[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.29 # Naradapurana 1.29 Nāradapurāṇa 1.29 - **Language:** Sanskrit ## Contents - [1.29.63](https://indike.org/pramana/in.purana.narada.1.29.63) — 1 part ### [1.29.1](https://indike.org/pramana/in.purana.narada.1.29.1) sanaka uvāca tithīnāṃ nirṇayaṃ vakṣye prācaścittavidhiṃ tathā / śṛṇuṣva tanmuniśreṣṭha karmasiddhiryato bhavet // ### [1.29.2](https://indike.org/pramana/in.purana.narada.1.29.2) śrautaṃ smārttaṃ vrataṃ dānaṃ yaccānyatkarma vaidikam / anirṇītāsu tithiṣu na kiñcitphalati dvija // ### [1.29.3](https://indike.org/pramana/in.purana.narada.1.29.3) ekādaśyaṣṭamī ṣaṣṭī paurṇamāsī caturddaśī / amāvāsyā tṛtīyā ca hyupavāsavratādiṣu // ### [1.29.4](https://indike.org/pramana/in.purana.narada.1.29.4) paraviddhāḥ praśastāḥ syurna grāhyāḥ pūrvasaṃyutāḥ / nāgaviddhā tu yā ṣaṣṭī śivaviddhā tu satpamī // ### [1.29.5](https://indike.org/pramana/in.purana.narada.1.29.5) daśamyekādaśīviddhā nopoṣyāḥ syuḥ kadācana / darśaṃ ca paurṇamāsīṃ ca satpamīṃ pitṛvāsaram // ### [1.29.6](https://indike.org/pramana/in.purana.narada.1.29.6) pūrvaviddhaṃ prakurvāṇo narakāyopadyate / kṛṣṇapakṣe pūrvaviddhāṃ satpamīṃ ca caturdaśīm // ### [1.29.7](https://indike.org/pramana/in.purana.narada.1.29.7) praśastāṃ kecidāhuśca tṛtīyāṃ navamīṃ tathā / vratādīnāṃ tu sarveṣāṃ śuklapakṣo viśiṣyate // ### [1.29.8](https://indike.org/pramana/in.purana.narada.1.29.8) aparāhnācca pūrvohṇaṃ grāhyaṃ śreṣṭhattaraṃ yataḥ / asaṃbhave vratādīnāṃ yadi paurvāhnikī tithiḥ // ### [1.29.9](https://indike.org/pramana/in.purana.narada.1.29.9) muhūrtadvitayaṃ grāhyaṃ bhagavatyudite ravau / pradoṣavyāpinī grāhyā tithirnaktavrate sadā // ### [1.29.10](https://indike.org/pramana/in.purana.narada.1.29.10) upoṣitavyaṃ nakṣatraṃ yenāstaṃ yāti bhāskaraḥ / tithinakṣatrasaṃyogavihitavratakarmaṇi // ### [1.29.11](https://indike.org/pramana/in.purana.narada.1.29.11) pradoṣavyāpinī grāhyā tvanyathā niṣphalaṃ bhavet / arddharātrādadho yā tu nakṣatravyāpinī tithiḥ // ### [1.29.12](https://indike.org/pramana/in.purana.narada.1.29.12) saiva grāhyā muniśreṣṭha nakṣatravihitavrate / yadyarddharātraghagayorvyātpaṃ nakṣatraṃ tu dinadvaye // ### [1.29.13](https://indike.org/pramana/in.purana.narada.1.29.13) tatpuṇyaṃ tithisaṃyuktaṃ nakṣatraṃ grāhyamucyate / arddharātradvaye syātāṃ nakṣatraṃ ca tithiryadi // ### [1.29.14](https://indike.org/pramana/in.purana.narada.1.29.14) kṣaye pūrvā praśastā syādrṛddhau kāryā tathottarā / ardhdarātradvayavyātpā tithirnakṣatraghasaṃyutā // ### [1.29.15](https://indike.org/pramana/in.purana.narada.1.29.15) hnāsavṛddhiviśūnyā cet grāhyāpūrvā tathā parā / jyeṣṭhāsaṃmiśritaṃ mūlaṃ rohiṇī vahniṃsaṃyutā // ### [1.29.16](https://indike.org/pramana/in.purana.narada.1.29.16) maitreṇa saṃyutā jyeṣṭā saṃtānādivināśainī / tataḥ syustithayaḥ puṇyāḥ karmānuṣṭānato divā // ### [1.29.17](https://indike.org/pramana/in.purana.narada.1.29.17) rātrivrateṣu sarveṣu rātriyogo viśiṣyate / tithirnakṣaghatrayogena yā puṇyā parikīrtitā // ### [1.29.18](https://indike.org/pramana/in.purana.narada.1.29.18) tasyāṃ tu tadvataṃ kāryaṃ saiva kāryā vicakṣaṇaiḥ / udayavyāpinī grāhyā śravaṇadvādaśī vrate // ### [1.29.19](https://indike.org/pramana/in.purana.narada.1.29.19) sūryendugrahaṇe yāvattāvad grāhyā japādiṣu / saṃkrāntiṣu tu sarvāsu puṇyakālonigadyate // ### [1.29.20](https://indike.org/pramana/in.purana.narada.1.29.20) snānadānajapādīnāṃ kurvatāmakṣaya phalam / tatra karkaṭako jñeyo dakṣiṇāyanasaṃkramaḥ // ### [1.29.21](https://indike.org/pramana/in.purana.narada.1.29.21) pūrvato ghaṭikāstriṃśatpuṇyakālaṃ vidurbudhāḥ / vṛṣabhe vṛścike caiva siṃhe kumbhe tathaiva ca // ### [1.29.22](https://indike.org/pramana/in.purana.narada.1.29.22) pūrvamaṣṭamuhūrtāstu grāhyāḥ snānajapādiṣu / tulāyāṃ caiva meṣe ca pūrvataḥ paratastathā // ### [1.29.23](https://indike.org/pramana/in.purana.narada.1.29.23) jñeyā daśaiva ghaṭikā dattasyākṣayatāvahāḥ / kanyāyāṃ mithune caiva mīne dhanuṣi ca dvija // ### [1.29.24](https://indike.org/pramana/in.purana.narada.1.29.24) ghaṭikāḥ ṣoḍaśa jñeyā parataḥ puṇyadāyikāḥ / mākaraṃ saṃkramaṃ prāhuruttarāyaṇasaṃjñakam // ### [1.29.25](https://indike.org/pramana/in.purana.narada.1.29.25) parāstriṃśaśca ghaṭikāścatvāriṃśacca pūrvavat / ādityaśītakiraṇau grāhyāvastaṅgatau yadi // ### [1.29.26](https://indike.org/pramana/in.purana.narada.1.29.26) snātvā bhuñjīta viprendra paredyuḥ śuddhamaṇḍalam / dṛṣṭacandrā sinīvālī naṣṭacandrā kuhūḥ smṛtā // ### [1.29.27](https://indike.org/pramana/in.purana.narada.1.29.27) amāvāsyā dvidhā proktā vidvadbhirdharmālipsubhiḥ / sinīvālīṃ dvijairgrāhyā sāgnikaiḥ śrāddhakarmaṇi // ### [1.29.28](https://indike.org/pramana/in.purana.narada.1.29.28) kahūḥ strībhistathā śūdraipari vānagrikaistathā / aparāhnadvayavyāpinyamāvāsyātithiryadi // ### [1.29.29](https://indike.org/pramana/in.purana.narada.1.29.29) kṣaye pūrvā tu karttavyā vṛddhau kāryā tathottarā / amāvāsyā pratītā cenmadhyāhnātparato yadi // ### [1.29.30](https://indike.org/pramana/in.purana.narada.1.29.30) bhūtaviddheti vikhyātāsradbhiḥ śāstraviśāradaiḥ / atyantakṣayapakṣe tu paredyurnāparāhnagā // ### [1.29.31](https://indike.org/pramana/in.purana.narada.1.29.31) tatra grāhyā sinīvālī sāyāhnavyāpinī tithiḥ / arvācīnakṣaye cacaiva sāyāhnavyāpinī tathā // ### [1.29.32](https://indike.org/pramana/in.purana.narada.1.29.32) sinīvālī parā grāhyā sarvathā śrāddhakarmaṇi / atyantatithivṛddhau tu bhūtaviddhāṃ parityajet // ### [1.29.33](https://indike.org/pramana/in.purana.narada.1.29.33) grāhyā syādaparāhnasthā kuhūḥ paitṛkakarmaṇi / yathārvācīnavṛddhau tu saṃtyājyā bhūtasaṃyutāḥ // ### [1.29.34](https://indike.org/pramana/in.purana.narada.1.29.34) paredyurvibudhaśreṣṭhaiḥ kuhūrgrāhyā parāhnagā / madhyāhnadvitaye vyātpā hyamāvāsyā tithiryadi // ### [1.29.35](https://indike.org/pramana/in.purana.narada.1.29.35) tatrecchayā ca saṃgrāhyā pūrvā vātha parāthavā / anvādhānaṃ pravakṣyāmi saṃtaḥ saṃpūrṇavarvaṇi // ### [1.29.36](https://indike.org/pramana/in.purana.narada.1.29.36) pratipaddivase kuryādyāgaṃ ca munisattama / parvaṇo yaścaturthāṃśa ādyāḥ pratipadastrayaḥ // ### [1.29.37](https://indike.org/pramana/in.purana.narada.1.29.37) yāgakālaḥ sa vijñeyaḥ prātarukto manīṣibhiḥ / madhyāhnadvitaye syātāmamāvāsyā ca pūrṇimā // ### [1.29.38](https://indike.org/pramana/in.purana.narada.1.29.38) paredyureva viprendra sadyaḥ kālo vidhīyate // ### [1.29.39](https://indike.org/pramana/in.purana.narada.1.29.39) pūrvadvaye paredyuḥ syātsaṃgavātparato manīṣibhiḥ / sadyaḥ kālaḥ paredyuḥ syājjñeyamevaṃ tithikṣaye // ### [1.29.40](https://indike.org/pramana/in.purana.narada.1.29.40) sarvairekādaśī grāhyā daśamīparivarjitā / daśamīsaṃyutā hṝntipuṇyaṃ janmatrayārjitam // ### [1.29.41](https://indike.org/pramana/in.purana.narada.1.29.41) ekādaśī kalāmātrā dvādaśyāṃ tu pratīyate / dvādaśī ca trayodaśyāmasti cetsā parā smṛtā // ### [1.29.42](https://indike.org/pramana/in.purana.narada.1.29.42) saṃpūrṇaikādaśī śuddhā dvādaśyāṃ ca pratīyate / traghayodaśī ca rātryante tatra vakṣyāmi nirṇayam // ### [1.29.43](https://indike.org/pramana/in.purana.narada.1.29.43) pūrvā gṛhasthaiḥ sā kāryyā hyuttarā yatibhistathā / gṛhasthāḥ siddhimicchanti yato mokṣaṃ yatīśvarāḥ // ### [1.29.44](https://indike.org/pramana/in.purana.narada.1.29.44) dvādaśyāṃ tu kalāyāṃ vā yadi labhyeta pāraṇā / tadānīṃ daśamīviddhāpyupoṣyaikādaśī tithiḥ // ### [1.29.45](https://indike.org/pramana/in.purana.narada.1.29.45) śulke vā yadi vā kṛṣṇe bhavedekādaśīdvayam / gṛhasthānāṃ tu pūrvoktā yatīnāmuttarā smṛtā // ### [1.29.46](https://indike.org/pramana/in.purana.narada.1.29.46) dvādaśyāṃ vidyate kiñciddaśamīsaṃyutā yadi / dinakṣaye dvitīyaiva sarveṣāṃ parikīrtitāṃ // ### [1.29.47](https://indike.org/pramana/in.purana.narada.1.29.47) viddhāpyekādaśī grāhyā parato dvādaśī na cet / aviddhāpi niṣiddhaiva parato dvādaśī yadi // ### [1.29.48](https://indike.org/pramana/in.purana.narada.1.29.48) ekādaśī dvādaśī ca rātraghiśeṣe trayodaśī / dvādaśadvādaśīpuṇyaṃ trayodaśyāṃ tu pāraṇe // ### [1.29.49](https://indike.org/pramana/in.purana.narada.1.29.49) ekādaśī kalāmātrā vidyate dvādaśīdine / dvādaśī ca trayodaśyāṃ nāsti vā vidyate 'thavā // ### [1.29.50](https://indike.org/pramana/in.purana.narada.1.29.50) vidvāpyekādaśī tatra pūrvā syādgṛhaṇāṃ tadā / yadibhiścottarā grāhyā hyavīrābhistathaiva ca // ### [1.29.51](https://indike.org/pramana/in.purana.narada.1.29.51) saṃpūrṇaikādaśī śuddhā dvādaśyāṃ nāsti kiñcana / dvādaśī ca trayodaśayāmasti tatra kathaṃ bhavet // ### [1.29.52](https://indike.org/pramana/in.purana.narada.1.29.52) pūrvā gṛhasthaiḥ kāryātra yatibhiścottarā tithiḥ / upoṣyaiva dvitīyeti kecidāhuśca bhaktitaḥ // ### [1.29.53](https://indike.org/pramana/in.purana.narada.1.29.53) ekādaśī yadāviddhā dvādaśyāṃ na pratīyate / dvādaśī ca trayodaśyāmasti tatraiva cāpare // ### [1.29.54](https://indike.org/pramana/in.purana.narada.1.29.54) upoṣyā dvādaśī śuddhā sarvaireva na saṃśayaḥ / kecidāhuśca pūrvāṃ tu tanmataṃ na samañjasam // ### [1.29.55](https://indike.org/pramana/in.purana.narada.1.29.55) saṃkrātau ravivāre ca pātagrahaṇayostathā / pāraṇaṃ copavāsaṃ ca na kuryātputravāngṛhī // ### [1.29.56](https://indike.org/pramana/in.purana.narada.1.29.56) arke 'hni parvarātraghau ca caturdaśyaṣṭamī divā / ekādaśyāmahorātraṃ bhuktvā cāndrāyaṇaṃ caret // ### [1.29.57](https://indike.org/pramana/in.purana.narada.1.29.57) ādityagrahaṇe prātpe pūrvayāmatraye tathā / nādyādvai yadi bhuñjīta surāpena samo bhavet // ### [1.29.58](https://indike.org/pramana/in.purana.narada.1.29.58) anvādhāneṣṭimadhye tu grahaṇe candrasūryayoḥ / prāyaścittaṃ muniśreṣṭha karttavyaṃ tatra yājñikaiḥ // ### [1.29.59](https://indike.org/pramana/in.purana.narada.1.29.59) cadroparāge juhuyāddaśame soma ityṛcā / āpyāyasva ṛcā caiva somapāsta iti dvija // ### [1.29.60](https://indike.org/pramana/in.purana.narada.1.29.60) sūryoparāge juhuyādudutyaṃ jātavedasam / āsatyeṃnodvayaṃ caiva trayomantrā udāhṛtāḥ // ### [1.29.61](https://indike.org/pramana/in.purana.narada.1.29.61) evaṃ tithiṃ viniścitya smṛtimārgeṇa paṇḍitaḥ / yaḥ karoti vratādīni tasya syādakṣayaṃ phalam // ### [1.29.62](https://indike.org/pramana/in.purana.narada.1.29.62) vedapraṇihito dharmo dharmaistuṣyati keśavaḥ / tasmāddharmaparā yānti tadviṣṇoḥ paramaṃ padam // ### [1.29.63](https://indike.org/pramana/in.purana.narada.1.29.63) dharmānye karttumicchanti te vai kṛṣṇasvarupiṇaḥ / tasmāttāṃstu bhavavyādhiḥ kadācinnaiva bādhate // ### [1.29.63.p1](https://indike.org/pramana/in.purana.narada.1.29.63.p1) iti śrībṛhannāradīyapurāṇe pūrvabhāge prathamapāde tithyādinirṇayo nāma ekonatriṃśo 'dhyāyaḥ ## Linked texts (3) - [Vīramitrodaya](https://indike.org/pramana/in.niti.dharma.nibandha.viramitrodaya.69) — Mitramiśra 1610, Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.28.2) — Sanskrit - [Varṣakriyākaumudī](https://indike.org/pramana/in.niti.dharma.kala.varsakrtya.varsakriyakaumudi.1.p109) — Govindānanda Kavikaṅkaṇa 1510, Sanskrit --- Source: [https://indike.org/pramana/in.purana.narada.1.29](https://indike.org/pramana/in.purana.narada.1.29) · Pramāṇa