[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.24 # Naradapurana 1.24 Nāradapurāṇa 1.24 - **Language:** Sanskrit ## Contents - [1.24.35](https://indike.org/pramana/in.purana.narada.1.24.35) — 1 part ### [1.24.1](https://indike.org/pramana/in.purana.narada.1.24.1) sūta uvāca etanniśamya sanakoditamaprameyaṃ puṇyaṃ harerdinabhavaṃ nikhilottamaṃ ca / pāpaughaśāntikaraṇaṃ vratasāramevaṃ brahmātmajaḥ punarabhāṣata harṣayuktaḥ // ### [1.24.2](https://indike.org/pramana/in.purana.narada.1.24.2) nārada uvāca kathitaṃ bhavatā sarvaṃ mune tattvārthakovida / vratākhyānaṃ mahāpuṇyaṃ yathāvaddharibhaktidam // ### [1.24.3](https://indike.org/pramana/in.purana.narada.1.24.3) idānīṃ śrotumicchāmi varṇācacāravidhiṃ mune / tathā sarvāśramācāraṃ prāyaścittavidhiṃ tathā // ### [1.24.4](https://indike.org/pramana/in.purana.narada.1.24.4) etatsarvaṃ mahābhāga sarvatattvārthakovida / kṛpayā parayā mahyaṃ yathāvadvaktumarhasi // ### [1.24.5](https://indike.org/pramana/in.purana.narada.1.24.5) sanaka uvāca śṛṇuṣva muniśārdūla yathā bhaktapriyaṅkaraḥ / varṇāśramācāraparaiḥ pūjyate hariravyayaḥ // ### [1.24.6](https://indike.org/pramana/in.purana.narada.1.24.6) manvādyairuditaṃ yacca varṇāśramanibandhanam / tatte vakṣyāmi vidhivadbhakto 'si tvamadhokṣaje // ### [1.24.7](https://indike.org/pramana/in.purana.narada.1.24.7) brāhmaṇāḥ kṣatriyā vaiśyāḥ śūdrāścatvāra eva te / varṇā iti samākhyātā eteṣu brāhmaṇo 'dhikaḥ // ### [1.24.8](https://indike.org/pramana/in.purana.narada.1.24.8) brāhmaṇāḥ kṣatriyā vaiśyā dvijāḥ proktāstrayastāthā / mātṛtaścopanayanāddi jatvaṃ prāpyate tribhiḥ // ### [1.24.9](https://indike.org/pramana/in.purana.narada.1.24.9) etairvarṇaiḥ sarvadharmāḥ kāryā varṇānurupataḥ / svavarṇadharmatyagena pāṣaṇḍaḥ procyate budhaiḥ // ### [1.24.10](https://indike.org/pramana/in.purana.narada.1.24.10) svagṛhyacoditaṃ karmadvijaḥ kurvankṛtī bhavet / anyathā patito bhūyātsarvadharmabahiṣkṛtaḥ // ### [1.24.11](https://indike.org/pramana/in.purana.narada.1.24.11) yugadharmaḥ parigāryā verṇairetairyathocitam / deśācārāstathāgrāhyāḥ smṛtidharmāvirodhataḥ // ### [1.24.12](https://indike.org/pramana/in.purana.narada.1.24.12) karmaṇā manasā vācā yatnāddharṃmaṃ samācaret / asvargyaṃ lokavidviṣṭaṃ dharmyamapyācarennatu // ### [1.24.13](https://indike.org/pramana/in.purana.narada.1.24.13) samudrayātrāsvīkāraḥ kamaṇḍaluvidhāraṇam / dvijānāmasavarṇāsu kanyā sūpayamastathā // ### [1.24.14](https://indike.org/pramana/in.purana.narada.1.24.14) devarācca sutotpattirmadhuparke paśorvadhaḥ / māṃsādanaṃ tathā śrāddhe vānaprasthaāśramastathā // ### [1.24.15](https://indike.org/pramana/in.purana.narada.1.24.15) dattākṣatāyāḥ kanyāyāḥ punardānaṃ varāya ca / naiṣṭikaṃ brahmacaryaṃ ca naramedhāścamedhakau // ### [1.24.16](https://indike.org/pramana/in.purana.narada.1.24.16) mahāprasthānagamanaṃ gomedhaśca tathā makhaḥ / etāndharmānkaliyuke varjyānāhurmanīṣiṇaḥ // ### [1.24.17](https://indike.org/pramana/in.purana.narada.1.24.17) deśācārāḥ parigrāhyāstattaddeśagatairnaraiḥ / anyathā patito jñeyaḥ sarvadharmabahiṣkṛtaḥ // ### [1.24.18](https://indike.org/pramana/in.purana.narada.1.24.18) brāhmaṇakṣatriyaviśāṃ śūdrāṇāṃ ca dvijottamā / kriyāḥ sāmānyato vakṣye tacchṛṇuṣva samāhitaḥ // ### [1.24.19](https://indike.org/pramana/in.purana.narada.1.24.19) dānaṃ dadyārdvahmaṇebhyastathā yajñairyajetsurān / vṛttyarthaṃ yācayeccaiva anyānadhyāpayettathā // ### [1.24.20](https://indike.org/pramana/in.purana.narada.1.24.20) yājayedyajane yogyānvipro nityodakī bhavet / kuryyācca vedagrahaṇaṃ tathāgreśca parigraham // ### [1.24.21](https://indike.org/pramana/in.purana.narada.1.24.21) grāhyer dvye ca pārakye samabuddhirbhavettathā / sarvalokahitaṃ kṛryānmṛduvākyamudīrayet // ### [1.24.22](https://indike.org/pramana/in.purana.narada.1.24.22) ṛtāvabhigamaḥ patnyāṃ śasyate brāhmaṇasya vai / na kasyāpyahitaṃ brūyādviṣṇupūjāparo bhavet // ### [1.24.23](https://indike.org/pramana/in.purana.narada.1.24.23) dadyāddānāni viprebhyaḥ kṣatriyo 'pi dvijottama / kuryyācca vedagrahaṇaṃ yajñairddevānyajettathā // ### [1.24.24](https://indike.org/pramana/in.purana.narada.1.24.24) śastrājīvī bhaveccaiva pālayeddharmato mahīm / duṣṭānāṃ śāsanaṃ kuryyācchiṣṭānāṃ pālanaṃ tathā // ### [1.24.25](https://indike.org/pramana/in.purana.narada.1.24.25) pāśupālyaṃ ca vāṇijyaṃ kṛṃṣiśca dvijasattama / vedasyādhyayanaṃ caiva vaiśyasyāpi prakīrttitam // ### [1.24.26](https://indike.org/pramana/in.purana.narada.1.24.26) kuryācca dāragrahaṇaṃ dharmāścaiva samācaret / krayavikrayajarvāpi dhanaiḥ kārukriyodbhavaiḥ // ### [1.24.27](https://indike.org/pramana/in.purana.narada.1.24.27) dadyāddānāni śūdro 'pi pākayajñairyajenna ca / brāhmaṇakṣatriyaviśāṃ śuśrūṣāni rato bhavet // ### [1.24.28](https://indike.org/pramana/in.purana.narada.1.24.28) ṛtukālābhigāmīca svadāreṣu bhavettathā / sarvalokahitoṣitvaṃ maṅgalaṃ priyavāditā // ### [1.24.29](https://indike.org/pramana/in.purana.narada.1.24.29) anāyāso manoharṣastitikṣā nātimānitā / sāmānyaṃ sarvavarṇānāṃ munibhiḥ parikīrtitam // ### [1.24.30](https://indike.org/pramana/in.purana.narada.1.24.30) sarve ca munitāṃ yānti svāśramocitakarmaṇā / brāhmaṇaḥ kṣatriyācāramāśrayedāpadi dvija // ### [1.24.31](https://indike.org/pramana/in.purana.narada.1.24.31) kṣatriyo 'pi ca viḍvṛttimatyāpadi samāśrayet / nāśrayecchūdravṛttiṃ tu atyāpadyapi vai dvijaḥ // ### [1.24.32](https://indike.org/pramana/in.purana.narada.1.24.32) yadyāśrayeddijo mūḍhastadā cāṇḍāsatāṃ vrajet / brāhmaṇakṣatriyaviśāṃ trayāṇāṃ munisattama // ### [1.24.33](https://indike.org/pramana/in.purana.narada.1.24.33) catvāra āśramāḥ proktāḥ pañcamo nopapadyate / brahmacārī gṛhī vānaprastho bhikṣuśca sattama // ### [1.24.34](https://indike.org/pramana/in.purana.narada.1.24.34) caturbhirāśramairebhiḥ sādhyate dharma uttamaḥ / viṣṇustuṣyati viprendra karmayogaratātmanaḥ // ### [1.24.35](https://indike.org/pramana/in.purana.narada.1.24.35) niḥspṛhāśāntamanasaḥ svakarmaniratasya ca / tato yāti paraṃ sthānaṃ yato nāvarttate punaḥ // ### [1.24.35.p1](https://indike.org/pramana/in.purana.narada.1.24.35.p1) iti śrībṛhannārāyaṇapurāṇe pūrvabhāge prathamapāde sadācāro nāma caturviśo 'dhyāyaḥ ## Linked texts (3) - [Brahmapurāṇa](https://indike.org/pramana/in.purana.brahma.222.16) — Vyāsa, Sanskrit - [Kaulāvalīnirṇaya](https://indike.org/pramana/in.sampradaya.saiva.trika.kaula.kaulavalinirnaya.1.1457) — Jñānānanda Paramahaṃsa 1500, Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.23.9) — Sanskrit --- Source: [https://indike.org/pramana/in.purana.narada.1.24](https://indike.org/pramana/in.purana.narada.1.24) · Pramāṇa