[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.47 # Naradapurana 1.47 Nāradapurāṇa 1.47 - **Language:** Sanskrit ## Contents - [1.47.82](https://indike.org/pramana/in.purana.narada.1.47.82) — 1 part ### [1.47.1](https://indike.org/pramana/in.purana.narada.1.47.1) sanandana uvāca etadadhyātmamānāḍhyaṃ vacaḥ keśidhvajasya saḥ / khāṇḍikyo 'mṛtavacchratvā punarāha tamīrayan // ### [1.47.2](https://indike.org/pramana/in.purana.narada.1.47.2) khāṇḍikya uvāca tad brūhi tvaṃ mahābhāga yogaṃ yogaviduttama / vijñātayo gaśāstrārthastvamasyāṃ nimisaṃtatau // ### [1.47.3](https://indike.org/pramana/in.purana.narada.1.47.3) keśidhvaja uvāca yogasvarūpaṃ khāṇḍikya śrūyatāṃ gadato mama / yatra sthito na cyavate prāpya brahmalayaṃ muniḥ // ### [1.47.4](https://indike.org/pramana/in.purana.narada.1.47.4) mana eva manuṣyāṇāṃ kāraṇaṃ bandhamokṣayoḥ / bandhasya viṣayāsaṃgi mukternirviṣayaṃ tathā // ### [1.47.5](https://indike.org/pramana/in.purana.narada.1.47.5) viṣayebhyaḥ samāhṛtya vijñānātmā budho manaḥ / cintayenmuktaye tena brahmabhūtaṃ pareśvaram // ### [1.47.6](https://indike.org/pramana/in.purana.narada.1.47.6) ātmabhāvaṃ nayettena tadbrīhyadhyāpanaṃ manaḥ / vikāryamātmanaḥ śaktyā lohamākarṣako yathā // ### [1.47.7](https://indike.org/pramana/in.purana.narada.1.47.7) ātmaprayatnasāpekṣā viśiṣṭā yā manogatiḥ / tasyā brahmaṇi saṃyogo yoga ityabhidhīyate // ### [1.47.8](https://indike.org/pramana/in.purana.narada.1.47.8) evamatyantavaiśiṣṭyayuktadharmopalakṣaṇam / yasya yogaḥ sa vai yogī mumukṣuramidhīyate // ### [1.47.9](https://indike.org/pramana/in.purana.narada.1.47.9) yogayuk prathamaṃ yogī yuñjamāno 'bhidhīyate / viniṣyannasamādhistu parabrahmopalabdhimān // ### [1.47.10](https://indike.org/pramana/in.purana.narada.1.47.10) yadyantarāyadoṣeṇa dūṣyate nāsya mānasam / janmāntarairabhyasanānmuktiḥ pūrvasya jāyate // ### [1.47.11](https://indike.org/pramana/in.purana.narada.1.47.11) viniṣpannasamādhistu muktistatraiva janmani / prāpnoti yogī yogāgnidagdhakarmacayo 'cirāt // ### [1.47.12](https://indike.org/pramana/in.purana.narada.1.47.12) brahmacaryamahiṃsāṃ ca satyāsteyāparigrahān / seveta yogī niṣkāmo yigitāṃ svamano nayan // ### [1.47.13](https://indike.org/pramana/in.purana.narada.1.47.13) svādhyāyaśaucasaṃtoṣatapāṃsi niyamānyamān / kurvvīta brahmaṇi tathā parisminpravaṇaṃ manaḥ // ### [1.47.14](https://indike.org/pramana/in.purana.narada.1.47.14) ete yamāśca niyamāḥ pañca pañcaprakīrtitāḥ / viśiṣṭaphaladāḥ kāmyā niṣkāmānāṃ vimuktidāḥ // ### [1.47.15](https://indike.org/pramana/in.purana.narada.1.47.15) evaṃ bhadrāsanādīnāṃ samāsthāya guṇairyutaḥ / yamākhyairniyamākhyaiśca yuñjīta niyato yatiḥ // ### [1.47.16](https://indike.org/pramana/in.purana.narada.1.47.16) prāṇākhyamavalaṃbasthamabhyāsātkurute tu yat / prāṇāyāmaḥ sa vijñeyaḥ sabījo 'bīja eva ca // ### [1.47.17](https://indike.org/pramana/in.purana.narada.1.47.17) paraspareṇābhibhavaṃ prāṇāpānau yadā nilau / kurutaḥ sadvidhānena tṛtīyaḥ saṃyamāttayoḥ // ### [1.47.18](https://indike.org/pramana/in.purana.narada.1.47.18) tasya cāṃlabanavatsthūlaṃ rūpaṃ dviṣatpate / ālaṃbanamanantasya yogino 'bhyasataḥ smṛtam // ### [1.47.19](https://indike.org/pramana/in.purana.narada.1.47.19) śabdādiṣvanuraktāni nigṛhyākṣāṇi yogavit / kuryyāñcittānukārīṇi pratyāhāraparāyaṇaḥ // ### [1.47.20](https://indike.org/pramana/in.purana.narada.1.47.20) vaśyatā paramā tena jāyate niścalā tmanām / indriyāṇāmavaśyaistairna yogī yogasādhakaḥ // ### [1.47.21](https://indike.org/pramana/in.purana.narada.1.47.21) prāṇāyāmena pavanaiḥ pratyāhareṇa cendriyaiḥ / vaśīkṛtaistataḥ kuryātsthiraṃ cetaḥ śubhāśraye // ### [1.47.22](https://indike.org/pramana/in.purana.narada.1.47.22) khāṇḍikya uvāca kathyatāṃ me mahābhāga cetaso yaḥ śubhāśrayaḥ / yadādhāramaśeṣaṃ tu hṝnti doṣasamudbhavam // ### [1.47.23](https://indike.org/pramana/in.purana.narada.1.47.23) keśidhvaja uvāca āśrayaścetaso jñānin dvidhā tañca svarūpataḥ / rūpaṃ mūrtamamūrtaṃ ca paraṃ cāparameva ca // ### [1.47.24](https://indike.org/pramana/in.purana.narada.1.47.24) trividhā bhāvanā rūpaṃ viśvametattridhocyate / brahmākhyā karmasaṃjñā ca tathā caivobhayātmikā // ### [1.47.25](https://indike.org/pramana/in.purana.narada.1.47.25) karmabhāvātmikā hyekā brahmabhāvātmikāparā / ubhayātmikā tathaivānyā trividhā bhāvabhāvanā // ### [1.47.26](https://indike.org/pramana/in.purana.narada.1.47.26) sanakādyā sadā jñānin brahmabhāvanayā yutāḥ / karmabhāvanayā cānye devādyāḥ sthāvarāścarāḥ // ### [1.47.27](https://indike.org/pramana/in.purana.narada.1.47.27) hiraṇyagarbhādiṣu ca brahmakarmātmikā dvidhā / adhikārabodhayukteṣu vidyate bhāvabhāvanā // ### [1.47.28](https://indike.org/pramana/in.purana.narada.1.47.28) akṣīṇeṣu samasteṣu viśeṣajñānakarmasu / viśvametatparaṃ cānyadbhedabhinnadṛśāṃ nṛpa // ### [1.47.29](https://indike.org/pramana/in.purana.narada.1.47.29) pratyastamitabhedaṃ yatsattāmātramagocaram / vacasāmātmasaṃtodyaṃ tajjñānaṃ brahmasaṃjñitam // ### [1.47.30](https://indike.org/pramana/in.purana.narada.1.47.30) tacca viṣṇoḥ paraṃ rūpamarūpasyājanasya ca / viśvasvarūpaṃ vairūpyalakṣaṇaṃ paramātmanaḥ // ### [1.47.31](https://indike.org/pramana/in.purana.narada.1.47.31) na tadyogayujā śakyaṃ nṛpa cintayituṃ yataḥ / tataḥ sthūlaṃ hare rūpaṃ cintyaṃ yañcakṣugocaram // ### [1.47.32](https://indike.org/pramana/in.purana.narada.1.47.32) hiraṇyagarbho bhagavānvāsavo 'tha prajāpatiḥ / maruto vasavo rudrā bhāskārāstārakā grahāḥ // ### [1.47.33](https://indike.org/pramana/in.purana.narada.1.47.33) gandharvā yakṣadaityāśca sakalā devayotayaḥ / manuṣyāḥ paśavaḥ śailāsamudrāḥ sarito drumāḥ // ### [1.47.34](https://indike.org/pramana/in.purana.narada.1.47.34) bhūpa bhūtānyaśeṣāṇi bhūtānāṃ ye ca hetavaḥ / pradhānādiviśeṣāntāścetanāñcetanātmakam // ### [1.47.35](https://indike.org/pramana/in.purana.narada.1.47.35) ekapādaṃ dvipādaṃ ca bahupādamapādakam / mūrttametaddhare rūpaṃ bhāvanātritayātmakam // ### [1.47.36](https://indike.org/pramana/in.purana.narada.1.47.36) etatsarvamidaṃ viṃśvaṃ jagadetañcarācaram / parabrahmasvarūpasya viṣṇoḥ śaktisamanvitam // ### [1.47.37](https://indike.org/pramana/in.purana.narada.1.47.37) viṣṇuśaktiḥ parā proktā kṣetrajñākhyā tathāparā / avidyākarmasaṃjñānyā tṛtīyā śaktiriṣyate // ### [1.47.38](https://indike.org/pramana/in.purana.narada.1.47.38) yeyaṃ kṣetrajñaśaktiḥ sā ceṣṭitā nṛpa karmajā / asārabhūte saṃsāre proktā tatra mahāmate // ### [1.47.39](https://indike.org/pramana/in.purana.narada.1.47.39) saṃsāratāpānakhilānavāpnotyanusaṃjñitān / tayā tirohitatvāttu śaktiḥ kṣetrajña saṃjñitā // ### [1.47.40](https://indike.org/pramana/in.purana.narada.1.47.40) sarvabhūteṣu bhūpāla tāratamyena lakṣyate / aprāṇavatsu khalvalpā sthāvareṣu tato 'dhikā // ### [1.47.41](https://indike.org/pramana/in.purana.narada.1.47.41) sarīsṛpeṣu tebhyo 'nyāpyatiśaktyā patatriśu / patatrribhyo mṛgāstebhyaḥ svaśaktyā paśavo 'dhikāḥ // ### [1.47.42](https://indike.org/pramana/in.purana.narada.1.47.42) paśubhyo manujāścātiśaktyā puṃsaḥprabhāvitāḥ / tebhyo 'pi nāgagandharvayakṣādyā devatā nṛpa // ### [1.47.43](https://indike.org/pramana/in.purana.narada.1.47.43) śakraḥ samastadevebhyastataścātiprajāpatiḥ / hiraṇyagarbho 'pi tataḥ puṃsaḥ śaktyupalakṣitaḥ // ### [1.47.44](https://indike.org/pramana/in.purana.narada.1.47.44) etānyaśeṣarūpāṇi tasya rūpāṇi pārthiva / yatastacchaktiyogena yuktāni nabhasā yathā // ### [1.47.45](https://indike.org/pramana/in.purana.narada.1.47.45) dvitīyaṃ viṣṇusaṃjñasya yogidhyeyaṃ mahāmate / amṛrtaṃ brahmaṇo rūpaṃ yatsadityucyate budhaiḥ // ### [1.47.46](https://indike.org/pramana/in.purana.narada.1.47.46) samastāḥ śaktayaścaitā nṛpa yatra pratiṣṭitāḥ / nahi svarūparūpaṃ vai rūpamanyaddharermahat // ### [1.47.47](https://indike.org/pramana/in.purana.narada.1.47.47) samastaśaktirūpāṇi tatkaroti janeśvara / devatiryaṅmanuṣyādiceṣṭāvanti svalīlayā // ### [1.47.48](https://indike.org/pramana/in.purana.narada.1.47.48) jagatāmupakārāya tasya karmanimittajā / ceṣṭā tasyāprameyasya vyāpinyavihitātmikā // ### [1.47.49](https://indike.org/pramana/in.purana.narada.1.47.49) tadrūpaṃ viśvarūpāya cintyaṃ yoga yujā nṛpa / tasya hyātmaviśuddhyarthaṃ sarvakilbiṣanāśanam // ### [1.47.50](https://indike.org/pramana/in.purana.narada.1.47.50) yathāgnirūddhataśikhaḥ kakṣaṃ dahati sānilaḥ / tathā cittasthito viṣṇuryogināṃ sarvakilbiṣam // ### [1.47.51](https://indike.org/pramana/in.purana.narada.1.47.51) tasmātsamastaśaktīnāmāndyānte tatra cetasaḥ / kurvīta saṃsthitaṃ sādhu vijñeyā śuddhalakṣaṇā // ### [1.47.52](https://indike.org/pramana/in.purana.narada.1.47.52) śubhāṃśrayaḥ sacittasya sarvagasya tathātmanaḥ / tribhāvabhāvanātīto muktaye yogināṃ nṛpa // ### [1.47.53](https://indike.org/pramana/in.purana.narada.1.47.53) anye tu puruṣavyāghra cetaso ye vyāpā8yāḥ / aśuddhāste samastāstu devādyāḥ karmayonayaḥ // ### [1.47.54](https://indike.org/pramana/in.purana.narada.1.47.54) mūrttaṃ bhagavato rūpaṃ sarvāpāśrayanispṛhaḥ / eṣā vai dhāraṇā jñeyā yañcitaṃ tatra dhāryate // ### [1.47.55](https://indike.org/pramana/in.purana.narada.1.47.55) tatra mūrttaṃ hare rūpaṃ yādṛk cintyaṃ narādhipa / tacchrūyatā manādhāre dhāraṇā nopapadyate // ### [1.47.56](https://indike.org/pramana/in.purana.narada.1.47.56) prasannacāruvadanaṃ padmapatrāyatekṣaṇam / sukapolaṃ suvistīrṇaṃ lalāṭaphalakojjvam // ### [1.47.57](https://indike.org/pramana/in.purana.narada.1.47.57) samakarṇāṃsavinya stacārukarṇopabhūṣaṇam / kambugrīvaṃ suvistīrṇaśrīvatsāṃkitavakṣasam // ### [1.47.58](https://indike.org/pramana/in.purana.narada.1.47.58) balitriṃbhāginā bhugnanābhinā codareṇa vai / pralaṃbāṣṭabhujaṃ viṣṇumatha vāpi caturbhujam // ### [1.47.59](https://indike.org/pramana/in.purana.narada.1.47.59) samasthitorujaghanaṃ susthirāṅghrikarāṃbujaṃm / cintayedbūhyabhūtaṃ taṃ pītanirmalavāsasam // ### [1.47.60](https://indike.org/pramana/in.purana.narada.1.47.60) kirīṭacārukeyūrakaṭakādivibhūṣitam / śārṅgaśaṅkhagadākhaḍgaprakāśavalayāñcitam // ### [1.47.61](https://indike.org/pramana/in.purana.narada.1.47.61) cintayettanmayo yogī samādhāyātmamānasam / tāvadyāvad dṛḍhībhūtā tatraiva nṛpa dhāraṇā // ### [1.47.62](https://indike.org/pramana/in.purana.narada.1.47.62) vadatastiṣṭato yadvā svecchayā karma kurvataḥ / nāpayāti yadā cittātsiddhāṃ manyeta tāṃ tadā // ### [1.47.63](https://indike.org/pramana/in.purana.narada.1.47.63) tataḥ śaṅkhagadācakraśārṅgādi rahitaṃ budhaḥ / cintaye dbhagavadrūpaṃ praśāntaṃ sākṣasūtrakam // ### [1.47.64](https://indike.org/pramana/in.purana.narada.1.47.64) sā yadā dhāraṇā tadvadavasthānavatī tataḥ / kirīṭakeyūramukhairbhūṣaṇai rahitaṃ smaret // ### [1.47.65](https://indike.org/pramana/in.purana.narada.1.47.65) tadekāvayavaṃ caivaṃ cetasā hi punarbudhaḥ / kuryāttato 'vayavini prāṇidhānaparo bhavet // ### [1.47.66](https://indike.org/pramana/in.purana.narada.1.47.66) tadrūpapratyaye caikasaṃnatiścānyaniḥspṛhā / taddhyānaṃ prathamairaṅgaiḥ ṣaṅbhirniṣpādyate nṛpa // ### [1.47.67](https://indike.org/pramana/in.purana.narada.1.47.67) tasyaivaṃ kalpanāhīnaṃ svarūpagrahaṇaṃ hi yat / manasā dhyānaniṣpādyaṃ samādhiḥ so 'bhidhīyate // ### [1.47.68](https://indike.org/pramana/in.purana.narada.1.47.68) vijñānaṃ prāpakaṃ prāpye paraṃ brahmaṇi pārthiva / prāpaṇīyastathaivātmā prakṣīṇāśeṣabhāvanaḥ // ### [1.47.69](https://indike.org/pramana/in.purana.narada.1.47.69) kṣetrajñakaraṇījñānaṃ karaṇaṃ tena tasya tat / niṣpādya muktikāryaṃ vai kṛtakṛtyo nivartate // ### [1.47.70](https://indike.org/pramana/in.purana.narada.1.47.70) tadbhāvabhāvanāpannastato 'sau paramātmanaḥ / bhavatyabhedī bhedaśca tasyājñānakṛto bhavet // ### [1.47.71](https://indike.org/pramana/in.purana.narada.1.47.71) vibhedajanake jñāne nāśa mātyantikaṃ gate / ātmano brahmaṇābhedaṃ saṃmataṃ kaḥ kariṣyati // ### [1.47.72](https://indike.org/pramana/in.purana.narada.1.47.72) ityuktaste mayā yogaḥ khāṇḍikya paripṛcchataḥ / saṃkṣepavistarābhyāṃ tu kimanyatkriyatāṃ tava // ### [1.47.73](https://indike.org/pramana/in.purana.narada.1.47.73) khāṇḍikya uvāca kathito yogasadbhāvaḥ sarvameva kṛtaṃ mama / tavopadeśātsakalo naṣṭaścittamalo mama // ### [1.47.74](https://indike.org/pramana/in.purana.narada.1.47.74) mameti yanmayā proktamasadetanna cānyathā / naredraṃ gadituṃ śakyamapi vijñeyavedabhiḥ // ### [1.47.75](https://indike.org/pramana/in.purana.narada.1.47.75) ahaṃ mametyavidyeyaṃ vyavahārastathānayoḥ / paramārthastva saṃlāpyo vacasāṃ gocaro na yaḥ // ### [1.47.76](https://indike.org/pramana/in.purana.narada.1.47.76) tadguccha śreyase sarvaṃ mamaitadbhavatā kṛtam / yadvimuktiparo yogaḥ proktaḥ keśidvajāvyayaḥ // ### [1.47.77](https://indike.org/pramana/in.purana.narada.1.47.77) sanandana uvāca yathārhapūjayā tena khāṇḍikyena sa pūjitaḥ / ājagāma puraṃ brahmaṃstataḥ keśidhvajo nṛpaḥ // ### [1.47.78](https://indike.org/pramana/in.purana.narada.1.47.78) khāṇḍikyo 'pi sutaṃ kṛtvā rājānaṃ yogasiddhaye / viśālāmagamatkṛṣṇe samāveśitamānasaḥ // ### [1.47.79](https://indike.org/pramana/in.purana.narada.1.47.79) sa tatraikāntiko bhūtvā yamādiguṇasaṃyutaḥ / viṣṇvākhye nirmale brahmaṇyavāpa nṛpatirlayam // ### [1.47.80](https://indike.org/pramana/in.purana.narada.1.47.80) keśidhvajo 'pi muktayarthaṃ svakarmakṣapaṇonmukhaḥ / bubhuje viṣayānkarma cakre cānabhisaṃdhitam // ### [1.47.81](https://indike.org/pramana/in.purana.narada.1.47.81) sa kalyāṇopabhogaiśca kṣīṇapāpo 'malastataḥ / avāpa siddhimatyantatritāpakṣapaṇīṃ mune // ### [1.47.82](https://indike.org/pramana/in.purana.narada.1.47.82) etatte kathitaṃ sarvaṃ yanmāṃ tvaṃ paripṛṣṭavān / tāpatrayacikitsārthaṃ kimanyatkathayāmi te // ### [1.47.82.p1](https://indike.org/pramana/in.purana.narada.1.47.82.p1) iti śrūbṛhannāradīyapurāṇe pūrvabhāge dvitīyapāde saptacatvāriṃśattamo 'dhyāyaḥ ## Linked texts (9) - [Viṣṇupurāṇa (critical edition)](https://indike.org/pramana/in.purana.visnu*crit.6.7.26) — Sanskrit - [Yogacintāmaṇi (Śivānanda Sarasvatī)](https://indike.org/pramana/in.darsana.yoga.yogacintamani-sivananda-sarasvati.1.37) — Śivānanda Sarasvatī 1650, Sanskrit - [Agnipurāṇa](https://indike.org/pramana/in.purana.agni.378.27) — Vyāsa, Sanskrit - [Pāñcarātrarakṣā](https://indike.org/pramana/in.sampradaya.vaisnava.pancaratra.pancaratraraksa.6.164) — Vedāntadeśika, Sanskrit - [Śivatattvaratnakālikā](https://indike.org/pramana/in.darsana.advaita.sastra.sivatattvaratnakalika.5.122.1) — Kṛṣṇānanda Sarasvatī 1585, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.27.p283) — Lakṣmīdhara Bhaṭṭa, Sanskrit - [Siddhāntasiddhāñjana](https://indike.org/pramana/in.darsana.advaita.sastra.siddhantasiddhanjana.2.p304) — Kṛṣṇānanda Sarasvatī 1640, Sanskrit - [Nityācārapradīpa](https://indike.org/pramana/in.niti.dharma.acara.ahnika.nityacarapradipa.5.p106) — Narasiṃha Vājapeyin, Sanskrit - [Nityācārapaddhati (Vidyākara vājapeyin)](https://indike.org/pramana/in.niti.dharma.acara.ahnika.nityacarapaddhati-vidyakara-vajapeyin.2.p23) — Vidyākara vājapeyin, Sanskrit --- Source: [https://indike.org/pramana/in.purana.narada.1.47](https://indike.org/pramana/in.purana.narada.1.47) · Pramāṇa