17.104) anenopāyanaṃ dattvā prārthaye māñjaliḥ sthitaḥ / ādhāya jānunī bhūmau vinayāvananato vratī // ### [1.17.105](https://indike.org/pramana/in.purana.narada.1.17.105) namo namaste surarājarāja namo 'stute devaṃ jagannivāsa / kuruṣva saṃpṛrṇaphalaṃ mamādya namo 'stu tubhyaṃ puruṣottamāya // ### [1.17.106](https://indike.org/pramana/in.purana.narada.1.17.106) iti saṃprārthayedviprāndevaṃ ca puruṣottamam / dadyādarghyaṃ ca devāya mahālakṣmīyutāya vai // ### [1.17.107](https://indike.org/pramana/in.purana.narada.1.17.107) lakṣmīpate namastubhyaṃ kṣīrārṇavanivāsine / arghyaṃ gṛhāṇa deveśa lakṣmyā ca sahitaḥ prakṣo // ### [1.17.108](https://indike.org/pramana/in.purana.narada.1.17.108) yasya smṛtyā ca nāmoktyā tapoyajñakriyādiṣu / nyūnaṃ saṃpūrṇatāṃ yāti sadyo vande tamacyutam // ### [1.17.109](https://indike.org/pramana/in.purana.narada.1.17.109) iti vijñāpya deveśaṃ tatsarvaṃ saṃyamī vrate / pratimāṃ dakṣiṇāyuktāmācāryāya nivedayet // ### [1.17.110](https://indike.org/pramana/in.purana.narada.1.17.110) brāhmaṇānbhojayetpaścīcchaktyā dadyāja dakṣiṇām / bhuñjīta vāgyataḥ paścātsvayaṃ bevṛjanairvṛtaḥ // ### [1.17.111](https://indike.org/pramana/in.purana.narada.1.17.111) āsāyaṃ śṛduyādviṣṇoḥ kathāṃ vidvajjanaiḥ saha / ityevaṃ kurute yastu manujo dvādaśīvratam // ### [1.17.112](https://indike.org/pramana/in.purana.narada.1.17.112) sarvānkāmānsa ānpoti paraghatreha ca nārada / trisatakulasaṃyuktaḥ sarvapāpavivarjitaḥ / tapāti viṣṇubhavanaṃ yatra yattvā na śocati // ### [1.17.113](https://indike.org/pramana/in.purana.narada.1.17.113) ya idaṃ śṛṇuyādvipra dvādaśīvratamuttamam / vācayedvāpi sa naro vājapeyaphalaṃ labhet // ### [1.17.113.p1](https://indike.org/pramana/in.purana.narada.1.17.113.p1) iti śrībṛhannāradīyapurāṇe pūrvabhāge prathamapāde vratākhyāne mārgaśīrṣaśukladvādaśīvratakathanaṃ nāma satpadaśo 'dhyāyaḥ ## Linked texts (3) - [Bhāgavatapurāṇa](https://indike.org/pramana/in.purana.bhagavata.3.13.13) — Vyāsa, Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.17.7) — Sanskrit - [Vratakhaṇḍa](https://indike.org/pramana/in.niti.dharma.vrata.vratakhanda.94.1.p1.14) — Hemādri, Sanskrit --- Source: [https://indike.org/pramana/in.purana.narada.1.17](https://indike.org/pramana/in.purana.narada.1.17) · Pramāṇa