[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.31 # Naradapurana 1.31 Nāradapurāṇa 1.31 - **Language:** Sanskrit ## Contents - [1.31.71](https://indike.org/pramana/in.purana.narada.1.31.71) — 1 part ### [1.31.1](https://indike.org/pramana/in.purana.narada.1.31.1) nārada uvāca kathito bhavatā samyagvarṇāśramavidhirmune / idānīṃ śrotumicchāmi yamamārgaṃ sudurgamam // ### [1.31.2](https://indike.org/pramana/in.purana.narada.1.31.2) sanaka uvāca śṛṇu vipra pravakṣyāmi yamamārgaṃ sudurgamam / sukhadaṃ puṇyaśīlānāṃ pāpināṃ bhayadāyakam // ### [1.31.3](https://indike.org/pramana/in.purana.narada.1.31.3) ṣaḍaśītisahasrāṇi yojanārnini munīśvara / yamamārgasya vistāraḥ kathaitaḥ pūrvasūribhiḥ // ### [1.31.4](https://indike.org/pramana/in.purana.narada.1.31.4) ye narā dānaśīlāstu te yānti sukhino dvija / dharmaśūnyā narā yānti duḥkhena bhṛśamarditāḥ // ### [1.31.5](https://indike.org/pramana/in.purana.narada.1.31.5) atibhītā vivaśtrāśca śuṣkakaṇṭhauṣṭhatālukāḥ / kradanto vistaraṃ dīnāḥ pāpino yānti tatpathi // ### [1.31.6](https://indike.org/pramana/in.purana.narada.1.31.6) hanyamānā yamabhaṭaiḥ pratodādyaistathāyudhaiḥ // ### [1.31.7](https://indike.org/pramana/in.purana.narada.1.31.7) itastataḥ pradhāvanto yānti duḥkhena tatpathi / kvacitpaṅkaḥ kvacidūhniḥ kvacitsetatpasaikatam / kvacidvai dāvarupeṇaḥ tīkṣṇadhārāḥ śilāḥ kvacit // ### [1.31.8](https://indike.org/pramana/in.purana.narada.1.31.8) kvacitkaṇṭakavṛkṣāśca duḥkhārohaśilā nagāḥ / gāḍhāndhakārāśaaca guhāḥ kaṇṭakāvaraṇaṃ mahat // ### [1.31.9](https://indike.org/pramana/in.purana.narada.1.31.9) vaprāgrārohaṇaṃ caiva kandarasya praveśanam / śarkarāśca tathā loṣṭāḥ sūcītulyāśca kaṇṭakāḥ // ### [1.31.10](https://indike.org/pramana/in.purana.narada.1.31.10) śaivālaṃ ca kvacinmārge kvacitkīcakapaṅktayaḥ / kvacivdyāvrāśca garjante vardhante ca kvacijjvarāḥ // ### [1.31.11](https://indike.org/pramana/in.purana.narada.1.31.11) evaṃ bahuvidhakleśāḥ pāpino yānti nārada / krośantaśca rudantaśca mlāyantaścaiva pāpinaḥ // ### [1.31.12](https://indike.org/pramana/in.purana.narada.1.31.12) pāśena yantritāḥ kecitkṛṣyamāṇāstathāṅkuśaiḥ / śāstrāstraistāḍyamānāśca pṛṣṭato yānti pāpinaḥ // ### [1.31.13](https://indike.org/pramana/in.purana.narada.1.31.13) nāsāgrapāśakṛṣṭāśca kecidantraiśca badhitāḥ / vahṝntaścāyasāṃ bhāraṃ śiśrāgreṇa prayānti vai // ### [1.31.14](https://indike.org/pramana/in.purana.narada.1.31.14) ayobhāradvayaṃ kecinnāsāgreṇa tathāpare / karṇābhyāṃ ca tathā kecidvahṝnto yānti pāpinaḥ // ### [1.31.15](https://indike.org/pramana/in.purana.narada.1.31.15) kecicca skhalitā yānti tāḍyamānāstathāpare / atyarthocṅvasitāḥ kecitkecidācchatralocanāḥ // ### [1.31.16](https://indike.org/pramana/in.purana.narada.1.31.16) chāyājalavihīne tu pathi yāntyatiduḥkhitāḥ / śocantaḥ svāni karmaṇi jñānājñānakṛtāni ca // ### [1.31.17](https://indike.org/pramana/in.purana.narada.1.31.17) ye tu nārada dharmiṣṭhā dānaśīlā subuddhayaḥ / atīva sukhasaṃpannāste yānti dharmamandiram // ### [1.31.18](https://indike.org/pramana/in.purana.narada.1.31.18) annadāstu munuśreṣṭha bhuñjantaḥ svādu yānti vai / nīradā yānti sukhinaḥ pibantaḥ kṣīramuttamamam / takradā dadhidāścaiva tattadbhogaṃ labhanti vai / ghṛtadā madhudāścaiva kṣīradāśca dvijottama // ### [1.31.19](https://indike.org/pramana/in.purana.narada.1.31.19) sudhāpānaṃ prakurvanto yānti vai dharmamandiram / śākadāḥ pāyasaṃ bhuñjaṃndīpado jvalayandiśaḥ // ### [1.31.20](https://indike.org/pramana/in.purana.narada.1.31.20) vastrado munuśārdūla yāti divyāmbarāvṛtaḥ / purākaraprado yāti stūyamāno 'maraiḥ pathi // ### [1.31.21](https://indike.org/pramana/in.purana.narada.1.31.21) godānena naro yāti sarvasaukhyasamanvitaḥ / bhūmido gṛhadaścaiva vimāne sarvasaṃpadi // ### [1.31.22](https://indike.org/pramana/in.purana.narada.1.31.22) apsarogaṇasaṃkīrṇe krīḍanyāti vṛṣālayam / hayado yānadaścāpi gajadaśca dvijottama // ### [1.31.23](https://indike.org/pramana/in.purana.narada.1.31.23) dharmālayaṃ vimānena yāti bhogānvitena vai / anaḍuddo muniśreṣṭha yānāruḍhaḥ prayāti vai // ### [1.31.24](https://indike.org/pramana/in.purana.narada.1.31.24) phaladaḥ puṣpadaścāpi yāti saṃtoṣasaṃyutaḥ / tāṃbūlado naro yāti prahṛṣṭor dhamamandiram // ### [1.31.25](https://indike.org/pramana/in.purana.narada.1.31.25) mātāpitrośca śuśrūṣāṃ kṛtavānyo narottamaḥ / sa yāti parituṣṭātmā pūjyamāno divisthitaiḥ // ### [1.31.26](https://indike.org/pramana/in.purana.narada.1.31.26) śuśrūṣāṃ kurute yastu yatīnāṃ vratacāriṇām / dvijagryabrāhmaṇānāṃ ca sa yātvatisukhānvitaḥ // ### [1.31.27](https://indike.org/pramana/in.purana.narada.1.31.27) sarvabhūtadayāyuktaḥ pūjyamāno 'marairdvijaḥ / sarvabhogānvitenāsau vimānena prayāti ca // ### [1.31.28](https://indike.org/pramana/in.purana.narada.1.31.28) vidyādānarato yāti pūjyamāno 'bjasūnubhiḥ / purāṇapaṭhako yāti stūyamāno munīśvaraiḥ // ### [1.31.29](https://indike.org/pramana/in.purana.narada.1.31.29) evaṃ dharmaparā yānti sukhaṃ dharmasya mandiram / yamaścaturmukho bhūtvā śaṅkhacakragadāsibhṛt // ### [1.31.30](https://indike.org/pramana/in.purana.narada.1.31.30) puṇyakarmarataṃ samyaksnehānmitramivārcati / bho bho buddhimatāṃ śreṣṭhānarakakleṣabhīravaḥ // ### [1.31.31](https://indike.org/pramana/in.purana.narada.1.31.31) yuṣmābhiḥ sādhitaṃ puṇyamatrāmutrasukhāvaham / manuṣathya janma yaḥ prāpya sukṛtaṃ na karoti ca // ### [1.31.32](https://indike.org/pramana/in.purana.narada.1.31.32) sa eva pāpināṃ śreṣṭha ātmaghātaṃ karoti ca / anityaṃ prāpya mānuṣyaṃ nityaṃ yastu na sādhayet // ### [1.31.33](https://indike.org/pramana/in.purana.narada.1.31.33) sa yāti narakaṃ ghoraṃ ko 'nyastasmādacetanaḥ / śarīraṃ yātanārupaṃ malādyaiḥ paridūṣitam // ### [1.31.34](https://indike.org/pramana/in.purana.narada.1.31.34) tasminyo yāti viśvāsaṃ taṃ vidyādātmaghātakam / sarveṣu prāṇinaḥ śreṣṭhāsteṣu vai buddhijīvinaḥ // ### [1.31.35](https://indike.org/pramana/in.purana.narada.1.31.35) buddhimastu narāḥ śreṣṭhā nareṣu brāhmaṇāstathā / brāhmaṇeṣu ca vidvāṃso vidvatsu kṛtabuddhayaḥ // ### [1.31.36](https://indike.org/pramana/in.purana.narada.1.31.36) kṛtabuddhiṣu karttāraḥ kartṛṣu brahmavādinaḥ / brahmavādiṣvapi tathā śreṣṭho nirmama ucyate // ### [1.31.37](https://indike.org/pramana/in.purana.narada.1.31.37) etebhyo 'pi paro jñeyo nityaṃ dhyānaparāyaṇaḥ / tasmātsarvaprayatnena karttavyo dharmasaṃgrahaḥ // ### [1.31.38](https://indike.org/pramana/in.purana.narada.1.31.38) sarvatra pūjyate janturdharmavānnātra saṃśayaḥ / gaccha svapuṇyairmatsthānaṃ sarvabhogasamanvitam // ### [1.31.39](https://indike.org/pramana/in.purana.narada.1.31.39) asti cedduṣkṛtaṃ kiñcitpaścādatraiva bhokṣyase / evaṃ yamastamabhyarcya prāpayitvā ca sadgatim // ### [1.31.40](https://indike.org/pramana/in.purana.narada.1.31.40) āhūya pāpinaścaiva kāladaṇḍena tarjayet / pralayāṃbudanirghoṣo hyañjanādrisamaprabhaḥ // ### [1.31.41](https://indike.org/pramana/in.purana.narada.1.31.41) vidyutpra bhāyurghorbhīmo dvātriṃśadbhujasaṃyutaḥ / yojanatrayavistāro raktākṣo dīrghanāsikaḥ // ### [1.31.42](https://indike.org/pramana/in.purana.narada.1.31.42) daṃṣṭrākarālavadano vāpītulyogralocanaḥ / mṛtyujvarādibhiryuktaścitragutpo 'pi bhīṣaṇaḥ // ### [1.31.43](https://indike.org/pramana/in.purana.narada.1.31.43) sarve dūtāśca garjanti yamatulyavibhīṣaṇāḥ / tato bravīti tānsarvānkaṃpamānāṃśca pāpinaḥ // ### [1.31.44](https://indike.org/pramana/in.purana.narada.1.31.44) śocantaḥ svāni karmāṇi citragutpo yamājñayā / bho bho pāpā durācārā ahṝṅkārapradūṣitāḥ // ### [1.31.45](https://indike.org/pramana/in.purana.narada.1.31.45) kimarthamarjitaṃ pāpaṃ yuṣmābhiravivekibhiḥ / kāmaktodhādidṛṣṭena sagarveṇa tu cetasā // ### [1.31.46](https://indike.org/pramana/in.purana.narada.1.31.46) yadyatpāpataraṃ tattatkimarthaṃ caritaṃ janāḥ / kṛtavantaḥ purā pāpānyatyantaharṣitāḥ // ### [1.31.47](https://indike.org/pramana/in.purana.narada.1.31.47) tathaiva yātanā bhojyāḥ kiṃ vṛthā hyatidurivatāḥ / bhṛtyamitrakalatrārthaṃ duṣkṛtaṃ caritaṃ yathā // ### [1.31.48](https://indike.org/pramana/in.purana.narada.1.31.48) tathā karmavaśātprātpā yūyamatrātiduḥkhitāḥ / yuṣmābhiḥ poṣitā ye tu putrādyā anyatogatāḥ // ### [1.31.49](https://indike.org/pramana/in.purana.narada.1.31.49) yuṣmākameva tatpāpaṃ prātpaṃ kiṃ duḥkhakāraṇam / yathā kṛtāni pāpāni yuṣmābhiḥ subahūni vai // ### [1.31.50](https://indike.org/pramana/in.purana.narada.1.31.50) tathā prātpāni duḥkhāni kimarthamiha duḥkhitāḥ / vicārayadhvaṃ yūyaṃ tu yuṣmābhiścāritaṃ purā // ### [1.31.51](https://indike.org/pramana/in.purana.narada.1.31.51) yamaḥ kariṣyate daṇḍamiti kiṃ na vicāritam / daridre 'pi ca mūrkhe ca paṇḍite vā śriyānvite // ### [1.31.52](https://indike.org/pramana/in.purana.narada.1.31.52) kāndiśīke ca vīre ca samavartīḥ yamaḥ smṛtaḥ / citragutperitaṃ vākyaṃ śrutvā te pāpinastadā // ### [1.31.53](https://indike.org/pramana/in.purana.narada.1.31.53) śaucantaḥ svāni karmaṇi tūṣṇīṃ tiṣṭanti bhīṣitāḥ / yamājñākāriṇaḥ krūraścaṇḍā dūtā bhayānakāḥ // ### [1.31.54](https://indike.org/pramana/in.purana.narada.1.31.54) caṇḍalādyāḥ prasahyaitānnarakeṣu kṣipanti ca / svaduṣkarmaphalaṃ te tu bhuktvānte pāpaśeṣataḥ // ### [1.31.55](https://indike.org/pramana/in.purana.narada.1.31.55) mahītalaṃ ca saṃprāpya bhavanti sthaāvarādayaḥ / nārada uvāca bhagavansaṃśayo jāto maccetasi dayānidhe // ### [1.31.56](https://indike.org/pramana/in.purana.narada.1.31.56) tvaṃ samartho 'si tacchettuṃ yato no hyagrajo bhavān / dharmāśca vividhāḥ proktāḥ pāpānyapi bahūni ca // ### [1.31.57](https://indike.org/pramana/in.purana.narada.1.31.57) cirabhojyaṃ phalaṃ teṣāmuktaṃ bahuvidā tvayā / dinānte brahmaṇaḥ prokto nāśo lokatrayasya vai // ### [1.31.58](https://indike.org/pramana/in.purana.narada.1.31.58) parārddhadvitayānte tu brahmāṇḍasyāpi saṃkṣayaḥ / grāmadānādipuṇyānāṃ tvayaiva vidhinandana // ### [1.31.59](https://indike.org/pramana/in.purana.narada.1.31.59) kalpakoṭisahasreṣu mahānbhoga udāhṛtaḥ / sarveṣāmeva lokānāṃ vināśaḥ prākṛte laye // ### [1.31.60](https://indike.org/pramana/in.purana.narada.1.31.60) ekaḥ śiṣyata eveti tvayā proktaṃ janārdanaḥ / eṣa me saṃśayo jātastaṃ bhavāñchettumarhati // ### [1.31.61](https://indike.org/pramana/in.purana.narada.1.31.61) puṇyapāpopabhogānāṃ samātpirnāsya saṃplave / sanaka uvāca sādhu sādhau mahāprājña guhyādguhyatamaṃ tvidam // ### [1.31.62](https://indike.org/pramana/in.purana.narada.1.31.62) pṛṣṭaṃ tatte 'bhidhāsyāmi śṛṇuṣva susamāhitaḥ / nārāyaṇo 'kṣaro 'nantaḥ paraṃ jyotiḥ sanātanaḥ // ### [1.31.63](https://indike.org/pramana/in.purana.narada.1.31.63) viśuddho nirguṇo nityo māyāmohavivarjitaḥ / nirguṇo 'pi parānando guṇavāniva bhāti yaḥ // ### [1.31.64](https://indike.org/pramana/in.purana.narada.1.31.64) brahmaviṣṇuśivādyaistu bhedavāniva lakṣyate / guṇopādhikabhedeṣu triṣveteṣu sanātana // ### [1.31.65](https://indike.org/pramana/in.purana.narada.1.31.65) saṃyojya māyāmakhilaṃ jagatkāryaṃ karoti ca / brahmarupeṇa sṛjati viṣṇurupeṇa pāti ca // ### [1.31.66](https://indike.org/pramana/in.purana.narada.1.31.66) ante ca rudrarupeṇa sarvamattīti niścitam / prasayānte samutthāya brahmarupī janārdanaḥ // ### [1.31.67](https://indike.org/pramana/in.purana.narada.1.31.67) carācarātmakaṃ viśvaṃ yathāpūrvamakalpayat / sthāvarādyāśaaca viprendra yatra yatra vyavasthitāḥ // ### [1.31.68](https://indike.org/pramana/in.purana.narada.1.31.68) brahmā tattajjagatsarvaṃ yathāpūrvaṃ karoti vai / tasmātkṛtānāṃ pāpānāṃ puṇyānāṃ caiva sattama // ### [1.31.69](https://indike.org/pramana/in.purana.narada.1.31.69) avaśyameva bhoktavyaṃ karmaṇāṃ hyakṣayaṃ phalam / nābhuktaṃ kṣīyate karma kalpakoṭiśatairapi // ### [1.31.70](https://indike.org/pramana/in.purana.narada.1.31.70) avaśyameva bhoktavyaṃ kṛtaṃ karma śubhāśubham / yo devaḥ sarvalokānāmantarātmā jaganmayaḥ / sarvakarmaphalaṃ bhukte paripūrṇaḥ sanātanaḥ // ### [1.31.71](https://indike.org/pramana/in.purana.narada.1.31.71) yo 'sau viśvaṃbharo devo guṇamedavyavasthitaḥ / sūjatyavati cāttyetatsarvaṃ sarvabhugavyayaḥ // ### [1.31.71.p1](https://indike.org/pramana/in.purana.narada.1.31.71.p1) iti śrībṛhannāradīyapurāṇe pūrvabhāge prathamapāde yamadūtakṛtyanirupaṇaṃ nāmaikatriṃśo 'dhyāyaḥ ## Linked texts (2) - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.30.1) — Sanskrit - [Garuḍapurāṇasāroddhāra](https://indike.org/pramana/in.purana.garudasaroddhara.1.6) — Sanskrit --- Source: [https://indike.org/pramana/in.purana.narada.1.31](https://indike.org/pramana/in.purana.narada.1.31) · Pramāṇa