[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.25 # Naradapurana 1.25 Nāradapurāṇa 1.25 - **Language:** Sanskrit ## Contents - [1.25.65](https://indike.org/pramana/in.purana.narada.1.25.65) — 1 part ### [1.25.1](https://indike.org/pramana/in.purana.narada.1.25.1) sanaka uvāca varṇāśramācāravidhiṃ pravakṣyāmi viśeṣataḥ / śṛṇuṣva tanmuniśreṣṭha sāvadhānena cetasā // ### [1.25.2](https://indike.org/pramana/in.purana.narada.1.25.2) yaḥ svadharmaṃ parityajya paradharmaṃ samācaret / pāṣaṇḍaḥ sa hi vijñeyaḥ sarvadharmabahiṣkṛtaḥ // ### [1.25.3](https://indike.org/pramana/in.purana.narada.1.25.3) garbhādhānādisaṃskārāḥ kāryā mantravidhānataḥ / strīṇāmamantrataḥ kāryā yathākālaṃ yathāvidhi // ### [1.25.4](https://indike.org/pramana/in.purana.narada.1.25.4) sīmantakarma prathamaṃ caturthe māsi śasyate / ṣaṣṭe vā satpame vāpi aṣṭame vāpi kārayet // ### [1.25.5](https://indike.org/pramana/in.purana.narada.1.25.5) jāte putre pitā snātvā sacailaṃ jātakarma ca / kuryyācca nāndīśrāddhaṃ ca svastivācanapūrvakam // ### [1.25.6](https://indike.org/pramana/in.purana.narada.1.25.6) hemnā vā rajatenāpi vṛddhiśrāddhaṃ prakalpayet / annena kārayedyastu sa caṇḍāla samo bhavet // ### [1.25.7](https://indike.org/pramana/in.purana.narada.1.25.7) kṛtvābhyudayikaṃ śrāddhaṃ pitā putraghasya vāgyataḥ / kurvīta nāmanirddeśaṃ sūtakānte yathāvidhi // ### [1.25.8](https://indike.org/pramana/in.purana.narada.1.25.8) aspaṣṭamarthahīnaṃ ca hyatigurva kṣarānvitam / na dadyānnāma viprenda tathā ca viṣathamākṣaram // ### [1.25.9](https://indike.org/pramana/in.purana.narada.1.25.9) tṛtīyavarṣe caulaṃ ca pañcame ṣaṣṭasaṃmite / satpame cāṣṭame vāpi kuryād gṛhyoktamārgataḥ // ### [1.25.10](https://indike.org/pramana/in.purana.narada.1.25.10) daivayogādatikrānte garbhādhānādikarmaṇi / kartavyaḥ pādakṛcchro vai caule tvarddhaṃ prakalpayet // ### [1.25.11](https://indike.org/pramana/in.purana.narada.1.25.11) garbhāṣṭame 'ṣṭame vābde baṭukasyopanāyanam / āṣoḍaśābdaparyantaṃ gauṇaṃ kālamuśanti ca // ### [1.25.12](https://indike.org/pramana/in.purana.narada.1.25.12) garbhaikādaśame 'bde tu rājanyasyopanāyanam / ādvāviṃśābdaparyantaṃ kālamāhurvipaścitaḥ // ### [1.25.13](https://indike.org/pramana/in.purana.narada.1.25.13) vaiśvopanayanaṃ proktaṃ garbhāddvādaśame tathā / caturviṃśābdaparyantaṃ gauṇamāhurmanīṣiṇaḥ // ### [1.25.14](https://indike.org/pramana/in.purana.narada.1.25.14) etatkālāvadheryasya dvijasyātikramo bhavet / sāvitrīpatitaṃ vidyāttaṃ tu naivālapetkadā // ### [1.25.15](https://indike.org/pramana/in.purana.narada.1.25.15) dvijopanayane vipra mukhyakālavyatikrame / dvādaśābdaṃ caretkṛcchraṃ paścājcāndrāyaṇaṃ tathā / sāṃtapanadvayaṃ caiva kṛtvā karma samācaret // ### [1.25.16](https://indike.org/pramana/in.purana.narada.1.25.16) anyathaā patitaṃ vidyātkarttāpi brahmahā bhavet / rmauñjī viprasya vijñeyā dhanurjyā kṣattriyasya tu // ### [1.25.17](https://indike.org/pramana/in.purana.narada.1.25.17) āvī vaiśyasya vijñeyā śrūyatāmajine tathā / viprasya coktamaiṇeyaṃ rauravaṃ kṣatriyasya tu // ### [1.25.18](https://indike.org/pramana/in.purana.narada.1.25.18) ājaṃ veśyasya vijñeyaṃ daṇḍānvakṣye yathākramam / pālāśaṃ brāhmaṇasyoktaṃ nṛpasyaudumbaraṃ tathā // ### [1.25.19](https://indike.org/pramana/in.purana.narada.1.25.19) bailvaṃ vaiśyasya vijñeya tatpramāṇaṃ śṛṇuṣva me / viprasya keśamānaṃ syādālalāṭaṃ nṛpasya ca // ### [1.25.20](https://indike.org/pramana/in.purana.narada.1.25.20) nāsāgrasaṃmitaṃ daṇḍaṃ vaiśyasyāhurvipaścitaḥ / tathā vāsāṃsi vakṣaghyāmi viprādīnāṃ yathākramam // ### [1.25.21](https://indike.org/pramana/in.purana.narada.1.25.21) kaṣāyaṃ caiva māñjiṣṭaṃ hāridraṃ ca prakīrtitam / upanīto dvijo vipra paricaryāparo guroḥ // ### [1.25.22](https://indike.org/pramana/in.purana.narada.1.25.22) vedagrahaṇaparyantaṃ nivasedguruveśmani / prātaḥ snāyī bhavedvarṇī samitkuśaphalādikān // ### [1.25.23](https://indike.org/pramana/in.purana.narada.1.25.23) gurvarthamāharennityaṃ kalye kalye munīśvara / yajñopavītamajinaṃ daṇḍaṃ ca munisattama // ### [1.25.24](https://indike.org/pramana/in.purana.narada.1.25.24) naṣṭe bhraṣṭe navaṃ mantrāddhṛtvā bhraṣṭaṃ jale kṣipet / varṇino varttanaṃ prāhurbhikṣānnenaiva kevalam // ### [1.25.25](https://indike.org/pramana/in.purana.narada.1.25.25) bhikṣā ca śrotriyāgārādāharetprayatendriyaḥ / bhavatpūrvaṃ brāhmaṇasya bhavanmadhyaṃ nṛpasya ca // ### [1.25.26](https://indike.org/pramana/in.purana.narada.1.25.26) bhavadatyaṃ viśaḥ proktaṃ bhikṣāharaṇakaṃ vacaḥ / sāṃyaprātarvahnikāryaṃ yathācāraṃ jitendriyaḥ // ### [1.25.27](https://indike.org/pramana/in.purana.narada.1.25.27) kuryātpratidinaṃ varṇīṃ brahmayajñaṃ ca tarpaṇam / agnikāryaparityāgī patitaḥ procyate budhaiḥ // ### [1.25.28](https://indike.org/pramana/in.purana.narada.1.25.28) brahmayajñavihīnaśca brahmahā parikīrtitaḥ / devatābhyarccanaṃ kuryācchuśrūṣānupadaṃ guroḥ // ### [1.25.29](https://indike.org/pramana/in.purana.narada.1.25.29) bhikṣānnaṃ bhojayennityaṃ naikānnāśī kadācana / ānīyānindyaviprāṇāṃ gṛhādbhikṣāṃ jitendriyaḥ // ### [1.25.30](https://indike.org/pramana/in.purana.narada.1.25.30) nivedya gurave 'śrīyādvāgyatastadanughajñayā / madhustrīmāṃsalavaṇaṃ tāmbūlaṃ dantadhāvanam // ### [1.25.31](https://indike.org/pramana/in.purana.narada.1.25.31) ucchiṣṭabhojanaṃ caiva divāsvāpaṃ ca varjayet / chātraghapāduka gandhāṃśca tathā mālyānulepanam // ### [1.25.32](https://indike.org/pramana/in.purana.narada.1.25.32) jalakeliṃ nṛtyagītavādyaṃ tu parivarjayet / parivādaṃ copatāpaṃ vipralāpaṃ tathāñjanam // ### [1.25.33](https://indike.org/pramana/in.purana.narada.1.25.33) pāṣaṇḍa janasaṃyogaṃ śūdrasaṃgaṃ ca varjayet / abhivādanaśīlaḥ syād vṛddheṣu ca yathākramam // ### [1.25.34](https://indike.org/pramana/in.purana.narada.1.25.34) jñānavṛddhāstapovṛddhā vayovṛddhā iti trayaḥ / ādhyātmikā diduḥkhāni nivārayati yo guruḥ // ### [1.25.35](https://indike.org/pramana/in.purana.narada.1.25.35) vedaśāstropadeśena taṃ pūrvamabhivādayet / asāvahamiti brūyāddijo vai hyabhivādane // ### [1.25.36](https://indike.org/pramana/in.purana.narada.1.25.36) nābhivādyāśca vipreṇa kṣaghatriyādyāḥ kathañcana / nāstikaṃ bhinnamaryādaṃ kṛtanghaṃ grāmayājakam // ### [1.25.37](https://indike.org/pramana/in.purana.narada.1.25.37) stenaṃ ca kitavaṃ caiva kadācinnābhivādayet / pāṣaṇḍaṃ patitaṃ vrātyaṃ tathā nakṣaghatrajīvinam // ### [1.25.38](https://indike.org/pramana/in.purana.narada.1.25.38) tathā pātakinaṃ caiva kadācinnābhivādayet / unmattaṃ ca śaṭhaṃ dhūrttaṃ dhāvantamaśuciṃ tathā // ### [1.25.39](https://indike.org/pramana/in.purana.narada.1.25.39) abhyaktaśirasaṃ caiva japantaṃ nābhivādayet / vivādaśīlinaṃ cañjaṃ vamantaṃ jalamadhyagam // ### [1.25.40](https://indike.org/pramana/in.purana.narada.1.25.40) bhikṣānnadhāriṇaṃ caiva śayānaṃ nābhivādayet / bhartṛnghīṃ puṣpiṇīṃ jārāṃ sūtikāṃ garbhapātinīm // ### [1.25.41](https://indike.org/pramana/in.purana.narada.1.25.41) kṛtanghīṃ ca tathā caṇḍīṃ kadācinnābhivādayet / sabhāyāṃ yajñaśālāyāṃ devatāyataneṣvapi // ### [1.25.42](https://indike.org/pramana/in.purana.narada.1.25.42) pratyekaṃ tu namaskāro hṝnti puṇyaṃ purākṛtam / śrāddhaṃ vrataṃ tathā dānaṃ devatābhyārcanaṃ tathā // ### [1.25.43](https://indike.org/pramana/in.purana.narada.1.25.43) yajñaṃ ca tarpaṇaṃ caiva kurvantaṃ nābhivādayet / kṛte 'bhivādane yastu na kuryā tprativādanam // ### [1.25.44](https://indike.org/pramana/in.purana.narada.1.25.44) nābhivādyaḥ sa vijñeyo yayā śūdrastathaiva saḥ / prakṣālya pādāvācamya gurorabhimukhaḥ sadā // ### [1.25.45](https://indike.org/pramana/in.purana.narada.1.25.45) tasya pādau ca saṃgṛhya adhīyīta vicakṣaṇaḥ / aṣṭakāsu caturdaśyāṃ pratipatparvaṇostathā // ### [1.25.46](https://indike.org/pramana/in.purana.narada.1.25.46) mahābharaṇyāṃ vipredraṃ śravaṇadvādaśīdine / bhādrapadāparapakṣe dvitīyāyāṃ tathaiva ca // ### [1.25.47](https://indike.org/pramana/in.purana.narada.1.25.47) māghasya śuklasatpamyāṃ navamyāmāśrinasya ca / pariveṣaṃ gate sūrye śrotriye gṛhamāgate // ### [1.25.48](https://indike.org/pramana/in.purana.narada.1.25.48) bandhite brahmaṇe caiva pravṛddhakalahe tathā / saṃdhyāyāṃ garjite meghe hyakāle parivarṣaṇe // ### [1.25.49](https://indike.org/pramana/in.purana.narada.1.25.49) ulkāśaniprapāte ca tathā vipre 'vamānite / manvādiṣu ca devarṣe yugādiṣu caturṣvapi // ### [1.25.50](https://indike.org/pramana/in.purana.narada.1.25.50) nādhīyīta dvijaḥ kaścitsarvakarmaphalotsukaḥ / tṛtīyā prādhave śuklā bhādre kṛṣṇā traghayodaśī // ### [1.25.51](https://indike.org/pramana/in.purana.narada.1.25.51) kārttike navamī śuddhā māghe pañcadaśī tithiḥ / etā yugādyāḥ kathitā dattasyākṣayakārikāḥ // ### [1.25.52](https://indike.org/pramana/in.purana.narada.1.25.52) manvādīṃśca pravakṣyāmi śṛṇuṣva susamāhitaḥ / akṣayukchuklanavamī kārtike dvādaśī sitā // ### [1.25.53](https://indike.org/pramana/in.purana.narada.1.25.53) tṛtīyā caighatramāsasya tathā bhādrapadasya ca / āṣāḍhaśukladaśamī sitā māghasya satpamī // ### [1.25.54](https://indike.org/pramana/in.purana.narada.1.25.54) śrāvaṇasyāṣṭamī kṛṣṇā tathāṣāḍhī ca pūrṇamā / phaālgunasya tvamāvāsyā pauṣasyaikādaśī sitā // ### [1.25.55](https://indike.org/pramana/in.purana.narada.1.25.55) kārtikī phaālgunī caighatrīṃ jyaiṣṭhī pañcadaśī sitā / manvādayaḥ samākhyātā dattasyākṣayakārikāḥ // ### [1.25.56](https://indike.org/pramana/in.purana.narada.1.25.56) dvijaiḥ śraddhaṃ cakarttavyaṃ manvādiṣu yugādiṣu / śrāddhe nimantrite caivagrahaṇe candrasūryayoḥ // ### [1.25.57](https://indike.org/pramana/in.purana.narada.1.25.57) ayanadvitaye caiva tathā bhūkaṃpane mune / galagrahe durddine ca nādhīyīta kadācanā // ### [1.25.58](https://indike.org/pramana/in.purana.narada.1.25.58) evamādiṣu sarveṣu anadhyāyeṣu nārada / adhīyatāṃ sumūḍhānāṃprajāṃprajñāṃyaśaḥ śriyam // ### [1.25.59](https://indike.org/pramana/in.purana.narada.1.25.59) āyuṣyaṃ balamārogyaṃ nikṛntati yamaḥ svayam / anadhyāye tu yo 'dhīte taṃ vidyādvrahmaghātakam // ### [1.25.60](https://indike.org/pramana/in.purana.narada.1.25.60) na taṃ saṃbhāṣayedviprana tena saha saṃvaset / kuṇḍagolakayoḥ kecijjaḍādīnāṃ ca nārada // ### [1.25.61](https://indike.org/pramana/in.purana.narada.1.25.61) vadanti copanayanaṃ tatputrādiṣu kecana / anadhītya tu yo vedamanyatra kurute śramam // ### [1.25.62](https://indike.org/pramana/in.purana.narada.1.25.62) śūdratulyaḥ sa vijñeyo narakasya priyo 'tithiḥ / anadhītaśrutirvipra ācāra pratipadyate // ### [1.25.63](https://indike.org/pramana/in.purana.narada.1.25.63) nācāraphalamānpoti yathā śūdrastathaiva saḥ / nityaṃ naimittikaṃ kāmyaṃ yaccānyatkarma vaidikam // ### [1.25.64](https://indike.org/pramana/in.purana.narada.1.25.64) anadhītasya viprasya sarvaṃ bhavati niṣphalam / śabdabrahmamayo viṣṇurvedaḥ sākṣāddhāri smṛkataḥ // ### [1.25.65](https://indike.org/pramana/in.purana.narada.1.25.65) vedādhyāyī tato vipraḥ sarvānkāmānavānpuyāt // ### [1.25.65.p1](https://indike.org/pramana/in.purana.narada.1.25.65.p1) iti śrībṛhannāradīyapurāṇe pūrvabhāge prathamapāde smārtācāreṣu varṇāśramadharmeṣvadhyayanādidharmanirupaṇaṃ nāma pañcaviṃśo 'dhyāyaḥ ## Linked texts (5) - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.24.3) — Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.27.15) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.27.15) — Basava, Sanskrit - [Saṃskāraratnamālā (Gopīnātha Dīkṣita Oka)](https://indike.org/pramana/in.niti.dharma.samskara.samskararatnamala.17.p1.6) — Gopīnātha Dīkṣita Oka, Sanskrit - [Ācārabhūṣaṇa](https://indike.org/pramana/in.niti.dharma.acara.acarabhusana.24.1.34) — Tryambaka rāma oka 1794, Sanskrit --- Source: [https://indike.org/pramana/in.purana.narada.1.25](https://indike.org/pramana/in.purana.narada.1.25) · Pramāṇa