[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.34 # Naradapurana 1.34 Nāradapurāṇa 1.34 - **Language:** Sanskrit ## Contents - [1.34.50](https://indike.org/pramana/in.purana.narada.1.34.50) — 1 part - [1.34.77](https://indike.org/pramana/in.purana.narada.1.34.77) — 1 part ### [1.34.1](https://indike.org/pramana/in.purana.narada.1.34.1) nārada uvāca samākhyātāni sarvāṇi yogāṅgāni mahāmune / idānīmapi sarvajña yatpṛcchāmi taducyatām // ### [1.34.2](https://indike.org/pramana/in.purana.narada.1.34.2) yogobhaktimatāmeva sidhyatīti tvayoditam / yasya tuṣyati sarveśastasya bhaktiśca śāśvatam // ### [1.34.3](https://indike.org/pramana/in.purana.narada.1.34.3) yathā tuṣyati sarveśo devadevo janārdanaḥ / tanmamākhyāhi sarvajña mune kāruṇyavāridhe // ### [1.34.4](https://indike.org/pramana/in.purana.narada.1.34.4) sanaka uvāca nārāyaṇaṃ paraṃ devaṃ saccidānandavigraham / bhaja sarvātmanā vipra yadi muktimabhīpsasi // ### [1.34.5](https://indike.org/pramana/in.purana.narada.1.34.5) ripavastaṃ na hiṃsanti na bādhante grahāścatam / rākṣasāśca na cekṣante naraṃ viṣṇuparāyaṇam // ### [1.34.6](https://indike.org/pramana/in.purana.narada.1.34.6) bhaktardṛḍhā bhavedyasya devadeve janārdane / śreyāṃsi tasya sidhyanti bhaktimanto 'dhikāstataḥ // ### [1.34.7](https://indike.org/pramana/in.purana.narada.1.34.7) pādau tau saphalau puṃsāṃ yau viṣṇugṛhagāminau / tau karau laphalau jñeyau viṣṇupūjāparau tu yau // ### [1.34.8](https://indike.org/pramana/in.purana.narada.1.34.8) te netre suphale puṃsāṃ paśyato ye danārdanam / sā jihvā procyate sadbhirharināmaparā tu yā // ### [1.34.9](https://indike.org/pramana/in.purana.narada.1.34.9) satyaṃ satyaṃ punaḥ satyamuddhṛtya bhujamutyate / tattvaṃ gurusamaṃ nārita nata devaḥ keśavātparaḥ // ### [1.34.10](https://indike.org/pramana/in.purana.narada.1.34.10) satyaṃ vacmihitaṃ vācmi sāraṃ vacmi punaḥ punaḥ / asāre 'smiṃsta saṃsāre satyaṃ harisamarcanam // ### [1.34.11](https://indike.org/pramana/in.purana.narada.1.34.11) saṃsārapāśaṃ sudṛḍhaṃ mahāmohapradāyakam / haribhaktikuṭāreṇa cchittvātyantasukhī bhava // ### [1.34.12](https://indike.org/pramana/in.purana.narada.1.34.12) tanmanaḥ saṃyutaṃ viṣṇau sā vāṇī yatparāyaṇā / te śrotre tatkathāsārapūrite lokavandite // ### [1.34.13](https://indike.org/pramana/in.purana.narada.1.34.13) ānandamakṣaraṃ śūnyamavasthātritayairapi / ākāśamadhyagaṃ devaṃ bhaja nārada saṃtatam // ### [1.34.14](https://indike.org/pramana/in.purana.narada.1.34.14) sthānaṃ na śakyate yasya svarupaṃ vā kadācana / nirdeṣṭuṃ muniśārdūla draṣṭuṃ vāpyakṛtātmabhiḥ // ### [1.34.15](https://indike.org/pramana/in.purana.narada.1.34.15) samastaiḥ karaṇairyukto vartte 'sau yadā tadā / jāgradityucyate sadbhirantaryāmī sanātanaḥ // ### [1.34.16](https://indike.org/pramana/in.purana.narada.1.34.16) yadāntaḥ karaṇairṃyuktaḥ svecchayā vicaratyasau / svapannicyucyate hyātmā yadā svāpavivarjitaḥ // ### [1.34.17](https://indike.org/pramana/in.purana.narada.1.34.17) na bāhyakaraṇairyukto na cāntaḥ karaṇaistathā / asvarupo yadātmāsau puṇyāpuṇyavivarjitaḥ // ### [1.34.18](https://indike.org/pramana/in.purana.narada.1.34.18) sarvopādhivinirmukto hyānando nirguṇo vibhuḥ / parabrahmamayo devaḥ suṣutpa iti gīyate // ### [1.34.19](https://indike.org/pramana/in.purana.narada.1.34.19) bhāvanāmayametadvai jagatsthāvarajaṅgamam / vidyudvilolaṃ viprendra bhaghaja tasmājjanārdanam // ### [1.34.20](https://indike.org/pramana/in.purana.narada.1.34.20) ahiṃsā satyamasteyaṃ brahmacaryāparigrahau / vartate yasya tasyaiva tuṣyate jagatāṃ patiḥ // ### [1.34.21](https://indike.org/pramana/in.purana.narada.1.34.21) sarvabhaghūtadayāyukto viprapūjāparāyaṇaḥ / tasya tuṣṭo jagannātho madhukaiṭabhamarddanaḥ // ### [1.34.22](https://indike.org/pramana/in.purana.narada.1.34.22) satkathāyāṃ ca ramate satkathāṃ ca karoti yaḥ / satsaṅgo nirahaṃ kārastasya prīto ramāpatiḥ // ### [1.34.23](https://indike.org/pramana/in.purana.narada.1.34.23) nāmasaṃkīrttanaṃ viṣṇo kṣuttṛṭpraskhalitādiṣu / karoti satataṃ yastu tasya prīto hyadhokṣajaḥ // ### [1.34.24](https://indike.org/pramana/in.purana.narada.1.34.24) yātu nārīpatiprāṇā patipūjāparāyaṇā / tasyāstuṣṭo jagannātho dadāti svapadaṃ mune // ### [1.34.25](https://indike.org/pramana/in.purana.narada.1.34.25) asūyārahitā ye tu hyahaṅkāravivarjitāḥ / devapūjāparāścaiva teṣāṃ tuṣyati keśavaḥ // ### [1.34.26](https://indike.org/pramana/in.purana.narada.1.34.26) tasmācchṛṇuṣva devarśe bhajasvaṃ satataṃ harim / mā kuruṣva hyahaṅkāraṃ vidyullolaśriyā vṛthā // ### [1.34.27](https://indike.org/pramana/in.purana.narada.1.34.27) śarīraṃ mṛtyusaṃyuktaṃ jīvitaṃ cāti cañcalam / rājādibhirdhanaṃ bādhyaṃ sampadaḥ kṣaṇabhaṅgurāḥ // ### [1.34.28](https://indike.org/pramana/in.purana.narada.1.34.28) kiṃ na paśyasi devarṣe hyāyuṣārddhaṃ tu nidrayā / hataṃ ca bhojanādyaiśca kiyadāyuḥ samāhṛtam // ### [1.34.29](https://indike.org/pramana/in.purana.narada.1.34.29) kiyadāyurbālabhāvātkiyadvṛthā / kiyadviṣayabhogaiśca kadā dharmānkariṣyati // ### [1.34.30](https://indike.org/pramana/in.purana.narada.1.34.30) bālabhāve ca vārddhakyena ghaṭetācyutārcanam / vayasyeva tato dharmānkuru tvamanahaṅkṛtaḥ // ### [1.34.31](https://indike.org/pramana/in.purana.narada.1.34.31) mā vināśaṃ vraja mune magnaḥ saṃsāragahvare / varurvināśanilayamāpadāṃ paramaṃ padam // ### [1.34.32](https://indike.org/pramana/in.purana.narada.1.34.32) śarīraṃ bhoganilayaṃ malādyaiḥ paridūṣitam / kimarthaṃ śāśvatadhiyā kuryātpāpaṃ naro vṛthā // ### [1.34.33](https://indike.org/pramana/in.purana.narada.1.34.33) āsārabhūte saṃsāre nānāduḥ khasamanvite / viśvāso nātra karttavyo niścitaṃ mṛtyusaṃkule // ### [1.34.34](https://indike.org/pramana/in.purana.narada.1.34.34) tasmācchṛṇuṣva viprendra satyametadvravīmyaham / dehayoganivṛttyarthaṃ sadya eva janārdanam // ### [1.34.35](https://indike.org/pramana/in.purana.narada.1.34.35) mānaṃ tyaktvā tathā lobhaṃ kāmakrodhavivarjitaḥ / bhajasva satataṃ viṣṇuṃ mānuṣyamatidurlabham // ### [1.34.36](https://indike.org/pramana/in.purana.narada.1.34.36) koṭijanmasahasreṣu sthāvarādiṣu sattama / saṃbhrāntasya tu mānuṣyaṃ kathañcitparilabhyate // ### [1.34.37](https://indike.org/pramana/in.purana.narada.1.34.37) tatrāpi devatābuddhirdānabuddhiśca sattama / bhogabuddhistathā nṝṇāṃ janmāntaratapaḥ phalam // ### [1.34.38](https://indike.org/pramana/in.purana.narada.1.34.38) mānuṣyaṃ durlabhaṃ prāpya yo hariṃ nārcayetsakṛt / mūrkhaḥ ko 'sti parastasmājjaḍabuddhiracetanaḥ // ### [1.34.39](https://indike.org/pramana/in.purana.narada.1.34.39) durlabhaṃ prāpya mānuṣyaṃ nārcayanti ca ye harim / teṣāmatīva mūrkhāṇāṃ vivekaḥ kutra tiṣṭhati // ### [1.34.40](https://indike.org/pramana/in.purana.narada.1.34.40) ārādhito jagannātho dadātyabhimataṃ phalam / kastaṃ na pūjayedviprasaṃsārāpripradīpitaḥ // ### [1.34.41](https://indike.org/pramana/in.purana.narada.1.34.41) caṇḍālo 'pi muniśreṣṭa viṣṇubhakto dvijādhikaḥ / viṣṇubhaktivihīnaśca dvijo 'pi śvapacādhamaḥ // ### [1.34.42](https://indike.org/pramana/in.purana.narada.1.34.42) tasmātkāmādikaṃ tyaktvā bhajeta harimavyayam / yasmiṃstuṣṭe 'khilaṃ tuṣyedyataḥ sarvagato hariḥ // ### [1.34.43](https://indike.org/pramana/in.purana.narada.1.34.43) yathā hastipade sarvaṃ padamātraṃ pralīyate / tathaḥā carācaraṃ viśvaṃ viṣṇāviva pralīyate // ### [1.34.44](https://indike.org/pramana/in.purana.narada.1.34.44) ākāśena yathā vyātpaṃ jagatsthāvarajaṅgamam / tathaiva hariṇā vyātpaṃ viśvametaccarācaram // ### [1.34.45](https://indike.org/pramana/in.purana.narada.1.34.45) janmano maraṇaṃ nṝṇāṃ janma vai mṛtyusādhanam / ubhe te nikaṭe viddhi tannāśo harisevayā // ### [1.34.46](https://indike.org/pramana/in.purana.narada.1.34.46) dhyātaḥ smṛtaḥ pūjito vā praṇato vā janārdanaḥ / saṃsārapāśavicchedīkastaṃ na pratipūjayet // ### [1.34.47](https://indike.org/pramana/in.purana.narada.1.34.47) yannāmoccāṃraṇādeva mahāpātakanāśanam / yaṃ samabhyarcya viprarṣe mokṣabhāgī bhavennaraḥ // ### [1.34.48](https://indike.org/pramana/in.purana.narada.1.34.48) aho citramaho citramaho citramidaṃ dvija / harināmni sthite lokaḥ saṃsāre parivarttate // ### [1.34.49](https://indike.org/pramana/in.purana.narada.1.34.49) bhūyobhūyo 'pi vakṣyāmi satyametattapodhana / nīyamāno yamabhaṭairaśakto dharmasādhanaiḥ // ### [1.34.50](https://indike.org/pramana/in.purana.narada.1.34.50) yāvannendriyavaikalyaṃ yāvadvyādhirna bādhate / tāvadevārcayedviṣṇuṃ yadi muktimabhīpsati // ### [1.34.50.p1](https://indike.org/pramana/in.purana.narada.1.34.50.p1) māturgarbhādviniḥ ### [1.34.51](https://indike.org/pramana/in.purana.narada.1.34.51) māturgarbhādviniṣkrānto yadā jantustadaiva hi / mṛtyuḥ saṃnihito bhūyāttasmāddharmaparo bhavet // ### [1.34.52](https://indike.org/pramana/in.purana.narada.1.34.52) aho kaṣṭamaho kaṣṭamahokaṣṭamidaṃ vapuḥ / vinaśvaraṃ samājñāya dharmaṃ naivācaratyayam // ### [1.34.53](https://indike.org/pramana/in.purana.narada.1.34.53) satyaṃ satyaṃ punaḥ satyamuddhṛtya bhujamucyate / dambhācāraṃ parityajyaṃ vāsudevaṃ samarcayet // ### [1.34.54](https://indike.org/pramana/in.purana.narada.1.34.54) bhūyo bhūyo hitaṃ vacmi bhujamuddhṛtya nārada / viṣṇuḥ sarvātmanā pūjyastyājyāsūyā tathānṛtam // ### [1.34.55](https://indike.org/pramana/in.purana.narada.1.34.55) krodhamūlo manastāpaḥ krodhaḥ saṃsārabandhanam / dharmakṣayakaraḥ krodhastasmāttaṃ parivarjayet // ### [1.34.56](https://indike.org/pramana/in.purana.narada.1.34.56) kāmamūlamidaṃ janma kāmaḥ pāpasya kāraṇam / yaśaḥ kṣayakaraḥ kāmastasmāttaṃ parivarjayet // ### [1.34.57](https://indike.org/pramana/in.purana.narada.1.34.57) samastaduḥkhajālānāṃ mātsaryaṃ kāraṇaṃ smṛtam / narakāṇāṃ sādhanaṃ ca tasmāttadapi saṃtyajet // ### [1.34.58](https://indike.org/pramana/in.purana.narada.1.34.58) mana eva manuṣyāṇāṃ kāraṇaṃ bandhamokṣayoḥ / tasmāttadabhisaṃyojya parātmani sukhī bhavet // ### [1.34.59](https://indike.org/pramana/in.purana.narada.1.34.59) aho dhairyamaho dhairyamaho dhairyamaho nṛṇām / viṣṇau sthite jagannāthe na bhajanti madoddhatāḥ // ### [1.34.60](https://indike.org/pramana/in.purana.narada.1.34.60) anārādhya jagannāthaṃ sarvadhātāramacyutam / saṃsārasāgare magnāḥ kathaṃ pāraṃ prayānti hi // ### [1.34.61](https://indike.org/pramana/in.purana.narada.1.34.61) acyutānantagovindanāmoccāraṇabheṣajāt / naśyanti sakalā rogāḥ satyaṃ satyaṃ vadāmyaham // ### [1.34.62](https://indike.org/pramana/in.purana.narada.1.34.62) nārāyaṇa jagannātha vāsudeva janārddana / itīrayanti ye nityaṃ te vai sarvatra vanditāḥ // ### [1.34.63](https://indike.org/pramana/in.purana.narada.1.34.63) adyāpi ca muniśreṣṭa brahmādyā api devatāḥ / yatprābhāvaṃ na jānanti taṃ yāhi śaraṇaṃ mune // ### [1.34.64](https://indike.org/pramana/in.purana.narada.1.34.64) aho maurkhyamaho maurkhyamaho maurkhyaṃ durātmanām / hṛtpadmasaṃsthitaṃ viṣṇuṃ na vijānanti nārada // ### [1.34.65](https://indike.org/pramana/in.purana.narada.1.34.65) śṛṇuṣva muniśārdūla bhūyobhūyo vadāmyaham / hariḥ śraddhāvatāṃ tuṣyenna dhanairna ca bāndhavaiḥ // ### [1.34.66](https://indike.org/pramana/in.purana.narada.1.34.66) bandhumattvaṃ dhanāḍhyatvaṃ putravattvaṃ ca sattama / viṣṇubhaghaktimatāṃ nṝṇāṃ bhavejjanmani janmani // ### [1.34.67](https://indike.org/pramana/in.purana.narada.1.34.67) pāpamūlamayaṃ dehaḥ pāpakarmaratastathā / etadviditvā satataṃ pūjanīyo janārddanaḥ // ### [1.34.68](https://indike.org/pramana/in.purana.narada.1.34.68) putramitrakalatrādyā bahavaḥ syuśca saṃpadaḥ / haripūjāratānāṃ tu bhavatyena na saṃśayaḥ // ### [1.34.69](https://indike.org/pramana/in.purana.narada.1.34.69) ihāmutra sukhaprepsuḥ pūjayetsatataṃ harim / ihāmutrāsukhaprepsuḥ paranindāparo bhavet // ### [1.34.70](https://indike.org/pramana/in.purana.narada.1.34.70) dhigjanma bhaktihīnānāṃ devadeve janārddane / satpātradānaśūnyaṃ yattaddhanaṃ dhikpunaḥ punaḥ // ### [1.34.71](https://indike.org/pramana/in.purana.narada.1.34.71) na namedviṣṇave yasya śarīraṃ karmabhedine / pāpānāmākaraṃ tadvai vijñeyaṃ munisattama // ### [1.34.72](https://indike.org/pramana/in.purana.narada.1.34.72) satpātradānarahitaṃ yaddravyaṃ yena rakṣitam / cauryeṇa rakṣitamiva viddhi lokeṣu niścitam // ### [1.34.73](https://indike.org/pramana/in.purana.narada.1.34.73) taḍillolaśriyā mattāḥ kṣaṇaṃbhayuraśālinaḥ / nārādhayanti viśveśaṃ paśupāśavimocakam // ### [1.34.74](https://indike.org/pramana/in.purana.narada.1.34.74) sṛṣṭistu dvividhā proktā daivāsuravibhedataḥ / hari bhakti yutā daivī taddhīnā hyāsurī mahā // ### [1.34.75](https://indike.org/pramana/in.purana.narada.1.34.75) tasmācchṛṇaṣva viprendra haribhaktiparāyaṇāḥ / śreṣṭhāḥ sarvatra vikhyātā yato bhaktiḥ sudurlabhā // ### [1.34.76](https://indike.org/pramana/in.purana.narada.1.34.76) asūyārahitā ye ca vipratrāṇaparāyaṇāḥ / kāmādirahitā ye ca teṣāṃ tuṣyati keśavaḥ // ### [1.34.77](https://indike.org/pramana/in.purana.narada.1.34.77) saṃmārjanādinā ye tu viṣṇuśuśrūṣaṇe ratāḥ / satpātradānaniratāḥ prayānti paramaṃ padam // ### [1.34.77.p1](https://indike.org/pramana/in.purana.narada.1.34.77.p1) iti śrībṛhannāradīyapurāṇe pūrvabhāge prathamapāde haribhaktilakṣaṇaṃ nāma catustriṃśo 'dhyāyaḥ ## Linked texts (1) - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.35.1) — Sanskrit --- Source: [https://indike.org/pramana/in.purana.narada.1.34](https://indike.org/pramana/in.purana.narada.1.34) · Pramāṇa