[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.44 # Naradapurana 1.44 Nāradapurāṇa 1.44 - **Language:** Sanskrit ## Contents - [1.44.107](https://indike.org/pramana/in.purana.narada.1.44.107) — 1 part ### [1.44.1](https://indike.org/pramana/in.purana.narada.1.44.1) bharadvāja uvāca asmāllokātparo lokaḥ śrūyate nopalabhyate / tamahaṃ jñātumicchāmi tadbhavānvaktumarhati // ### [1.44.2](https://indike.org/pramana/in.purana.narada.1.44.2) mṛguruvāca uttare himavatpārśve puṇye sarvaguṇānvite / puṇyaḥ kṣemyaśca kāmyaśca sa paro loka ucyate // ### [1.44.3](https://indike.org/pramana/in.purana.narada.1.44.3) tatra hyapāpakarmāṇaḥ śucayo 'tyantanirmalāḥ / lobhamohaparityaktā mānavā nirupadravāḥ // ### [1.44.4](https://indike.org/pramana/in.purana.narada.1.44.4) sa svargasadṛśo deśaḥ tatra hyuktāḥ śubhā guṇāḥ / kāle mṛtyuḥ prabavati spṛśanti vyādhayo na ca // ### [1.44.5](https://indike.org/pramana/in.purana.narada.1.44.5) na lobaḥ paradāreṣu svadāranirato janaḥ / nānyo hi vadhyate tatra dravyeṣu ca na vismayaḥ // ### [1.44.6](https://indike.org/pramana/in.purana.narada.1.44.6) paro hyadharmo naivāsti saṃdeho nāpi jāyate / kṛtasya tu phalaṃ tatra pratyakṣamupalabhyate // ### [1.44.7](https://indike.org/pramana/in.purana.narada.1.44.7) yānāsanāśanopetā prasādabhavanāśrayāḥ / sarvakāmairvṛtāḥ keciddhemābharaṇabhūṣitāḥ // ### [1.44.8](https://indike.org/pramana/in.purana.narada.1.44.8) prāṇadhāraṇamātraṃ tu keṣāñcidupapadyate / śrameṇa mahatā kecitkurvanti prāṇadhāraṇam // ### [1.44.9](https://indike.org/pramana/in.purana.narada.1.44.9) iha dharmaparāḥ kecitkecinnaiṣkṛtikā narāḥ / sukhitā duḥkhitāḥ kecinnirdhanā dhanino pare // ### [1.44.10](https://indike.org/pramana/in.purana.narada.1.44.10) iha śramo bhayaṃ mohaḥ kṣudhā tīvrā ca jāyate / lobhaścārthakṛto tṝṇāṃ yena muhyantyapaṇḍitāḥ // ### [1.44.11](https://indike.org/pramana/in.purana.narada.1.44.11) yastadvedo bhayaṃ prājñaḥ pāpmanā na sa lipyate / sopadhe nikṛtiḥ steyaṃ parivādo 'bhyasūyatā // ### [1.44.12](https://indike.org/pramana/in.purana.narada.1.44.12) paropaghāto hiṃsā ca paiśunmanṛtaṃ tathā / etānsaṃsevate yastu tapastasya prahīyate // ### [1.44.13](https://indike.org/pramana/in.purana.narada.1.44.13) yastvetānācaredvidvānna tapastasya varddhate / iha cintā bahuvidhā dharmādharmasya karmaṇaḥ // ### [1.44.14](https://indike.org/pramana/in.purana.narada.1.44.14) karmabhūmiriyaṃ loke iha kṛtvā śubhāśubham / śubhaiḥ śubhamavāpnoti tathāśubhamathānyathā // ### [1.44.15](https://indike.org/pramana/in.purana.narada.1.44.15) iha prajāpatiḥ pūrvaṃ devāḥ sarṣigaṇāstathā / iṣṭeṣṭatapasaḥ pūtā brahmalokamupāśritāḥ // ### [1.44.16](https://indike.org/pramana/in.purana.narada.1.44.16) uttaraḥ pṛthivībhāgaḥ sarvapuṇyatamaḥ śubhaḥ / ihasthāstatra jāyante ye vai puṇyakṛto janāḥ // ### [1.44.17](https://indike.org/pramana/in.purana.narada.1.44.17) yadi satkāramicchanti tiryagyoniṣu cāpare / kṣīṇāyuṣastathā cānye naśyanti pṛthivītale // ### [1.44.18](https://indike.org/pramana/in.purana.narada.1.44.18) anyonyabhakṣaṇāsaktā lobhamohasamanvitāḥ / ihaiva parivarttante na ca yāntyuttarāṃ diśam // ### [1.44.19](https://indike.org/pramana/in.purana.narada.1.44.19) gurūnupāsate ye tu niyatā brahmacāriṇaḥ / panthānaṃ sarvālokānāṃ vijānanti manīṣiṇaḥ // ### [1.44.20](https://indike.org/pramana/in.purana.narada.1.44.20) ityukto 'yaṃ mayā dharmaḥ saṃkṣipto brahmanirmitaḥ / dharmādharmauṃ hi lokasya yo vai vetti sa buddhimān // ### [1.44.21](https://indike.org/pramana/in.purana.narada.1.44.21) bharadvāja uvāca /. adhyātmaṃ nāma yadidaṃ puruṣasyeha cintyate / yadadhyātmaṃ yathā caitattanme brūhi tapodhana // ### [1.44.22](https://indike.org/pramana/in.purana.narada.1.44.22) bhṛguruvāca adhyātmamiti viprarṣe yadetadanupṛcchasi / tadvyākhyāṃsyāmi te tāta śreyaskaratamaṃ sukham // ### [1.44.23](https://indike.org/pramana/in.purana.narada.1.44.23) sṛṣṭipralayasaṃyuktamācāryaiḥ paridarśitam / yajjñātvā puruṣo loke prītiṃ saukhyaṃ ca vindati // ### [1.44.24](https://indike.org/pramana/in.purana.narada.1.44.24) phalalābhaśca tasya syātsarvabhūtahitaṃ ca tat / pṛthivī vāyurākāśamāpo jyotiśca pañcamam // ### [1.44.25](https://indike.org/pramana/in.purana.narada.1.44.25) mahābhūtāni bhūtānāṃ sarveṣāṃ prabhavāpyayau / yataḥ sṛṣṭāni tatraiva tāni yānti layaṃ punaḥ // ### [1.44.26](https://indike.org/pramana/in.purana.narada.1.44.26) mahābhūtāni bhūtebhyaḥ sāgarasyormayo yathā / prasārya ca yathāṅgāni kūrmaḥ saṃharate punaḥ // ### [1.44.27](https://indike.org/pramana/in.purana.narada.1.44.27) tadvad bhūtāni bhūtātmā sṛṣṭāni harate punaḥ / mahābhūtāni pañcaiva sarvabhūteṣu bhūtakṛt // ### [1.44.28](https://indike.org/pramana/in.purana.narada.1.44.28) akarotteṣu vai samyak taṃ tu jīvo na paśyati / śabdaḥ śrotraṃ tathā khāni trayamākāśayonijam // ### [1.44.29](https://indike.org/pramana/in.purana.narada.1.44.29) vāyoḥ sparsastathā ceṣṭā tvakcaiva tritayaṃ smṛtam / rūpaṃ cakṣustathā pākastrividhaṃ teja ucyate // ### [1.44.30](https://indike.org/pramana/in.purana.narada.1.44.30) rasāḥ kledaśca jihvā ca trayo jalaguṇāḥ smṛtāḥ / ghreyaṃ ghrāṇaṃ śarīraṃ ca ete bhūmiguṇāstrayaḥ // ### [1.44.31](https://indike.org/pramana/in.purana.narada.1.44.31) mahābhūtāni pacaiva ṣaṣṭaṃ ca mana ucyate / indriyāṇi manaścaiva vijñātānyasya bhārata // ### [1.44.32](https://indike.org/pramana/in.purana.narada.1.44.32) saptamī buddhirityāhuḥ kṣetrajñaḥ punaraṣṭamaḥ / śrotraṃ vai śravaṇārthāya sparśanāya ca tvak smṛtā // ### [1.44.33](https://indike.org/pramana/in.purana.narada.1.44.33) rasādānāya rasanā gandhādānāya nāsikā / cakṣurālokanāyaiva saṃśayaṃ kurute manaḥ // ### [1.44.34](https://indike.org/pramana/in.purana.narada.1.44.34) buddhiradhyavasānāya kṣetrajñaḥ sākṣivatsthitaḥ / urddhaṃ pādatalābhyāṃ yadavākcodakca paśyati // ### [1.44.35](https://indike.org/pramana/in.purana.narada.1.44.35) etena sarvamevedaṃ vibhunā cyāptamantaram / puruṣairindriyāṇīha veditavyāni kṛtstraśaḥ // ### [1.44.36](https://indike.org/pramana/in.purana.narada.1.44.36) tamo rajaśca sattvaṃ ca te 'pi bhāvāstadāśritāḥ / etāṃ buddhiṃ naro buddhā bhūtānāgatiṃ gatim // ### [1.44.37](https://indike.org/pramana/in.purana.narada.1.44.37) samavekṣya śanaiścaivaṃ labhate śamamuttamam / guṇairvinaśyate buddirbuddherevendriyāṇyapi // ### [1.44.38](https://indike.org/pramana/in.purana.narada.1.44.38) manaḥṣaṣṭāni bhūtāni buddhyabāve kuto guṇāḥ / iti tanmayamevaitatsarvaṃ sthāvarajaṅgamam // ### [1.44.39](https://indike.org/pramana/in.purana.narada.1.44.39) pralīyate codbhavati tasmānnirddiśyate tathā / yena paśyati tañcakṣuḥ śṛṇoti śrotramucyate // ### [1.44.40](https://indike.org/pramana/in.purana.narada.1.44.40) jighrati ghrāṇamityāhuḥ rasaṃ jānāti jihvayā / tvacā sparśayati sparśaṃ buddhirvikriyate sakṛt // ### [1.44.41](https://indike.org/pramana/in.purana.narada.1.44.41) yena prārthayate kiñcittadā bhavati tanmanaḥ / adhiṣṭānāttu buddherhi pṛthagarthāni pañcadhā // ### [1.44.42](https://indike.org/pramana/in.purana.narada.1.44.42) indriyāṇīti tānyāhustānyadṛśyo 'dhitiṣṭati / puruṣe tiṣṭatī buddhistriṣu bhāveṣu vartate // ### [1.44.43](https://indike.org/pramana/in.purana.narada.1.44.43) kadācillabhate prītiṃ kadācidupaśocati / na sukhena na duḥkhena kadācidapi vartate // ### [1.44.44](https://indike.org/pramana/in.purana.narada.1.44.44) evaṃ narāṇāṃ manasi triṣu bhāveṣu vartate / seyaṃ bhāvātmikā bhāvāṃstrīnetānativartate // ### [1.44.45](https://indike.org/pramana/in.purana.narada.1.44.45) saritāṃ sāgaro bhartā velānāmiva vāridhiḥ / atibhāvagatā buddhirbhāvairmanasi vartate // ### [1.44.46](https://indike.org/pramana/in.purana.narada.1.44.46) vartamāno munistvevaṃ svabāvamanuvartate / indriyāṇi hi sarvāṇi pravartayati sā sadā // ### [1.44.47](https://indike.org/pramana/in.purana.narada.1.44.47) prītiḥ sattvaṃ rajaḥ śokastamaḥ krodhastu te trayaḥ / ye ye ca bhāvā loke 'sminsarve pyeteṣu vai triṣu // ### [1.44.48](https://indike.org/pramana/in.purana.narada.1.44.48) iti buddhigatāḥ sarvā vyākhyātāstava bhāvanāḥ / indriyāṇi ca sarvāṇi vijetavyāni dhīmatā // ### [1.44.49](https://indike.org/pramana/in.purana.narada.1.44.49) sattvaṃ rajastamaścaiva prāṇināṃ saṃśritāḥ sadā / triviśvāvedanāścaiva sarvasattveṣu dṛśyate // ### [1.44.50](https://indike.org/pramana/in.purana.narada.1.44.50) sāttvikī rājasī caiva tāmasī ceti mānada / sukhasparśaḥ sattvaguṇo duḥkhasparśo rajoguṇaḥ // ### [1.44.51](https://indike.org/pramana/in.purana.narada.1.44.51) tamoguṇena saṃyuktau bhavato vyāvahārikau / tava yatprītisaṃyuktaṃ kāye manasi vā bhavet // ### [1.44.52](https://indike.org/pramana/in.purana.narada.1.44.52) vartate sāttviko bhāva ityācakṣīta tattathā / atha yadduḥkhasaṃyuktamaprītikaramātmanaḥ // ### [1.44.53](https://indike.org/pramana/in.purana.narada.1.44.53) pravṛttaṃ raja ityeva jānīhi munisattama / athayanmohasaṃyuktamavyakta viṣamaṃ bhavet // ### [1.44.54](https://indike.org/pramana/in.purana.narada.1.44.54) apratarkyamavijñeyaṃ tamastadupadhārayet / praharṣaḥ prītirānandaḥ sukhaṃ vā śāntacittatā // ### [1.44.55](https://indike.org/pramana/in.purana.narada.1.44.55) kathañcidabhivartanta ityete sāttvikā guṇāḥ / atuṣṭiḥ paritāpaśca śoko lobhastathā kṣamā // ### [1.44.56](https://indike.org/pramana/in.purana.narada.1.44.56) liṅgāni rajasastāni dṛśyante dehahetubhiḥ / apamānastathā mohaḥ pramādaḥ svapnatandrite // ### [1.44.57](https://indike.org/pramana/in.purana.narada.1.44.57) kathañcidabhivartante vividhāstāmasā guṇāḥ / dūṣaṇaṃ bahudhāgāmi prārthanāsaṃśayātmakam // ### [1.44.58](https://indike.org/pramana/in.purana.narada.1.44.58) manaḥ svaniyataṃ yasya sa sukhī pretyaceha ca / sattvakṣetrajñayoretadantaraṃ yasya sūkṣmayoḥ // ### [1.44.59](https://indike.org/pramana/in.purana.narada.1.44.59) sṛjatehi guṇāneka eko na sṛjate guṇān / maśakoduṃbarau vāpi saṃprayuktau yathā sadā // ### [1.44.60](https://indike.org/pramana/in.purana.narada.1.44.60) anyonyametau syātāṃ ca sapraṃyogastathobhayoḥ / pṛthagbhūtau prakṛtyā tau sapraṃyuktau ca sarvadā // ### [1.44.61](https://indike.org/pramana/in.purana.narada.1.44.61) yathā matsyo jalaṃ caiva saṃprayukto tathaiva tau / na guṇā vidurātmānaṃ sa guṇānvetti sarvaśaḥ // ### [1.44.62](https://indike.org/pramana/in.purana.narada.1.44.62) paridraṣṭā guṇānāṃ tu saṃstraṣṭā manyate tathā / indriyastu pradīpārthaṃ kurute buddhisattamaiḥ // ### [1.44.63](https://indike.org/pramana/in.purana.narada.1.44.63) nirviceṣṭairajānadbhiḥ paramātmā pradīpavān / sṛjate hi guṇānsattvaṃ kṣetrajñaḥ paripaśyati // ### [1.44.64](https://indike.org/pramana/in.purana.narada.1.44.64) saṃprayogastayoreṣa sattvakṣetrajñayordhruvam / āśrayo nāsti sattvasya kṣetrajñasya ca kaścana // ### [1.44.65](https://indike.org/pramana/in.purana.narada.1.44.65) sattvaṃ manaḥ saṃsṛjate na guṇānvai kadācana / raśmīṃsteṣāṃ sa manasā yadā samyaṅniyacchati // ### [1.44.66](https://indike.org/pramana/in.purana.narada.1.44.66) tadā prakāśate 'syātmā ghaṭe dīpo jvalanniva / tyaktvā yaḥ prākṛtaṃ karma nityamātmaratirmuniḥ // ### [1.44.67](https://indike.org/pramana/in.purana.narada.1.44.67) sarvabhūtātmabhūstasmātsa gaccheduttamāṃ gatim / yathā vāricaraḥ pakṣī salilena na lipyate // ### [1.44.68](https://indike.org/pramana/in.purana.narada.1.44.68) evameva kṛtaprajño bhūteṣu parivartate / evaṃ svabhāvamevaitatsvabuddhyā viharennaraḥ // ### [1.44.69](https://indike.org/pramana/in.purana.narada.1.44.69) aśocannaprahṛṣyaṃśca samo vigatamatsaraḥ / bhāvayuktyā prayuktastu sa nityaṃ sṛjate guṇān // ### [1.44.70](https://indike.org/pramana/in.purana.narada.1.44.70) ūrṇanābhiryathā sūtraṃ vijñeyāstantuvadguṇāḥ / pradhvastā na nivartante nivṛttirnopalabhyate // ### [1.44.71](https://indike.org/pramana/in.purana.narada.1.44.71) pratyakṣeṇa parokṣaṃ tadanumānena siddhyati / evameke vyavasyanti nivṛttiriti cāpare // ### [1.44.72](https://indike.org/pramana/in.purana.narada.1.44.72) ubhayaṃ saṃpradhāryaitadvyavasyeta yathāmati / itīmaṃ hṛdayagrathiṃ buddhicintāmayaṃ dṛḍham // ### [1.44.73](https://indike.org/pramana/in.purana.narada.1.44.73) vimucya sukhamāsīta na śocecchinnasaṃśavaḥ / malināḥ prāṇnuyuḥ śuddhiṃ yathā pūrṇāṃ nadīṃ narāḥ // ### [1.44.74](https://indike.org/pramana/in.purana.narada.1.44.74) avagāhya suvidvāṃso viddhi jñānabhide tathā / mahānadyā hi pārajñastapyate na taranyathā // ### [1.44.75](https://indike.org/pramana/in.purana.narada.1.44.75) na tu tapyati tattvajñaḥ kulajñastu taratyuta / evaṃ ye viduradhyātmaṃ kaivalyaṃ jñānamuttamam // ### [1.44.76](https://indike.org/pramana/in.purana.narada.1.44.76) evaṃ buddhā naraḥ sarvo bhūtānāmagatiṃ gatim / avekṣya ca śanairbuddhyā labhate ca śamaṃ tataḥ // ### [1.44.77](https://indike.org/pramana/in.purana.narada.1.44.77) trivargo yasya viditaḥ prekṣya yaśca vimuñcati / anviṣya manasā yuktastattvadarśī nirutsukaḥ // ### [1.44.78](https://indike.org/pramana/in.purana.narada.1.44.78) na cātmā śakyate draṣṭumindriyeṣu vibhāgaśaḥ / tatra tatra visṛṣṭeṣu durvāpeṣvakṛtātmābhiḥ // ### [1.44.79](https://indike.org/pramana/in.purana.narada.1.44.79) etad buddhā bhaved buddhaḥ kimanyad buddhalakṣaṇam / vijñāya taddhi manyante katakṛtyā manīṣiṇaḥ // ### [1.44.80](https://indike.org/pramana/in.purana.narada.1.44.80) na bhavati viduṣāṃ tato bhayaṃ yadaviduṣāṃ sumahadbhayaṃ bhavet / nahi gatiradhikāsti kasyacitsati hi guṇepravadatyatulyatām // ### [1.44.81](https://indike.org/pramana/in.purana.narada.1.44.81) yaḥ karotyanabhisaṃdhipūrvakaṃ tacca nirdahati yatpurākṛtam / nāpriyaṃ tadubhayaṃ kutaḥ priyaṃ tasya tajjanayatīha kurvataḥ // ### [1.44.82](https://indike.org/pramana/in.purana.narada.1.44.82) lokamāyurabhisūyate janastasya tajjanayatīha kurvantaḥ / tatra paśya kuśalānna śocate jāyate yadi bhayaṃ padaṃ sadā // ### [1.44.83](https://indike.org/pramana/in.purana.narada.1.44.83) bharadvāja uvāca dhyānayogaṃ samācakṣvamahyaṃ tatpadasiddhaye / yajjñātvā mucyate brahmannarastrividhatāpataḥ // ### [1.44.84](https://indike.org/pramana/in.purana.narada.1.44.84) bhṛguruvāca hṝnta te saṃpravakṣyāmi jñānayogaṃ caturvidham / yaṃ jñātvā śāśvatīṃ siddhiṃ gacchantīha maharṣayaḥ // ### [1.44.85](https://indike.org/pramana/in.purana.narada.1.44.85) yathā svanuṣṭitaṃ dhyānaṃ tathā kurvanti yoginaḥ / maharṣayo jñānatṛptā nirvāṇagatamānasāḥ // ### [1.44.86](https://indike.org/pramana/in.purana.narada.1.44.86) nāvartante punaścāpi muktāḥ saṃsāradoṣataḥ / janmadoṣapārīkṣīṇāḥ svabhāve paryavasthitāḥ // ### [1.44.87](https://indike.org/pramana/in.purana.narada.1.44.87) nirdvandvā nityasattvasthā vimuktā niṣparigrahāḥ / asaṃgānya vidhādīni manaḥ śāntikarāṇi ca // ### [1.44.88](https://indike.org/pramana/in.purana.narada.1.44.88) tatra dhyānena saṃkliṣṭamekāgraṃ dhārayenmanaḥ / piṇḍīkṛtyendriyagrāmamāsīnaḥ kāṣṭavanmuniḥ // ### [1.44.89](https://indike.org/pramana/in.purana.narada.1.44.89) śabdaṃ na vindecchrotreṇa tvacā sparśaṃ na vedayet / rūpaṃ na cakṣuṣā vindyājjihvayā na rasāṃstathā // ### [1.44.90](https://indike.org/pramana/in.purana.narada.1.44.90) ghroyāṇyapi ca sarvāṇi jahyāddhyānena tattvavit / pañcavargapramāthīni neccheñcaitāni vīryavān // ### [1.44.91](https://indike.org/pramana/in.purana.narada.1.44.91) tato manasi saṃgṛhya pañcavargaṃ vicakṣaṇaḥ / samādadhyānmano bhrāntamindriyaiḥ saha pañcabhiḥ // ### [1.44.92](https://indike.org/pramana/in.purana.narada.1.44.92) visañcāri nirālambaṃ pañcadvāraṃ balābalam / pūrvadhyānapathe dhīraḥ samādadhyānmanastvarā // ### [1.44.93](https://indike.org/pramana/in.purana.narada.1.44.93) indriyāṇi manaścaiva yadā piṇḍīkarotyayam / eṣa dhyānapathaḥ pūrvo bhayā samanuvarṇitaḥ // ### [1.44.94](https://indike.org/pramana/in.purana.narada.1.44.94) tasya tatpūrvasaṃruddha ātmaṣaṣṭhamanantaram / sphuriṣyati samudrāntā vidyudambudhare yathā // ### [1.44.95](https://indike.org/pramana/in.purana.narada.1.44.95) jalabinduryathā lolaḥ parṇasthaḥ sarvataścalaḥ / evamevāsya cittaṃ ca bhavati dhyānavartmani // ### [1.44.96](https://indike.org/pramana/in.purana.narada.1.44.96) samāhitaṃ kṣaṇaṃ kiñjiddhyānavartmani tiṣṭati / punarvāyupathaṃ bhrāntaṃ mano bhavati vāyuvat // ### [1.44.97](https://indike.org/pramana/in.purana.narada.1.44.97) anirvedo gatakleśo gatatandro hyamatsarī / samādadhyātpunaśceto dhyānena dhyānayogavit // ### [1.44.98](https://indike.org/pramana/in.purana.narada.1.44.98) vicāraśca vitarkaśca vivekaścopajāyate / muneḥ samādhiyuktasya prathamaṃ dhyānamāditaḥ // ### [1.44.99](https://indike.org/pramana/in.purana.narada.1.44.99) manasā kliśyamānastu samādhānaṃ ca kārayet / na nirvedaṃ munirgacchetkuryādevātmano hitam // ### [1.44.100](https://indike.org/pramana/in.purana.narada.1.44.100) pāṃśubhasmakarīṣāṇāṃ yathā vai rāśayaścitāḥ / sahasā vāriṇā siktā na yānti paribhāvanāḥ // ### [1.44.101](https://indike.org/pramana/in.purana.narada.1.44.101) kiñcit snigdhaṃ yathā ca syācchuṣkaṃ cūrṇamabhāvitam / krameṇa tu śanairgacchatsarvaṃ tatparibhāvanam // ### [1.44.102](https://indike.org/pramana/in.purana.narada.1.44.102) evamevendriyagrāmaṃ śanaiḥ śaṃ paribhāvayet / saṃharetkramaśaścaiva samyak tatpraśamiṣyati // ### [1.44.103](https://indike.org/pramana/in.purana.narada.1.44.103) svayameva manaścaivaṃ pañcavargaṃ munīśvara / pūrvaṃ dhyānapathe sthāpya nityayogena śāmyati // ### [1.44.104](https://indike.org/pramana/in.purana.narada.1.44.104) na tatpuruṣakāreṇa na ca daivena kenacit / sukhameṣyati tattasya yadevaṃ saṃyatātmanaḥ // ### [1.44.105](https://indike.org/pramana/in.purana.narada.1.44.105) sukhena tena saṃyukto raṃsyate dhyānakarmaṇi / gacchanti yogino hyovaṃ nirvāṇaṃ tu nirāmayam // ### [1.44.106](https://indike.org/pramana/in.purana.narada.1.44.106) sanandana uvāca ityukto bhṛguṇā brahmanbharadvājaḥ pratāpavān / bhṛguṃ paramadharmātmā vismitaḥ pratyapūjayat // ### [1.44.107](https://indike.org/pramana/in.purana.narada.1.44.107) eṣa te prasavo vidvan jagataḥ saṃprakīrtitaḥ / nikhilena mahāprājña kiṃ bhūyaḥ śrotumicchasi // ### [1.44.107.p1](https://indike.org/pramana/in.purana.narada.1.44.107.p1) iti śrībṛhannāradīyapurāṇe dvitīyapāde catuścatvāriṃśattamo 'dhyāyaḥ ## Linked texts (2) - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.12.192.7) — Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.7.24) — Sanskrit --- Source: [https://indike.org/pramana/in.purana.narada.1.44](https://indike.org/pramana/in.purana.narada.1.44) · Pramāṇa