[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.38 # Naradapurana 1.38 Nāradapurāṇa 1.38 - **Language:** Sanskrit ## Contents - [1.38.59](https://indike.org/pramana/in.purana.narada.1.38.59) — 1 part ### [1.38.1](https://indike.org/pramana/in.purana.narada.1.38.1) nārada uvāca kintatstotraṃ mahābhāga kathaṃ tuṣṭo janārdanaḥ / uktaṅkaḥ puṇyapuruṣaḥ kīdṛśaṃ labdhavānvaram // ### [1.38.2](https://indike.org/pramana/in.purana.narada.1.38.2) sanaka uvāca uttaṅkastu tadā vipro haridhyānaparāyaṇaḥ / pādodakasya māhātmyaṃ dṛṣṭvā tuṣṭāva bhaktitaḥ // ### [1.38.3](https://indike.org/pramana/in.purana.narada.1.38.3) uttaṅka uvāca nato 'smi nārāyaṇamādidevaṃ jagannivāsaṃ jagadekabandhum / cakrābjaśārṅgīsidharaṃ mahāntaṃ smṛtārtinighnaṃ śaraṇaṃ prapadye // ### [1.38.4](https://indike.org/pramana/in.purana.narada.1.38.4) yannibhijābja prabhavo vidhātā sṛjatyamuṃ lokasamuñcayaṃ ca / yatkrodhajo hṝnti jagañca rudrastamādidevaṃ praṇato 'smi viṣṇum // ### [1.38.5](https://indike.org/pramana/in.purana.narada.1.38.5) padmāpatiṃ padmadalāyatākṣaṃ vicitravīryaṃ nikhilaikahetum / vedāntavedyaṃ pukuṣaṃ purāṇaṃ taijonidhiṃ viṣṇumahaṃ prapannaḥ // ### [1.38.6](https://indike.org/pramana/in.purana.narada.1.38.6) ātmākṣaraḥ sarvagato 'cyutākhyo jñānātmako jñānavidāṃ śaraṇyaḥ / jñānaikavedyo bhagavānanādiḥ prasīdatāṃ vyaṣṭisa praṣṭirupaḥ // ### [1.38.7](https://indike.org/pramana/in.purana.narada.1.38.7) anantavīyo guṇajātihīnāṃ guṇātmako jñānavidāṃ varaṣṭaḥ / nityaḥ prapannārti haraḥ parātmā dayāṃbudhirme varadastu bhaghūyāt // ### [1.38.8](https://indike.org/pramana/in.purana.narada.1.38.8) yaḥ sthūlasūkṣmādiviśeṣabhedaurjagadyathāvatsvakṛtaṃ praviṣṭaḥ / tvameva tatsarvamanantasāraṃ tvattaḥ paraṃ nāsti yataḥ parātman // ### [1.38.9](https://indike.org/pramana/in.purana.narada.1.38.9) agocaraṃ yattava śuddharūraṃ māyāvihīnaṃ guṇajātihīnam / nirañjanaṃ nirmalamaprameyaṃ paśyanti santaḥ paramārthasaṃjñam // ### [1.38.10](https://indike.org/pramana/in.purana.narada.1.38.10) ekena hemraiva vibhūṣaṇāni yātāni bhedatvamupādhibhedāt / tathaiva sarveṣvara eka eva pradṛśyate bhinna ivārivalātmā // ### [1.38.11](https://indike.org/pramana/in.purana.narada.1.38.11) yanmāyayā mohitacetasastaṃ paśyanti nātmānamapi prasiddham / ta eva māyārahitāstadeva pasaayanti sarvātmakamātmarupam // ### [1.38.12](https://indike.org/pramana/in.purana.narada.1.38.12) vibhuṃ jyotiranaupamyaṃ viṣṇusaṃjñaṃ namāmyaham / samastametadudbhūtaṃ yato yatra pratiṣṭitam // ### [1.38.13](https://indike.org/pramana/in.purana.narada.1.38.13) yataścaitanyamāyātaṃ yadrūpaṃ tasya vai namaḥ / aprameyamanādāramādhārādheyarūpakam // ### [1.38.14](https://indike.org/pramana/in.purana.narada.1.38.14) paramānandacinmātraṃ vāsudevaṃ nato 'smyaham / hṛdguhānilayaṃ devaṃ yogibhiḥ parisevitam // ### [1.38.15](https://indike.org/pramana/in.purana.narada.1.38.15) yogānāmādibhūtaṃ taṃ namāmi praṇavasthitam / nādātmakaṃ nādabījaṃ praṇavātmakamavyayam // ### [1.38.16](https://indike.org/pramana/in.purana.narada.1.38.16) sadbhaghāvaṃ sañcidānandaṃ taṃ vande tigmacakriṇam / ajaraṃ sākṣiṇaṃ tvasya hyavāṅmanasagocaram // ### [1.38.17](https://indike.org/pramana/in.purana.narada.1.38.17) nirañjanamanantākhyaṃ viṣṇurupaṃ nato 'smyaham / indriyāṇi mano buddhiḥ sattvaṃ tejo balaṃ dhṛtiḥ // ### [1.38.18](https://indike.org/pramana/in.purana.narada.1.38.18) vāsudevātmakānyāhuḥ kṣetraṃ kṣetra jñameva ca / vidyāvidyātmakaṃ prāhuḥ parātparataraṃ tathā // ### [1.38.19](https://indike.org/pramana/in.purana.narada.1.38.19) anādinidhanaṃ śāntaṃ sarvadhātāramacyutam / ye prapannā mahātmānasteṣāṃ muktirhi śāśvatī // ### [1.38.20](https://indike.org/pramana/in.purana.narada.1.38.20) varaṃ vareṇyaṃ varadaṃ purāṇaṃ sanātanaṃ sarvagataṃ samastam / nato 'smi bhūyo 'pi nato 'smi bhūyo 'pi nato 'smi bhūyaḥ // ### [1.38.21](https://indike.org/pramana/in.purana.narada.1.38.21) yatpāda toyaṃ bhaghavarogavaidyo yatpādapāṃśurvimalatvasiddhyai / yannāma duṣkarmanivāraṇāyacaya tamaprameyaṃ puruṣaṃ bhajāmi // ### [1.38.22](https://indike.org/pramana/in.purana.narada.1.38.22) sadrūpaṃ tamasadrūpaṃ sadasadrūpamavyayam / tattadvilakṣaṇaṃ śreṣṭhaṃ śreṣṭhācchraṣṭhataraṃ bhaje // ### [1.38.23](https://indike.org/pramana/in.purana.narada.1.38.23) nirañjanaṃ nirākāraṃ pūrṇamākāśamadhyagam / paraṃ ca vidyāvidyābhyāṃ hṛdaṃbujanivāsinam // ### [1.38.24](https://indike.org/pramana/in.purana.narada.1.38.24) svaprakāśamanirdeṣyaṃ mahatāṃ ca mahattaram / aṇoraṇīyāṃsamajaṃ sarvopādhivivarjitam // ### [1.38.25](https://indike.org/pramana/in.purana.narada.1.38.25) yannityaṃ paramānandaṃ paraṃ brahma sanātanam / viṣṇusaṃjñaṃ jagaddhāma tamasmi śaraṇaṃ gataḥ // ### [1.38.26](https://indike.org/pramana/in.purana.narada.1.38.26) yaṃ bhajanti kriyāniṣṭāyaṃ paśyanti ca yoginaḥ / pūjyātpūjyataraṃ śāntaṃ gato 'smi śaraṇaṃ prabhum // ### [1.38.27](https://indike.org/pramana/in.purana.narada.1.38.27) yaṃ na paśyanti vidvāṃso ya etadvyāvya tiṣṭati / sarvasmādadhikaṃ nityaṃ nato 'smi vibhumavyayam // ### [1.38.28](https://indike.org/pramana/in.purana.narada.1.38.28) antaḥ karaṇasaṃyogājjīva ityucyate ca yaḥ / avidyākārya rahitaḥ paramātmeti gīyate // ### [1.38.29](https://indike.org/pramana/in.purana.narada.1.38.29) sarvātmakaṃ sarvahetuṃ sravakarmaphalappadam / varaṃ vareṇyamajanaṃ praṇato 'smi parātparam // ### [1.38.30](https://indike.org/pramana/in.purana.narada.1.38.30) sarvajñaṃ sarvagaṃ śāntaṃ sarvāntayā miṇaṃ harim / jñānātmakaṃ jñānanidhiṃ jñānasaṃsthaṃ vibhuṃ bhaje // ### [1.38.31](https://indike.org/pramana/in.purana.narada.1.38.31) namāmyahaṃ vedanidhiṃ murāriṃ vedānta vijñānasuniścitārtham / sūryeduvatprojjvalane tramindraṃ ravagasvarupaṃ vapatisvarūpam // ### [1.38.32](https://indike.org/pramana/in.purana.narada.1.38.32) sarveśvaraṃ sarvagataṃ mahāntaṃ vedātmakaṃ vedavidāṃvariṣṭam / taṃvāṅmano 'cintyamanantaśaktiṃ jñānaikavedyaṃ puruṣaṃ bhajāmi // ### [1.38.33](https://indike.org/pramana/in.purana.narada.1.38.33) indrāgnikālāsurapāśivāyusomeṣamārttaṇḍapurandarādyaiḥ / yaḥ pāti lokānparipūrṇabhāvastamaprameyaṃ śaraṇaṃ prapadye // ### [1.38.34](https://indike.org/pramana/in.purana.narada.1.38.34) sahasraśīrṣaṃ ca sahasrapādaṃ sahasrabāhuḥ ca sahasranetram / samastayajñaiḥ parijuṣṭamādyaṃ nato 'smi tuṣṭipradamugravīryam // ### [1.38.35](https://indike.org/pramana/in.purana.narada.1.38.35) kālātmakaṃ kālavibhāgahetuṃ guṇatrayātītamahaṃ guṇajñam / guṇapriyaṃ kāmadamastasaṃgamatīndriyaṃ viśvabhaghujaṃ vitṛṣṇam // ### [1.38.36](https://indike.org/pramana/in.purana.narada.1.38.36) nirīhamagryaṃ manasāpyagamyaṃ manomayaṃ cānnamayaṃ nirūḍham / vijñānabhedaṃ pratipannakalpaṃ na vāṅmayaṃ prāṇamayaṃ bhajāmi // ### [1.38.37](https://indike.org/pramana/in.purana.narada.1.38.37) na yasya rūpaṃ na balaprabhāvo na yasya karmāṇi na yatpramāṇam / jānanti devā kamalodbhavādyastoṣyāmyahaṃ taṃ kathamātmarūpam // ### [1.38.38](https://indike.org/pramana/in.purana.narada.1.38.38) saṃsārasidhau patitaṃ kadaryaṃ mohākulaṃ kāmaśatena baddham / akīrtibhājaṃ piśunaṃ kṛtaghnaṃ sadāśuciṃ pāparataṃ pramanyum / dayāṃbudhe pāhi bhayākulaṃ māṃ punaḥ punastvāṃ śaraṇaṃ prapadye // ### [1.38.39](https://indike.org/pramana/in.purana.narada.1.38.39) iti prasāditastena dayālasuḥ kamalāpatiḥ / pratyakṣatāmagāttasya bhagavāṃstejasāṃ nidhiḥ // ### [1.38.40](https://indike.org/pramana/in.purana.narada.1.38.40) atasī puṣpasaṃkāśaṃ phullapaṅkajalocanan / kirīṭinaṃ kuṇḍalinaṃ hārakeyūrabhūṣitam // ### [1.38.41](https://indike.org/pramana/in.purana.narada.1.38.41) śrīvatsakaustubhadharaṃ hemayajñopavītinanam / nāsāvinyastamuktā bhavardhamānatanucchavim // ### [1.38.42](https://indike.org/pramana/in.purana.narada.1.38.42) pītāṃbaradharaṃ devaṃ vanamālāvibhūṣimat / tulasīkomaladalairarcitāṅghniṃ mahādyutim // ### [1.38.43](https://indike.org/pramana/in.purana.narada.1.38.43) kiṅkiṇīnūpurā dyaiśca śobhitaṃ garuḍadhvajam / dṛṣṭvā nānāma viprendro daṇḍavatkṣitimaṇḍale // ### [1.38.44](https://indike.org/pramana/in.purana.narada.1.38.44) abhyaṣiñcaddhareḥ pādāvuttaṅko harṣavāribhiḥ / murāre rakṣa rakṣeti vyāharannānyadhīstadā // ### [1.38.45](https://indike.org/pramana/in.purana.narada.1.38.45) tamutthāpya mahāviṣṇurāliliṅga dayāparaḥ / varaṃ vṛṇuṣva vatseti provāca munipuṅgavam // ### [1.38.46](https://indike.org/pramana/in.purana.narada.1.38.46) asādhyaṃ nāsti kiñcitte prasanne mayi sattama / itīritaṃ samākarṇya hyuttaṅkaścakrapāṇinā / punaḥ praṇamya taṃ prāha devadevaṃ janārddanam // ### [1.38.47](https://indike.org/pramana/in.purana.narada.1.38.47) kiṃ māṃ mohayasīśa tvaṃ kimanyairdeva me varaiḥ / tvayi bhaktirdṛḍhā me 'stu janmajanmāntareṣvapi // ### [1.38.48](https://indike.org/pramana/in.purana.narada.1.38.48) kīṭeṣu pakṣiṣu mṛgeṣu sarīsṛpeṣu rakṣaḥ piśācamanujeṣvapi yatra tatrajajātasya me bhavatu keśava te prasāddāttvayyeva bhaktiracalāvyabhicāraṇī ca // ### [1.38.49](https://indike.org/pramana/in.purana.narada.1.38.49) evamastviti lokeśaḥ śaṅkhaprāntena saṃspṛśan divyajñānaṃ dadau tasmai yogināmapidurlamabhagham // ### [1.38.50](https://indike.org/pramana/in.purana.narada.1.38.50) puḥ stuvantaṃ viprendraṃ devadevo janārddanaḥ idamāha smitamukho hastaṃ tacchirasi nyasan // ### [1.38.51](https://indike.org/pramana/in.purana.narada.1.38.51) śrībhagavānuvāca ārādhaya kriyāyogairmāṃ sadā dvijasattam / naranārāyaṇasthānaṃ vraja mokṣaṃ gamiṣyasi // ### [1.38.52](https://indike.org/pramana/in.purana.narada.1.38.52) tvayā kṛtamidaṃ stotraṃ yaḥ paṭhetsatataṃ naraḥ / sarvānkāmānavāpyānte mokṣabhāgī bhavettataḥ // ### [1.38.53](https://indike.org/pramana/in.purana.narada.1.38.53) ityuktvā bhādhavo vipraṃ tatraivāntardadhe mune / naranarāyaṇasthānamuttaṅko 'pi tato yayau // ### [1.38.54](https://indike.org/pramana/in.purana.narada.1.38.54) kasmādbhaktiḥ sadā kāryā devadevasya cakriṇaḥ / haribhaktiḥ parā proktā sarvakāmapalapradā // ### [1.38.55](https://indike.org/pramana/in.purana.narada.1.38.55) utaṅko bhāktibhāvena kriyāyogaparo mune / pūjayanmādhayavaṃ nityaṃ naranārāyaṇāśrame // ### [1.38.56](https://indike.org/pramana/in.purana.narada.1.38.56) jñānavijñānasaṃpannaḥ saṃcchinnadvaitasaṃśayaḥ / āvāpa duravāpaṃ vai tadviṣṇoḥ paramaṃ padam // ### [1.38.57](https://indike.org/pramana/in.purana.narada.1.38.57) pūjito namito vāpi saṃsmṛto vāpi mokṣadaḥ / nārāyaṇo jagannātho bhaktānāṃ mānavarddhanaḥ // ### [1.38.58](https://indike.org/pramana/in.purana.narada.1.38.58) tasmānnārāyaṇaṃ devamanantamaparājitam / ihāmutra sukhaprepsuḥ pūjayedbhaktisaṃyutaḥ // ### [1.38.59](https://indike.org/pramana/in.purana.narada.1.38.59) yaḥ paṭhedidamākhyānaṃ śṛṇuyādvāsamāhitaḥ / so 'pi sarvāghanirmuktaḥ prayāti bhavanaṃ hareḥ // ### [1.38.59.p1](https://indike.org/pramana/in.purana.narada.1.38.59.p1) iti śrībṛhannāradīyapurāṇe pūrvabhāge prathamapāde viṣṇumāhātmyaṃ nāmāṣṭatriṃśo 'dhyāyaḥ ## Linked texts (3) - [Nāradopapurāṇa](https://indike.org/pramana/in.purana.upa.vaisnava.naradopapurana.38.2) — Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.39.4) — Sanskrit - [Bṛhannāradapurāṇa](https://indike.org/pramana/in.purana.upa.vaisnava.brhannaradapurana.39.5) — Sanskrit --- Source: [https://indike.org/pramana/in.purana.narada.1.38](https://indike.org/pramana/in.purana.narada.1.38) · Pramāṇa