[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.46 # Naradapurana 1.46 Nāradapurāṇa 1.46 - **Language:** Sanskrit ## Contents - [1.46.101](https://indike.org/pramana/in.purana.narada.1.46.101) — 1 part ### [1.46.1](https://indike.org/pramana/in.purana.narada.1.46.1) sūta uvāca tacchṛtvā nārado viprā maithilādhyātmamuttamam / punaḥ papraccha taṃ prītyā sanandanamudāradhīḥ // ### [1.46.2](https://indike.org/pramana/in.purana.narada.1.46.2) nārada uvāca ādhyātmikādatrividhaṃ tāpaṃ nānubhavedyathā / prabrūhi tanmune mahyaṃ prapannāya dayānidhe // ### [1.46.3](https://indike.org/pramana/in.purana.narada.1.46.3) sanandana uvāca tadasya trividhaṃ duḥkhamiha jātasya paṇḍita / garbe janmajarādyeṣusthāneṣu prabhaviṣyataḥ // ### [1.46.4](https://indike.org/pramana/in.purana.narada.1.46.4) nirastātiśayāhlādasukhabhāvaikalakṣaṇā / bheṣajaṃ bhagavatprāptiraikā cātyantikī matā // ### [1.46.5](https://indike.org/pramana/in.purana.narada.1.46.5) tasmāttatprāptaye yatnaḥ kartavyaḥ paṇḍitairnaraiḥ / tatprāptihetujñānaṃ ca karma coktaṃ mahāmune // ### [1.46.6](https://indike.org/pramana/in.purana.narada.1.46.6) āgamotthaṃ vivekāñca dvidhā jñānaṃ tathocyate / śabdabrahmāgamamayaṃ paraṃ brahmavivekajam // ### [1.46.7](https://indike.org/pramana/in.purana.narada.1.46.7) manurapyāha vedārthaṃ smṛtvāyaṃ munisattamamaḥ / tadetacchrūyatāmatra subodhaṃ gadato mama // ### [1.46.8](https://indike.org/pramana/in.purana.narada.1.46.8) dve brahmaṇī veditavye śabdabrahma paraṃ ca yat / śabdabrahmaṇi niṣṇātaḥ paraṃ brahmādhigacchati // ### [1.46.9](https://indike.org/pramana/in.purana.narada.1.46.9) dve vidye veditavye cetyāha cātharvaṇī śrutiḥ / paramā tvakṣaraprāptirṛgvedādimayā parā // ### [1.46.10](https://indike.org/pramana/in.purana.narada.1.46.10) yattadavyaktamajaramanīhamajamavyayam / anirdeśyamarūpaṃ ca pāṇipādādisaṃyutam // ### [1.46.11](https://indike.org/pramana/in.purana.narada.1.46.11) vibhuṃ sarvagataṃ nityaṃ bhūtayo nimakāraṇam / vyāpyaṃ vyāptaṃ yataḥ sarvaṃ taṃ vai paśyanti sūrayaḥ // ### [1.46.12](https://indike.org/pramana/in.purana.narada.1.46.12) tadbūhya tatparaṃ dhāma taddhyeyaṃ mo7kāṅkṣibhiḥ / śrutivākyoditaṃ sūkṣmaṃ tadviṣṇoḥ paramaṃ padam // ### [1.46.13](https://indike.org/pramana/in.purana.narada.1.46.13) tadeva bhagavadvācyaṃ svarūpaṃ paramātmanaḥ / vācako bhagavacchabdastasyoddiṣṭo 'kṣayātmanaḥ // ### [1.46.14](https://indike.org/pramana/in.purana.narada.1.46.14) evaṃ nigaditārthasya yattatvaṃ tasya tattvataḥ / jñāyate yena tajjñānaṃ paramanyatrayīmayam // ### [1.46.15](https://indike.org/pramana/in.purana.narada.1.46.15) aśabdagocarasyāpi tasya vai brahmaṇo dvijā / pūjāyāṃ bhagavacchabdaḥ kriyate hyaupacārikaḥ // ### [1.46.16](https://indike.org/pramana/in.purana.narada.1.46.16) śuddhe mahāvibhūtyākhye pare brahmaṇi varttate / bhagavanbhagavacchabdaḥ sarvakāraṇakāraṇe // jñeyaṃ jñāteti tathā bhakāror'thadvayātmakaḥ / tenāgamapitā sraṣṭā gakāro 'yaṃ tathā mune // ### [1.46.17](https://indike.org/pramana/in.purana.narada.1.46.17) aiśvaryasya samagrasya vīryasya yaśasaḥ śriyaḥ / jñānavairāgyayoścaiva ṣaṇṇāṃ bhaga itīraṇā // ### [1.46.18](https://indike.org/pramana/in.purana.narada.1.46.18) vasaṃti tatra bhūtāni bhūtātmanyakhilātmani / sarvabhūteṣvaśeṣeṣu vakārārthastato 'vyayaḥ // ### [1.46.19](https://indike.org/pramana/in.purana.narada.1.46.19) evameva mahāśabdo bhagavāniti sattama / paramabrahmabhūtasya vāsudevasya nānyagaḥ // ### [1.46.20](https://indike.org/pramana/in.purana.narada.1.46.20) tatra pūjyapadārthoktiḥ paribhāṣāsamanvitaḥ / śabdo 'yaṃ nopacāreṇa cānyatra hyupacārataḥ // ### [1.46.21](https://indike.org/pramana/in.purana.narada.1.46.21) utpattiṃ pralayaṃ caiva bhūtānāmāgatiṃ gatim / vetti vidyāmavidyāṃ ca sa vācyo bhagavāniti // ### [1.46.22](https://indike.org/pramana/in.purana.narada.1.46.22) jñānaśaktibalaiśvaryavīryatejāṃsyaśeṣataḥ / bhagavacchabdavācyāni vinā heyairguṇādibhiḥ // ### [1.46.23](https://indike.org/pramana/in.purana.narada.1.46.23) sarvāṇi tatra bhūtāni vasaṃti paramātmani / bhūteṣu vasanādeva vāsudevastataḥ smṛtaḥ // ### [1.46.24](https://indike.org/pramana/in.purana.narada.1.46.24) khāṇḍikyaṃ janakaṃ prāha pṛṣṭaḥ keśidhvajaḥ purā / nāmavyākhyāmanantasya vāsudevasya tattvataḥ // ### [1.46.25](https://indike.org/pramana/in.purana.narada.1.46.25) bhūteṣu vasate soṃ'tarvasaṃtyatra ca tāni yat / dhātā vidhātā jagatāṃ vāsudevastataḥ prabhuḥ // ### [1.46.26](https://indike.org/pramana/in.purana.narada.1.46.26) sa sarvabhūtaprakṛtiṃ vikāraṃ guṇādidoṣāṃśca mune vyatītaḥ / atītasarvāvaraṇo 'khilātmā tenāstṛtaṃ yadbhuvanāntarālam // ### [1.46.27](https://indike.org/pramana/in.purana.narada.1.46.27) samastakalyāṇaguṇaṃ guṇātmako hitvātiduḥkhāvṛtabhūtasargaḥ / icchāgṛhītābhimatorudehaḥ saṃsādhitāśeṣajagaddhito 'sau // ### [1.46.28](https://indike.org/pramana/in.purana.narada.1.46.28) tejobalaiśvaryamahāvabodhaṃ svavīryaśaktyāduguṇaikarāśiḥ / paraḥ parāṇāṃ sakalā na yatra kleśādayaḥ saṃti parāvareśe // ### [1.46.29](https://indike.org/pramana/in.purana.narada.1.46.29) sa īśvaro vyaṣṭisamaṣṭirūpo 'vyaktasvarūpaḥ prakaṭasvarūpaḥ / sarveśvaraḥ sarvanisargavettā samaskaśaktiḥ parameśvarākhyaḥ // ### [1.46.30](https://indike.org/pramana/in.purana.narada.1.46.30) sa jñāyate yena tadastadoṣaṃ śuddhaṃ paraṃ nirmalameva rūpam / saṃdṛśyate cāpyavagamyate ca tajjñānamato 'nyaduktam // ### [1.46.31](https://indike.org/pramana/in.purana.narada.1.46.31) /. svādhyāyasaṃyamābagyāṃ sa dṛśyate puruṣottamaḥ / tatprāptikāraṇaṃ brahma tavetatpratipadyate // ### [1.46.32](https://indike.org/pramana/in.purana.narada.1.46.32) svādhyāyādyogamāsīta yogātsvādhyāyamāmanet / svādhyāyayogasaṃpattyā paramātmā prakāśate // ### [1.46.33](https://indike.org/pramana/in.purana.narada.1.46.33) tadīkṣaṇāya svādhyāyaścakṣuryogastathāparam / na māṃsacakṣuṣā draṣṭuṃ brahmabhūtaḥ sa śakyate // ### [1.46.34](https://indike.org/pramana/in.purana.narada.1.46.34) // nārada uvāca bhagavaṃstamahaṃ yogaṃ jñātumicchāmi taṃ vada / jñāte yannākhilādhāraṃ paśyeyaṃ parameśvaram // ### [1.46.35](https://indike.org/pramana/in.purana.narada.1.46.35) sanandana uvāca keśidhvajo yathā prāha khāṇḍikyāya mahātmane / janakāya purā yogaṃ tathāhaṃ kathayāmi te // ### [1.46.36](https://indike.org/pramana/in.purana.narada.1.46.36) nārada uvāca khāṇḍikyaḥ ko 'bhavadbrahman ko vā keśidhvajo 'bhavat / kathaṃ tayośca saṃvādo yogasaṃbandhavānabhūt // ### [1.46.37](https://indike.org/pramana/in.purana.narada.1.46.37) sanandana uvāca dharmadhvajo vai janaka tasya puśe 'mitadhvajaḥ / kṛtadhvajo 'sya bhrātābhūtsadādhyātmaratirnṛpaḥ // ### [1.46.38](https://indike.org/pramana/in.purana.narada.1.46.38) kṛtadhvajasya putro 'bhūddhanyaḥ keśidhvajo dvijaḥ / putro 'mitavvajasyāpi khāṇḍikyajanakābhidhaḥ // karmamārge hi khāṇḍikyaḥ svarājyādavaropitaḥ / purodhasā mantribhiśca samaveto 'lpasādhanaḥ // ### [1.46.39](https://indike.org/pramana/in.purana.narada.1.46.39) rājyānnirākṛtaḥ so 'tha durgāraṇyacaro 'bhavat / iyāḍaja so 'pi subahūna yajñāñjñānavyapāśrayaḥ // ### [1.46.40](https://indike.org/pramana/in.purana.narada.1.46.40) brahmavidyāmadhiṣṭāya tartuṃ mṛtyumapi svayam / ekadā vartamānasya yāge yogavidāṃ vara // ### [1.46.41](https://indike.org/pramana/in.purana.narada.1.46.41) tasya dhenuṃ jaghānograḥ śārdūlo vijane vane / tato rājā hatāṃ jñātvā dhenuṃ vyāghreṇa cartvijaḥ // ### [1.46.42](https://indike.org/pramana/in.purana.narada.1.46.42) prāyaścittaṃ sa papraccha kimatreti vidhīyatām / te cocurnavayaṃvidmaḥ kaśeruḥ pṛcchyatāmiti // ### [1.46.43](https://indike.org/pramana/in.purana.narada.1.46.43) kaśerurapi tenoktastatheti prāha nārada / śunakaṃ pṛccha rājendra veda sa vetsyati // ### [1.46.44](https://indike.org/pramana/in.purana.narada.1.46.44) sa gatvā tamapṛcchañca so 'pyāha nṛpatiṃ mune / na kaśerurnacaivāhaṃ na cānyaḥ sāṃprataṃ bhuvi // ### [1.46.45](https://indike.org/pramana/in.purana.narada.1.46.45) vettyeka eva tvacchatruḥ khāṇḍikyo yo jitastvayā / sa cāha taṃ vrajāmyeṣa praṣṭumātmaripuṃ mune // ### [1.46.46](https://indike.org/pramana/in.purana.narada.1.46.46) prāpta eva mayā yajñe yadi māṃ sa haniṣyati / prāyaścittaṃ sa cetpṛṣṭo vadiṣyati ripurmama // ### [1.46.47](https://indike.org/pramana/in.purana.narada.1.46.47) tataścāvikalo yogo muniśreṣṭha bhaviṣyati / ityuktvā rathamāruhya kṛṣṇājinadharo nṛpaḥ // ### [1.46.48](https://indike.org/pramana/in.purana.narada.1.46.48) vanaṃ jagāma yatrāste khāṇḍikyaḥ sa mahīpatiḥ / tamāyāntaṃ samālokya khāñjaḍikyo ripumātmanaḥ // ### [1.46.49](https://indike.org/pramana/in.purana.narada.1.46.49) provāca krodhatāmrākṣaḥ samāropitakārmukaḥ / khāṇḍikya uvāca kṛṣṇājinatvakkavacabhāvenāsmānhaniṣyasi // ### [1.46.50](https://indike.org/pramana/in.purana.narada.1.46.50) kṛṣṇājinadhare vetsi na mayi prahariṣyati / mṛgānāṃ vada pṛṣṭeṣu mūḍha kṛṣṇājinaṃ na kim // ### [1.46.51](https://indike.org/pramana/in.purana.narada.1.46.51) yeṣāṃ matvā vṛthā cogrāḥ prahitāḥ śitasāyakāḥ / sa tvāmahaṃ haniṣyāmi na me jīvanvimokṣyase // ### [1.46.52](https://indike.org/pramana/in.purana.narada.1.46.52) ātatāyyasi durbuddhe mama rājyaharo ripuḥ / keśidhvaja uvāca khāṇḍikya saṃśayaṃ praṣṭuṃ bhavantamahamāgataḥ // ### [1.46.53](https://indike.org/pramana/in.purana.narada.1.46.53) na tvāṃ hṝntuṃ vicāryataitkopaṃ bāṇaṃ ca muñca vā / tataḥ sa mantribhiḥ sārddhamekānte sapurohitaḥ // ### [1.46.54](https://indike.org/pramana/in.purana.narada.1.46.54) mantrayāmāsa khāṇḍikyaḥ sarvaireva mahāmatiḥ / tamūrmantriṇo vadhyo ripureṣa vaśaṅgataḥ // ### [1.46.55](https://indike.org/pramana/in.purana.narada.1.46.55) hate 'tra pṛthivī sarvā tava vaśyā bhaviṣyati / khāṇḍikyaścāha tānsarvāneva meva na saṃśayaḥ // ### [1.46.56](https://indike.org/pramana/in.purana.narada.1.46.56) hate tu pṛthivī sarvā mama vaśyā bhaviṣyati / paralokajayastasya pṛthivī sakalā mama // ### [1.46.57](https://indike.org/pramana/in.purana.narada.1.46.57) na hanmi cellokajayo mama vayatvaḥsuṃdharā / paralokajayo 'nantaḥ svalpakālo mahījayaḥ // ### [1.46.58](https://indike.org/pramana/in.purana.narada.1.46.58) tasmānnainaṃ haniṣye 'haṃ yatpṛcchati vadāmi tat / tatastamabhyupetyāha khāṇḍikyo janako ripum // ### [1.46.59](https://indike.org/pramana/in.purana.narada.1.46.59) praṣṭavyaṃ yattvayā sarvaṃ tatpṛccha tvaṃ vadāmyaham / tataḥ prāha yathāvṛttaṃ homadhenuvadhaṃ mune // ### [1.46.60](https://indike.org/pramana/in.purana.narada.1.46.60) tataśca taṃ sa papraccha prāyaścittaṃ hi tadrūtam / sa cācaṣṭa yathānyāyaṃ mune keśidhvajāya tat // ### [1.46.61](https://indike.org/pramana/in.purana.narada.1.46.61) prāyaścittamaśeṣaṃ hi yadvai tatra vidhīyate / viditārthaḥ sa tenaivamanujñāto mahātmanā // ### [1.46.62](https://indike.org/pramana/in.purana.narada.1.46.62) yāgabhūmimupāgatya cakre sarvāṃ kriyāṃ kramat / krameṇa vidhivadyāgaṃ nītvā so 'vabhṛthāplutaḥ // ### [1.46.63](https://indike.org/pramana/in.purana.narada.1.46.63) kṛtakṛtyastato bhūtvā cintayāmāsa pārthivaḥ / pūjitā ṛtvijaḥ sarve sadasyā mānitā mayā // ### [1.46.64](https://indike.org/pramana/in.purana.narada.1.46.64) tathaivārthijano 'pyarthojito 'bhimatairmayā / yathāhaṃ martyalokasya mayā sarvaṃ vicaṣṭitam // ### [1.46.65](https://indike.org/pramana/in.purana.narada.1.46.65) aniṣpannakriyaṃ cetastathā na mama kiṃ yathā / itthaṃ tu cintayanneva saṃmāra sa mahīpatiḥ // ### [1.46.66](https://indike.org/pramana/in.purana.narada.1.46.66) khāṇḍikyāya na datteti mayā vaigurudakṣiṇā / sa jagāma tato bhūyo rathamāruhya pārthivaḥ // ### [1.46.67](https://indike.org/pramana/in.purana.narada.1.46.67) svāyaṃbhuvaḥ sthito yatra khāṇḍikyo 'raṇyadurgamam / khāṇḍikyo 'pi punarddaṣṭvā tamāyāntaṃ dhṛtāyudhaḥ // ### [1.46.68](https://indike.org/pramana/in.purana.narada.1.46.68) tasthau hṝntuṃ kṛtamatismamāha sa punarnṛpaḥ / ahaṃ tu nāpakārāya prāptaḥ khāṇḍikya mā krudhaḥ // ### [1.46.69](https://indike.org/pramana/in.purana.narada.1.46.69) gurorniṣkṛtidānāya māmavehi semāgatam / niṣpādito mayā yāgaḥ samyak tvadupadeśataḥ // ### [1.46.70](https://indike.org/pramana/in.purana.narada.1.46.70) so 'haṃ te dātumicchāmi vṛṇīṣva gurudakṣiṇām / ityukto mantrayāmāsa sa bhūyo mantribhiḥ saha // ### [1.46.71](https://indike.org/pramana/in.purana.narada.1.46.71) gurorniṣkṛtikāmo 'ya kimayaṃ prārthyatāṃ mayā / tamūcurmantriṇo gajyamaśeṣaṃ yācyatāmayam // ### [1.46.72](https://indike.org/pramana/in.purana.narada.1.46.72) kṛtābhiḥ prārthyate rājyamanāyāsitasainikaiḥ / prāhasya tānāha nṛpaḥ sa khāṇḍikyo mahāpatiḥ // ### [1.46.73](https://indike.org/pramana/in.purana.narada.1.46.73) svalpakālaṃ mahīrājyaṃ mādṛśaiḥ prārthyate katham / etametadbhaṃvato 'tra svārtha sādhanamantriṇaḥ // ### [1.46.74](https://indike.org/pramana/in.purana.narada.1.46.74) paramārthaḥ kathaṃ ko 'tra yūyaṃ nātra vicakṣaṇāḥ / ityuktvā samupetyaiṃnaṃ sa tu keśidhvajaṃ nṛpam // ### [1.46.75](https://indike.org/pramana/in.purana.narada.1.46.75) uvāca kimavaśyaṃ tvaṃ dāsyasi gurudakṣiṇām / bāḍhamityeva tenoktaḥ khāṇḍikyastamathābravīt // ### [1.46.76](https://indike.org/pramana/in.purana.narada.1.46.76) bhavānadhyātmavijñānaparamārthavicakṣaṇaḥ / yadi ceddīyate mahyaṃ bhavatā guruniṣkrayaḥ // ### [1.46.77](https://indike.org/pramana/in.purana.narada.1.46.77) tatkleśapraśamāyālaṃ yatkarma tadudīraya / keśidhvaja uvāca na prārthitaṃ tvayā kasmānmama rājyamakaṇṭakam // ### [1.46.78](https://indike.org/pramana/in.purana.narada.1.46.78) rājyalābhāḥ ddhi nāstyanyatkṣatriyāṇāmatipriyam / khāṇḍikya uvāca keśidhvaja nibodha tvaṃ mayā na prārthitaṃ yataḥ // ### [1.46.79](https://indike.org/pramana/in.purana.narada.1.46.79) rājyametadaśeṣeṇa yanna gṛghranti paṇḍitāḥ / kṣatriyāṇāmayaṃ dharmo yatprajāparipālanam // ### [1.46.80](https://indike.org/pramana/in.purana.narada.1.46.80) vadhaśca dharmayuddhena svarājyaparipanthinām / yatrāśaktasya me doṣo naivāstyapakṛte tvayā // ### [1.46.81](https://indike.org/pramana/in.purana.narada.1.46.81) bandhāyaiva bhavatyeṣā hyavidyā cākramojjhitā / janmoparbhāgalipsārthamiyaṃ gajyaspṛhā mama // ### [1.46.82](https://indike.org/pramana/in.purana.narada.1.46.82) anyeṣāṃ dopajāneva dharmamevānurudhyate / na yācñā kṣatrabandhūnāṃ dharmāyaitatsatāṃ matam // ### [1.46.83](https://indike.org/pramana/in.purana.narada.1.46.83) ato na yācita rājyamavidyāntargataṃ tava / rājyaṃ gṛdhnanti vidvāṃso mamatvākṛṣṭacetasaḥ // ### [1.46.84](https://indike.org/pramana/in.purana.narada.1.46.84) ahaṃmānamahya pānamadamattā na mādṛśāḥ / keśidhvaja uvāca ahaṃ ca vidyayā mṛtyuṃ tartukāmaḥ karomi vai // ### [1.46.85](https://indike.org/pramana/in.purana.narada.1.46.85) rājyaṃ yajñāṃśca vividhānbhoge puṇyakṣayaṃ tathā / tadidaṃ te mano diṣṭyā vivekaiścaryatāṃ gatam // ### [1.46.86](https://indike.org/pramana/in.purana.narada.1.46.86) śrūyatāṃ cāpyavidyāyāḥ svarūpaṃ kulanandana / anātmanyātmabuddhiryā hyasve svaviṣayā matiḥ // ### [1.46.87](https://indike.org/pramana/in.purana.narada.1.46.87) avidyātarusaṃnbhūtaṃ bījametaddvidhā sthitam / pañcabhūtātmake dehe dehī mohatamovṛttaḥ // ### [1.46.88](https://indike.org/pramana/in.purana.narada.1.46.88) ahametaditītyuñcaiḥ kurute kumatirmatim / ākāśavāyvagrijalapṛthivībhiḥ pṛthak sthite // ### [1.46.89](https://indike.org/pramana/in.purana.narada.1.46.89) ātmanyātmamayaṃ bhāvaṃ kaḥ karoti kalevare / kalevaropabhogyaṃ hi gṛhakṣetrādikaṃ ca yat // ### [1.46.90](https://indike.org/pramana/in.purana.narada.1.46.90) adehe hyātmani prājño mamedamiti manyate / itthaṃ ca putrapautreṣu taddehotpāditeṣu ca // ### [1.46.91](https://indike.org/pramana/in.purana.narada.1.46.91) karoti paṇḍitaḥ svāmyamanātmani kalevare / sarvadehopabhogāya kurute karma mānavaḥ // ### [1.46.92](https://indike.org/pramana/in.purana.narada.1.46.92) dehaṃ cānyadyadā puṃsaḥsadā bandhāya tatparam / mṛṇmayaṃ hi yathā gehaṃ lipyate vai mṛdaṃ bhasā // ### [1.46.93](https://indike.org/pramana/in.purana.narada.1.46.93) pārthivo 'yaṃ tathā deho mṛdaṃbholepanasthitiḥ / pañcabhogātmakairbhogaiḥ pañcabhogātmakaṃ vapuḥ // ### [1.46.94](https://indike.org/pramana/in.purana.narada.1.46.94) āpyāyate yadi tataḥ puṃso garvo 'tra kiṅkṛtaḥ / anekajanmasāhastraṃ sasārapadavīṃ vrajan // ### [1.46.95](https://indike.org/pramana/in.purana.narada.1.46.95) mohaśramaṃ prayāto 'sau vāsanāreṇuguṇṭhitaḥ / prakṣālyate yadā saumya reṇurjñānoṣṇavāriṇā // ### [1.46.96](https://indike.org/pramana/in.purana.narada.1.46.96) tadā saṃsārapānthasya yāti mohaśramaḥ śamam / mohaśrame śamaṃ yāte svacchāntaḥkaraṇaḥ pumān // ### [1.46.97](https://indike.org/pramana/in.purana.narada.1.46.97) ananyātiśayādhāraḥ paraṃ nirvāṇamṛcchati / nirvāṇamaya evāyamātmā jñānamayo 'malaḥ // ### [1.46.98](https://indike.org/pramana/in.purana.narada.1.46.98) duḥkhājñānamayā dharmāḥ prakṛteste tunātmanaḥ / jalasya nāgninā saṃgaḥ sthālīsaṃgāttathāpi hi // ### [1.46.99](https://indike.org/pramana/in.purana.narada.1.46.99) śabdodrekādikāndharmānkaroti hi yathā budhaḥ / tathātmā prakṛteḥ saṃgādahaṃmānādidūṣitaḥ // ### [1.46.100](https://indike.org/pramana/in.purana.narada.1.46.100) bhajate prākṛtāndharmānnyastastaṃbho hi so 'vyayaḥ / tadetatkathitaṃ bījamavidyāyā mayā tava // ### [1.46.101](https://indike.org/pramana/in.purana.narada.1.46.101) kleśānāṃ ca kṣayakaraṃ yogādanyanna vidyate // ### [1.46.101.p1](https://indike.org/pramana/in.purana.narada.1.46.101.p1) iti śrībṛhannāradīyapurāṇe pūrvabhāge bṛhadupākhyāne dvitīyapāde ṣaṭcatvāriṃśattamo 'dhyāyaḥ ## Linked texts (6) - [Viṣṇupurāṇa (critical edition)](https://indike.org/pramana/in.purana.visnu*crit.6.5.59) — Sanskrit - [Brahmapurāṇa](https://indike.org/pramana/in.purana.brahma.234.57) — Vyāsa, Sanskrit - [Agnipurāṇa](https://indike.org/pramana/in.purana.agni.378.18) — Vyāsa, Sanskrit - [Bhāgavatapurāṇa](https://indike.org/pramana/in.purana.bhagavata.6.9.38) — Vyāsa, Sanskrit - [Āryacarita](https://indike.org/pramana/in.lit.short_stories.aryacarita.96.59) — Sanskrit - [Siddhāntasiddhāñjana](https://indike.org/pramana/in.darsana.advaita.sastra.siddhantasiddhanjana.2.p12) — Kṛṣṇānanda Sarasvatī 1640, Sanskrit --- Source: [https://indike.org/pramana/in.purana.narada.1.46](https://indike.org/pramana/in.purana.narada.1.46) · Pramāṇa