[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.40 # Naradapurana 1.40 Nāradapurāṇa 1.40 - **Language:** Sanskrit ## Contents - [1.40.59](https://indike.org/pramana/in.purana.narada.1.40.59) — 1 part ### [1.40.1](https://indike.org/pramana/in.purana.narada.1.40.1) sanaka uvāca ataḥ paraṃ pravakṣyāmi vibhūtiṃ vaiṣṇavīṃ mune / yāṃ śṛṇvatāṃ kīrtayatāṃ sadyaḥ pāpakṣayo bhavet // ### [1.40.2](https://indike.org/pramana/in.purana.narada.1.40.2) vaivasvateṃ'tare pūrvaṃ śakrasya ca bṛhaspateḥ / saṃvādaḥ sumahānāsīttaṃ vakṣyāmi niśāmaya // ### [1.40.3](https://indike.org/pramana/in.purana.narada.1.40.3) ekadā sarvabhogāḍhyo vibudhaiḥ parivāritaḥ / apsarogaṇasaṃkīrṇo bṛhaspatimabhāṣata // ### [1.40.4](https://indike.org/pramana/in.purana.narada.1.40.4) indra uvāca bṛhaspate mahābhāga sarvatattvārthakovida / atītabrahmaṇaḥ kalpe sṛṣṭiḥ kīdṛgvidhā prabho // ### [1.40.5](https://indike.org/pramana/in.purana.narada.1.40.5) indrastu kīdṛśaḥ prokto vivudhāḥ kīdṛśāḥ smṛtāḥ / teṣāṃ ca kīdṛśaṃ karma yathāvadvaktumarhasi // ### [1.40.6](https://indike.org/pramana/in.purana.narada.1.40.6) bṛhaspatiruvāca na jñāyate mayā śakra pūrvedyuścaritaṃ vidheḥ / vartamānadinasyāpi durjñeyaṃ pratibhāti me // ### [1.40.7](https://indike.org/pramana/in.purana.narada.1.40.7) manavaḥ samatītāśca tānvaktumapi na kṣamaḥ / yo vijānāti taṃ te 'dya kathayāmi niśāmaya // ### [1.40.8](https://indike.org/pramana/in.purana.narada.1.40.8) sudharma iti vikhyātaḥ kaścidāste pure tava / bhuñjāno divyabhogāṃśca brahmalokādihāgataḥ // ### [1.40.9](https://indike.org/pramana/in.purana.narada.1.40.9) sa vā eta dvijānāti kathayāmi niśāmaya / evamuktastu guruṇā śakrastena samanvitaḥ // ### [1.40.10](https://indike.org/pramana/in.purana.narada.1.40.10) devatāgaṇasaṃkīrṇaḥ sudharmanilayaṃ yayau // ### [1.40.11](https://indike.org/pramana/in.purana.narada.1.40.11) samāgataṃ devapatiṃ bṛhaspatisamanvitam / dṛṣṭvā yathārhaṃ devarṣe pūjayāmāsa sādaram // ### [1.40.12](https://indike.org/pramana/in.purana.narada.1.40.12) sudharmeṇārcitaḥ śaṅkro dṛṣṭvā tacchriyamuttamām / manasā vismayāviṣṭaḥ provāca vinayānvitaḥ // ### [1.40.13](https://indike.org/pramana/in.purana.narada.1.40.13) indra uvāca atītabrahmakalpasya vṛttāntaṃ vetsi cedbudha / tadākhyāhi samāyāta etatpraṣṭuṃ sayājakaḥ // ### [1.40.14](https://indike.org/pramana/in.purana.narada.1.40.14) gatanidrāṃśca devāṃśca yena jānāsi suvrata / tadvadasvādhikaḥ kasmādasmadbhyo 'pi divi sthitaḥ // ### [1.40.15](https://indike.org/pramana/in.purana.narada.1.40.15) tejasāyaśasā kīrtyā jñānena ca parantapa / dānena vā tapobhirvā kathametādṛśaḥ prabho // ### [1.40.16](https://indike.org/pramana/in.purana.narada.1.40.16) ityukto devarājena sudharmā prahasaṃstadā / provāca vinayāviṣṭaḥ pūrvavṛttaṃ yathāvidhi // ### [1.40.17](https://indike.org/pramana/in.purana.narada.1.40.17) sudharma uvāca caturyugasahasrāṇi brahmaṇo dinamucyate / ekasmin divase śakra manavaśca caturdaśa // ### [1.40.18](https://indike.org/pramana/in.purana.narada.1.40.18) indrāścaturdaśa proktā devāśca vividhāḥ pṛthak / indrāṇāṃ caiva sarveṣāṃ manvādīnāṃ ca vāsava // ### [1.40.19](https://indike.org/pramana/in.purana.narada.1.40.19) tulyatā tejasā lakṣmyā prabhāveṇa balena ca / teṣāṃ nāmāni vakṣyāmi śṛṇuṣva susamāhitaḥ // ### [1.40.20](https://indike.org/pramana/in.purana.narada.1.40.20) svāyaṃbhuvo manuḥ pūrvaṃ tataḥ svārociṣastathā / uttamastāmasaścaiva raivataścākṣuṣastathā // ### [1.40.21](https://indike.org/pramana/in.purana.narada.1.40.21) vaivasvato manuścaiva sūryasāvarṇiraṣṭamaḥ / navamo dakṣasāvarṇiḥ sarvadevahite rataḥ // ### [1.40.22](https://indike.org/pramana/in.purana.narada.1.40.22) daśamo brahmasāvarṇirddharmasāvarṇikastataḥ / tatastu rudrasāvarṇī rocamānastataḥ smṛtaḥ // ### [1.40.23](https://indike.org/pramana/in.purana.narada.1.40.23) bhautyaścaturdaśaḥ prokta ete hi manavaḥ smṛtāḥ / devānindrāṃśca vakṣyāmi śṛṇuṣva vibudharṣabha // ### [1.40.24](https://indike.org/pramana/in.purana.narada.1.40.24) yāmā iti samākhyātā devāḥ svāyaṃbhuveṃ'tare / śacīpatiḥ samākhyātasteṣāmindro mahāpatiḥ // ### [1.40.25](https://indike.org/pramana/in.purana.narada.1.40.25) pārāvatāśca tuṣitā devāḥ svārociṣeṃ'tare / vipaścinnāma devendraṃ sarvasaṃpatsamanvitaḥ // ### [1.40.26](https://indike.org/pramana/in.purana.narada.1.40.26) sudhāmānastathā satyāḥ śivāścāya prartadanāḥ / teṣāmindraḥ suśāntiśca tṛtīye parikīrtitaḥ // ### [1.40.27](https://indike.org/pramana/in.purana.narada.1.40.27) sutāḥ pārāharāścaiva sutyāścāsudhiyastathā / teṣāmindraḥ śivaḥ proktaḥ śakrastāmasakeṃ'tare / vibhānāmā devapatiḥ pañcamaḥ parikīrtitaḥ // ### [1.40.28](https://indike.org/pramana/in.purana.narada.1.40.28) amitābhādayo devāḥ ṣaṣṭhe 'pi ca tathā śṛṇu / āryādyā vibudhāḥ proktāsteṣā mindro manojavaḥ // ### [1.40.29](https://indike.org/pramana/in.purana.narada.1.40.29) ādityavasurudrādyā devā vaivasvataṃ'tare / indraḥ purandaraḥ proktaḥ sarvakāmasamanvitaḥ // ### [1.40.30](https://indike.org/pramana/in.purana.narada.1.40.30) aprameyāśca vibudhāḥ sutapādyāḥ prakīrtitāḥ / viṣṇupūjāprabhāveṇa teṣāmindro baliḥ smṛtaḥ // ### [1.40.31](https://indike.org/pramana/in.purana.narada.1.40.31) pārādyā navame devā indraścādbhuta ucyate / suvāsanādyā vibudhā daśame parikīrtitāḥ // ### [1.40.32](https://indike.org/pramana/in.purana.narada.1.40.32) śāntirnāma ca tatrendraḥ sarvabhogasamanvitaḥ / vihṝṅgṝmādyā devāśca teṣāmindro vṛṣaḥ smṛtaḥ // ### [1.40.33](https://indike.org/pramana/in.purana.narada.1.40.33) ekādaśe dvādaśe tu nibodhakathāyāmi te / krabhuvanāmā ca devendro harinābhāstathā surāḥ // ### [1.40.34](https://indike.org/pramana/in.purana.narada.1.40.34) sutrāmādyāstathā devāstrayodaśatame 'ntare / divaspatirmahāvīryasteṣāmindraḥ prakīrtitaḥ // ### [1.40.35](https://indike.org/pramana/in.purana.narada.1.40.35) caturdaśe cākṣupādyā devā indraḥ śuciḥ smṛtaḥ / evaṃ te manavaḥ proktā indrā devāśca tattvataḥ // ### [1.40.36](https://indike.org/pramana/in.purana.narada.1.40.36) ekasminbrahmadivase svādhikāraṃ prabhuñjate // ### [1.40.37](https://indike.org/pramana/in.purana.narada.1.40.37) lekeṣu sarvasargeṣu sṛṣṭirekavidhā smṛtā / karttāro bahavaḥ saṃti tatsaṃkhyāṃ vetti kovidaḥ // ### [1.40.38](https://indike.org/pramana/in.purana.narada.1.40.38) mayi sthite brahmaloke brahmāṇāṃ bahavo gatāḥ / teṣāṃ saṃkhyā na saṃkhyātu śakto 'smyadya dvijottama // ### [1.40.39](https://indike.org/pramana/in.purana.narada.1.40.39) svargalokamapi prāpya yāvatkālaṃ śṛṇuṣva me / catvāro manavo 'tītā mama śrīścātivistarā // ### [1.40.40](https://indike.org/pramana/in.purana.narada.1.40.40) sthātavyaṃ ca mayātraiva yugakoṭiśataṃ prabho / tataḥ paraṃ gamiṣyāmi karmabhūmiṃ śṛṇuṣva me // ### [1.40.41](https://indike.org/pramana/in.purana.narada.1.40.41) mayā kṛtaṃ purā karma vakṣyāmi tava suvrata / vadatāṃ śṛṇvatāṃ caiva sarvapāpapraṇāśanam // ### [1.40.42](https://indike.org/pramana/in.purana.narada.1.40.42) ahamāṃsa purā śakra gṛdhraḥ pāpo viśeṣataḥ / sthitaśca bhūmibhāge vai amedhyāmiṣabhojanaḥ // ### [1.40.43](https://indike.org/pramana/in.purana.narada.1.40.43) ekadāhaṃ viṣṇugṛhe prākāre saṃsthitaḥ prabho / patito vyādhaśastreṇa sāyaṃ viṣṇorgṛhāṅgaṇe // ### [1.40.44](https://indike.org/pramana/in.purana.narada.1.40.44) mayi kaṇṭhagataprāṇe bhaṣaṇo māṃsalolupaḥ / jagrāha māṃ svavakreṇa śvabhiranyaiścarandrutaḥ // ### [1.40.45](https://indike.org/pramana/in.purana.narada.1.40.45) vahanmāṃ svamukhenaiva bhīto 'nyairbhaṣaṇaistathā / gataḥ pradakṣiṇā kāraṃ viṣṇostanmandiraṃ prabho // ### [1.40.46](https://indike.org/pramana/in.purana.narada.1.40.46) tenaiva tuṣṭimāpanno hyantarātmā jaganmayaḥ / mama cāpi śunaścāpi dattāvanparamaṃ padam // ### [1.40.47](https://indike.org/pramana/in.purana.narada.1.40.47) pradakṣiṇā kāratayā gatasyāpīdṛṃ phalam / saṃprāptaṃ vibudhaśreṣṭha kiṃ punaḥ samyagarcanāt // ### [1.40.48](https://indike.org/pramana/in.purana.narada.1.40.48) ityukto devarājastu sudharmeṇa mahātmanā / manasā prītimāpanno haripūjā rato 'bhavat // ### [1.40.49](https://indike.org/pramana/in.purana.narada.1.40.49) tathāpi nirjarāḥ sarve bhārate janmalipsavaḥ / samarcayanti deveśaṃ nārāyaṇamanāmayam / tānarcayanti satataṃ brahmādyā devatāgaṇāḥ // ### [1.40.50](https://indike.org/pramana/in.purana.narada.1.40.50) nārāyaṇānusmaraṇodyatānāṃ mahātmanāṃ tyaktaparigrahaṇām / kathaṃ bhavatyugrabhavasya bandhastatsaṅgalubdhā yadi muktibhājaḥ // ### [1.40.51](https://indike.org/pramana/in.purana.narada.1.40.51) ye mānavāḥ pratidinaṃ parimuktasaṅgā nārāyaṇaṃ garuḍavāhanamarcayanti / te sarvapāpanikaraiḥ parito vimuktā viṣṇoḥ padaṃ śubhataraṃ pratiyānti hṛṣṭāḥ // ### [1.40.52](https://indike.org/pramana/in.purana.narada.1.40.52) ye mānavā vigatarāgaparāvarajñā nārāyaṇaṃ suraguruṃ satataṃ smaranti / dhyānena tena hatakilbiṣacetanāste mātuḥ payodhararasaṃ na punaḥ pibanti // ### [1.40.53](https://indike.org/pramana/in.purana.narada.1.40.53) ye mānavā harikathāśravaṇāstadoṣāḥ kṛṣṇāṅghrapadmabhajane ratacetanāśca / te vā puṃnati ca jaganti śarīrasaṃgāt saṃbhāṣaṇādapi tato harireva pūjyaḥ // ### [1.40.54](https://indike.org/pramana/in.purana.narada.1.40.54) haripūjāparā yatra mahāntaḥ śuddhabuddhayaḥ / tatraiva sakalaṃ bhadraṃ yathā nimne jalaṃ dvija // ### [1.40.55](https://indike.org/pramana/in.purana.narada.1.40.55) harireva paro bandhurharireva parā gatiḥ / harireva tataḥ pūjyo yataścetanyakāraṇam // ### [1.40.56](https://indike.org/pramana/in.purana.narada.1.40.56) svargāpavargaphaladaṃ sadānandaṃ nirāmayam / pṛjyasya muniśreṣṭha paraṃ śreyo bhaviṣyati // ### [1.40.57](https://indike.org/pramana/in.purana.narada.1.40.57) pūjayanti hariṃ ye tu niṣkāmāḥ śuddhamānasāḥ / teṣāṃ viṣṇuḥ prasannātmā sarvānkāmān prayacchati // ### [1.40.58](https://indike.org/pramana/in.purana.narada.1.40.58) yastvetacchṛṇuyādvāpi paṭhedvā susamāhitaḥ / sa prāpnotyaśvamedhasya phalaṃ munivarottama // ### [1.40.59](https://indike.org/pramana/in.purana.narada.1.40.59) ityetatte samākhyātaṃ haripūjāphalaṃ dvija / saṃkocavistarābhyāṃ tu kimanyatkathayāmi te // ### [1.40.59.p1](https://indike.org/pramana/in.purana.narada.1.40.59.p1) iti śrībṛhannāradīyapurāṇe pūrvabhāge prathamapāde viṣṇumāhātmye catvāriṃśo 'dhyāyaḥ ## Linked texts (4) - [Daśavidhahetunirūpaṇa](https://indike.org/pramana/in.vedanga.kalpa.grhya.vaikhanasa!tatparyacintamani.dasavidhahetunirupana.118.18) — Śrīnivāsamakhin, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.3.1.6) — Sanskrit - [Kṛṣṇāmṛtamahārṇava](https://indike.org/pramana/in.sampradaya.vaisnava.madhva.krsnamrtamaharnava.50) — Madhva, Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.40.73) — Sanskrit --- Source: [https://indike.org/pramana/in.purana.narada.1.40](https://indike.org/pramana/in.purana.narada.1.40) · Pramāṇa