[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.28 # Naradapurana 1.28 Nāradapurāṇa 1.28 - **Language:** Sanskrit ## Contents - [1.28.90](https://indike.org/pramana/in.purana.narada.1.28.90) — 1 part ### [1.28.1](https://indike.org/pramana/in.purana.narada.1.28.1) sanaka uvāca śṛṇuṣva muniśārdūla śrāddhasya vidhimuttamam / yacchrutvā sarvapāpebhyo mucyate nātra saṃśayaḥ // ### [1.28.2](https://indike.org/pramana/in.purana.narada.1.28.2) kṣayāhapūrvadivase snātvā caikāśano bhavet / adhaḥ śāyī brahmacārī niśi viprānnimantrayet // ### [1.28.3](https://indike.org/pramana/in.purana.narada.1.28.3) dantadhāvanatāṃbūle tailābhyaṅgaṃ tathaiva ca / ratyoṣadhiparānnāni śrāddhakarttāvivarjayet // ### [1.28.4](https://indike.org/pramana/in.purana.narada.1.28.4) adhvānaṃ kalahaṃ krodhaṃ vyavāyaṃ ca dhuraṃ tathā / śrāddhakarttā ca bhoktā ca divāsvāpaṃ ca varjayet // ### [1.28.5](https://indike.org/pramana/in.purana.narada.1.28.5) śrāddhe nimantrito yastu vyavāyaṃ kurute yadi / brahmahatyāmavānpoti narakaṃ cāpi gacchati // ### [1.28.6](https://indike.org/pramana/in.purana.narada.1.28.6) śrāddhe niyojayedvipraṃ śrotriya viṣṇutatparam / yathāsvācāranirataṃ praśāntaṃ satkulodbagavam // ### [1.28.7](https://indike.org/pramana/in.purana.narada.1.28.7) rāgadveṣavihīnaṃ ca purāṇārthaviśāradam / trimadhutrisuparṇajñaṃ sarvabhūtadayāparam // ### [1.28.8](https://indike.org/pramana/in.purana.narada.1.28.8) devapūjārataṃ caiva smṛtitattvaviśāradam / vedāntatattvasaṃpannaṃ sarvalokahite ratam // ### [1.28.9](https://indike.org/pramana/in.purana.narada.1.28.9) kṛtajñaṃ guṇasaṃpannaṃ guruśuśrūṣaṇe ratam / paropadeśanirataṃ sacchāstrakathanaistathā // ### [1.28.10](https://indike.org/pramana/in.purana.narada.1.28.10) ete niyojitavyā vai śrāddhe viprā munīśvara / śrāddhe varjyānmavakṣyāmi śṛṇu tānmusamāhitaḥ // ### [1.28.11](https://indike.org/pramana/in.purana.narada.1.28.11) npūnāṅgaścādhikāṅgaśca kadaryo rogitastathā / kuṣṭī ca kunakhī caiva laṃbakarṇaḥ kṣatavrataḥ // ### [1.28.12](https://indike.org/pramana/in.purana.narada.1.28.12) nakṣatrapāṭhajīvī ca tathā ca śavadāhakaḥ / kuvādī parirvattā ca tathā devalakaḥ khalaḥ // ### [1.28.13](https://indike.org/pramana/in.purana.narada.1.28.13) nindako 'marṣaṇo dhūrtastathaiva grāmayājakaḥ / asacchāstrābhinirataḥ parānnanigatastathā // ### [1.28.14](https://indike.org/pramana/in.purana.narada.1.28.14) vṛṣalīsūti poṣṭā ca vṛṣalīpatireva ca / kuṇḍaśca golakaścaiva hyayājyānāṃ ca yājakaḥ // ### [1.28.15](https://indike.org/pramana/in.purana.narada.1.28.15) daṃbhācāro vṛthāmuṇḍī hyanyastrīdhanatatparaḥ / viṣṇubhaktivihīnaśca śivabhaktiparāḍmukhaḥ // ### [1.28.16](https://indike.org/pramana/in.purana.narada.1.28.16) vedavikrayiṇaścaiva vratavikrayiṇastathā / smṛtivikrayiṇaścaiva mantravikrayiṇastathā // ### [1.28.17](https://indike.org/pramana/in.purana.narada.1.28.17) gāyakāḥ kāvyakarttāro bhiṣakchāstropajīvinaḥ / vedanindāparaścaiva grāmāpaṇyapradāhakaḥ // ### [1.28.18](https://indike.org/pramana/in.purana.narada.1.28.18) tathātikāmukaścaiva rasavikrayakārakaḥ / kūṭayuktirataścaiva śrāddhe varjyāḥ prayatnataḥ // ### [1.28.19](https://indike.org/pramana/in.purana.narada.1.28.19) niṃmatrayīta pūrvedyustasminneva dine 'thavā / nimantrito bhavedvipro brahmacārī jitendriyaḥ // ### [1.28.20](https://indike.org/pramana/in.purana.narada.1.28.20) śrāddhe kṣaṇastu karttavyaḥ prasādaśceti sattama / nimantrayeddvijaṃ prājñaṃ darbhapāṇirjitendriyaḥ // ### [1.28.21](https://indike.org/pramana/in.purana.narada.1.28.21) tataḥ prātaḥ samutthāya prātaḥ kṛtyaṃ samāpya ca / śrāddhaṃ samācaredvidvānkāle kutapasaṃjñite // ### [1.28.22](https://indike.org/pramana/in.purana.narada.1.28.22) divasasyāṣṭame kāle yadā mandāyate raviḥ / sa kālaḥ kutapastatra pitṝṇāṃ dattamakṣayam // ### [1.28.23](https://indike.org/pramana/in.purana.narada.1.28.23) aparāhnaḥ pitṝṇāṃ tu dattaḥ kālaḥ svayaṃbhuvā / tatkāla eva dātavyaṃ kavyaṃ tasmāddvijottamaiḥ // ### [1.28.24](https://indike.org/pramana/in.purana.narada.1.28.24) yatkāvyaṃ dīyate dvavyairakāle munisattama / rākṣasaṃ taddhi vijñeyaṃ pitṝṇāṃ nopatiṣṭati // ### [1.28.25](https://indike.org/pramana/in.purana.narada.1.28.25) kāvyaṃ prattaṃ tu sāyāhne rākṣasaṃ tadbhavedapi / dātā narakamānpoti bhoktā ca narakaṃ vrajet // ### [1.28.26](https://indike.org/pramana/in.purana.narada.1.28.26) kṣayāhasya tithairvipra yadi daṇḍamitirbhavet / viddhāparāhni kāyāṃ tu śrāddhaṃ kāryaṃ vijānatā // ### [1.28.27](https://indike.org/pramana/in.purana.narada.1.28.27) kṣayāhasya tithiryā tu hyaparāhnadvaye yadi / pūrvā kṣaye tu karttavyā vṛdvau kāryā tathottarā // ### [1.28.28](https://indike.org/pramana/in.purana.narada.1.28.28) muhūrtta dvitaye pūrvadine syādapare 'hani / tithiḥ sāyāhnagā yatra parā kāvyasya viśrutā // ### [1.28.29](https://indike.org/pramana/in.purana.narada.1.28.29) kiñcitpūrvadine prāhurmuhūrttadvitaye sati / naitanmataṃ hi sarveṣāṃ kāvyadāne munīśvara // ### [1.28.30](https://indike.org/pramana/in.purana.narada.1.28.30) nimantriteṣau vipreṣu militeṣu dvijottama / prāyaścittaviśuddhātmā tebhyo 'nujñāṃ samāharet // ### [1.28.31](https://indike.org/pramana/in.purana.narada.1.28.31) śrāddhārthaṃ samanujñāto viprānbhūyo nimantrayet //u ubhau ca viśvedevārthaṃ pighatrarthaṃ trīnyathāvidhi // ### [1.28.32](https://indike.org/pramana/in.purana.narada.1.28.32) devatārthaṃ ca pitrarthamekaikaṃ vā nimantrayet / śrāddhārthaṃ samanujñātaḥ kārayenmaṇḍaladvayam // ### [1.28.33](https://indike.org/pramana/in.purana.narada.1.28.33) caturastraṃ brāhmaṇasya trikoṇaṃ kṣatriyasya vai / vaiśyasya vartulaṃ jñeyaṃ śūdrasyābhyābhyukṣaṇaṃ bhavet // ### [1.28.34](https://indike.org/pramana/in.purana.narada.1.28.34) brāhmaṇānāmabhāve tu bhrātaraṃ putrameva ca / ātmānaṃ vā niyuñjīta na vipraṃ vedavarjitam // ### [1.28.35](https://indike.org/pramana/in.purana.narada.1.28.35) prakṣālya viprapādāṃśaaca hyācāṃnānupaveśya ca / yathāvadarcanaṃ kuryātsmarannārāyaṇaṃ prabhum // ### [1.28.36](https://indike.org/pramana/in.purana.narada.1.28.36) brāhmaṇānāṃ tu madhye ca dvāradeśe tathaiva ca / apahatā ityṛcā vai karttā tu vikirettilān // ### [1.28.37](https://indike.org/pramana/in.purana.narada.1.28.37) yavairdarbhaghaiśca viśveṣāṃ devānāmidamāsanam / dattveti bhūyo dadyacca daive kṣaṇapratīkṣaṇam // ### [1.28.38](https://indike.org/pramana/in.purana.narada.1.28.38) akṣayyāsanayoḥ ṣaṣṭī dvitīyāvāhane smṛtā / annadāne caturthī syāccheṣāḥ saṃpuddhayaḥ smṛtāḥ // ### [1.28.39](https://indike.org/pramana/in.purana.narada.1.28.39) āsādya pātradvitayaṃ darbhaśākhāsamanvitam / tatpātre secayettoyaṃ śannodevītyṛcā tataḥ // ### [1.28.40](https://indike.org/pramana/in.purana.narada.1.28.40) yavosīti ti yavān kṣitpvā gandhapuṣpe ca vāgyataḥ / āvāhayettato devānviśve devāḥsa ityṛcā // ### [1.28.41](https://indike.org/pramana/in.purana.narada.1.28.41) yā divyā iti mantreṇa dadyādarghyaṃ samāhitaḥ / gandhaiśca patrapuṣpaiśca dhūpairdīpairyajettataḥ // ### [1.28.42](https://indike.org/pramana/in.purana.narada.1.28.42) devaiśca samanujñāto yajetpitṛgaṇāṃstathā / tilasaṃyuktadarbhaiśca dadyātteṣāṃ sadāsanam // ### [1.28.43](https://indike.org/pramana/in.purana.narada.1.28.43) pātrāṇyāsādayettrīṇi hyarghātha pūrvavaddvijaḥ / śannodevyā jalaṃ kṣiptvā tilosīti tilānkṣaghipet // ### [1.28.44](https://indike.org/pramana/in.purana.narada.1.28.44) uśanta ityṛcāvāhya pitṝnvipraḥ samāhitaḥ / yā divyā iti mantreṇa dadyādarghyaṃ ca pūrvavat // ### [1.28.45](https://indike.org/pramana/in.purana.narada.1.28.45) gandhaiśca patrapuṣpaiśca dhūpairdīpaiśaaca sattama / vāsorbhibhūṣaṇaiśvaiva yathāvibhavamarcayet // ### [1.28.46](https://indike.org/pramana/in.purana.narada.1.28.46) tato 'nnāgraṃ samādāya ghṛtayuktaṃ vicakṣaṇaḥ / agnau kariṣya ityuktvā tebhyo 'nujñāṃ samāharet // ### [1.28.47](https://indike.org/pramana/in.purana.narada.1.28.47) karavai karavāṇīti cāpṛṣṭā brāhmaṇā mune / kuruṣva kriyatāṃ veti kurviti brūyureva ca // ### [1.28.48](https://indike.org/pramana/in.purana.narada.1.28.48) upāsanāgnimādhāya svagṛhyoktavidhānataḥ / sāmāya ca pitṛmate svadhā nama itīrayet // ### [1.28.49](https://indike.org/pramana/in.purana.narada.1.28.49) agnaye kavyavāhanāya svadhā nama itīha vā / svāhāntenāpi vā prājño juhuyātpitṛyajñavat // ### [1.28.50](https://indike.org/pramana/in.purana.narada.1.28.50) ābhyāmevāhutibhyāṃ tu pitṝṇāṃ tṛtpirakṣayā / agnyabhāve tu viprasya pāṇau homo vidhīyate // ### [1.28.51](https://indike.org/pramana/in.purana.narada.1.28.51) yathācāraṃ prakurvīta pāṇāvagnau ca vā dvija / nahyagnirdūragaḥ kāryaḥ pārvaṇe samupasthaite // ### [1.28.52](https://indike.org/pramana/in.purana.narada.1.28.52) saṃdhāyāgniṃ tataḥ kāryaṃ kṛtvā taṃ visṛjetkṛtī / yadyāgnirdūrago vipra pārvaṇe samupasthite // ### [1.28.53](https://indike.org/pramana/in.purana.narada.1.28.53) bhrātṛbhiḥ kārayecchrāddhaṃ sāgnikairvidhivaddvijaiḥ / kṣayāhe caiva saṃprātpe svasyāgnirdūrago yadi // ### [1.28.54](https://indike.org/pramana/in.purana.narada.1.28.54) tathaiva bhrātarastatra laukikāgnāvapi sthitāḥ / upāsanāngau dūrasthe samīpebhrātari sthaite // ### [1.28.55](https://indike.org/pramana/in.purana.narada.1.28.55) yadyagnau juhuyādvāpi pāṇau vā sa hi pātakī / upāsanāgnā dūrasthe kecidicchanti vai dvijāḥ // ### [1.28.56](https://indike.org/pramana/in.purana.narada.1.28.56) tacchaṣa viprapātreṣu vikiretsaṃsmaranharim / bhakṣyairbhojyaiśaaca lehyaiśca svādyairviprānprapūjayat // ### [1.28.57](https://indike.org/pramana/in.purana.narada.1.28.57) annatyāgaṃ tataḥ kuryyādubhayatra samāhitaḥ / āgacchantu mahābhāgāviśvedevā mahābalāḥ // ### [1.28.58](https://indike.org/pramana/in.purana.narada.1.28.58) ye yatra vihitāḥ śrāddhe sāvadhānāṃ bhavantu te / iti saṃprārthayeddevānye devāsa ṛcā nu vai // ### [1.28.59](https://indike.org/pramana/in.purana.narada.1.28.59) tathāsaṃprārthayadviprānye ca heti ṛcā pitṝn / amūrtānāṃ mūrtānāṃ ca pitṝṇāṃ dītpatejasām // ### [1.28.60](https://indike.org/pramana/in.purana.narada.1.28.60) namasyāmi sadā teṣāṃ dhvānināṃ yogacajakṣuṣām / evaṃ pitṝnnamaskṛtya nārāyaṇa parāyaṇaḥ // ### [1.28.61](https://indike.org/pramana/in.purana.narada.1.28.61) dattaṃ haviśca tatkarṇa viṣṇave vinivedayet / tataste brāhmaṇāḥ sarve bhuñjīranvāgyatā dvijāḥ // ### [1.28.62](https://indike.org/pramana/in.purana.narada.1.28.62) hasato vadate ko 'pi rākṣaghasaṃ tadbhaveddhaviḥ / yathaācāra pradeyaṃ ca madhunāṃsādikaṃ tathā // ### [1.28.63](https://indike.org/pramana/in.purana.narada.1.28.63) pākādiṃ ca praśaṃseran vāgyatā dhṛtabhaghājanāḥ / yadi pātraṃ tyajetko 'pi brāhmaṇaḥ śrāddhayojitaḥ // ### [1.28.64](https://indike.org/pramana/in.purana.narada.1.28.64) śrāddhahṝntā sa vijñeyo narakāyopapadyate / bhañjāneṣu ca vipreṣu hyanyonyaṃ saṃspuśedyadi // ### [1.28.65](https://indike.org/pramana/in.purana.narada.1.28.65) tadannamatyajanbhuktvā gāyatryaṣṭaśataṃ japet / bhujyamāneṣu vipreṣu karttā śraddhāparāyaṇaḥ // ### [1.28.66](https://indike.org/pramana/in.purana.narada.1.28.66) smarennārāyaṇaṃ devamanantamaparājitam / rakṣoghnānvaiṣṇavāṃścaiva paitṛkāṃścaviśeṣataḥ // ### [1.28.67](https://indike.org/pramana/in.purana.narada.1.28.67) japecca pauruṣaṃ sūktaṃ nāciketatrayaṃ tathā / trimadhu trisuparṇaṃ ca pāvamānaṃ yajūṃṣi ca // ### [1.28.68](https://indike.org/pramana/in.purana.narada.1.28.68) sāmānyapitathoktāni vadetpuṇyapradāṃ stathā / itihāsapurāṇāni dharmaśāstrāṇi caiva hi // ### [1.28.69](https://indike.org/pramana/in.purana.narada.1.28.69) bhuñjīranbrahmaṇā yāvattāvadetāñjapeddvija / brāhmaṇeṣu ca bhukteṣu vikiraṃ vikṣipettathā // ### [1.28.70](https://indike.org/pramana/in.purana.narada.1.28.70) śeṣamannaṃ vadeccaiva madhusūktaṃ ca vai japet / svayaṃ ca pādau prakṣaghālya samyagācamya nārada // ### [1.28.71](https://indike.org/pramana/in.purana.narada.1.28.71) ācānteṣu ca vipreṣu piṇḍaṃ nirvāpayettataḥ / svastivā canakaṃ kuryādakṣayyodakameva ca // ### [1.28.72](https://indike.org/pramana/in.purana.narada.1.28.72) dattvā samāhitaḥ kuryāttathā viprābhivādanam / acālayitvā pātraṃ tu svasti kurvanti ye dvijāḥ // ### [1.28.73](https://indike.org/pramana/in.purana.narada.1.28.73) vatsaraṃ pitarasteṣāṃ bhavantyucchiṣṭabhojinaḥ / dātāro no 'bhivarddhantāmityādyaiḥ smṛtibhāṣitaiḥ // ### [1.28.74](https://indike.org/pramana/in.purana.narada.1.28.74) āśīrvaco labhettebhyo namaskāraṃ carettataḥ / dadyācca dakṣiṇāṃ śaktyā tāṃbūlaṃ gandhasaṃyutam // ### [1.28.75](https://indike.org/pramana/in.purana.narada.1.28.75) nyubjapātramathānīya svadhākāramudīrayet / vājevāje iti ṛcā pitṝndevānvisarjayet // ### [1.28.76](https://indike.org/pramana/in.purana.narada.1.28.76) bhoktā ca śrāddhakṛttasyāṃ rajanyāṃ maithunaṃ tyajet / tathā svādhyāyamadhvānaṃ prayatnena parityajet // ### [1.28.77](https://indike.org/pramana/in.purana.narada.1.28.77) adhvagaścāturaścaiva vihīnaśca dhanaistathā / āmaśrāddhaṃ prakurvīta hemnā vāstṛśyabhāryakaḥ // ### [1.28.78](https://indike.org/pramana/in.purana.narada.1.28.78) dravyābhāve dvijābhāve hyannamātraṃ ca pācayet / paitṛkena tu sūktena homaṃ kuryādvicakṣaṇaḥ // ### [1.28.79](https://indike.org/pramana/in.purana.narada.1.28.79) atyanta havyaśūnyaścaitsvaśaktyā tu tṛṇaṃ gavām / snātvā ca vidhivadvipra kuryādvā tilataparṇam // ### [1.28.80](https://indike.org/pramana/in.purana.narada.1.28.80) athavā rodanaṃ kuryādatyuccairvijane vane / daridro 'haṃ mahāpāpī vadanniti vicakṣaṇaḥ // ### [1.28.81](https://indike.org/pramana/in.purana.narada.1.28.81) paredyuḥ śrāddhakṛnmartyo yo na tarpayate pitṝn / tatkulaṃ nāśamāyāti brahmahatyāṃ ca vindati // ### [1.28.82](https://indike.org/pramana/in.purana.narada.1.28.82) śrāddhaṃ kurvanti ye martyāḥ śraddhāvanto munīśvara / na teṣāṃ saṃtaticchedaḥ saṃpannāste bhavanti ca // ### [1.28.83](https://indike.org/pramana/in.purana.narada.1.28.83) pitṝnyañjati yeṃ śrāddhe taistu viṣṇuḥ prapūjitaḥ / tasmiṃstuṣṭe jagannāthe sarvāstuṣyanti devatāḥ // ### [1.28.84](https://indike.org/pramana/in.purana.narada.1.28.84) pitaro devatāścaiva gandharvāpsarasastathā / yakṣāśca siddhā manujā harireva sanātanaḥ // ### [1.28.85](https://indike.org/pramana/in.purana.narada.1.28.85) yenedamakhilaṃ jātaṃ jagatsthāvarajaṅgamam / tasmāddātā ca bhoktā ca sarvaṃ viṣṇuḥ sanātanaḥ // ### [1.28.86](https://indike.org/pramana/in.purana.narada.1.28.86) yadasti vipra yannāsti dṛśyaṃ cādṛśyameva ca / sarvaṃ viṣṇumayaṃ jñeyaṃ tasmādanyanna vidyate // ### [1.28.87](https://indike.org/pramana/in.purana.narada.1.28.87) ādhārabhūto viśvasya sarvabhūtātmako 'vyayaḥ / anaupamyasvabhāvaśca bhagavānhavyakavyabhuk // ### [1.28.88](https://indike.org/pramana/in.purana.narada.1.28.88) parabrahmābhidheyo ya eka eva janārdanaḥ / karttā kārayitā caiva sarvaṃ viṣṇuḥ sanātanaḥ // ### [1.28.89](https://indike.org/pramana/in.purana.narada.1.28.89) ityevaṃ te muniśreṣṭha śrāddhāsya vidhiruttamaḥ / kathitaḥ kurvatāmevaṃ pāpaṃ sadyo vilīyate // ### [1.28.90](https://indike.org/pramana/in.purana.narada.1.28.90) ya idaṃ paṭhate bhaktyā śrāddhakāle dvijottamaḥ / pitarastasya tuṣyanti saṃtatiścaiva varddhate // ### [1.28.90.p1](https://indike.org/pramana/in.purana.narada.1.28.90.p1) iti śrībṛhannāradīyapurāṇe pūrvabhāge prathamapāde śrāddhakriyāvarṇanaṃ nāmāṣṭāviṃśo 'dhyāyaḥ ## Linked texts (1) - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.27.3) — Sanskrit --- Source: [https://indike.org/pramana/in.purana.narada.1.28](https://indike.org/pramana/in.purana.narada.1.28) · Pramāṇa