[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.30 # Naradapurana 1.30 Nāradapurāṇa 1.30 - **Language:** Sanskrit ## Contents - [1.30.114](https://indike.org/pramana/in.purana.narada.1.30.114) — 1 part ### [1.30.1](https://indike.org/pramana/in.purana.narada.1.30.1) sanaka uvāca prāyaścittavidhiṃ vakṣye śṛṇu nārada sāṃpratam / prāyaścittaviśuddhātmā sarvakarmaphalaṃ labhet // ### [1.30.2](https://indike.org/pramana/in.purana.narada.1.30.2) prāyaścittavihīnaistu yatkarma kriyate mune / tatsarvaṃ niṣphalaṃ proktaṃ rākṣasaiḥ parisevitam // ### [1.30.3](https://indike.org/pramana/in.purana.narada.1.30.3) kāmakrodhavihīnaiśca dharmaśāstraviśāradaiḥ / praṣṭavyā brāhmaṇā dharmaṃ sarvadharmaphalecchubhiḥ // ### [1.30.4](https://indike.org/pramana/in.purana.narada.1.30.4) prāyaścittāni cīrṇāni nārāyaṇaparāṅmukhaiḥ / na niṣpunanti viprendra surābhāṇḍamivāpagāḥ // ### [1.30.5](https://indike.org/pramana/in.purana.narada.1.30.5) brahmahā ca surāpī ca steyī ca gurutalpagaḥ / mahāpātakinanastvete tatsaṃsargī ca pañcamaḥ // ### [1.30.6](https://indike.org/pramana/in.purana.narada.1.30.6) yastu saṃvatsaraṃ hyataiḥ śayanāsanabhojanaiḥ / saṃvasetsaha taṃ vidyātpatitaṃ sarvakarmasu // ### [1.30.7](https://indike.org/pramana/in.purana.narada.1.30.7) ajñānādvāhmaṇaṃ hatvā cīravāsā jaṭī bhavet / svenaiva hataviprasya kapālamapi dhārayet // ### [1.30.8](https://indike.org/pramana/in.purana.narada.1.30.8) tadabhāve muniśraṣṭa kapālaṃ vānyameva vā / taddravyaṃ dhvajadaṇḍe tu dhṛtvā vanacaro bhavet // ### [1.30.9](https://indike.org/pramana/in.purana.narada.1.30.9) vanyāhāro vasetatra vāramekaṃ mitāśanaḥ / samyaksaṃdhyāmupāsīta trikālaṃ snānamācaret // ### [1.30.10](https://indike.org/pramana/in.purana.narada.1.30.10) adhyayanādhyāpanādūnvarjayetsaṃsmareddharim / brahmacārī bhavennityaṃ gandhamālyādi varjayet // ### [1.30.11](https://indike.org/pramana/in.purana.narada.1.30.11) tīrthānyanuvaseccaiva puṇyāścāvāśramāṃstathā / yadi vanyairna jīveta grāme bhikṣāṃ samācaret // ### [1.30.12](https://indike.org/pramana/in.purana.narada.1.30.12) dvādaśābdaṃ vrataṃ kuryādevaṃ hariparāyaṇaḥ / brahmahā śuddhimānpoti karmārhaścaiva jāyate // ### [1.30.13](https://indike.org/pramana/in.purana.narada.1.30.13) vratamadhye mṛgairvāpi rogairvāpi niṣūditaḥ / gonimittaṃ dvijārthaṃ vā prāṇānvāpi parityajet // ### [1.30.14](https://indike.org/pramana/in.purana.narada.1.30.14) yadvā dadyāddvijendrāṇāṃ gavāmayutamuttasam / eteṣvanyatamaṃ kṛtvā brahmahā śuddhimānpuyāt // ### [1.30.15](https://indike.org/pramana/in.purana.narada.1.30.15) dīkṣitaṃ kṣatriyaṃ hatvā careddhi brahmahavratam / agnipraveśanaṃ vāpi marutprapatanaṃ tathā // ### [1.30.16](https://indike.org/pramana/in.purana.narada.1.30.16) dīkṣītaṃ brāhmaṇaṃ hatvā dviguṇaṃ vratamācaret / ācāryādivadhe caiva vratamuktaṃ caturguṇam // ### [1.30.17](https://indike.org/pramana/in.purana.narada.1.30.17) hatvā tu vipramātraṃ ca caretsaṃvatsaraṃ vratam / evaṃ viprasya gaditaḥ prāyaścittavidhirdvija // ### [1.30.18](https://indike.org/pramana/in.purana.narada.1.30.18) / dviguṇaṃ kṣatriyasyoktaṃ triguṇaṃ tu viśaḥ smṛtam / brāhmaṇaṃ hṝnti yaḥ śūdrastaṃ muśalyaṃ virdurbudhāḥ // ### [1.30.19](https://indike.org/pramana/in.purana.narada.1.30.19) rājñaiva śikṣā kartavyā iti śāsteṣu niścayaḥ / brāhmaṇīnāṃ vadhe tvarddhaṃ pādaḥ syātkanyakāvadhe // ### [1.30.20](https://indike.org/pramana/in.purana.narada.1.30.20) hatvā tvanupanītāṃśca tathā pādavrataṃ caret / hatvā tu kṣatriyaṃ vipraḥ ṣaḍabdaṃ kucchramācaret // ### [1.30.21](https://indike.org/pramana/in.purana.narada.1.30.21) saṃvatsaraṃ trayaṃ veśyaṃ śūrdraṃ hatvā tu vatsaram / dīkṣitasya striyaṃ hatvā brāhmaṇī cāṣṭavatsarān // ### [1.30.22](https://indike.org/pramana/in.purana.narada.1.30.22) brahmahatyāvrataṃ kṛtvā śuddho bhavati niścitam / prāvaścittaṃ vidhānaṃ tu sarvatra munisattama // ### [1.30.23](https://indike.org/pramana/in.purana.narada.1.30.23) vṛddhāturastrībālānāmarddhamuktaṃ manīṣibhiḥ / gauḍī paiṣṭī ca mādhvī ca vijñeyā trividhā surā // ### [1.30.24](https://indike.org/pramana/in.purana.narada.1.30.24) cāturvarṇyārapeyā syāttathā strībhiśca nārada / kṣīraṃ ghṛtaṃ vā gomūtrameteṣvanyatamaṃ mune // ### [1.30.25](https://indike.org/pramana/in.purana.narada.1.30.25) snātvardravāsā niyato nārāyaṇamanusmaran / pakvāyasanibhaṃ kṛtvā pibejcaivodakaṃ tataḥ // ### [1.30.26](https://indike.org/pramana/in.purana.narada.1.30.26) tattu lauhena pātreṇa hyāyasenāthavā pibet / tāmreṇa vāthaṃ pātreṇa tatpītvā maraṇaṃ vrajet // ### [1.30.27](https://indike.org/pramana/in.purana.narada.1.30.27) surāpī śuddhimānpoti nānyathā śuddhiriṣyate / ajñānādātmabuddyā tu surāṃ pītvā dvijaścaret // ### [1.30.28](https://indike.org/pramana/in.purana.narada.1.30.28) brahmahatyāvrataṃ samyaktaccihnaparivarjitaḥ / yadi rogānivṛttyarthamauṣadhārthaṃ surāṃ pibet // ### [1.30.29](https://indike.org/pramana/in.purana.narada.1.30.29) tasyopanayanaṃ bhūyastathā cāndrāyaṇadvayam / surāsaṃspṛṣṭapātraṃ tu surābhāṇḍodakaṃ tathā // ### [1.30.30](https://indike.org/pramana/in.purana.narada.1.30.30) surāpānasamaṃ prāhustathā candrasya bhakṣaṇam / tālaṃ ca pānasaṃ caiva drākṣaṃ khārjūrasaṃbhavam // ### [1.30.31](https://indike.org/pramana/in.purana.narada.1.30.31) mādhuka śailamāriṣṭaṃ maireyaṃ nālikerajam / gauḍī mādhvī surā madyamevamekādaśa smṛtāḥ // ### [1.30.32](https://indike.org/pramana/in.purana.narada.1.30.32) eteṣvanyatamaṃ vipro na pibedvai kadācana / eteṣvanyatamaṃ yastu pivedajñānato dvijaḥ // ### [1.30.33](https://indike.org/pramana/in.purana.narada.1.30.33) tasyopanayanaṃ bhūyastatpakṛcchraṃ carettathā / samakṣaṃ vā parokṣaṃ vā balāccauyaṇa vā tathā // ### [1.30.34](https://indike.org/pramana/in.purana.narada.1.30.34) parasvānāmupādānaṃ steyamityucyate budhaiḥ / suvarṇasya pramāṇaṃ tu manvādyaiḥ paribhāṣitam // ### [1.30.35](https://indike.org/pramana/in.purana.narada.1.30.35) vakṣye śṛṇuṣva viprendra prāyaścajitoktisādhanam / gavākṣāgatamārtaṇḍaraśmimadhye pradṛśyate // ### [1.30.36](https://indike.org/pramana/in.purana.narada.1.30.36) trasareṇupramāṇaṃ tu raja ityucyate budhaiḥ / trasareṇvaṣṭakaṃ niṣkastatrayaṃ rājasarṣapaḥ // ### [1.30.37](https://indike.org/pramana/in.purana.narada.1.30.37) maurasarṣapastartrayaṃ syāttatṣaṭkaṃ yava ucyate / yavatrayaṃ kṛṣṇalaḥ syānmāṣastatpañcakaṃ smṛtaḥ // ### [1.30.38](https://indike.org/pramana/in.purana.narada.1.30.38) māṣaṣoḍaṣamānaṃ syātsuvarṇamiti nārada / hatvā brahmasvamajñānāddvādaśāṃbdaṃ tu pūrvavat // ### [1.30.39](https://indike.org/pramana/in.purana.narada.1.30.39) kapāladhvajahīnaṃ tu brahmahatyāvrataṃ caret / guruṇāṃ yajñakatṝṇāṃ dhārmiṣṭānāṃ tathaiva ca // ### [1.30.40](https://indike.org/pramana/in.purana.narada.1.30.40) śrotriyāṇāṃ dvijānāṃ tu hṛtvā hemaivamācaret / kṛtānutāpo dehe ca saṃpūrṇe lepayed dhṛtam // ### [1.30.41](https://indike.org/pramana/in.purana.narada.1.30.41) karīṣacchādito dagdhaḥ steyapāpādvimucyate / brahmasvaṃ kṣatriyo hṛtvā paścāttāpamavāpya ca // ### [1.30.42](https://indike.org/pramana/in.purana.narada.1.30.42) punardadāti tatraiva tadvidhānaṃ śṛṇuṣva me / tatra sāṃtapanaṃ kṛtvā dvādaśāhopavāsataḥ // ### [1.30.43](https://indike.org/pramana/in.purana.narada.1.30.43) śuddhimāpnoti devarṣe hyanyathā patito bhavet / rantāsanamanuṣyastrīdhenubhūmyādikeṣu ca // ### [1.30.44](https://indike.org/pramana/in.purana.narada.1.30.44) suvarṇasahṛśeṣveṣu prāyaścitārddhamucyate / trasareṇusamaṃ hema hṛtvā kuryātsamāhitaḥ // ### [1.30.45](https://indike.org/pramana/in.purana.narada.1.30.45) prāṇāyāmadvayaṃ samyak tena śuddhaccati mānavaḥ / prāṇāyāmatrayaṃ kuryāddhṛtvā niṣkapramāṇakam // ### [1.30.46](https://indike.org/pramana/in.purana.narada.1.30.46) prāṇāyāmāśca catvāro rājasarṣa pamātrake / gaurasarṣapamānaṃ tu hṛtvā hema vicakṣaṇaḥ // ### [1.30.47](https://indike.org/pramana/in.purana.narada.1.30.47) snātvā ca vidhivajjapyādgāyatryaṣṭasahasrakam / yavamātrasuvarṇasya steyācchuddho bhaveddijaḥ // ### [1.30.48](https://indike.org/pramana/in.purana.narada.1.30.48) āsāyaṃ prātarārabhya japtvā vai vedamātaram / hema kṛṣṇalamātraṃ tu hṛtvā sāṃtapanaṃ caret // ### [1.30.49](https://indike.org/pramana/in.purana.narada.1.30.49) māṣapramāṇe hemnastu prāyaścittaṃ nigadyate / gomūtrapakvayavabhugvarṣeṇaikena śuddhyati // ### [1.30.50](https://indike.org/pramana/in.purana.narada.1.30.50) saṃpūrṇasya suvarṇasya steyaṃ kṛtvā munīśvara / brahmahatyāvrataṃ kuryāddvādaśābdaṃ samāhitaḥ // ### [1.30.51](https://indike.org/pramana/in.purana.narada.1.30.51) suvarṇamānānnyūne tu rajatasteyakarmaṇi / kuryātsāṃtapanaṃ samyaganyathā patito bhavet // ### [1.30.52](https://indike.org/pramana/in.purana.narada.1.30.52) daśaniṣkāntaparyantamūrddhūṃ niṣkacatuṣṭayāt / hatvā ca rajataṃ vidvānkuryāccāndrāyaṇaṃ mune // ### [1.30.53](https://indike.org/pramana/in.purana.narada.1.30.53) daśādiśatiṣkāntaṃ yaḥ steyī rajatasya tu / cāndrāyaṇadvayaṃ tasya proktaṃ pāpaviśodhakam // ### [1.30.54](https://indike.org/pramana/in.purana.narada.1.30.54) śatādūrddhūṃ sahasrāntaṃ proktaṃ cāndrāyaṇatrayam / sahasrādadhikasteye brahmahatyāvrataṃ caret // ### [1.30.55](https://indike.org/pramana/in.purana.narada.1.30.55) kāṃsyapittalamukhyeṣu hyayaskānte tathaiva ca / sahasraniṣkamāne tu parākaṃ parikīrtitam // ### [1.30.56](https://indike.org/pramana/in.purana.narada.1.30.56) prāyaścittaṃ tu rantānāṃ steye rājatavatsmṛtam / gurutalpagatānāṃ ca prāyaścittamudīryate // ### [1.30.57](https://indike.org/pramana/in.purana.narada.1.30.57) ajñānānmātaraṃ gatvā tatsapatnīmathāpi vā / svayameva svamuṣkaṃ tu cchindyātpāpamudīrayan // ### [1.30.58](https://indike.org/pramana/in.purana.narada.1.30.58) haste gṛhītvā muṣkaṃ tu gacchandvai naiṛtīṃ diśam / gacchanmārgai sukhaṃ duḥkhaṃ na kadācidvicārayet // ### [1.30.59](https://indike.org/pramana/in.purana.narada.1.30.59) apaśyangacchato gacchetpāṇāntaṃ yaḥ sa śuddhyati / marutprapatanaṃ vāpi kuryātpāpamudāharan // ### [1.30.60](https://indike.org/pramana/in.purana.narada.1.30.60) svavarṇottamavarṇastrīgamane tvavicārataḥ / brāhmahatyāvrataṃ kuryādvādaśābdaṃ samāhitaḥ // ### [1.30.61](https://indike.org/pramana/in.purana.narada.1.30.61) amatyābhyāsato gacchetsavarṇāṃ cottamāṃ tathā / kārīṣavahninā dagdhaḥ śuddhiṃ yāti dvijottama // ### [1.30.62](https://indike.org/pramana/in.purana.narada.1.30.62) retaḥsekātpūrvameva nivṛtto yadi mātari / brahmahatyāvrataṃ kuryādretaḥ seke 'gnidāhanam // ### [1.30.63](https://indike.org/pramana/in.purana.narada.1.30.63) savarṇottamavarṇāsu nivṛtto vīryasecanāt / brahmahatyāvrataṃ kuryānnavābdānviṣṇutatparaḥ // ### [1.30.64](https://indike.org/pramana/in.purana.narada.1.30.64) vaiśyāyāṃ pitṛpatnyāṃ tu ṣaḍabdaṃ vratamācaret / gatvā śūdvāṃ gurorbhāryāṃ trivarṣaṃ vratamācaret // ### [1.30.65](https://indike.org/pramana/in.purana.narada.1.30.65) mātṛṣvasāraṃ ca pitṛṣvasāramācāryabhāryāṃ śvaśurasya patnīm / pitṛvyabhāryāmatha mātulānīṃ putrīṃ ca gacchedyadi kāmamugdhaḥ // ### [1.30.66](https://indike.org/pramana/in.purana.narada.1.30.66) dinadvaye brahmahatyāvrataṃ kuryādyathāvidhi / ekasminneva divase bahuvāraṃ trivārṣikam // ### [1.30.67](https://indike.org/pramana/in.purana.narada.1.30.67) ekavāraṃ gate hyabdaṃvrataṃ kṛtvā viśuddhyati / dinatraye gate vahnidagdhaḥ śudhyeta nānyathā // ### [1.30.68](https://indike.org/pramana/in.purana.narada.1.30.68) cāñjālīṃ puṣkasīṃ caiva snuṣāṃ ca bhaginīṃ tathā / mitrastriyaṃ śiṣyapatnīṃ yastu vai kāmato vrajet // ### [1.30.69](https://indike.org/pramana/in.purana.narada.1.30.69) brahmahatyāvrataṃ kuryātsa ṣaḍabdaṃ munīśvara / akāmato vrajedyastu so 'bdakṛcchraṃ samācaret // ### [1.30.70](https://indike.org/pramana/in.purana.narada.1.30.70) mahāpātakisaṃsarge prāyaścittaṃ nigadyate / prāyaścittaviśuddhātmā sarvakarmaphalaṃ labhet // ### [1.30.71](https://indike.org/pramana/in.purana.narada.1.30.71) yasya yena bhavetsaṃgo brahmahāndicaturṣvapi / tattadvrataṃ sa nivrartya śuddhimānpotyasaṃśayam // ### [1.30.72](https://indike.org/pramana/in.purana.narada.1.30.72) ajñānātpañcarātraṃ tu saṃgamebhiḥ karotiyaḥ / kāyakṛcchraṃ caretsamyaganyathā patito bhavet // ### [1.30.73](https://indike.org/pramana/in.purana.narada.1.30.73) dvādaśāhetu saṃsarge mahāsāṃtapanaṃ smṛtam / saṃgaṅkṛtvārddhamāsaṃ tu dvādaśāhamupāvaset // ### [1.30.74](https://indike.org/pramana/in.purana.narada.1.30.74) parāko māsasaṃsarge cāndramāsatrayesmṛtam / kṛtvā saṃgaṃ tu ṣaṇmāsaṃ careccāndrāyaṇadvayam // ### [1.30.75](https://indike.org/pramana/in.purana.narada.1.30.75) kiñcinnyūnābdasaṃge tu ṣaṇmāsavratamācaret / etacca triguṇaṃ proktaṃ jñānātsaṃge yathākramam // ### [1.30.76](https://indike.org/pramana/in.purana.narada.1.30.76) maṇḍūkaṃ nakulaṃ kākaṃ varāhaṃ mūṣakaṃ tathā / mārjārājāvikaṃ śvānaṃ hatvā kukkuṭakaṃ tathā // ### [1.30.77](https://indike.org/pramana/in.purana.narada.1.30.77) kṛcchrārddhamācaredvipro 'tikṛcchraṃ cāśvaha caret / jatpakṛcchraṃ karivadhe parākaṃ govadhe smṛtam // ### [1.30.78](https://indike.org/pramana/in.purana.narada.1.30.78) kāmato govadhe naiva śuddhirddaṣṭā manīṣibhiḥ / pānaśayyāsanādyeṣu puṣpamūlaphaleṣu ca // ### [1.30.79](https://indike.org/pramana/in.purana.narada.1.30.79) bhakṣyabhojyāpahāreṣu pañcagavyaviśodhanam / śuṣkakāṣṭatṛṇānāṃ ca drumāṇāṃ ca guḍasya ca // ### [1.30.80](https://indike.org/pramana/in.purana.narada.1.30.80) carmavastrāmiṣāṇāṃ ca trirātraṃ syādabhojanam / ṭiṭṭibhaṃ cakravākaṃ ca haṃsaṃ kāraṇḍavaṃ tathā // ### [1.30.81](https://indike.org/pramana/in.purana.narada.1.30.81) ulūkaṃ sārasaṃ caiva pakotaṃ jalapādakam / śukaṃ cāṣaṃ balākaṃ ca śiśumāraṃ ca kacchapam // ### [1.30.82](https://indike.org/pramana/in.purana.narada.1.30.82) eteṣvanyatamaṃ hatvā dvādaśāhamabhojanam / prājāpatyavrataṃ kuryādretoviṇmūtrabhojane // ### [1.30.83](https://indike.org/pramana/in.purana.narada.1.30.83) cāndrāyaṇatrayaṃ proktaṃ śūdrocchiṣṭasya bhojane / rajasvalāṃ ca cāṇḍālaṃ mahāpātakinaṃ tathā // ### [1.30.84](https://indike.org/pramana/in.purana.narada.1.30.84) sūtikāṃ patitaṃ caiva ucchiṣṭaṃ rajakādikam / spṛṣṭvā sacailaṃ snāyīta ghṛtaṃ saṃprāśeyattathā // ### [1.30.85](https://indike.org/pramana/in.purana.narada.1.30.85) gāyatrīṃ ca viśuddhātmā japedaṣṭaśataṃ dvija / eteṣvanyatamaṃ spṛṣṭvā ajñānādhadyadi bhojane // ### [1.30.86](https://indike.org/pramana/in.purana.narada.1.30.86) trirātro poṣaṇācchuddhye tpañcagavyāśanādvija / snānadānajapādau ca bhojanādau ca nārada // ### [1.30.87](https://indike.org/pramana/in.purana.narada.1.30.87) eṣāmanyatamasyāpi śabdaṃ yaḥ śṛṇuyādvadet / udvameddhuktamaṃnnatatstrātvā copavasettathā // ### [1.30.88](https://indike.org/pramana/in.purana.narada.1.30.88) dvitīye 'hni ghṛtaṃ prāśya śuddhimānpoti nārada / vratādimadhye yadyeṣā śṛṇuyāddhūnimapyuta // ### [1.30.89](https://indike.org/pramana/in.purana.narada.1.30.89) aṣṭottarasahasraṃ tu japedrai vedamātaram / pāpānāmadhikaṃ pāpaṃ dvijadaivatanindanam // ### [1.30.90](https://indike.org/pramana/in.purana.narada.1.30.90) na dṛṣṭvā niṣkṛtistasya sarvaśāstreṣu nārada / mahāpātakatulyāni yāni proktāni sūribhiḥ // ### [1.30.91](https://indike.org/pramana/in.purana.narada.1.30.91) prāyaścittaṃ tu teṣāṃ ca kuryādevaṃ yathāvidhi / prāyaścittāni yaḥ kuryānnārāyaṇaparāyaṇaḥ // ### [1.30.92](https://indike.org/pramana/in.purana.narada.1.30.92) tasya pāpāni naśyantihyanyathā patito bhavet / yastu rāgādinirmukto hyanutāpasamanvitaḥ // ### [1.30.93](https://indike.org/pramana/in.purana.narada.1.30.93) sarvabhūtayayāyukto viṣṇusmaraṇatatparaḥ / mahāpātakayukto vā yukto vā sarvapātakaiḥ // ### [1.30.94](https://indike.org/pramana/in.purana.narada.1.30.94) vimukta eva pāpebhyo jñeyo viṣṇuparo yataḥ / nārāyaṇamanāndyantaṃ viśvākāramanāmayam // ### [1.30.95](https://indike.org/pramana/in.purana.narada.1.30.95) yastu saṃsmarate martyaḥ sa muktaḥ pāpakoṭibhiḥ / smṛto vā pūjito vāpi dhyātaḥ praṇamito 'pi vā // ### [1.30.96](https://indike.org/pramana/in.purana.narada.1.30.96) nāśayatyeva pāpāni viṣṇurhṛdgamanaḥ satām / saṃparkādyadi vā mohādyastu pūjayate harim // ### [1.30.97](https://indike.org/pramana/in.purana.narada.1.30.97) sarvapāpavinirmuktaḥ sa prayāti hareḥ padam / sakṛtsaṃsmaraṇādviṣṇornaśyanti kleśasaṃcayāḥ // ### [1.30.98](https://indike.org/pramana/in.purana.narada.1.30.98) svargādibhogaprātpistu tasya viprānumīyate / mānuṣaṃ durlabhaṃ janma prāpyate yairmunīśvara // ### [1.30.99](https://indike.org/pramana/in.purana.narada.1.30.99) tatrāpi haribhaktistu durlabhā parikīrttitā / tasmāttaḍillatālolaṃ mānuṣyaṃ prāpya durlabham // ### [1.30.100](https://indike.org/pramana/in.purana.narada.1.30.100) hariṃ saṃpūjayedbhaktyā paśupāśavimocanam / sarve 'ntarāyā naśyanti manaḥśuddhiśca jāyate // ### [1.30.101](https://indike.org/pramana/in.purana.narada.1.30.101) paraṃ mokṣaṃ labheścaiva pūjite tu janārdane / dharmārthakāmokṣākhyāḥ puruṣārthāḥ sanātanāḥ // ### [1.30.102](https://indike.org/pramana/in.purana.narada.1.30.102) haripūjāparāṇāṃ tu sidhyanti nātra saṃśayaḥ / putradāragṛhakṣetradhanadhānyābhidhāvatīm // ### [1.30.103](https://indike.org/pramana/in.purana.narada.1.30.103) labdhvemāṃ mānuṣīṃ vṛttiṃ rere darpaṃ tu mā kṛthāḥ / saṃtyajya kāmaṃ krodhaṃ ca lobhaṃ mohaṃ madaṃ tathā // ### [1.30.104](https://indike.org/pramana/in.purana.narada.1.30.104) parāpavādaṃ nindāṃ ca bhajadhvaṃ bhaktito harim / vyāpārānsakalāṃstktvā pūjayadhvaṃ janārdanam // ### [1.30.105](https://indike.org/pramana/in.purana.narada.1.30.105) nikaṭā eva dṛśyante kṛtāntanagaradrumāḥ / yāvannāyāti maraṇaṃ yāvannāyāti vai jarā // ### [1.30.106](https://indike.org/pramana/in.purana.narada.1.30.106) yāvannendriyavaikalyaṃ tāvadevācaryeddharim / dhīmānnakuryādviśvāsaṃ śarīre 'sminvinaśvare // ### [1.30.107](https://indike.org/pramana/in.purana.narada.1.30.107) nityaṃ sannihito mṛtyuḥ saṃpadatyantacañcalā / āsannamaraṇo dehastasmāddarppaṃ vimucata // ### [1.30.108](https://indike.org/pramana/in.purana.narada.1.30.108) saṃyogā viprayogāntāḥ sarvaṃ ca ghakṣaṇabhaṅguram / etajjñātvā mahābhāga pūjayasva janārdanam // ### [1.30.109](https://indike.org/pramana/in.purana.narada.1.30.109) āśayā vyathate caiva mokṣastvatyantadurlabhaḥ / bhaktyā yajati yo viṣṇuṃ mahāpātakavānapi // ### [1.30.110](https://indike.org/pramana/in.purana.narada.1.30.110) so 'pi yāti paraṃ sthānaṃ yatragha gatvā na śocati / sarvatīrthāni yajñāśca sāṃgā vedāśca sattama // ### [1.30.111](https://indike.org/pramana/in.purana.narada.1.30.111) nārāyaṇārcanasyaite kalāṃ nārhanti ṣoḍaśīm / kiṃ vai vedairmakhaiḥ śāstraiḥ kiṃvā tīrthaniṣevaṇaiḥ // ### [1.30.112](https://indike.org/pramana/in.purana.narada.1.30.112) viṣṇubhaktivihīnānāṃ kiṃ tapobhirvratairapi // ### [1.30.113](https://indike.org/pramana/in.purana.narada.1.30.113) yajanti ye viṣṇumanantamṛrtiṃ nirīkṣya cākāragataṃ vareṇyam / vedāntavedyaṃ bhavarogavaidyaṃ te yānti martyāḥ padamacyutasya // ### [1.30.114](https://indike.org/pramana/in.purana.narada.1.30.114) anādimātmānamanantaśaktimādhārabhūtaṃ jagataḥ sureḍyam / jyotiḥ svarupaṃ paramacyutākhyaṃ smṛtvā samabhyeti naraḥ sakhāyam // ### [1.30.114.p1](https://indike.org/pramana/in.purana.narada.1.30.114.p1) iti śrībṛhannāradīyapurāṇe pūrvabhāge prathamapāde prāyaścittavidhirnāma ghatriṃśo 'dhyāyaḥ ## Linked texts (7) - [Bhāgavatapurāṇa](https://indike.org/pramana/in.purana.bhagavata.6.1.18) — Vyāsa, Sanskrit - [Haribhaktivilāsa](https://indike.org/pramana/in.sampradaya.vaisnava.gaudiya.acara.haribhaktivilasa.10.305) — Gopāla Bhaṭṭa Gosvāmin & Sanātana Gosvāmin 1535, Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.29.4) — Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.30.1) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.30.1) — Basava, Sanskrit - [Smṛtimuktāphala](https://indike.org/pramana/in.niti.dharma.nibandha.mahanibandha.smrtimuktaphala.5.20-2) — Vaidyanātha Dīkṣita 1575, Sanskrit - [Vratodyāpanakaumudī (Śaṅkara)](https://indike.org/pramana/in.niti.dharma.vrata.udyapana.vratodyapanakaumudi-sankara.p4.1) — Śaṅkara 1728, Sanskrit --- Source: [https://indike.org/pramana/in.purana.narada.1.30](https://indike.org/pramana/in.purana.narada.1.30) · Pramāṇa