[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.51 # Naradapurana 1.51 Nāradapurāṇa 1.51 - **Language:** Sanskrit ## Contents - [1.51.158](https://indike.org/pramana/in.purana.narada.1.51.158) — 1 part ### [1.51.1](https://indike.org/pramana/in.purana.narada.1.51.1) athātaḥ saṃpravakṣyāmi kalpagranthaṃ munīśvarara / yasya vijñānamātreṇa syātkarmakuśalo naraḥ // ### [1.51.2](https://indike.org/pramana/in.purana.narada.1.51.2) nakṣatrakalpo vedānāṃ saṃhitānāṃ tathaiva ca / caturthaḥ syādāṅgirasaḥ śāntikalpaśca pañcamaḥ // ### [1.51.3](https://indike.org/pramana/in.purana.narada.1.51.3) nakṣatrādhīśvarākhyānaṃ vistareṇa yathātatham / nakṣatrakalpe nirdiṣṭaṃ jñātavyaṃ tadihāpi ca // ### [1.51.4](https://indike.org/pramana/in.purana.narada.1.51.4) vedakalpe vidhānaṃ tu ṛgādī nāṃ munīśvara / dharmārthakāmamokṣāṇāṃ siddhyai proktaṃ savistaram // ### [1.51.5](https://indike.org/pramana/in.purana.narada.1.51.5) mantrāṇāmṛṣayaścaiva chadāṃsyatha ca devatāḥ / nirdiṣṭāḥ saṃhitākalpe munibhistattvadarśibhiḥ // ### [1.51.6](https://indike.org/pramana/in.purana.narada.1.51.6) tathaivāṅgirase kalpe ṣaṭkarmāṇi savistaram / abhicāravidhānena nirdiṣṭāni svayaṃbhuvā // ### [1.51.7](https://indike.org/pramana/in.purana.narada.1.51.7) śāntikalpe tu divyānāṃ bhaumānāṃ munisattama / tathāntarikṣotpātānāṃ śāntayo hyuditāḥ pṛthak // ### [1.51.8](https://indike.org/pramana/in.purana.narada.1.51.8) saṃkṣepeṇaitaduddiṣṭaṃ lakṣaṇaṃ kalpalakṣaṇe / viśeṣaḥ pṛthageteṣāṃ sthitaḥ śaṅkhāntareṣu ca // ### [1.51.9](https://indike.org/pramana/in.purana.narada.1.51.9) gṛhyakalpe tu sarveṣāmupayogitayādhunā / vakṣyāmi te dvijaśreṣṭha sāvadhānatayā śṛṇu // ### [1.51.10](https://indike.org/pramana/in.purana.narada.1.51.10) oṅkāraścātha śabdaśca dvāvetau brahmaṇaḥ purā / kaṇṭhaṃ bhittvā viniryātau tasmānmāṅgalyakāvimau // ### [1.51.11](https://indike.org/pramana/in.purana.narada.1.51.11) kṛtvā proktāni karmāṇi tadvarddhvāni karoti yaḥ / so 'tha śabdaṃ praṃyujīta tadānantyārthamiṣyate // ### [1.51.12](https://indike.org/pramana/in.purana.narada.1.51.12) kuśāḥ parisamūhāya vyastaśākhāḥ prakīrtitāḥ / nyūnādhikā niṣphalāya karmaṇo 'bhimatasya ca // ### [1.51.13](https://indike.org/pramana/in.purana.narada.1.51.13) kṛmikīṭapataṅgādyā bhramanti vasudhātale / teṣāṃ saṃrakṣaṇārthāya proktaṃ parisamūhanam // ### [1.51.14](https://indike.org/pramana/in.purana.narada.1.51.14) rekhāḥ proktāśca yāstisraḥ kartavyāstāḥ samā dvija / nyūnādhikā na karttavyā ityeva paribhāṣitam // ### [1.51.15](https://indike.org/pramana/in.purana.narada.1.51.15) medinī medasā vyāptā madhukaiṭabhadaityayoḥ / gomayenopalepyeyaṃ tadarthamiti nārada // ### [1.51.16](https://indike.org/pramana/in.purana.narada.1.51.16) vandhyā duṣṭā ca dīnāṅgī mṛtavatsā ca yā bhavet / yajñārthaṃ gomayaṃ tasyā nāharediti bhāṣitam // ### [1.51.17](https://indike.org/pramana/in.purana.narada.1.51.17) ye bhramanti sadā'kāśe pataṅgādyā bhayaṅkarāḥ / taṣāṃ praharaṇārthāya mataṃ proddharaṇaṃ dvija // ### [1.51.18](https://indike.org/pramana/in.purana.narada.1.51.18) sruveṇa ca kuśenāpi kuryādullekhanaṃ bhuvaḥ / asthikaṇṭakasiddhyarthaṃ brahmaṇā paribhāṣitam // ### [1.51.19](https://indike.org/pramana/in.purana.narada.1.51.19) āpo devagaṇāḥ sarve tathā pitṛgaṇā dvija / tenādbhirukṣaṇaṃ proktaṃ munibhirvidhi kovidaiḥ // ### [1.51.20](https://indike.org/pramana/in.purana.narada.1.51.20) agneṃrānayanaṃ proktaṃ saubhāgyasrībhireva ca / śubhade mṛṇmaye pātre prokṣyādbhistaṃ nidhāyapayet // ### [1.51.21](https://indike.org/pramana/in.purana.narada.1.51.21) amṛtasya kṣayaṃ dṛṣṭvā brahmādyaiḥ sarvadaivataiḥ / vedyāṃ nidhāpitastasmātsamidgarbho hutāśanaḥ // ### [1.51.22](https://indike.org/pramana/in.purana.narada.1.51.22) dakṣiṇasyāṃ dānavādyāḥ sthitā yajñasya nārada / tebhyaḥ saṃrakṣaṇārthāya brahmāṇaṃ taddiśi nyaset // ### [1.51.23](https://indike.org/pramana/in.purana.narada.1.51.23) uttare sarvapātrāṇi praṇītādyāni paścime / yajamānaḥ pūrvataḥ syurdvijāḥ sarve 'pi nārada // ### [1.51.24](https://indike.org/pramana/in.purana.narada.1.51.24) dyūte ca vyavahāre ca yajñakarmaṇi cedbhavet / kartodāsīna cittastatkarma naśyediti sthitiḥ // ### [1.51.25](https://indike.org/pramana/in.purana.narada.1.51.25) brahmācāryauṃ svaśākhau hi karttavyau yajñakarmaṇi / ṛtvijāṃ niyamo nāsti yathālābhaṃ samarcayet // ### [1.51.26](https://indike.org/pramana/in.purana.narada.1.51.26) dve paritre tryaṅgule staḥ prokṣiṇī caturaṅgulā / ājyasthālī tryaṅgulātha carusthālī ṣaḍaṅgulā // ### [1.51.27](https://indike.org/pramana/in.purana.narada.1.51.27) dvyaṅgulaṃ tūpayamanamekaṃ saṃmārjanāṅgulam / sruvaṃ ṣaḍaṅgula proktaṃ srucaṃ sārddhatrayāṅgulam // ### [1.51.28](https://indike.org/pramana/in.purana.narada.1.51.28) prādaśamātrā samidhaḥ pūrṇapātraṃ ṣaḍaṅgulam / prokṣiṇyā uttare bhāge praṇītāpātramaṣṭabhiḥ // ### [1.51.29](https://indike.org/pramana/in.purana.narada.1.51.29) yāni kāni ca tīrthāni samudrāḥ saritastathā / praṇītāyāṃ samāsannāstasmāttāṃ pūrayejjalaiḥ // ### [1.51.30](https://indike.org/pramana/in.purana.narada.1.51.30) vedikā vasrahīnā ca nagrā saṃprocyate dvija / paristīryya tato darbheḥ paridadhyādimāṃ budhaḥ // ### [1.51.31](https://indike.org/pramana/in.purana.narada.1.51.31) indravajraṃ viṣṇucakraṃ vāmadevatriśūlakam / darbharūpatayā trīṇi pavitracchedanāni ca // ### [1.51.32](https://indike.org/pramana/in.purana.narada.1.51.32) prokṣaṇī ca prakartavyā praṇītodakasaṃyutā / tenātipuṇyadaṃ karma pavitramiti kīrtitam // ### [1.51.33](https://indike.org/pramana/in.purana.narada.1.51.33) ājyasthālī prakartavyā palamātrapramāṇikā / kulālacakraghaṭitaṃ āsuraṃ mṛṇmayaṃ smṛtam // ### [1.51.34](https://indike.org/pramana/in.purana.narada.1.51.34) tadeva hastaghaṭitaṃ sthālyādi daivikaṃ bhavet / sruve ca sarvakarmāṇi śubhānyapyaśubhāni ca // ### [1.51.35](https://indike.org/pramana/in.purana.narada.1.51.35) tasya caiva pavitrārthaṃ vahnau tāpanamīritam / agre dhūtena vaidhavyaṃ madhyaṃ caiva prajākṣayaḥ // ### [1.51.36](https://indike.org/pramana/in.purana.narada.1.51.36) mūle ca mriyate hotā tasmāddhāryaṃ vicārya tat / agniḥ sūryaśca somaśca viriñciranilo yamaḥ // ### [1.51.37](https://indike.org/pramana/in.purana.narada.1.51.37) sruve ṣaḍete devāstu pratyaṅgulamupāśritāḥ / agnirbhaghogārthanāśāya sūryo vyādhikaro bhavet // ### [1.51.38](https://indike.org/pramana/in.purana.narada.1.51.38) niṣphalastu smṛtaḥ somo viriñciḥ sarvakāmadaḥ / anilo vṛddhidaḥ prokto yamo mṛtyuprado mataḥ // ### [1.51.39](https://indike.org/pramana/in.purana.narada.1.51.39) saṃmārjanopayamanaṃ karttavyaṃ ca kuśadvayam / pūrvaṃ tu sarvaśākhaṃ syātpañcaśākhaṃ tathāparam // ### [1.51.40](https://indike.org/pramana/in.purana.narada.1.51.40) śrīparṇī ca śamī tadvatkhadiraśca vikaṅkataḥ / palāśaścaiva vijñeyāḥ sruve caiva tathā sruci // ### [1.51.41](https://indike.org/pramana/in.purana.narada.1.51.41) hastonmitaṃ sruvaṃ śastaṃ trindaśāṅgulikaṃ srucam / viprāṇāṃ caitadākhyātaṃ hyanyeṣāmaṅgulonakam // ### [1.51.42](https://indike.org/pramana/in.purana.narada.1.51.42) śūdrāṇāṃ patitānāṃ ca kharādīnāṃ ca nārada / dṛṣṭidoṣavināśārthaṃ pātrāṇāṃ prokṣaṇaṃ smṛtam // ### [1.51.43](https://indike.org/pramana/in.purana.narada.1.51.43) akṛte pūrṇapātre tu yajñacchidraṃ samudbhavet / tasminpūrṇīkṛte vipra yajñasaṃpūrṇatā bhavet // ### [1.51.44](https://indike.org/pramana/in.purana.narada.1.51.44) aṣṭamuṣṭirbhavetkiñcitpuṣkalaṃ taccatuṣṭayam / puṣkalāni tu catvāri pūrṇapātraṃ vidurbudhāḥ // ### [1.51.45](https://indike.org/pramana/in.purana.narada.1.51.45) homakāle tu saṃprāpte na dadyādāsanaṃ kvacit / datte tṛptobhavedvahniḥ śāpaṃ dadyāñca dāruṇam // ### [1.51.46](https://indike.org/pramana/in.purana.narada.1.51.46) ādhārau nāsike proktau ājyabhāgau ca cakṣuṣī / prājāpatyaṃ mukhaṃ prokta kaṭirvyāhṛtibhiḥ smṛtā // ### [1.51.47](https://indike.org/pramana/in.purana.narada.1.51.47) śīrṣahastau ca pādau ca pañcavāruṇamīritam / tathā sviṣṭakṛtaṃ vipra śrotre pūrṇāhutistathā // ### [1.51.48](https://indike.org/pramana/in.purana.narada.1.51.48) dvimukhaṃ caikahṛdayaṃ catuḥ śrotraṃ dvināsikam / dviśīrṣakaṃ ca ṣaṇnetraṃ piṅgalaṃ saptajihvakam // ### [1.51.49](https://indike.org/pramana/in.purana.narada.1.51.49) savyabhāge trihistaṃ ca caturhastañca dakṣiṇe / srukstruvau cākṣamālā ca yā śaktirdakṣiṇe kare // ### [1.51.50](https://indike.org/pramana/in.purana.narada.1.51.50) trimekhalaṃ tripādaṃ ca ghṛtapātraṃ dvicāmaram / meṣārūḍhaṃ catuḥśṛṅgaṃ bālādityasamaprabham // ### [1.51.51](https://indike.org/pramana/in.purana.narada.1.51.51) upavītasamāyuktaṃ jaṭākuṇḍalamaṇḍimam / jñātvaivamagnidehaṃ tu homakarmasamācaret // ### [1.51.52](https://indike.org/pramana/in.purana.narada.1.51.52) payo dadhi ghṛtaṃ caiva snehapakvaṃ tathaiva ca / juhuyādyastu hastena sa vipro brahmahā bhavet // ### [1.51.53](https://indike.org/pramana/in.purana.narada.1.51.53) yadannaṃ puruṣo 'śrāti tadannaṃ tasya devatāḥ / sarvakāmasamṛddhyarthaṃ tilādhikyaṃ havirmatam // ### [1.51.54](https://indike.org/pramana/in.purana.narada.1.51.54) home mudrātrayaṃ proktaṃ mṛgī haṃsī ca sūkarī / abhicāre sūkarī syānmṛgī haṃsī śubhātmake // ### [1.51.55](https://indike.org/pramana/in.purana.narada.1.51.55) sarvāṅgulībhiḥ krauḍī syāddhaṃsī muktakaniṣṭikā / madhyamānāmikāṅguṣṭairmṛgī sudrā prakīrtitā // ### [1.51.56](https://indike.org/pramana/in.purana.narada.1.51.56) pūrvapramāṇayāhutyā pañcāṅguligṛhītayā / dadhimadhvājyasaṃyukta ṛtvigbhirjuhuyāttilaiḥ // ### [1.51.57](https://indike.org/pramana/in.purana.narada.1.51.57) kuśāstvanāmikāsaktāḥ kāryāḥ syuḥ puṇyakarmaṇi // ### [1.51.58](https://indike.org/pramana/in.purana.narada.1.51.58) vināyakaḥ karmavighnasiddhyarthaṃ viniyojitaḥ / gaṇānāmādhipatye ca rudreṇa brahmaṇā tathā // ### [1.51.59](https://indike.org/pramana/in.purana.narada.1.51.59) tenopasṛṣṭo yastasya lakṣaṇāni nibodha me / svameva gāhatetyarthaṃ jalaṃ muṇḍāṃśca paśyati // ### [1.51.60](https://indike.org/pramana/in.purana.narada.1.51.60) kāmāya vāsasaścaiva kravyādāṃścādhirohati / antyajairgarddabhairuṣṭaiḥ sahaikatrāvatiṣṭate // ### [1.51.61](https://indike.org/pramana/in.purana.narada.1.51.61) vrajannapi tathātmānaṃ manyate 'nugataṃ paraiḥ vimanā viphalāraṃbhaḥ saṃsīdatyanimittataḥ // ### [1.51.62](https://indike.org/pramana/in.purana.narada.1.51.62) tenopasṛṣṭo labhate na rājyaṃ rājanandanaḥ / kumārī na ca bhartāramapatyaṃ garbhamaṅganā / ācāryatvaṃ śrotriyaśca na śiṣyo 'dhyayanaṃ tathā // ### [1.51.63](https://indike.org/pramana/in.purana.narada.1.51.63) vaṇiglābhaṃ na cānpoti kṛṣiṃ cāpi kṛṣibalaḥ / snapana tasya kartavyaṃ puṇye 'hri vidhipūrvakam / gaurasarṣa pakalkena svasti vācyā dvijaiḥ śubhāḥ // ### [1.51.64](https://indike.org/pramana/in.purana.narada.1.51.64) aśvasthānādgajasthānādvalmīkātsaṃgamāddhradāt / mṛttikāṃ rocanāṃ gandhān gugguluṃ cāśu nikṣipet // ### [1.51.65](https://indike.org/pramana/in.purana.narada.1.51.65) pātryāhṛtā hyekavarṇaiścaturbhiḥ kalaśairhradāt / carmaṇyānuḍuhe rakte sthāpyaṃ bhadrāsanaṃ tataḥ // ### [1.51.66](https://indike.org/pramana/in.purana.narada.1.51.66) sahasrākṣaṃ śatadhāra mṛṣibhiḥ pāvanaṃ kṛtam / tena tvāmabhiṣiñcāmi pāvamānyāḥ puṃnatu te // ### [1.51.67](https://indike.org/pramana/in.purana.narada.1.51.67) bhagaṃ te varuṇo rājā bhagaṃ sūryo bṛhaspatiḥ / bhagamindraśca vāyuśca bhagaṃ saptarṣayo daduḥ // ### [1.51.68](https://indike.org/pramana/in.purana.narada.1.51.68) yatte keśeṣu daurbhāgyaṃ sīmante yacca mūrddhani / lalāṭe karṇayorakṣṇorāpastudantu sarvadā // ### [1.51.69](https://indike.org/pramana/in.purana.narada.1.51.69) snānasya sārṣapaṃ tailaṃ sruveṇaudumbareṇa tu / juhuyānmūrddhani kuśānsavyana parigṛhya ca // ### [1.51.70](https://indike.org/pramana/in.purana.narada.1.51.70) mitaśca saṃmitaścaiva tathā śālakaṭaṅkaṭau / kūṣmāṇḍo rājaputra ścetyante svāhāsamānvitaiḥ // ### [1.51.71](https://indike.org/pramana/in.purana.narada.1.51.71) nāmabhirbalimantraiśca namaskārasamanvitaiḥ / dadyāñcatuṣpathe sūryye kuśānāstīryya sarvataḥ // ### [1.51.72](https://indike.org/pramana/in.purana.narada.1.51.72) kṛtā kṛtāṃstaṇḍulīśca palalaudanameva ca / matsyānpakvāṃstathaivāmānmāṃsametāvadevatu // ### [1.51.73](https://indike.org/pramana/in.purana.narada.1.51.73) puṣpaṃ citraṃ sugandhaṃ ca surāñca trividhāmapi / mūlakaṃ pūrikāpūpāṃstathaivoṭasrajo 'pi ca // ### [1.51.74](https://indike.org/pramana/in.purana.narada.1.51.74) dadhyannaṃ pāyasaṃ caiva gujapiṣṭa samodakam / etānsarvānupāhṛtya bhūmau kṛtvā tataḥ śiraḥ // ### [1.51.75](https://indike.org/pramana/in.purana.narada.1.51.75) vināyakasya jananī mupatiṣṭettato 'mbikām / durvāsarṣapapuṣpāṇāṃ dattvārghyaṃ pūrṇamañjalim // ### [1.51.76](https://indike.org/pramana/in.purana.narada.1.51.76) rūpaṃ dehi yaśo dehi bhagaṃ bhagavati dehi me / putrāndehi dhanaṃ dehi sarvānkāmāṃśca dehi me // ### [1.51.77](https://indike.org/pramana/in.purana.narada.1.51.77) upasthāya śivāṃ durgāmumāpatimathāceryat / dhūpaidarpiścai naivedyairgandhamālyānulepanaiḥ // ### [1.51.78](https://indike.org/pramana/in.purana.narada.1.51.78) tataḥ śuklāmbaradharaḥ śuklamālyānulepanaḥ / brāhmaṇānbhojayetpaścādvastrayugamaṃ gurorapi // ### [1.51.79](https://indike.org/pramana/in.purana.narada.1.51.79) evaṃ vināyakaṃ pūjya grahāṃścaiva prapūjayet / śrīkāmaḥ śāntikāmo vā puṣṭivṛddhyāyurvīryyavān // ### [1.51.80](https://indike.org/pramana/in.purana.narada.1.51.80) sīryyaḥ somo mahīputro budho jīvo bhṛguḥ śaniḥ / rāhuketū navāpyete navāpyete sthāpanīyā grahāḥ kramāt // ### [1.51.81](https://indike.org/pramana/in.purana.narada.1.51.81) tāmrakādrajatādraktacandanātsvarṇakādapi / hemno rajatādayasaḥ sīsātkāryā śubhāptaye // ### [1.51.82](https://indike.org/pramana/in.purana.narada.1.51.82) svavarṇairvāpaṭe lekhyā gandhairmaṇḍalakeṣu ca / yathāvarṇaṃ pradeyāni vāsāṃsi kusumāni ca // ### [1.51.83](https://indike.org/pramana/in.purana.narada.1.51.83) gandhāśca balayaścaiva dhūpo deyaśca gugguluḥ / kartavyā mantravantaśca caravaḥ pratidaivatam // ### [1.51.84](https://indike.org/pramana/in.purana.narada.1.51.84) ākṛṣṇena imandevā agnirmūrddhādivaḥ kakut / udbudhaayasvāti yadaryastathaivānnātparisrutaḥ // ### [1.51.85](https://indike.org/pramana/in.purana.narada.1.51.85) śannodevīstathā kāṇḍātketuṃ kṛṇvannaketavaḥ // ### [1.51.86](https://indike.org/pramana/in.purana.narada.1.51.86) arkaḥ palāśaḥ khadirastvapāmārgo 'thapippalaḥ / uduṃbaraḥ śamī dūrvā kuśāśca samidhaḥ kramāt // ### [1.51.87](https://indike.org/pramana/in.purana.narada.1.51.87) ekaikasmādaṣṭaśatamaṣṭāviṃśatireva ca / hotavyā madhusarpirbhyāṃ dadhnā kṣīreṇa vā punaḥ // ### [1.51.88](https://indike.org/pramana/in.purana.narada.1.51.88) guḍaudanaṃ pāyasaṃ ca haviṣyaṃ kṣīraṣyaṃ kṣīraṣāṣṭikam / dadhyodanaṃ haviścūrṇaṃ māṃsaṃ citrānnameva ca // ### [1.51.89](https://indike.org/pramana/in.purana.narada.1.51.89) dadyā dgrahakramādetaddvijebhyo bhojanaṃ budhaḥ / śaktito 'pi yathā lābhaṃ satkṛtya vidhipūrvakam // ### [1.51.90](https://indike.org/pramana/in.purana.narada.1.51.90) dhenuḥ śaṅkhastathānaṅvānhimavāso hayaḥ kramāt / kṛṣṇāgaurāyasaṃ chāga etā vai dakṣiṇāḥ smṛtāḥ // ### [1.51.91](https://indike.org/pramana/in.purana.narada.1.51.91) yasya yasya tu yaddravyaṃ palenārcyaḥ sa tena ca / brahmanneṣāṃ varo dattaḥ pūjitāḥ pūjayiṣyathaḥ // ### [1.51.92](https://indike.org/pramana/in.purana.narada.1.51.92) grahādhīnā naredrāṇāṃ dhanajātyucchrayāstathā / bhāvābhāvau ca jagatastasmātpūjyatamā grahāḥ // ### [1.51.93](https://indike.org/pramana/in.purana.narada.1.51.93) adityasya sadā pūjā tilakaṃ svāminastathā / mahāgaṇapateścaiva kurvansiddhimavānpuyāt // ### [1.51.94](https://indike.org/pramana/in.purana.narada.1.51.94) karmaṇāṃ saphalatvaṃ ca śriyaṃ vāpnotyanuttamām // ### [1.51.95](https://indike.org/pramana/in.purana.narada.1.51.95) akṛtvā mātṛyāgaṃ tu yo grahārcāṃ samārabhet / kupyanti mātarastasya pratyūhaṃ kurvate tathā // ### [1.51.96](https://indike.org/pramana/in.purana.narada.1.51.96) vasoḥ pavitramantreṇa vasorddhārāṃ prakalpya ca / gauryādyā mātaraḥ pūjyā māṅgalyeṣu śubhārthibhiḥ // ### [1.51.97](https://indike.org/pramana/in.purana.narada.1.51.97) gaurī padma śacī medhā sāvitrī vijayā jayā / devasenā svadhā svāhā mātṛkā vaidhṛtirdhṛtiḥ // ### [1.51.98](https://indike.org/pramana/in.purana.narada.1.51.98) puṣṭirhṛṣṭistathā tuṣṭirātmadevatayā saha / gaṇeśenādhikā hyetā vṛddhau pūjyāstu ṣohaśa // ### [1.51.99](https://indike.org/pramana/in.purana.narada.1.51.99) āvāhanaṃ tathā pādyamardhyaṃ snānaṃ ca candanam / akṣatāṃścaiva puṣpāṇi dhūpaṃ dīpaṃ phalāni ca // ### [1.51.100](https://indike.org/pramana/in.purana.narada.1.51.100) naivedyācamanīyaṃ ca tāṃbūlaṃ pūgameva ca / nīrājanaṃ dakṣiṇāṃ ca kramāddadyāñca tuṣṭaye // ### [1.51.101](https://indike.org/pramana/in.purana.narada.1.51.101) pitṛkalpaṃ prakṣyāmi dhanasaṃtativarddhanam / amāvasyāṣṭakā vṛddhiḥ kṛṣṇapakṣāyanadvayam // ### [1.51.102](https://indike.org/pramana/in.purana.narada.1.51.102) dravyaṃ brāhmaṇasaṃpattirviṣuvatsuryasaṃkramaḥ / vyatīpāto gajacchāyā grahaṇaṃ candrasūryayoḥ // ### [1.51.103](https://indike.org/pramana/in.purana.narada.1.51.103) śrāddhaṃ pratiruciścaiva śrāddhakālāḥ prakīrtitāḥ / agryāḥ sarveṣu vedeṣu śrotriyo brahmavidyuvā // ### [1.51.104](https://indike.org/pramana/in.purana.narada.1.51.104) vedārthavijjyeṣṭasāmā trimadhusrisuparṇakaḥ / svasrīya ṛtvigjāmātā yājyaśvaśuramātulāḥ // ### [1.51.105](https://indike.org/pramana/in.purana.narada.1.51.105) triṇāciketadauhitraśiṣyasaṃbandhibāndhavāḥ / karmaniṣṭāstaponiṣṭāḥ pañcāgnibrahmacāriṇaḥ // ### [1.51.106](https://indike.org/pramana/in.purana.narada.1.51.106) pitṛmātṛparāścaiva brāhmaṇāḥ śrāddhasaṃpadaḥ / rogī nyūnātiriktāṅgaḥ kāṇaḥ paunarbhavastathā // ### [1.51.107](https://indike.org/pramana/in.purana.narada.1.51.107) avakīrṇī kuṇḍagolau kunakhī śyāvadaṅkaḥ / bhṛtakādhyāpakaḥ klībaḥ kanyādūṣyabhiśastakaḥ // ### [1.51.108](https://indike.org/pramana/in.purana.narada.1.51.108) mitradhruk piśunaḥ somavikrayī parivindakaḥ / mātṛpitṛgurutyāgī kuṇḍāśī vṛṣalātmajaḥ // ### [1.51.109](https://indike.org/pramana/in.purana.narada.1.51.109) parapūrvāpatiḥ stenaḥ karmabhraṣṭāśca ninditāḥ / nimantrayīta pūrvedyurbrāhmaṇānātmavān śuciḥ // ### [1.51.110](https://indike.org/pramana/in.purana.narada.1.51.110) taiścāpi saṃyatair bhāvyaṃ manovākkāyakarmabhiḥ / aparāhne samaghabhyarcya svāgatenāgatāṃstu tān // ### [1.51.111](https://indike.org/pramana/in.purana.narada.1.51.111) pavitrapāṇirācāntānāsane copaveśayet / viprāndaive yathāśakti pitrye 'yugmāṃstathaiva ca // ### [1.51.112](https://indike.org/pramana/in.purana.narada.1.51.112) paraśrite śucau deśe dakṣiṇāpravaṇaṃ tathā / dvau dvaive prāk trayaḥ pitraghye udagekaikameva ca // ### [1.51.113](https://indike.org/pramana/in.purana.narada.1.51.113) mātāmahānāmapyevaṃ tatra vā vaiśvadaivikam / pāṇiprakṣālanaṃ dattvā viṣṭarārthaṃ kuśānapi // ### [1.51.114](https://indike.org/pramana/in.purana.narada.1.51.114) āvāhayedanujñāto viśvedevāsa ityṛcā / yavairanvāvakīryātha bhājane sapavitrake // ### [1.51.115](https://indike.org/pramana/in.purana.narada.1.51.115) śanno devyā apaḥ kṣiptvā yavo 'sīti yavāṃstathā / yādivyā iti mantreṇa haste pādyaṃ viniḥkṣipet // ### [1.51.116](https://indike.org/pramana/in.purana.narada.1.51.116) dattvodakaṃ gandhamālyaṃ pradāyānnaṃ sadīpakam / apasavyaṃ tataḥ tṛtvā pitṝṇāṃ sapradakṣiṇam // ### [1.51.117](https://indike.org/pramana/in.purana.narada.1.51.117) dviguṇāṃstu kuśāndattvā hyuśantistvityṛcā pitṝn / āvāhya tadanujñāto japedāyantu nastataḥ // ### [1.51.118](https://indike.org/pramana/in.purana.narada.1.51.118) yavārthāstu tilaiḥ kāryāḥ kuryādardhyādi pūrvavat / dattvārdhyaṃ sayavāṃsteṣāṃ pātre kṛtvā vidhānataḥ // ### [1.51.119](https://indike.org/pramana/in.purana.narada.1.51.119) pitṛbhyaḥ sthānamasīti nyubjaṃ pātraṃ kagetyadhaḥ / agnau kariṣyannādāya pṛcchatyannaṃ ghṛtaplutam // ### [1.51.120](https://indike.org/pramana/in.purana.narada.1.51.120) kuruṣvetyabhyanujñāto dattāvāgnau pitṛyajñavat / hutaśeṣaṃ pradadyāttu bhājaneṣu samāhitaḥ // ### [1.51.121](https://indike.org/pramana/in.purana.narada.1.51.121) yathālābhopapanneṣu gaipyeṣu ca viśeṣataḥ / dattvānnaṃ pṛthivīpātramiti pātrā bhimantraṇam // ### [1.51.122](https://indike.org/pramana/in.purana.narada.1.51.122) kṛtvedaṃ viṣṇurityanne dvijāṅguṣṭaṃ niveśayet / savyāhṛtikāṃ gāyatrīṃ madhuvātā iti tyṛcam // ### [1.51.123](https://indike.org/pramana/in.purana.narada.1.51.123) japtvā yathāsukhaṃ vācyaṃ bhuñjīraṃste 'pi vāgyatāḥ / agnamiṣṭaṃ havipyaṃ ca dadyādakrodhano 'tvaraḥ // ### [1.51.124](https://indike.org/pramana/in.purana.narada.1.51.124) ātṛptestu pavitrāṇi japtvā pūrvajapaṃ tathā / annamādāya tṛptāḥstha śeṣaṃ caivānumānya ca // ### [1.51.125](https://indike.org/pramana/in.purana.narada.1.51.125) tadannaṃ vikiredbhūmau dadyāñcāpaḥ sakṛtsakṛt / sarvamannamupādāya satilaṃ dakṣiṇāmukhaḥ // ### [1.51.126](https://indike.org/pramana/in.purana.narada.1.51.126) ucchiṣṭasannidhau piṇḍāndadyādvai pitṛyajñavat / mātāmahānāmapyevaṃ dadyādācamanaṃ tataḥ // ### [1.51.127](https://indike.org/pramana/in.purana.narada.1.51.127) svasnivācaṃ tataḥ kuryādakṣayyodakameva hi / dattvā ca dakṣiṇāṃ śaktyā svadhākāramudāharet // ### [1.51.128](https://indike.org/pramana/in.purana.narada.1.51.128) vācyatāmityanujñātaḥ prakṛtebhyaḥ svadhocyatām / brūyurastu svadhetyukte bhūmau siṃcettato jalam // ### [1.51.129](https://indike.org/pramana/in.purana.narada.1.51.129) viśvedevāśvaprīyantāṃ vipraiścokta idaṃ japet / dātārono 'bhivarddhantāṃ vedāḥ saṃtatireva ca // ### [1.51.130](https://indike.org/pramana/in.purana.narada.1.51.130) śraddhā cano mā vyagamadbahu deyaṃ ca no 'stviti / ityukto ktāḥ priyā vācaḥ praṇipatya visarjayet // ### [1.51.131](https://indike.org/pramana/in.purana.narada.1.51.131) vājevāje iti prītaḥ pitṛpūrvaṃ visarjanam / yasmiṃste saṃśravāḥ pūrvamardhyapātre niveśitāḥ // ### [1.51.132](https://indike.org/pramana/in.purana.narada.1.51.132) pitṛpātraṃ tadutthānaṃ kṛtvā viprānvisarjayet / pradakṣiṇamanuvrajya bhuñjīta pitṛsevitam // ### [1.51.133](https://indike.org/pramana/in.purana.narada.1.51.133) brahmacārī bhavettāṃ tu rajanīṃ brahmaṇaiḥ saha / evaṃ pradakṣiṇāvṛttyā vṛddhau nāndīmukhānpitṝn // ### [1.51.134](https://indike.org/pramana/in.purana.narada.1.51.134) yajeta dadhikarkandhumiśrānpiḍānyavaiḥ kṛtān / ekoddiṣṭaṃ devahīnamevārdhyaikapavitrakam // ### [1.51.135](https://indike.org/pramana/in.purana.narada.1.51.135) āvāhanāgnaukaraṇarahitaṃ hyapasavyavat / upatiṣaaṭatāmakṣayyasthāne vipravisarjane // ### [1.51.136](https://indike.org/pramana/in.purana.narada.1.51.136) abhiraṇyatāmiti vaded brūyuste 'bhiratāḥ sma ha / gandhodakaṃ tilairyuktaṃ kuryātpātracatuṣṭayam // ### [1.51.137](https://indike.org/pramana/in.purana.narada.1.51.137) ardhyārthaṃ pitṛpātreṣu pretapātraṃ presecayet / ye samānā iti dvābhyāṃ śeṣaṃ pūrvavadācaret // ### [1.51.138](https://indike.org/pramana/in.purana.narada.1.51.138) etansapiṃ ḍīkaraṇamekoṣṭiddaṃ sriyā api / arvāksapiṇḍīkaraṇaṃ yasya saṃvatsarādbhavet // ### [1.51.139](https://indike.org/pramana/in.purana.narada.1.51.139) tasyāpyannaṃ sodakuṃbhaṃ dadyātsaṃvatsaraṃ dvije / bhṛte 'hani tu kartavyaṃ pratimāsaṃ tu vatsaram // ### [1.51.140](https://indike.org/pramana/in.purana.narada.1.51.140) pratisaṃvatsaraṃ caiva māsamekādaśe 'hani / piṇḍāṃścago 'javiprebhyo dadyādagnau jale 'pi vā // ### [1.51.141](https://indike.org/pramana/in.purana.narada.1.51.141) prakṣipetsatsu vipreṣu dvijocchiṣṭaṃ na mārjayet / haviṣyānnena vai māsaṃ pāyasena tu vatsaram // ### [1.51.142](https://indike.org/pramana/in.purana.narada.1.51.142) mātsyahāriṇakaurabhraśākunacchāgapārṣataiḥ / aiṇarauravavārāhaśāśairmāṃsairyathākramam // ### [1.51.143](https://indike.org/pramana/in.purana.narada.1.51.143) māsavṛddhyābhitṛpyanti dattairiha pitāmahāḥ / khaḍgāmiṣaṃ mahākalpaṃ madhu munyannameva ca // ### [1.51.144](https://indike.org/pramana/in.purana.narada.1.51.144) lohāmiṣaṃ mahāśākaṃ māṃsaṃ vārdhrīṇasasya ca / yo dadāti gayāsthaśca sarvamānantyamaśnute // ### [1.51.145](https://indike.org/pramana/in.purana.narada.1.51.145) tathā varṣātrayodaśyāṃ maghāsu ca viśeṣataḥ / kalyāṃ kanyāvedinaśca paśūnvai satsutānapi // ### [1.51.146](https://indike.org/pramana/in.purana.narada.1.51.146) dyūtaṃ kṛṣiṃ ca vāṇijyaṃ dviśaphaikaśaphaāṃstathā / brahmavarcasvinaḥ putrānsvarṇarūpye sakupyake // ### [1.51.147](https://indike.org/pramana/in.purana.narada.1.51.147) jñātiśreṣṭhyaṃ sarvakāmānāpnoti śrāddhadaḥ sadā / pratipatprabhṛtiṣvekāṃ varjayitvā caturdaśīm // ### [1.51.148](https://indike.org/pramana/in.purana.narada.1.51.148) śastreṇa tu hatāye vai tebhyastatra pradīyate / svargaṃ hyapatyamojaśca śauryaṃ kṣetraṃ balaṃ tathā // ### [1.51.149](https://indike.org/pramana/in.purana.narada.1.51.149) putrān śreṣṭhāṃśca saubhāgyaṃ samṛddhiṃ mukhyatāṃ śubham / pravṛttaṃ cakratāṃ caiva vāṇijyaprabhṛtīni ca // ### [1.51.150](https://indike.org/pramana/in.purana.narada.1.51.150) arogitvaṃ yaśo vītaśokatāṃ paramāṃ gatim / dhanaṃ vidyāṃ bhiṣak siddhiṃ kupyaṅgā apyajāvikam // ### [1.51.151](https://indike.org/pramana/in.purana.narada.1.51.151) aśvanāyuśca vidhivadyaḥ śrāddhaṃ saṃprayacchati / kṛttikādi bharaṇyantaṃ sakāmānāpnuyādimān // ### [1.51.152](https://indike.org/pramana/in.purana.narada.1.51.152) āstikaḥ śraddadhānaśca vyapetamadamatsaraḥ / vasurudrāditisutāḥ pitaraḥ śrāddhadevatāḥ // ### [1.51.153](https://indike.org/pramana/in.purana.narada.1.51.153) prīṇayanti manuṣyāṇāṃ pitṝn śrāddhena tarpitāḥ / āyuḥ prajāṃ dhanaṃ vidyāṃ svargaṃ mokṣaṃ sukhāni ca // ### [1.51.154](https://indike.org/pramana/in.purana.narada.1.51.154) prayacchanti tathā rājyaṃ nṛṇāṃ prītāḥ pitāmahāḥ / ityevaṃ kathitaṃ kiñcitkalpādhyāye viśeṣataḥ // ### [1.51.155](https://indike.org/pramana/in.purana.narada.1.51.155) jñātavyaṃ vaidike tantre purāṇāntarake 'pi ca / ya imaṃ cintayedvidvānkalpādhyāyaṃ munīśvara // ### [1.51.156](https://indike.org/pramana/in.purana.narada.1.51.156) sa bhavetkarmakuśala ihānyatra gatiṃ śubhām / yaḥ śṛṇoti naro bhaktyā daive pitrye ca karmaṇi // ### [1.51.157](https://indike.org/pramana/in.purana.narada.1.51.157) kalpādhyāyaṃ sa labhate daivapitrya kriyāphalam / dhanaṃ vidyāṃ yaśaḥ putrānparatra ca gatiṃ parām // ### [1.51.158](https://indike.org/pramana/in.purana.narada.1.51.158) ataḥ paraṃ vyākaraṇaṃ tubhyaṃ vedamukhābhidham / kathayiṣye samāsena śṛṇuṣva susamāhitaḥ // ### [1.51.158.p1](https://indike.org/pramana/in.purana.narada.1.51.158.p1) iti śrībṛhannāradīyapurāṇe pūrvabhāge bṛhadupākhyāne dvitīyapāde eka pañcāśattamo 'dhyāyaḥ ## Linked texts (21) - [Yājñavalkyasmṛti](https://indike.org/pramana/in.niti.dharma.yajnavalkya.1.219) — Yājñavalkya, Sanskrit - [Garuḍapurāṇa](https://indike.org/pramana/in.purana.garuda.1.99.12) — Vyāsa, Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.163.3) — Sanskrit - [Śāntikamalākara](https://indike.org/pramana/in.niti.dharma.santi.santikamalakara.1.12_465) — Kamalākarabhaṭṭa 1587, Sanskrit - [Vātulottaratantra](https://indike.org/pramana/in.sampradaya.saiva.agama.rudra.vatulottaratantra.19.86) — Sanskrit - [Vīramitrodaya](https://indike.org/pramana/in.niti.dharma.nibandha.viramitrodaya.178) — Mitramiśra 1610, Sanskrit - [Vidhānamālā (Nṛsiṃha)](https://indike.org/pramana/in.niti.dharma.prayoga.sarvaprayoga.vidhanamala.114.2-2) — Nṛsiṃha, Sanskrit - [Vidhānapārijāta](https://indike.org/pramana/in.niti.dharma.nibandha.mahanibandha.vidhanaparijata.2.p18) — Ananta Bhaṭṭa 1600, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.2.p56) — Govindānanda 1500, Sanskrit - [Madanamahārṇava (Kṣemendra)](https://indike.org/pramana/in.niti.dharma.nibandha.mahanibandha.madanamaharnava.8.p12) — Kṣemendra, Sanskrit - [Madanamahārṇava (Māndhātṛ)](https://indike.org/pramana/in.niti.dharma.nibandha.mahanibandha.madanamaharnava-mandhatr.8.p12) — Māndhātṛ, Sanskrit - [Mahārṇava (Māndhātā)](https://indike.org/pramana/in.niti.dharma.nibandha.mahanibandha.maharnava.8.p12) — Māndhātā, Sanskrit - [Mahārṇava (Viśveśvarabhaṭṭa)](https://indike.org/pramana/in.niti.dharma.nibandha.mahanibandha.maharnava-visvesvarabhatta.8.p12) — Viśveśvarabhaṭṭa, Sanskrit - [Madanapārijāta](https://indike.org/pramana/in.niti.dharma.nibandha.mahanibandha.madanaparijata.3.p2.4) — Viśveśvarabhaṭṭa, Sanskrit - [Śāntimayūkha](https://indike.org/pramana/in.niti.dharma.santi.santimayukha.4.1-4) — Nīlakaṇṭha Dīkṣita 1625, Sanskrit - [Śabdakalpadruma](https://indike.org/pramana/in.art.kosa.sabdakalpadruma.272.p1.2) — Rājā Sir Rādhākānta Deb, Sanskrit - [Nṛsiṃhaprasāda](https://indike.org/pramana/in.niti.dharma.nibandha.mahanibandha.nrsimhaprasada.p58) — Dalapatirāja 1511, Sanskrit - [Nityācārapradīpa](https://indike.org/pramana/in.niti.dharma.acara.ahnika.nityacarapradipa.5.p212) — Narasiṃha Vājapeyin, Sanskrit - [Saṃskārabhāskara (Ṛṣibudha)](https://indike.org/pramana/in.niti.dharma.samskara.samskarabhaskara.1.p45.56) — Ṛṣibudha, Sanskrit - [Saṃskārabhāskara (Khaṇḍabhaṭṭa)](https://indike.org/pramana/in.niti.dharma.samskara.samskarabhaskara-khandabhatta.1.p45.56) — Khaṇḍabhaṭṭa, Sanskrit - [Saṃskārabhāskara (Siddheśvara)](https://indike.org/pramana/in.niti.dharma.samskara.samskarabhaskara-siddhesvara.1.p45.56) — Siddheśvara 1630, Sanskrit --- Source: [https://indike.org/pramana/in.purana.narada.1.51](https://indike.org/pramana/in.purana.narada.1.51) · Pramāṇa