[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.26 # Naradapurana 1.26 Nāradapurāṇa 1.26 - **Language:** Sanskrit ## Contents - [1.26.46](https://indike.org/pramana/in.purana.narada.1.26.46) — 1 part ### [1.26.1](https://indike.org/pramana/in.purana.narada.1.26.1) sanaka uvāca vedagrahaṇaparyantaṃ śuśrūṣāniyato guroḥ / anujñātastatastena kuryādagniparigraham // ### [1.26.2](https://indike.org/pramana/in.purana.narada.1.26.2) vedāśca dharmaśāstrāṇi vedāṅgānyapi ca dvijaḥ / adhītya gurave dattvā dakṣiṇāṃ saṃviśedvṛham // ### [1.26.3](https://indike.org/pramana/in.purana.narada.1.26.3) rupalāvaṇyasaṃpannāṃ saguṇāṃ sukulodbhavām / dvijaḥ samudvahetkanyāṃ suśīlāṃ dharma cāriṇīm // ### [1.26.4](https://indike.org/pramana/in.purana.narada.1.26.4) mātṛtaḥ pañcamīṃ dhīmānpitataḥ satpamīṃ tathā / dvijaḥ samudvahetkanyathā gurutalparāḥ // ### [1.26.5](https://indike.org/pramana/in.purana.narada.1.26.5) rogiṇīṃ caiva vṛttākṣīṃ sarogakulasaṃbhavām / atikeśāmakeśāmakeśāṃ ca vācālāṃ nodvahedvudhaḥ // ### [1.26.6](https://indike.org/pramana/in.purana.narada.1.26.6) kopānāṃ vāmanāṃ caiva dīrghadehāṃ virupiṇīm / nyānādhikāṅgīmunmattāṃ piśunāṃ nodvahed budhaḥ // ### [1.26.7](https://indike.org/pramana/in.purana.narada.1.26.7) sthūlagulphaāṃ dīrghajaṅghāṃ tathaiva puruṣākṛtim / śmaśruvyañjanasaṃyuktāṃ kubjāṃ caivādvahenna ca // ### [1.26.8](https://indike.org/pramana/in.purana.narada.1.26.8) vṛthāhāsyamukhīṃ caiva sadānyagṛha vāsinīm / vivādaśīlāṃ bhramitāṃ niṣṭhurāṃ nodvahedrudhaḥ // ### [1.26.9](https://indike.org/pramana/in.purana.narada.1.26.9) bahvaśinīṃ sthīladantāṃ sthūloṣṭhīṃ ghurghurasvanām / atikṛṣṇāṃ raktavarṇāṃ dhūrtāṃ naivodvahe dvudhaḥ // ### [1.26.10](https://indike.org/pramana/in.purana.narada.1.26.10) sadā rodanaśīlāṃ ca pāṇḍurābhāṃ ca kutsitām / tāsaśvāsādisaṃyuktāṃ nidrāśīlāṃ ca nodvahet // ### [1.26.11](https://indike.org/pramana/in.purana.narada.1.26.11) anarthabhāṣiṇīṃ caiva lokadveṣa parāyaṇām / parāpavādaniratāṃ taskārāṃ nodvahedvudhaḥ // ### [1.26.12](https://indike.org/pramana/in.purana.narada.1.26.12) dīrghanāsāṃ ca kitavāṃ tanūruhavibhūṣigatām / garvitāṃ bakavṛttiṃ ca sarvathā nodvahedvudhaḥ // ### [1.26.13](https://indike.org/pramana/in.purana.narada.1.26.13) bālabhāvādavijñātasvabhāvāmudvahedyadi / pragalbhāṃ vāguṇāṃ jñātvā sarvathā tāṃ parityajet // ### [1.26.14](https://indike.org/pramana/in.purana.narada.1.26.14) bharttṛputreṣu yā nārī sarvadā niṣṭhurā bhavet / parānukūlinī yā ca sarvathā tāṃ parityajet // ### [1.26.15](https://indike.org/pramana/in.purana.narada.1.26.15) vivāhāścāṣṭadhā jñeyā brāhmādyā munisattama / pūrvaḥ pūrvo varo jñeyaḥ pūrvābhāve paraḥ paraḥ // ### [1.26.16](https://indike.org/pramana/in.purana.narada.1.26.16) brāhno daivastathaivārṣaḥ prājāpatyastathāsuraḥ / gāndharvo rākṣasaścaiva paiśācaścāṣṭamo mataḥ // ### [1.26.17](https://indike.org/pramana/in.purana.narada.1.26.17) brāhmeṇa ca vivāhena vaivāhyo vai dvijottamaḥ / daivenāpyathavā vipra kecidārṣaṃ pracakṣate // ### [1.26.18](https://indike.org/pramana/in.purana.narada.1.26.18) prājāpatyādayo vipra vivāhāḥ pañcaja garhitāḥ / abhāveṣu tu pūrveṣāṃ kuryādeva parānbudhaḥ // ### [1.26.19](https://indike.org/pramana/in.purana.narada.1.26.19) yajñopavītadvitayaṃ sottarīyaṃ ca dhārayet / suvarṇakuṇḍale caiva dhautavastradvayaṃ tathā // ### [1.26.20](https://indike.org/pramana/in.purana.narada.1.26.20) anulepanalitpāṅgaḥ kṛttakeśanakhaḥ śuciḥ / dhārayedvaiṇavaṃ daṇḍaṃ sodakaṃ ca kamaṇḍalum // ### [1.26.21](https://indike.org/pramana/in.purana.narada.1.26.21) uṣṇīṣamamalaṃ chatraṃ pāduke cāpyupānahau / dhārayetpuṣpamālye ca sugandhaṃ priyadarśanaḥ // ### [1.26.22](https://indike.org/pramana/in.purana.narada.1.26.22) nityaṃ svādhyāyaśīlaḥ syādyathācāraṃ samācaret / parānnaṃ naiva bhuñjīta paravādaṃ ca varjayet // ### [1.26.23](https://indike.org/pramana/in.purana.narada.1.26.23) pādena nākrametpādamucchiṣṭaṃ naiva laṅghayet / na saṃhatābhyāṃ hastābhyāṃ kaṇḍūyedātmanaḥ śiraḥ // ### [1.26.24](https://indike.org/pramana/in.purana.narada.1.26.24) pūjyaṃ devālayaṃ caiva nāpasavyaṃ vrajeddijaḥ / devārcācamanasnānavrataśrāddhakriyādiṣu // ### [1.26.25](https://indike.org/pramana/in.purana.narada.1.26.25) na bhavenmuktakeśaśca naikavastradharastathā / nāroheduṣṭrayānaṃ ca śuṣkavādaṃ ca varjayet // ### [1.26.26](https://indike.org/pramana/in.purana.narada.1.26.26) anya striyaṃ na gacchecca paiśunyaṃ parivarjayet / nāpasavyaṃ vrajedvipra goścatthānalaparvatān // ### [1.26.27](https://indike.org/pramana/in.purana.narada.1.26.27) catuṣpathaṃ caityavṛkṣarṃ devakhātaṃ nṛpaṃ tathā / asūyāṃ matsaratvaṃ ca divāsvāpaṃ ca varjayet // ### [1.26.28](https://indike.org/pramana/in.purana.narada.1.26.28) na vadetparapāpāni svapuṇyaṃ na prakāśayet / svakaṃ nāma svanakṣatraṃ mānaṃ caivātigopayet // ### [1.26.29](https://indike.org/pramana/in.purana.narada.1.26.29) na durjanaiḥ saha vase nnāśāstraṃ śṛṇuyāttathā / āsavadyūtagīteṣu dvijastu na rartiṃ caret // ### [1.26.30](https://indike.org/pramana/in.purana.narada.1.26.30) ārdrāsthi ca tathocchiṣṭaṃ śūdraṃ ca patitaṃ tathā / sarpaṃ ca bhaṣaṇaṃ spṛṣṭvā sacailaṃ snānamācaret // ### [1.26.31](https://indike.org/pramana/in.purana.narada.1.26.31) citiṃ ca citikāṣṭaṃ ca yūpaṃ cāṇḍālameva ca / spṛṣṭvā devalakaṃ caiva savāsā jalamāviśet // ### [1.26.32](https://indike.org/pramana/in.purana.narada.1.26.32) dīpakhaṭvātanucchāyākeśavas trakaṭodakam / ajāmārjaṃnimārjārareṇurddaivaṃ śubhaṃ haret // ### [1.26.33](https://indike.org/pramana/in.purana.narada.1.26.33) śūrppavātaṃ pretadhūmaṃ tathā śūdrānnabhojanam / vṛṣalīpatisaṅgaṃ ca dūrataḥ parivarjayet // ### [1.26.34](https://indike.org/pramana/in.purana.narada.1.26.34) asacchārstrārthamananaṃ khādanaṃ nakhakeśayoḥ / tathaiva nagnaśayanaṃ sarvadā parivarjayet // ### [1.26.35](https://indike.org/pramana/in.purana.narada.1.26.35) śirobhyaṅgāvaśiṣṭena tailenāṅgaṃ na lepayet / tāṃbūlamaśuciṃ nādyāttathā suptaṃ na bodhayet // ### [1.26.36](https://indike.org/pramana/in.purana.narada.1.26.36) nāśuddho 'gniṃ paricaretpūjayedgurudevatāḥ / na vāmahastenaikena pibedvakreṇa vā jalam // ### [1.26.37](https://indike.org/pramana/in.purana.narada.1.26.37) na cākramedgurośchāyāṃ tadājñāṃ ca munīśvara / na nindedyogino viprānvratino 'pi yatīṃstathā // ### [1.26.38](https://indike.org/pramana/in.purana.narada.1.26.38) parasparasya marmāṇi na kadāpi vadeddvijaḥ / darśe ca paurṇamāsyāṃ ca yāgaṃ kuryādyathāvidhi // ### [1.26.39](https://indike.org/pramana/in.purana.narada.1.26.39) upasanaṃ ca hotavyaṃ sāyaṃ prātardvijātibhiḥ / upāsanaparityāgī surāpītyucyate budhaiḥ // ### [1.26.40](https://indike.org/pramana/in.purana.narada.1.26.40) ayane viṣuve caiva yugādiṣu caturṣvapi / darśe ca pretapakṣe ca śrāddhaṃ kuryādgṛhī dvijaḥ // ### [1.26.41](https://indike.org/pramana/in.purana.narada.1.26.41) manvādiṣu mṛdāhe ca aṣṭakāsu ca nārada / nāvadhānye samāyāte gṛhī śrāddhaṃ samācaret // ### [1.26.42](https://indike.org/pramana/in.purana.narada.1.26.42) śrotriye gṛhamāyāte grahaṇe candrasūryoḥ / puṇyakṣetreṣu tīrtheṣu gṛhī śrāddhaṃ samācaret // ### [1.26.43](https://indike.org/pramana/in.purana.narada.1.26.43) yajño dānaṃ tapo homaḥ svādhyāyaḥ pitṛtarpaṇam / vṛthā bhavati tatsarvamūrddhapuṇḍraṃ vinā kṛtam // ### [1.26.44](https://indike.org/pramana/in.purana.narada.1.26.44) urddhapuṇḍraṃ ca tulasīṃ śrāddhe necchanti kecana / vṛthācāraḥ parityājyastasmācchreyo 'rthibhirdvijaiḥ // ### [1.26.45](https://indike.org/pramana/in.purana.narada.1.26.45) ityevamādayo dharmāḥ smṛtimārgapracoditāḥ / kāryā dvijātibhiḥ samyaksarvakarmaphalapradāḥ // ### [1.26.46](https://indike.org/pramana/in.purana.narada.1.26.46) sadā cāraparā ye tu teṣāṃ viṣṇuḥ prasīdati / viṣṇau prasannatāṃ yāte kimasādhyaṃ dvijottama // ### [1.26.46.p1](https://indike.org/pramana/in.purana.narada.1.26.46.p1) iti śrībṛhannāradīyapurāṇe pūrvabhāge prathamapāde smārttadhermaṣu vedādhyayanādikasya gṛhasthadharmasya ca nirupaṇaṃ nāma ṣaḍviṃśo 'dhyāyaḥ ## Linked texts (3) - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.25.3) — Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.28.33) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.28.33) — Basava, Sanskrit --- Source: [https://indike.org/pramana/in.purana.narada.1.26](https://indike.org/pramana/in.purana.narada.1.26) · Pramāṇa