[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.4 # Naradapurana 1.4 Nāradapurāṇa 1.4 - **Language:** Sanskrit ## Contents - [1.4.99](https://indike.org/pramana/in.purana.narada.1.4.99) — 1 part ### [1.4.1](https://indike.org/pramana/in.purana.narada.1.4.1) sanaka uvāca śraddhāpūrvāḥ sarvadharmā manorathaphalapradāḥ / śraddhayāsādhyate sarvaṃ śraddhayā tuṣyate hariḥ // ### [1.4.2](https://indike.org/pramana/in.purana.narada.1.4.2) bhaktirbhaktyaiva karttavyātathā karmāṇi bhaktitaḥ / karmaścaddhāvihīnāni na sidhyantiṃ dvijo tamāḥ // ### [1.4.3](https://indike.org/pramana/in.purana.narada.1.4.3) yathā'loko hi jantūnāṃ ceṣṭākāraṇatāṃ gataḥ / tathaiva sarvasiddhīnāṃ bhaktiḥ paramakāraṇam // ### [1.4.4](https://indike.org/pramana/in.purana.narada.1.4.4) yathā samasta lokānāṃ jīvanaṃ salilaṃ smṛtam / tathā samastasiddhīnāṃ jīvanaṃ bhaktiriṣyate // ### [1.4.5](https://indike.org/pramana/in.purana.narada.1.4.5) yathā bhūmiṃ samāśritya sarve jīvanti jantavaḥ / tathā bhaktiṃ samāśritya sarvakāryyāṇi sādhayet // ### [1.4.6](https://indike.org/pramana/in.purana.narada.1.4.6) śraddhāvāṃllabhate dharṃmaṃ śraddhāvātarthamāpnuyāt / śraddhayā sādhyate kāmaḥ śraddhāvānmokṣamānpuyāt // ### [1.4.7](https://indike.org/pramana/in.purana.narada.1.4.7) na dānairna tapobhirvā yajñairvā bahudakṣiṇaiḥ / bhaktihīnermuniśceṣṭha tuṣyate bhagavānhariḥ // ### [1.4.8](https://indike.org/pramana/in.purana.narada.1.4.8) merumātrasuvarṇānāṃ koṭikoṭisahasraśaḥ / dattā cāpyarthanāśāya yatobhaktivivarjitā // ### [1.4.9](https://indike.org/pramana/in.purana.narada.1.4.9) abhaktyā yattapastaptaiḥ kevalaṃ kāyaśoṣaṇam / abhaktyā yaddhutaṃ havyaṃ bhasmani nyastahavyavat // ### [1.4.10](https://indike.org/pramana/in.purana.narada.1.4.10) yatkiñcitkurute karṃmaśraddhayāpyaṇumātrumātrakam /. tannāma jāyate puṃsāṃ śāśvataṃ pratīdāyakam // ### [1.4.11](https://indike.org/pramana/in.purana.narada.1.4.11) aśvameghasahasraṃ vā karṃma vedoditaṃ kṛtam / tatsarvaṃ niṣphalaṃ brahmanyadi bhaktivivarjitam // ### [1.4.12](https://indike.org/pramana/in.purana.narada.1.4.12) haribhaktiḥ parā nṝṇāṃ kāmadhenūpamā smṛtā / tasyāṃ satyāṃ pibantyajñāḥ saṃsāragaralaṃ hyaho // ### [1.4.13](https://indike.org/pramana/in.purana.narada.1.4.13) asārabhūte saṃsāre sārametadajātmaja / bhagavadbhaktasaṅgaśca haribhaktistitikṣutā // ### [1.4.14](https://indike.org/pramana/in.purana.narada.1.4.14) asūyopetamanasāṃ bhaktidānādikarṃma yat / avehi niṣphalaṃ brahaṃsteṣāṃ dūrataro hariḥ // ### [1.4.15](https://indike.org/pramana/in.purana.narada.1.4.15) pariśriyābhitatpānāṃ dambhācāraratātmanām / mṛṣā tu kurvatāṃ karma teṣāṃ dūrataro hariḥ // ### [1.4.16](https://indike.org/pramana/in.purana.narada.1.4.16) pṛcchatāṃ ca mahādharṃmānvadatāṃ vai mṛṣā ca tān / dharmeṣvabhaktimanasāṃ teṣāṃ dūrataro hariḥ // ### [1.4.17](https://indike.org/pramana/in.purana.narada.1.4.17) vedapraṇihito dharṃmo dharṃmo vedo nārāyaṇaḥ paraḥ / tatrāśraddhāparā ye tu teṣāṃ dūrataro hariḥ // ### [1.4.18](https://indike.org/pramana/in.purana.narada.1.4.18) yasya dharṃmavihīnāni dinānyāyānti yānti ca / sa lohakārabhastreva śvasannapi na jīvati // ### [1.4.19](https://indike.org/pramana/in.purana.narada.1.4.19) dharmārthakāmamokṣākhyāḥ puruṣārthāḥ sanātanāḥ / śraddhāvatāṃ hi sidhyanti nānyathā brahmanandanā // ### [1.4.20](https://indike.org/pramana/in.purana.narada.1.4.20) svācāramanatikramya haribhaktiparo hi yaḥ / sa yāti viṣṇubhavanaṃ yadvai paśyanti sūrayaḥ // ### [1.4.21](https://indike.org/pramana/in.purana.narada.1.4.21) kurvanvedoditāndharṃmānmunīndra svāśramocitān / haridhyānaparoyastu sa yāti paramaṃ padam // ### [1.4.22](https://indike.org/pramana/in.purana.narada.1.4.22) ācāraprabhavo dharmaḥ dharṃmasya prabhuracyutaḥ / āśramācārayuktena pūjitaḥ sarvadā hariḥ // ### [1.4.23](https://indike.org/pramana/in.purana.narada.1.4.23) yaḥ svācāraparibhraṣṭaḥ sāṅgavedāntago 'pi vā / sa eva patito jñeyo yataḥ karmabahiṣkṛtaḥ // ### [1.4.24](https://indike.org/pramana/in.purana.narada.1.4.24) haribhaktipari vāpi haridhyānaparo 'pi vā / bhraṣṭo yaḥ svāśramācārātpatitaḥ so 'bhidhīyate // ### [1.4.25](https://indike.org/pramana/in.purana.narada.1.4.25) vedo vā haribhaktirvā bhaktirvāpi maheśvare / ācārātpatitaṃ mūḍhaṃ na punāti dvijottama // ### [1.4.26](https://indike.org/pramana/in.purana.narada.1.4.26) puṇyakṣetrābhigamanaṃ puṇyatīrthaniṣevaṇam / yajño vā vividho brahmaṃstyaktācāraṃna rakṣati // ### [1.4.27](https://indike.org/pramana/in.purana.narada.1.4.27) ācārātprāpyate svarga ācārātprāpyate sukham / ācārātprāpyate mokṣa ācārātkiṃ na labhyate // ### [1.4.28](https://indike.org/pramana/in.purana.narada.1.4.28) ācārāṇāntu sarveṣāṃ yogānāṃ caiva sattam / haribhaktepari tathā nidānaṃ bhaktiriṣyate // ### [1.4.29](https://indike.org/pramana/in.purana.narada.1.4.29) bhaktyaiva pūjyate viṣṇurvāñchitārthaphalapradaḥ / tasmātsamastalokānāṃ bhaktirmāteti gīyate // ### [1.4.30](https://indike.org/pramana/in.purana.narada.1.4.30) jīvanti jantavaḥ sarve yathā mātarāśritāḥ / tathā bhaktiṃ samāśritya sarve jīvanti dhārṃmikāḥ // ### [1.4.31](https://indike.org/pramana/in.purana.narada.1.4.31) svāśramācārayuktasya haribhaktiryadā bhavet / na tasya triṣu lokeṣu sadṛśo 'styajanandana // ### [1.4.32](https://indike.org/pramana/in.purana.narada.1.4.32) bhaktyā sidhyanti karṃmāṇi karṃmāṇi karṃmābhistuṣyate hariḥ / tasmiṃstuṣṭe bhavejjñānaṃ jñānānmokṣamavāpyate // ### [1.4.33](https://indike.org/pramana/in.purana.narada.1.4.33) bhaktistu bhagavadbhaktasaṅgena khalu jāyate / tatsaṅgaṃ prāpyate pumbhiḥ sukṛtaiḥ pūrvasañcitaiḥ // ### [1.4.34](https://indike.org/pramana/in.purana.narada.1.4.34) varṇāśramācāraratā bhagavadbhaktilālasāḥ / kāmādidoṣanir muktāste santo lokaśikṣakāḥ // ### [1.4.35](https://indike.org/pramana/in.purana.narada.1.4.35) sastaṅgaḥ paramo brahmanna labhyetākṛtātmanām / yadi labhyeta vijñeyaṃ puṇyaṃ janmāntarārjitam // ### [1.4.36](https://indike.org/pramana/in.purana.narada.1.4.36) pūrvārjitāni pāpāni nāśamāyānti yasya vai / satsaṅgatirbhavettasya nānyathā ghaṭate hi sā // ### [1.4.37](https://indike.org/pramana/in.purana.narada.1.4.37) ravirhi raśimajālena divā hantibahistamaḥ / santaḥ sūktimarīcyoścāntardhvāntaṃ hi sarvadā // ### [1.4.38](https://indike.org/pramana/in.purana.narada.1.4.38) durlabhāḥ puruṣā loke bhagavadbhaktilālasāḥ / teṣāṃ saṅgo bhavedyasya tasya śāntirhi śāśvatī // ### [1.4.39](https://indike.org/pramana/in.purana.narada.1.4.39) nārada uvāca kiṃlakṣaṇā bhāgavatāste ca kiṃ karṃma kurvate / teṣāṃ loko bhavetkīdṛktatsarvaṃ brūhi tattvataḥ // ### [1.4.40](https://indike.org/pramana/in.purana.narada.1.4.40) tvaṃ hi bhakto rameśasya devadevasya citriṇaḥ / etānnigadituṃ śaktastvato nāstyadhiko 'paraḥ // ### [1.4.41](https://indike.org/pramana/in.purana.narada.1.4.41) sanaka uvāca śṛṇu brahmanparaṃ guhyaṃ mārkaṇḍeyasya dhīmanaḥ ña / yamuvāca jagannātho yoganidrāvimocitaḥ // ### [1.4.42](https://indike.org/pramana/in.purana.narada.1.4.42) yo 'sau viṣṇuḥ paraṃ jyotirdevadevaḥ sanātanaḥ / jagatkarttā śivabrahma svarupavān // ### [1.4.43](https://indike.org/pramana/in.purana.narada.1.4.43) yugānte raudrarupeṇa brahmāṇḍagrāhitaḥ / jagatyekārṇavībhūte naṣṭe sthāvarajaṅgame // ### [1.4.44](https://indike.org/pramana/in.purana.narada.1.4.44) bhagavāneva śeṣātmā śete vaṭadale hariḥ / asaṃkhyātābjajanmādyairābhūṣitatanūrūhaḥ // ### [1.4.45](https://indike.org/pramana/in.purana.narada.1.4.45) pādāṅguṣṭāgraniryātagaṅgāśītāmbupāvanaḥ / sūkṣmātsūkṣmataro devo brahmāṇḍagrāsaṃbṛṃhitaḥ // ### [1.4.46](https://indike.org/pramana/in.purana.narada.1.4.46) vaṭacchade śayāno 'bhūtsarvaśaktisamanvitaḥ / tasminsthāne mahābhāgo nārāyaṇaparāyaṇaḥ / mārkaṇḍeyaḥ sthinastasya līlāḥ paśyanmahe śituḥ // ### [1.4.47](https://indike.org/pramana/in.purana.narada.1.4.47) ṛṣaya ūcuḥ tasminkāle mahāghore naṣṭe sthāvarajaṅgame / harirekaḥ sthita iti mune pūrvaṃ hi śuśruma // ### [1.4.48](https://indike.org/pramana/in.purana.narada.1.4.48) jagatyekārṇavībhūte naṣṭe sthāvarañjagame / sarvagrastena hariṇā kimarthaṃ so 'vaśeṣitaḥ // ### [1.4.49](https://indike.org/pramana/in.purana.narada.1.4.49) paraṃ kautūhalaṃ hyatraṃ varttate 'tīva sūta naḥ / harikīrtisudhāpāne kasyālasyaṃ prajā yate // ### [1.4.50](https://indike.org/pramana/in.purana.narada.1.4.50) sūta uvāca āsīnmunirmahābhāgo mṛkaṇḍuriti viśrutaḥ / śālagrāme mahātīrthe so 'tapyata mahātapāḥ // ### [1.4.51](https://indike.org/pramana/in.purana.narada.1.4.51) yugānāma yutaṃ brahmangṛṇanbrahma sanātanam //ṭa nirāhāraḥ kṣamāyuktaḥ satyasandho jitendriyaḥ // ### [1.4.52](https://indike.org/pramana/in.purana.narada.1.4.52) ātmavatsarvabhūtāni paśyanviṣayaniḥspṛhaḥ / sarvabhūtahito dānta statāpa sumahattapaḥ // ### [1.4.53](https://indike.org/pramana/in.purana.narada.1.4.53) tattāpaḥśaṅkitāḥ sarve devā indrādayastadā / pareśaṃ śaraṇaṃ jagmurnārāyaṇamanāmayam // ### [1.4.54](https://indike.org/pramana/in.purana.narada.1.4.54) kṣīrābdheruttaraṃ tīraṃ saṃprāpyatrivivaukasaḥ / tuṣṭuvurdevadeveśaṃ pahmanābhaṃ jagadgurum // ### [1.4.55](https://indike.org/pramana/in.purana.narada.1.4.55) devā ūcuḥ nārāyaṇākṣarānanta śaraṇāgatapālaka / mṛkaṇḍutapasā trastānpāhi naḥ śaraṇāgatān // ### [1.4.56](https://indike.org/pramana/in.purana.narada.1.4.56) jaya devādhideveśa jaya śaṅkhagadādhara / jayo lokasvarupāya jayo brahmāṇḍahetave // ### [1.4.57](https://indike.org/pramana/in.purana.narada.1.4.57) namaste devadeveśa namaste lokapāvana / namaste lokanāthāya namaste lokasākṣiṇe // ### [1.4.58](https://indike.org/pramana/in.purana.narada.1.4.58) namaste dhyānagamyāya namaste dhyānahetave / namaste dhyānarupāya namaste dhyānapākṣiṇe // ### [1.4.59](https://indike.org/pramana/in.purana.narada.1.4.59) keśihantre namastubhyaṃ madhuhantre parātmane / namo bhūmyādirūpāya namaścaitanyarupiṇe // ### [1.4.60](https://indike.org/pramana/in.purana.narada.1.4.60) namo jyeṣṭāya śuddhāya nirguṇāya guṇātmane / arupāya svarupāya bahurupāya te namaḥ // ### [1.4.61](https://indike.org/pramana/in.purana.narada.1.4.61) namo brahmaṇyadevāya gobrāhmaṇahitāya ca / jagaddhitāya kṛṣṇāya govindāya namonamaḥ // ### [1.4.62](https://indike.org/pramana/in.purana.narada.1.4.62) namo hikṣamagarbhāya namo brahmādirupiṇe / namaḥ sūryyādirupāya havyakavyabhuje namaḥ // ### [1.4.63](https://indike.org/pramana/in.purana.narada.1.4.63) namo nityāya vandyāya sadānandaikarupiṇe / namaḥ smṛtārtināśāya bhūyo bhūyo namo namaḥ // ### [1.4.64](https://indike.org/pramana/in.purana.narada.1.4.64) evaṃ devastutiṃ śrutvā bhagavānkamalāpatiḥ / pratyakṣatāmagātteṣāṃ śaṅkacatragadādharaḥ // ### [1.4.65](https://indike.org/pramana/in.purana.narada.1.4.65) vikacāmbujapatrākṣaṃ sūryyakoṭisamaprabham / sarvālaṅkārasaṃyuktaṃ śrīvatsāṅkitavakṣasam // ### [1.4.66](https://indike.org/pramana/in.purana.narada.1.4.66) pītāmbaradharaṃ saumyaṃ svarṇayajñopavītinam / stṛyamānaṃ munivaraiḥ pārṣadapravarāvṛttam // ### [1.4.67](https://indike.org/pramana/in.purana.narada.1.4.67) taṃ dṛṣyvā devasaṃghāste tattejohatatejasaḥ / namaścakrurmudā yuktā aṣṭāṅgauravaniṃ gatāḥ // ### [1.4.68](https://indike.org/pramana/in.purana.narada.1.4.68) tataḥ prasanno bhagavānmeghagaṃbhīranisvanaḥ / uvāca prīṇayandevānnatānindrapurogamān // ### [1.4.69](https://indike.org/pramana/in.purana.narada.1.4.69) śrībhagavānuvāca jāne vo mānasaṃ duḥkhaṃ mṛkaṇḍutapasoṅgam / yuṣmānna bādhate devāḥ sa ṛṣiḥ sajjanāgrāṇīḥ // ### [1.4.70](https://indike.org/pramana/in.purana.narada.1.4.70) saṃpadbhiḥ saṃyutā vāpi vipadbhiścāpi sajjanāḥ / sarvathānyaṃ na bādhante svapne 'pi surasattamāḥ // ### [1.4.71](https://indike.org/pramana/in.purana.narada.1.4.71) satataṃ bādhyamāno 'pi viṣayākhyairarātibhiḥ / avidhāyātmano rakṣāmanyāndveṣṭi kathaṃ sudhīḥ // ### [1.4.72](https://indike.org/pramana/in.purana.narada.1.4.72) tāpatrayābhidhānena bādhyamāno hi mānavaḥ / anyaṃ krīḍayituṃ śaktaḥ kathaṃ bhavati sattamaḥ // ### [1.4.73](https://indike.org/pramana/in.purana.narada.1.4.73) karmaṇā manasā vācā bādhate yaḥ sadā parān / nityaṃ kāmādibhiryukto mūḍhadhīḥ procyate tu saḥ // ### [1.4.74](https://indike.org/pramana/in.purana.narada.1.4.74) yo lokahitakṛnmartyo gatāsuryo vimatsaraḥ / niḥśaṅgaḥ procyate sadbhirihāmātra ca sattamāḥ // ### [1.4.75](https://indike.org/pramana/in.purana.narada.1.4.75) saśaṅkaḥ sarvadā duḥkhī niḥśaṅkaḥ sukhamānpuyāt / gacchadhvaṃ svālayaṃ svasthāḥ krīḍayiṣyati vo na saḥ // ### [1.4.76](https://indike.org/pramana/in.purana.narada.1.4.76) bhavatāṃ rakṣakaścāhaṃ viharadhvaṃ yathāsukham / iti datvā varaṃ teṣāmatasīkusumaprabhaḥ // ### [1.4.77](https://indike.org/pramana/in.purana.narada.1.4.77) paśyatāmeva devānāṃ tatraivāntaradhīyata / tuṣṭātmānaḥ suragaṇāṃ yayurnākaṃ yathāgatam // ### [1.4.78](https://indike.org/pramana/in.purana.narada.1.4.78) mṛkaṇḍorapi tuṣṭātmā hariḥ pratyakṣatāmagāt / arupaṃ paramaṃ brahmasvaprakāśaṃ nirañjanam // ### [1.4.79](https://indike.org/pramana/in.purana.narada.1.4.79) atasīpuṣpasaṃkāśaṃ pītavāsasamacyacutam / divyāyudhadharaṃ dṛṣṭvā mṛkaṇḍurvismito 'bhavat // ### [1.4.80](https://indike.org/pramana/in.purana.narada.1.4.80) dhyānādunmīlya nayanaṃ apaśyaddharimagrataḥ / prasannavadanaṃ śāntaṃ dhātāraṃ viśvatejasam // ### [1.4.81](https://indike.org/pramana/in.purana.narada.1.4.81) romāñcitaśarīro 'sāvānandāśruvilocanaḥ / nanāma daṇḍavadbhūmau devadeva sanātanam // ### [1.4.82](https://indike.org/pramana/in.purana.narada.1.4.82) aśrubhiḥ kṣālayaṃstasya caraṇau harṣasaṃbhavaiḥ / śirasyañcalimādhāya stotuṃ samupacakrame // ### [1.4.83](https://indike.org/pramana/in.purana.narada.1.4.83) mṛkaṇḍuruvāca namaḥ pareśāya parātmarupiṇe parātparasprātparataḥ parāya / apārapārāya parānukartre namaḥ parebhyaḥ parapāraṇāya // ### [1.4.84](https://indike.org/pramana/in.purana.narada.1.4.84) yo nāmajātyādivikalpahīnaḥ śabdādidoṣavyatirekarupaḥ / bahusvarupo 'pi nirañjano yastamīśamīḍhyaṃ paramaṃ bhajāmi // ### [1.4.85](https://indike.org/pramana/in.purana.narada.1.4.85) devāntavedyaṃ puruṣaṃ purāṇaṃ hiraṇyagarbhādijagatsvarupam / anūpamaṃ bhakti janānukampinaṃ bhajāmi sarveśvaramādimīḍyam // ### [1.4.86](https://indike.org/pramana/in.purana.narada.1.4.86) paśyanti yaṃ vītasamastadoṣā dhyānaikaniṣṭhā vigataspṛhāśca / nivṛttamohāḥ paramaṃ pavitraṃ nato 'smi saṃsāranirvarttakaṃ tam // ### [1.4.87](https://indike.org/pramana/in.purana.narada.1.4.87) smṛtārtināśanaṃ viṣṇuṃ śaraṇāgatapālakam / jagatsevyaṃ jagāddhāma pareśaṃ karuṇākaram // ### [1.4.88](https://indike.org/pramana/in.purana.narada.1.4.88) evaṃ stutaḥ sa bhagavānviṣṇustena maharṣiṇā / avāpa paramāṃ tuṣṭiṃ śaṅkhacakragadādharaḥ // ### [1.4.89](https://indike.org/pramana/in.purana.narada.1.4.89) ayāliṅgya muniṃ devaścaturbhirdīrghabāhubhiḥ / uvāca paramaṃ prītyā varaṃ baraya suvrata // ### [1.4.90](https://indike.org/pramana/in.purana.narada.1.4.90) prīto 'smi tapasā tena stotreṇa ca tavānagha / manasā yadabhipretaṃ varaṃ varaya suvrata // ### [1.4.91](https://indike.org/pramana/in.purana.narada.1.4.91) mṛkaṇḍurūvāca devadeva jagannātha kṛtārtho 'smi na saṃśayaḥ / tvaddarśanamapuṇyānāṃ durlabhaṃ ca yataḥ smṛtam // ### [1.4.92](https://indike.org/pramana/in.purana.narada.1.4.92) brahmādyā yaṃ na vaśyanti yoginaḥ saṃśitavratāḥ / dharmiṣṭā dīkṣitāśvāpi vītarāgā vimatsarāḥ // ### [1.4.93](https://indike.org/pramana/in.purana.narada.1.4.93) taṃ paśyāmi paraṃ dhāma kimato 'nyaṃ varaṃ vṛṇe / etenaiva kṛtārtho 'smi janārdana jagaddharo // ### [1.4.94](https://indike.org/pramana/in.purana.narada.1.4.94) yatrāmasmṛtimātreṇa mahāpātakino 'pi ye / tatpade paramaṃ yānni te dṛṣṭvā kiṣunācyuta // ### [1.4.95](https://indike.org/pramana/in.purana.narada.1.4.95) śrībhagavānuvāca satyatpruktaṃ tvayā brahmānprīno 'smi tava paṇḍita / madṛrśanaṃ hi viphalaṃ na kadācidbhaviṣyati // ### [1.4.96](https://indike.org/pramana/in.purana.narada.1.4.96) viṣṇirbhaktakuṭumbīti vadanti vivudhāḥ sadā / tadeva pālayiṣyāmi majjano nānṛtaṃ vadet // ### [1.4.97](https://indike.org/pramana/in.purana.narada.1.4.97) tasmāttvattapasātuṣṭo yāsyāmi tava putratām / samastaguṇasaṃyukto dīrghajīvī svarupavān // ### [1.4.98](https://indike.org/pramana/in.purana.narada.1.4.98) mama janma kule yasya katatkulaṃ mokṣagāmi vai / mayi tuṣṭe muniśreṣṭha kimasādhyaṃ jagatraye // ### [1.4.99](https://indike.org/pramana/in.purana.narada.1.4.99) ityuktvā devadevaśo muneratasya samīkṣataḥ / antardadhe mṛkaṇḍuśca tapasaḥ samavartata // ### [1.4.99.p1](https://indike.org/pramana/in.purana.narada.1.4.99.p1) iti śrībṛhannāradīyapurāṇe pūrvabhāge prathamapāde bhaktivarṇanaprasaṅgena mārkaṇḍeyacaritārambho nāma caturtho 'dhyāyaḥ ## Linked texts (4) - [Ṣaṭsandarbha](https://indike.org/pramana/in.sampradaya.vaisnava.gaudiya.siddhanta.satsandarbha.1.25.68) — Jīva Gosvāmin 1555, Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.4.1) — Sanskrit - [Subhāṣitasudhānidhi](https://indike.org/pramana/in.lit.subhasita.subhasita.daksina.subhasitasudhanidhi.8.2) — Sāyaṇa, Sanskrit - [Ācārabhūṣaṇa](https://indike.org/pramana/in.niti.dharma.acara.acarabhusana.2.1.1) — Tryambaka rāma oka 1794, Sanskrit --- Source: [https://indike.org/pramana/in.purana.narada.1.4](https://indike.org/pramana/in.purana.narada.1.4) · Pramāṇa