[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.3 # Naradapurana 1.3 Nāradapurāṇa 1.3 - **Language:** Sanskrit ## Contents - [1.3.83](https://indike.org/pramana/in.purana.narada.1.3.83) — 1 part ### [1.3.1](https://indike.org/pramana/in.purana.narada.1.3.1) nārada uvāca kathaṃ sasarja brahmādīnādidevaḥ purā vibhuḥ / tanmamākhyāhi sanaka sarvajño 'sti yato bhavān // ### [1.3.2](https://indike.org/pramana/in.purana.narada.1.3.2) śrīsanaka uvācā nārāyaṇo 'kṣaro 'nantaḥ sarvavyāpī nirañjanaḥ / tenedamakhilaṃ vyātpaṃ jagatsthāvarajaṅgamam // ### [1.3.3](https://indike.org/pramana/in.purana.narada.1.3.3) ādisarge mahāviṣṇuḥ svaprakāśo jaganmayaḥ / guṇabhedamadhiṣṭhāya mūrttitrikamavāsṛjat // ### [1.3.4](https://indike.org/pramana/in.purana.narada.1.3.4) sṛṣṭyarthaṃ tu purā devo dakṣiṇāṅgātprajāpatim / madhyerudrākhyamīthānaṃ jagadantakaraṃ mune // ### [1.3.5](https://indike.org/pramana/in.purana.narada.1.3.5) pālanāyāsya jagato vāmāṅgādviṣṇumavyayam / tamādidevamajaraṃ kecidāhuḥ śivābhidham / kecidviṣṇuṃ sadā satyaṃ brahmāṇaṃ kecidūcire // ### [1.3.6](https://indike.org/pramana/in.purana.narada.1.3.6) tasya śaktiḥ parā viṣṇorjagatkāryapravartinī / bhāvābhāvasvarupā sā vidyāvidyeti gīyate // ### [1.3.7](https://indike.org/pramana/in.purana.narada.1.3.7) yadā viśvaṃ mahāviṣṇorbhinnatvena pratīyate / tadā hyavidyā saṃsiddhā bhavedduḥkhasya sādhanam // ### [1.3.8](https://indike.org/pramana/in.purana.narada.1.3.8) jñātṛjñeyādyupādhiste yadā naśyati nārada / sarvaikabhāvanā buddhiḥ sā vidyetyabhidhīyate // ### [1.3.9](https://indike.org/pramana/in.purana.narada.1.3.9) eṣaṃ māyā mahāviṣṇorbhinnā saṃsāradāyinī / abhedabuddhyā dṛṣṭā cetsaṃsārakṣayakāriṇī // ### [1.3.10](https://indike.org/pramana/in.purana.narada.1.3.10) viṣṇuśaktisamudbhūtametatsarvaṃ varācaṃm / yasmādbhinnamidaṃ sarvaṃ yacceṅgedyaccaneṅgati // ### [1.3.11](https://indike.org/pramana/in.purana.narada.1.3.11) upādhibhiryathākāśo bhinnatvena pratīyate / avidyopādhiyogenatathedamakhilaṃ jagat // ### [1.3.12](https://indike.org/pramana/in.purana.narada.1.3.12) yathā harirjagadyāpī tasya śaktistathā mune / dāhaśaktiryathāṅgāre svāśrayaṃ vyāpya tiṣṭati // ### [1.3.13](https://indike.org/pramana/in.purana.narada.1.3.13) umeti kecidāhustāṃ śaktiṃ lakṣmīṃ tathā pare / bhāratītyapare caināṃ girijetyambiketi ca // ### [1.3.14](https://indike.org/pramana/in.purana.narada.1.3.14) durgeti bhadrakālīti caṇḍī māheśvarītyapi / kaumārī vaiṣṇavī ceti vārāhyendrī ca śāmbhavī // ### [1.3.15](https://indike.org/pramana/in.purana.narada.1.3.15) brāhmīti vidyāvidyeti māyeti ca tathā pare / prakṛtiśca parā ceti vadanti paramarṣasyaḥ // ### [1.3.16](https://indike.org/pramana/in.purana.narada.1.3.16) śeṣaśaktiḥ parā viṣṇorjagatsargādikāriṇī / vyaktāvyaktasvarupeṇa jagahyāpya vyavasthitā // ### [1.3.17](https://indike.org/pramana/in.purana.narada.1.3.17) prakṛtiścapumāṃścaiva kālaśceti vidhisthitiḥ / sṛṣṭisthitivināśānāmekaḥ kāraṇatāṃ gataḥ // ### [1.3.18](https://indike.org/pramana/in.purana.narada.1.3.18) yenedamakhilaṃ jātaṃ brahmarupadhareṇa vai / tasmātparataro devo nityaityabhidhīyate // ### [1.3.19](https://indike.org/pramana/in.purana.narada.1.3.19) rakṣāṃ karoti yo devo nitya ityabhidhīyate / rakṣāṃ karoti yo devo jagatāṃ parataḥ pumān // ### [1.3.20](https://indike.org/pramana/in.purana.narada.1.3.20) tasmātparataraṃ yattadavyayaṃ paramaṃ padam // ### [1.3.21](https://indike.org/pramana/in.purana.narada.1.3.21) akṣaro nirguṇaḥ śuddhaḥ paripūrṇaḥ sanātanaḥ / yaḥ paraḥ kālapupākhyo yogidhyeyaḥ parātparaḥ // ### [1.3.22](https://indike.org/pramana/in.purana.narada.1.3.22) paramātmā parānandaḥ sarvopādhivivarjitaḥ / jñānaikavedyaḥ paramaḥ sañcidānandavigrahaḥ // ### [1.3.23](https://indike.org/pramana/in.purana.narada.1.3.23) yo 'sau śuddho 'pi paramo hyahṝṅkāreṇa saṃyutaḥ / dehīti procyate mūḍhairaho 'jñānaviḍambanam // ### [1.3.24](https://indike.org/pramana/in.purana.narada.1.3.24) sa devaḥ paramaḥ śuddhaḥ sattvadiguṇabhedataḥ / mūrtitrayaṃ samāpannaḥ sṛṣṭisthityantakāraṇam // ### [1.3.25](https://indike.org/pramana/in.purana.narada.1.3.25) yo 'sau brahmā jagatkartā yannābhikamalodbhavaḥ / sa evānandarupātmā tasmānnāstyaparo mune // ### [1.3.26](https://indike.org/pramana/in.purana.narada.1.3.26) antaryāmī jagadyāpī sarvasākṣī nirañjanaḥ / bhinnābhinnasvarupeṇa sthito vai parameśvaraḥ // ### [1.3.27](https://indike.org/pramana/in.purana.narada.1.3.27) yasya śaktirmahāmāyā jagadvistrambhadhāriṇī / viśvotpatternidānatvātprakṛtiḥ procyate budhaiḥ // ### [1.3.28](https://indike.org/pramana/in.purana.narada.1.3.28) ādisarge mahāviṣṇorlokānkarttuṃ samudyataḥ / prakṛtiḥ puruṣaśceti kālaśceti tridhā bhavet // ### [1.3.29](https://indike.org/pramana/in.purana.narada.1.3.29) paśyanti bhāvitātmāno yaṃ brahmatyabhisaṃjñitam / śuddhaṃ yatparamaṃ dhāma tadviṣṇoḥ paramaṃ padam // ### [1.3.30](https://indike.org/pramana/in.purana.narada.1.3.30) evaṃ śuddho 'kṣaro 'nantaḥ kālarupī maheśvaraḥ / guṇarupīguṇādhārojagatāmādikṛdvibhuḥ // ### [1.3.31](https://indike.org/pramana/in.purana.narada.1.3.31) pratṛtiḥ kṣobhamāpannā puruṣākhye jagadgurau / mahānprādurabhūddhuddhistato 'haṃ samavarttata // ### [1.3.32](https://indike.org/pramana/in.purana.narada.1.3.32) ahṝṅkārāśca sūkṣmāṇi tanmātrāṇīndriyāṇi ca / tanmātrebhyo hi jātāni bhūtāni jagataḥ kṛte // ### [1.3.33](https://indike.org/pramana/in.purana.narada.1.3.33) ākāśavāyyagrijalabhūmayo 'bjabhāvātmaja / yathākramaṃ kāraṇatāmekaikasyopayānti ca // ### [1.3.34](https://indike.org/pramana/in.purana.narada.1.3.34) tato brahmā jagaddhātā tāmasānasṛjatprabhuḥ / tiryagyonigatāñjantūnpaśupakṣimṛgādikān // ### [1.3.35](https://indike.org/pramana/in.purana.narada.1.3.35) tamapyasādhakaṃ matvā devasargaṃ sanātanāt / tato vaimānuṣaṃ sargaṃ kalpayāmāsa pahmajaḥ // ### [1.3.36](https://indike.org/pramana/in.purana.narada.1.3.36) tato dakṣādikānputrānsṛṣṭisādhanatatparān / ebhiḥ putrairidaṃ vyāptaṃ sadevāsuramānuṣam // ### [1.3.37](https://indike.org/pramana/in.purana.narada.1.3.37) bhurbhuvaśca tathā svaśca mahaśvaiva janastathā / tapaśca satyamityevaṃ lokāḥ satyopari sthitāḥ // ### [1.3.38](https://indike.org/pramana/in.purana.narada.1.3.38) atalaṃ vitalaṃ caiva sutalaṃ ca talātalam / mahātalaṃ ca viprendra tato 'dhacca rasātalam // ### [1.3.39](https://indike.org/pramana/in.purana.narada.1.3.39) pātālaṃ ceti saptaiva pātālāni kramādadhaḥ / eṣa sarveṣu lokeṣu lokanāthāṃśca sṛṣṭavān // ### [1.3.40](https://indike.org/pramana/in.purana.narada.1.3.40) kulācalānnadīścāsau tattallokanivāsinām / varttanādīni sarvāṇi yathāyogyaṃmakalpayat // ### [1.3.41](https://indike.org/pramana/in.purana.narada.1.3.41) bhūtale madhyago meruḥ sarvadevasamāśrayaḥ / lokālokaśca bhūmyante tanmadhye satpa sāgarāḥ // ### [1.3.42](https://indike.org/pramana/in.purana.narada.1.3.42) dvīpāśca satpa viprendra dvīpe kulācalāḥ / bāhyā nadyaśca vikhyātā janāścāmarasannibhāḥ // ### [1.3.43](https://indike.org/pramana/in.purana.narada.1.3.43) jambūplakṣābhidhānau ca śālmalaśca kuśastathā / krauñcaśākau puṣkaraśca te sarve devabhūmayaḥ // ### [1.3.44](https://indike.org/pramana/in.purana.narada.1.3.44) ete dvīpāḥ samudraistu satpasatpabhirāvṛtāḥ / lavaṇekṣusurāsarpirdadhikṣīrajalaiḥ samam // ### [1.3.45](https://indike.org/pramana/in.purana.narada.1.3.45) ete dvīpāḥ samudrāśca pūrvasmāduttarerāḥ / jñeyā dviguṇavistarā lokālokāñca parvatāt // ### [1.3.46](https://indike.org/pramana/in.purana.narada.1.3.46) kṣārodadherupattaraṃ yaddhi mādreścaiva dakṣiṇām / jñeyaṃ tadbhārataṃ varṣaṃ sarvakarmaphalapradam // ### [1.3.47](https://indike.org/pramana/in.purana.narada.1.3.47) atra karmāṇi kurvanti trividhāni tu nārada / tatphalaṃ bhujyate caiva bhogabhūmidhanakramāt // ### [1.3.48](https://indike.org/pramana/in.purana.narada.1.3.48) bhārate tu kṛtaṃ karma śubhaṃ vāśubhameva ca / tatphalaṃ kṣayi viprendra bhujyate 'nyatrajantubhiḥ // ### [1.3.49](https://indike.org/pramana/in.purana.narada.1.3.49) adyāpi devā icchanti janma bhāratabhūtale / saṃcitaṃ sumahatpuṇyamakṣayyamamalaṃ śubham // ### [1.3.50](https://indike.org/pramana/in.purana.narada.1.3.50) kadā labhāmahe janma varṣabhāratabhūmiṣu / kadā puṇyena mahatā yāsyāma paramaṃ padam // ### [1.3.51](https://indike.org/pramana/in.purana.narada.1.3.51) dānairvāvividhairyajñaistapobhirvāthavā harim / jagadīśaṃsameṣyāmo nityānandamanāmayam // ### [1.3.52](https://indike.org/pramana/in.purana.narada.1.3.52) yo bhāratabhuvaṃ prāpya viṣṇupūjāparo bhavet / na tasya sadṛśo 'nyo 'sti triṣu lokeṣu nāradā // ### [1.3.53](https://indike.org/pramana/in.purana.narada.1.3.53) harikīrtanaśīlo vā tadbhaktānāṃ piyo 'pi vā / śukṣaṣurvāpi mahataḥ savedyo divijairapi // ### [1.3.54](https://indike.org/pramana/in.purana.narada.1.3.54) haripūjārato nityaṃ bhaktaḥ pūjāsto 'ṣi vā / bhaktocchiṣṭānnasevī ca yāti viṣṇoḥ paraṃ padam // ### [1.3.55](https://indike.org/pramana/in.purana.narada.1.3.55) nārāyaṇeti kṛṣṇeti vāsudeveti yo vadet / ahiṃsādiparaḥ śantiḥ so 'pi vandyaḥ surottamaiḥ // ### [1.3.56](https://indike.org/pramana/in.purana.narada.1.3.56) śiveti nīlakaṇṭheti śaṅkaretica yaḥ smaret / sarvabhūtahito nityaṃ so 'bhyarcyo divijaiḥ smṛtaḥ // ### [1.3.57](https://indike.org/pramana/in.purana.narada.1.3.57) gurubhaktaḥ śivadhyānī svāśramācāratatparaḥ / anasūyuḥśucirdakṣo yaḥ so 'pyarcyaḥsureśvaraiḥ // ### [1.3.58](https://indike.org/pramana/in.purana.narada.1.3.58) brāhmaṇānāṃ hitakaraḥ śradhdāvānvarṇadharmayoḥ / vedavādarato nityaṃ sa jñeyaḥ paṅkipāvanaḥ // ### [1.3.59](https://indike.org/pramana/in.purana.narada.1.3.59) abhedadarśī deveśe nārāyaṇaśivātmake / sarvaṃ yo brahmaṇa nityamasmadādiṣu kā kathā // ### [1.3.60](https://indike.org/pramana/in.purana.narada.1.3.60) goṣu kṣānto brahmacārī paranindāvivarjitaḥ / aparigrahaśī laśca devapūjyaḥ sa nārada // ### [1.3.61](https://indike.org/pramana/in.purana.narada.1.3.61) steyādidoṣavimukhaḥ kṛtajñaḥ satyavāk śuciḥ / paropakāranirataḥ pūjanīyaḥ surāsuraiḥ // ### [1.3.62](https://indike.org/pramana/in.purana.narada.1.3.62) vedārthaśravaṇe buddhiḥ purāṇaśravaṇe tathā / satsaṃge 'pi ca yasyāsti so 'pi vandyaḥ surottamaiḥ // ### [1.3.63](https://indike.org/pramana/in.purana.narada.1.3.63) evamādīnyanekāni karmāṇi śraddhayānvitaḥ / karoti bhārate varṣe saṃbandho 'smābhireva ca // ### [1.3.64](https://indike.org/pramana/in.purana.narada.1.3.64) eteṣvanyatamo vipramātmānaṃ nārabhettu yaḥ / sa eva duṣkṛtirmūḍho nāstyanyo 'smādacetanaḥ // ### [1.3.65](https://indike.org/pramana/in.purana.narada.1.3.65) saṃprāpya bhārate janma satkarma suparāṅmukhaḥ / pīyūṣakalaśaṃ suktvā viṣabhāṇḍamupāśritaḥ // ### [1.3.66](https://indike.org/pramana/in.purana.narada.1.3.66) śrutismṛtyuditairddharmairnātmānaṃ pāvayettu yaḥ / sa evātmavidhātī syātpāpināmagraṇīrmune // ### [1.3.67](https://indike.org/pramana/in.purana.narada.1.3.67) karmabhūmiṃ samāsādya yo na dharmaṃ samācaret / sa ca sarvādhamaḥ prokto vedavidbhirmunīśvara // ### [1.3.68](https://indike.org/pramana/in.purana.narada.1.3.68) śubhaṃ karma samutsṛjya duṣkarmāṇi karoti yaḥ / kāmadhenuṃ parityajya arkakṣīraṃ saṃ mārgati // ### [1.3.69](https://indike.org/pramana/in.purana.narada.1.3.69) evaṃ bhāratabhūbhāgaṃ praśaṃsanti divaukasaḥ / brahmādyā api viprendra svabhogakṣayabhīravaḥ // ### [1.3.70](https://indike.org/pramana/in.purana.narada.1.3.70) tasmātpuṇyatamaṃ jñeyaṃ bhārataṃ varṣamuttamam / devānāṃ durlabhaṃ vāpi sarvakarmaphalapradam // ### [1.3.71](https://indike.org/pramana/in.purana.narada.1.3.71) asminpuṇye ca bhūbhāge yastu satkarmasūdyataḥ / na tasya sadṛśaṃ kaścitriṣu vidyate // ### [1.3.72](https://indike.org/pramana/in.purana.narada.1.3.72) asmiñjāto naro yastu svaṅkarmakṣapaṇodyataḥ / nararupaparicchannaḥ sa harirnātra saṃśayaḥ // ### [1.3.73](https://indike.org/pramana/in.purana.narada.1.3.73) paraṃ lokaphalaṃ prepsuḥ kiryātkarmāṇyatandritaḥ / nivedya haraye bhaktyā tatphalaṃ hyakṣayaṃ smṛtam // ### [1.3.74](https://indike.org/pramana/in.purana.narada.1.3.74) virāgī cetkarmaphaleṣvapi kiñcitra kārayet / arpayetsukṛtaṃ karma prīyatāmitiṃ me hariḥ // ### [1.3.75](https://indike.org/pramana/in.purana.narada.1.3.75) ābrahmabhuvanāllokāḥ punarutpattidāyakāḥ / phalāgṛdhnuḥ karmaṇāṃ tatprātproti paramaṃ padam // ### [1.3.76](https://indike.org/pramana/in.purana.narada.1.3.76) vedoditāni karmāṇi kuryādīśvaratuṣṭaye / yathāśramaṃ tyaktukāmaḥ prānpoti padamavyayam // ### [1.3.77](https://indike.org/pramana/in.purana.narada.1.3.77) niṣkāmo vā sakāmo vā kuryātkarma yathāvidhi / svāśramācāraśūnyaśca patitaḥ procyate budhaiḥ // ### [1.3.78](https://indike.org/pramana/in.purana.narada.1.3.78) sadācāraparo vipro varddhate brahmatejasā / tasya viṣṇuśca tuṣṭaḥ syādbhaktiyuktasya nārada // ### [1.3.79](https://indike.org/pramana/in.purana.narada.1.3.79) bhārate janma saṃprāpya nātmānaṃ tārayetu yaḥ / pacyate niraye dhore sa tvācandrākratārakam // ### [1.3.80](https://indike.org/pramana/in.purana.narada.1.3.80) vāsadevaparo dharmo vāsudevaparaṃ tapaḥ / vāsudevaparaṃ jñānaṃ vāsudevaparā gatiḥ // ### [1.3.81](https://indike.org/pramana/in.purana.narada.1.3.81) vāsudevātmakaṃ sarvaṃ jagatsthāvarajaṅgamam / ābrahmastambaparyantaṃ tasmādanyatra vidyate // ### [1.3.82](https://indike.org/pramana/in.purana.narada.1.3.82) sa eva dhātā tripurāntakaśca sa eva devāsurayajñarupaḥ / sa evabrahmāṇḍamidaṃ tato 'nyanna kiñcidasti vyatiriktarupam // ### [1.3.83](https://indike.org/pramana/in.purana.narada.1.3.83) asmātparaṃ nāparamasti kiñcidyasmādaṇīyānnatathā mahīyān / vyātpaṃ hi tenedamidaṃ vicitraṃ taṃ devadevaṃ praṇametsamīṅyam // ### [1.3.83.p1](https://indike.org/pramana/in.purana.narada.1.3.83.p1) iti śrībṛhannāradīyapurāṇe pūrvabhāge prathamapāde sṛṣṭibharatakhaṇḍaprāśastyabhūgolānāṃ varṇanaṃ nāma tṛtīyo 'dhyāyaḥ ## Linked texts (5) - [Bhāgavatapurāṇa](https://indike.org/pramana/in.purana.bhagavata.1.2.29) — Vyāsa, Sanskrit - [Ṣaṭsandarbha](https://indike.org/pramana/in.sampradaya.vaisnava.gaudiya.siddhanta.satsandarbha.1.5.240) — Jīva Gosvāmin 1555, Sanskrit - [Yoginītantra](https://indike.org/pramana/in.sampradaya.general.sakta.yoginitantra.15.46) — Sanskrit - [Śāktānandataraṅgiṇī](https://indike.org/pramana/in.sampradaya.general.sakta.saktanandatarangini.3.99) — Brahmānanda Giri 1500, Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.3.1) — Sanskrit --- Source: [https://indike.org/pramana/in.purana.narada.1.3](https://indike.org/pramana/in.purana.narada.1.3) · Pramāṇa