[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.53 # Naradapurana 1.53 Nāradapurāṇa 1.53 - **Language:** Sanskrit ## Contents - [1.53.88](https://indike.org/pramana/in.purana.narada.1.53.88) — 1 part ### [1.53.1](https://indike.org/pramana/in.purana.narada.1.53.1) sanandana uvāca niruktaṃ te pravakṣyāmi vedaṃ śrotrāṅgamuttamam / tatpañcavidhamākhyātaṃ vaidikaṃ dhāturūpakam // ### [1.53.2](https://indike.org/pramana/in.purana.narada.1.53.2) kvacidūrṇāgamastatra kvacidvarṇaviparyayaḥ / vikāraḥ kvāpi varṇānāṃ varṇanāśaḥ kvacinmataḥ // ### [1.53.3](https://indike.org/pramana/in.purana.narada.1.53.3) tathā vikāranāśābhyāṃ varṇānāṃ yatra nārada / dhātoryogātiśayī ca saṃyogaḥ parikīrtitaḥ // ### [1.53.4](https://indike.org/pramana/in.purana.narada.1.53.4) siddhedvarṇāgamāddhaṃsaḥ siṃho varṇaviparyayāt / gūḍhotmā varṇavikṛtervarṇanāṃśātpṛṣodaraḥ // ### [1.53.5](https://indike.org/pramana/in.purana.narada.1.53.5) bhramarāduṣu śabdeṣu jñeyo yogo hi pañcamaḥ / bahulaṃ chandasītyuktamatra vācyaṃ punarvasū // ### [1.53.6](https://indike.org/pramana/in.purana.narada.1.53.6) nabhasvadvṛṣaṇaścaivāparasmaipadi cāpi hi / paraṃ vyavahitāścāpi gatisaṃjñāstathā hi ā // ### [1.53.7](https://indike.org/pramana/in.purana.narada.1.53.7) vibhaktīnāṃ viparyāso yathā dadhanā juhoti hi / abhyutsādayāmaketurdhvanayītpramukhāstathā / niṣṭarkyāndyāstathoktāśca gṛbhāyetyādikāstathā // ### [1.53.8](https://indike.org/pramana/in.purana.narada.1.53.8) suptiṅupagrahaliṅganarāṇāṃ kālahalūcūsvarakartṛyaḍāṃ ca / vyatyayamicchati śāsrakṛdeṣāṃ so 'pi ca siddhyati bāhulakena // ### [1.53.9](https://indike.org/pramana/in.purana.narada.1.53.9) rātrī vimbī ca kadrūścāviṣṭvau vājasaneyinaḥ // ### [1.53.10](https://indike.org/pramana/in.purana.narada.1.53.10) karṇebhiśca yaśobhāgya ityādyāścaturakṣaram / devāso 'tho sarvadevatātitvāvata ityapi // ### [1.53.11](https://indike.org/pramana/in.purana.narada.1.53.11) ubhayāvina mādyāśca pralayādyāśca stṛcaṃ tathā / apaspṛdhethāṃ no avyādāyo asmānmukhāstathā // ### [1.53.12](https://indike.org/pramana/in.purana.narada.1.53.12) sagarbhyosthāpadī ṛtvyorajiṣṭaṃ tripañcakam / hiraṇyayena naraṃ ca parame vyomanityapi // ### [1.53.13](https://indike.org/pramana/in.purana.narada.1.53.13) urviyā svaprayā vāravadhvādaduhavaivadhī / yajadhvainamemasi ca snātvī gatvā pacāsthabhauḥ // ### [1.53.14](https://indike.org/pramana/in.purana.narada.1.53.14) gonāñcāparihravṛttāścāturirgrasitādikā / paśyedadhadbrabhūthāpi pramiṇāntityavīvṛdhat // ### [1.53.15](https://indike.org/pramana/in.purana.narada.1.53.15) mitrayuśca durasvā vā hātvā sudhitamityapi / dadhartyādyā svavadbhiśca sasūveti ca dhiṣva ca // ### [1.53.16](https://indike.org/pramana/in.purana.narada.1.53.16) praprāyaṃ ca harivatekṣaṇvataḥ suparthitaraḥ / rathītarī nasatādyā amnarbhuvaratho iti // ### [1.53.17](https://indike.org/pramana/in.purana.narada.1.53.17) brūhyādyādeḥ parasyāpyau śrāvayetyādike plutaḥ / dāśvāṃśva svatavānyāpautribhiṣṭvaṃ ca nṛbhiṣṭutaḥ // ### [1.53.18](https://indike.org/pramana/in.purana.narada.1.53.18) abhīṣuṇa ṛtāvāhaṃ nyaṣīdannṛmaṇā api / caturvidhādbāhulakātpravṛtterapravṛttitaḥ // ### [1.53.19](https://indike.org/pramana/in.purana.narada.1.53.19) vibhāṣayānyathābhāvātsarvaṃ siddhyeñca vaidikam / bhūvādyā dhātavo jñeyāḥ parasmaipadinaḥsmṛtāḥ // ### [1.53.20](https://indike.org/pramana/in.purana.narada.1.53.20) edhādyā ātmanebhāṣā udāttāḥ ṣaṭtriṃśasaṃkhyakāḥ / atādayo 'ṣṭatriṃśañca parasmaipadino mune // ### [1.53.21](https://indike.org/pramana/in.purana.narada.1.53.21) lokṛpūrvā dvicatvāriṃśaduktā ca hyātmane pade / udāttetaratu pañcāśatphakkādyāḥ parikīrtitāḥ // ### [1.53.22](https://indike.org/pramana/in.purana.narada.1.53.22) varcādyā anudātteta ekaviṃśatirīrītāḥ / gupādayo dvicatvāriṃśadudāttetāḥ samīritāḥ // ### [1.53.23](https://indike.org/pramana/in.purana.narada.1.53.23) dhiṇyādayo 'nudātteto daśa proktā hi śābdikaiḥ / aṇādayopyudāttetaḥ saptaviṃśatidhātavaḥ // ### [1.53.24](https://indike.org/pramana/in.purana.narada.1.53.24) amādayaḥ samuddiṣṭāścatursriṃśaddhiśābdikaiḥ / dvisaptatimitā mavyamukhāścodāttabandhanā // ### [1.53.25](https://indike.org/pramana/in.purana.narada.1.53.25) svāriteddhāvudhātustu eka eva prakīrtitaḥ / kṣudhādayo 'nudātteto dviṣapañcāśadudāhṛtāḥ // ### [1.53.26](https://indike.org/pramana/in.purana.narada.1.53.26) ghuṣirādyā udāttato 'ṣṭāśītirdhātavo matāḥ / dyutādyā anudātteto dvāviṃśatirato matāḥ // ### [1.53.27](https://indike.org/pramana/in.purana.narada.1.53.27) ṣitasrayodaśa ghaṭādiṣvenudatteta īritaḥ / tato jvaladudātteto dvipañcāśanmitāstathā // ### [1.53.28](https://indike.org/pramana/in.purana.narada.1.53.28) svaritedrājṛsaṃprokta stanahebhrājṛtasrayaḥ / anudātteta akhyātā bhādyutāttā itaḥ syamāt // ### [1.53.29](https://indike.org/pramana/in.purana.narada.1.53.29) saho 'nudāttedekastu ramaiko 'pyātmanaipadī / sadasraya udāttetaḥ kucādvedā udātta it // ### [1.53.30](https://indike.org/pramana/in.purana.narada.1.53.30) svaritetaḥ pañcatriṃśaddhikkādyāśca tataḥ param / svaritecchiñbhṛñādyāścatvāra svaritettataḥ // ### [1.53.31](https://indike.org/pramana/in.purana.narada.1.53.31) dheṭaḥ parasmaipadinaḥ ṣaṭcatvāriṃśadudīritāḥ / aṣṭādaśasmiṅādyāstu āmanepadino matāḥ // ### [1.53.32](https://indike.org/pramana/in.purana.narada.1.53.32) tatasrayo 'nudāttetaḥ pūṅādyāḥ parikīrtitāḥ / hṛparasmaipadī cātmanebhāṣāstu gupātrayaḥ // ### [1.53.33](https://indike.org/pramana/in.purana.narada.1.53.33) rabhadyabdayanudātteto ñikṣvidotātta inmataḥ / parasmaipadinaḥ pañca daśa skaṃmbhvādayastathā // ### [1.53.34](https://indike.org/pramana/in.purana.narada.1.53.34) kitadhāturudātteñca dānaśānobhayātmakau / svaritetaḥ pacādyaṅkāḥ parasmaipadino matāḥ // ### [1.53.35](https://indike.org/pramana/in.purana.narada.1.53.35) svaritetastrayaścaitau vadavacī paribhāṣiṇau / bhvādyā ete ṣaḍadhikaṃ sahasraṃ dhātavo matāḥ // ### [1.53.36](https://indike.org/pramana/in.purana.narada.1.53.36) parasmaipadinaḥ proktā vadāścāpi haneti ca / svariteto dviṣādyāstu catvāro dhātavo matāḥ // ### [1.53.37](https://indike.org/pramana/in.purana.narada.1.53.37) cakṣiṅekaḥ samākhyāto dhāturatrātmanepadī / irādayo 'nudātteto dhātavastu trayodaśa // ### [1.53.38](https://indike.org/pramana/in.purana.narada.1.53.38) ātmanepadinau proktau ṣūṅśīṅdvau śābdikairmune / parasmaipadinaḥ proktā ṣumukhāḥ sapta dhātavaḥ // ### [1.53.39](https://indike.org/pramana/in.purana.narada.1.53.39) svaritedurṇuñākhyāto dhātureko munīśvara / ghumukhāstraya uddiṣṭāḥ parasmaipadinastathā // ### [1.53.40](https://indike.org/pramana/in.purana.narada.1.53.40) ṣṭuñekastu samā khyātaḥ smṛte nārada śābdikaiḥ // ### [1.53.41](https://indike.org/pramana/in.purana.narada.1.53.41) aṣṭādaśa rāprabhṛtayaḥ parasmaipadinaḥ smṛtāḥ / iṅṅātmanepadī prokto dhāturnārada kevalaḥ // ### [1.53.42](https://indike.org/pramana/in.purana.narada.1.53.42) vidāda yastu catvāraḥ parasmaipadino matāḥ / ñiṣvapśaye samuddiṣṭaḥ parasmaipadikastathā // ### [1.53.43](https://indike.org/pramana/in.purana.narada.1.53.43) parasmaipadinaścaiva te mayoktāḥ syamādayaḥ / dīdhīṅveṅsmṛtau dhātū ātmanepadinau mune // ### [1.53.44](https://indike.org/pramana/in.purana.narada.1.53.44) prathādayasrayaścāpi udāttetaḥ prakīrtitāḥ / carkarītaṃ ca hnuṅ prokto 'nudāttenmunisattama // ### [1.53.45](https://indike.org/pramana/in.purana.narada.1.53.45) trisaptati samākhyātā dhātavo 'dādike gaṇe / dādayo dhātavo vedāḥ parasmaipadino matāḥ // ### [1.53.46](https://indike.org/pramana/in.purana.narada.1.53.46) svaritedvai bhṛñākhyāta udātteddhāk prakīrtitaḥ / māṅhāṅdvāvanudāttetau svariteddānadhātuṣu // ### [1.53.47](https://indike.org/pramana/in.purana.narada.1.53.47) vāṇitirādyāsrayaśvāpi svariteta udāhṛtāḥ / ghṛmukhā dvādaśa tathā parasmaipatino matāḥ // ### [1.53.48](https://indike.org/pramana/in.purana.narada.1.53.48) dvāviṃśatirihoddiṣṭā dhātavo hvādike gaṇe / parasmaipadinaḥ proktā divādyāḥ pañcaviṃśatiḥ // ### [1.53.49](https://indike.org/pramana/in.purana.narada.1.53.49) ātmanepadinau dhātū ṣūṅdūṅdvāvapi nārada / oditaḥ pūṅmukhāḥ sapta ātmanedapino matāḥ // ### [1.53.50](https://indike.org/pramana/in.purana.narada.1.53.50) ātmanepadino vipra dīṅmukhāstviha kīrtitāḥ / syatiprabhṛtayo vedāḥ parasmaipadino matāḥ // ### [1.53.51](https://indike.org/pramana/in.purana.narada.1.53.51) janyādayaḥ pañcadaśa ātmanepadino mune / mṛṣādyāḥ svaritetastu dhātavaḥ pañca kīrtitāḥ // ### [1.53.52](https://indike.org/pramana/in.purana.narada.1.53.52) ekādaśa padādyāstu hyātmanepadino matāḥ / rādhoḥ karmaka evātra vṛddhau svādicurādike // ### [1.53.53](https://indike.org/pramana/in.purana.narada.1.53.53) udāttetastudādyāstu trayodaśa samīritāḥ / parasmaipadino 'ṣṭātra radhādyāḥ parikīrtitāḥ // ### [1.53.54](https://indike.org/pramana/in.purana.narada.1.53.54) samādyāścāpyudāttetaḥ ṣaṭcatvāriṃśadudīritāḥ / catvāriśacchataṃ cāpi divādau dhātavo matāḥ // ### [1.53.55](https://indike.org/pramana/in.purana.narada.1.53.55) svādayaḥ svaritettoṅkā dhātavaḥ parikīrtitāḥ / saptākhyāto dunotistu parasmaipadino mune // ### [1.53.56](https://indike.org/pramana/in.purana.narada.1.53.56) aṣṭighāvanudāttetau dhātū dvau parikīrtitau / parasmaipadinastvatra tikādyāstu caturdaśa // ### [1.53.57](https://indike.org/pramana/in.purana.narada.1.53.57) dvātriṃśaddhātavaḥ proktā viprendra svādike gaṇe / svaritetaḥ ṣaṅākhyātāstudādyā munisattama // ### [1.53.58](https://indike.org/pramana/in.purana.narada.1.53.58) ṛṣyudāttejjuṣīpūrvā atmanepadinorṇavāḥ / vraścādaya udāttetaḥ proktāḥ pañcādhikaṃ śatam // ### [1.53.59](https://indike.org/pramana/in.purana.narada.1.53.59) gūryudāttedihoddiṣṭo dhātureko munīśvara / ṇūmukhāścaiva catvāraḥ parasmaipadino matāḥ // ### [1.53.60](https://indike.org/pramana/in.purana.narada.1.53.60) kuṅākhyātonudātteñca kuṭādyāḥ pūrtimāgatāḥ / pṛṅ mṛṅ cātmanebhāṣau ṣaṭ parasmaipade ripeḥ // ### [1.53.61](https://indike.org/pramana/in.purana.narada.1.53.61) ātmanepadino dhātū dṛṅdhṛṅdvau cāpyudāhṛtau / pracchādiṣoḍaśākhyātāḥ parasmaipadino mune // ### [1.53.62](https://indike.org/pramana/in.purana.narada.1.53.62) svaritetaḥ ṣaṭ tataśca proktā milamukhā mune / kṛtīprabhṛtaya ścāpi parasmaipadinasrayaḥ // ### [1.53.63](https://indike.org/pramana/in.purana.narada.1.53.63) sapta pañcāśadadhikāstudādau dhātavaḥ śatam / svariteto rudhonandā parasmaibhāṣitaḥ kṛtī // ### [1.53.64](https://indike.org/pramana/in.purana.narada.1.53.64) ñiindhīto 'nudātetasrayo dhātava īritāḥ / udāttetaḥ śiṣapiṣarudhādyāḥ pañcaviṃśatiḥ // ### [1.53.65](https://indike.org/pramana/in.purana.narada.1.53.65) svaritetastanoḥ sapta dhātavaḥ parikīrtitāḥ / manuvanvātmanebhāṣau svaritettkṛñudāhṛtaḥ // ### [1.53.66](https://indike.org/pramana/in.purana.narada.1.53.66) tato dvau kīrtitau vipra dhātavo daśa śābdikaiḥ / kyādyāḥ saptobhayebhāṣāḥ sautrāḥ staṃbhvādikāstathā // ### [1.53.67](https://indike.org/pramana/in.purana.narada.1.53.67) parasmaipadinaḥ proktāścatvāro 'pi munīśvara / dvāviṃśatirudāttetaḥ kudhādyā dhātavo matāḥ // ### [1.53.68](https://indike.org/pramana/in.purana.narada.1.53.68) vṛṅṅātmanepadī dhātuḥ śraṃthādyāścaikaviṃśatiḥ / parasmaipadinaścātha svaritedgraha eva ca // ### [1.53.69](https://indike.org/pramana/in.purana.narada.1.53.69) rkyādikeṣu dvipañcāśaddhātavaḥ kīrtitā budhaiḥ / curādyā dhātavo ñyantā ṣaṭrtriṃśadadhikaḥ śatam // ### [1.53.70](https://indike.org/pramana/in.purana.narada.1.53.70) cityādyaṣṭādaśākhyātā ātmanepadino mune / carcādyā ādhṛṣīyāstu pyantā vā parikīrtitāḥ // ### [1.53.71](https://indike.org/pramana/in.purana.narada.1.53.71) adantā dhātavaścaiva catvāriṃśattathāṣṭaṃ ca / padādyāstu daśa proktā dhātavo hyātmanepade // ### [1.53.72](https://indike.org/pramana/in.purana.narada.1.53.72) sūtrādyā aṣṭa cāpyatra ñyantā proktā manīṣibhiḥ / dhātvarthe prātipadikādvahulaṃ ceṣṭavanmatam // ### [1.53.73](https://indike.org/pramana/in.purana.narada.1.53.73) tatkaroti tadācaṣṭe hetumatyapi ṇirmataḥ / dhātvarthe kartṛkaraṇāñcitrādyāścāpi dhātavaḥ // ### [1.53.74](https://indike.org/pramana/in.purana.narada.1.53.74) aṣṭa saṃgrāma ākhyāto 'nudāttecchabdikairbudhaiḥ / stomādyāḥ ṣoḍaśa tathā andatasyaṃ nidarśanam // ### [1.53.75](https://indike.org/pramana/in.purana.narada.1.53.75) tathā bāhulakādanye sautralaukikavaidikāḥ / sarve sarvagaṇīyāśca tathānekārthavācinaḥ // ### [1.53.76](https://indike.org/pramana/in.purana.narada.1.53.76) sanādyantā dhātavaśca tathā vai nāmadhātavaḥ / evamānantyamudbhāvyaṃ dhātūnāmiha nārada / saṃkṣepo 'yaṃ samuddiṣṭo vistarastatra tatra ca // ### [1.53.77](https://indike.org/pramana/in.purana.narada.1.53.77) ūdṛdantairyaunti rukṣṇuśūṅsnunukṣuściḍīṅśribhiḥ / vṛṅvṛñbhyāṃ ca vinaikāco 'janteṣu nihatāḥ smṛtāḥ // ### [1.53.78](https://indike.org/pramana/in.purana.narada.1.53.78) śaklapacmucārcvacvicsicpracchityajnijir bhajaḥ / bhañjbhujbhrasjmatjiyajyujrujrañjavijirsvañjisañjsṛjaḥ // ### [1.53.79](https://indike.org/pramana/in.purana.narada.1.53.79) adkṣudkhidchidtudinudaḥ padyabhidvidyatirvinad / śadsadī svidyatiḥskandirhadī krudhkṣudhibudhyatī // ### [1.53.80](https://indike.org/pramana/in.purana.narada.1.53.80) bandhiryudhirudhīrādhivyadhśudhaḥ sādhisidhyatī / manyahannāpkṣipchupitaptipastṛpyatidṛpyatī // ### [1.53.81](https://indike.org/pramana/in.purana.narada.1.53.81) libluvvapūśapsvapūsṛpiyabharabhagamnamyamo rabhiḥ / kruśirdaṃśidiśī dṛśmṛśriruśliśviśspṛśaḥ kṛṣiḥ // ### [1.53.82](https://indike.org/pramana/in.purana.narada.1.53.82) tviṣṭuṣduṣpuṣyapiṣviṣśiṣśuṣśliṣyatayo ghasiḥ / vasatirdahadihiduho nahmihruhlihvahistathā // ### [1.53.83](https://indike.org/pramana/in.purana.narada.1.53.83) anudāttā halanteṣu dhātavo dvyadhikaṃ śatam / cādyā nipātā gavayaḥ prādyā digdeśakālajāḥ // ### [1.53.84](https://indike.org/pramana/in.purana.narada.1.53.84) śabdāḥ proktā hyanekārthāḥ sarvaliṅgā api dvija / gaṇapāṭhaḥ sūtrapāṭho dhātupāṭhastathaiva ca // ### [1.53.85](https://indike.org/pramana/in.purana.narada.1.53.85) pāṭhonunāsikānāṃ ca parāyaṇamihocyate / śabdāḥ siddhā vaidikāstu laukikāścāpi nārada // ### [1.53.86](https://indike.org/pramana/in.purana.narada.1.53.86) śabdapārāyaṇaṃ tasmātkāraṇaṃ śabdasaṃgrahe / laghumārgeṇa śabdānāṃ sādhūnāṃ saṃnirūpaṇam // ### [1.53.87](https://indike.org/pramana/in.purana.narada.1.53.87) prakṛtipratyayādeśalopāgamamukhaiḥ kṛtam // ### [1.53.88](https://indike.org/pramana/in.purana.narada.1.53.88) itthametatsamākhyātaṃ niruktaṃ kiñcidevate / kātsnyerna vaktumānantyātko 'piśakto na nārada // ### [1.53.88.p1](https://indike.org/pramana/in.purana.narada.1.53.88.p1) iti śrībṛhannāradīyapurāṇa pūrvabhāge bṛhadupākhyāne dvitīyapāde niruktalakṣaṇanirūpaṇaṃ nāma tripañcāśattamo 'dhyāyaḥ ## Linked texts (1) - [Dhātukārikā](https://indike.org/pramana/in.vedanga.vyakarana.khila.dhatukarika.p1.9) — Sanskrit --- Source: [https://indike.org/pramana/in.purana.narada.1.53](https://indike.org/pramana/in.purana.narada.1.53) · Pramāṇa