[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.48 # Naradapurana 1.48 Nāradapurāṇa 1.48 - **Language:** Sanskrit ## Contents - [1.48.95](https://indike.org/pramana/in.purana.narada.1.48.95) — 1 part ### [1.48.1](https://indike.org/pramana/in.purana.narada.1.48.1) nārada uvāca śrutaṃ mayā mahāmāga tāpatrayacikitsitam / tathāpi me mano bhrāntaṃ na sthitiṃ labhateṃ'jasā // ### [1.48.2](https://indike.org/pramana/in.purana.narada.1.48.2) ātmavyatikramaṃ brahmandurjanācaritaṃ katham / soḍhuṃ śakyeta manujaistanmamākhyāhi mānada // ### [1.48.3](https://indike.org/pramana/in.purana.narada.1.48.3) sūta uvāca tacchrṛtvā nāradenoktaṃ brahmaputraḥ sanandanaḥ / uvāca harṣasaṃyuktaḥ smaranbhagharataceṣṭitam // ### [1.48.4](https://indike.org/pramana/in.purana.narada.1.48.4) sanandana uvāca atra te kathayiṣyāmi itihāsaṃ purātanam / yaṃ śrutvā tvanmano bhrāntamāsthānaṃ labhate bhūśam // ### [1.48.5](https://indike.org/pramana/in.purana.narada.1.48.5) āsītpurā muniśreṣṭha bharato nāma bhūpatiḥ / ārṣabho yasya nāmnedaṃ bhārataṃ khaṇḍamucyate // ### [1.48.6](https://indike.org/pramana/in.purana.narada.1.48.6) sa rājā prāptarājyastu pitṛpaitāmahaṃ kramāt / pālayāmāsa dharmeṇa pitṛbadrañjayan prajāḥ // ### [1.48.7](https://indike.org/pramana/in.purana.narada.1.48.7) rddaje ca vividhairyajñairbhagavantamadhokṣajam / sarvadevātmakaṃ dhyāyannānākarmasu tanmatiḥ // ### [1.48.8](https://indike.org/pramana/in.purana.narada.1.48.8) tataḥ samutpādya sutānvirakto viṣayeṣu saḥ / muktvā rājyaṃ yayau vidvānpulastyapuhāśramam // ### [1.48.9](https://indike.org/pramana/in.purana.narada.1.48.9) śālagrāmaṃ mahākṣetraṃ mumukṣujanasevitam / tatrāsau tāpaso tāpaso bhūtvā viṣṇorārādhanaṃ mune // ### [1.48.10](https://indike.org/pramana/in.purana.narada.1.48.10) cakāra bhaktibhāvena yathālabdhasaparyayā / nityaṃ prātaḥ samāplutya nirmale 'bhali nārada // ### [1.48.11](https://indike.org/pramana/in.purana.narada.1.48.11) upatiṣṭedraviṃ bhaktyā gṛṇanbrahmākṣaraṃ param / athāśrame samāgatya vāsudevaṃ jagatpatim // ### [1.48.12](https://indike.org/pramana/in.purana.narada.1.48.12) samāhṛtaiḥ svayaṃ dravyaiḥ samitkuśamṛdādibhiḥ / phalaiḥ puṣpaiṃstathā patraistulasyāḥ svacchavāribhiḥ // ### [1.48.13](https://indike.org/pramana/in.purana.narada.1.48.13) pūjayanprayato bhūtvā bhaktiprasarasaṃplutaḥ / sacaikadā mahābhāgaḥ snātvā prātaḥ samāhitaḥ // ### [1.48.14](https://indike.org/pramana/in.purana.narada.1.48.14) cakranadyāṃ japaṃstasthau muhurtatrayamaṃbuni / athājagāma tattīraṃ jalaṃ pātuṃ pipāsitā // ### [1.48.15](https://indike.org/pramana/in.purana.narada.1.48.15) āsannapsavā brahmannaikaiva hiṇī vanāt / tataḥ samabhavattatra pītaprāye jale tayā // ### [1.48.16](https://indike.org/pramana/in.purana.narada.1.48.16) siṃhasya nādaḥ sumahān sarvaprāṇibhayaṅkaraḥ / tataḥ sā siṃhasannādādutplutā nimnagātaṭam // ### [1.48.17](https://indike.org/pramana/in.purana.narada.1.48.17) atyuñcārohaṇenāsyā nadyāṃ garbhaḥ papāta ha / tamuhyamānaṃ vegena vīcimālāpariplutam // ### [1.48.18](https://indike.org/pramana/in.purana.narada.1.48.18) jagrāha bharato garbhātpatitaṃ mṛgapotakam / garbhapracyutiduḥkhena prottuṅgākraṇena ca // ### [1.48.19](https://indike.org/pramana/in.purana.narada.1.48.19) munīndra sā tu hariṇī nipapāta mamāra ca / hariṇīṃ tāṃ vilokyātha vipannāṃ nṛpatāpasaḥ // ### [1.48.20](https://indike.org/pramana/in.purana.narada.1.48.20) mṛgapotaṃ samāgṛhya svamāśramamupāgataḥ / cakārānudinaṃ cāsau mṛgapotasya vai nṛpaḥ // ### [1.48.21](https://indike.org/pramana/in.purana.narada.1.48.21) poṣaṇaṃ puṣyamāṇaśca sa tena vavṛdhe mune / cacārāśramaparyantaṃ tṛṇāni gahaneṣu saḥ // ### [1.48.22](https://indike.org/pramana/in.purana.narada.1.48.22) dūraṃ gatvā ca śārdūlatrāsādabhyāyayau punaḥ / prātargatvādidūraṃ ca sāyamāyātyathāśramam // ### [1.48.23](https://indike.org/pramana/in.purana.narada.1.48.23) punaśca bharatasyābhūdāśramasyoṭajāntare / tasyatasminmṛge dūrasamīpaparivartini // ### [1.48.24](https://indike.org/pramana/in.purana.narada.1.48.24) āsīñcetaḥ samāsaktaṃ na tathā hyacyute mune / vimuktarājyatanayaḥ projjhitāśeṣabāndhavaḥ // ### [1.48.25](https://indike.org/pramana/in.purana.narada.1.48.25) mamatva sa cakāroñcaistasminhariṇapotake / kiṃ vṛkaibhakṣito vyāghnaiḥ kiṃ siṃhena nipātitaḥ // ### [1.48.26](https://indike.org/pramana/in.purana.narada.1.48.26) cirāyamāṇe niṣkānte tasyāsīditi mānasam / prītiprasannavadanaḥ pārśvasthe cābhavanmṛge // ### [1.48.27](https://indike.org/pramana/in.purana.narada.1.48.27) samādhibhaṅgastasyāsīnmamatvākṛṣṭamānasaḥ / kālena gacchatā so 'tha kālaṃ cakre mahīpatiḥ // ### [1.48.28](https://indike.org/pramana/in.purana.narada.1.48.28) piteva sāstraṃ putreṇa mṛgapotena vīkṣitaḥ / mṛgameva tadādrākṣīttyajanprāṇānasāvapi // ### [1.48.29](https://indike.org/pramana/in.purana.narada.1.48.29) mṛgo babhūva sa mune tādṛśīṃ bhāvanāṃ gataḥ / jāti smaratvādudvignaḥ saṃsārasya dvijottama // ### [1.48.30](https://indike.org/pramana/in.purana.narada.1.48.30) vihāya mātaraṃ bhūyaḥ śālagrāmamupāyayau / śuṣkaistṛṇaistathā parṇaiḥ sa kurvannātmapoṣaṇam // ### [1.48.31](https://indike.org/pramana/in.purana.narada.1.48.31) mṛgatvahetubhūtasya karmaṇo niṣkṛtiṃ yayau / tatra cotsṛṣṭadeho 'sau jajñe jātismaro dvijaḥ // ### [1.48.32](https://indike.org/pramana/in.purana.narada.1.48.32) sadācāravatāṃ śuddhe yāgināṃ pravare kule / sarvavijñāna saṃpannaḥ sarvaśāstrārthatattvavit // ### [1.48.33](https://indike.org/pramana/in.purana.narada.1.48.33) apaśyatsa muniśreṣṭhaḥ svātmānaṃ prakṛteḥ param / ātmanodhigatajñānāddvevādīni mahāmune // ### [1.48.34](https://indike.org/pramana/in.purana.narada.1.48.34) sarvabhūtānyabhe dena dadarśa sa mahāmatiḥ / na papāṭha guruproktaṃ kṛtopanayanaḥ śrutam // ### [1.48.35](https://indike.org/pramana/in.purana.narada.1.48.35) na dadarśa ca karmāṇi śāstrāṇi jagṛhe na ca / ukto 'pi bahuśaḥ kiñcijjaṇḍa vākyamabhāṣata // ### [1.48.36](https://indike.org/pramana/in.purana.narada.1.48.36) tadapyasaṃskāraguṇaṃ grāmabhāṣoktisaṃyutam / apaddhastavapuḥ so 'pi malināṃbaradhṛṅ mune // ### [1.48.37](https://indike.org/pramana/in.purana.narada.1.48.37) klinnadantāntaraḥ sarvaiḥ paribhūtaḥ sa nāgaraiḥ / saṃmānena parāṃ hāniṃ yogarddheḥ kurute yataḥ // ### [1.48.38](https://indike.org/pramana/in.purana.narada.1.48.38) janenāvamato yogī yogasiddhiṃ ca vindati / tasmāñcareta vai yogī satāṃ dharmamadūṣayan // ### [1.48.39](https://indike.org/pramana/in.purana.narada.1.48.39) janā yathāvamanyeyurgaccheyurnaiva saṃgatim / hiraṇyagarbhavacanaṃ vicintyetthaṃ mahāmatiḥ // ### [1.48.40](https://indike.org/pramana/in.purana.narada.1.48.40) ātmānaṃ darśayāmāsa jaḍonmattākṛtiṃ jane / bhuṅkte kulmāṣavaṭakān śākaṃ tranyaphalaṃ kaṇān // ### [1.48.41](https://indike.org/pramana/in.purana.narada.1.48.41) yadyadāpnoti sa bahūnatti vai kālasaṃbhavam / pitaryuparate so 'tha bhrātṛbhrātṛvyabāndhavaiḥ // ### [1.48.42](https://indike.org/pramana/in.purana.narada.1.48.42) kāritaḥ kṣetrakarmādi kadannāhārapoṣitaḥ / sarūkṣapīnāvayavo jaḍakārī ca karmaṇi // ### [1.48.43](https://indike.org/pramana/in.purana.narada.1.48.43) sarvalokopakaraṇaṃ babhūvāhāravetanaḥ / taṃ tādṛśamasaṃskāraṃ viprākṛtiviceṣṭitam // ### [1.48.44](https://indike.org/pramana/in.purana.narada.1.48.44) kṣattā sauvīrarājyasya viṣṭiyogyamamanyata / sa rājā śibikārūḍho gantuṃ kṛtamatirdvija // ### [1.48.45](https://indike.org/pramana/in.purana.narada.1.48.45) babhūvekṣumatītīre kapilarṣervarāśramam / śreyaḥ kimatra saṃsāre duḥkhaprāye nṛṇāmiti // ### [1.48.46](https://indike.org/pramana/in.purana.narada.1.48.46) praṣṭuṃ taṃ mokṣadharmajñaṃ kapilākhyaṃ mahāmunim / uvāha śibikāmasya kṣatturvacanacoditaḥ // ### [1.48.47](https://indike.org/pramana/in.purana.narada.1.48.47) nṛṇāṃ viṣṭigṛhītānāmanyeṣāṃ so 'pi madhyagaḥ / gṛhīto viṣṭinā vipra sarvajñānaikabhājanam // ### [1.48.48](https://indike.org/pramana/in.purana.narada.1.48.48) jātismaro 'sau pāpasya kṣayakāma uvāha tām / yayau jaḍagatistatra yugamātrāvalokanam // ### [1.48.49](https://indike.org/pramana/in.purana.narada.1.48.49) kurvanmatimatāṃ śreṣṭhaste tvanye tvaritaṃ yayuḥ / vilokya nṛpatiḥ so 'tha viṣamaṃ śibikāgatam // ### [1.48.50](https://indike.org/pramana/in.purana.narada.1.48.50) kimetadityāha samaṃ gamyatāṃ śibikāvahāḥ / punastathaiva śibikāṃ vilokya viṣamāṃ hasan // ### [1.48.51](https://indike.org/pramana/in.purana.narada.1.48.51) nṛpaḥ kime 'tadityāha bhavadbhirgamyate 'nyathā / bhūpatervadatastasya śrutvetthaṃ bahuśo vacaḥ / śibikāvāhakāḥ procurayaṃ yātītyasatvaram // ### [1.48.52](https://indike.org/pramana/in.purana.narada.1.48.52) rājovāca kiṃ śrānto 'syalpamadhvānaṃ tvayoḍhā śibikā mama / kimāyāsasaho na tvaṃ pīvā nāsi nirīkṣyase // ### [1.48.53](https://indike.org/pramana/in.purana.narada.1.48.53) brāhmaṇa uvāca nāhaṃ pīvā na caivoḍhā śibikā bhavato mayā / na śrānto 'smi na cāyāso voḍhānyo 'sti mahīpate // ### [1.48.54](https://indike.org/pramana/in.purana.narada.1.48.54) rājovāca pratyakṣaṃ dṛśyate pīvātvadyāpi śibikā tvayi / śramaśca bhāro dvahane bhavatyeva hi dehinām // ### [1.48.55](https://indike.org/pramana/in.purana.narada.1.48.55) brāhmaṇa uvāca pratyakṣaṃ bhavatā bhūpa yaddṛṣṭaṃ mama tadvada / balavānabalaśceti vācyaṃ paścādviśeṣaṇam // ### [1.48.56](https://indike.org/pramana/in.purana.narada.1.48.56) tvayoḍhā śibikā ceti tvayyadyāpi ca saṃsthitā / mithyā tadapyatra bhavān śṛṇotu vacanaṃ mama // ### [1.48.57](https://indike.org/pramana/in.purana.narada.1.48.57) bhūmau pādayugaṃ cātha jaṅghe pādadvaye sthite / ūru jaṅghādvayāvasthau tadādhāraṃ tathodaram // ### [1.48.58](https://indike.org/pramana/in.purana.narada.1.48.58) vakṣasthalaṃ tathā bāhū skandhau codarasaṃsthitau / skandhāśritayeṃ śibikā mamādhāro 'tra kiṅkṛtaḥ // ### [1.48.59](https://indike.org/pramana/in.purana.narada.1.48.59) śibikāyāṃ sthitaṃ cedaṃ dehaṃ tvadupalakṣitam / tatra tvamahamapyatretyucyate cedamanyathā // ### [1.48.60](https://indike.org/pramana/in.purana.narada.1.48.60) ahaṃ tvaṃ ca tathānye ca bhūtairuhyāśca pārthiva / guṇapravāhapatito bhūtavargo 'pi yātyayam // ### [1.48.61](https://indike.org/pramana/in.purana.narada.1.48.61) karmavaśyā guṇaścaite sattvādyāḥ pṛthivīpate / avidyāsaṃcitaṃ karmataścāśeṣeṣu jantuṣu // ### [1.48.62](https://indike.org/pramana/in.purana.narada.1.48.62) ātmā śuddho 'kṣaraḥ śānto nirguṇaḥ prakṛte paraḥ / pravṛddhyapacayau na sta ekasyākhilajantuṣu // ### [1.48.63](https://indike.org/pramana/in.purana.narada.1.48.63) yadā nopacayastasya nacaivāpacayo nṛpa / tadāpi bāliśo 'si tvaṃ kayā yuktyā tvayeritam // ### [1.48.64](https://indike.org/pramana/in.purana.narada.1.48.64) / bhūpādajaṅghākaṭyūrujaṭharādiṣu saṃsthitā / śibikeyaṃ yadā skandhe tadā bhāraḥ samastvayā // ### [1.48.65](https://indike.org/pramana/in.purana.narada.1.48.65) tathānyajantubhirbhūpa śibikoḍhāna kevalam / śailadrumagṛhottho 'pi pṛthivīsaṃbhavo 'pi ca // ### [1.48.66](https://indike.org/pramana/in.purana.narada.1.48.66) yathā puṃsaḥ pṛthagbhāvaḥ prākṛtaiḥ karaṇairnṛpa / soḍhavyaḥ sumahānbhāraḥ katamo nṛpa te mayā // ### [1.48.67](https://indike.org/pramana/in.purana.narada.1.48.67) yaddravyo śibikā ceyaṃ taddravyo bhūtasaṃgrahaḥ / bhavato me 'khilasyāsya samatvenopabṛṃhitaḥ // ### [1.48.68](https://indike.org/pramana/in.purana.narada.1.48.68) sanandana uvāca evamuktvābhavaṃnmaunī sa vahañśibikāṃ dvijaḥ / so 'pi rājāvatīryorvyāṃ tatpādau jagṛhe tvaran // ### [1.48.69](https://indike.org/pramana/in.purana.narada.1.48.69) rājovāca bho bho visṛjya śibikāṃ prasādaṃ kuru me dvija / kathyatāṃ ko bhavānatra jālmarupadharaḥ sthitaḥ // ### [1.48.70](https://indike.org/pramana/in.purana.narada.1.48.70) yo bhavānyadapatyaṃ vā yadāgamanakāraṇam / tatsarvaṃ kathyatāṃ vidvanmahyaṃ śuśrūṣave tvayā // ### [1.48.71](https://indike.org/pramana/in.purana.narada.1.48.71) brāhmaṇa uvāca śrūyatāṃ ko 'hamityetadvaktuṃ bhūpa na śakyate / upayoganimittaṃ ca sarvatrāgamanakriyā // ### [1.48.72](https://indike.org/pramana/in.purana.narada.1.48.72) sukhaduḥkhopabhogau tu tau dehādyupapādakau / dharmādharmodbhavau bhoktuṃ janturdehādimṛcchati // ### [1.48.73](https://indike.org/pramana/in.purana.narada.1.48.73) sarvasyaiva hi bhūpāla jantoḥ sarvatra kāraṇam / dharmādharmauṃ yatastasmātkāraṇaṃ pṛcchyate kutaḥ // ### [1.48.74](https://indike.org/pramana/in.purana.narada.1.48.74) rājovāca dharmādharmauṃ na saṃdehaḥ sarvakāryeṣu kāraṇam / upabhoganimittaṃ ca dehāddehāntarāgamaḥ // ### [1.48.75](https://indike.org/pramana/in.purana.narada.1.48.75) yattvetadbhavatā proktaṃ ko 'hamityetadātmanaḥ / vaktuṃ na śakyate śrotuṃ tanmameccā pravartate // ### [1.48.76](https://indike.org/pramana/in.purana.narada.1.48.76) yo 'sti yo 'hamiti brahmankathaṃ vaktuṃ na śakyate / ātmanyeva na doṣāya śabdo 'hamiti yo dvijā // ### [1.48.77](https://indike.org/pramana/in.purana.narada.1.48.77) brāhmaṇa uvāca śabdo 'hamiti doṣāya nātmanyevaṃ tathaiva tat / anātmanyātmavijñānaṃ śabdo vā śrutilakṣaṇaḥ // ### [1.48.78](https://indike.org/pramana/in.purana.narada.1.48.78) jihvā bravītyahamiti dantauṣṭatāluka nṛpa / etenāhaṃ yataḥ sarve vāṅniṣpādanahetavaḥ // ### [1.48.79](https://indike.org/pramana/in.purana.narada.1.48.79) kiṃ hetubhirvadūtyeṣā vāgevāhamiti svayam / tathāpi vāgahamedvaktumitthaṃ na yujyate // ### [1.48.80](https://indike.org/pramana/in.purana.narada.1.48.80) piṇḍaḥ pṛthagyataḥ puṃsaḥ śiraḥpāṇyādilakṣaṇaḥ / tato 'hamiti kutraināṃ saṃjñāṃ rājankaromyaham // ### [1.48.81](https://indike.org/pramana/in.purana.narada.1.48.81) yadyanyo 'sti paraḥ ko 'pi mattaḥ pārthivasattam / na deho 'hamayaṃ cānye vaktumevamapīṣyate // ### [1.48.82](https://indike.org/pramana/in.purana.narada.1.48.82) yadā samastadeheṣu pumāneko vyavasthitaḥ / tadadā hi ko bhavānko 'hamityetadviphalaṃ vacaḥ // ### [1.48.83](https://indike.org/pramana/in.purana.narada.1.48.83) tvaṃ rājā śibikā ceyaṃ vayaṃ vāhāḥ puraḥ sarāḥ / ayaṃ ca bhavato loko na sadetannṛpocyate // ### [1.48.84](https://indike.org/pramana/in.purana.narada.1.48.84) vṛkṣāddāru tataśceyaṃ śibikā tvadadhiṣṭitā / kva vṛkṣasaṃjñā vai tasyā dārusaṃjñāthavā nṛpa // ### [1.48.85](https://indike.org/pramana/in.purana.narada.1.48.85) vṛkṣārūḍho mahārājo nāyaṃ vadati te janaḥ / na ca dāruṇi sarvastvāṃ bravīti śibikāgatam // ### [1.48.86](https://indike.org/pramana/in.purana.narada.1.48.86) śibikādārusaṃghāto svanāmasthitisaṃsthitaḥ / anviṣyatāṃ nṛpaśreṣṭhānandadāśibikā tvayā // ### [1.48.87](https://indike.org/pramana/in.purana.narada.1.48.87) evaṃ chatraṃ śalākābhyaḥ pṛthagbhāvo vimṛśyatām / kva jātaṃ chatramityeṣa nyāyastvayi tathā mayi // ### [1.48.88](https://indike.org/pramana/in.purana.narada.1.48.88) pumānstrī gaurajā bājī kuñjaro vihagastaruḥ / deheṣu lokasaṃjñeyaṃ vijñeyā karmahetuṣu // ### [1.48.89](https://indike.org/pramana/in.purana.narada.1.48.89) pumānna devo na naro na paśurna ca pādapaḥ / śarīrākṛtibhedāstu bhūpaite karmayonayaḥ // ### [1.48.90](https://indike.org/pramana/in.purana.narada.1.48.90) vastu rājeti yalleke yañca rājabhaṭātmakam / tathānyaśca nṛpetthaṃ tanna satyaṃ kalpanāmayam // ### [1.48.91](https://indike.org/pramana/in.purana.narada.1.48.91) yastu kālāntareṇāpi nāśasaṃjñāmupaiti vai / pariṇāmādisaṃbhūtaṃ tadvastu nṛpa tañca kim // ### [1.48.92](https://indike.org/pramana/in.purana.narada.1.48.92) tvaṃ rājā sarvasokasya pituḥ putro ripo ripuḥ / patnyāḥ patiḥ pitā sūnoḥ kastvaṃ bhūpa vadāmyaham // ### [1.48.93](https://indike.org/pramana/in.purana.narada.1.48.93) tvaṃ kimetacciraḥ kiṃ tu śirastava tatho daram / kimu pādādikaṃ tvetannaiva kiṃ te mahīpate // ### [1.48.94](https://indike.org/pramana/in.purana.narada.1.48.94) samastāvayavebhyastvaṃ pṛthagbhūto vyavasthitaḥ / ko 'hamityatra nipuṇaṃ bhūtvā cintaya pārthiva // ### [1.48.95](https://indike.org/pramana/in.purana.narada.1.48.95) evaṃ vyavasthite tattve mayāhamiti bhāvitum / pṛthakūcaraṇaniṣpādyaṃ śakyaṃ tu nṛpate katham // ### [1.48.95.p1](https://indike.org/pramana/in.purana.narada.1.48.95.p1) iti śṛbṛhannāradīyapurāṇe pūrvabhāge bṛhadupākhyāne dvi.pā.ṣṭacatvāriṃśo 'dhyāyaḥ ## Linked texts (4) - [Viṣṇupurāṇa (vulgate)](https://indike.org/pramana/in.purana.visnu*vulgate.2.13.13) — Sanskrit - [Agnipurāṇa](https://indike.org/pramana/in.purana.agni.379.4) — Vyāsa, Sanskrit - [Siddhāntasiddhāñjana](https://indike.org/pramana/in.darsana.advaita.sastra.siddhantasiddhanjana.3.p49) — Kṛṣṇānanda Sarasvatī 1640, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.27.p434) — Lakṣmīdhara Bhaṭṭa, Sanskrit --- Source: [https://indike.org/pramana/in.purana.narada.1.48](https://indike.org/pramana/in.purana.narada.1.48) · Pramāṇa