[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.50 # Naradapurana 1.50 Nāradapurāṇa 1.50 - **Language:** Sanskrit ## Contents - [1.50.43](https://indike.org/pramana/in.purana.narada.1.50.43) — 1 part - [1.50.237](https://indike.org/pramana/in.purana.narada.1.50.237) — 1 part ### [1.50.1](https://indike.org/pramana/in.purana.narada.1.50.1) sūta uvāca śrutvā sanandanasyetthaṃ vacanaṃ nārado muniḥ / asaṃtuṣṭa iva prāha bhrātaraṃ taṃ sanandanam // ### [1.50.2](https://indike.org/pramana/in.purana.narada.1.50.2) nārada uvāca bhagavansarvamākhyātaṃ yatpṛṣṭaṃ bhavato mayā / tathāpi nātmā prīyeta śṛṇvanharikathāṃ muhuḥ // ### [1.50.3](https://indike.org/pramana/in.purana.narada.1.50.3) śrūyate vyāsaputrastu śukaḥ paramadharmavit / siddhiṃ sumahatīṃ prāpto nirviṇṇo 'vāntaraṃ bahiḥ // ### [1.50.4](https://indike.org/pramana/in.purana.narada.1.50.4) brahmanpuṃsastu vijñānaṃ mahatāṃ sevanaṃ vinā / na jāyate kathaṃ prāpto jñānaṃ vyāsātmajaḥ śiśuḥ // ### [1.50.5](https://indike.org/pramana/in.purana.narada.1.50.5) tasya janmarahasyaṃ me kamacāpyasya śṛṇvate / samākhyāhi mahābhāga mo7śāstrārthavidbhavān // ### [1.50.6](https://indike.org/pramana/in.purana.narada.1.50.6) sanandana uvāca śṛṇu viprapravakṣyāmi śukotpattiṃ samāsataḥ / yāṃ śrutvā brahmatattvajño jāyate mānavo mune // ### [1.50.7](https://indike.org/pramana/in.purana.narada.1.50.7) na hāyanairna palitairna vittena na bandhubhiḥ / ṛṣayaścakrire dharmaṃ yo 'nūcānaḥ sa no mahān // ### [1.50.8](https://indike.org/pramana/in.purana.narada.1.50.8) nārada uvāca anūcānaḥ kathaṃbrahmanpumānbhavati mānada / tanme karma samācakṣva śrotuṃ kautūhalaṃ mama // ### [1.50.9](https://indike.org/pramana/in.purana.narada.1.50.9) sanandana uvāca śṛṇu nārada vakṣyāmi hyanūcānasya lakṣaṇam / yajjñātvā sāṅgavedānāmabhijño jāyate naraḥ // ### [1.50.10](https://indike.org/pramana/in.purana.narada.1.50.10) śikṣā kalpo vyākaraṇaṃ niruktaṃ jyotiṣaṃ tathā / chandaḥśāstraṃ ṣaḍetāni vādāṅgāni vidurbudhāḥ // ### [1.50.11](https://indike.org/pramana/in.purana.narada.1.50.11) ṛgvedro 'tha yadurvedaḥ sāmavedo hyatharvaṇaḥ / vedāścatvāra evaite proktā dharmanirūpaṇe // ### [1.50.12](https://indike.org/pramana/in.purana.narada.1.50.12) sāṃgānvedānguroryastu samadhīte dvijottamaḥ / so 'nūcānaḥ prabhavati nānyathā granthakoṭibhiḥ // ### [1.50.13](https://indike.org/pramana/in.purana.narada.1.50.13) nārada uvāca aṅgānāṃ lakṣaṇaṃ brūhi vedānāṃ cāpi vistarāt / tvaṃmasmāsu mahāvijñaḥ sāṃgeṣveteṣu mānada // ### [1.50.14](https://indike.org/pramana/in.purana.narada.1.50.14) sanandana uvāca praśnabhāro 'yamatulastvayā mama kṛto dvija / saṃkṣepātkathayiṣyāmi sārameṣāṃ suniścitam // ### [1.50.15](https://indike.org/pramana/in.purana.narada.1.50.15) svaraḥ pradhānaḥ śikṣāyāṃ kīrttito munibhirdijaiḥ / vedānāṃ vedavidbhistu tacchṛṇuṣva vadāmi te // ### [1.50.16](https://indike.org/pramana/in.purana.narada.1.50.16) ārcikaṃ gāthikaṃ caiva sāmikaṃ ca svarāntaram / kṛtānte svaraśāstrāṇāṃ prayoktavya viśeṣataḥ // ### [1.50.17](https://indike.org/pramana/in.purana.narada.1.50.17) ekāntaraḥ svaro hyapsu gāthāsudvyantaraḥ svaraḥ / sāmasu tryantaraṃ vidyādetāvatsvarato 'ntaram // ### [1.50.18](https://indike.org/pramana/in.purana.narada.1.50.18) ṛksāmayajuraṅgāni ye yajñeṣu prayuñjate / avijñānāddhi śikṣāyāsteṣāṃ bhavati visvaraḥ // ### [1.50.19](https://indike.org/pramana/in.purana.narada.1.50.19) mantro hīnaḥ svarato varṇato vā mithyāprayukto na tamarthamāha / sa vāgvajro yajamānaṃ hirnāsti yathendraśatruḥ svarato 'parādhāt // ### [1.50.20](https://indike.org/pramana/in.purana.narada.1.50.20) uraḥ kaṇṭhaḥ śiraścaiva sthānāni trīṇi vāṅkye / savanānyāhuretāni sāma vāpyarddhatoṃ'taram // ### [1.50.21](https://indike.org/pramana/in.purana.narada.1.50.21) uraḥ saptavivāraṃ syāttathā kaṇṭhastathā śiraḥ / na ca śakto 'si vyaktastu tathā prāvacanā vidhiḥ // ### [1.50.22](https://indike.org/pramana/in.purana.narada.1.50.22) kaṭhakālāpavṛtteṣu taittirāhvarakeṣu ca / ṛgvede sāmavede ca vaktavyaḥ prathamaḥ svaraḥ // ### [1.50.23](https://indike.org/pramana/in.purana.narada.1.50.23) ṛgvedastu dvitīyena tṛtīyena ca vartate / uccamadhyamasaṃghātaḥ svaro bhavati pārthivaḥ // ### [1.50.24](https://indike.org/pramana/in.purana.narada.1.50.24) tṛtīya prathamakruṣṭā kurvantyāhvarakān svarān / dvitīyādyāstu madrāntāstaittirīyāścatuḥsvarān // ### [1.50.25](https://indike.org/pramana/in.purana.narada.1.50.25) prathamaśca dvitīyaśca tṛtīyo 'tha caturthakaḥ / mandraḥ kruṣṭo munīśvara etānkurvanti sāmagāḥ // ### [1.50.26](https://indike.org/pramana/in.purana.narada.1.50.26) dvitīyaprathamāvetau nāṇḍibhāllavinau svarau / tathā śātapathāvetau svarau vājasaneyinām // ### [1.50.27](https://indike.org/pramana/in.purana.narada.1.50.27) ete viśeṣataḥ proktāḥ svarā vai sārvavaidikāḥ / ityetañcaritaṃ sarvaṃ svarāṇāṃ sārvavaidikam // ### [1.50.28](https://indike.org/pramana/in.purana.narada.1.50.28) sāmavede tu vakṣyāmi svarāṇāṃ caritaṃ yathā / alpagranthaṃ prabhūtārthaṃ sāmavedāṅgamuttamam // ### [1.50.29](https://indike.org/pramana/in.purana.narada.1.50.29) tānarāgasvaragrāmamūrcchanānāṃ tu lakṣaṇam / pavitraṃ pāvanaṃ puṇyaṃ yathā tubhyaṃ prakīrtitam // ### [1.50.30](https://indike.org/pramana/in.purana.narada.1.50.30) śikṣāmāhurdvijātīnāmṛgyajuḥ sāmalakṣaṇam / sapta svarāsrayo grāmā mṛrchanāstvekaviṃśatiḥ // ### [1.50.31](https://indike.org/pramana/in.purana.narada.1.50.31) tānā ekonapañcāśadityetaḥsvaramaṇḍalam / ṣaṅjaśca ṛṣabhaścaiva gāndhāro madhyamastathā // ### [1.50.32](https://indike.org/pramana/in.purana.narada.1.50.32) pañcamo dhaivataścaivaṃ niṣādaḥ saptamaḥ svaraḥ / ṣaṅjamadhyamagāndhārāsrarayo grāmāḥ prakīrtitāḥ // ### [1.50.33](https://indike.org/pramana/in.purana.narada.1.50.33) bhūrllokājjāyate ṣaṅjo bhuvarlokāñca madhyamaḥ / svargābhrāñcaiva gāndhāro grāmasthānāni trīṇi hi // ### [1.50.34](https://indike.org/pramana/in.purana.narada.1.50.34) svarāṇāṃ ca viśeṣeṇa grāmarāgā iti smṛtāḥ / viṃśatirmadhyamagrāme ṣaṅjagrāme caturdaśa // ### [1.50.35](https://indike.org/pramana/in.purana.narada.1.50.35) tānānpaṃ cadaśecchanti gāndhāre sāmagāyinām / nadī viśālā sumukhī citrā citravatī mukhā // ### [1.50.36](https://indike.org/pramana/in.purana.narada.1.50.36) balā cāpyatha vijñeyā devānāṃ sapta mūrchanāḥ / āpyāyinī viśvabhṛtā candrā hemā kapardinī // ### [1.50.37](https://indike.org/pramana/in.purana.narada.1.50.37) maitrī ca bārhatī caiva pitṝṇāṃ sapta mūrchanāḥ / ṣaṅje tūttaramandrā syādṛṣabhe cābhirūhatā // ### [1.50.38](https://indike.org/pramana/in.purana.narada.1.50.38) aśvakrāntā tu gāndhāre tṛtīyā mūrcchanā smṛtā / madhyame khalu sauvīrā hṛṣikā pañcame svare // ### [1.50.39](https://indike.org/pramana/in.purana.narada.1.50.39) dhaivate cāpi vijñeyā mūrchanā tūttarā matā / niṣāde rajanīṃ vidyādṛṣīṇāṃ sapta mūrchanāḥ // ### [1.50.40](https://indike.org/pramana/in.purana.narada.1.50.40) upajīvanti gandharvā devānāṃ sapta mūrchanāḥ / pitṝṇāṃ mūrcchānāḥ sapta tathā yakṣā na saṃśayaḥ // ### [1.50.41](https://indike.org/pramana/in.purana.narada.1.50.41) ṛṣīṇāṃ mūrchanāḥ sapta yāstvimā laukikāḥ smṛtāḥ / ṣaṅjaḥ prīṇāti vai devānṛṣīnprīṇāti carṣabhaḥ // ### [1.50.42](https://indike.org/pramana/in.purana.narada.1.50.42) pitṝn prīṇāti gāndhāro gandharvānmadhyamaḥ svaraḥ / devānpitṝnṛṣīṃścaiva svaraḥ prīṇāti pañcamaḥ // ### [1.50.43](https://indike.org/pramana/in.purana.narada.1.50.43) yakṣānniṣādaḥ prīṇāti bhūtagrāmaṃ ca dhaivataḥ / gānasya tu daśavidhā guṇavṛttistu tadyathā // ### [1.50.43.p1](https://indike.org/pramana/in.purana.narada.1.50.43.p1) raktaṃ pūrṇamalaṅkṛtaṃ prasannaṃ vyaktaṃ vikruṣṭaṃ ślakṣṇaṃ samaṃ sukumāraṃ madhuramiti guṇāstatra raktaṃ nāma veṇuvīṇāsvarāṇāmekībhāvaṃ raktamityucyate pūrṇaṃ nāma svaraśrutipūraṇācchandaḥ pādākṣaraṃ saṃyogātpūrṇamityucyate alaṅkṛtaṃ nāmorasi śirasi kaṇṭhayuktamityalaṅkṛtaṃ prasannaṃ nāmāpagatāgadgadanirviśaṅkaṃ prasannamityucyate vyaktaṃ nāma padapadārthaprakṛtivikārāgamanopakṛttaddhitasamāsadhātunipātopasargasvaraliṅgaṃ vṛttivārttikavibhaktyarthavacanānāṃ samyagupapādanaṃ vyaktamityucyate vikruṣṭaṃ nāmoñcairuñcāritaṃ vyaktapadākṣaraṃ vikruṣṭamityucyate ślekṣṇaṃ nāma drutamavilaṃbitamuccanīcaplutasamāhārahelatālopanayādibhirupapādanābhiḥ ślakṣṇamityucyate samaṃ nāmāvāpanirvāpapradeśe pratyantarasthānānāṃ samāsaḥ samamityucyate sukumāraṃ nāma mṛdupadavarṇasvarakuhagaraṇayuktaṃ sukumāramityucyate madhuraṃ nāma svabhāvopanītalalitapadākṣaraguṇasamṛddhaṃ madhuramityucyate evametairdaśabhirguṇairyuktaṃ gānaṃ bhavati // 1// ### [1.50.44](https://indike.org/pramana/in.purana.narada.1.50.44) bavanti cātra ślokāḥ śaṅkitaṃ bhīṣaṇaṃ bhītamuddhuṣṭamanunāsikam / kākasvaraṃ mūrddhagataṃ tathā sthānavivarjitam // ### [1.50.45](https://indike.org/pramana/in.purana.narada.1.50.45) vistaraṃ virasaṃ caiva viśliṣṭaṃ viṣamāhatam / vyākulaṃ tālahīnaṃ ca gītidoṣāścaturdaśa // ### [1.50.46](https://indike.org/pramana/in.purana.narada.1.50.46) ācāryāḥ samamicchanti padacchedaṃ tu paṇḍitāḥ / sriyo madhuramicchanti vikruṣṭamitare janāḥ // ### [1.50.47](https://indike.org/pramana/in.purana.narada.1.50.47) padmapatraprabhaḥ ṣaṅja ṛṣabhaḥ śukapiñjaraḥ / kanakābhastu gāndhāro madhyamaḥ kundasannibhaḥ // ### [1.50.48](https://indike.org/pramana/in.purana.narada.1.50.48) pañcamastu bhavetkṛṣṇaḥ pītakaṃ dhaivataṃ viduḥ / niṣādaḥ sarvavarṇaḥ syādityetāḥ svaravarṇatāḥ // ### [1.50.49](https://indike.org/pramana/in.purana.narada.1.50.49) pacamo madhyamaḥ ṣaṅja ityete brāhmaṇāḥ smṛtāḥ / ṛṣabho dhaivataścāpītyetau vai kṣatriyāvubhau // ### [1.50.50](https://indike.org/pramana/in.purana.narada.1.50.50) gāndhāraśca niṣādaśca vaiśyāvarddhena vai smṛto / śūdratvaṃ vidhinārddhena patitatvānna saṃśayaḥ // ### [1.50.51](https://indike.org/pramana/in.purana.narada.1.50.51) ṛṣabho mūrchitavarjito dhaivatasahitaśca pañcamo yatra / nipatati madhyamarāge sa niṣādaṃ ṣāṅjavaṃ vidyāt // ### [1.50.52](https://indike.org/pramana/in.purana.narada.1.50.52) yadi pañcamo viramate gāndhāraścāntarasvaro bhavati / ṛṣabho niṣādasahitastaṃ pañcamamīdṛśaṃ vidyāt // ### [1.50.53](https://indike.org/pramana/in.purana.narada.1.50.53) gāndhārasyādhipatyena niṣādasya gatāgataiḥ / dhaivatasya ca daurbalyānmadhyamagrāma ucyate // ### [1.50.54](https://indike.org/pramana/in.purana.narada.1.50.54) īṣatpṛṣṭo niṣādastu gāndhāraścādhiko bhavet / dhaivataḥ kaṃpito yatra sa ṣaṅgayāma īritaḥ // ### [1.50.55](https://indike.org/pramana/in.purana.narada.1.50.55) antarasvarasaṃyuktaḥ kākaliryatra dṛśyate / taṃ tu sādhāritaṃ vidyātpañcamasthaṃ tu kaiśikam // ### [1.50.56](https://indike.org/pramana/in.purana.narada.1.50.56) kaiśikaṃ bhāvayitvā tu svaraiḥ sarvaiḥ samantataḥ / yasmā ttu madhyame nyāsastasmātkaiśikamadhyamaḥ // ### [1.50.57](https://indike.org/pramana/in.purana.narada.1.50.57) kākalirdṛśyate yatra prādhānyaṃ pañcamasya tu / kaśyapaḥ kaiśikaṃ prāha madhyamagrāmasaṃbhavam // ### [1.50.58](https://indike.org/pramana/in.purana.narada.1.50.58) geti geyaṃ viduḥ prājñā dheti kārupravādanam / veti vādyasya saṃjñeyaṃ gandharvasya prarocanam // ### [1.50.59](https://indike.org/pramana/in.purana.narada.1.50.59) yaḥ sāmagānāṃ prathamaḥ sa veṇormadhyamaḥ svaraḥ / yo dvitīyaḥ sa gāndhārastṛtīyastvṛṣabhaḥ smṛtaḥ // ### [1.50.60](https://indike.org/pramana/in.purana.narada.1.50.60) caturthaḥ ṣaṅja ityāhuḥ pañcamo dhaivato bhavet / ṣaṣṭho niṣādo vijñeyaḥ saptamaḥ pañcamaḥ smṛtaḥ // ### [1.50.61](https://indike.org/pramana/in.purana.narada.1.50.61) ṣaṅjaṃ mayūro vadati gāvo raṃbhanti carṣabham / ajāvike tu gāndhāraṃ kraiñco vadati madhyamam // ### [1.50.62](https://indike.org/pramana/in.purana.narada.1.50.62) puṣpasādhāraṇe kāle kokilā vakti pañcamam / aśvastu dhaivataṃ vakti niṣaādaṃ vakti kuñjaraḥ // ### [1.50.63](https://indike.org/pramana/in.purana.narada.1.50.63) kaṇṭhāduttiṣṭate ṣaṅjaḥ śirasastvṛṣabhaḥ smṛtaḥ / gāndhārastvanunāsikya uraso madhyamaḥ svaraḥ // ### [1.50.64](https://indike.org/pramana/in.purana.narada.1.50.64) urasaḥ śirasaḥ kaṇṭhādutthitaḥ pañcamaḥ svaraḥ / lalāṭāddhaivataṃ vidyānniṣādaṃ sarvasandhijam // ### [1.50.65](https://indike.org/pramana/in.purana.narada.1.50.65) nāsā kaṇṭhamurastālujihvādatāṃśca saṃśritaḥ / ṣaṅbhiḥ saṃ jāyate yasmāttasmātṣaṅja iti smṛtaḥ // ### [1.50.66](https://indike.org/pramana/in.purana.narada.1.50.66) vāyuḥ samutthito nābheḥ kaṇṭhaśīrṣasamāhataḥ / nardatyṛṣabhavadyasmāttasmādṛṣerbha ucyate // ### [1.50.67](https://indike.org/pramana/in.purana.narada.1.50.67) vāyuḥ samutthito nābheḥ kaṇṭhaśīrṣasamāhataḥ / vāti gandhavahaḥ puṇyo gāndhārastena hetunā // ### [1.50.68](https://indike.org/pramana/in.purana.narada.1.50.68) vāyuḥ samutthito nābherurau hṛdi samāhataḥ / nābhiprāpto madhyavartī madhyamatvaṃ samarśnute // ### [1.50.69](https://indike.org/pramana/in.purana.narada.1.50.69) vāyuḥ samutthito nābherurohṛtkaṇṭhakāhṛtaḥ / pañcasthānotthitasyāsya pañcamatvaṃ vidhīyate // ### [1.50.70](https://indike.org/pramana/in.purana.narada.1.50.70) dhaivataṃ ca niṣādaṃ ca varjayitvā tu tāvubhau / śeṣānpañca svarāṃstvanye pañcasthānotthitānviduḥ // ### [1.50.71](https://indike.org/pramana/in.purana.narada.1.50.71) pañcasthānasthitatvena sarvasthānāni dhāryate / agnigītasvaraḥ ṣaṅja ṛṣabho brahmaṇocyate // ### [1.50.72](https://indike.org/pramana/in.purana.narada.1.50.72) somena gīto gāndhāro viṣṇunā madhyamaḥ svaraḥ / pañcamastu svaro gītastvayaiveti nidhāraya // ### [1.50.73](https://indike.org/pramana/in.purana.narada.1.50.73) dhaivataśca niṣādaśca gītau tuṃburuṇā svarau / ādyaṃsya daivataṃ brahmā ṣaṅjasyāpyucyate budhaiḥ // ### [1.50.74](https://indike.org/pramana/in.purana.narada.1.50.74) tīkṣṇadīptaprakāśatvādṛṣabhasya hutāśanaḥ / gāvaḥ praṇīte tuṣyanti gāndhārastena hetunā // ### [1.50.75](https://indike.org/pramana/in.purana.narada.1.50.75) śrutvā caivopatiṣṭanti saurabheyā na saṃśayaḥ / somastu pañcamasyāpi daivataṃ brahmarādrasmṛtam // ### [1.50.76](https://indike.org/pramana/in.purana.narada.1.50.76) nihrāso yasya vṛddhiśca grāmamāsādya somavat / atisaṃdhīyate yasmādetānpūrvotthitānsvarān // ### [1.50.77](https://indike.org/pramana/in.purana.narada.1.50.77) tasmādasya svarasyāpi dhaivatatvaṃ vidhīyate / niṣīdanti svarā yasmānniṣādastena hetunā // ### [1.50.78](https://indike.org/pramana/in.purana.narada.1.50.78) sarvāṃścābhibhavatyeṣa yadādityo 'sya daivatam // ### [1.50.79](https://indike.org/pramana/in.purana.narada.1.50.79) dāravī gātravīṇā ca dve vīṇe gānajātiṣu // ### [1.50.80](https://indike.org/pramana/in.purana.narada.1.50.80) sāmanī gātravīṇā tu tasyāstvaṃ śṛṇu lakṣaṇam / gātravīṇā tu sā proktā yasyāṃ gāyanti sāmaṅgāḥ // ### [1.50.81](https://indike.org/pramana/in.purana.narada.1.50.81) svaravyañjanasaṃyuktā aṅgulyaṅguṣṭarañjitā / hastau tu saṃyatau dhāryauṃ jānubhyāmuparisthitau // ### [1.50.82](https://indike.org/pramana/in.purana.narada.1.50.82) guroranukṛtiṃ kuryādyathānyā na matirbhavet / praṇavaṃ prākprayuñjīta vyāhṛtīstadanantaram // ### [1.50.83](https://indike.org/pramana/in.purana.narada.1.50.83) sāvitrīṃ cānuvacanaṃ tato vai gānamārabhet / prasārya cāṅgulīḥ sarvā ropayetsvaramaṇḍalam // ### [1.50.84](https://indike.org/pramana/in.purana.narada.1.50.84) na cāṅgulībhiraṅguṣṭamaṅguṣṭenāgulīḥ spṛśet / viralā nāṅgulīḥ kuryānmūle caitāṃ na saṃspṛśet // ### [1.50.85](https://indike.org/pramana/in.purana.narada.1.50.85) aṅguṣṭhāgreṇa tā nityaṃ madhyame parvaṇi spṛśet / mātrādvimātravṛddhānāṃ vibhāgārthe vibhāgavit // ### [1.50.86](https://indike.org/pramana/in.purana.narada.1.50.86) aṅgulībhirdvimātraṃ tu pāṇeḥ savyasya darśayet / trirekhā yasya dṛśyate siddhiṃ tatra vinirdiśet // ### [1.50.87](https://indike.org/pramana/in.purana.narada.1.50.87) sa parva iti vijñeyaḥ śeṣamantaramantaram / parvāntaraṃ sāmasu ca ṛkṣu kuryāttilāntaram // ### [1.50.88](https://indike.org/pramana/in.purana.narada.1.50.88) svarānmadhyamaparvasu suniviṣṭaṃ niveśayet / na cātra kaṃpayetkiñcidaṅgasyāvayavaṃ budhaḥ // ### [1.50.89](https://indike.org/pramana/in.purana.narada.1.50.89) adhastanaṃ mṛdaṃ nyasya hastamātre yathākramam / abhramadhye yathā vidyudṛśyate maṇisūtravat // ### [1.50.90](https://indike.org/pramana/in.purana.narada.1.50.90) pṛṣacchedavivṛttīnāṃ yathā bāleṣukartarī / kūrmo 'gāni ca saṃhṛtya cetodṛṣṭiṃ diśanmanaḥ // ### [1.50.91](https://indike.org/pramana/in.purana.narada.1.50.91) svasthaḥ praśānto nirbhīko varṇānuñcārayedbudhaḥ / nāsikāyāstu pūrveṇa hastaṃ gokarṇavaddharet // ### [1.50.92](https://indike.org/pramana/in.purana.narada.1.50.92) niveśya dṛṣṭiṃ hastāgre śāstrārthamanucintayet / samyakpracārayedvākyaṃ hastena ca mukhena ca // ### [1.50.93](https://indike.org/pramana/in.purana.narada.1.50.93) yathaivoccārayedvarṇāṃstathaivaināṃ samāpayet / nātyāhanyānna nirhaṇyānna pragāyenna kaṃpayet // ### [1.50.94](https://indike.org/pramana/in.purana.narada.1.50.94) samaṃ sāmāni gāyeta vyomni svena gātiryathā / yathā sucaratāṃ mārgo mīnānāṃ nopalabhyate // ### [1.50.95](https://indike.org/pramana/in.purana.narada.1.50.95) ākāśe vā vihṝṅgānāṃ tadvatsvaragatā śrutiḥ / yathā dadhini sarpiḥ syātkāṣṭastho vā yathānalaḥ // ### [1.50.96](https://indike.org/pramana/in.purana.narada.1.50.96) prayatnenopalabhyeta tadvatsvaragatā śrutiḥ / svarātsvarasya saṃkrāmaṃsvarasaṃdhimanulbaṇam // ### [1.50.97](https://indike.org/pramana/in.purana.narada.1.50.97) avicchinnaṃ samaṃ kuryātsūkṣmacchāyātapopamam / anāgatamatikrāntaṃ vicchinnaṃ viṣamāhatam // ### [1.50.98](https://indike.org/pramana/in.purana.narada.1.50.98) tanvantamasthitāntaṃ ca varjayetkarṣaṇaṃ budhaḥ / svaraḥ sthānāccyuto yastu svaṃ sthānamativartate // ### [1.50.99](https://indike.org/pramana/in.purana.narada.1.50.99) vistaraṃ sāmagā brūyurviraktamiti vīṇinaḥ / abhyāsārthe drutāṃ vṛttiṃ prayogārthe tu madhyamām // ### [1.50.100](https://indike.org/pramana/in.purana.narada.1.50.100) śiṣyaṇāmupadeśārthaṃ kuryādvṛttiṃ vilaṃbitām / gṛhītagrantha evaṃ tu granthoñcāraṇaśaikṣakān // ### [1.50.101](https://indike.org/pramana/in.purana.narada.1.50.101) haste nādhyāpayecchiṣyān śaikṣeṇa vidhinā dvijaḥ / kruṣṭasya mūrddhani sthānaṃ lalāṭe prathamasya tu // ### [1.50.102](https://indike.org/pramana/in.purana.narada.1.50.102) bhruvormadhya dvitīyasya tṛtīyasya tu karṇayoḥ / kaṇṭhasthānaṃ caturthasya mandrasya rasanocyate // ### [1.50.103](https://indike.org/pramana/in.purana.narada.1.50.103) atisvarasya nīcasya hṛdi sthānaṃ vidhīyate / aṅguṣṭasyottame vruṣṭo hyaṅguṣṭaṃ prathamaḥ svaraḥ // ### [1.50.104](https://indike.org/pramana/in.purana.narada.1.50.104) pradeśinyāṃ tu gāndhāra ṛṣabhastadanantaram / anāmikāyāṃ ṣaṅgastu kaniṣṭāyāṃ tu dhaivataḥ // ### [1.50.105](https://indike.org/pramana/in.purana.narada.1.50.105) tasyādhastāñca yonyāstu niṣādaṃ tatra nirdiśet / aparvatvādamadhyatvā davyayatvāñca nityaśaḥ // ### [1.50.106](https://indike.org/pramana/in.purana.narada.1.50.106) mandro hi mandībhūtastu parisvāra iti smṛtaḥ / kruṣṭena devā jīvanti prathamena tu mānuṣāḥ // ### [1.50.107](https://indike.org/pramana/in.purana.narada.1.50.107) paśavastu dvitīyena gandharvāpsarasastvanu / andhajāḥ pitaraścaiva caturthasvarajīvinaḥ // ### [1.50.108](https://indike.org/pramana/in.purana.narada.1.50.108) mandratvenopajīvanti piśācāsurarākṣasāḥ / atisvareṇa nīcena jagatsthāvarajaṅgamāḥ // ### [1.50.109](https://indike.org/pramana/in.purana.narada.1.50.109) sarvāṇi khalu bhūtāni dhāryante sāmikaiḥ svaraiḥ / dīptāyatākaruṇānāṃ mṛdumadhyamayostathā // ### [1.50.110](https://indike.org/pramana/in.purana.narada.1.50.110) śrutīnāṃ yo viśeṣajño na sa ācārya ucyate / dīptā mandre dvitīya ca pracaturthe tathaiva ca // ### [1.50.111](https://indike.org/pramana/in.purana.narada.1.50.111) atisvare tṛtīye ca kruṣṭe tu karuṇā śrutiḥ / śrutayo yā dvitīyasya mṛdumadhyāyatāḥ smṛtāḥ // ### [1.50.112](https://indike.org/pramana/in.purana.narada.1.50.112) tāsāmapi tu vakṣyāmi lakṣaṇāni pṛthak pṛthak / āyatātvaṃ bhavennīce mṛdutā tu viparyaye // ### [1.50.113](https://indike.org/pramana/in.purana.narada.1.50.113) sve svare madhyamātvaṃ tu tatsamīkṣya prayojayet / dvitīye viratā yā tu kruṣṭaśca parato bhavet // ### [1.50.114](https://indike.org/pramana/in.purana.narada.1.50.114) dīptāṃ tāṃ tu vijānīyātprāthamyena mṛduḥ smṛtaḥ / atraiva viratā yā tu caturthena pravartate // ### [1.50.115](https://indike.org/pramana/in.purana.narada.1.50.115) tathā mandre bhaveddīptā sāmnaścaiva samāpane / nātitāraśrutiṃ kuryātsvarayornāpi cāntare // ### [1.50.116](https://indike.org/pramana/in.purana.narada.1.50.116) taṃ ca hrasve ca dīrghe ca na cāpi ghuṭisajñake / dvividhā gatiḥ padāntasthitasaṃdhiḥ sahoṣmabhiḥ // ### [1.50.117](https://indike.org/pramana/in.purana.narada.1.50.117) sthāneṣu pañcasveteṣu vijñeya ghuṭisaṃjñakam / svarāntarāviratāni hrasvadīrghaghuṭāni ca // ### [1.50.118](https://indike.org/pramana/in.purana.narada.1.50.118) sthitisthāneṣvaśeṣāṇi śrutivatsvarato vadet / dīptāmudātte jānīyāddīptāṃ ca svarite viduḥ // ### [1.50.119](https://indike.org/pramana/in.purana.narada.1.50.119) anudātte mṛdurjñeyā gandharvāḥ śrutisaṃpade / udāttaścānudāttaśca svaritapracite tathā // ### [1.50.120](https://indike.org/pramana/in.purana.narada.1.50.120) nighātaśceti vijñeyaḥ svarabhedaśca pañcadhā / ata ūrdhvaṃ pravakṣyāmi ācikasya svaratrayam // ### [1.50.121](https://indike.org/pramana/in.purana.narada.1.50.121) udāttaścānudāttaśca tṛtīyaḥ svaritaḥ svaraḥ / ya evodātta ityuktaḥ sa eva svaritātparaḥ // ### [1.50.122](https://indike.org/pramana/in.purana.narada.1.50.122) pracayaḥ procyate tajjñairna cātrānyatsvarāntaram / varṇasvaro 'tītasvaraḥ svarito dvividhaḥ smṛtaḥ // ### [1.50.123](https://indike.org/pramana/in.purana.narada.1.50.123) mātriko varṇa evaṃ tu dīrghastūñcaritādanu / sa tu saptavidho jñeyaḥ svaraḥ pratyayadarśanāt // ### [1.50.124](https://indike.org/pramana/in.purana.narada.1.50.124) padena tu sa vijñeyo bhavedyo yatra yādṛśaḥ / saptasvarānprayuñjīta dakṣiṇaṃ śravaṇaṃ prati // ### [1.50.125](https://indike.org/pramana/in.purana.narada.1.50.125) ācāryairvihitaṃ śāstraṃ putraśiṣyahitaiṣibhiḥ / uccāduñcataraṃ nāsti nīcānnīcataraṃ tathā // ### [1.50.126](https://indike.org/pramana/in.purana.narada.1.50.126) vaisvaryasvārasaṃjñāyāṃ kiṃsthānaḥ svāra ucyate / uccanīcasya yanmadhye sādhāraṇamiti śrutiḥ // ### [1.50.127](https://indike.org/pramana/in.purana.narada.1.50.127) taṃ svāraṃ svārasaṃjñāyāṃ pratijānanti śaikṣikāḥ / udātte niṣādagāndhārāvanudātteṃ ṛṣabhadhaivato // ### [1.50.128](https://indike.org/pramana/in.purana.narada.1.50.128) svaritaprabhavā hyete ṣaṅjamadhyamapañcamāḥ / yatra kakhaparā ūṣmā jihvāmūlaprayojanāḥ // ### [1.50.129](https://indike.org/pramana/in.purana.narada.1.50.129) tānapyājñāpayenmātrāprakṛtyaiva tu sā kalā / jātyaḥ kṣaipro 'bhinihita stairavyañjana eva ca // ### [1.50.130](https://indike.org/pramana/in.purana.narada.1.50.130) tirovirāmaḥ praśliṣṭo 'pādavṛttaśca saptamaḥ / svarāṇāmahameteṣāṃ pṛthagvakṣyāmi lakṣaṇam // ### [1.50.131](https://indike.org/pramana/in.purana.narada.1.50.131) uddiṣṭānāṃ tathā nyāyamudāharaṇameva ca / sapakāraṃ savaṃ vāpi hyakṣaraṃ svaritaṃ bhavet // ### [1.50.132](https://indike.org/pramana/in.purana.narada.1.50.132) na codāttaṃ puro yasya jātyaḥ svāraḥ sa ucyate / iuvarṇo yadodāttāvāpadyete pavau kvacit // ### [1.50.133](https://indike.org/pramana/in.purana.narada.1.50.133) anudāttaṃ pratyaye tu vidyātkṣaiprasya lakṣaṇam / eo ābhyāmudāttābhyāmakāro nihitaśca yaḥ // ### [1.50.134](https://indike.org/pramana/in.purana.narada.1.50.134) akāro yatra luṃpati tamabhinihitaṃ viduḥ / udāttapūrve yatkiñcicchandasi svaritaṃ bhavet // ### [1.50.135](https://indike.org/pramana/in.purana.narada.1.50.135) eṣa sarvabahusvārastairavyañjana ucyate / avagrahātparaṃ yatra svaritaṃ syādanantaram // ### [1.50.136](https://indike.org/pramana/in.purana.narada.1.50.136) tirovirāmaṃ taṃ vidyādudātto yadyavagrahaḥ / ikāraṃ yatra paśyeyurikāreṇaiva saṃyutam // ### [1.50.137](https://indike.org/pramana/in.purana.narada.1.50.137) udāttamanudāttena praśliṣṭaṃ taṃ vicāraya / svare cetsvaritaṃ yatra vivṛtā yatra saṃhitā // ### [1.50.138](https://indike.org/pramana/in.purana.narada.1.50.138) etatpādāntavṛttasya lakṣaṇaṃ śāstranoditam / tānyaḥ svāraḥ sa jātyena śrutyagre kṣaipra ucyate // ### [1.50.139](https://indike.org/pramana/in.purana.narada.1.50.139) te manvatābhinitastairavyañjana ūtaye / tirovirāmo viṣkaṣite praśliṣṭo hīīgovarṇaḥ // ### [1.50.140](https://indike.org/pramana/in.purana.narada.1.50.140) pādavṛttaḥ kandavidesvarāḥ saptaivamādayaḥ / uñcādekākṣarātpūrvātsvaraṃ yadyadihākṣaram // ### [1.50.141](https://indike.org/pramana/in.purana.narada.1.50.141) svārāṇāṃ jātyavarjānāmeṣā prakṛtirucyate / catvārastvāditaḥ svārāḥ kaṃṣaṃpuṃśphutiśāstrataḥ // ### [1.50.142](https://indike.org/pramana/in.purana.narada.1.50.142) udātte caikanīce vā juhvo 'gnistannidarśanam / ikārānte pade pūrva ukāre parataḥ sthite // ### [1.50.143](https://indike.org/pramana/in.purana.narada.1.50.143) hrasvaṃ kaṃpaṃ vijānīyānmedhāvī nātra saṃśayaḥ / ikārānte pade caivokāradvayaṃ pare pade // ### [1.50.144](https://indike.org/pramana/in.purana.narada.1.50.144) dīrghaṃ kaṃpaṃ vijānīyācchāgdhūṣviti nidarśanam / trayo dīrghāstu vijñeyā ye ca saṃdhyakṣareṣu vai // ### [1.50.145](https://indike.org/pramana/in.purana.narada.1.50.145) manyā yathā na indrābhyāṃ śeṣā hrasvāḥ prakīrtitāḥ / anekānāmudāttānāmanudāttaḥ pratyayo yadi // ### [1.50.146](https://indike.org/pramana/in.purana.narada.1.50.146) śivakaṃpaṃ vijānīyādudāttaḥ pratyayo yadi / yatra dviprabhṛtīni syurudāttānyakṣarāṇi tu // ### [1.50.147](https://indike.org/pramana/in.purana.narada.1.50.147) nīcaṃ voñcaṃ ca paratastatrodāttaṃ vidurbudhāḥ / na rephe vā hakāre vā dvirbhāvo jāyate kvacit // ### [1.50.148](https://indike.org/pramana/in.purana.narada.1.50.148) na ca vargadvitīyeṣu na caturthe kadācana / caturthaṃ tu tṛtīyena dvitīyaḥ prathamena tu // ### [1.50.149](https://indike.org/pramana/in.purana.narada.1.50.149) ādyamantyaṃ ca madhyaṃ ca svārākṣareṇa pīḍayet / anantyaśca bhavetpūrvo hyantaśca parato yadi // ### [1.50.150](https://indike.org/pramana/in.purana.narada.1.50.150) tatra madhye yamastiṣṭhetsvavarṇaḥ pūrvavaṇayoḥ / vargāntyān śaṣasaiḥ sārddhamantasthairvāpi saṃyutān // ### [1.50.151](https://indike.org/pramana/in.purana.narada.1.50.151) dṛṣṭvā yamā nivartante adeśikamivādhvagāḥ / tṛtīyaśca caturthaśca caturthādiparaṃ padam // ### [1.50.152](https://indike.org/pramana/in.purana.narada.1.50.152) dvau tṛtīyau hakāraśca hakārādiparaṃ padam / anusvāropadhāmūlā tān kvacitkramataḥ param // ### [1.50.153](https://indike.org/pramana/in.purana.narada.1.50.153) rahapūrvasaṃyute cāpyuttaraṃ kramate 'kṣaram / saṃyogo yatra dṛśyeta rvyañjanaṃ virate pade // ### [1.50.154](https://indike.org/pramana/in.purana.narada.1.50.154) pūrvāṅgamāditaḥ kṛtvā parāṅgādau niveśayet / saṃyoge svaritaṃ yatra udvātaḥ pratanaṃ tathā // ### [1.50.155](https://indike.org/pramana/in.purana.narada.1.50.155) pūrvāṅgaṃ tadvijānīyādyenāraṃbhaḥ paraṃ hi tat / saṃyogāttu vijānīyātparaṃ saṃyoganāyakam // ### [1.50.156](https://indike.org/pramana/in.purana.narada.1.50.156) saṃyuktasya tu varṇasya tatparaṃ pūrvamakṣaram / anusvāraḥ padāntaśca kramajaṃ pratyaye svake // ### [1.50.157](https://indike.org/pramana/in.purana.narada.1.50.157) svarabhaktistathārephaḥ pūrvapūrvāṅgamucyate / pādādau cāpādādau saṃyogāvagraheṣu ca // ### [1.50.158](https://indike.org/pramana/in.purana.narada.1.50.158) yaśabda iti vijñeyo yo 'nyaḥsaya iti smṛtaḥ / pādādāvapyavicchedesaṃyogānte ca tiṣṭatām // ### [1.50.159](https://indike.org/pramana/in.purana.narada.1.50.159) varjayitvā rahapāṇāmupādeśaḥ pradṛśyate / svasaṃyukto gururjñeyaḥ sānusvārā grimaḥ sphuṭaḥ / aṇuśeṣo hrigo vāpi yugalādiravisphuṭaḥ // ### [1.50.160](https://indike.org/pramana/in.purana.narada.1.50.160) yadudāttamudāttaṃ tadyatsvaritaṃ tatpade bhavati / yannīcaṃ nīcameva tadyatpracayasthaṃ tadapi nīcam // ### [1.50.161](https://indike.org/pramana/in.purana.narada.1.50.161) agniḥ suto mitramidaṃ tathā vayamayāvahāḥ / priyaṃ dūtaṃ ghṛtaṃ cittamatiśabdastu nīcataḥ // ### [1.50.162](https://indike.org/pramana/in.purana.narada.1.50.162) akveṣveva suteṣveva yajñeṣu kalaśeṣu ca / śateṣu sapavitreṣu nīcāduñcāryate śrutiḥ // ### [1.50.163](https://indike.org/pramana/in.purana.narada.1.50.163) hārivaruṇavareṇyeṣu dhārāpuruṣeṣu svaratirephaḥ / viśvānaronakāraśca śeṣāstusvaritā narāḥ // ### [1.50.164](https://indike.org/pramana/in.purana.narada.1.50.164) dvau varuṇau vasvarata uduttamantvaṃ varuṇadhāra caurudhārāmurudhāresvadohate / mātrikaṃ vā dvimātraṃ vā svaryate yadihākṣaram / tasyāditor'ddhamātraṃ vai śeṣaṃ tu parato bhavet / adīrghaṃ dīrghavatkuryāddvisvaraṃ yatprayujyate // ### [1.50.165](https://indike.org/pramana/in.purana.narada.1.50.165) kaṃpotsvaritābhigītaṃ hrasvakarṣaṇameva ca / nimeṣakālo mātrā syādvidyutkāleti cāpare // ### [1.50.166](https://indike.org/pramana/in.purana.narada.1.50.166) ṛksvarā tulyayogā vā kaiścidevamudīryate // ### [1.50.167](https://indike.org/pramana/in.purana.narada.1.50.167) samāse 'vagrahaṃ kuryātpadaṃ cātrānusaṃhitam / yetīkṣarādikaraṇaṃ padāntasyeti taṃ viduḥ // ### [1.50.168](https://indike.org/pramana/in.purana.narada.1.50.168) (sarvatra mitraputrasakhiśabdā ahiśatakratoravagrāhyāḥ / ādityaviprajātavedāśca satpatigopativṛtrahāsamudrāśca / svarayupuvodevayavaścāritaṃ devatātape ) cikitiśca dhacaiva nāvagṛhṇanti paṇḍitāḥ / vivṛtayaścatasro vai vijñeyā iti me matam // ### [1.50.169](https://indike.org/pramana/in.purana.narada.1.50.169) akṣarāṇāṃ niyogena tāsāṃ nāmāni me śṛṇu / hrasvādivatsānusṛtā vatsānusāriṇī cāgre // ### [1.50.170](https://indike.org/pramana/in.purana.narada.1.50.170) pākavatyubhayorhrasvā dīrghā vṛddhā pipīlikāḥ / catasṛṇāṃ vivṛtīnā mantaraṃ mātrikaṃ bhavet // ### [1.50.171](https://indike.org/pramana/in.purana.narada.1.50.171) arddhamātrikamanyeṣāmanyeṣāmaṇumātrikam // ### [1.50.172](https://indike.org/pramana/in.purana.narada.1.50.172) āpadyate makāro rephoṣmasu pratyaye 'pyanusvāram / paveṣu parasavarṇaṃ sparśeṣu cottamāpatim // ### [1.50.173](https://indike.org/pramana/in.purana.narada.1.50.173) nakārānte padā pūrve svare ca parataḥ sthite / akāraṃ raktamityāhustakāreṇa tu rajyate // ### [1.50.174](https://indike.org/pramana/in.purana.narada.1.50.174) nakārānte pade pūrve vyañjanaiśca yavohiṣu / arddhamātrā tu pūrvasya rajyate tvaṇumātrayā // ### [1.50.175](https://indike.org/pramana/in.purana.narada.1.50.175) nakārasvarasaṃyuktaścaturyukto vidhīyate / repho raṅgaśca lopaśca sānusvaro 'pi vā kvacit // ### [1.50.176](https://indike.org/pramana/in.purana.narada.1.50.176) hṛdayāduttiṣṭateraṅgaḥ kāṃsyena tu samanvitaḥ / mṛduścaiva dvimātraśca dadhanvāṃ iti nidarśanam // ### [1.50.177](https://indike.org/pramana/in.purana.narada.1.50.177) yathā saurāṣṭrikā nārī arāṃ ityabhibhāṣate / evaṃ raṅgaḥ prayoktavyo nāradaitanmataṃ mama // ### [1.50.178](https://indike.org/pramana/in.purana.narada.1.50.178) svarā gaḍadabāścaiva ṅaṇanamāḥ sahoṣmabhiḥ / caturṇāṃ padajātīnāṃ padāntā daśa kīrtitāḥ // ### [1.50.179](https://indike.org/pramana/in.purana.narada.1.50.179) svara uccaḥ svaro nīcaḥ svaraḥ svarita eva ca / vyañjanā na tu vartante yatra tiṣṭati sa svaraḥ // ### [1.50.180](https://indike.org/pramana/in.purana.narada.1.50.180) svarapradhānaṃ traisvaryamācāryāḥ pratijānate / maṇivadvyañjanaṃ vidyātsūtra vañca svaraṃ viduḥ // ### [1.50.181](https://indike.org/pramana/in.purana.narada.1.50.181) durbalasya yathā rāṣṭraṃ harate balavānnṛpaḥ / durbalaṃ vyajanaṃ tadvaddhareta balavānsvaraḥ // ### [1.50.182](https://indike.org/pramana/in.purana.narada.1.50.182) ubhāvaśca vivṛttiśca śaṣasārepha eva ca / jihvāmūlamupadhmā ca gatiraṣṭavidhoṣmaṇaḥ // ### [1.50.183](https://indike.org/pramana/in.purana.narada.1.50.183) svarapratyayāvivṛtiḥ saṃhitāyāṃ tu yā bhavet / visargastatra mantavyaratālavyaścātra jāyate // ### [1.50.184](https://indike.org/pramana/in.purana.narada.1.50.184) saṃdhyakṣare pare saṃdhau prāptasuptau yavau yadi / vyañjanākhyā vivṛttistu svarākhyā pratisaṃhitā // ### [1.50.185](https://indike.org/pramana/in.purana.narada.1.50.185) ūṣmāntaṃ virate yatra saṃbhāvo bhavati kvacit / vivṛttiryā bhavettatra svarākhyāṃ tāṃ vinirddiśet // ### [1.50.186](https://indike.org/pramana/in.purana.narada.1.50.186) yadyobhāvaprasaṃdhānamṛkārādiparaṃ padam / svarāntaṃ tādṛśaṃ vidyādyadanyavdyaktamūṣmaṇaḥ // ### [1.50.187](https://indike.org/pramana/in.purana.narada.1.50.187) prathamā uttamāścaiva padānteṣu yadi sthitāḥ / dvitīyaṃ sthānamāpannāḥ śaṣasapratyayā yadi // ### [1.50.188](https://indike.org/pramana/in.purana.narada.1.50.188) prathamānūṣmasaṃyuktān dvitīyāniva darśayet / na caitānpratijānīyādyathā matsyaḥ kṣuropsarāḥ // ### [1.50.189](https://indike.org/pramana/in.purana.narada.1.50.189) chandomānaṃ ca vṛttaṃ ca pādasthānaṃ trikāraṇam / ṛcaḥ svacchandavṛttāstu pādāstvakṣaramānataḥ // ### [1.50.190](https://indike.org/pramana/in.purana.narada.1.50.190) ṛgvaryyān svarabhaktiṃ ca chandomānena nirddiśet / pratyayeta sahārephamimīte svarabhaktayā // ### [1.50.191](https://indike.org/pramana/in.purana.narada.1.50.191) ṛvarṇe tu pṛthagrephaḥ pratyayastu vṛthā bhaveta / vidyāllaghumṛkāraṃ tu yadi tūṣmāṇasaṃyutaḥ // ### [1.50.192](https://indike.org/pramana/in.purana.narada.1.50.192) ūṣmaṇaiva hi saṃyukta ṛkāro yatra pīḍyate / guruvarṇaḥ sa vijñeyastṛcaṃ cātra nidarśanam // ### [1.50.193](https://indike.org/pramana/in.purana.narada.1.50.193) ṛṣabhaṃ ca gṛhītaṃ ca bṛhaspatiṃ pṛthivyāṃ ca / nirṛtipañcamā hyatra ṛkārā nātra saṃśayaḥ // ### [1.50.194](https://indike.org/pramana/in.purana.narada.1.50.194) śaṣasaha rādau rephaḥ sparabhaktirjāyate dvipadasaṃdhau / iuvarṇābhyāṃ hīnā kvacidekapadākramaviyuktā // ### [1.50.195](https://indike.org/pramana/in.purana.narada.1.50.195) svarabhaktirdvidhā proktāṛkāre repha eva ca / svarodā vyañjanodā ca vihitākṣaracintakaiḥ // ### [1.50.196](https://indike.org/pramana/in.purana.narada.1.50.196) śaṣaseṣu svarodayāṃ hakāre vyañjanodayām / śaṣaseṣu vivṛtāṃ tu hakāre saṃvṛtāṃ viduḥ // ### [1.50.197](https://indike.org/pramana/in.purana.narada.1.50.197) svarabhaktiṃ prayuñjāna srīndoṣānparivarjayet / ikāraṃ cāpyukāraṃ grastadoṣaṃ tathaiva ca // ### [1.50.198](https://indike.org/pramana/in.purana.narada.1.50.198) saṃyogaparaṃ chaparaṃ visarjanīyaṃ dvimātrakaṃ caiva / atha sāntika ca naṅmasānusvāraṃ ghuṭataṃ ca // ### [1.50.199](https://indike.org/pramana/in.purana.narada.1.50.199) yasyāḥ pādaḥ prathamo dvādaśamātrastathā tṛtīyo 'pi / aṣṭādaśo dvitīyaḥ samāpannaḥ pañcadaśamātraḥ / yasyā lakṣaṇamuktaṃ yā tvanyā sā smṛtā vipulā // _First 200 of 240 passages. [Read on](https://indike.org/pramana/in.purana.narada.1.50)_ ## Linked texts (12) - [Nāradīyāśikṣā](https://indike.org/pramana/in.vedanga.siksa.siksa.naradiya.1.1.2) — Nārada, Sanskrit - [Māṇḍūkīśikṣā](https://indike.org/pramana/in.vedanga.siksa.siksa.manduki.13) — Māṇḍūka, Sanskrit - [Yājñavalkyaśikṣā](https://indike.org/pramana/in.vedanga.siksa.siksa.yajnavalkya.17) — Yājñavalkya, Sanskrit - [Cārāyaṇīyaśikṣā](https://indike.org/pramana/in.vedanga.siksa.siksa.carayaniya.0.6) — Sanskrit - [Śaiśirīyaśikṣā](https://indike.org/pramana/in.vedanga.siksa.siksa.saisiriya.77) — Sanskrit - [Pratiśākhyapradīpaśikṣā](https://indike.org/pramana/in.vedanga.siksa.siksa.pratisakhyapradipa.13.1_2) — Sanskrit - [Pāṇinīyaśikṣā](https://indike.org/pramana/in.vedanga.siksa.siksa.paniniya.14) — Pāṇini, Sanskrit - [Bharatabhāṣya (Sarasvatīhṛdayālaṅkāra)](https://indike.org/pramana/in.art.sangita.sangraha.bharatabhasya.3.18) — Nānyadeva, Sanskrit - [Saṃskāraratnamālā (Gopīnātha Dīkṣita Oka)](https://indike.org/pramana/in.niti.dharma.samskara.samskararatnamala.17.19.3) — Gopīnātha Dīkṣita Oka, Sanskrit - [Śabdakalpadruma](https://indike.org/pramana/in.art.kosa.sabdakalpadruma.133.103.p1.2) — Rājā Sir Rādhākānta Deb, Sanskrit - [Madanapārijāta](https://indike.org/pramana/in.niti.dharma.nibandha.mahanibandha.madanaparijata.2.p3.10) — Viśveśvarabhaṭṭa, Sanskrit - [Śārṅgadharapaddhati](https://indike.org/pramana/in.lit.subhasita.subhasita.kosa.sarngadharapaddhati.88.20) — Śārṅgadhara, Sanskrit --- Source: [https://indike.org/pramana/in.purana.narada.1.50](https://indike.org/pramana/in.purana.narada.1.50) · Pramāṇa