[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.42 # Naradapurana 1.42 Nāradapurāṇa 1.42 - **Language:** Sanskrit ## Contents - [1.42.113](https://indike.org/pramana/in.purana.narada.1.42.113) — 1 part ### [1.42.1](https://indike.org/pramana/in.purana.narada.1.42.1) śrīnārada uvāca kutaḥ sṛṣṭamidaṃ brahmañjagatsthāvarajaṅgamam / pralaye ca kamabhyeti tanme brūhi sanandana // ### [1.42.2](https://indike.org/pramana/in.purana.narada.1.42.2) sasāgaraḥ sagaganaḥ saśailaḥ sabalāhakaḥ / sabhūmiḥ sāgnipavano loko 'yaṃ kena nirmitaḥ // ### [1.42.3](https://indike.org/pramana/in.purana.narada.1.42.3) kathaṃ sṛṣṭāni bhūtāni kathaṃ varṇavibhaktayaḥ / śaucāśaucaṃ kathaṃ teṣāṃ dharmādharmavidhiḥ katham // ### [1.42.4](https://indike.org/pramana/in.purana.narada.1.42.4) kīdṛśo jīvatāṃ jīvaḥ kva vā gacchanti ye mṛtāḥ / asmāllokādamuṃ lokaṃ sarvaṃ śaṃsatu me bhavān // ### [1.42.5](https://indike.org/pramana/in.purana.narada.1.42.5) sanandana uvāca śṛṇu nārada vakṣyāmi cetihāsaṃ purātanam / bhṛguṇābhihitaṃ śāstraṃ bharadvājāya pṛcchate // ### [1.42.6](https://indike.org/pramana/in.purana.narada.1.42.6) kailāsaśikhare dṛṣṭvā dīpyamānaṃ mahaujasam / bhṛgumaharṣimāsīnaṃ bharadvājo 'nvapṛcchata // ### [1.42.7](https://indike.org/pramana/in.purana.narada.1.42.7) bharadvāja uvāca kathaṃ jīvo vicarati nānāyoniṣu saṃtatam / kathaṃ muktiśca saṃsārājjāyate tasya mānada // ### [1.42.8](https://indike.org/pramana/in.purana.narada.1.42.8) yaśca nārāyaṇaḥ sraṣṭā svayaṃbhūrbhagavansvayam / sevyasevakabhāvena vartete iti tau sadā // ### [1.42.9](https://indike.org/pramana/in.purana.narada.1.42.9) praviśanti laye sarve yamīśaṃ sacarācarāḥ / lokānāṃ ramaṇaḥ so 'yaṃ nirguṇaśca nirañjanaḥ // ### [1.42.10](https://indike.org/pramana/in.purana.narada.1.42.10) anīrdaśyo 'pratarkyaśca kathaṃ jñāyeta kairmune / kathamenaṃ parātmānaṃ kālaśaktiduranvayam // ### [1.42.11](https://indike.org/pramana/in.purana.narada.1.42.11) atarkyacaritaṃ vedāḥ stuvanti kathamādarāt / jīvo jīvatvamullaṅghya kathaṃ brahma samanvayāt // ### [1.42.12](https://indike.org/pramana/in.purana.narada.1.42.12) etadicchāmyahaṃ śrotuṃ tanme brūhi kṛpānirgha / evaṃ sa bhagavānpṛṣṭo bharadvājena saṃśayam // ### [1.42.13](https://indike.org/pramana/in.purana.narada.1.42.13) maharṣirbrahmasaṃkāśaḥ sarvaṃ tasmai tato 'bravīt / bhṛguruvāca mānaso nāma yaḥ pūrvo viśruto ve maharṣibhiḥ // ### [1.42.14](https://indike.org/pramana/in.purana.narada.1.42.14) anādinidhano devastathā tebhyo 'jarāmaraḥ / avyakta iti vikhyātaḥ śāśvato 'thākṣayo 'vyayaḥ // ### [1.42.15](https://indike.org/pramana/in.purana.narada.1.42.15) yataḥ sṛṣṭāni bhūtāni jāyante ca mriyanti ca / so 'mṛjatprathamaṃ devo mahāntaṃ nāma nāmataḥ // ### [1.42.16](https://indike.org/pramana/in.purana.narada.1.42.16) ākāśamiti vikhyātaṃ sarvabhūtadharaḥ prabhuḥ / ākāśādabhavadvāri salilādagnimārutau // ### [1.42.17](https://indike.org/pramana/in.purana.narada.1.42.17) agnimārutasaṃyogāttataḥ samabhavanmahī / tatastejo mayaṃ divyaṃ padmaṃ sṛṣṭaṃ svayaṃbhuvā // ### [1.42.18](https://indike.org/pramana/in.purana.narada.1.42.18) tasmātpadmātsamabhavadvrahmā vedamayo vidhiḥ / ahṝṅkāra iti khyātaḥ sarvabhūtātmabhūtakṛt // ### [1.42.19](https://indike.org/pramana/in.purana.narada.1.42.19) brahmā vai sa mahātejā ya ete pañca dhātavaḥ / śailāstasyāsthisaṃdhāstu medo masiṃ ca medinī // ### [1.42.20](https://indike.org/pramana/in.purana.narada.1.42.20) samudrāstasya rudhiramākāśamudaraṃ tathā / pavanaścaiva niśvāsastejo 'gnirnimnagāḥ śirāḥ // ### [1.42.21](https://indike.org/pramana/in.purana.narada.1.42.21) agnīṣomau ca candrākārai nayane tasya viśrute / nabhaścordhvaśirastasya kṣitiḥ padau bhujau diśaḥ // ### [1.42.22](https://indike.org/pramana/in.purana.narada.1.42.22) durvijñeyo hyacintyātmā siddhairapi na saṃśayaḥ / sa eṣa bhagavānviṣṇurananta iti viśrutaḥ // ### [1.42.23](https://indike.org/pramana/in.purana.narada.1.42.23) sarvabhūtātmabhūtastho durvijñeyo 'kṛtātmabhiḥ / ahṝṅkārasya yaḥ sraṣṭā sarvabhūtabhaghavāyavai / tataḥ samabhavadviśvaṃ pṛṣṭo 'haṃ yadiha tvayā // ### [1.42.24](https://indike.org/pramana/in.purana.narada.1.42.24) bhagdvāja uvāca gaganasya diśāṃ caiva bhūtalasvānilasya ca / kānyatra parimāṇāni saṃśayaṃ chindhi tattvataḥ // ### [1.42.25](https://indike.org/pramana/in.purana.narada.1.42.25) bhṛguruvāca anantametadākāśaṃ siddhadaivatasovitam / ramyaṃ nānāśrayākīrṇaṃ yasyāṃ to nādhigamyate // ### [1.42.26](https://indike.org/pramana/in.purana.narada.1.42.26) ūrdhvaṃ gateradhastāttu candrādityau na paśyataḥ / tatra devāḥ svayaṃ dīptā bhāskarābhāgnivarcasaḥ // ### [1.42.27](https://indike.org/pramana/in.purana.narada.1.42.27) te cāpyantaṃ na paśyanti nabhasaḥ prathitaujasaḥ / durgamatvādanantatvāditi me vada mānada // ### [1.42.28](https://indike.org/pramana/in.purana.narada.1.42.28) upariṣṭopariṣṭāttu pjvaladbhiḥ svayaṃprabhaghaiḥ / niruddhametadākāśaṃ hyaprameyaṃ surairapi // ### [1.42.29](https://indike.org/pramana/in.purana.narada.1.42.29) prathivyante samudrāstu samudrānte tamaḥ smṛtam / tamasoṃ'te jalaṃ prāhurjalasyānte 'gnireva ca // ### [1.42.30](https://indike.org/pramana/in.purana.narada.1.42.30) rasātalānte salilaṃ jalānte pannagādhipāḥ / tadante punarākāśamākāśānte punarjalam // ### [1.42.31](https://indike.org/pramana/in.purana.narada.1.42.31) evamantaṃ bhagavataḥ pramāṇaṃ salilasya ca / agnimārutatoyebhyo durjñeyaṃ daivatairapi // ### [1.42.32](https://indike.org/pramana/in.purana.narada.1.42.32) agnimārutatoyānāṃ varṇā kṣititalasya ca / ākāśasadṛśā hyete bhidyante tattvadaśanāt // ### [1.42.33](https://indike.org/pramana/in.purana.narada.1.42.33) paṭhanti caiva munayaḥ śāstreṣu vividheṣu ca / trailokye sāgare caiva pramāṇaṃ vihitaṃ yathā // ### [1.42.34](https://indike.org/pramana/in.purana.narada.1.42.34) adṛśyo yastvagamyo yaḥ kaḥ pramāṇa mudīrayet / siddhānāṃ devatānāṃ ca parimītā yadā gatiḥ // ### [1.42.35](https://indike.org/pramana/in.purana.narada.1.42.35) tadāgaṇyamanantasya nāmānanteti viśrutam / nāmadheyānurupasya mānasasya mahātmanaḥ // ### [1.42.36](https://indike.org/pramana/in.purana.narada.1.42.36) yadā tu divyaṃ yadrūpaṃ hrasate varddhate punaḥ / ko 'nyastadvedituṃ śakyo yo 'pi syāttadvidho 'paraḥ // ### [1.42.37](https://indike.org/pramana/in.purana.narada.1.42.37) tataḥ puṣkarataḥ saṣṭaḥ sarvajño mūrtimānprabhuḥ / brahmā dharmamayaḥ pūrvaḥ prajāpatiranuttamaḥ // ### [1.42.38](https://indike.org/pramana/in.purana.narada.1.42.38) bharadvāja uvāca puṣkaro yadi saṃbhūto jyeṣṭaṃ bhavati puṣkaram / brahmāṇaṃ pūrvajaṃ cāha bhavānsaṃdeha eva me // ### [1.42.39](https://indike.org/pramana/in.purana.narada.1.42.39) bhṛguruvāca mānasasyeha yā mūrtirbrahmatvaṃ samupāgatā / tasyāsanavidhānārthaṃ pṛthivī padmamucyate // ### [1.42.40](https://indike.org/pramana/in.purana.narada.1.42.40) karṇikā tasya padmasya merurgaganamucchritaḥ / tasya madhye sthito lokānsṛjatyeṣa jagadvidhiḥ // ### [1.42.41](https://indike.org/pramana/in.purana.narada.1.42.41) bharadvāja uvāca prajāvisargaṃ vividhaṃ kathaṃ sa sṛjati prabhuḥ / merumadhye sthito brahmā tadvahirdvijasattama // ### [1.42.42](https://indike.org/pramana/in.purana.narada.1.42.42) bhṛguruvāca prajāvisargaṃ vividhaṃ mānaso manasāsṛjat / saṃrakṣaṇārthaṃ bhūtānāṃ sṛṣṭaṃ prathamato jalam // ### [1.42.43](https://indike.org/pramana/in.purana.narada.1.42.43) yatprāṇāḥ sarvabhūtānāṃ sṛṣṭaṃ prathamato jalam / yatprāṇāḥ sarvabhūtānāṃ varddhante yena ca prajāḥ // ### [1.42.44](https://indike.org/pramana/in.purana.narada.1.42.44) parityaktāśca na śyanti tenadaṃ sarvamāvṛttam / pṛthivī parvatā meghā mūrtimantaśca ye pare / sarvaṃ tadvāruṇaṃ jñeyamāpastastaṃbhire punaḥ // ### [1.42.45](https://indike.org/pramana/in.purana.narada.1.42.45) bharadvāja uvāca kathaṃ salilamutpannaṃ kathaṃ caivāgnimārutau / kathaṃ vā medinī sṛṣṭetyatra me saṃśayo mahān // ### [1.42.46](https://indike.org/pramana/in.purana.narada.1.42.46) bhṛguruvāca brahmakalpe purā brahman brahmarṣīṇāṃ samāgame / lokasaṃbhavasaṃdehaḥ samutpanno mahātmanām // ### [1.42.47](https://indike.org/pramana/in.purana.narada.1.42.47) te 'tiṣṭandhyānamālaṃbya maunamāsthāya niścalāḥ / tyaktāhārāḥ sparddhamānā divyaṃ virṣaśataṃ dvijāḥ // ### [1.42.48](https://indike.org/pramana/in.purana.narada.1.42.48) teṣāṃ brahmamayī vāṇī sarveṣāṃ śrotramāgamat / divyā sarasvatī tatra saṃbabhūva nabhastalāt // ### [1.42.49](https://indike.org/pramana/in.purana.narada.1.42.49) purāstimitamākāśamanantamacalopamam / naṣṭacandrārkapavanaṃ prasuptamiva saṃbabhau // ### [1.42.50](https://indike.org/pramana/in.purana.narada.1.42.50) tataḥ salilamutpannaṃ tamasīva tamaḥ param / tasmāñca salilotpīḍādudatiṣṭata mārutaḥ // ### [1.42.51](https://indike.org/pramana/in.purana.narada.1.42.51) yathābhavanamacchidraṃ niḥśabdamiva lakṣyate / tañcābhasā pūryamāṇaṃ saśabdaṃ kurute 'nilaḥ // ### [1.42.52](https://indike.org/pramana/in.purana.narada.1.42.52) tathā salilasaṃruddhe nabhasoṃ'taṃ nirantare / bhittvārṇavatalaṃ vāyuḥ samutpatati ghoṣavān // ### [1.42.53](https://indike.org/pramana/in.purana.narada.1.42.53) eṣu vā carate vāyurarṇavotpīḍasaṃbhavaḥ / ākāśasthānamāsādya praśāntiṃ nādhigacchati // ### [1.42.54](https://indike.org/pramana/in.purana.narada.1.42.54) tasminvāyvambusaṃgharṣe dīptatejā mahābalaḥ / prādurāsīdūrdhvaśikhaḥ kṛtvā nistimiraṃ tamaḥ // ### [1.42.55](https://indike.org/pramana/in.purana.narada.1.42.55) agniḥ pavanasaṃyuktaḥ khaṃ samākṣipate jalam / tadagnivāyusaṃparkāddhanatvamupapadyate // ### [1.42.56](https://indike.org/pramana/in.purana.narada.1.42.56) tasyākāśaṃ nipatitaḥ snehāttiṣṭati yo 'paraḥ / sa saṃghātatvamāpanno bhūmitvamanugacchati // ### [1.42.57](https://indike.org/pramana/in.purana.narada.1.42.57) rasānāṃ sarvagandhānāṃ snehānāṃ prāṇināṃ tathā / bhūmiryo niriyaṃ jñeyā yasyāḥ sarvaṃ prasūyate // ### [1.42.58](https://indike.org/pramana/in.purana.narada.1.42.58) bharadvāja uvāca ya ete dhātavaḥ pañca rakṣyā yānasṛjatprabhuḥ / āvṛtā yairime lokā mahābhūtābhisaṃjñitaiḥ // ### [1.42.59](https://indike.org/pramana/in.purana.narada.1.42.59) yadāsṛjatsahasrāṇi bhūtānāṃ sa mahāmatiḥ / paścātteṣveva bhūtatvaṃ kathaṃ samupapadyate // ### [1.42.60](https://indike.org/pramana/in.purana.narada.1.42.60) bhṛguruvāca amitāni mahāṣṭāni yānti bhūtāni saṃbhavam / atasteṣāṃ mahābhūtaśabdo 'yamupapadyate // ### [1.42.61](https://indike.org/pramana/in.purana.narada.1.42.61) ceṣṭā vāyuḥ khamākāśamūṣmāgniḥ salilaṃ dravaḥ / pṛthivī cātra saṃghātaḥ śarīraṃ pāñcabhautikam // ### [1.42.62](https://indike.org/pramana/in.purana.narada.1.42.62) ityataḥ pañcabhiryuktairyuktaṃ sthāvarajaṅgamam / śrotre ghrāṇo rasaḥ sparśo dṛṣṭiścendriyasaṃjñitāḥ // ### [1.42.63](https://indike.org/pramana/in.purana.narada.1.42.63) bharadvāja uvāca pañcabhiryadi bhūtaistu yuktāḥ sthāvarajaṅgamāḥ / sthāvarāṇāṃ na dṛśyante śarīre pañca dhātavaḥ // ### [1.42.64](https://indike.org/pramana/in.purana.narada.1.42.64) anūṣmaṇāmaceṣṭānāṃ ghanānāṃ caiva tattvataḥ / vṛkṣāṇāṃ nopalabhyante śarīre pañca dhātavaḥ // ### [1.42.65](https://indike.org/pramana/in.purana.narada.1.42.65) va śṛṇvanti na paśyanti na gandharasavedinaḥ / na ca sparśaṃ hi jānanti te kathaṃ pañca dhātavaḥ // ### [1.42.66](https://indike.org/pramana/in.purana.narada.1.42.66) adravatvādanignitvādabhūmitvādavāyutaḥ / ākāśasyāprameyatvādṛkṣāṇāṃ nāsti bhautikam // ### [1.42.67](https://indike.org/pramana/in.purana.narada.1.42.67) bhṛguruvāca ghanānāmapi vṛkṣaṇāmākāśo 'sti na saṃśayaḥ / teṣāṃ puṣpapalavyaktirnityaṃ samupapadyate // ### [1.42.68](https://indike.org/pramana/in.purana.narada.1.42.68) ūṣmato mlāyate parṇaṃ tvakphalaṃ puṣpameva ca / mlāyate śīryate cāpi sparśastenātra vidyate // ### [1.42.69](https://indike.org/pramana/in.purana.narada.1.42.69) vāyyagnyaśaninirdhoṣaiḥ phalaṃ puṣpaṃ viśīryate / śrotreṇa gṛhyate śabdastasmācchṛṇvanti pādapāḥ // ### [1.42.70](https://indike.org/pramana/in.purana.narada.1.42.70) vallī veṣṭayate vṛkṣānsarvataścaiva gacchati / nahyadṛṣṭaśca mārgo 'sti tasmātpaśyanti pādapāḥ // ### [1.42.71](https://indike.org/pramana/in.purana.narada.1.42.71) puṇyāpuṇyaistathā gadhairdhūpaiśca vividhairapi / arogāḥ puṣpitāḥ saṃti tasmājjighranti pādapāḥ // ### [1.42.72](https://indike.org/pramana/in.purana.narada.1.42.72) sukhaduḥkhayorgrahaṇācchinnasya ca virohaṇāt / jīvaṃ paśyāmi vṛkṣāṇāmacaitanyaṃ na vidyate // ### [1.42.73](https://indike.org/pramana/in.purana.narada.1.42.73) tena tajjalamādatte jarayatyagnimārutau / āhārapariṇāmāñca snaho vṛddhiśca jāyate // ### [1.42.74](https://indike.org/pramana/in.purana.narada.1.42.74) jaṅgamānāṃ ca sarveṣāṃ śarīre paṃñca dhātavaḥ / pratyekaśaḥ prabhidyante yaiḥ śarīraṃ viceṣṭate // ### [1.42.75](https://indike.org/pramana/in.purana.narada.1.42.75) tvak ca māṃsaṃ tathāsthīni majjā snāyuśca pañcamaḥ / ityetadiha saṃghātaṃ śarīre pṛthivīmaye // ### [1.42.76](https://indike.org/pramana/in.purana.narada.1.42.76) tejo hyagnistathā krodhaścakṣuruṣmā tathaiva ca / agnirjanayate yañca pañcāgneyāḥ śarīriṇaḥ // ### [1.42.77](https://indike.org/pramana/in.purana.narada.1.42.77) śrotraṃ ghrāṇaṃ tathāsyaṃ ca hṛdayaṃ koṣṭameva ca / ākāśātprāṇināmete śarīre pañca dhātavaḥ // ### [1.42.78](https://indike.org/pramana/in.purana.narada.1.42.78) śleṣmā pittamatha svedo vasā śoṇitameva ca / ityāpaḥ pañcadhā dehe bhavanti prāṇināṃ sadā // ### [1.42.79](https://indike.org/pramana/in.purana.narada.1.42.79) prāṇātprīṇayate prāṇī vyānāvdyāyacchate tathā // ### [1.42.80](https://indike.org/pramana/in.purana.narada.1.42.80) gacchatyapāno 'dhaścaiva samāno hyadyavasthitaḥ / udānāducchvasitīti pañca (prati)bhadāñca bhāṣate / ityete vāyavaḥ pañca veṣṭayantīhadehinam // ### [1.42.81](https://indike.org/pramana/in.purana.narada.1.42.81) bhūmergandhaguṇānvetti rasaṃ cādūbhyaḥ śarīravān / tasya gandhasya vakṣyāmi vistarābhihitānguṇān // ### [1.42.82](https://indike.org/pramana/in.purana.narada.1.42.82) iṣṭaścānuṣṭagandhaśca madhuraḥ kaṭureva ca / nirhārī saṃhataḥ snigdho rukṣo viśada eva ca // ### [1.42.83](https://indike.org/pramana/in.purana.narada.1.42.83) evaṃ navavidho jñeyaḥ pārthivo gandhavistaraḥ / jyotiḥ paśyati cakṣurbhyaḥ sparśaṃ vetti ca vāyunā // ### [1.42.84](https://indike.org/pramana/in.purana.narada.1.42.84) śabdaḥ sparśaśca rūpaṃ ca rasaścāpi guṇāḥ smṛtāḥ / rasajñānaṃ tu vakṣyāmi tanme nigadataḥ śṛṇu // ### [1.42.85](https://indike.org/pramana/in.purana.narada.1.42.85) raso bahuvidhaḥ prokta ṛṣibhiḥ prathitātmabhiḥ / madhuro lavaṇastiktaḥ kaṣāyo 'mlaḥ kaṭustathā // ### [1.42.86](https://indike.org/pramana/in.purana.narada.1.42.86) eṣa ṣaḍidhavistāro raso vārimayaḥ smṛtaḥ / śabdaḥ sparśaśca rūpaśca triguṇaṃ jyotirucyate // ### [1.42.87](https://indike.org/pramana/in.purana.narada.1.42.87) jyotiḥ paśyati rūpāṇi rūpaṃ ca bahudhā smṛtam / hrasvo dīrdhastathā sthūlaścaturasro 'ṇuvṛttavān // ### [1.42.88](https://indike.org/pramana/in.purana.narada.1.42.88) śuklaḥ kṛṣṇastathā rakto nīlaḥ pīto 'ruṇastathā / kaṭhinaścikkaṇaḥ ślakṣṇaḥ picchilo mṛdu dāruṇaḥ // ### [1.42.89](https://indike.org/pramana/in.purana.narada.1.42.89) evaṃ ṣoḍaśavistāro jyotīrupaguṇaḥ smṛtaḥ / tatraikaguṇamākāśaṃ śabda ityeva tatsmṛtam // ### [1.42.90](https://indike.org/pramana/in.purana.narada.1.42.90) tasya śabdasya vakṣyāmi vistaraṃ vividhātmakam / ṣaḍjo ṛṣabhagāndhārau madhyamodhaivatastathā // ### [1.42.91](https://indike.org/pramana/in.purana.narada.1.42.91) pañcamaścāpi vijñeyastathā cāpi niṣādavān / eṣa saptavidhaḥ prokto guṇa ākāśasaṃbhavaḥ // ### [1.42.92](https://indike.org/pramana/in.purana.narada.1.42.92) aiśvaryyeṇa tu sarvatra sthito 'pi payahādiṣu / mṛdaṅgabherīśaṅkhānāṃ stanayitno rathasya ca // ### [1.42.93](https://indike.org/pramana/in.purana.narada.1.42.93) evaṃ bahuvidhākāraḥ śabda ākāśasaṃbhavaḥ / vāyavyastu guṇaḥ sparśaḥ sparśaśca bahudhā smṛtaḥ // ### [1.42.94](https://indike.org/pramana/in.purana.narada.1.42.94) uṣṇaḥ śītaḥ sukhaṃ duḥkhaṃ snigdho viśada eva ca / tathā kharo mṛduḥ ślakṣṇo lavurgurutaro 'pi ca // ### [1.42.95](https://indike.org/pramana/in.purana.narada.1.42.95) śabdasparśau tu vijñeyau dviguṇau vāyurityuta / evamekādaśavidho vāyavyo guṇa ucyate // ### [1.42.96](https://indike.org/pramana/in.purana.narada.1.42.96) ākāśajaṃ śabdamāhurebhirvāyuguṇaiḥ saha / avyāhataiścetayate naveti viṣamā gatiḥ // ### [1.42.97](https://indike.org/pramana/in.purana.narada.1.42.97) āpyāyante ca te nityaṃ dhātavastaistu dhātubhiḥ / āpo 'gnirmāruścaiva nityaṃ jāgrati dehiṣu // ### [1.42.98](https://indike.org/pramana/in.purana.narada.1.42.98) mūlamete śarīrasya vyāpya prāṇāniha sthitāḥ / pārthivaṃ dhātumāsādya yathā ceṣṭayate balī // ### [1.42.99](https://indike.org/pramana/in.purana.narada.1.42.99) śrito mūrddhānamagnistu śarīraṃ paripālayet / prāṇo mūrddhani vāgnau ca vartamāno viceṣṭate // ### [1.42.100](https://indike.org/pramana/in.purana.narada.1.42.100) sa jantuḥ sarvabhūtātmā puruṣaḥ sa sanātanaḥ / mano buddhirahṝṅkāro bhūtāni viṣayaśca saḥ // ### [1.42.101](https://indike.org/pramana/in.purana.narada.1.42.101) evaṃ tviha sa sarvatra prāṇaistu paripālyate / pṛṣṭatastu samānena svāṃ svāṃ gatimupāśritaḥ // ### [1.42.102](https://indike.org/pramana/in.purana.narada.1.42.102) vastimūlaṃ gudaṃ caiva pāvakaṃ samupāśritaḥ / vahanmūtraṃ purīṣaṃ vāpyapānaḥ parivartate // ### [1.42.103](https://indike.org/pramana/in.purana.narada.1.42.103) prayatne karmaniyame yaca ekastriṣu vartate / udāna iti taṃ prāhuradhyātmajñānakovidāḥ // ### [1.42.104](https://indike.org/pramana/in.purana.narada.1.42.104) saṃdhiṣvapi ca sarveṣu saṃniviṣṭastathānilaḥ / śarīreṣu manuṣyāṇāṃ vyāna ityupadiśyate // ### [1.42.105](https://indike.org/pramana/in.purana.narada.1.42.105) bāhuṣvagnistu vitataḥ samānena samīritaḥ / rasānvāru doṣāṃśca vartayannati ceṣṭate // ### [1.42.106](https://indike.org/pramana/in.purana.narada.1.42.106) apānaprāṇayormadhye prāṇāpānasamīhitaḥ / samanvitastvadhiṣṭānaṃ samyak pacati pāvakaḥ // ### [1.42.107](https://indike.org/pramana/in.purana.narada.1.42.107) āspaṃhi pāyuparyantamante syādgudasaṃjñite / retastasmātprajāyante sarvasrotāṃsi dehinām // ### [1.42.108](https://indike.org/pramana/in.purana.narada.1.42.108) prāṇānāṃ sannipātāśca sannipātaḥ prajāyate / ūṣmā cāgirīti jñeyo yo 'nnaṃ pacati dehinām // ### [1.42.109](https://indike.org/pramana/in.purana.narada.1.42.109) agnivegavahaḥ prāṇo gudānte pratihanyate / sa ūrdhvamāgamya punaḥ samutkṣipati pāvakam // ### [1.42.110](https://indike.org/pramana/in.purana.narada.1.42.110) pakvāśayastvadho nābhyā ūrdhvamāmāśayaḥ smṛtaḥ / nābhimūle śarīrasya sarve prāṇāśca saṃsthitāḥ // ### [1.42.111](https://indike.org/pramana/in.purana.narada.1.42.111) prasthitā hṛdayātsarve tiryagūrdhdamadhastathā / vahṝntyannarasānnāḍyo daśaprāṇapracoditāḥ // ### [1.42.112](https://indike.org/pramana/in.purana.narada.1.42.112) eṣa mārgo 'pi yogānāṃ yena gacchanti tatpadam / jitaklamāḥ samā dhīrā mūrddhanyātmānamādadhan // ### [1.42.113](https://indike.org/pramana/in.purana.narada.1.42.113) evaṃ sarveṣu vihitaprāṇāpāneṣu dehinām / tasminsamidhyate nityamagniḥ sthālyāmivāhitaḥ // ### [1.42.113.p1](https://indike.org/pramana/in.purana.narada.1.42.113.p1) iti śrībṛhannāradīyapurāṇe pūrvabhāge dvitīyapāde bhṛgubharadvājasaṃvāde jagadutpattivarṇanaṃ nāma dvicatvāriṃśo 'dhyāyaḥ ## Linked texts (4) - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.12.182.1) — Sanskrit - [Sarvasiddhāntasaṅgraha](https://indike.org/pramana/in.darsana.all.sarvasiddhantasangraha.11.p2.31) — Śaṅkara, Sanskrit - [Skanda Purāṇa (Kumāra Kavi)](https://indike.org/pramana/in.purana.skandapurana.2.2) — Kumāra Kavi, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.27.p169) — Lakṣmīdhara Bhaṭṭa, Sanskrit --- Source: [https://indike.org/pramana/in.purana.narada.1.42](https://indike.org/pramana/in.purana.narada.1.42) · Pramāṇa