[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.50.43.p1 # Naradapurana 1.50.43.p1 Nāradapurāṇa 1.50.43.p1 - **Language:** Sanskrit ### [1.50.43.p1](https://indike.org/pramana/in.purana.narada.1.50.43.p1) raktaṃ pūrṇamalaṅkṛtaṃ prasannaṃ vyaktaṃ vikruṣṭaṃ ślakṣṇaṃ samaṃ sukumāraṃ madhuramiti guṇāstatra raktaṃ nāma veṇuvīṇāsvarāṇāmekībhāvaṃ raktamityucyate pūrṇaṃ nāma svaraśrutipūraṇācchandaḥ pādākṣaraṃ saṃyogātpūrṇamityucyate alaṅkṛtaṃ nāmorasi śirasi kaṇṭhayuktamityalaṅkṛtaṃ prasannaṃ nāmāpagatāgadgadanirviśaṅkaṃ prasannamityucyate vyaktaṃ nāma padapadārthaprakṛtivikārāgamanopakṛttaddhitasamāsadhātunipātopasargasvaraliṅgaṃ vṛttivārttikavibhaktyarthavacanānāṃ samyagupapādanaṃ vyaktamityucyate vikruṣṭaṃ nāmoñcairuñcāritaṃ vyaktapadākṣaraṃ vikruṣṭamityucyate ślekṣṇaṃ nāma drutamavilaṃbitamuccanīcaplutasamāhārahelatālopanayādibhirupapādanābhiḥ ślakṣṇamityucyate samaṃ nāmāvāpanirvāpapradeśe pratyantarasthānānāṃ samāsaḥ samamityucyate sukumāraṃ nāma mṛdupadavarṇasvarakuhagaraṇayuktaṃ sukumāramityucyate madhuraṃ nāma svabhāvopanītalalitapadākṣaraguṇasamṛddhaṃ madhuramityucyate evametairdaśabhirguṇairyuktaṃ gānaṃ bhavati // 1// - [Previous: 1.50.43](https://indike.org/pramana/in.purana.narada.1.50.43) - [Next: 1.50.44](https://indike.org/pramana/in.purana.narada.1.50.44) - [Up: 1.50.43](https://indike.org/pramana/in.purana.narada.1.50.43) ## Linked texts (1) - [Nāradīyāśikṣā](https://indike.org/pramana/in.vedanga.siksa.siksa.naradiya.1.3.5) — Nārada, Sanskrit --- Source: [https://indike.org/pramana/in.purana.narada.1.50.43.p1](https://indike.org/pramana/in.purana.narada.1.50.43.p1) · Pramāṇa