[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.27 # Naradapurana 1.27 Nāradapurāṇa 1.27 - **Language:** Sanskrit ## Contents - [1.27.106](https://indike.org/pramana/in.purana.narada.1.27.106) — 1 part ### [1.27.1](https://indike.org/pramana/in.purana.narada.1.27.1) sanaka uvāca gṛhasthasya sadācāraṃ vakṣyāmi munisattama / yadrūtāṃ sarvapāpāni naśyantyeva na saṃśayaḥ // ### [1.27.2](https://indike.org/pramana/in.purana.narada.1.27.2) brāhne muhūrte cotthāya puruṣārthāvirodhinīm / vṛttiṃ saṃcintayedvipra kṛtakeśaprasādhanaḥ // ### [1.27.3](https://indike.org/pramana/in.purana.narada.1.27.3) divāsaṃdhyāsu karṇasthabrahmasūtra udaḍmukhaḥ / kuryānmūtrapurīṣe tu rātrau ceddakṣiṇāmukhaḥ // ### [1.27.4](https://indike.org/pramana/in.purana.narada.1.27.4) śiraḥ prāvṛtya vastreṇa hyantarddhāya tṛṇairmahīm / vahankāṣṭaṃ kareṇaikaṃ tāvanmaunī bhaveddvijaḥ // ### [1.27.5](https://indike.org/pramana/in.purana.narada.1.27.5) pathi goṣṭe nadītīre taḍāgagṛhasannidhau / tathā vṛkṣasya cchāyāyāṃ kāntāre vahnisannidhau // ### [1.27.6](https://indike.org/pramana/in.purana.narada.1.27.6) devālaye tathodyāne kṛṣṭabhūmau catuṣpathe / brāhmaṇānāṃ samīpe ca tathā goguruyoṣitām // ### [1.27.7](https://indike.org/pramana/in.purana.narada.1.27.7) tuṣāṅgārakapāleṣu jalamadhye tathaiva ca / evamādiṣu deśeṣu malamūtraṃ na kārayet // ### [1.27.8](https://indike.org/pramana/in.purana.narada.1.27.8) śauce yatnaḥ sadā kāryaḥ śaucamūlo dvijaḥ smṛtaḥ / śaucācāravihīnasya samastaṃ karma niṣphalam // ### [1.27.9](https://indike.org/pramana/in.purana.narada.1.27.9) śaucaṃ tu dvividhaṃ proktaṃ brāhmamābhyāntaraṃ tathā / mṛjjalābhyāṃ bahiḥ śuddhirbhāvaśuddhistathāntaram // ### [1.27.10](https://indike.org/pramana/in.purana.narada.1.27.10) gṛhītaśiśraścotthāya śaucārthaṃ mṛdamāharet /. na mūṣakādikhanitāṃ phaālotkṛṣṭāṃ tathaiva ca // ### [1.27.11](https://indike.org/pramana/in.purana.narada.1.27.11) vāpīkūpataḍāgebhyo nāharedapi mṛttikām / śaucaṃ kuryātprayatnena samādāya śubhāṃ mṛdam // ### [1.27.12](https://indike.org/pramana/in.purana.narada.1.27.12) liṅge mṛdekā dātavyā tisro vā meḍhrayordvayoḥ / etanmūtramutsarge śaucamāhūrmanīṣiṇaḥ // ### [1.27.13](https://indike.org/pramana/in.purana.narada.1.27.13) ekā liṅge gude pañca daśa vāme tathobhayoḥ / satpa tisraḥ pradātavyāḥ pādayormṛttikāḥ pṛthak // ### [1.27.14](https://indike.org/pramana/in.purana.narada.1.27.14) etacchaucaṃ viḍutsarge gandhalepāpanuttaye / etacchaucaṃ gṛhasthasya dviguṇaṃ brahmacāriṇām // ### [1.27.15](https://indike.org/pramana/in.purana.narada.1.27.15) triguṇāṃ tu vanasthānāṃ yatīnāṃ taccarguṇam / svasthāne pūrṇaśaucaṃ syātpathyarddhaṃ munisattama // ### [1.27.16](https://indike.org/pramana/in.purana.narada.1.27.16) āture niyamo nāsti mahāpadi tathaiva ca / gandhalepakṣayakaraṃ śaurcaṃ kuryādvicakṣaṇaḥ // ### [1.27.17](https://indike.org/pramana/in.purana.narada.1.27.17) strīṇāmanupanītānāṃ gandhalepakṣayāvadhi / vratasthānāṃ tu sarveṣāṃ yativacchaucamiṣyate // ### [1.27.18](https://indike.org/pramana/in.purana.narada.1.27.18) vidhavānāṃ ca virpendra etadeva nigadyate / evaṃ śaucaṃ tu nirvartya paścādvai susamāhitaḥ // ### [1.27.19](https://indike.org/pramana/in.purana.narada.1.27.19) prāgāsya udagāsyo vāpyācāmetprayartendriyaḥ / triścaturdhā pibedāpo gandhaphenādivarjitāḥ // ### [1.27.20](https://indike.org/pramana/in.purana.narada.1.27.20) dvirmārjayetkapolaṃ ca talenoṣṭhau ca sattama / tarjanyaṅguṣṭhayogena nāsārandhradvayaṃ spṛśet // ### [1.27.21](https://indike.org/pramana/in.purana.narada.1.27.21) aguṃṣṭānāmikābhyāṃ ca cakṣuḥ śrotre yathākramam / kaniṣṭāṅguṣṭayogena nābhideśe spṛśeddvijaḥ // ### [1.27.22](https://indike.org/pramana/in.purana.narada.1.27.22) talenoraḥsthalaṃ caiva aṅgulyagraiḥ śiraḥ spṛśet / talena cāṅgulāgrairvā spṛśedaṃsau vicakṣaṇaḥ // ### [1.27.23](https://indike.org/pramana/in.purana.narada.1.27.23) evamācamya vipredra śuddhimānpotyanuttamām / dantakāṣṭaṃ tataḥ khādetsatvacaṃ śastavṛkṣajam // ### [1.27.24](https://indike.org/pramana/in.purana.narada.1.27.24) bilvāsanāpāmārgaṇāṃ nimbānmārkādiśākhinām / prakṣālya vāriṇā caiva mantreṇāpyabhimantritam // ### [1.27.25](https://indike.org/pramana/in.purana.narada.1.27.25) āyurbalaṃ yaśo varcaḥ prajāḥ paśuvasūni ca / brahma prajñāṃ ca medhāṃ ca tvanno dhehi vanaspate // ### [1.27.26](https://indike.org/pramana/in.purana.narada.1.27.26) kaniṣṭāgrasamaṃ sthaulye vipraḥ khādeddaśāṅgulam / navāṅgulaṃ kṣatriyaśca vaiśyaścāṣṭāṅgulonmitam // ### [1.27.27](https://indike.org/pramana/in.purana.narada.1.27.27) śūdro vedāṅgulamitaṃ vanitā ca munīśvara / alābhe daitakāṣṭānāṃ gaṇḍūṣairbhānusaṃmitaiḥ // ### [1.27.28](https://indike.org/pramana/in.purana.narada.1.27.28) muthaśuddhirvidhīyeta tṛṇapatrasamanvitaiḥ / kareṇādāya vāmena saṃcarvedvāmadaṃṣṭrayā // ### [1.27.29](https://indike.org/pramana/in.purana.narada.1.27.29) dvijānsaṃgharṣya godohaṃ tataḥ prakṣālya pāṭayet / jihvāmullikhya tābhyāṃ tu dalubhyāṃ niyatendriyaḥ // ### [1.27.30](https://indike.org/pramana/in.purana.narada.1.27.30) prakṣālya prakṣipedū dūre bhūyaścācamya pūrvavat / tataḥ snānaṃ prakurvīta nadyādau vimale jale // ### [1.27.31](https://indike.org/pramana/in.purana.narada.1.27.31) taṭaṃ prakṣālya darbhāśca vinyasya praviśejjalam / praṇamya tatra tīrthāni āvāhya ravimaṇḍalāt // ### [1.27.32](https://indike.org/pramana/in.purana.narada.1.27.32) gandhādyairmaṇḍalaṃ kṛtvā dhyātvā devaṃ janārdanam / snāyānmantrānsmaranpuṇyāṃstīrthāni ca viriñcija // ### [1.27.33](https://indike.org/pramana/in.purana.narada.1.27.33) gaṅge ca yamune caiva godāvari sarasvati / narmade siṃdhukāveri jale 'sminsannidhiṃ kuru // ### [1.27.34](https://indike.org/pramana/in.purana.narada.1.27.34) puṣkarādyāni tīrthāni gaṅgādyāḥ saritastathā / āgacchantu mahābhāgāḥ snānakāle sadā mama // ### [1.27.35](https://indike.org/pramana/in.purana.narada.1.27.35) ayodhyā mathurā māyā kāśīṃ kāñcī hyavantikā / purī dvārāvatī jñeyā satpaitā mokṣadāyikāḥ // ### [1.27.36](https://indike.org/pramana/in.purana.narada.1.27.36) tato 'dhamarṣaṇa japtvā yatāsurvārisaṃplutaḥ / snānāṅgaṃ tarpaṇaṃ kṛtvācamyārdhyaṃ bhānaver'payet // ### [1.27.37](https://indike.org/pramana/in.purana.narada.1.27.37) tato dhyātvā vivasvantaṃ jalānnirgatya nārada / paridhāyāhataṃ dhautaṃ dvitīyaṃ parivīya ca // ### [1.27.38](https://indike.org/pramana/in.purana.narada.1.27.38) kuśāsane samāviśya saṃdhyākarma samārabhet / īśānābhimukho vipra gāyatryācamya vai dvija // ### [1.27.39](https://indike.org/pramana/in.purana.narada.1.27.39) ṛtamityabhimantryārtha punarevāmed budhaḥ / tatastu vāriṇātmānaṃ veṣṭayitvā samukṣya ca // ### [1.27.40](https://indike.org/pramana/in.purana.narada.1.27.40) saṃkalpya praṇavānte tu ṛṣicchandaḥ surānsmaran / bhūrādibhirvyāhṛtibhiḥ satpabhiḥ prokṣya mastakam // ### [1.27.41](https://indike.org/pramana/in.purana.narada.1.27.41) nyāsaṃ samācarenmantrī pṛthageva karāṅgayoḥ / vinyasya hṛdaye tāraṃ bhūḥ śirasyatha vinyaset // ### [1.27.42](https://indike.org/pramana/in.purana.narada.1.27.42) bhuvaḥ śikhāyāṃ svaścaiva kavaye bhūrbhuvo 'kṣiṣu / bhūrbhuvaḥ svastathātrāstraṃ dikṣu tālatrayaṃ nyaset // ### [1.27.43](https://indike.org/pramana/in.purana.narada.1.27.43) tata āvāhayetsaṃdhyāṃ prātaḥ kokanasthitām / āgaccha varade devi tryakṣare brahmavādini // ### [1.27.44](https://indike.org/pramana/in.purana.narada.1.27.44) gāyatri cchandasāṃ mātarbrahmayone namo 'stu te / madhyāhne vṛṣabhāruḍhāṃ śuklāṃbarasamāvṛtām // ### [1.27.45](https://indike.org/pramana/in.purana.narada.1.27.45) sāvitrīṃ rudrayoniṃ cāvāhayedrudravādinīm / sāyaṃ tu garuḍāruḍhāṃ pītāṃbarasamāvṛttām // ### [1.27.46](https://indike.org/pramana/in.purana.narada.1.27.46) sarasvatīṃ viṣṇuyonimāhvayedviṣṇuvādinīm / tāraṃ ca vyāhṛtīḥ satpa tripadāṃ ca samuccaran // ### [1.27.47](https://indike.org/pramana/in.purana.narada.1.27.47) śiraḥ śikhāṃ ca saṃpūrya kubhayitvā virecayet / vāmamadhyātparairvāyuṃ krameṇa prāṇasaṃyame // ### [1.27.48](https://indike.org/pramana/in.purana.narada.1.27.48) dvirācāmettataḥ paścātprātaḥ sūryaścameti ca / āpaḥ punantu madhyāhne sāyamagniścameti ca // ### [1.27.49](https://indike.org/pramana/in.purana.narada.1.27.49) āpo hiṣṭheti tisṛbhirmārjanaṃ ca tataścaret / sumutriyā na ityuktvā nāsāspṛṣṭajalena ca // ### [1.27.50](https://indike.org/pramana/in.purana.narada.1.27.50) dviṣadvargaṃ samutsārya drupadāṃ śirasi kṣipet / ṛtaṃ ca satyametena kṛtvā caivādhamarṣaṇam // ### [1.27.51](https://indike.org/pramana/in.purana.narada.1.27.51) antaścarasi mantreṇa sakṛdeva pibedapaḥ / tataḥ sūryāya vidhivadgandhaṃ puṣpaṃ jalāñjalim // ### [1.27.52](https://indike.org/pramana/in.purana.narada.1.27.52) kṣiptvopatiṣṭheddevarṣe bhāskaraṃ svastikāñjalim / ūrddhūbāhuradhobāhuḥ kramātkalyādike trike // ### [1.27.53](https://indike.org/pramana/in.purana.narada.1.27.53) uhutyaṃ citraṃ taccakṣurityetattritayaṃ japet / saurāñchaivānvaiṣṇavāṃśca mantrānanyāṃśca nārada // ### [1.27.54](https://indike.org/pramana/in.purana.narada.1.27.54) tejo 'si gāyatryasīti prārthayetsaviturmahaḥ / tato 'ṅgāni trirāvartya dhyāyecchaktīstadātmikāḥ // ### [1.27.55](https://indike.org/pramana/in.purana.narada.1.27.55) brahmaṇī caturānanākṣavalayā kumbhaṃ karaiḥ srukstravau bibhrāṇā tvaruṇendukāntivadanā ṛgrūpiṇī bālikā / haṃsārohaṇakelikhaṇkhaṇmaṇerbibārcitā bhūṣitā gāyatrī paribhāvitā bhavatu naḥ saṃpatsamṛddhyai sadā // ### [1.27.56](https://indike.org/pramana/in.purana.narada.1.27.56) rudrāṇī navayauvanā trinayanā vaiyāghnacarmāṃbarā khaṭvāṅgatraghiśikhākṣasūtravalayābhītiśriyai cāstu naḥ / vidyuddāmajaṭākalāpavilasadvārledumaulirmudā sāvitrī vṛṣavāhanā sitatanurdhyeyā yajūrūpiṇī // ### [1.27.57](https://indike.org/pramana/in.purana.narada.1.27.57) dhyeyā sā ca sarasvatī bhagavatī pītāṃbarālaṅkṛtā śyāmā śyāmatanurjaroparilasadgātrāñcitā vaiṣṇavī / tārkṣyasthā maṇinūpurāṅgadalasadgraiveyabhūṣojjvalā hastālaṅkṛtaśaṅkhacakrasugadāpahmāśriyai cāstu naḥ // ### [1.27.58](https://indike.org/pramana/in.purana.narada.1.27.58) evaṃ dhyātvā japettiṣṭhanprātarmadhyāhnake tathā / sāyaṅkāle samāsīno bhaktyā tadgatamānasaḥ // ### [1.27.59](https://indike.org/pramana/in.purana.narada.1.27.59) sahasraparamāṃ devīṃ śatamadhyāṃ daśāvarām / tripadāṃ praṇavopetāṃ bhūrbhuvaḥ svarupakramām // ### [1.27.60](https://indike.org/pramana/in.purana.narada.1.27.60) ṣaṭtāraḥ saṃpuṭo vāpi vratinaśca yaterjapaḥ / gṛhasthasya sattāraḥ syājjapya evaṃvidho mune // ### [1.27.61](https://indike.org/pramana/in.purana.narada.1.27.61) tato japtvā yathāśakti savitre vinivedya ca / gāyatryai ca savitre ca prakṣipedañjalidrūyam // ### [1.27.62](https://indike.org/pramana/in.purana.narada.1.27.62) tato visṛjya tāṃ vipra uttare iti mantrataḥ / brahmaṇeśena hariṇānujñātā gaccha sādaram // ### [1.27.63](https://indike.org/pramana/in.purana.narada.1.27.63) dirabhyo digdevatābhyaśca namaskṛtya kṛtāñjaliḥ / prātarādeḥ paraṃ karma kuryādapi vidhānataḥ // ### [1.27.64](https://indike.org/pramana/in.purana.narada.1.27.64) prātarmadhyandine caiva gṛhasthaḥ snānamācaret / vānaprasthaśca devarṣe snāyātrniṣavaṇaṃ yatiḥ // ### [1.27.65](https://indike.org/pramana/in.purana.narada.1.27.65) āturāṇāṃ tu rogadyaiḥ pānthānāṃ ca sakṛnmatam / brahmayajñaṃ tataḥ kuryāddarbhapāṇirmunīśvara // ### [1.27.66](https://indike.org/pramana/in.purana.narada.1.27.66) divoditāni karmāṇi pramādādakṛtāni cet / śarvaryāḥ prathame yāme tāni kuryādyathākramam // ### [1.27.67](https://indike.org/pramana/in.purana.narada.1.27.67) nopāste yo dvijaḥ saṃdhyāṃ dhūrtabuddhiranāpadi / pāṣaṇḍaḥ sa hi vijñeyaḥ sarvadharmabahiṣkṛtaḥ // ### [1.27.68](https://indike.org/pramana/in.purana.narada.1.27.68) yastu saṃdhyādikarmāṇi kūṭayuktiviśāradaḥ / parityajati taṃ vidyānmahāpātakināṃ varam // ### [1.27.69](https://indike.org/pramana/in.purana.narada.1.27.69) ye dvijā abhibhāṣante tyaktasaṃdhyādikarmaṇaḥ / te yānti narakānghorānyāvaccandrārkatārakam // ### [1.27.70](https://indike.org/pramana/in.purana.narada.1.27.70) devārcanaṃ tataḥ kuryādvaiśvadevaṃ yathāvidhi / tatrātyamatithiṃ samyagannādyaiśca prapūjayet // ### [1.27.71](https://indike.org/pramana/in.purana.narada.1.27.71) vaktavyā madhurā vāṇī teṣvapyabhyāgateṣu tu / jalānnakandamūlairvā gṛhadānena cārcayet // ### [1.27.72](https://indike.org/pramana/in.purana.narada.1.27.72) atithiryasya bhagnāśo gṛhatpratinivartite / satasmaiduṣkṛtaṃ dattvā puṇyamādāya gacchati // ### [1.27.73](https://indike.org/pramana/in.purana.narada.1.27.73) ajñātagotranāmānamanyagrāmādupāgatam / vipaścito 'tithiṃ prāhurviṣṇuvattaṃ prapūjayet // ### [1.27.74](https://indike.org/pramana/in.purana.narada.1.27.74) svagrāmavāsinaṃ tvekaṃ śrotriyaṃ viṣṇutatparam / annādyaiḥ pratyahaṃ viprapitṝnuddiśya tarpayet // ### [1.27.75](https://indike.org/pramana/in.purana.narada.1.27.75) pañcayajñaparityāgī brahmāhetyucyate budhaiḥ / kuryādaharahastasmātpañcayajñānprayantataḥ // ### [1.27.76](https://indike.org/pramana/in.purana.narada.1.27.76) devayajño bhūtayajñaḥ titṛyajñastathaiva ca / nṛpajño brahmayajñaśca pañcayajñānpracakṣate // ### [1.27.77](https://indike.org/pramana/in.purana.narada.1.27.77) bhṛtyamitrādisaṃyuktaḥ svayaṃ bhuñjīta vāgyataḥ / dvijānāṃ bhojyamaśrī yātpātraṃ naiva parityajet // ### [1.27.78](https://indike.org/pramana/in.purana.narada.1.27.78) saṃsthāpya svāsame pādau vastrārddhaṃ paridhāya ca / mukhena vamitaṃ bhuktvā surāpītyucyate budhaiḥ // ### [1.27.79](https://indike.org/pramana/in.purana.narada.1.27.79) khāditārddhaṃ punaḥ khādenmodakāṃśca phalāni ca / pratyakṣaṃ lavaṇaṃ caiva gomāṃsaśīti gadyate // ### [1.27.80](https://indike.org/pramana/in.purana.narada.1.27.80) apośāne vācamane adyadravyeṣu ca dvijaḥ / śabda na kārayedviprastaṃ kurvannārakī bhavet // ### [1.27.81](https://indike.org/pramana/in.purana.narada.1.27.81) pathyamannaṃ prabhuñjīta vāgyato 'nnamasutsayanam / amṛtopastaraṇamasi apośānaṃ bhujeḥ puraḥ // ### [1.27.82](https://indike.org/pramana/in.purana.narada.1.27.82) amṛtāpidhānamasi bhojyānte 'paḥ sakṛtpibet / prāṇādyā āhutīrdattvācamya bhojanamācaret // ### [1.27.83](https://indike.org/pramana/in.purana.narada.1.27.83) tataścācamya viprendra śāstracintāparo bhavet / rātrāvapi yathāśakti śayanāsanabhojanaiḥ // ### [1.27.84](https://indike.org/pramana/in.purana.narada.1.27.84) evaṃ gṛhī sadācāraṃ kuryātpratidinaṃ mune / yadā'cāraparityāgī prāyaścittī tadā bhavet // ### [1.27.85](https://indike.org/pramana/in.purana.narada.1.27.85) dūṣitāṃ svatanuṃ dṛṣṭvā pālitādyaiśca sattama / putreṣu bhāryāṃ niḥkṣipya vanaṃ gacchetsahaiva vā // ### [1.27.86](https://indike.org/pramana/in.purana.narada.1.27.86) bhavetriṣavaṇasnāyī nakhaśmaśrujaṭādharaḥ / adhaḥ śāyī brahmacārī pañcayajñaparāyaṇaḥ // ### [1.27.87](https://indike.org/pramana/in.purana.narada.1.27.87) phalamūlāśano nityaṃ svādhyāyaniratāstathā / dayāvānsarvabhūteṣu nārāyaṇaparāyaṇaḥ // ### [1.27.88](https://indike.org/pramana/in.purana.narada.1.27.88) varjaye dgrāmajātāni puṣpāṇi ca phalāni ca / aṣṭau grāsāṃśca bhuñjīta na kuryādrātribhojanam // ### [1.27.89](https://indike.org/pramana/in.purana.narada.1.27.89) atyantaṃ varjayettailaṃ vānaprasthasamāśramī / vyavāyaṃ varjayeccaiva nidrālasye tathaiva ca // ### [1.27.90](https://indike.org/pramana/in.purana.narada.1.27.90) śaṅkhacakragadāpāṇiṃ nityaṃ nārāyaṇaṃ smaret / vānaprasthaḥ prakurvīta tapaścāndrāyaṇādikam // ### [1.27.91](https://indike.org/pramana/in.purana.narada.1.27.91) saheta śītatāpādivahniṃ paricaretsadā / yadā manasi vairāgyaṃ jātaṃ sarveṣu vastuṣu // ### [1.27.92](https://indike.org/pramana/in.purana.narada.1.27.92) tadaiva saṃnyasedvipra patitastvanyathā bhavet / vedāntābhyāsanirataḥ śānto dānto jitendriyaḥ // ### [1.27.93](https://indike.org/pramana/in.purana.narada.1.27.93) nirdvedvo nirahṝṅkāro nirmamaḥ sarvadā bhavet / śamādiguṇasaṃyuktaḥ kāmakrodhavivarjitaḥ // ### [1.27.94](https://indike.org/pramana/in.purana.narada.1.27.94) nagno vā jīrṇakaupīnau bhavenmuṇḍo yatirdvijaḥ / samaḥ śatrau ca mitre ca tathā mānāpamānayoḥ // ### [1.27.95](https://indike.org/pramana/in.purana.narada.1.27.95) ekarātraṃ vasedgrāme trirātraṃ nagare tathā / bhaikṣeṇa varttayennityaṃ naikānnādībhavedyatiḥ // ### [1.27.96](https://indike.org/pramana/in.purana.narada.1.27.96) aninditadvijagṛhe vyaṅgāre bhuktivarjite / vivādarahite caiva bhikṣārthaṃ paryaṭedyatiḥ // ### [1.27.97](https://indike.org/pramana/in.purana.narada.1.27.97) bhavetriṣavaṇasnāyī nārāyaṇaparāyaṇaḥ / japecca praṇavaṃ nityaṃ jitātmā vijitendriyaḥ // ### [1.27.98](https://indike.org/pramana/in.purana.narada.1.27.98) ekānnādī bhavedyastu kadācillaṃpaṭo yatiḥ / na tasya niṣkṛtirddaṣṭā prāyaścittāyutairapi // ### [1.27.99](https://indike.org/pramana/in.purana.narada.1.27.99) lobhādyadi yatirvipra tanupoṣaparo bhavet / sa caṇḍālasamo jñeyo varṇāśramavigarhitaḥ // ### [1.27.100](https://indike.org/pramana/in.purana.narada.1.27.100) ātmānāṃ cintayeddrevaṃ nārāyaṇamanāmayam / nirdvandraṃ nirmamaṃśāntaṃ māyātītamamatsaram // ### [1.27.101](https://indike.org/pramana/in.purana.narada.1.27.101) avyayaṃ paripūrṇaṃ ca sadānandaikavigraham / jñānasvarupamamalaṃ paraṃ jyotiḥ sanātanam // ### [1.27.102](https://indike.org/pramana/in.purana.narada.1.27.102) avikāramanādyantaṃ jagaccaitanyakāraṇam / nirguṇaṃ paramaṃ dhyāyedātmānaṃ parataḥ param // ### [1.27.103](https://indike.org/pramana/in.purana.narada.1.27.103) paṭhedupaniṣadvākyaṃ vedāntārthāṃśca cintayet / sahasraśīrṣaṃ devaṃ ca sadā dhyāyejjitendriyaḥ // ### [1.27.104](https://indike.org/pramana/in.purana.narada.1.27.104) evaṃ dhyānaparo yastu yatirvigatamatsaraḥ / sa yāti paramānandaṃ paraṃ jyotiḥ sanātanam // ### [1.27.105](https://indike.org/pramana/in.purana.narada.1.27.105) ityevamāśramācārānyaḥ karoti dvijaḥ kramāt / sa yāti paramaṃ sthānaṃ yatra gatvā na śocayati // ### [1.27.106](https://indike.org/pramana/in.purana.narada.1.27.106) varṇāśramācāraratāḥ sarvapāpavivarjitāḥ / nārāyaṇaparā yānti tadviṣṇaḥ paramaṃ padam // ### [1.27.106.p1](https://indike.org/pramana/in.purana.narada.1.27.106.p1) iti śrībṛhannāradīyapurāṇe pūrvabhāge prathamapāde sadācāreṣu gṛhasthaāvānaprasthayatidharmnirupaṇaṃ nāma satpaviṃśo 'dhyāyaḥ ## Linked texts (5) - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.26.2) — Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.28.39) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.28.39) — Basava, Sanskrit - [Āhnikaprakāśa](https://indike.org/pramana/in.niti.dharma.acara.ahnika.ahnikaprakasa.1.p54) — Mitramiśra, Sanskrit - [Madanapārijāta](https://indike.org/pramana/in.niti.dharma.nibandha.mahanibandha.madanaparijata.2.p1.10) — Viśveśvarabhaṭṭa, Sanskrit --- Source: [https://indike.org/pramana/in.purana.narada.1.27](https://indike.org/pramana/in.purana.narada.1.27) · Pramāṇa