[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.23 # Naradapurana 1.23 Nāradapurāṇa 1.23 - **Language:** Sanskrit ## Contents - [1.23.8](https://indike.org/pramana/in.purana.narada.1.23.8) — 1 part - [1.23.78](https://indike.org/pramana/in.purana.narada.1.23.78) — 1 part - [1.23.99](https://indike.org/pramana/in.purana.narada.1.23.99) — 1 part ### [1.23.1](https://indike.org/pramana/in.purana.narada.1.23.1) sanaka uvāca idamanyatpravakṣyāmi vrataṃ trailokyaviśrutam / sarvapāpapraśamanaṃ sarvakāmaphalapradam // ### [1.23.2](https://indike.org/pramana/in.purana.narada.1.23.2) brāhmaṇakṣatriyaviśāṃ śūdrāṇāṃ caiva yopitām / mokṣadaṃ kurvatāṃ bhaktyā viṣṇoḥ priyataraṃ dvija // ### [1.23.3](https://indike.org/pramana/in.purana.narada.1.23.3) ekādaśīvrataṃ nāma sarvābhīṣṭapradaṃ nṛṇām /. karttavyaṃ sarvathā vipraviṣṇuprītikaraṃ yataḥ // ### [1.23.4](https://indike.org/pramana/in.purana.narada.1.23.4) ekādaśyāṃ na bhuñjīta pakṣayorubhayopari / yo bhuṅkte so 'tra pāpīyānparatra narakaṃ vrajet // ### [1.23.5](https://indike.org/pramana/in.purana.narada.1.23.5) upavāsaphalaṃ lipsurjahyādbhukticatuṣṭayam / pūrvāparadine gatrāvahorātraṃ tu madhyame // ### [1.23.6](https://indike.org/pramana/in.purana.narada.1.23.6) ekādaśīdine yastu bhoktumicchati mānavaḥ / sa bhoktuṃ sarvalapāpāni spṛhayālurnasaṃśayaḥ // ### [1.23.7](https://indike.org/pramana/in.purana.narada.1.23.7) bhaveddaśamyāmekāśīdvādaśyāṃ ca munīśvara / ekādaśyāṃ nirāhāro yadi muktimabhīpsati // ### [1.23.8](https://indike.org/pramana/in.purana.narada.1.23.8) yāni kāni ca pāpāni brahmahatyādikāni ca / annamāśritya tiṣṭhanti tāni vipra hareśvara / ekādaśyāṃ nirāhāro yadi muktimabhīpsati // yāni kāni ca pāpāni brahmahakatyādikāni ca / annamāśritya tiṣṭhanti tāni ca munīśvara / ekādaśyāṃ nirāhāro yadi muktimabhīpsati // ### [1.23.8.p1](https://indike.org/pramana/in.purana.narada.1.23.8.p1) yāni kāni ca pāpāni brahmahatyādikāni ca ca // ### [1.23.9](https://indike.org/pramana/in.purana.narada.1.23.9) annamāśritya tiṣṭanti tāni vipra harerdine // brahmahatyādipāpānāṃ kathañcinniṣkṛtirbhavet / ekādaśyāṃ tu yo bhuṅkte tasya naivāsti niṣkṛtiḥ // ### [1.23.10](https://indike.org/pramana/in.purana.narada.1.23.10) mahāpātakayukto vāyukto vā sarva pānakaiḥ / ekādaśyāṃ nirāhāraḥ sthitvā yāti parāṃ gatim // ### [1.23.11](https://indike.org/pramana/in.purana.narada.1.23.11) ekādaśī mahāpuṇyā viṣṇoḥ priyatamā tithiḥ / saṃsevyā sarvathā vipraiḥ saṃsāracche dalipsubhiḥ // ### [1.23.12](https://indike.org/pramana/in.purana.narada.1.23.12) daśamyāṃ prātarutthāya dantadhāvanapūrvakam / snāpayedvidhivadviṣṇuṃ pūjayetprayatendriyaḥ // ### [1.23.13](https://indike.org/pramana/in.purana.narada.1.23.13) ekādaśyāṃ nirāhāro nigṛhītendriyo bhavet / śayīta sannidhau viṣṇornārāyaṇaparāyaṇaḥ // ### [1.23.14](https://indike.org/pramana/in.purana.narada.1.23.14) ekādaśyāṃ tathā snātvā saṃpūjyaca ca janārdanam / gandhapuṣpādibhiḥ samyak tatastve vasudīrayet // ### [1.23.15](https://indike.org/pramana/in.purana.narada.1.23.15) ekādaśyāṃ nirāhāraḥ sthitvādyāhaṃ pare 'hani / bhokṣyāmi puṇḍarīkākṣa śaraṇaṃ me bhavācyuta // ### [1.23.16](https://indike.org/pramana/in.purana.narada.1.23.16) imaṃ mantraṃ samuccārthaṃ deva devasya cakriṇaḥ / bhaktibhāvena tuṣṭātmā upavāsaṃ samarpayet // ### [1.23.17](https://indike.org/pramana/in.purana.narada.1.23.17) devasya purataḥ kuryājjāgaraṃ niyato vratī / gītairvādyaiśaaca nṛtyaiśca purāṇaśravaṇādibhiḥ // ### [1.23.18](https://indike.org/pramana/in.purana.narada.1.23.18) tataḥ prātaḥ samutthāya dvādaśīdivase vratī / snātvā ca vidhivadviṣṇuṃ pūjayatprayatendriyaḥ // ### [1.23.19](https://indike.org/pramana/in.purana.narada.1.23.19) pañcāmṛtena saṃsnāpya ekādaśyāṃ janārddanam / dvādaśyāṃ payasā vipra harisārupapyamaṣaśnute // ### [1.23.20](https://indike.org/pramana/in.purana.narada.1.23.20) ajñānatimirāndhasya vratenānena keśava / prasīda sumukho bhūtvā jñānadṛṣṭiprado bhava // ### [1.23.21](https://indike.org/pramana/in.purana.narada.1.23.21) evaṃ vijñāpya viprendra mādhavaṃ susamāhitaḥ / brahmaṇānbhojayecchaktyā dadyādvai dakṣiṇāṃ tathā // ### [1.23.22](https://indike.org/pramana/in.purana.narada.1.23.22) tataḥ svabandhubhiḥ sārddhaṃ nārāyaṇaparāyaṇaḥ / kṛtapañcamahāyajñaḥ svayaṃ bhuñjīta vāgyataḥ // ### [1.23.23](https://indike.org/pramana/in.purana.narada.1.23.23) evaṃ yaḥ prayataḥ kuryātpuṇyamekādaśīvratam / sa yāti viṣṇubhavanaṃ punarāvṛttidurlabham // ### [1.23.24](https://indike.org/pramana/in.purana.narada.1.23.24) upavāsavrataparo dharmakāryacaparāyaṇaḥ / cāṇḍālānpatakitāṃścaiva nekṣedapi kadācana // ### [1.23.25](https://indike.org/pramana/in.purana.narada.1.23.25) nāstikānbhinnamaryodānnindakānpiśunāṃstathā / upavāsa vrataparo nālapecca kadācana // ### [1.23.26](https://indike.org/pramana/in.purana.narada.1.23.26) vṛṣalīsūtipoṣṭāraṃ vṛṣalīpatimeva ca / ayājyayājakaṃ caiva nālapetsarvadā vratī // ### [1.23.27](https://indike.org/pramana/in.purana.narada.1.23.27) kuṇḍaśinaṃ gāyakaṃ ca tathā devalakāśinam / bhiṣajaṃ kāvyakarttāraṃ devadvijavirodhinam // ### [1.23.28](https://indike.org/pramana/in.purana.narada.1.23.28) parānnalolupaṃ caiva parastrīnirataṃ tathā / vratopavāsanirato vāṅmātreṇāpi nārcayet // ### [1.23.29](https://indike.org/pramana/in.purana.narada.1.23.29) ityevamādibhiḥ śuddho vaśī sarvahite rataḥ / upavāsaparo bhūtvā parāṃ siddhimavānpuyāt // ### [1.23.30](https://indike.org/pramana/in.purana.narada.1.23.30) nāsti gaṅgāsamaṃ tīrthaṃ nāsti mātṛsamoguruḥ / nāstu viṣṇusamaṃ daivaṃ tapo nānaśanātparam // ### [1.23.31](https://indike.org/pramana/in.purana.narada.1.23.31) nāsti kṣamāsamā mātā nāsti kīrtisamaṃ dhanam / nāsti jñānasamo lābho lābho na ca dharma samaḥ pitā // ### [1.23.32](https://indike.org/pramana/in.purana.narada.1.23.32) na vivekasamo bandhurmaikādaśyāḥ paraṃ vratam / atrāpyudāharantīmamitihāsaṃ purātanam // ### [1.23.33](https://indike.org/pramana/in.purana.narada.1.23.33) saṃvādaṃ bhadraśīlasya tatpiturgulavasya ca / purā higālavo nāma muniḥ satyaparāyaṇaḥ // ### [1.23.34](https://indike.org/pramana/in.purana.narada.1.23.34) uvā casa narmadātīrere śānto dāntastaponidhiḥ / bahuvṛkṣasamākīrṇe gajabhalluniṣevite // ### [1.23.35](https://indike.org/pramana/in.purana.narada.1.23.35) siddhacāraṇagandharva yakṣavidyādharānvite / kandamūlaphalaiḥ pūrṇe munivṛndaniṣedite // ### [1.23.36](https://indike.org/pramana/in.purana.narada.1.23.36) gālavo nāma viprendro nivāsamakasecciram / tasyābhavadbhadraśīla iti khyātaḥ suto vaśī // ### [1.23.37](https://indike.org/pramana/in.purana.narada.1.23.37) jāntismaro mahābhāgo nārāyaṇaparāyaṇaḥ / bālakrāḍanakāle 'pi bhadraśīlo mahāmatiḥ // ### [1.23.38](https://indike.org/pramana/in.purana.narada.1.23.38) mṛdā ca viṣṇoḥ pratimāṃ kṛtvā pūjayate kṣaṇam / vayasyānbodhayeccāpi viṣṇuḥ pūjyo naraiḥ sadā // ### [1.23.39](https://indike.org/pramana/in.purana.narada.1.23.39) ekādaśīvrataṃ caiva karttavyamapi paṇḍitaiḥ / evaṃ te bodhitāstena śiśavo 'pi munīśvara // ### [1.23.40](https://indike.org/pramana/in.purana.narada.1.23.40) hariṃ mṛdaiva nirmāya pṛthaksaṃbhūya vā mudā / arcayanti mahābhāgā viṣṇubhaktiparāyaṇāḥ // ### [1.23.41](https://indike.org/pramana/in.purana.narada.1.23.41) namaskurvanbhadramati rviṣṇave sarvaviṣṇave / sarveṣāṃ jagatāṃ svasti bhūyādityabravīdidam // ### [1.23.42](https://indike.org/pramana/in.purana.narada.1.23.42) krīḍākāle muhūrtaṃ vā muhūrtārddhamathāpi vā / ekādaśīti saṃkalpyavrataṃ yacchati keśave // ### [1.23.43](https://indike.org/pramana/in.purana.narada.1.23.43) evaṃ sucaritaṃ dṛṣṭvā tanayaṃ gālavo muniḥ / apṛcchadvismayāviṣṭaḥ samāliṅgya taponidhiḥ // ### [1.23.44](https://indike.org/pramana/in.purana.narada.1.23.44) gālava uvāca bhadraśīla mahābhāga bhadraśīlo 'si suvrata / caritaṃ maṅgalaṃ yatte yogināmapi durlabham // ### [1.23.45](https://indike.org/pramana/in.purana.narada.1.23.45) haripūjāparo nityaṃ sarvabhūtahiterataḥ / ekādaśīvrataparo niṣiddhācāravarjitaḥ / nirddhandvo nirmamaḥ śānto haridhyānaparāyāṇaḥ // ### [1.23.46](https://indike.org/pramana/in.purana.narada.1.23.46) evametādṛśī buddhiḥ kathaṃ jātārbhakasyate / vināpi mahatāṃ sevāṃ haribhaktirhi durlabhā // ### [1.23.47](https://indike.org/pramana/in.purana.narada.1.23.47) svabhāvato janasyāsya hyavidyākāmakarmasu / pravarttate matirvatsa kathaṃ te 'laukikī kṛtiḥ // ### [1.23.48](https://indike.org/pramana/in.purana.narada.1.23.48) satsaṅge 'pi manuṣyāṇāṃ pūrvapuṇyātirekataḥ / jāyate bhagavadbhaktistadahaṃ vismayaṃ gataḥ // ### [1.23.49](https://indike.org/pramana/in.purana.narada.1.23.49) pṛcchāmi prītimāpannastadbhavānvaktumarhati / bhadraśīlo muniśreṣṭhaḥ pitraivaṃ suvikalpitaiḥ // ### [1.23.50](https://indike.org/pramana/in.purana.narada.1.23.50) jātismaraḥ sukṛtātmā hṛṣathṭaprahasitānanaḥ / svānabhrutaṃ yathāvrataṃ sarvaṃ pitre nyavedayat // ### [1.23.51](https://indike.org/pramana/in.purana.narada.1.23.51) bhadraśīla uvāca śṛṇu tāta muniśreṣṭha hyanubhūtaṃ mayā purā / jātismaratvājjānāmi yamena paribhāṣitam // ### [1.23.52](https://indike.org/pramana/in.purana.narada.1.23.52) etacchatvā mahābhāgo gālavo vismayonvitaḥ / uvāca prītimāpanno bhadraśīlaṃ mahāmatim // ### [1.23.53](https://indike.org/pramana/in.purana.narada.1.23.53) gālava uvāca kastvaṃ pūrvaṃ mahābhāga kimuktaṃ ca yamena te / kasya vā kena vā hetostatsarvaṃ vaktumarhasi // ### [1.23.54](https://indike.org/pramana/in.purana.narada.1.23.54) bhadraśīla uvāca ahamāsaṃ purā tāta rājā somakulodbhavaḥ / dharmakīrtiriti khyāto dattātragheyeṇa śāsitaḥ // ### [1.23.55](https://indike.org/pramana/in.purana.narada.1.23.55) nava varṣasahasrāṇi mahīṃ kṛtstramapālayam / adharmāśca tathā dharmā mayā tu bahavaḥ kṛtāḥ // ### [1.23.56](https://indike.org/pramana/in.purana.narada.1.23.56) tataḥ śriyā pramatto 'haṃ bahvadharmama kāripam / pāpaṇḍajanasaṃsargātpāpaṇḍacarito 'bhavam // ### [1.23.57](https://indike.org/pramana/in.purana.narada.1.23.57) purārjitāni puṇyāni mayā tu subahūnyapi / pāpaṇḍairbādhito 'haṃ tu vedamārgaṃ samatyajam // ### [1.23.58](https://indike.org/pramana/in.purana.narada.1.23.58) makhāśca sarve vidhvastā kūṭayuktividā mayā / adharmanirataṃ māṃ tu dṛṣṭvā maheśajāḥ // ### [1.23.59](https://indike.org/pramana/in.purana.narada.1.23.59) sadaiva duṣkṛtaṃ cakruḥ ṣaṣṭāṃśastatrame 'bhavat / evaṃ pāpasamācāro vyasanābhirataḥ sadā // ### [1.23.60](https://indike.org/pramana/in.purana.narada.1.23.60) mṛgayābhirarato bhūtvā hyakadā prāviśaṃ vanam / sasainyo 'haṃ vane tatra hatvā bahuvidhānmṛgān // ### [1.23.61](https://indike.org/pramana/in.purana.narada.1.23.61) kṣuttṛṭparivṛtaḥ śrānto revātīramupāgamam / ravitīkṣṇātapalkānto revāyāṃ snānamācaram // ### [1.23.62](https://indike.org/pramana/in.purana.narada.1.23.62) ahaṣṭasainya ekākī pīḍyamānaḥ kṣudhā bhṛśam // ### [1.23.63](https://indike.org/pramana/in.purana.narada.1.23.63) sametāstatragha ye kecidrevātīranivāsinaḥ / ekādaśīvrataparā mayā dṛṣṭvā niśāmukhe // ### [1.23.64](https://indike.org/pramana/in.purana.narada.1.23.64) nirāhāraśca tatrāhame kākī katajjanaiḥ saha / jāgaraṃ kṛtavāṃśvāpi senayā rahito niśi // ### [1.23.65](https://indike.org/pramana/in.purana.narada.1.23.65) adhvaśramapariśrāntaḥ kṣutpipāsāprapīḍitaḥ / tatraiva jāgarānte 'haṃ tātapañcatvamāgataḥ // ### [1.23.66](https://indike.org/pramana/in.purana.narada.1.23.66) tato yamabhaṭairbaddho mahādaṃṣṭrābhayaṅkaraiḥ / anekalkeśasaṃpannamārgeṇātpo yamāntikam / daṃṣṭrākarālavadanamapaśyaṃ samavartinam // ### [1.23.67](https://indike.org/pramana/in.purana.narada.1.23.67) atha kāliścitragutpamāhūyedamabhāṣata / asya śikṣāvidhānaṃ ca yathāvadvada paṇḍitaṃ // ### [1.23.68](https://indike.org/pramana/in.purana.narada.1.23.68) evamuktaścitragutpo dharmarājena sattama / ciraṃ vicārayāmāsa punaścedamabhāpata // ### [1.23.69](https://indike.org/pramana/in.purana.narada.1.23.69) asau pāparataḥ satyaṃ tathāpi śṛṇu dharmapa / ekādaśyāṃ nirāhāraḥ sarvapāpaiḥ pramucyate // ### [1.23.70](https://indike.org/pramana/in.purana.narada.1.23.70) eṣa revātaṭe ramye nirāhāro harerdine / jāgaraṃ copavāsaṃ ca kṛtvā niṣaapāpatāṃ gataḥ // ### [1.23.71](https://indike.org/pramana/in.purana.narada.1.23.71) yāni kāni ca pāpāni kṛtāni subahūni ca / tāni sarvāṇi naṣṭāni hyupavāsaprabhāvataḥ // ### [1.23.72](https://indike.org/pramana/in.purana.narada.1.23.72) evamukto dharmarājaścitragutpena dhīmatā /' nānāma daṇḍavadbhūmau mamāgre so 'nukaṃpitaḥ // ### [1.23.73](https://indike.org/pramana/in.purana.narada.1.23.73) pūjayāmāsa māṃ tatra bhaktibhāvena dhairmarāṭ / tataśca svabhaṭānsarvānāhūyedamuvāca ha // ### [1.23.74](https://indike.org/pramana/in.purana.narada.1.23.74) dharmarāja uvāca śṛṇudhvaṃ madvaco dūtā hitaṃ vakṣyāmyanuttamamam / dharmamārgaratā nmartyānmānayadhvaṃ mamāntikam // ### [1.23.75](https://indike.org/pramana/in.purana.narada.1.23.75) ye viṣṇupūjanaratāḥ prayatāḥ kṛtajñāścaikādaśīvrataparā vijitendriyāśca / nārāyaṇācyutahare śaraṇaṃ bhaveti śāntā vadanti satataṃ tarasātyajadhvam // ### [1.23.76](https://indike.org/pramana/in.purana.narada.1.23.76) nārāyaṇācyuta janārdana kṛṣṇa viṣṇo padmeśa padmajapitaḥ śiva śaṅkareti / nityaṃ vadantyakhilaloka hitāḥ praśāntā dūradbhaṭāstyajatā tānna mamaiṣu śikṣā // ### [1.23.77](https://indike.org/pramana/in.purana.narada.1.23.77) nārāyaṇārpitakṛtānharibhaktibhajaḥ svācāramārganiratān gurusevakāṃśca / satpātradāna niratāṃśca sudīnapāllāndūtāstyajadhvamaniśaṃ harināmasaktān // ### [1.23.78](https://indike.org/pramana/in.purana.narada.1.23.78) pāṣaṇḍasaṅgarahitāndvijabhaktiniṣṭhānsatsaṃgalollupatarāṃśca tathātitheyān / śaṃbhau harau ca samabuddhimatastathaiva dūtāstyajadhvamupakāraparāñjanānām // ### [1.23.78.p1](https://indike.org/pramana/in.purana.narada.1.23.78.p1) ye varjitā harikathāmṛtasevanaiśca nārāyaṇasmṛtiparāyaṇamānasaiśca // ### [1.23.79](https://indike.org/pramana/in.purana.narada.1.23.79) virpandrapādajalasecanato 'prahṛṣṭāṃstānpāpino mama bhaṭā gṛhamānayadhvam // ### [1.23.80](https://indike.org/pramana/in.purana.narada.1.23.80) ye mātṛtātaparibhartsanaśīlinaśca lokadviṣo hitajanāhitakarmaṇaśca / devasvalobhaniratāñjananāśakartṛānatrānayadhvamaparādhaparāṃśca dūtāḥ // ### [1.23.81](https://indike.org/pramana/in.purana.narada.1.23.81) ekādaśīvrataparāṅmukhamugraśīlaṃ lokāpavādanirataṃ paranindakaṃ ca / grāmasya nāśakaramuttamavairayuktaṃ dūtāḥ samānayata vipradhaneṣu lubdham // ### [1.23.82](https://indike.org/pramana/in.purana.narada.1.23.82) ye viṣṇubhaktivimukhāḥ praṇamanti naiva nārāyaṇaṃ hi śaraṇāgatapālakaṃ ca / viṣṇavālayaṃ ca nahi yānti narāḥ sumūrkhāstānānayadhvamatipāparatānprasāhya // ### [1.23.83](https://indike.org/pramana/in.purana.narada.1.23.83) evaṃ śrutaṃ yadā tatra yamena paribhāṣitam / mayānutāpadagdhena smṛtaṃ tatkarma ninditam // ### [1.23.84](https://indike.org/pramana/in.purana.narada.1.23.84) asatkarmānutāpena saddharmaśravaṇena ca / tatraiva sarvapāpāni niḥśeṣāṇi gatāni me // ### [1.23.85](https://indike.org/pramana/in.purana.narada.1.23.85) pāpaśeṣādvinirmuktaṃ harisārupyatāṃ gatam / sahasrasūryasaṃkāśaṃ praṇanāma yamaśca tam // ### [1.23.86](https://indike.org/pramana/in.purana.narada.1.23.86) evaṃ dṛṣṭvā vismitāste yamadūtā bhayotkaṭāḥ / viśvāsaṃ paramaṃ cakruryamena paribhāṣite // ### [1.23.87](https://indike.org/pramana/in.purana.narada.1.23.87) tataḥ saṃpūjya māṃ kālo vimānaśatasaṃkulam / sadyaḥ saṃpreṣayāmāsa tadviṣṇoḥ paramaṃ padam // ### [1.23.88](https://indike.org/pramana/in.purana.narada.1.23.88) vimānakoṭibhiḥ sārddhaṃ sarvabhogasamanvitaiḥ / karmaṇā tena viprarṣe viṣṇuloke mayoṣitam // ### [1.23.89](https://indike.org/pramana/in.purana.narada.1.23.89) kalpakoṭisahasrāṇi kalpakoṭiśatāni ca / sthitvā viṣṇupadaṃ paścādindralokamupagamam // ### [1.23.90](https://indike.org/pramana/in.purana.narada.1.23.90) tatrāpi sarvabhogāḍhyaḥ sarvadevanamaskṛtaḥ / tāvatkālaṃ divisthitvā tato bhūmimupāgataḥ // ### [1.23.91](https://indike.org/pramana/in.purana.narada.1.23.91) atrāpi viṣṇubhaktānāṃ jāto 'haṃ bhavatāṃ kule / jātismaratvāḍajjānāmi sarvametanmunīśaavara // ### [1.23.92](https://indike.org/pramana/in.purana.narada.1.23.92) tasmādviṣṇvarcanodyogaṃ karomi saha bālakaiḥ / ekādaśīvratamidamiti na jñātavānpurā // ### [1.23.93](https://indike.org/pramana/in.purana.narada.1.23.93) jātismṛtiprabhāveṇa tajjñātaṃ sāṃprataṃ mayā / atra svenāpi yatkarma kṛtaṃ tasya phalaṃ tvidam // ### [1.23.94](https://indike.org/pramana/in.purana.narada.1.23.94) ekādaśīvrataṃ bhaktyā kurvatāṃ kimuta prabho / tasmāccariṣye viprendra śubhamekādaśīvratam // ### [1.23.95](https://indike.org/pramana/in.purana.narada.1.23.95) viṣṇupūjāṃ cāharahaḥ paramasthānakāṅkṣayā / ekādaśīvrataṃ yattu kurvanti śraddhayā narāḥ // ### [1.23.96](https://indike.org/pramana/in.purana.narada.1.23.96) teṣāṃ tu viṣṇubhavanaṃ paramānandadāyakam / evaṃ putravacaḥ śrutvā saṃtuṣṭo gālavo muniḥ // ### [1.23.97](https://indike.org/pramana/in.purana.narada.1.23.97) avāpa paramāṃ tuṣṭiṃ manasā cātiharṣitaḥ / majjanma saphalaṃ jātaṃ maddhaṃśaḥ pāvanīkṛtaḥ // ### [1.23.98](https://indike.org/pramana/in.purana.narada.1.23.98) yatastvaṃ madagṛhe jāto viṣṇubhaktiparāyaṇaḥ / iti saṃtuṣṭacittastu tasya putrasya karmaṇā // ### [1.23.99](https://indike.org/pramana/in.purana.narada.1.23.99) haripūjāvidhānaṃ ca yathāvatsamabodhayat / ityetatte muniśreṣṭha yathāvatkathitaṃ mayā / saṃkocavistarābhyāṃ ca kimanyacchrotumicchasi // ### [1.23.99.p1](https://indike.org/pramana/in.purana.narada.1.23.99.p1) iti śrībṛhannāradīye purāṇe pūrvabhāge prathamapāde vratākhyāne ekādaśīvratamahimānuvarṇanaṃ nāma trayoviṃśo 'yāyaḥ ## Linked texts (2) - [Haribhaktivilāsa](https://indike.org/pramana/in.sampradaya.vaisnava.gaudiya.acara.haribhaktivilasa.10.241) — Gopāla Bhaṭṭa Gosvāmin & Sanātana Gosvāmin 1535, Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.22.2) — Sanskrit --- Source: [https://indike.org/pramana/in.purana.narada.1.23](https://indike.org/pramana/in.purana.narada.1.23) · Pramāṇa