[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.43 # Naradapurana 1.43 Nāradapurāṇa 1.43 - **Language:** Sanskrit ## Contents - [1.43.127](https://indike.org/pramana/in.purana.narada.1.43.127) — 1 part ### [1.43.1](https://indike.org/pramana/in.purana.narada.1.43.1) bharadvāja uvāca yadi prāṇapatirvāyurvāyureva viceṣcate / śvasityābhāṣate caiva tato jīvo nirarthakaḥ // ### [1.43.2](https://indike.org/pramana/in.purana.narada.1.43.2) ya ūṣmabhāva āgneyo vahninaivopalabhyate / agnirjarayate caitattadā jīvo nirarthakaḥ // ### [1.43.3](https://indike.org/pramana/in.purana.narada.1.43.3) jantoḥ pramniyamāṇasya jīvo naivopalabhyate / vāyureva jahātyenamūṣmabhāvaśca naśyati // ### [1.43.4](https://indike.org/pramana/in.purana.narada.1.43.4) yadi vāthumayo jīvaḥ saṃśleṣo yadi vāyunā / vāyumañjalavatpaśyedgacchetsaha marudguṇaiḥ // ### [1.43.5](https://indike.org/pramana/in.purana.narada.1.43.5) saṃśleṣo yadi vā tena yadi tasmātpraṇaśyati / mahārṇavavimuktatvādanyatsalilabhājanam // ### [1.43.6](https://indike.org/pramana/in.purana.narada.1.43.6) kṛpe vā salilaṃ dadyātpradīpaṃ vā hutāśane / kṣipraṃ praviśya naśyeta yathā naśyatyasau tathā // ### [1.43.7](https://indike.org/pramana/in.purana.narada.1.43.7) pañcadhāraṇake hyasmiñcharīre jīvitaṃ kṛtam / yeṣāmanyatarābhāvāñcaturṇāṃ nāsti saṃśayaḥ // ### [1.43.8](https://indike.org/pramana/in.purana.narada.1.43.8) naśyantyāpo hyanāhārādvāyurucchvāsanigrahāt / naśyate koṣṭabhedārthamagrirnaśyatyabhojanāt // ### [1.43.9](https://indike.org/pramana/in.purana.narada.1.43.9) vyādhitraṇaparikleśairmedinī caiva śīryate / pīḍite 'nyatare hyeṣāṃ saṃghāto yāti pañcatām // ### [1.43.10](https://indike.org/pramana/in.purana.narada.1.43.10) tasminpañcatvamāpanne jīvaḥ kimanudhāvati / kiṃ khedayati vā jīvaḥ kiṃ śṛṇoti bravīti ca // ### [1.43.11](https://indike.org/pramana/in.purana.narada.1.43.11) eṣā gauḥ paralokasthaṃ tārayiṣyatimāmiti / yo dattvā mriyate jantuḥ sā gauḥ kaṃ tārayiṣyati // ### [1.43.12](https://indike.org/pramana/in.purana.narada.1.43.12) gauścapratigrahītā ca dātā caiva samaṃ yadā / ihaiva vilayaṃ yānti kutasteṣāṃ samāgamaḥ // ### [1.43.13](https://indike.org/pramana/in.purana.narada.1.43.13) vihagairupabhuktasya śailāgrātpatitasya ca / agninā copayuktasya kutaḥ saṃjīvanaṃ punaḥ // ### [1.43.14](https://indike.org/pramana/in.purana.narada.1.43.14) chinnasya yadi vṛkṣasya na mūlaṃ pratirohati / jīvanyasya pravartante mṛtaḥ kva punareṣyati // ### [1.43.15](https://indike.org/pramana/in.purana.narada.1.43.15) jīvamātraṃ purā sṛṣṭaṃ yadetatparivartate / mṛtāḥ praṇaśyanti bījādbījaṃ praṇaśyati // ### [1.43.16](https://indike.org/pramana/in.purana.narada.1.43.16) iti me saṃśayo brahmanhṛdaye paridhāvati / ta nivartaya sarvajña yatastvāmāśrito hyaham // ### [1.43.17](https://indike.org/pramana/in.purana.narada.1.43.17) sanandana uvāca evaṃ pṛṣṭastadānena sa bhṛgarbrahmaṇaḥ sutaḥ / punarāhu muniśreṣṭha tatsaṃdehanivṛttaye // ### [1.43.18](https://indike.org/pramana/in.purana.narada.1.43.18) bhṛguruvāca na prāṇāḥ santi jīvasya dattasya ca kṛtasya ca / yāti dehāntaraṃ prāṇī śarīraṃ tu viśīryate // ### [1.43.19](https://indike.org/pramana/in.purana.narada.1.43.19) na śarīrāśrito jīvastasminnaṣṭe praṇaśyati / samidhāmagnidagdhānāṃ yathāgrirddaśyate tathā // ### [1.43.20](https://indike.org/pramana/in.purana.narada.1.43.20) bharadvāja uvāca agneryathā tasya nāśāttadvināśo na vidyate / indhanasyopayogānte sa vāgnirnopalabhyate // ### [1.43.21](https://indike.org/pramana/in.purana.narada.1.43.21) naśyatītyeva jānāmi śāntamagnimanindhanam / gatiryasya pramāṇaṃ vā saṃsthānaṃ vā na vidyate // ### [1.43.22](https://indike.org/pramana/in.purana.narada.1.43.22) bhṛguruvāca samidhāmupayogānte sa cāgnirnopalabhyate / naśyatītyeva jānāmi śāntamagnimanindhanam // ### [1.43.23](https://indike.org/pramana/in.purana.narada.1.43.23) gatiryasya pramāṇaṃ vā saṃsthānaṃ vā na vidyate / samidhāmupayogānte yathāgnirnopalabhyate // ### [1.43.24](https://indike.org/pramana/in.purana.narada.1.43.24) ākāśānugatatvāddhi durgrāhyo hi nirāśrayaḥ / tathā śarīrasaṃtyāge jīvo hyākāśavatsthitaḥ // ### [1.43.25](https://indike.org/pramana/in.purana.narada.1.43.25) na naśyate susūkṣmatvādyathā jyotirna saṃśayaḥ / prāṇāndhārayate hyagniḥ sa jīva upadhāryatām // ### [1.43.26](https://indike.org/pramana/in.purana.narada.1.43.26) vāyusaṃdhāraṇo hyagnirnaśyatyucchvāsanigrahāt / tasminnaṣṭe śarīrāgnau tato dehamacetanam // ### [1.43.27](https://indike.org/pramana/in.purana.narada.1.43.27) patitaṃ yāti bhūmitvamayanaṃ tasya hi kṣitiḥ / jagamānāṃ hi sarveṣāṃ sthāvarāṇāṃ tathaiva ca // ### [1.43.28](https://indike.org/pramana/in.purana.narada.1.43.28) ākāśaṃ pavano 'nveti jyotistamanugacchati / teṣāṃ trayāṇāmekatvādvayaṃ bhūmau pratiṣṭitam // ### [1.43.29](https://indike.org/pramana/in.purana.narada.1.43.29) yatra khaṃ tatra pavanastatrāgniryatra mārutaḥ / amūrtayaste vijñeyā mūrtimantaḥ śarīriṇaḥ // ### [1.43.30](https://indike.org/pramana/in.purana.narada.1.43.30) bharadvāja uvāca yadyagnimārutau bhūmiḥ khamāpaśca śarīriṣu / jīvaḥ kiṃlakṣaṇastatretyetadācakṣva me 'nagha // ### [1.43.31](https://indike.org/pramana/in.purana.narada.1.43.31) pañcātmake pañcaratau pañcavijñānasaṃjñake / śarīre prāṇināṃ jīvaṃ vettubhicchāmi yādṛśam // ### [1.43.32](https://indike.org/pramana/in.purana.narada.1.43.32) māṃsaśoṇitasaṃghāte medaḥsnāyvasthisaṃcaye / bhidyamāne śarīre tu jīvo naivopalabhyate // ### [1.43.33](https://indike.org/pramana/in.purana.narada.1.43.33) yadyajīvaśarīraṃ tu pañcabhūtasamanvitam / śarīre mānase duḥkha kastāṃ vedayate rujam // ### [1.43.34](https://indike.org/pramana/in.purana.narada.1.43.34) śṛṇoti kathitaṃ jīvaḥ karṇābhyāṃna śṛṇoti tat / maharṣe manasi vyagre tasmājjīvo nirarthakaḥ // ### [1.43.35](https://indike.org/pramana/in.purana.narada.1.43.35) sarve paśyanti yadṛśyaṃ manoyuktena cakṣuṣā / manasi vyākule cakṣuḥ paśyannapi na paśyati // ### [1.43.36](https://indike.org/pramana/in.purana.narada.1.43.36) na paśyati na cāghrāti na śṛṇoti na bhāṣate / na ca smarśamasau vetti nidrāvaśagataḥ punaḥ // ### [1.43.37](https://indike.org/pramana/in.purana.narada.1.43.37) hṛṣyati kruddhyate ko 'tra śocatyudvijate ca kaḥ / icchati dhyāyati dveṣṭi vākyaṃ vācayate ca kaḥ // ### [1.43.38](https://indike.org/pramana/in.purana.narada.1.43.38) bhṛguruvāca taṃ pañcasādhāraṇamatra kiñciccharīrameko vahateṃ'tarātmā / sa vetti gandhāṃśca rasāñchutīśca sparśaṃ ca rūpaṃ ca guṇāṃśca ye 'lye // ### [1.43.39](https://indike.org/pramana/in.purana.narada.1.43.39) pañcātmake pañcaguṇapradarśī sa sarvagātrānugatoṃ'tarātmā / saveti duḥkhāni sukhāni cātra tadviprayogāttu na vetti deham // ### [1.43.40](https://indike.org/pramana/in.purana.narada.1.43.40) yadā na rūpaṃ na sparśo noṣyabhavaśca pāvake / tadā śānte śarīrāgnau dehatyāgena naśyati // ### [1.43.41](https://indike.org/pramana/in.purana.narada.1.43.41) āpomayamidaṃ sarvamāpomūrtiḥ śarīriṇām / tatrātmā mānaso brahmā sarvabhūteṣu lokakṛt // ### [1.43.42](https://indike.org/pramana/in.purana.narada.1.43.42) ātmānaṃ taṃ vijānīhi sarvalokahitātmakam / tasminyaḥ saṃśrito dehe hyabbinduriva puṣkare // ### [1.43.43](https://indike.org/pramana/in.purana.narada.1.43.43) kṣetrajñaṃ taṃ vijānīhi nityaṃ lokahitātmakam / tamorajaśca sattvaṃ ca viddhi jīvaguṇānimām // ### [1.43.44](https://indike.org/pramana/in.purana.narada.1.43.44) acetanaṃ jīvaguṇaṃ vadanti sa ceṣṭate ceṣṭayate ca sarvam / ataḥ paraṃ kṣetravido vadanti prāvartayadyo bhuvanāni sapta // ### [1.43.45](https://indike.org/pramana/in.purana.narada.1.43.45) na jīvanāśo 'sti hi dehabhede mithyaitadāhurmuna ityabuddhāḥ / jīvastu dehāntaritaḥ prayāti daśārddhatastasya śarīrabhedaḥ // ### [1.43.46](https://indike.org/pramana/in.purana.narada.1.43.46) evaṃ bhūteṣu sarveṣu gūḍhaścarati sarvadā / dṛśyate tvagryā budhyāsūkṣmayā tattvadarśibhiḥ // ### [1.43.47](https://indike.org/pramana/in.purana.narada.1.43.47) taṃ pūrvāpararātreṣu yuñjānaḥ satataṃ budhaḥ / labdhāhāro viśuddhātmā paśyatyātmānamātmani // ### [1.43.48](https://indike.org/pramana/in.purana.narada.1.43.48) cittasya hi prasādena hitvā karma śubhāśubham / prasannātmātmani sthitvā sukhamānantyamaśnute // ### [1.43.49](https://indike.org/pramana/in.purana.narada.1.43.49) mānaso 'gniḥ śarīreṣu jīva ityabhidhīyate / sṛṣṭiḥ prajāpatereṣā bhūtādhyātmaviniścaye // ### [1.43.50](https://indike.org/pramana/in.purana.narada.1.43.50) asṛjadbrāhmaṇāneva pūrvaṃ brahmā prajāpatiḥ / ātmatejo 'bhinir vṛttānbhāskarāgnisamaprabhān // ### [1.43.51](https://indike.org/pramana/in.purana.narada.1.43.51) tataḥ satyaṃ ca dharmaṃ ca tathā brahma ca śāśvatam / ācāraṃ caiva śaucaṃ ca svargāya vidadhe prabhuḥ // ### [1.43.52](https://indike.org/pramana/in.purana.narada.1.43.52) devadāna vagandharvā daityāsuramahoragāḥ / yakṣarākṣasanāgāśca piśācā manujāstathā // ### [1.43.53](https://indike.org/pramana/in.purana.narada.1.43.53) brāhmaṇāḥ kṣatriyā vaiśyāḥ śūdrāṇāmasitastathā / bharadvāja uvāca cāturvarṇyasya varṇena yadi varṇo vibhidyate // ### [1.43.54](https://indike.org/pramana/in.purana.narada.1.43.54) svedamūtrapurīṣāṇi śleṣmā pitta saśoṇitam / tvantaḥ kṣarati sarveṣāṃ kasmādvarṇo vibhajyate // ### [1.43.55](https://indike.org/pramana/in.purana.narada.1.43.55) jaṅgamānāmasaṃkhyeyāḥ sthāvarāṇāṃ ca jātayaḥ / teṣāṃ vividhavarṇānāṃ kuto varṇaviniścayaḥ // ### [1.43.56](https://indike.org/pramana/in.purana.narada.1.43.56) bhṛguruvāca na viśeṣo 'sti varṇānāṃ sarvaṃ brahmamayaṃ jagat / brahmaṇā pūrvasṛṣṭaṃ hi karmaṇā varṇatāṃ gatam // ### [1.43.57](https://indike.org/pramana/in.purana.narada.1.43.57) kāmabhogāḥ priyāstīkṣṇāḥ krodhatāpriyasāhasāḥ / tyaktasvakarmaraktāṅgāste dvijāḥ kṣatratāṃ gatāḥ // ### [1.43.58](https://indike.org/pramana/in.purana.narada.1.43.58) gobhyo vṛttiṃ samāsthāya pītāḥ kṛṣyupajīvinaḥ / svadharṃmannānutiṣṭanti te dvijā vaiśyatāṃ gatāḥ // ### [1.43.59](https://indike.org/pramana/in.purana.narada.1.43.59) rhisānṛtaparā lubdhāḥ sarvakarmopajīvinaḥ / kṛṣṇāḥ śaucapāribhrāṣṭāste dvijāḥ śūdratāṃ gatāḥ // ### [1.43.60](https://indike.org/pramana/in.purana.narada.1.43.60) ityetaiḥ karmabhirvyāptā dvijā varṇāntaraṃ gatāḥ / brāhmaṇā dharmatantrasthāstapasteṣāṃ na naśyati // ### [1.43.61](https://indike.org/pramana/in.purana.narada.1.43.61) brahma dhārayatāṃ nityaṃ vratāni niyabhāṃstathā / brahma caiva purā sṛṣṭaṃ yena jānanti tadvidaḥ // ### [1.43.62](https://indike.org/pramana/in.purana.narada.1.43.62) teṣāṃ bahuvidhāstvanyāstatra tatra dvijātayaḥ / piśācajā rākṣasāḥ pretā vividhā mlecchajātayaḥ / sā sṛṣṭirmānasī nāma dharmatantraparāyaṇā // ### [1.43.63](https://indike.org/pramana/in.purana.narada.1.43.63) bharadvāja uvāca brāhmaṇaḥ kena bhavati kṣatriyo vā dvijottama / vaiśyaḥ śūdraśca viprarṣe tadbrūhi vadatāṃ vara // ### [1.43.64](https://indike.org/pramana/in.purana.narada.1.43.64) bhṛguruvāca jātakarmādibhiryastu saṃskāraiḥ saṃskṛtaḥ śuciḥ / vedādhyayanasaṃpanno brahmakarmasvavasthitaḥ // ### [1.43.65](https://indike.org/pramana/in.purana.narada.1.43.65) śaucācārasthitaḥ samyagvidyābhyāsī gurupriyaḥ / nityavratī satyaparaḥ sa vai brāhmaṇa ucyate // ### [1.43.66](https://indike.org/pramana/in.purana.narada.1.43.66) satyaṃ dānamatho 'droha ānṛśaṃsyaṃ kṛpā ghṛṇā / tapasyāṃ dṛśyate yatra sa brāhmaṇa iti smṛtaḥ // ### [1.43.67](https://indike.org/pramana/in.purana.narada.1.43.67) kṣatrajaṃ sevate karma vedādhyayanasaṃgataḥ / dānādānaratiryastu sa vai kṣatriya ucyate // ### [1.43.68](https://indike.org/pramana/in.purana.narada.1.43.68) viśatyāśu paśubhyaśca kṛṣyādānaratiḥ śuciḥ / vedādhyayanasaṃpannaḥ sa vaiśya iti saṃjñitaḥ // ### [1.43.69](https://indike.org/pramana/in.purana.narada.1.43.69) sarvaghabhakṣaratirnityaṃ sarvakarmakaro 'śuciḥ / tyaktavedastvanācāraḥ sa vai śūdra iti smṛtaḥ // ### [1.43.70](https://indike.org/pramana/in.purana.narada.1.43.70) śūdre caitadbhavellakṣma dvije tacca na vidyate / na vai śūdro bhavecchūdro brāhmaṇo brāhmaṇo na ca // ### [1.43.71](https://indike.org/pramana/in.purana.narada.1.43.71) sarvopāyaistu lobhasya krodhasya ca vinigrahaḥ / etatpavitraṃ jñānānāṃ tathā caivātmasaṃyamaḥ // ### [1.43.72](https://indike.org/pramana/in.purana.narada.1.43.72) varjyau sarvātmanā tau hi śreyoghātārthamudyatau / nityakrodhācchriyaṃ rakṣettapo rakṣettu matsarāt // ### [1.43.73](https://indike.org/pramana/in.purana.narada.1.43.73) vidyāṃ mānāpamānābhaghyāmātmānaṃ tu pramādataḥ // ### [1.43.74](https://indike.org/pramana/in.purana.narada.1.43.74) yasya sarve samāraṃbhaghā nirāśīrbandhanā dvija / tyāge yasya hutaṃ sarvaṃ sa tyāgī sa ca buddhimān // ### [1.43.75](https://indike.org/pramana/in.purana.narada.1.43.75) ahiṃstraḥ sarvabhūtānāṃ maitrāyaṇa gataścaret / parigrahātparityajya bhavedbaddhyā jitendriyaḥ // ### [1.43.76](https://indike.org/pramana/in.purana.narada.1.43.76) aśokasthānamāti vediha cāmutra cābhayam / taponityena dāntena muninā saṃyatātmamanā // ### [1.43.77](https://indike.org/pramana/in.purana.narada.1.43.77) ajitaṃ jetukāmena vyāsaṃgeṣu hyasaṃginā / indriyairgṛhyate yadyattattavdyaktamiti sthitiḥ // ### [1.43.78](https://indike.org/pramana/in.purana.narada.1.43.78) avyaktamiti vijñeyaṃ liṅgagrāhyamatīndriyam / aviśraṃbheṇa mantavyaṃ viśraṃbhe dhārayenmanaḥ // ### [1.43.79](https://indike.org/pramana/in.purana.narada.1.43.79) manaḥ prāṇena gṛhṇīyātprāṇaṃ brahmaṇi dhārayet / nivedādeva nirvāṇaṃ na ca kiñcidviccitayet // ### [1.43.80](https://indike.org/pramana/in.purana.narada.1.43.80) sukhaṃ vai brahmaṇo brahmannirvedenādhigacchati / śauce tu satataṃ yuktaḥ sadācārasamanvitaḥ // ### [1.43.81](https://indike.org/pramana/in.purana.narada.1.43.81) svanukrośaśca bhūteṣu taddvijātiṣu lakṣaṇam / satyaṃvrataṃ tapaḥ śaucaṃ satyaṃ visṛjate prajā // ### [1.43.82](https://indike.org/pramana/in.purana.narada.1.43.82) satyena dhāryate lokaḥ svaḥ satyenaiva gacchati / anṛtaṃ tamaso rūpaṃ tamasā nīyate hyadhaḥ // ### [1.43.83](https://indike.org/pramana/in.purana.narada.1.43.83) tamograstāna paśyanti prakāśantamasāvṛtāḥ / suduṣprakāśa ityāhurnarakaṃ tama eva ca // ### [1.43.84](https://indike.org/pramana/in.purana.narada.1.43.84) satyānṛtaṃ tadubhaghayaṃ prāpyate jagatīcaraiḥ / tatrāpyevaṃvidhā loke vṛttiḥ satyānṛte bhavet // ### [1.43.85](https://indike.org/pramana/in.purana.narada.1.43.85) dharmādharmauṃ prakāśaśca tamo duḥkhasukhaṃ tathā / śārīrairmānasairduḥkhaiḥ sukhaiścāpyasukhodayaiḥ // ### [1.43.86](https://indike.org/pramana/in.purana.narada.1.43.86) lokasṛṣṭaṃ prapaśyanto na muhyanti vicakṣaṇāḥ / tatra duḥkhavimokṣārthaṃ prayateta vicakṣaṇaḥ // ### [1.43.87](https://indike.org/pramana/in.purana.narada.1.43.87) sukhaṃ hyanityaṃ bhūtānāmiha loke paratra ca / rāhugrastasya somasya yathā jyotsnā na bhāsate // ### [1.43.88](https://indike.org/pramana/in.purana.narada.1.43.88) tathā tamobhibhūtānāṃ bhūtānāṃ naśyate sukham // ### [1.43.89](https://indike.org/pramana/in.purana.narada.1.43.89) tatkhalu dvividhaṃ sukhamucyacate śarīraṃ mānasaṃ ca / iha khalvamuṣmiṃśca loke vastupravṛttayaḥ sukhārthamabhidhīyante nahītaḥ paratrāparvagaphalādviśiṣṭataramasti / sa eva kāmyo guṇaviśeṣo dharmārthaguṇāraṃbhagastaddheturasyotpattiḥ sukhaprayojanārthamāraṃbhāḥ / bharadvāja uvāca vadaitadbhavatābhihitaṃ sukhānāṃ paramā sthitiriti // ### [1.43.90](https://indike.org/pramana/in.purana.narada.1.43.90) na tadupagṛhṇīmo na hyeṣāmṛṣīṇāṃ mahati sthitānām // ### [1.43.91](https://indike.org/pramana/in.purana.narada.1.43.91) aprāpya eṣa kāmya guṇaviśeṣo na cainamabhiśīlayanti / tapasi śrūyate trilokakṛdbrahmā prabhurekākī tiṣṭati brahmacārī na kāmasukhoṣvātmānamavadadhāti // ### [1.43.92](https://indike.org/pramana/in.purana.narada.1.43.92) api ca bhagavānviśveśvara umāpatiḥ kāmamabhivartamānamanaṅgatvena samamanayat // ### [1.43.93](https://indike.org/pramana/in.purana.narada.1.43.93) tasmādbhūmau na tu mahātmabhirañjayati gṛhīto na tveṣa tāvadviśiṣṭo guṇaviśeṣa iti // ### [1.43.94](https://indike.org/pramana/in.purana.narada.1.43.94) naitadbhagavataḥ pratyemi bhavatā tūktaṃ sukhānāṃ paramāḥ striya iti lokapravādo hi dvividhaḥ phalodayaḥ sukṛtātsukhamavāpyate 'nyathā duḥkhamiti // ### [1.43.95](https://indike.org/pramana/in.purana.narada.1.43.95) bhṛguruvāca atrocyate anṛtātkhalu tamaḥ prādurbhūtaṃ tatastamograstā adharmamevānuvartante na dharmaṃ krodhalobhamohahiṃsānṛtādibhikhacchannāḥ khalvasmiṃlloke nāmutra sukhamāpnuvanti vividhavyādhirujopatāpairavakīryante vadhabandhanaparikleśādibhiśca kṣutpipāsāśramakṛtairupatāpairupatapyante varṣavātātyuṣṇātiśītakṛtaiśca pratibhayaiḥ śārīrairduḥkhairupatapyante bandhudhanavināśaviprayogakṛtaiśca mānasaiḥ śaukairabhibhūyante jarāmṛtyukṛtaiścānyairiti yastvetaiḥ // ### [1.43.96](https://indike.org/pramana/in.purana.narada.1.43.96) śārīraṃ mānasaṃ nāsti na jarā na ca pātakam / nityameva sukhaṃ svarge sukhaṃ duḥkhamihobhayam // ### [1.43.97](https://indike.org/pramana/in.purana.narada.1.43.97) narake duḥkhamevāhuḥ sukhaṃ tatparamaṃ padam / pṛthivī sarvabhūtānāṃ janitrī tadvidhāḥ striyaḥ // ### [1.43.98](https://indike.org/pramana/in.purana.narada.1.43.98) pumānprajāpatistatraśukraṃ tejomayaṃ viduḥ / ityetallokanirmātā dharmasya caritasya ca // ### [1.43.99](https://indike.org/pramana/in.purana.narada.1.43.99) tapasaśca sutaptasya svādhyāyasya hutasya ca / hutena śāmyate pāpaṃ svādhyāye śāntiruttamā // ### [1.43.100](https://indike.org/pramana/in.purana.narada.1.43.100) dānena bhogānityāhusta pasā svargamāpnuyāt / dānaṃ tu dvividhaṃ prāhuḥ paratrārthamihaiva ca // ### [1.43.101](https://indike.org/pramana/in.purana.narada.1.43.101) sadbhyo yaddīyate kiñcittatparatropatiṣṭate / asadbhyo dīyate yattu taddānamiha bhujyate / yādṛśaṃ dīyate dānaṃ tādṛśaṃ phalamaśnute // ### [1.43.102](https://indike.org/pramana/in.purana.narada.1.43.102) bharadvāja uvāca kiṃ kasya dharmacaraṇaṃ kiṃ vā dharmasya lakṣaṇam / dharmaḥ katividho vāpi tadbhavānvaktumarhati // ### [1.43.103](https://indike.org/pramana/in.purana.narada.1.43.103) bhṛguruvāca svadharmācaraṇe yuktā ye bhavanti manīṣiṇaḥ / teṣāṃ svargapalāvāptiryo 'nyathā sa vimuhyate // ### [1.43.104](https://indike.org/pramana/in.purana.narada.1.43.104) bharadvāja uvāca yadetañcāturāśramyaṃ brahmarṣivihitaṃ purā / teṣāṃ sve sve samācārāstanme vaktumihārhasi // ### [1.43.105](https://indike.org/pramana/in.purana.narada.1.43.105) bhṛguruvāca pūrvameva bhagavatā brahmaṇā lokahitamanutiṣṭatā dharmasaṃrakṣaṇārthamāśramāścatvāro 'bhinirddiṣṭāḥ // ### [1.43.106](https://indike.org/pramana/in.purana.narada.1.43.106) tatra gurukulavāsameva prathamamāśramamāharanti samyagatra śaucasaskāraniyamavrataviniyatātmā ubhe saṃdhye bhāskarāgnidaivatānyupasthāya vihāya taddhyālasyaṃ gurorabhivādanavedābyāsaśravaṇapavitraghīkṛtāntarātmā triṣavaṇamupaspṛśya brahmacaryāgniparicaraṇaguruśuśrūṣā nityabhikṣābhaikṣyādisarvaniveditāntarātmā guruvacananideśānuṣṭānāpratikūlo guruprasādalabdhasvādhyāyatatparaḥ syāt // ### [1.43.107](https://indike.org/pramana/in.purana.narada.1.43.107) bhavati cātra ślokaḥ guruṃ yastu samārādhya dvijo vedamāvānpuyāt / tasya svargaphalāvāptiḥ siddhyate cāsya mānasam / iti gārhasthyaṃ khalu dvitīyamāśramaṃ vadanti // ### [1.43.108](https://indike.org/pramana/in.purana.narada.1.43.108) tasya sadā cāralakṣaṇaṃ sarvamanuvyākhyāsyāmaḥ / samāvṛtānāṃ sadācārāṇāṃ sahadharmacaryaphalārthināṃ gṛhāśramo vidhīyate // ### [1.43.109](https://indike.org/pramana/in.purana.narada.1.43.109) dharmārthakāmāvāptirhya.tra trivargasādhanamapekṣyāgarhitakarmaṇā dhanānyādāya svādhyāyopalabdhaprakarṣeṇa vā brahmarṣinirmitena vā adbhiḥ sāgaragatena vā dravyaniyamābhyāsadaivataprasādopalabdhena vā dhanena gṛhastho gārhasthyaṃ vartayet // ### [1.43.110](https://indike.org/pramana/in.purana.narada.1.43.110) taddhi sarvāśramaṇāṃ mūlamudāharanti gurukulanivāsinaḥ parivrājakā ye 'nye saṃkalpitavrataniyamadharmānuṣṭāninasteṣāmapyantarā ca bhikṣābalisaṃvibhāgāḥ pravartante // ### [1.43.111](https://indike.org/pramana/in.purana.narada.1.43.111) vānaprasthānāṃ ca dravyopaskāra iti prāyaśaḥ khalvete sādhavaḥ sādhupathyodanāḥ svādhyāyaprasaṃginastīrthābhigamanadeśadarśanārthaṃ pṛthivīṃ paryaṭanti // ### [1.43.112](https://indike.org/pramana/in.purana.narada.1.43.112) teṣāṃ pratyutthānābhigamanamanasūyāvākyadānasukhasatkārāsanasukhaśayanābhyavahārasatkriyā ceti // ### [1.43.113](https://indike.org/pramana/in.purana.narada.1.43.113) bhavati cātra ślokaḥ atithiryasya bhagnāśo gṛhātpratinivartate / sa dattvā duṣkṛtaṃ tasmai puṇyamādāya gacchati // ### [1.43.114](https://indike.org/pramana/in.purana.narada.1.43.114) api cātra yajñakriyābhirdevatāḥ prīyante nivāpena pitaro vidyābhyāsaśravaṇadhāraṇena ṛṣayaḥ apatyotpādanena prajāpatiriti // ### [1.43.115](https://indike.org/pramana/in.purana.narada.1.43.115) lokau cātra bhavataḥ vātsalyāḥ sarvabhūtebhyo vāyoḥ śrotrastathā girā / paritāpodapaghātaśca pāruṣyaṃ cātra garhitam // ### [1.43.116](https://indike.org/pramana/in.purana.narada.1.43.116) avajñānamahṝṅkāro daṃbhaścaiva vigarhitaḥ / ahiṃsā satyamakrodaṃ sarvāśramagataṃ tapaḥ // ### [1.43.117](https://indike.org/pramana/in.purana.narada.1.43.117) api cātra mālyābharaṇavastrābhyaṅganityopabhoganṛtyagītavāditraśrutisukhanayanasneharāmādarśanānāṃ prāptirbhakṣyabhojyalehyapeyacoṣyāṇāmabhyavahāryyāṇāṃ vividhānāmupabhogaḥ // ### [1.43.118](https://indike.org/pramana/in.purana.narada.1.43.118) svavihārasaṃtoṣaḥ kāmasukhāvāptiriti / trivargaguṇanirvṛttiryasya nityaṃ gṛhāśrame / sa sukhānyanubhūyeha śiṣṭānāṃ gatimāpnuyāt // ### [1.43.119](https://indike.org/pramana/in.purana.narada.1.43.119) uñchavṛttirvṛhastho yaḥ svadhama caraṇe rataḥ / tyaktakāmasukhāraṃbhaḥ svargastasya na durlabhaḥ // ### [1.43.120](https://indike.org/pramana/in.purana.narada.1.43.120) vānaprasthāḥ khalvapi dharmamanusarantaḥ puṇyāni tīrthāni nadīprastravaṇāni svabhakteṣvaraṇyeṣu mṛgavarāhamahiṣa śārdūlavanagajākīrṇeṣu tapasyante anusaṃcaranti // ### [1.43.121](https://indike.org/pramana/in.purana.narada.1.43.121) tyaktagrāmyavastrābhyavahāropabhogā vanyauṣadhiphalamūlaparṇaparimitavicitraniyatāhārāḥ sthānāsaninobhūpāṣāṇasikatāśarkarāvālukābhasmaśāyinaḥ kāśukuśacarmavalkalasaṃvṛtāṅgāḥ keśaśyaśrunakharomadhāriṇo niyatakālopasparśanāḥśuṣkabalihomakālānuṣṭāyinaḥ / samitkuśakusumāpahārasaṃmārjanalabdhaviśrāmāḥ śītoṣṇapavanaviṣṭaṃ bhavibhinnasarvatvaco vividhaniyamayogacaryānuṣṭānavihitapariśuṣkamāṃsaśoṇitatvagasthibhūtā dhṛtiparāḥ sattvayogāccharīrāṇyudvahṝnte // ### [1.43.122](https://indike.org/pramana/in.purana.narada.1.43.122) yastvetāṃ niyatacaryāṃ brahmarṣivihitāṃ caret / sa dahedagnivaddoṣāñjayellokāṃśca durjāyān // ### [1.43.123](https://indike.org/pramana/in.purana.narada.1.43.123) parivrājakānāṃ punarācāraḥ tadyathā / vimucyāgniṃ dhanakalatraparibarhasaṃgeṣvātmānaṃ snehapāśānavadhūya parivrajanti / samaloṣṭāśmakāñcanāstrivargapravṛtteṣvasaktabuddhayaḥ // ### [1.43.124](https://indike.org/pramana/in.purana.narada.1.43.124) arimitrodāsīnāṃ tulyadarśanāḥ sthāvarajarāyujāṇḍajasvedajānāṃ bhūtānāṃ vāṅmanṛḥkarmabhiranabhiranabhidrohiṇo 'niketāḥ parvatapulinavṛkṣamūladevāyatanānyanusaṃcaranto vā sārthamupeyurnagaraṃ grāmaṃ vā na krodhadarpalobhamohakārpaṇyadaṃbhaparivādābhimānanirvṛttahiṃsā iti // ### [1.43.125](https://indike.org/pramana/in.purana.narada.1.43.125) bhavanti cātra ślokāḥ abhayaṃ sarvabhūtebhyo dattvā yaścarate muniḥ / na tasya sarvabhūtebhyo bhayamutpadyate kvacit // ### [1.43.126](https://indike.org/pramana/in.purana.narada.1.43.126) kṛtvāgnihotraṃ svaśarīrasaṃsthaṃ śarīramagniṃ svamukhe juhoti / viprastu bhaikṣopagatairhavirbhiścitā gninā saṃvrajate hi sokān // ### [1.43.127](https://indike.org/pramana/in.purana.narada.1.43.127) mokṣāśramaṃ yaścarate yathoktaṃ śuciḥ svasaṃkalpitayuktabuddhiḥ / anindhanaṃ jyotiriva praśāntaṃ sa brahmalokaṃ śrayate dvijātiḥ // ### [1.43.127.p1](https://indike.org/pramana/in.purana.narada.1.43.127.p1) iti śrībṛhannāradīyapurāṇe pūrvabhāge dvitīyapāde bhṛgubharadvājasaṃvāde brāhmaṇācāranirūpaṇaṃ nāma tricatvāriṃśo 'dhyāyaḥ ## Linked texts (8) - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.12.186.3) — Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.3.9.31) — Sanskrit - [Brahmapurāṇa](https://indike.org/pramana/in.purana.brahma.222.55) — Vyāsa, Sanskrit - [Sarvasiddhāntasaṅgraha](https://indike.org/pramana/in.darsana.all.sarvasiddhantasangraha.11.p2.51) — Śaṅkara, Sanskrit - [Critical edition (Baroda)](https://indike.org/pramana/in.lit.ramayana.valmiki*crit.2.66.42) — Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.27.p176) — Lakṣmīdhara Bhaṭṭa, Sanskrit - [Āryacarita](https://indike.org/pramana/in.lit.short_stories.aryacarita.9.25) — Sanskrit - [Nṛsiṃhaprasāda](https://indike.org/pramana/in.niti.dharma.nibandha.mahanibandha.nrsimhaprasada.p47) — Dalapatirāja 1511, Sanskrit --- Source: [https://indike.org/pramana/in.purana.narada.1.43](https://indike.org/pramana/in.purana.narada.1.43) · Pramāṇa