[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.45 # Naradapurana 1.45 Nāradapurāṇa 1.45 - **Language:** Sanskrit ## Contents - [1.45.87](https://indike.org/pramana/in.purana.narada.1.45.87) — 1 part ### [1.45.1](https://indike.org/pramana/in.purana.narada.1.45.1) sūta uvāca sanandanavacaḥ śrutvā mokṣadharmāśritaṃ dvijāḥ / punaḥ papraccha tattvajño nārado 'dhyātmasatkathām // ### [1.45.2](https://indike.org/pramana/in.purana.narada.1.45.2) nārada uvāca śrutaṃ mayā mahābhāga mokṣaśāstraṃ tvayoditam / na ca me jāyate tṛptirbhūyobhūyo 'pi śṛṇvataḥ // ### [1.45.3](https://indike.org/pramana/in.purana.narada.1.45.3) yathā saṃmucyate janturavidyābandhanānmune / tathā kathaya sarvajña mokṣadharmaṃ sadāśritam // ### [1.45.4](https://indike.org/pramana/in.purana.narada.1.45.4) sanandana uvāca atrāpyudāharantīmamitihāsaṃ purātanam / yathā mokṣamanuprāpto janako mithilādhipaḥ // ### [1.45.5](https://indike.org/pramana/in.purana.narada.1.45.5) janako janadevastu mithilāyā adhīśvaraḥ / aurdhvadehikadharmāṇāmāsīdyukto vicintane // ### [1.45.6](https://indike.org/pramana/in.purana.narada.1.45.6) tasya śmaśāna mācāryā vasati satataṃ gṛhe / darśayantaḥ pṛthagdharmānnānāpāṣañjavādinaḥ // ### [1.45.7](https://indike.org/pramana/in.purana.narada.1.45.7) sa teṣāṃ pretyabhāve ca pretya jātau viniścaye / ādamasthaḥ sa bhūyiṣṭamātmatattvena tuṣaayati // ### [1.45.8](https://indike.org/pramana/in.purana.narada.1.45.8) tatra pañcaśikho nāma kāpileyo mahāmuniḥ / paridhāvanmahīṃ kṛtsnāṃ jagāma mithilāmatha // ### [1.45.9](https://indike.org/pramana/in.purana.narada.1.45.9) sarvasaṃnyāsadharmāṇaḥ tattvajñānaviniścaye / suparyavasitārthaśca nirdvandvo naṣṭasaṃśayaḥ // ### [1.45.10](https://indike.org/pramana/in.purana.narada.1.45.10) ṛṣīṇāmāhurekaṃ yaṃ kāmādavasitaṃ nṛṣu / śāśvataṃ sukhamatyantamanvicchansa sudurlabham // ### [1.45.11](https://indike.org/pramana/in.purana.narada.1.45.11) yamāhuḥ kapilaṃ sāṃkhyāḥ paramarṣi prajāpatim / sa manye tena rūpeṇa vikhyāpayati hi svayam // ### [1.45.12](https://indike.org/pramana/in.purana.narada.1.45.12) āsureḥ prathamaṃ śiṣyaṃ yamāhuścirajīvinam / pañcasrotasi yaḥ satramāste varṣasahasrakam // ### [1.45.13](https://indike.org/pramana/in.purana.narada.1.45.13) pañcasrotasamāgamya kāpilaṃ maṇḍalaṃ mahat / puruṣāvasthamavyaṅktaṃ paramārthaṃ nyavedayat // ### [1.45.14](https://indike.org/pramana/in.purana.narada.1.45.14) iṣṭimantreṇa saṃyukto bhūyaśca tapasāsuriḥ / kṣetrakṣetrajñayorvyaktiṃ vibudhe dehadarśanaḥ // ### [1.45.15](https://indike.org/pramana/in.purana.narada.1.45.15) yattadekākṣaraṃ brahma nānārūpaṃ pradṛśyate / āsurirmaṇḍale tasminpratipede tamavyayam // ### [1.45.16](https://indike.org/pramana/in.purana.narada.1.45.16) tasya pañcaśikhaḥ śiṣyo mānuṣyā payasā bhṛtaḥ / brāhmaṇī kapilī nāma kācidāsītkuṭumbinī // ### [1.45.17](https://indike.org/pramana/in.purana.narada.1.45.17) tasyaḥ putratvamāgatya sriyāḥ sa pibagati stanau / tataśca kāpileyatvaṃ lebhe buddhiṃ ca naiṣṭikīm // ### [1.45.18](https://indike.org/pramana/in.purana.narada.1.45.18) etanme bhagavānāha kāpileyasya saṃbhavam / tasya tatkāpileyatvaṃ sarvavittvamanuttamam // ### [1.45.19](https://indike.org/pramana/in.purana.narada.1.45.19) sāmātyo janako jñātvā dharmajño jñāninaṃ mune / upetya śatamācāryānmohayāmāsa hetubhiḥ // ### [1.45.20](https://indike.org/pramana/in.purana.narada.1.45.20) janakastvabhisaṃraktaḥ kāpi leyānudarśanam / utsṛjya śatamācāryāmpṛṣṭato 'nujagāma tam // ### [1.45.21](https://indike.org/pramana/in.purana.narada.1.45.21) tasmai paramakalyāṇaṃ praṇatāya ca dharmataḥ / abravītparamaṃ mokṣaṃ yattatsāṃkhyaṃ vidhīyate // ### [1.45.22](https://indike.org/pramana/in.purana.narada.1.45.22) jātinirvedamuktvā sa karmanirvedamabravīt / karmanirvedamuktvā ca sarvanirvedamabravīt // ### [1.45.23](https://indike.org/pramana/in.purana.narada.1.45.23) yadarthaṃ dharmasaṃsargaḥ karmaṇāṃ ca phalo dayaḥ / tamanāśvāsikaṃ mohaṃ vināśi calamadhruvam // ### [1.45.24](https://indike.org/pramana/in.purana.narada.1.45.24) dṛśyamāne vināśe ca pratyakṣe lokasākṣike / āgamātparamastīti bruvannapi parājitaḥ // ### [1.45.25](https://indike.org/pramana/in.purana.narada.1.45.25) anātmā hyātmano mṛtyuḥ kleśo mṛtyurjarāmayaḥ / ātmānaṃ manyate mohāttadasamyak paraṃ matam // ### [1.45.26](https://indike.org/pramana/in.purana.narada.1.45.26) atha cedevamapyasti yalloke nopapadyate / ajaro 'yamamṛtyuśca rājāsau manyate yathā // ### [1.45.27](https://indike.org/pramana/in.purana.narada.1.45.27) asti nāstīti cāpyetattasminnasitalakṣaṇe / kimadhiṣṭāya tad brūyāllokayātrāviniścayam // ### [1.45.28](https://indike.org/pramana/in.purana.narada.1.45.28) pratyakṣaṃ hyetayormūlaṃ kṛtānta hyetayorapi / pratyakṣo hyāgamo bhinnaḥ kṛtānto vā na kiñcana // ### [1.45.29](https://indike.org/pramana/in.purana.narada.1.45.29) yatra tatrānumāne 'sminkṛtaṃ bhāvayate 'pi ca / anyojīvaḥ śarīrasya nāstikānāṃ mate sthitaḥ // ### [1.45.30](https://indike.org/pramana/in.purana.narada.1.45.30) retovaṭakaṇīkāyāṃ ghṛtapākādhivāsanam / jātismṛtirayaskāntaḥ sūryakāntoṃ'bubhakṣaṇam // ### [1.45.31](https://indike.org/pramana/in.purana.narada.1.45.31) pretabhūtapriyaścaiva devatā hyupayācanam / mṛtakarmanivattiṃ ca pramāṇamiti niścayaḥ // ### [1.45.32](https://indike.org/pramana/in.purana.narada.1.45.32) nanvete hetavaḥ saṃti ye kecinmūrtisasthitāḥ / amūtasya hi mūrtena sāmānyaṃ nopalabhyate // ### [1.45.33](https://indike.org/pramana/in.purana.narada.1.45.33) avidyā karma tṛṣṇā ca kecidāhuḥ punarbhavam / tasminnaṣṭe ca dagdhe ca citte maraṇadharmiṇi // ### [1.45.34](https://indike.org/pramana/in.purana.narada.1.45.34) anyo 'smājjāyate mohastamāhuḥ sattvasaṃkṣayam / yadā sarūpataścānyo jātitaḥ śrutator'thataḥ // ### [1.45.35](https://indike.org/pramana/in.purana.narada.1.45.35) kathamasminsa ityeva saṃbandhaḥ syādasaṃhitaḥ / evaṃ sati ca kā prīhirjñānavidyātapobalaiḥ // ### [1.45.36](https://indike.org/pramana/in.purana.narada.1.45.36) yadasyācaritaṃ karma sāmānyātpratipadyate / api tvayamihaivānyaiḥ prākṛtairduḥkhito bhavet // ### [1.45.37](https://indike.org/pramana/in.purana.narada.1.45.37) sukhito duḥkhito vāpi dṛśyādṛśyavinirṇayaḥ / yathā hi muśalairhanyuḥ śarīraṃ tatpunarbhavet // ### [1.45.38](https://indike.org/pramana/in.purana.narada.1.45.38) vṛthā jñānaṃ yadanyañca yenaitannopalabhyate / ṛmasaṃvatsarau tiṣyaḥ śītoṣṇo 'tha priyāpriye // ### [1.45.39](https://indike.org/pramana/in.purana.narada.1.45.39) yathā tātāni paśyati tādṛśaḥ sattvasaṃkṣayaḥ / jarayābhiparītasya mṛtyunā ca vināśitam // ### [1.45.40](https://indike.org/pramana/in.purana.narada.1.45.40) durbalaṃ durbalaṃ pūrvaṃ gṛhasyeva vinaśyati / indriyāṇi mano vāyuḥ śoṇitaṃ māṃsamasthi ca // ### [1.45.41](https://indike.org/pramana/in.purana.narada.1.45.41) ānupūrvyā vinaśyanti svaṃ dhātumupayāti ca / lokayātrāvidhātaśca dānadharmaphalāgame // ### [1.45.42](https://indike.org/pramana/in.purana.narada.1.45.42) tadarthaṃ vedaṃśabdāśca vyavahārāśca laukikāḥ / iti samyaṅ manasyete bahavaḥ saṃti hetavaḥ // ### [1.45.43](https://indike.org/pramana/in.purana.narada.1.45.43) aita dastīti nāstīti na kaścitpratidṛśyate / teṣāṃ vimṛśatāmeva tatsamyagabhidhāvatām // ### [1.45.44](https://indike.org/pramana/in.purana.narada.1.45.44) kvacinnivasate buddhistatra jīryati vṛkṣavat / evantur thairanarthaiśca duḥkhitāḥ sarvajantavaḥ // ### [1.45.45](https://indike.org/pramana/in.purana.narada.1.45.45) āgamairapakṛṣyante hastipairhastino yathā // ### [1.45.46](https://indike.org/pramana/in.purana.narada.1.45.46) arthāstathā hṝnti sukhāvahāṃśca lihata ete bahavopaśuṣkāḥ / mahattaraṃ duḥkhamabhiprapannā hitvāmiṣaṃ mṛtyuvaśaṃ prayānti // ### [1.45.47](https://indike.org/pramana/in.purana.narada.1.45.47) vināśino hyadhruvajīvinaḥ kiṃ kiṃ bandhubhirmatraparigrahaiśca / vihāya yo gacchati sarvameva kṣaṇena gatvā na nivartate ca // ### [1.45.48](https://indike.org/pramana/in.purana.narada.1.45.48) bhūvyomatoyānalavāyavo 'pi sadā śarīraṃ pratipālayanti / itīdamālakṣya ratiḥ kuto bhavedvināśināpyasya na śama vidyate // ### [1.45.49](https://indike.org/pramana/in.purana.narada.1.45.49) idamanupadhivākyamacchalaṃ paramanirāmayamātmasākṣikam / narapatirabhivīkṣya vismitaḥ punaranuyoktumidaṃ pracakrame // ### [1.45.50](https://indike.org/pramana/in.purana.narada.1.45.50) janaka uvāca bhagavanyadi na pretya saṃjñā bhavati kasyacit / evaṃ sati kimajñānaṃ jñānaṃ vā kiṃ kariṣyati // ### [1.45.51](https://indike.org/pramana/in.purana.narada.1.45.51) sarvamucchedaniṣṭasyātpaśya caitaddvijottama / apramattaḥ pramatto vā kiṃ viśeṣaṃ kariṣyati // ### [1.45.52](https://indike.org/pramana/in.purana.narada.1.45.52) asaṃsargo hi bhūteṣu saṃsargo vā vināśiṣu / kasmai kriyata kalpeta niścayaḥ ko 'tra tattvataḥ // ### [1.45.53](https://indike.org/pramana/in.purana.narada.1.45.53) sanandana uvāca tamasā hi maticchatraṃ vibhrāntamiva cāturam / punaḥ praśamayanvākyaiḥ kaviḥ pañcaśikho 'bravīt // ### [1.45.54](https://indike.org/pramana/in.purana.narada.1.45.54) pañcaśikha uvāca ucchedaniṣṭā nehāsti bhāvaniṣṭā na vidyate / ayaṃ hyapi samāhāraḥ śarīredriyacetasām // ### [1.45.55](https://indike.org/pramana/in.purana.narada.1.45.55) vartate pṛthaganyonyamapyupāśritya karmasu / dhātavaḥ pañcadhā toyaṃ khe vāyurjyotiṣo dharā // ### [1.45.56](https://indike.org/pramana/in.purana.narada.1.45.56) teṣu bhāvena tiṣṭanti viyujyante svabhāvataḥ / ākāśaṃ vāyurūṣmā ca sneho yaścāpi pārthivaḥ // ### [1.45.57](https://indike.org/pramana/in.purana.narada.1.45.57) eṣa pañcasamāhāraḥ śarīramapi naikadhā / jñānamūṣmā ca vāyuśca trividhaḥ kāyasaṃgrahaḥ // ### [1.45.58](https://indike.org/pramana/in.purana.narada.1.45.58) indriyāṇīndriyārthāśca svabhāvaścetanāmanaḥ / prāṇāpānau vikāraśca dhātavaścātra niḥsṛtāḥ // ### [1.45.59](https://indike.org/pramana/in.purana.narada.1.45.59) śravaṇaṃ sparśanaṃ jihvā dṛṣṭirnāsā tathaiva ca / indriyāṇīti pañcaite cittapūrvaṅgamā guṇāḥ // ### [1.45.60](https://indike.org/pramana/in.purana.narada.1.45.60) tatra vijñānasaṃyuktā trividhā cetanā dhruvā / sukhaduḥkheti yāmāhuranaduḥkhāsukheti ca // ### [1.45.61](https://indike.org/pramana/in.purana.narada.1.45.61) śabdaḥ sparśaśca rūpaṃ ca mūrtyarthameva te trayaḥ / ete hyāmaraṇātpañca sadguṇā jñānasiddhaye // ### [1.45.62](https://indike.org/pramana/in.purana.narada.1.45.62) teṣu karmaṇi siddhiśca sarvatattvārthaniścayaḥ / tamāhuḥ paramaṃ śuddhiṃ buddhirityavyayaṃ mahat // ### [1.45.63](https://indike.org/pramana/in.purana.narada.1.45.63) imaṃ guṇasamāhāramātmabhāvena paśyataḥ / asamyagdarśanairduḥkhamanantaṃ nopaśāmyati // ### [1.45.64](https://indike.org/pramana/in.purana.narada.1.45.64) anātmeti ca yadṛṣṭaṃ tenāhaṃ na mametyapi / vartate kimadhiṣṭānātprasaktā duḥkhasaṃtatiḥ // ### [1.45.65](https://indike.org/pramana/in.purana.narada.1.45.65) tatra samyagjano nāma tyāgaśāstramanuttamam / śṛṇuyāttacca mokṣāya bhāṣyamāṇaṃ bhaviṣyati // ### [1.45.66](https://indike.org/pramana/in.purana.narada.1.45.66) tyāga eva hi sarveṣāmuktānāmapi karmaṇām / nityaṃ mithyāvinītānāṃ kleśo duḥkhāvaho tamaḥ // ### [1.45.67](https://indike.org/pramana/in.purana.narada.1.45.67) dravyatyāge tu karmāṇi bhogatyāge vratāni ca / sukhatyāgā tapo yogaṃ sarvatyāge samāpanā // ### [1.45.68](https://indike.org/pramana/in.purana.narada.1.45.68) tasya mārgo 'yamadvaidhaḥ sarvatyāgasya darśitaḥ / viprahāṇāya duḥkhasya durgatirhi tathā bhavet // ### [1.45.69](https://indike.org/pramana/in.purana.narada.1.45.69) pañca jñānendriyāṇyuktvā manaḥ ṣaṣṭāni cetasi / basaṣaṣṭāni vakṣyāmi pañca karmedriyāṇi tu // ### [1.45.70](https://indike.org/pramana/in.purana.narada.1.45.70) hastau karmedriyaṃ jñeyamatha pādau gatīndriyam / prajanāna dayomeḍhro visargo pāyurindriyam // ### [1.45.71](https://indike.org/pramana/in.purana.narada.1.45.71) vākca śabdaviśeṣārthamiti pañcānvitaṃ viduḥ / evamekādaśetāni buddhyā tvavasṛjanmanaḥ // ### [1.45.72](https://indike.org/pramana/in.purana.narada.1.45.72) karṇo śabdaśca cittaṃ ca trayaḥ śravaṇasaṃgrahe / tathā sparśe tathā rūpe tathaiva rasagandhayoḥ // ### [1.45.73](https://indike.org/pramana/in.purana.narada.1.45.73) evaṃ pañca trikā hyete guṇastadupalabdhaye / yenāyaṃ trividho bhāvaḥ paryāyātsamupasthitaḥ // ### [1.45.74](https://indike.org/pramana/in.purana.narada.1.45.74) sāttviko rājasaścāpi tāmasaścāpi te trayaḥ / trividhā vedānā yeṣu prasṛtā sarvasādhinī // ### [1.45.75](https://indike.org/pramana/in.purana.narada.1.45.75) praharṣaḥ prītirānandaḥ sukhaṃ saṃśāntacittatā / akutaścitkutaścidvā cittataḥ sāttviko guṇaḥ // ### [1.45.76](https://indike.org/pramana/in.purana.narada.1.45.76) atuṣṭiḥ paritāpaśca śoko lobhastathākṣamā / liṅgāni rajasastāni dṛśyante hetvahetutaḥ // ### [1.45.77](https://indike.org/pramana/in.purana.narada.1.45.77) avivekastathā mohaḥ pramādaḥ svapnatandritā / kathañcidapi vartante vividhāstāmasā guṇāḥ // ### [1.45.78](https://indike.org/pramana/in.purana.narada.1.45.78) imāṃ ca yo veda vimokṣabuddhimātmānamanvicchati cāpramattaḥ / na lipyate karmapalairaniṣṭaiḥ patraṃ viṣasyeva jalena siktam // ### [1.45.79](https://indike.org/pramana/in.purana.narada.1.45.79) dṛḍhairhi pāśairvividhairvimuktaḥ prajānimittairapi daivataiśca / yadā hyasau duḥkhasaukhye jahāti muktastadāgryāṃ gatimetyaliṅgaḥ // ### [1.45.80](https://indike.org/pramana/in.purana.narada.1.45.80) śrutipramāṇagamamaṅgalaiśca śeti jarāmṛtyubhayādatītaḥ / kṣīṇe ca puṇye vigate ca pāpe tanornimitte ca phale vinaṣṭe // ### [1.45.81](https://indike.org/pramana/in.purana.narada.1.45.81) alepamākāśamaliṅgamevamāsthāya paśyanti mahatyaśaktā / yathorṇanābhiḥ parivartamānastantukṣaye tiṣṭati yātyamānaḥ // ### [1.45.82](https://indike.org/pramana/in.purana.narada.1.45.82) tathā vimuktaḥ prajahāti duḥkhaṃ vidhaavaṃsate loṣṭamivādimṛcchan / yathā ruruḥ śṛṅgamatho purāṇaṃ hitvā tvacaṃ vāpyurago yathā ca // ### [1.45.83](https://indike.org/pramana/in.purana.narada.1.45.83) vihāya gacchannanavekṣaghamāṇastathā vimukto vijahāti duḥkham / matsyaṃ yathā vāpyudake patantamutsṛjya pakṣī nipatatsaśaktaḥ // ### [1.45.84](https://indike.org/pramana/in.purana.narada.1.45.84) tathā hyasau duḥkhasaukhye vihāya muktaḥ parārddhyā gatimetyaliṅgaḥ // ### [1.45.85](https://indike.org/pramana/in.purana.narada.1.45.85) idamamṛtapadaṃ niśamya rājā svayamihapañcaśikhena bhāṣyamāṇam / nikhilamabhisamīkṣya niścitārthaḥ paramasukhī vijahāra vītaśokaḥ // ### [1.45.86](https://indike.org/pramana/in.purana.narada.1.45.86) api ca bhavati maithilena gītaṃ nagaramupāhitamagninābhivīkṣya / na khalu mama hi dahyate 'tra kiñcitsvayamidamāha kila sma bhūmipālaḥ // ### [1.45.87](https://indike.org/pramana/in.purana.narada.1.45.87) imaṃ hi yaḥ paṭhati vimokṣaniścayaṃ mahāmune satatamavekṣate tathā / upadravānanubhaghavate hyaduḥ khitaḥ pramucyate kapilamivaitya maithilaḥ // ### [1.45.87.p1](https://indike.org/pramana/in.purana.narada.1.45.87.p1) iti śrībṛhannāradīyapurāṇe pūrvabhāge bṛhadupākhyāne dvitīyapāde pañcacatvāriṃśattamo 'dhyāyaḥ ## Linked texts (2) - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.12.218.3) — Sanskrit - [Brahmapurāṇa](https://indike.org/pramana/in.purana.brahma.231.48) — Vyāsa, Sanskrit --- Source: [https://indike.org/pramana/in.purana.narada.1.45](https://indike.org/pramana/in.purana.narada.1.45) · Pramāṇa