[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.33 # Naradapurana 1.33 Nāradapurāṇa 1.33 - **Language:** Sanskrit ## Contents - [1.33.162](https://indike.org/pramana/in.purana.narada.1.33.162) — 1 part ### [1.33.1](https://indike.org/pramana/in.purana.narada.1.33.1) nārada uvāca bhagavansarvamākhyātaṃ yatpṛṣṭaṃ viduṣā tvayā / saṃsārapāśabaddhānāṃ duḥkhāni subahūni ca // ### [1.33.2](https://indike.org/pramana/in.purana.narada.1.33.2) asya saṃsārapāśasya cchedakaḥ katamaḥ smṛtaḥ / yenopāyena mokṣaḥ syāttanme brūhi tapodhana // ### [1.33.3](https://indike.org/pramana/in.purana.narada.1.33.3) prāṇibhiḥ karmajālāni kriyante pratyahaṃ bhṛśam / bhujyante ca muniśreṣṭha teṣāṃ nāśaḥ kathaṃ bhavet // ### [1.33.4](https://indike.org/pramana/in.purana.narada.1.33.4) karmaṇā dehamānpoti dehī kāmena badhyate / kāmāllobhābhibhūtaḥ syāllobhātkrodhaparāyaṇāḥ // ### [1.33.5](https://indike.org/pramana/in.purana.narada.1.33.5) krodhāñca dharmanāśaḥ syāddharmanāśānmatibhramaḥ / pranaṣṭabuddhirmanujaḥ punaḥ pāpaṃ karoti ca // ### [1.33.6](https://indike.org/pramana/in.purana.narada.1.33.6) tasmāddehaṃ pāpamūlaṃ pāpakarmarataṃ tathā / yathā dehabhramatyaktvā mokṣabhāksyāttathā vada // ### [1.33.7](https://indike.org/pramana/in.purana.narada.1.33.7) sanaka uvāca sādhu sādhu mahāprājña matiste vimalorjitā / yasmātsaṃsāraduḥkhānno mokṣopāyamabhīpsasi // ### [1.33.8](https://indike.org/pramana/in.purana.narada.1.33.8) yasyājñayā jagatsarvaṃ brahmnā sṛjati suvrata / hariśca pālako rudro nāśakaḥ sa hi mokṣadaḥ // ### [1.33.9](https://indike.org/pramana/in.purana.narada.1.33.9) ahamādiviśeṣāntā jātāyasya prabhāvatagaḥ / taṃ vidyānmokṣadaṃ viṣṇuṃ nārāyaṇamanāmayam // ### [1.33.10](https://indike.org/pramana/in.purana.narada.1.33.10) yasyābhinnamidaṃ sarvaṃ yacceṅgadyañca neṅgati / tamugramajaraṃ devaṃ dhyātvā duḥkhātpramucyate // ### [1.33.11](https://indike.org/pramana/in.purana.narada.1.33.11) avikāramajaṃ śuddhaṃ svaprakāśaṃ nirañjanam / jñānarupaṃ sadānandaṃ prāhurvaimokṣasādhanam // ### [1.33.12](https://indike.org/pramana/in.purana.narada.1.33.12) yasyāvatārarupāṇi brahmādyā devatāgaṇāḥ / samarcayanti taṃ vidyācchāśvatasthānadaṃ harim // ### [1.33.13](https://indike.org/pramana/in.purana.narada.1.33.13) jitaprāṇā jitāhārāḥ sadā dhyānaparāyaṇāḥ / hṛdi paśyanti yaṃ satyaṃ taṃ jāmīhi sukhāvaham // ### [1.33.14](https://indike.org/pramana/in.purana.narada.1.33.14) nirguṇo 'pi guṇādhāro lokānugraharupadhṛk / ākāśamadhyagaḥ pūrṇastaṃ prāhurmokṣadaṃ nṛṇām // ### [1.33.15](https://indike.org/pramana/in.purana.narada.1.33.15) adhyakṣaḥ sarvakāryāṇāṃ dehino hṛdaye sthitaḥ / anūpamo 'khilādhārastāṃ devaṃ śaraṇaṃ vrajet // ### [1.33.16](https://indike.org/pramana/in.purana.narada.1.33.16) sarvaṃ saṃgṛhya kalpānte śete yastu jale svayam / taṃ prāhurmokṣadaṃ viṣṇuṃ munayastattvadarśinaḥ // ### [1.33.17](https://indike.org/pramana/in.purana.narada.1.33.17) vedārthavidbhiḥ karmajñairijyate vividhairmakhaiḥ / sa eva karmaphalado mokṣado 'kāmakarmaṇām // ### [1.33.18](https://indike.org/pramana/in.purana.narada.1.33.18) havyakavyādidāneṣu devatāpitṛrūpadhṛk / bhuṅkte ya īśvaro 'vyaktastaṃ prāhurmokṣadaṃ prabhum // ### [1.33.19](https://indike.org/pramana/in.purana.narada.1.33.19) dhyātaḥ praṇamito vāpi pūjito vāpi bhaktitaḥ / dadāti śāśvataṃ sthānaṃ taṃ dayāluṃ samarcayet // ### [1.33.20](https://indike.org/pramana/in.purana.narada.1.33.20) ādhāraḥ sarvabhūtānāṃmeko yaḥ puruṣaḥ paraḥ / jarāmaraṇanirmukto mokṣadaḥ so 'vyayo hariḥ // ### [1.33.21](https://indike.org/pramana/in.purana.narada.1.33.21) saṃpūjya yasya pādābjaṃ dehino 'pi munīśvara / amṛtatvaṃ bhajantyāśu taṃ viduḥ puruṣottamam // ### [1.33.22](https://indike.org/pramana/in.purana.narada.1.33.22) ānandamajaraṃ brahma paraṃ jyotiḥ sanātanam / parātparataraṃ yañca tadviṣṇoḥ paramaṃ padam // ### [1.33.23](https://indike.org/pramana/in.purana.narada.1.33.23) advayaṃ niguṇaṃ nityamadvitīyamanaupamam / paripūrṇaṃ jñānamayaṃ vidurmokṣapratādhakam // ### [1.33.24](https://indike.org/pramana/in.purana.narada.1.33.24) evaṃbhūtaṃ paraṃ vastu yogamārgavidhānataḥ / ya upāste sadā yogī sa yāti paramaṃ padam // ### [1.33.25](https://indike.org/pramana/in.purana.narada.1.33.25) parisarvasaṃgaparityāgī śamādiguṇasaṃyutaḥ / kāmardyaivarjitoyogī labhate paramaṃ padam // ### [1.33.26](https://indike.org/pramana/in.purana.narada.1.33.26) nārada uvāca karmaṇā kena yogasya siddhirbhavati yoginām / tadupāyaṃ yathātattvaṃ brūhi me vadatāṃ vara // ### [1.33.27](https://indike.org/pramana/in.purana.narada.1.33.27) sanaka uvāca jñānalabhyaṃ paraṃ mokṣaṃ prāhustattvārthacintakāḥ / yajjñānaṃ bhaktimūlaṃ ca bhaktiḥ karmavatāṃ tathā // ### [1.33.28](https://indike.org/pramana/in.purana.narada.1.33.28) dānāni yajñā vividhāstīrthayātrādayaḥ kṛtāḥ / yena janmasahasreṣu tasya bhaktirbhaveddharau // ### [1.33.29](https://indike.org/pramana/in.purana.narada.1.33.29) akṣayaḥ paramo dharmo bhaktileśena jāyate / śraddhayā parayā caiva sarvaṃ pāpaṃ praṇaśyati // ### [1.33.30](https://indike.org/pramana/in.purana.narada.1.33.30) sarvapāpeṣu naṣṭeṣu buddhirbhavati nirmalā / saiva buddhiḥ samākhyātā jñānaśabdena sūribhiḥ // ### [1.33.31](https://indike.org/pramana/in.purana.narada.1.33.31) jñānaṃ ca mokṣadaṃ prāhustajjñānaṃ yogināṃ bhavet / yogastu dvividhaḥ proktaḥ karmajñānaprabhedataḥ // ### [1.33.32](https://indike.org/pramana/in.purana.narada.1.33.32) kriyāyogaṃ vinā nṝṇāṃ jñānayogo na sidhyati / kriyāyogaratastasmācchraddhayā harimarcayet // ### [1.33.33](https://indike.org/pramana/in.purana.narada.1.33.33) dvijabhūmyagnisūryāmbudhātuhṛñcitrasaṃjñitāḥ / pratimāḥ keśavasyaitā pūjya etāsu bhaktitaḥ // ### [1.33.34](https://indike.org/pramana/in.purana.narada.1.33.34) karmaṇā manasā vācā paripīḍāparāṅmukhaḥ / tasmātsarvagataṃ viṣṇuṃ pūjayedbhaktisaṃyutaḥ // ### [1.33.35](https://indike.org/pramana/in.purana.narada.1.33.35) ahiṃsā satyamakrodho brahmacaryāparigrahau / anīrṣyā ca dayā caiva yogayorūbhayoḥ samāḥ // ### [1.33.36](https://indike.org/pramana/in.purana.narada.1.33.36) carācarātmakaṃ viśvaṃ viṣṇureva sanātanaḥ / iti niścitya manasā yogadvitayamabhyaset // ### [1.33.37](https://indike.org/pramana/in.purana.narada.1.33.37) ātmavatsarvabhūtāni ye manyante manīṣiṇaḥ / te jānanti paraṃ bhāvaṃ devadevasya cakriṇaḥ // ### [1.33.38](https://indike.org/pramana/in.purana.narada.1.33.38) yadi krodhādiduṣṭātmā pūjādhyānaparo bhavet / na tasya tuṣyate viṣṇuryato dharmapatiḥ smṛtaḥ // ### [1.33.39](https://indike.org/pramana/in.purana.narada.1.33.39) yadi kāmādiduṣṭātmā deva pūjāparo bhavet / daṃbhācāraḥ sa vijñeyaḥ sarvapātakibhiḥ samaḥ // ### [1.33.40](https://indike.org/pramana/in.purana.narada.1.33.40) tapaḥ pūjādhyānaparoyastvasūyārato bhavet / tattapaḥ sā ca pūjā ca taddhyānaṃ hi nirarthakam // ### [1.33.41](https://indike.org/pramana/in.purana.narada.1.33.41) tasmātsarvātmakaṃ viṣṇuṃ śamādiguṇatatparaḥ / muktayarthamarcayetsamyak kriyāyogaparo naraḥ // ### [1.33.42](https://indike.org/pramana/in.purana.narada.1.33.42) karmaṇā manasā vācā sarvalokahite rataḥ / samarcayati deveśaṃ kriyāyogaḥ sa ucyate // ### [1.33.43](https://indike.org/pramana/in.purana.narada.1.33.43) nārāyaṇaṃ jagadyoniṃ sarvāntayaryāmiṇaṃ harim / stotrādyaiḥ stauti yo viṣṇuṃ karmayogī sa ucyate // ### [1.33.44](https://indike.org/pramana/in.purana.narada.1.33.44) upavāsādibhiścaiva purāṇaśravaṇādibhiḥ / puṣpādyaiścārcanaṃ viṣṇoḥ kriyāyoga udāhṛtaḥ // ### [1.33.45](https://indike.org/pramana/in.purana.narada.1.33.45) evaṃ bhaktimatāṃ viṣṇau kriyāyogaratātmanām / sarvapāpāni naśyanti pūrvajanmārjitāni vai // ### [1.33.46](https://indike.org/pramana/in.purana.narada.1.33.46) pāpakṣayācchudvamatirvāñchati jñānamuttamam / jñānaṃ hi mokṣadaṃ jñeyaṃ tadupāyaṃ vadāmi te // ### [1.33.47](https://indike.org/pramana/in.purana.narada.1.33.47) carācarātmake loke nityaṃ cānityameva ca / samyag vicārayeddhīmānsadbhiḥ śāstrārthakovidaiḥ // ### [1.33.48](https://indike.org/pramana/in.purana.narada.1.33.48) anityāstu padārthā vai nityameko hariḥ smṛtaḥ / anityāni parityajya nityameva samāśrayet // ### [1.33.49](https://indike.org/pramana/in.purana.narada.1.33.49) ihāmutra ca bhogeṣu viraktaśca tathā bhavet / avirakto bhavedyastu sa saṃsāre pravartate // ### [1.33.50](https://indike.org/pramana/in.purana.narada.1.33.50) anityeṣu padārtheṣu yastu rāgī bhavennaraḥ / tasya saṃsāravicchittiḥ kadācinnaiva jāyate // ### [1.33.51](https://indike.org/pramana/in.purana.narada.1.33.51) śamādiguṇasaṃpanno mumukṣurjñānamabhyaset / śamādiguṇahīnasya jñānaṃ naiva ca sidhyati // ### [1.33.52](https://indike.org/pramana/in.purana.narada.1.33.52) rāgadveṣavihīno yaḥ śamādiguṇasaṃyutaḥ / haridhyānaparo nityaṃ mumukṣurabhidhīyate // ### [1.33.53](https://indike.org/pramana/in.purana.narada.1.33.53) caturbhiḥ sādhanairebhirviśuddhamatirucyate / sarvagaṃ bhāvayedviṣṇuṃ sarvabhūtadayāparaḥ // ### [1.33.54](https://indike.org/pramana/in.purana.narada.1.33.54) kṣarākṣarātmakaṃ viśvaṃ vyāpya nārāyaṇaḥ sthitaḥ / iti jānāti yo vipratajjñānaṃ yogajaṃ viduḥ // ### [1.33.55](https://indike.org/pramana/in.purana.narada.1.33.55) yogopāyamato vakṣye saṃsāravinivarttakam / yogo jñānaṃ viśuddhaṃ syāttajjñānaṃ mokṣadaṃ viduḥ // ### [1.33.56](https://indike.org/pramana/in.purana.narada.1.33.56) ātmānaṃ dvividhaṃ prāhuḥ parāparavibhedataḥ / dve brahmaṇī veditavye iti cātharvarṇī śrutiḥ // ### [1.33.57](https://indike.org/pramana/in.purana.narada.1.33.57) parastu nirguṇaḥ prokto hyahṝṅkārayuto 'paraḥ / tayorabhedavijñānaṃ yoga ityabhidhīyate // ### [1.33.58](https://indike.org/pramana/in.purana.narada.1.33.58) pañcabhūtātmake dehe yaḥ sākṣī hṛdaye sthitaḥ / aparaḥ procyate sadbhiḥ paramātmā paraḥ smṛtaḥ // ### [1.33.59](https://indike.org/pramana/in.purana.narada.1.33.59) śarīraṃ kṣevramityāhustatsthaḥ kṣetrajña ucyate / avyaktaḥ paramaḥ śuddhaḥ paripūrṇa udāhṛtaḥ // ### [1.33.60](https://indike.org/pramana/in.purana.narada.1.33.60) yadā tvabhedavijñānaṃ jīvātmaparamātmanoḥ / bhavettadā muniśreṣṭha pāśacchedo 'parātmanaḥ // ### [1.33.61](https://indike.org/pramana/in.purana.narada.1.33.61) ekaḥ śuddho 'kṣaro nityaḥ paramātmā jaganmayaḥ / nṛṇāṃ vijñānabhedena bhedavāniva lakṣyate // ### [1.33.62](https://indike.org/pramana/in.purana.narada.1.33.62) ekamevādvitīyaṃ yatparaṃ brahma sanātanam / gīyamānaṃ ca vedāntaistasmānnāsti paraṃ dvija // ### [1.33.63](https://indike.org/pramana/in.purana.narada.1.33.63) na tasya karma kāryaṃ vā rupaṃ varṇamathāpi vā / karttṛtvaṃ vāpi bhoktṛtvaṃ nirguṇasya parātmanaḥ // ### [1.33.64](https://indike.org/pramana/in.purana.narada.1.33.64) nidānaṃ sarvahetūnāṃ tejo yattejasāṃ param / kimapyanyadyato nāsti tajjñeyaṃ muktihetave // ### [1.33.65](https://indike.org/pramana/in.purana.narada.1.33.65) śabdabrahmamayaṃ yattanmahāvākyādikaṃ dvija / tadvicārodbhavaṃ jñānaṃ paraṃ mokṣasya sādhanam // ### [1.33.66](https://indike.org/pramana/in.purana.narada.1.33.66) samyagjñānavihīnānāṃ dṛśyate vividhaṃ jagatag / paramajñānināmetatparabrahmātmakaṃ dvija // ### [1.33.67](https://indike.org/pramana/in.purana.narada.1.33.67) eka eva parānando nirguṇaḥ parataḥ paraḥ / bhāti vijñānabhedena bahurupadharo 'vyayaḥ // ### [1.33.68](https://indike.org/pramana/in.purana.narada.1.33.68) māyino māyayā bhedaṃ paśyanti paramātmani / tasmānmāyāṃ tyajedyogānmumukṣurdvijasattam // ### [1.33.69](https://indike.org/pramana/in.purana.narada.1.33.69) nāsadrūpāna sadrūpā māyā naivobhayātmikā / anirvācyā tato jñeyā bhedabuddhipradāryinī // ### [1.33.70](https://indike.org/pramana/in.purana.narada.1.33.70) māyaiva jñānaśabdena buddhyate munisattama / tasmādajñānavicchedo bhavedraujitamāyinām // ### [1.33.71](https://indike.org/pramana/in.purana.narada.1.33.71) sanātanaṃ paraṃ brahma jñānaśabdena kathyate / jñānināṃ paramātmā vai hṛdi bhāti nirantaram // ### [1.33.72](https://indike.org/pramana/in.purana.narada.1.33.72) ajñānaṃ nāśayedyogī yogena munisattama / aṣṭāṅgaiḥ siddhyate yogastāni vakṣyāmi tattvataḥ // ### [1.33.73](https://indike.org/pramana/in.purana.narada.1.33.73) yamāśca niyamāścaiva āsanāni ca sattama / prāṇāyāmaḥ pratyāhāro dhāraṇā dhyānameva ca // ### [1.33.74](https://indike.org/pramana/in.purana.narada.1.33.74) samādhiśca muniśreṣṭha yogāṅgāni yathākramam / eṣāṃ saṃkṣepato vakṣye lakṣaṇāni munīśvara // ### [1.33.75](https://indike.org/pramana/in.purana.narada.1.33.75) ahiṃsā satyamasteyaṃ brahmacaryāparigrahau / akrodhaścānasūyā ca proktāḥ saṃkṣepato yamāḥ // ### [1.33.76](https://indike.org/pramana/in.purana.narada.1.33.76) sarveṣāmeva bhūtānāmakleśajananaṃ hi yat / ahiṃsā kathitā sadbhiryogasiddhipradāyinī // ### [1.33.77](https://indike.org/pramana/in.purana.narada.1.33.77) yathārthakathanaṃ yañca dharmādharmavivekataḥ / satyaṃ prāhurmuniśreṣṭha asteyaṃ śṛṇu sāmpratam // ### [1.33.78](https://indike.org/pramana/in.purana.narada.1.33.78) cauryeṇa vā balenāpi parasvaharaṇaṃ hi yat / steyamityucyate sadbhirasteyaṃ tadviparyayam // ### [1.33.79](https://indike.org/pramana/in.purana.narada.1.33.79) sarvatra maithunatyāgo brahmacaryaṃ prakīrttitam / brahmacaryaparityāgājjñānavānapi pātakī // ### [1.33.80](https://indike.org/pramana/in.purana.narada.1.33.80) sarvasaṃgaparityāgī maithuneyastu varttate / sa caṇḍālasamo jñeyaḥ sarvavarṇabahiṣkṛtaḥ // ### [1.33.81](https://indike.org/pramana/in.purana.narada.1.33.81) yastu yogarato vipra viṣayeṣu spṛhānvitaḥ / tatsaṃbhāṣaṇamātreṇa brahmahatyā bhavennṛṇām // ### [1.33.82](https://indike.org/pramana/in.purana.narada.1.33.82) sarvasaṃgaparityāgī punaḥ saṃgī bhavedyadi / tatsaṃgasaṃgināṃ saṃgānmahāpātakadoṣabhāk // ### [1.33.83](https://indike.org/pramana/in.purana.narada.1.33.83) anādānaṃ hi dravyāṇāmāpadyapi munīśvara / aparigraha ityukto yogasaṃsiddhikārakaḥ // ### [1.33.84](https://indike.org/pramana/in.purana.narada.1.33.84) ātmanastu samutkarṣādatiniṣṭhurabhāṣaṇam / krodhamāhurdharmavido hyakrodhastadviparyayaḥ // ### [1.33.85](https://indike.org/pramana/in.purana.narada.1.33.85) dhanādyairadhikaṃ dṛṣṭvā bhṛśaṃ manasi tāpanam / asūyā kīrtitā sadbhistattyāgo hyanasūyatā // ### [1.33.86](https://indike.org/pramana/in.purana.narada.1.33.86) evaṃ saṃkṣepataḥ proktā yamā vibudhasattama / niyamānapi vakṣyāmitubhyaṃ tāñchṛṇu nārada // ### [1.33.87](https://indike.org/pramana/in.purana.narada.1.33.87) tapaḥsvādhyāyasaṃtoṣāḥ śaucaṃ ca haripūjanam / saṃdhyopāsanamukhyāśca niyamāḥ parikīrttitāḥ // ### [1.33.88](https://indike.org/pramana/in.purana.narada.1.33.88) cāndrāyaṇādibhiryatra śarīrasya viśoṣaṇam / tapo nigaditaṃ sadbhiryogasādhanamuttamam // ### [1.33.89](https://indike.org/pramana/in.purana.narada.1.33.89) praṇavasyopaniṣadāṃ dvādaśārṇasya ca dvija / aṣṭākṣarasya mantrasya mahāvākyacayasya ca // ### [1.33.90](https://indike.org/pramana/in.purana.narada.1.33.90) japaḥ svādhyāya udito yogasādhanamuttamam / svādhyāyaṃ yastyajenmūḍhastasya yogo na sidhyati // ### [1.33.91](https://indike.org/pramana/in.purana.narada.1.33.91) yogaṃ vināpi svādhyāyātpāpanāśo bhavennṛṇām / svādhyāyaistoṣyamāṇāśca prasīdanti hi devatāḥ // ### [1.33.92](https://indike.org/pramana/in.purana.narada.1.33.92) japastu trividhaḥ prokto vācikopāṃśumānasaḥ / trividhe 'pi ca viprendra pūrvātpūrvātparo varaḥ // ### [1.33.93](https://indike.org/pramana/in.purana.narada.1.33.93) mantrasyoccāraṇaṃ samyaksphuṭākṣarapadaṃ yathā / japastu vācikaḥ proktaḥ sarvayajñaphalapradaḥ // ### [1.33.94](https://indike.org/pramana/in.purana.narada.1.33.94) mantrasyoccāraṇe kiñcitpadātpadavivecanam / sa tūpāṃśurjapaḥ proktaḥ pūrvasmāddviguṇo 'dhikaḥ // ### [1.33.95](https://indike.org/pramana/in.purana.narada.1.33.95) vidhāya hyakṣaraśreṇyāṃ tattadarthavicāraṇam / sa japomānasaḥ prokto yogasiddhipradāyakaḥ // ### [1.33.96](https://indike.org/pramana/in.purana.narada.1.33.96) japena devatā nityaṃ stuvataḥ saṃprasīdati / tasmātsvādhyāyasaṃpanno labhetsarvānmanorathān // ### [1.33.97](https://indike.org/pramana/in.purana.narada.1.33.97) yadṛcchālābhasaṃtuṣṭiḥ saṃtoṣa iti gīyate / saṃtoṣahīnaḥ puruṣo na labheccharma kutracit // ### [1.33.98](https://indike.org/pramana/in.purana.narada.1.33.98) na jātukāmaḥ kāmānāmupabhogena śāmyati / ito 'dhikaṃ kadā lapsya iti kāmastu varddhate // ### [1.33.99](https://indike.org/pramana/in.purana.narada.1.33.99) tasmātkāmaṃ parityajya dehasaṃśoṣakāraṇam / yadṛcchālābhasaṃtuṣṭo bhaveddharmaparāyaṇaḥ // ### [1.33.100](https://indike.org/pramana/in.purana.narada.1.33.100) bāhyābhyantarabhedena śaucaṃ tu dvividhaṃ smṛtam / mṛjjalābhyāṃ bahiḥ śuddhirbhāvaśuddhistathāntaram // ### [1.33.101](https://indike.org/pramana/in.purana.narada.1.33.101) antaḥśuddhivihīnaistu ye 'dhvarā vividhāḥ kṛtāḥ / na phalanti munīśreṣṭha bhasmani nyastahavyavat // ### [1.33.102](https://indike.org/pramana/in.purana.narada.1.33.102) bhāvaśuddhivihīnānāṃ samastaṃ karmaniṣphalam / tasmādrāgādikaṃ sarvaṃ parityajya sukhī bhavet // ### [1.33.103](https://indike.org/pramana/in.purana.narada.1.33.103) mṛdābhārasahasraistu kumbhakoṭijalaistathā / kṛtaśauco 'pi duṣṭātmā caṇḍālasadṛśaḥ smṛtaḥ // ### [1.33.104](https://indike.org/pramana/in.purana.narada.1.33.104) antaḥśuddhivihīnastu devapūjāparo yadi / tameva daivataṃ hṝnti narakaṃ ca prapadyate // ### [1.33.105](https://indike.org/pramana/in.purana.narada.1.33.105) antaḥśuddhivihīnaśca bahiḥśuddhiṃ karoti yaḥ / alaṅkṛtaḥ surābhāṇḍa iva śāntiṃ na gacchati // ### [1.33.106](https://indike.org/pramana/in.purana.narada.1.33.106) manaḥśuddhivihīnā ye tīrthayātrāṃ prakurvate / na tānpuṃnati tīrthāni surābhāṇḍamivāpagā // ### [1.33.107](https://indike.org/pramana/in.purana.narada.1.33.107) vācā dharmānpravaladati manasā pāpamicchati / jānīyāttaṃ muniśreṣṭha mahāpātakināṃ varam // ### [1.33.108](https://indike.org/pramana/in.purana.narada.1.33.108) viśuddhamānasā ye tu dharmamātramanuttamam / kurvanti tatphalaṃ vidyādakṣayaṃ sukhadāyakam // ### [1.33.109](https://indike.org/pramana/in.purana.narada.1.33.109) karmaṇā manasā vācā stutiśravaṇa pūjanaiḥ / haribhaktirdṛḍhā yasya haripūjeti gīyate // ### [1.33.110](https://indike.org/pramana/in.purana.narada.1.33.110) yamāśca niyamāścaiva saṃkṣepeṇa prabodhitāḥ / ebhirviśuddhamanasāṃ mokṣaṃ hastagataṃ viduḥ // ### [1.33.111](https://indike.org/pramana/in.purana.narada.1.33.111) yamaiśca niyamaiścaiva sthirabuddhirjitendriyaḥ / abhyasedāsanaṃsamyagyogasādhanamuttamam // ### [1.33.112](https://indike.org/pramana/in.purana.narada.1.33.112) padmakaṃ svastikaṃ pīṭhaṃ saiṃhaṃ kaukkuṭakaiñjare / kaurmaṃvajrāsanaṃ caiva vārāhaṃ mṛgacailikam // ### [1.33.113](https://indike.org/pramana/in.purana.narada.1.33.113) krauñcaṃ ca nālikaṃ caiva sarvatobhadrameva ca / vārṣabhaṃ nāgamātsye ca vaiyānghaṃ cārddhacandrakam // ### [1.33.114](https://indike.org/pramana/in.purana.narada.1.33.114) daṇḍavātāsanaṃ śailaṃ svabhraṃ maudgarameva ca / mākaraṃ traipathaṃ kāṣṭhaṃ sthāṇuṃ vaikarṇikaṃ tathā // ### [1.33.115](https://indike.org/pramana/in.purana.narada.1.33.115) bhaumaṃ vīrāsanaṃ caiva yogasādhanakāraṇam / triṃśatsaṃkhyānyāsanāni munīndraiḥ kathitāni vai // ### [1.33.116](https://indike.org/pramana/in.purana.narada.1.33.116) eṣāmekatamaṃ baddhā gurubhaktiparāyaṇaḥ / upāsako jayetprāṇāndvandvātīto vimatsaraḥ // ### [1.33.117](https://indike.org/pramana/in.purana.narada.1.33.117) prāṅmukhodaṅmukho vāpi tathā pratyaṅmukho 'pi vā / abhyāsena jayetprāṇānniḥśabde janavarjite // ### [1.33.118](https://indike.org/pramana/in.purana.narada.1.33.118) prāṇo vāyuḥ śarīrastha āyāmastasya nigrahaḥ / prāṇāyāma iti prokto dvividhaḥ sa prakīrttitaḥ // ### [1.33.119](https://indike.org/pramana/in.purana.narada.1.33.119) agarbhaśca sagarbhaśca dvitīyastu tayorvaraḥ / jayadhyānaṃ vināgarbhaḥ sagarbhastatsamanvitaḥ // ### [1.33.120](https://indike.org/pramana/in.purana.narada.1.33.120) recakaḥ pūrakaścaiva kuṃbhakaḥ śūnyakastathā / evaṃ caturvidhaḥ proktaḥ prāṇāyāmo manīṣibhiḥ // ### [1.33.121](https://indike.org/pramana/in.purana.narada.1.33.121) jantūnāṃ dakṣiṇā nāḍī piṅgalā parikīrtitā / sūryadaivatakā caiva pitṛyoniriti śrutā // ### [1.33.122](https://indike.org/pramana/in.purana.narada.1.33.122) devayoniriti khyātā iḍā nāḍī tvadakṣiṇā / tatrādhidaivata candraṃ jānīhi munisattamaṃ // ### [1.33.123](https://indike.org/pramana/in.purana.narada.1.33.123) etayorubhayormadhye suṣumṇā nāḍikā smṛtā / atisūkṣmā guhyatamā jñeyā sā brahmadaivatā // ### [1.33.124](https://indike.org/pramana/in.purana.narada.1.33.124) vāmena recayedvāyuṃ recanādrecakaḥ smṛtaḥ / pūrayeddakṣiṇenaiva pūraṇātpūrakaḥ smṛtaḥ // ### [1.33.125](https://indike.org/pramana/in.purana.narada.1.33.125) svadehapūritaṃ vāyaṃ nigṛhya na vimṛñcati / saṃpūrṇakuṃbhavattiṣṭetkumbhakaḥ sa hi viśrutaḥ // ### [1.33.126](https://indike.org/pramana/in.purana.narada.1.33.126) na gṛhṇāti na tyajati vāyumantarbahiḥ sthitam / viddhi tacchūnyakaṃ nāma prāṇāyāmaṃ yathāsthitam // ### [1.33.127](https://indike.org/pramana/in.purana.narada.1.33.127) śanaiḥśanairvijetavyaḥ prāṇo mattagajendravat / anyathā khalu jāyante mahārogā bhayaṅkarāḥ // ### [1.33.128](https://indike.org/pramana/in.purana.narada.1.33.128) krameṇa yojayedvāyuṃ yogī vigatakalmaṣaḥ / sa sarvapāpanirmukto brahmaṇaḥ padamānpuyāt // ### [1.33.129](https://indike.org/pramana/in.purana.narada.1.33.129) viṣayeṣu prasaktāni cendriyāṇi munīśvaraḥ / samāmāhṛtya nigṛhṇāti pratyāhārastu sa smṛtaḥ // ### [1.33.130](https://indike.org/pramana/in.purana.narada.1.33.130) jitendriyā mahātmāno dhyānaśūnyā api dvija / prayānti paramaṃ brahma punarāvṛttidurlabham // ### [1.33.131](https://indike.org/pramana/in.purana.narada.1.33.131) anirjitendriyagrāmaṃ yastu dhyānaparo bhavet / mūḍhātmānaṃ ca taṃ vidyāddhyānaṃ cāsya na sidhyati // ### [1.33.132](https://indike.org/pramana/in.purana.narada.1.33.132) yadyatpaśyati tatsarvaṃ paśyedātmavadātmani / pratyāhṛtānīndriyāṇi dhārayetsā tu dhāraṇā // ### [1.33.133](https://indike.org/pramana/in.purana.narada.1.33.133) yogājjitendriyagrāmastāni hṛtvā dṛḍhaṃ hṛdi / ātmānaṃ paramaṃ dhyāyetsarvadhātāramacyutam // ### [1.33.134](https://indike.org/pramana/in.purana.narada.1.33.134) sarvaviśvātmakaṃ viṣṇuṃ sarvasokaikakāraṇam / vikasatpadyapatrākṣaṃ cārukuṇḍalabhūṣitam // ### [1.33.135](https://indike.org/pramana/in.purana.narada.1.33.135) dīrghabāhumudārāṅgaṃ sarvālaṅkārabhṛṣitam / pītāmbaradharaṃ devaṃ hemayajñopavītinam // ### [1.33.136](https://indike.org/pramana/in.purana.narada.1.33.136) bibhrataṃ tulasīmālāṃ kaustubhena virājitam / śrīvatsavakṣasaṃ devaṃ surāsuranamaskṛtam // ### [1.33.137](https://indike.org/pramana/in.purana.narada.1.33.137) aṣṭāre hṛtsaroje tu dvādaśāṅgulavistṛte / dhyāyedātmānamavyaktaṃ parātparataraṃ vibhumaṭ // ### [1.33.138](https://indike.org/pramana/in.purana.narada.1.33.138) dhyānaṃ sadbhinirgaditaṃ pratyayasyaikatānatā / dhyānaṃ kṛtvā muhurttaṃ vā paraṃ mokṣaṃ labhennaraḥ // ### [1.33.139](https://indike.org/pramana/in.purana.narada.1.33.139) dhyānātpāpāni naśyanti dhyānānmokṣaṃ ca vindati / dhyānātprasīdati hariddharyānātsarvārthasādhanam // ### [1.33.140](https://indike.org/pramana/in.purana.narada.1.33.140) yadyadrūpaṃ mahāviṣṇostattaddhyāyetsamāhitam / tena dhyānena tuṣṭātmā harirmokṣaṃ dadāti vai // ### [1.33.141](https://indike.org/pramana/in.purana.narada.1.33.141) acañcalaṃ manaḥ kuryāddhyeye vastuni sattama / dhyānaṃ dhyeyaṃ dhyātṛbhāvaṃ yathā naśyati nirbharam // ### [1.33.142](https://indike.org/pramana/in.purana.narada.1.33.142) tato 'mṛtatvaṃ bhavati jñānāmṛtaniṣevaṇāt / bhavennirantaraṃ dhyānādabhedapratipādanam // ### [1.33.143](https://indike.org/pramana/in.purana.narada.1.33.143) suṣutpivatparānandayuktaścoparatendriyaḥ / nirvātadīpavatsaṃsthaḥ samādhirabhidhīyate // ### [1.33.144](https://indike.org/pramana/in.purana.narada.1.33.144) yogī samādhyavasthāyāṃ na śṛṇoti na paśyati / na jighrati na spṛśati na kiñcadvakti sattama // ### [1.33.145](https://indike.org/pramana/in.purana.narada.1.33.145) ātmā tu nirmalaḥ śuddhaḥ sañcidānandavigrahaḥ / sarvopādhivinirmukto yogināṃ bhātyacañcalaḥ // ### [1.33.146](https://indike.org/pramana/in.purana.narada.1.33.146) nirguṇo 'pi paro devo hyajñānādguṇavāniva / vibhātyajñānanāśe tu yathāpūrvaṃ vyavasthitam // ### [1.33.147](https://indike.org/pramana/in.purana.narada.1.33.147) paraṃ jyotirameyātmā māyāvāniva māyinām / tannāśe nirmalaṃ brahma prakāśayati paṇḍitaṃ // ### [1.33.148](https://indike.org/pramana/in.purana.narada.1.33.148) ekamevādvitīyaṃ ca paraṃ jyotirnirañjanam / sarveṣāmeva bhūtānāmantaryāmitayā sthitam // ### [1.33.149](https://indike.org/pramana/in.purana.narada.1.33.149) aṇoraṇīyānmahato mahīyānsanātanātmākhilaviśvahetuḥ / paśyanti yajjñānavidāṃ variṣṭāḥ parātparasmātparamaṃ pavitram // ### [1.33.150](https://indike.org/pramana/in.purana.narada.1.33.150) akārādikṣakārāntavarṇabhedavyavasthitaḥ / purāṇapuruṣo 'nādiḥ śabdabrahmeti gīyate // ### [1.33.151](https://indike.org/pramana/in.purana.narada.1.33.151) viśuddamakṣaraṃ nityaṃ pūrṇamākāśamadhyagam / ānandaṃ nirmalaśāntaṃ paraṃ brahmeti gīyate // ### [1.33.152](https://indike.org/pramana/in.purana.narada.1.33.152) yogino hṛdi paśyanti parātmānaṃ sanātanam / avikāramajaṃ śuddhaṃ paraṃ brahmeti gīyate // ### [1.33.153](https://indike.org/pramana/in.purana.narada.1.33.153) dhyānamanyatpravakṣyāmi śṛṇuṣva muni sattama / saṃsāratāpatatpānāṃ sudhāvṛṣṭisamaṃ nṛṇām // ### [1.33.154](https://indike.org/pramana/in.purana.narada.1.33.154) nārāyaṇaṃ parānandaṃ smaretpraṇavasaṃsthitam / nādarupamanaupamyamarddhamātroparisthitam // ### [1.33.155](https://indike.org/pramana/in.purana.narada.1.33.155) akāraṃ brahmaṇo rupamukāraṃ viṣṇurupavat / makāraṃ rudrarupaṃ syādardhdamātraṃ parātmakam // ### [1.33.156](https://indike.org/pramana/in.purana.narada.1.33.156) mātrāstistraḥ samākhyātā brahmaviṣṇu śivādhipāḥ / teṣāṃ samuccayaṃ vipra parabrahmaprabodhakam // ### [1.33.157](https://indike.org/pramana/in.purana.narada.1.33.157) vācyaṃ tu paramaṃ brahma vācakaḥ praṇavaḥ smṛtaḥ / vācyavācakasaṃbandho hyupacārāttayordvijā // ### [1.33.158](https://indike.org/pramana/in.purana.narada.1.33.158) japantaḥ praṇavaṃ nityaṃ mucyante sarvapātakaiḥ / tadabhyāsena saṃyuktāḥ paraṃ mokṣaṃ labhanti ca // ### [1.33.159](https://indike.org/pramana/in.purana.narada.1.33.159) japaṃśca praṇavaṃ mantraṃ brahmaviṣṇuśivātmakam / koṭisūryasamaṃ tejo dhyāyedātmani nirmalam // ### [1.33.160](https://indike.org/pramana/in.purana.narada.1.33.160) śālagrāmaśilārupaṃ pratimārupameva vā / yadyatpāpaharaṃ vastu tattadvā cintayeddhṛdi // ### [1.33.161](https://indike.org/pramana/in.purana.narada.1.33.161) yadetaddaiṣṇavaṃ jñānaṃ kathitaṃ te munīśvara / etadviditvā yogīndro labhate mokṣamuttamam // ### [1.33.162](https://indike.org/pramana/in.purana.narada.1.33.162) yastvetacchṛāṇuyādvāpi paṭhedvāpi samāhitaḥ / sa sarvapāpanirmukto harisālokyamānpuyāt // ### [1.33.162.p1](https://indike.org/pramana/in.purana.narada.1.33.162.p1) iti śrībṛnnāradīyapurāṇe pūrvabhāge prathamapāde yoganirupaṇaṃ nāma trayastriṃśo 'dhyāyaḥ ## Linked texts (5) - [Saurapurāṇa](https://indike.org/pramana/in.purana.upa.saiva.saura.3.6) — Sanskrit - [Puraścaryārṇava](https://indike.org/pramana/in.niti.dharma.prayoga.purascarana.purascaryarnava.1.4.210) — Sanskrit - [Śivapurāṇa](https://indike.org/pramana/in.purana.siva.7.2.37.10.p10) — Vyāsa, Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.34.3) — Sanskrit - [Smṛtimuktāphala](https://indike.org/pramana/in.niti.dharma.nibandha.mahanibandha.smrtimuktaphala.7.25.3) — Vaidyanātha Dīkṣita 1575, Sanskrit --- Source: [https://indike.org/pramana/in.purana.narada.1.33](https://indike.org/pramana/in.purana.narada.1.33) · Pramāṇa