[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.35 # Naradapurana 1.35 Nāradapurāṇa 1.35 - **Language:** Sanskrit ## Contents - [1.35.73](https://indike.org/pramana/in.purana.narada.1.35.73) — 1 part ### [1.35.1](https://indike.org/pramana/in.purana.narada.1.35.1) sanaka uvāca punarvakṣyāmi māhātmyaṃ devadevasya cakriṇaḥ / paṭhatāṃ śuṇvatāṃ sadyaḥ pāparāśiḥ praṇaśyati // ### [1.35.2](https://indike.org/pramana/in.purana.narada.1.35.2) śāntā jitāriṣaḍvargā yogenāpyanahṝṅkṛtāḥ / yajanti jñānayogena jñānarūpiṇamavyayam // ### [1.35.3](https://indike.org/pramana/in.purana.narada.1.35.3) tīrthasnānairviśuddhā ye vratadānatapomakhaiḥ / yajanti karmayogena sarvadhātāramacyutam // ### [1.35.4](https://indike.org/pramana/in.purana.narada.1.35.4) lubdhā vyasanito 'jñāśca na yajanti jagatpatim / ajarāmaravanmūḍhāstiṣṭanti narakīṭakāḥ // ### [1.35.5](https://indike.org/pramana/in.purana.narada.1.35.5) taḍillekhāśriyā mattā vṛthāhṝṅkāradviṣitāḥ / na yajanti jagannāthaṃ sarvaśraiyovidhāyakam // ### [1.35.6](https://indike.org/pramana/in.purana.narada.1.35.6) haridharmaratāḥ śāntā haripādābjasevakāḥ / daivātke 'pīha jāyante lokānugrahatatparāḥ // ### [1.35.7](https://indike.org/pramana/in.purana.narada.1.35.7) karmaṇā manasā vācā yo yajedbhaktito harim / sa yāti paramaṃ sthānaṃ sarvalokottamottamam // ### [1.35.8](https://indike.org/pramana/in.purana.narada.1.35.8) atraivodāharantīmamitihāsaṃ purātanam / paṭhatāṃ śṛṇvatāṃ caiva sarvapāpapraṇāśanam // ### [1.35.9](https://indike.org/pramana/in.purana.narada.1.35.9) tatpravakṣyāmi caritaṃ yajñamālisumālinoḥ / yasya śravaṇamātreṇa vācimedha phalaṃ labhet // ### [1.35.10](https://indike.org/pramana/in.purana.narada.1.35.10) kaścidāsītpurā vipra brahmaṇo raivateṃ'tare / vedamāliriti khyāto vedavedāṅgapāragaḥ // ### [1.35.11](https://indike.org/pramana/in.purana.narada.1.35.11) sarvabhūtadayāyukto haripūjāparāyaṇaḥ / putramitrakalatrārthaṃ dhanārjanaparo 'bhavat // ### [1.35.12](https://indike.org/pramana/in.purana.narada.1.35.12) apaṇyaṃvikrayaṃ cakre tathā ca rasivikrayam / caṇḍālādyairapi tathā saṃbhaṣī tatpratigrahī // ### [1.35.13](https://indike.org/pramana/in.purana.narada.1.35.13) tapasāṃ vikrayaṃ cakre vratānāṃ vikrayaṃ tathā / parārthaṃ tīrthagamanaṃ kalatrārthamakārayat // ### [1.35.14](https://indike.org/pramana/in.purana.narada.1.35.14) kālena gacchatā vipra jātau tasya sutāvubho / yajñamālī sumālī ca yamalāvatiśobhanau // ### [1.35.15](https://indike.org/pramana/in.purana.narada.1.35.15) tataḥ pitā kumārau tāvatisnehasamanvitaḥ / poṣayāmāsa vātsalyādbahubhiḥ sādhanaistadā // ### [1.35.16](https://indike.org/pramana/in.purana.narada.1.35.16) vedamālirbahūpāyairdhanaṃ saṃpādya yatnataḥ / svadhanaṃ gaṇayāmāsa kiyatsyāditi veditum // ### [1.35.17](https://indike.org/pramana/in.purana.narada.1.35.17) nidhikoṭisahasrāṇāṃ koṭikoṭiguṇānvitam / vigaṇayya svayaṃ dṛṣṭo vismitaścārthacintayā // ### [1.35.18](https://indike.org/pramana/in.purana.narada.1.35.18) asatpratigrahaiścaiva apaṇyānāṃ ca vikrayaiḥ / meyā tapo vikrayādyairetaddhanamupārjitam // ### [1.35.19](https://indike.org/pramana/in.purana.narada.1.35.19) nādyāpi śāntimāpannā mama tṛṣṇātiduḥsahā / merutulyasuvarṇāni hyasaṃkhyātāni vāñchati // ### [1.35.20](https://indike.org/pramana/in.purana.narada.1.35.20) aho manye mahākaṣṭaṃ samastakleśasādhanam / sarvānkāmānavāṃpnoti punaranyañca kāṅkṣati // ### [1.35.21](https://indike.org/pramana/in.purana.narada.1.35.21) jīryanti jīryataḥ keśāḥ dantā jīryanti jīryataḥ / cakṣuḥśrotre ca jīryete tṛṣṇekā taruṇāyate // ### [1.35.22](https://indike.org/pramana/in.purana.narada.1.35.22) mamedriyāṇi sarvāṇi mandabhāvaṃ vrajanti ca / balaṃ hataṃ ca jarasā tṛṣṇā taruṇatāṃ gatā // ### [1.35.23](https://indike.org/pramana/in.purana.narada.1.35.23) kaṣṭāśā varttate yasya sa vidrānatha paṇḍitaḥ / suśānto 'pi pramanyuḥ syāddhīmānapyatimūḍhadhīḥ // ### [1.35.24](https://indike.org/pramana/in.purana.narada.1.35.24) āśā bhaṅgakarī puṃsāmajeyārātisannibhā / tasmādāśāṃ tyajetprājño yadīcchecchāśvataṃ sukham // ### [1.35.25](https://indike.org/pramana/in.purana.narada.1.35.25) balaṃ tejoḥ yaśaśvaiva vidyāṃ mānaṃ ca vṛddhatām / tathaiva satkule janma āśā hatyativegataḥ // ### [1.35.26](https://indike.org/pramana/in.purana.narada.1.35.26) nṛṇāmāśābhibhūtānāmāścaryamidasucyate / kiñciddātāpi cāṇḍālastasmādadhikatāṃ gataḥ // ### [1.35.27](https://indike.org/pramana/in.purana.narada.1.35.27) āśābhibhūtā ye martyā mahāmohā mahoddhatāḥ / avamānādikaṃ duḥkhaṃ na jānanti kadāpyaho // ### [1.35.28](https://indike.org/pramana/in.purana.narada.1.35.28) mayāpyevaṃ bahukliśairetaddhanamupārjitam / śarīramapi jīrṇaṃ ca jarasāpahataṃ balam // ### [1.35.29](https://indike.org/pramana/in.purana.narada.1.35.29) itaḥ paraṃ yatiṣyāmi paralokārthamādarāt / evaṃ niścitya viprendra dharmamārga rato 'bhavat // ### [1.35.30](https://indike.org/pramana/in.purana.narada.1.35.30) tadaiva taddhanaṃ sarvaṃ caturddhā vyabhajattathā / svayaṃ tu bhāga dvitaya svārjitārthādapāharat // ### [1.35.31](https://indike.org/pramana/in.purana.narada.1.35.31) śeṣaṃ ca bhāgadvitayaṃ putrayorubhayordadau / svenārjitānāṃ pāpānāṃ nāśaṃ kartumanāstadā // ### [1.35.32](https://indike.org/pramana/in.purana.narada.1.35.32) prapātaḍāgārāmāṃśca tathā devagṛhānbahūn / annādīnāṃ ca dānāni gaṅgātīre cakāra saḥ // ### [1.35.33](https://indike.org/pramana/in.purana.narada.1.35.33) evaṃ dhanamaśeṣaṃ ca viśrāṇya haribhaktimān / nāranārāyaṇa sthānaṃ jagāma tapase vanam // ### [1.35.34](https://indike.org/pramana/in.purana.narada.1.35.34) tatrāpaśyanmahāramyamāśramaṃ munisevitam / phalitaiḥ puṣaapitaiścaiva śobhitaṃ vṛkṣasaṃcayaiḥ // ### [1.35.35](https://indike.org/pramana/in.purana.narada.1.35.35) gṛṇadbhiḥ paramaṃ brahma śāstracintāparaistathā / paricaryāparairvṛddhairmunibhiḥ pariśobhitam // ### [1.35.36](https://indike.org/pramana/in.purana.narada.1.35.36) śiṣyaiḥ parivṛtaṃ tatra muniṃ jānanti saṃjñakam / gṛṇantaṃ paramaṃ brahma tejorāśiṃ dadarśa ha // ### [1.35.37](https://indike.org/pramana/in.purana.narada.1.35.37) śamādiguṇasaṃyuktaṃ rāgādirahitaṃ munim / śīrṇaparṇāśanaṃ dṛṣṭvā vedamālirnanāma tam // ### [1.35.38](https://indike.org/pramana/in.purana.narada.1.35.38) tasya jānantirāgantoḥ kalpayāmāsa cārhaṇam / kandamūlaphalādyaistu nārāyaṇadhiyā mune // ### [1.35.39](https://indike.org/pramana/in.purana.narada.1.35.39) kṛtātithyakriyastena vedamālī kṛtāñjaliḥ / vinayāvanato bhūtvā provāca vadatāṃ varam // ### [1.35.40](https://indike.org/pramana/in.purana.narada.1.35.40) bhagavankṛtakṛtyo 'smi vigataṃ kalmaṣaṃ mama / māmuddhara mahābhāga jñānadānena paṇḍita // ### [1.35.41](https://indike.org/pramana/in.purana.narada.1.35.41) evamuktastatastena jānantirmunisattamaḥ / provāca prahasanvāgmī vedamāliṃ guṇānvitam // ### [1.35.42](https://indike.org/pramana/in.purana.narada.1.35.42) jānantiruvāca śṛṇaṣva vipraśārdūla saṃsāracchedakāraṇam / pravakṣyāmi samāsena durlabhaṃ tvakṛtātmanām // ### [1.35.43](https://indike.org/pramana/in.purana.narada.1.35.43) bhaja viṣṇuṃ paraṃ nityaṃ smara nārāyaṇaṃ prabhum / parāpavādaṃ paiśunyaṃ kadācidapi mā kṛthāḥ // ### [1.35.44](https://indike.org/pramana/in.purana.narada.1.35.44) paropakāranirataḥ sa dā bhava mahāmate / haripūjāparaścaiva tyaja mūrkhasamāgamam // ### [1.35.45](https://indike.org/pramana/in.purana.narada.1.35.45) kāmaṃ krodhaṃ ca lobhaṃ ca mohaṃ ca madamatsarau / parityajyātmavallokaṃ dṛṣṭvā śāntiṃ gamiṣyasi // ### [1.35.46](https://indike.org/pramana/in.purana.narada.1.35.46) asūyāṃ paranindāṃ ca kadācidapi mā kuru / draṃbhācāramahṝṅkāraṃ naiṣṭhuryaṃ ca parityaja // ### [1.35.47](https://indike.org/pramana/in.purana.narada.1.35.47) dayāṃ kuruṣva bhuteṣu śuśrūṣāṃ ca tathā satām / tvayā kṛtāṃśca dharmānvai mā prakāśaya pucchatām // ### [1.35.48](https://indike.org/pramana/in.purana.narada.1.35.48) anācāraparāndṛṣṭvā nopekṣāṃ kuru śaktitaḥ / pūjayasvātiyiṃ nityaṃ svakuṭuṃbāvirodhataḥ // ### [1.35.49](https://indike.org/pramana/in.purana.narada.1.35.49) patraiḥ puṣpaiḥ phalairvāpi dūrvābhiḥ pallavairatha / pūjayasva jagannāthaṃ nārāyaṇamakāṃ mataḥ // ### [1.35.50](https://indike.org/pramana/in.purana.narada.1.35.50) devānṛpīnpitṝścāpi tarpayasva yathāvidhi / agreśca vidhivadvapra paricaryāparo bhava // ### [1.35.51](https://indike.org/pramana/in.purana.narada.1.35.51) devatāyatane nityaṃ saṃmārjanaparo bhava / tathopalepanaṃ caiva kuruṣva susamāhitaḥ // ### [1.35.52](https://indike.org/pramana/in.purana.narada.1.35.52) śīrṇasphaṭitasaṃdhānaṃ kuru devagṛhe sadā / mārgaśobhāṃ ca dīpaṃ ca viṣṇorāyatane kuru // ### [1.35.53](https://indike.org/pramana/in.purana.narada.1.35.53) kandamūlaphalairvāpi sadā pūjaya mādhavam / pradakṣiṇanamaskāraiḥ stotrāṇāṃ paṭhanaistathā // ### [1.35.54](https://indike.org/pramana/in.purana.narada.1.35.54) yurāṇaśravaṇaṃ caiva purāṇapaṭhanaṃ tathā / vedāntapaṭhanaṃ caiva pratyahaṃ kuru śaktitaḥ // ### [1.35.55](https://indike.org/pramana/in.purana.narada.1.35.55) evaṃ sthiti tava jñānaṃ bhaghaviṣyatyuttamottamam / jñānātsamastapāpānāṃ mokṣo bhavati niścitam // ### [1.35.56](https://indike.org/pramana/in.purana.narada.1.35.56) evaṃ prabodhitastena vedamālirmahāmatiḥ / tathā jñānarato nityaṃ jñānaleśamavāptavān // ### [1.35.57](https://indike.org/pramana/in.purana.narada.1.35.57) vedamāliḥ kadācittu jñānaleśapracoditaḥ / ko 'haṃ mama kriyā keti svayameva vyaktintayat // ### [1.35.58](https://indike.org/pramana/in.purana.narada.1.35.58) mama janma kathaṃ jātaṃ rūpaṃ kīdṛgvidhaṃ mama / evaṃ vicāraṇaparoḥ divāniśamatandritaḥ // ### [1.35.59](https://indike.org/pramana/in.purana.narada.1.35.59) aniścitamatirbhūtvā vedamālirddhijottamaḥ / punarjānantimāgamya praṇamyedamuvāca ha // ### [1.35.60](https://indike.org/pramana/in.purana.narada.1.35.60) vedamāliruvāca mama cittamatibhrātaṃ guro brahmavidāṃ vara / ko 'haṃ mama kriyā kā ca mama janma kathaṃ vada // ### [1.35.61](https://indike.org/pramana/in.purana.narada.1.35.61) jānantiruvāca satyaṃ satyaṃ mahābhāgaṃ cittaṃ bhrātaṃ suniścitam / avidyānilarya cittaṃ kathaṃ sadbhāvagagameṣyati // ### [1.35.62](https://indike.org/pramana/in.purana.narada.1.35.62) mameti gaditaṃ yattu tadapi bhrāntiriṣyate / ahṝṅkāro manodharma ātmano nahi paṇḍita // ### [1.35.63](https://indike.org/pramana/in.purana.narada.1.35.63) punaśca ko 'hamityuktaṃ vedamāle tvayā tu yat / mama jātyādi śūnyasya kathaṃ nāma karomyaham // ### [1.35.64](https://indike.org/pramana/in.purana.narada.1.35.64) anaupamyasvabhāvasya nirguṇasya parātmanaḥ / nīrūpasyāprameyasya kathaṃ nāma karomyaham // ### [1.35.65](https://indike.org/pramana/in.purana.narada.1.35.65) parajyotiḥ svarūpasya paripūrṇāvyayātmanaḥ / avicchinnasvabhāvasya kathyate ca kathaṃ kriyā // ### [1.35.66](https://indike.org/pramana/in.purana.narada.1.35.66) svaprakāśātmano vipra nityasya paramātmanaḥ / anantasya kriyā caiva kathaṃ janma ca kathyate // ### [1.35.67](https://indike.org/pramana/in.purana.narada.1.35.67) jñānaikavedyamajaraṃ paraṃ brahma sanātanam / paripūrṇaṃ parānandaṃ tasmānnānyadiha dvija // ### [1.35.68](https://indike.org/pramana/in.purana.narada.1.35.68) tattvamasyādivākyebhyo jñānaṃ mokṣasya sādhanam / jñāne tvanāhate siddhe sarvaṃ brahmamayaṃ bhavet // ### [1.35.69](https://indike.org/pramana/in.purana.narada.1.35.69) evaṃ prabodhitastena vedamālirmunīśvara / mumoda paśyannātmānamātmanyevācyutaṃ prabhum // ### [1.35.70](https://indike.org/pramana/in.purana.narada.1.35.70) upādhirahitaṃ brahma svaprakāśaṃ nirañjanam / ahameveti niścitya parāṃ śāntimavāptavān // ### [1.35.71](https://indike.org/pramana/in.purana.narada.1.35.71) tataśca vyavahārārthaṃ vedamālirmunīśvaram / guruṃ praṇamya jānanti sadā dhyānaparo 'bhavat // ### [1.35.72](https://indike.org/pramana/in.purana.narada.1.35.72) gate bahutithe kāle vedamālirmunīśva / vārāṇasīpuraṃ prāpya paraṃ mokṣamavāptavān // ### [1.35.73](https://indike.org/pramana/in.purana.narada.1.35.73) ya imaṃ paṭhate 'dhyāyaṃ śṛṇuyādvā samāhitaḥ / sa karmapāśavicchedaṃ prāpya saukhyamavānpuyāt // ### [1.35.73.p1](https://indike.org/pramana/in.purana.narada.1.35.73.p1) iti śrībṛhannārādīyapurāṇe pūrvabhāge prathamapāde jñānanirūpaṇa nāma pañcatriṃśo 'dhyāyaḥ ## Linked texts (4) - [Mahāsubhāṣitasaṃgraha](https://indike.org/pramana/in.lit.subhasita.subhasita.adhunika.mahasubhasitasangraha.5440) — Sanskrit - [Nāradopapurāṇa](https://indike.org/pramana/in.purana.upa.vaisnava.naradopapurana.35.1) — Sanskrit - [Bṛhannāradapurāṇa](https://indike.org/pramana/in.purana.upa.vaisnava.brhannaradapurana.36.1) — Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.36.1) — Sanskrit --- Source: [https://indike.org/pramana/in.purana.narada.1.35](https://indike.org/pramana/in.purana.narada.1.35) · Pramāṇa