[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.41 # Naradapurana 1.41 Nāradapurāṇa 1.41 - **Language:** Sanskrit ## Contents - [1.41.123](https://indike.org/pramana/in.purana.narada.1.41.123) — 1 part ### [1.41.1](https://indike.org/pramana/in.purana.narada.1.41.1) nārada uvāca ākhyātaṃ bhavatā sarvaṃ mune tattvārtha kovida / idānīṃ śrotumicchāmi yugānāṃ sthitilakṣaṇam // ### [1.41.2](https://indike.org/pramana/in.purana.narada.1.41.2) sanaka uvāca sādhu sādhu mahāprājña mune lokopakāraka / yugadharmānprabakṣyāmi sarvalokopakārakān // ### [1.41.3](https://indike.org/pramana/in.purana.narada.1.41.3) dharmo vivṛddhimāyāti kāle kasmiṃściduttama / tathā vināsamāyāti dharṃma eva mahītale // ### [1.41.4](https://indike.org/pramana/in.purana.narada.1.41.4) kṛtaṃ tretā dvāparaṃ ca kaliśceti caturyugam / divyairdvādaśabhirjñeyaṃ vatsaraistatra sattama // ### [1.41.5](https://indike.org/pramana/in.purana.narada.1.41.5) saṃdhyāsandhyāṃśayuktāni yugāni sadṛśāni vai / kālato veditavyāni ityuktaṃ tattvā darśibhiḥ // ### [1.41.6](https://indike.org/pramana/in.purana.narada.1.41.6) ādye kṛtayugaṃ prāhustatastretāvidhānakam / tataśca dvāparaṃ prāhuḥ kalimantyaṃ viduḥ kramāt // ### [1.41.7](https://indike.org/pramana/in.purana.narada.1.41.7) devadānavagandharvā yakṣarākṣasapannagāḥ / nāsankṛtayuge vipra sarve devasamāḥ smṛtāḥ // ### [1.41.8](https://indike.org/pramana/in.purana.narada.1.41.8) sarve hṛṣṭāśca dharmiṣṭā na tatra krayavikrayau / vedānāṃ ca vibhāgaśca na yuge kṛtasaṃjñake // ### [1.41.9](https://indike.org/pramana/in.purana.narada.1.41.9) brāhmaṇāḥ kṣatriyā vaiśyāḥ śūdrāḥ svācāratatparāḥ / sadā nārāyaṇaparāstapodhyānaparāyaṇāḥ // ### [1.41.10](https://indike.org/pramana/in.purana.narada.1.41.10) kāmādidoṣanirmuktāḥ śamādiguṇatatparāḥ / dharmasādhanacittāśca gatāsūyā adāṃbhikāḥ // ### [1.41.11](https://indike.org/pramana/in.purana.narada.1.41.11) satyavākyaratāḥ sarve caturāśramadharmiṇaḥ / vedādhyayanasaṃpannāḥ sarvaśāstravicakṣaṇāḥ // ### [1.41.12](https://indike.org/pramana/in.purana.narada.1.41.12) caturāśramayuktena karmaṇā kālayoninā / akāmaphalasaṃyogāḥ prayānti paramāṃ gatim // ### [1.41.13](https://indike.org/pramana/in.purana.narada.1.41.13) nārāyaṇaḥ kṛtayuge śuklavarṇaḥ sunirmalaḥ / tretādharmānpravakṣyāmi śṛṇuṣva susamāhitaḥ // ### [1.41.14](https://indike.org/pramana/in.purana.narada.1.41.14) dharmaḥ pāṇḍuratāṃ yāti tretāyāṃ munisattama / haristu raktātāṃ yāti kiñcitkleśānvitā janāḥ // ### [1.41.15](https://indike.org/pramana/in.purana.narada.1.41.15) kriyāyogaratāḥ sarve yajñakarmasu niṣṭitāḥ / satyavratā dhyānaparāḥ sadādhyānaparāyaṇāḥ // ### [1.41.16](https://indike.org/pramana/in.purana.narada.1.41.16) dvipādo vartate dharmo dvāpare ca munīśvara / hariḥ pītatvamāyāti vedaścāpi vibhajyate // ### [1.41.17](https://indike.org/pramana/in.purana.narada.1.41.17) asatyaniratāścāpi kecittatra dvijottamāḥ / brāhmaṇādyāśca varṇāḥ syuḥ kecidrāgādidurguṇāḥ // ### [1.41.18](https://indike.org/pramana/in.purana.narada.1.41.18) kecitsvargāpavargārthaṃ viprayajñānprakurvate / keciddhanādikāmāśca kecitkalmaṣacetasaḥ // ### [1.41.19](https://indike.org/pramana/in.purana.narada.1.41.19) dharmādharmauṃ samau syātāṃ dvāpare viprasattama / adharmasya prabhāveṇa kṣīyante ca prajāstathā // ### [1.41.20](https://indike.org/pramana/in.purana.narada.1.41.20) alpāyuṣo bhaviṣyanti keciñcāpi munīśvara / kecitpuṇyaratān dṛṣṭvā asūyāṃ vipra kurvate // ### [1.41.21](https://indike.org/pramana/in.purana.narada.1.41.21) kalisthitiṃ pravakṣyāmi tacchṛṇuṣva samāhitaḥ / dharmaḥ kaliyuge prāpte pādenaikena vartate // ### [1.41.22](https://indike.org/pramana/in.purana.narada.1.41.22) tāmasaṃ yugamāsādya hariḥ kṛṣṇatvameti ca / yaḥ kaścidapi dharmātmā yajñācārānkaroti ca // ### [1.41.23](https://indike.org/pramana/in.purana.narada.1.41.23) yaḥ kaścidapi puṇyātmā kriyāyogarato bhavet / naraṃ dharmarataṃ dṛṣṭvā sarve 'sūyāṃ prakurvate // ### [1.41.24](https://indike.org/pramana/in.purana.narada.1.41.24) vratācārāḥ praṇaśyanti jñānayajñādayastathā / upadravā bhaviṣyanti hyadharmasya pravatanāt // ### [1.41.25](https://indike.org/pramana/in.purana.narada.1.41.25) asūyāniratāḥ sarve daṃbhācāraparāyaṇāḥ / prajāścālpāyuṣaḥ sarvā bhaviṣyanti kalau yuge // ### [1.41.26](https://indike.org/pramana/in.purana.narada.1.41.26) nārada uvāca yugadharmāḥ samākhyātāstvayā saṃkṣepato mune / kaliṃ vistarato brūhi tvaṃ hi dharmavidāṃ varaḥ // ### [1.41.27](https://indike.org/pramana/in.purana.narada.1.41.27) brāhmaṇāḥ kṣatriyā vaiśyāḥ śūdrāścamunisattama / kimāhārāḥ kimācārāḥ bhaviṣyanti kalau yuge // ### [1.41.28](https://indike.org/pramana/in.purana.narada.1.41.28) sanaka uvāca śṛṇuṣva muniśārdūla sarvalokopakāraka / kalidharmānpravakṣyāmi vistareṇa yathātatham // ### [1.41.29](https://indike.org/pramana/in.purana.narada.1.41.29) sarve dharmā vinaśyanti kṛṣṇe kṛṣṇatvamāgate / tasmātkalirmahāghoraḥ sarvapātakasaṃkaraḥ // ### [1.41.30](https://indike.org/pramana/in.purana.narada.1.41.30) brāhmaṇāḥ kṣatriyā vaiśyāḥ śūdrā dharmaparāṅmukhāḥ / ghore kaliyuge prāpte dvijā vedaparāṅmukhāḥ // ### [1.41.31](https://indike.org/pramana/in.purana.narada.1.41.31) vyājadharmaratāḥ sarve asūyāniratāstathā / vṛthāhṝṅkāraduṣṭāśca satyahīnāśca paṇḍitāḥ // ### [1.41.32](https://indike.org/pramana/in.purana.narada.1.41.32) ahamevādhika iti sarve 'pi vivadanti ca / adharmalolupāḥ sarvale tathā vaitaṃhikā narāḥ // ### [1.41.33](https://indike.org/pramana/in.purana.narada.1.41.33) ataḥ svalpāyuṣaḥ sarve bhaviṣyanti kalau yuge / alpāyuṣṭvānmanuṣyāṇāṃ na vidyāgrahaṇaṃ dvija // ### [1.41.34](https://indike.org/pramana/in.purana.narada.1.41.34) vidyāgrahaṇaśūnyatvādadharmo vartate punaḥ / vyātkrameṇa prajāḥ sarvā mniyante pāpatatparāḥ // ### [1.41.35](https://indike.org/pramana/in.purana.narada.1.41.35) brāhmaṇādyāstathā varṇāḥ saṃkīryante parasparam / kāmakrodhaparā mūḍhā vṛthāsaṃtāpapīḍitāḥ // ### [1.41.36](https://indike.org/pramana/in.purana.narada.1.41.36) śūdratulyā bhaviṣyanti sarve varṇā kalau yuge / uttamā nīcatāṃ yānti nīcāścottamatāṃ tathā // ### [1.41.37](https://indike.org/pramana/in.purana.narada.1.41.37) rājano dravyaniratāstathā hyanyāyavarttinaḥ / pīḍayanti prajāścaiva karairatyarthayojitaiḥ // ### [1.41.38](https://indike.org/pramana/in.purana.narada.1.41.38) śavavāhābhaviṣyanti śūdrāṇāṃ ca dvijātayaḥ / dharmastrīṣvapi gacchanti patayo jāradharmiṇaḥ // ### [1.41.39](https://indike.org/pramana/in.purana.narada.1.41.39) dviṣanti pitaraṃ putrā bhartāraṃ ca striyo 'khilāḥ / paristrīnirataḥ sarve paradravyaparāyaṇāḥ // ### [1.41.40](https://indike.org/pramana/in.purana.narada.1.41.40) matsyāmiṣeṇa jīvanti duhṝntaścāpyajīvikām / ghore kaliyuge vipra sarve pāparatā janāḥ // ### [1.41.41](https://indike.org/pramana/in.purana.narada.1.41.41) satāmasūyāniratāṃ upahāsaṃ prakurvate / sarittīreṣu kuddālairvāpayiṣyanti cauṣadhīḥ // ### [1.41.42](https://indike.org/pramana/in.purana.narada.1.41.42) pṛthvī niṣphalatāṃ yāti bījaṃ puṣpaṃ vinaśyati / veśyālāvaṃyaśīleṣu spṛhā kurvanti yoṣitaḥ // ### [1.41.43](https://indike.org/pramana/in.purana.narada.1.41.43) dharmavikrayiṇo viprāḥ striyaśca bhagavikrayāḥ / vedavikrayakāścānye śūdrācāraratā dvijāḥ // ### [1.41.44](https://indike.org/pramana/in.purana.narada.1.41.44) sādhūnāṃ vidhavānāṃ ca vittānya paharanti ca / na vratāni cariṣyanti brāhmaṇā dravyalolupāḥ // ### [1.41.45](https://indike.org/pramana/in.purana.narada.1.41.45) dharmācāraṃ parityajya vṛthāvādairviṣajjitāḥ / dvijāḥ kurvanti daṃbhārthaṃ pitṛśrāddhādikāḥ kriyāḥ // ### [1.41.46](https://indike.org/pramana/in.purana.narada.1.41.46) apātreṣveva dānāni prayacchanti narādhamāḥ / dugdhalobhanimittena goṣu prītiṃ ca kurvate // ### [1.41.47](https://indike.org/pramana/in.purana.narada.1.41.47) na kurvanti tathā viprāḥ snānaśaucādikāḥ kriyāḥ / apātreṣveva dānāni prayacchanti narādhamāḥ // ### [1.41.48](https://indike.org/pramana/in.purana.narada.1.41.48) sādhunindāparāścaiva vipranindāparāstathā / na kasyāpi mano vipra viṣṇubhaktiparaṃ bhavet // ### [1.41.49](https://indike.org/pramana/in.purana.narada.1.41.49) yajvinaśca dvijānaiva dhanārtharājakiṅkarāḥ / tāḍayanti dvijānduṣṭāḥ kṛṣṇe kṛṣṇatvamāgate // ### [1.41.50](https://indike.org/pramana/in.purana.narada.1.41.50) dānahīnā narāḥ sarve ghore kaliyuge mune / pratigrahaṃ prakurvanti patitānāmapi dvijāḥ // ### [1.41.51](https://indike.org/pramana/in.purana.narada.1.41.51) kaleḥ prathamapāde 'pi viṃnindanti hariṃ narāḥ / yugānte ca harernāma naivakaścidvadiṣyati // ### [1.41.52](https://indike.org/pramana/in.purana.narada.1.41.52) śūdrastrīsaṃganiratā vidhavāsaṃgalolupāḥ / śūdrānnabhoganiratā bhaviṣyanti kalau dvijāḥ // ### [1.41.53](https://indike.org/pramana/in.purana.narada.1.41.53) vihāya vedasanmārgaṃ kupathācārasaṃgatāḥ / pāṣaṇḍāścabhaviśaṣyanticaturāśramanindakāḥ // ### [1.41.54](https://indike.org/pramana/in.purana.narada.1.41.54) na cadvijā tiśuśrūṣāṃ kurvanti caraṇodbhavāḥ / dvijātidharmāngṛhṇanti pākhaṇḍaliṅgino 'dhamāḥ // ### [1.41.55](https://indike.org/pramana/in.purana.narada.1.41.55) kāṣāyaparivītāśca jaṭilā bhasmadhūlitāḥ / śūdrādharmānpravakṣyantī kūṭayuktaparāyaṇāḥ // ### [1.41.56](https://indike.org/pramana/in.purana.narada.1.41.56) dvijāḥsvācāramutḥsṛjyacaparapākānnabhojinaḥ / bhaviṣyantidurātmānaḥ śūdrāḥ pravrajitāstathā // ### [1.41.57](https://indike.org/pramana/in.purana.narada.1.41.57) utkocajīvinastatra bhaviṣyanti kalau mune / dharmaṭīnāstu pāṣaṇḍā kāpālā bhikṣavo 'dhamāḥ // ### [1.41.58](https://indike.org/pramana/in.purana.narada.1.41.58) dharmavidhvaṃsaśīlānāṃ dvijānāṃ dvijasattama / śūdrā dharmānpravakṣyantihyadhiruhyottamāsanam // ### [1.41.59](https://indike.org/pramana/in.purana.narada.1.41.59) ete cānyeca bahavo nagnaraktapaṭādikāḥ / pāṣaṇḍāḥ pracāriṣyanti prāyo vedavidūṣakāḥ // ### [1.41.60](https://indike.org/pramana/in.purana.narada.1.41.60) gītavāditrakuśalāḥ kṣudradharmasamāśrayāḥ / bhaviṣyantikalau prāyo dharmavidhvaṃsakā narāḥ // ### [1.41.61](https://indike.org/pramana/in.purana.narada.1.41.61) alpadravyā vṛthāliṅgā vṛthāhṝṅkāradūṣitāḥ / hartāraṃ paravittānāṃ bhavitāro narādhamāḥ // ### [1.41.62](https://indike.org/pramana/in.purana.narada.1.41.62) pratigrahaparā nityaṃ jagadunmārgaśīlinaḥ / ātmastutiparāḥ sarve paranindāparāstathā // ### [1.41.63](https://indike.org/pramana/in.purana.narada.1.41.63) viśvastaghātinaḥ krūrā dayādharmavivarjitāḥ / bhaviṣyanti narā vipra kalau cādharmabāndhavāḥ // ### [1.41.64](https://indike.org/pramana/in.purana.narada.1.41.64) paramāyuśca bhavitā tadā varṣāṇi ṣoḍaśa / ghore kaliyuge vipra pañcavarṣā prasūyate // ### [1.41.65](https://indike.org/pramana/in.purana.narada.1.41.65) saptavarṣāṣṭavarṣāśca yuvāno 'taḥ pare jarā / svakarmatyāginaḥ sarve kṛtaghnābhinnavṛttayaḥ // ### [1.41.66](https://indike.org/pramana/in.purana.narada.1.41.66) yācakāścadvijā nityaṃ bhaviṣyanti kalau yuge / parāvamānaniratāḥ prahṛṣṭāḥ paraveśmani // ### [1.41.67](https://indike.org/pramana/in.purana.narada.1.41.67) tatraiva nindāniratā vṛthāviśraṃbhiṇo janāḥ / nidāṃ kurvanti satataṃ pitṛmātṛsuteṣu ca // ### [1.41.68](https://indike.org/pramana/in.purana.narada.1.41.68) vadanti vācā dharmāṃśca cetasā pāpalolupāḥ / dhanavidyāvayomattāḥ sarvaduḥkhaparāyaṇāḥ // ### [1.41.69](https://indike.org/pramana/in.purana.narada.1.41.69) vyādhitaskaradurbhikṣaiḥ pīḍitā atimāṃyinaḥ / prapuṣyanti vṛthaivāmī na vicārya ca duṣkṛtam // ### [1.41.70](https://indike.org/pramana/in.purana.narada.1.41.70) dharmamārgapraṇetāraṃ tiraskurvanti pāpinaḥ / dharmakārye rataṃ caiva vṛthāviśraṃbhiṇo janāḥ // ### [1.41.71](https://indike.org/pramana/in.purana.narada.1.41.71) bhaviṣyanti kalau prāpte rājāno mlecchajātayaḥ / śūdrā bhaikṣyaratāścaiva teṣāṃ śuśrūṣaṇe dvijāḥ // ### [1.41.72](https://indike.org/pramana/in.purana.narada.1.41.72) na śiṣyo na guruḥ kaścinna putro lana pitā tathā / na bhāryā na patiścaiva bhavitāro 'tra saṃkare // ### [1.41.73](https://indike.org/pramana/in.purana.narada.1.41.73) kalau gate bhaviṣyanti dhanāḍhyā api yācakāḥ / rasa vikrayiṇaścāpi bhaviṣyanti dvijātayaḥ // ### [1.41.74](https://indike.org/pramana/in.purana.narada.1.41.74) dharmakañcukasaṃvītā muniveṣadharā dvijāḥ / apaṇyavikrayaratā agamyāgāminastathā // ### [1.41.75](https://indike.org/pramana/in.purana.narada.1.41.75) vedanindāparāścaiva dharmaśāstravinindukāḥ / śūdravṛttyaiva jīvanti narakārhā dvijā mune // ### [1.41.76](https://indike.org/pramana/in.purana.narada.1.41.76) anāvṛṣṭabhayaṃ prāptā gaganāsaktadṛṣṭayaḥ / bhaviṣyanti kalau martyāsarve kṣudbhayakātarāḥ // ### [1.41.77](https://indike.org/pramana/in.purana.narada.1.41.77) kandaparṇaphalāhārāstāpaṃsā iva mānavāḥ / ātmānaṃ tārayiṣyanti anāvṛṣṭyātidukhitāḥ // ### [1.41.78](https://indike.org/pramana/in.purana.narada.1.41.78) kāmārtā hrasvadehāśca lubdhā ścādharmatatparāḥ / kalau sarve bhaviṣyanti svalpabhāgyā bahuprajāḥ // ### [1.41.79](https://indike.org/pramana/in.purana.narada.1.41.79) striyaḥ svapoṣaṇaparā veśyā lāvaṇyaśīlikāḥ / pativākyamanādṛtya sadānyagṛhatatparāḥ // ### [1.41.80](https://indike.org/pramana/in.purana.narada.1.41.80) duḥśīlā duṣṭaśīleṣu kariṣyinti sadā spṛhām / asadvṛttā bhaviṣyanti puruṣeṣu kulāṅganāḥ // ### [1.41.81](https://indike.org/pramana/in.purana.narada.1.41.81) caurādibhayabhītāśca kāṣṭayantrāṇi kurvate / durbhikṣakarapīḍābhiratīvopadrutā janāḥ // ### [1.41.82](https://indike.org/pramana/in.purana.narada.1.41.82) godhūmānnayavānnāḍhye deśe yāsyanti duḥkhitāḥ / nidhāya hṛdyakarmaṇi prerayanti vacaḥ śubham // ### [1.41.83](https://indike.org/pramana/in.purana.narada.1.41.83) svakāryasiddhiparyantaṃ bandhutāṃ kurvate janāḥ / bhikṣavaścāva mitrādisnehasaṃbandhayantritāḥ // ### [1.41.84](https://indike.org/pramana/in.purana.narada.1.41.84) annopādhinimittena śiṣyāngṛhṇanti bhikṣavaḥ // ### [1.41.85](https://indike.org/pramana/in.purana.narada.1.41.85) ubhābhyāmatha pāṇibhyāṃ śiraḥkaṇḍūyanaṃ striyaḥ / kurvantyo gurubhartṛāṇāmājñāmullaṅghayanti ca // ### [1.41.86](https://indike.org/pramana/in.purana.narada.1.41.86) pāṣaṇḍālāpaniratāḥ pāṣaṇḍajanasaṃginaḥ / yadā dvijā bhaviṣyanti tadā vṛddhiṃ kalirvrajet // ### [1.41.87](https://indike.org/pramana/in.purana.narada.1.41.87) yadā prajā na yakṣyanti na hoṣyanti dvijātayaḥ / tadaiva tu kalervṛddhiranumeyā vicakṣaṇaiḥ // ### [1.41.88](https://indike.org/pramana/in.purana.narada.1.41.88) adharmavṛddhirbhavitā bāsamṛtyurapi dvijā / sarvadharmeṣu naṣṭeṣu yāti niḥśrīkatāṃ jagat // ### [1.41.89](https://indike.org/pramana/in.purana.narada.1.41.89) evaṃ kaleḥ svarūpaṃ te kathitaṃ viprasattama / haribhaktiparāneṣa na kalirbādhate kvacit // ### [1.41.90](https://indike.org/pramana/in.purana.narada.1.41.90) tataḥ paraṃ kṛtayuge tretāyuge tretāyāṃ dhyānameva ca / dvāpare yajñamevāhurdānamekaṃ kalau yuge // ### [1.41.91](https://indike.org/pramana/in.purana.narada.1.41.91) yatkṛte daśabhirvarṣaistretāyāṃ śaradā ca yat / dvāpare yañca māsena hyahorātreṇa tatkalau // ### [1.41.92](https://indike.org/pramana/in.purana.narada.1.41.92) dhyāyankṛte jayanyajñaistretāyāṃ dvāparer'cayan / yadāpnoti tadāpnoti kalau saṃkīrtya keśavam // ### [1.41.93](https://indike.org/pramana/in.purana.narada.1.41.93) ahorātraṃ harernāma kīrtayanti ca ye narāḥ / kurvanti haripūjāṃ vā na kalirbādhate ca tān // ### [1.41.94](https://indike.org/pramana/in.purana.narada.1.41.94) namo nārāyaṇāyeti kīrtayanti ca ye narāḥ / niṣkāmā vā sakāmā vā na kalirbādhate ca tān // ### [1.41.95](https://indike.org/pramana/in.purana.narada.1.41.95) harināmaparā ye tu ghore kaliyuge dvija / ta eva kṛtakṛtyāśca na kalirbādhate hi tān // ### [1.41.96](https://indike.org/pramana/in.purana.narada.1.41.96) . haripūjāparā ye ca harināmaparāyaṇāḥ / ta eva śivatulyāśca nātra kāryā vicāraṇā // ### [1.41.97](https://indike.org/pramana/in.purana.narada.1.41.97) samastajagadādhāraṃ paramārthasvarupiṇam / ghore kaliyuge prāpte viṣṇuṃ dhyāyanna sīdati // ### [1.41.98](https://indike.org/pramana/in.purana.narada.1.41.98) aho ati subhāgyāste sakṛdvai keśavārcakāḥ / ghore kaliyuge prāpte sarvadharmavivarjite // ### [1.41.99](https://indike.org/pramana/in.purana.narada.1.41.99) nyūnātiriktadoṣāṇāṃ kalau vedoktakarmaṇām / harismaraṇamevātra saṃpūrṇatvavidhāyakam // ### [1.41.100](https://indike.org/pramana/in.purana.narada.1.41.100) hare keśava govinda vāsudeva jaganmaya / itīrayanti ye nityaṃ nahi tānbādhate kaliḥ // ### [1.41.101](https://indike.org/pramana/in.purana.narada.1.41.101) śiva śaṅkara rudreśa nīlakaṇṭha trilocana / iti jalpanti ye vāpi kalistānnāpi bādhate // ### [1.41.102](https://indike.org/pramana/in.purana.narada.1.41.102) mahādeva virūpākṣa gaṅgādhara mṛḍāvyaya / itthaṃ vadanti ye vipra te kṛtārthā na saṃśayaḥ // ### [1.41.103](https://indike.org/pramana/in.purana.narada.1.41.103) janārdana jagannāta pītāṃbaradharācyuta / iti vāpyuñcarantīha na ca teṣāṃ kalerbhayam // ### [1.41.104](https://indike.org/pramana/in.purana.narada.1.41.104) saṃsāre sulabhāḥ puṃsāṃ putradāradhanādayaḥ / ghore kaliyuge vipra haribhaktastu durlabhā // ### [1.41.105](https://indike.org/pramana/in.purana.narada.1.41.105) karmaśraddhāvihīnā ye pāṣaṇḍā vedanindakāḥ / adharmaniratā naiva narakārhā harismṛteḥ // ### [1.41.106](https://indike.org/pramana/in.purana.narada.1.41.106) vedamārgabahiṣṭānāṃ janānāṃ pāpakarmaṇām / manaḥ śuddhivihīnānāṃ harināmnaiva niṣkṛtiḥ // ### [1.41.107](https://indike.org/pramana/in.purana.narada.1.41.107) daivādhīnaṃ jagatsarvamidaṃ sthāvarajaṅgamam / yathāpreritametena tathaiva kuruteṃ dvija // ### [1.41.108](https://indike.org/pramana/in.purana.narada.1.41.108) śaktitaḥ sarvakarmāṇi vedoktāni vidhāya ca / samarpayenmahāviṣṇau nārāyaṇaparāyaṇaḥ // ### [1.41.109](https://indike.org/pramana/in.purana.narada.1.41.109) samarpitāni karmāṇi mahaviṣṇau parātmani / saṃpūrṇatāṃ prayāntyeva harismaraṇamātrataḥ // ### [1.41.110](https://indike.org/pramana/in.purana.narada.1.41.110) haribhaktiratānāṃ ca pāpabandho na jāyate / ato 'tidurlabhā loke haribhaktirdurātmanām // ### [1.41.111](https://indike.org/pramana/in.purana.narada.1.41.111) aho hariparā ye tu kalau ghore bhayaṅkare / te subhāgyā mahātmānaḥ satsaṃgara hitā api // ### [1.41.112](https://indike.org/pramana/in.purana.narada.1.41.112) harismaraṇaniṣṭānāṃ śivanāmaratātmanām / satyaṃ samastakarmāṇi yānti saṃpūrṇatāṃ dvija // ### [1.41.113](https://indike.org/pramana/in.purana.narada.1.41.113) aho bhāgyamaho bhāgyaṃ harināma ratātmanām / tridarśerapi te pūjyāḥ kimanyairbahubhāṣitaiḥ // ### [1.41.114](https://indike.org/pramana/in.purana.narada.1.41.114) tasmātsamastalokānāṃ hitameva mayocyate / harināmaparānmartyānna kalirbādhartakvacit // ### [1.41.115](https://indike.org/pramana/in.purana.narada.1.41.115) harernāmaiva nāmaiva nāmaiva mama jīvanam / kalau nāstyeva nāstyeva gatiranyathā // ### [1.41.116](https://indike.org/pramana/in.purana.narada.1.41.116) sūta uvāca evaṃ sa nārado viprāḥ sanakena prabodhitaḥ / parāṃ nirvṛttimāpannaḥ punaretaduvāca ha // ### [1.41.117](https://indike.org/pramana/in.purana.narada.1.41.117) nārada uvāca bhagavansarvaśāstrajña svayātikaruṇātmanā / prakāśitaṃ jagajjyotiḥ paraṃ brahma sanātanam // ### [1.41.118](https://indike.org/pramana/in.purana.narada.1.41.118) etadeva paraṃ puṇyametadeva paraṃ tapaḥ / yaḥ smaretpuṇḍarīkākṣaṃ sarvapāpavināśanam // ### [1.41.119](https://indike.org/pramana/in.purana.narada.1.41.119) brahmannānājagañcaitadekacitsaṃprakāśitam / tvayoktaṃ tatpratīye 'haṃ kathaṃ dṛṣṭāntamantarā // ### [1.41.120](https://indike.org/pramana/in.purana.narada.1.41.120) tasmādyena yathā brahma pratītaṃ bodhitena tu / tadākhyāhi yathā cittaṃ sīdatsthitimavāpnuyāt // ### [1.41.121](https://indike.org/pramana/in.purana.narada.1.41.121) etacchrutvā vaco viprā nāradasya mahātmanaḥ / sanakaḥ pratyuvācedaṃ smarannārāyaṇaṃ param // ### [1.41.122](https://indike.org/pramana/in.purana.narada.1.41.122) sanaka uvāca brahmannahaṃ dhyānaparo bhaveyaṃ sanandanaṃ pṛccha yathābhilāṣam / vedāntaśāstre kuśalastavāyaṃ nivartayedvā paramāryavandyaḥ // ### [1.41.123](https://indike.org/pramana/in.purana.narada.1.41.123) itīritaṃ samākarṇya sanakasya sa nāradaḥ / sanandanaṃ mokṣadharmānpraṣṭuṃ samupacakrame // ### [1.41.123.p1](https://indike.org/pramana/in.purana.narada.1.41.123.p1) iti śrībṛhannāradīyapurāṇe pūrvabhāge prathamapāde nāmamahātmyannāmaikacatvāriṃśo 'dhyāyaḥ ## Linked texts (7) - [Narasiṃhapurāṇa](https://indike.org/pramana/in.purana.upa.vaisnava.narasimha.54.10) — Sanskrit - [Bhṛgusaṃhitā](https://indike.org/pramana/in.astro.samhita.rsi.bhrgusamhita.36.676) — Bhṛgu, Sanskrit - [Prakīrṇādhikāra](https://indike.org/pramana/in.sampradaya.vaisnava.vaikhanasa.bhrgu.prakirnadhikara.37.16) — Bhṛgu, Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.42.1) — Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.33.1) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.33.1) — Basava, Sanskrit - [Kṛtyasārasamuccaya (Amṛtanātha Jhā Śarman)](https://indike.org/pramana/in.niti.dharma.nibandha.krtya.krtyasarasamuccaya.2.p329) — Amṛtanātha Jhā Śarman 1800, Sanskrit --- Source: [https://indike.org/pramana/in.purana.narada.1.41](https://indike.org/pramana/in.purana.narada.1.41) · Pramāṇa