[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.54 # Naradapurana 1.54 Nāradapurāṇa 1.54 - **Language:** Sanskrit ## Contents - [1.54.187](https://indike.org/pramana/in.purana.narada.1.54.187) — 1 part ### [1.54.1](https://indike.org/pramana/in.purana.narada.1.54.1) sanandana uvāca jyotiṣāṅgaṃ pravakṣyāmi yaduktaṃ brahmaṇā purā / yasya vijñāna mātreṇa dharmasiddhirbhavennṛṇām // ### [1.54.2](https://indike.org/pramana/in.purana.narada.1.54.2) triskandhaṃ jyautiṣāṃ śāstraṃ caturlakṣamudāhṛtam / gaṇitaṃ jātakaṃ vipra saṃhitāskandhasaṃjñitāḥ // ### [1.54.3](https://indike.org/pramana/in.purana.narada.1.54.3) gaṇite parikarmādi khagamadhyasphuṭakriṃye / anuyogaścandrasūryagrahaṇaṃ tacodasyākam // ### [1.54.4](https://indike.org/pramana/in.purana.narada.1.54.4) chāyā śṛṅgonnatiyutī pātasādhānamīritam / jātake rāśibhedāśca grahayoniśca yonijam // ### [1.54.5](https://indike.org/pramana/in.purana.narada.1.54.5) niṣekajanmāriṣṭāni hyāyurdāyo daśākramaḥ / karmājīvaṃ cāṣṭavargo rājayogāśca nābhasāḥ // ### [1.54.6](https://indike.org/pramana/in.purana.narada.1.54.6) candrayogāḥ pravrajyākhyā rāśiśīlaṃ ca dṛkphalam / grahabhāvaphalaṃ caivāśrayayogaprakīrṇake // ### [1.54.7](https://indike.org/pramana/in.purana.narada.1.54.7) aniṣṭayogāḥ srījanmapalaṃ niryāṇameva ca / naṣṭajanmavidhānaṃ ca tathā dreṣkāṇalakṣaṇam // ### [1.54.8](https://indike.org/pramana/in.purana.narada.1.54.8) saṃhitāśāstrarūpaṃ ca grahacāro 'bdalakṣaṇam / tithivāsaranakṣatrayogatithyarddhasaṃjñakāḥ // ### [1.54.9](https://indike.org/pramana/in.purana.narada.1.54.9) muhūrtopagrahāḥ sūyasaṃkrāntirgocaraḥ kramāt / candratā rābalaṃ caiva sarvalagrārtavāhvayaḥ // ### [1.54.10](https://indike.org/pramana/in.purana.narada.1.54.10) ādhānapuṃsasīmantajātanāmānnabhuktayaḥ / caulaṅkarṇyayaṇaṃ maiñjī kṣurikābandhanaṃ tathā // ### [1.54.11](https://indike.org/pramana/in.purana.narada.1.54.11) samāvartinavaivāhapratiṣṭāsadmalakṣaṇam / yātrāpraveśanaṃ sadyovṛṣṭiḥ karmavilakṣaṇam // ### [1.54.12](https://indike.org/pramana/in.purana.narada.1.54.12) utpattilakṣaṇaṃ caiva sarvaṃ saṃkṣepato bruve / ekaṃ daśa śataṃ caiva sahasrāyutalakṣakam // ### [1.54.13](https://indike.org/pramana/in.purana.narada.1.54.13) prayutaṃ koṭisaṃjñāṃ cārbudamabjaṃ ca rarvavakam / niravarva ca mahāpadmaṃ śaṅkurjaladhireva ca // ### [1.54.14](https://indike.org/pramana/in.purana.narada.1.54.14) atyaṃ madhyaṃ parārddhaṃ ca saṃjñā daśaguṇottarāḥ / kramādutkramato vāpi yogaḥ kāryottaraṃ tathā // ### [1.54.15](https://indike.org/pramana/in.purana.narada.1.54.15) hanyādguṇena guṇyaṃ syāttainaivopāntimādikān / śuddheddharoyadguṇaścabhājyāntyāttatphalaṃ mune // ### [1.54.16](https://indike.org/pramana/in.purana.narada.1.54.16) samāṅkato 'tho vargasyāttamevāhuḥ kṛtiṃ budhāḥ / antyāttu viṣamāttyaktvā kṛtiṃ mūlaṃnyasetpṛthak // ### [1.54.17](https://indike.org/pramana/in.purana.narada.1.54.17) dviguṇenāmunā bhakte phalaṃ mūle nyasetkramāt / tatkṛtiṃ ca tyajedvipra mūlena vibhajetpunaḥ // ### [1.54.18](https://indike.org/pramana/in.purana.narada.1.54.18) evaṃ muhurvargamūlaṃ jāyate ca munīśvara / samatryaṅkahatiḥ prokto ghanastatravidhiḥ pade // ### [1.54.19](https://indike.org/pramana/in.purana.narada.1.54.19) procyate viṣamaṃ tvādyaṃ same dve ca tataḥ param / viśodhyaṃ viṣamādantyāddhanaṃ tanmūlamucyate // ### [1.54.20](https://indike.org/pramana/in.purana.narada.1.54.20) trighnādbhajanmūlakṛtyā samaṃ mūle nyasetphalam / tatkṛtitvena nihatānnighnīṃ cāpi viśodhayet // ### [1.54.21](https://indike.org/pramana/in.purana.narada.1.54.21) ghanaṃ ca viṣamādevaṃ ghanamūlaṃ murhubhavet / anyonyahāranihatau harāṃśau tu samucchidā // ### [1.54.22](https://indike.org/pramana/in.purana.narada.1.54.22) lavā lavaghnāśca harā haraghnā hi savarṇanam / bhāgaprabhāge vijñeyaṃ mune śāsrārthacintakaiḥ // ### [1.54.23](https://indike.org/pramana/in.purana.narada.1.54.23) anubandhe 'pavāhe caikasya cedadhikonakaḥ / bhāgāstalasthahāreṇa haraṃ svāṃśādhikena tān // ### [1.54.24](https://indike.org/pramana/in.purana.narada.1.54.24) ūnena cāpi guṇayeddhanarṇaṃ cintayettathā / kāryastulyaharāṃ śānāṃ yogaścāpyantato mune // ### [1.54.25](https://indike.org/pramana/in.purana.narada.1.54.25) ahārarāśau rūpyaṃ tu kalpayeddharamapyathā / aṃśāhatiśchedaghātahṛdbhinnaguṇane phalam // ### [1.54.26](https://indike.org/pramana/in.purana.narada.1.54.26) chedaṃ cāpi lavaṃ vidvanparivartya harasya ca / śeṣaḥ kāryo bhāgahāre kartavyo guṇanāvidhiḥ // ### [1.54.27](https://indike.org/pramana/in.purana.narada.1.54.27) hārāṃśayoḥ kṛtī varge ghanau ghanavidhau mune / padasiddhyai pade kuryādathoravaṃ sarvataśca ravam // ### [1.54.28](https://indike.org/pramana/in.purana.narada.1.54.28) chedaṃ guṇaṃ guṇaṃ chedaṃ vargaṃ mūlaṃ padaṃ kṛtim / ṛṇaṃ svaṃ svamṛṇaṃ kuryādṛśye rāśiprasiddhaye // ### [1.54.29](https://indike.org/pramana/in.purana.narada.1.54.29) atha svāṃśādhikone tu lavāḍhyo no haro haraḥ / aṃśastvavikṛtastatra vilome śeṣamuktavat // ### [1.54.30](https://indike.org/pramana/in.purana.narada.1.54.30) uddiṣṭārāśiḥ saṃkṣiptau hṛtoṃ'śai rahito yutaḥ / iṣṭaghnadṛṣṭenaitena bhaktarāśiranīśitaḥ // ### [1.54.31](https://indike.org/pramana/in.purana.narada.1.54.31) yogontareṇonayutodvitorāśītasaṃkrame / rāśyantarahṛtaṃ vargottaraṃ yosutaśca tau // ### [1.54.32](https://indike.org/pramana/in.purana.narada.1.54.32) gajagrīṣṭakṛtirvyaikā dalitā ceṣṭabhājitā / eko 'sya vargo dalitaḥ saiko rāśiḥ paro mataḥ // ### [1.54.33](https://indike.org/pramana/in.purana.narada.1.54.33) dviguṇeṣṭahṛtaṃ rūpaṃ śreṣṭhaṃ prāgrūpakaṃ param / vargayogāntare vyeke rāśyorvargosta etayoḥ // ### [1.54.34](https://indike.org/pramana/in.purana.narada.1.54.34) iṣṭavagekṛtiśceṣṭaghanoṣṭagrau ca saukakau / eṣīsyānāmubhe vyakte gaṇite vyaktameva ca // ### [1.54.35](https://indike.org/pramana/in.purana.narada.1.54.35) guṇaghnamūlonayutaḥ saguṇārddhe kṛtaṃ padam / dṛṣṭasya ca guṇārddho na yutaṃ vargīkṛtaṃ guṇaḥ // ### [1.54.36](https://indike.org/pramana/in.purana.narada.1.54.36) yadā lavonapumrāśirdṛśyaṃ bhāgonayugbhuvā / bhaktaṃ tathā mūlaguṇaṃ tābhyāṃ sādhyotha vyaktavat // ### [1.54.37](https://indike.org/pramana/in.purana.narada.1.54.37) pramāṇecche sajātīye ādyante madhaayagaṃ phalam / icchaghnamādyahṛtseṣṭaṃ phalaṃ vyaste viparyayāt // ### [1.54.38](https://indike.org/pramana/in.purana.narada.1.54.38) pañcarāsyādike 'nyonyapakṣaṃ kṛtvā phalacchidām / bahurāśivadhaṃ bhakte phalaṃ svalpavadhena ca // ### [1.54.39](https://indike.org/pramana/in.purana.narada.1.54.39) iṣṭakarmavadhemūlaṃ cyutaṃ miśrātkalāntare / mānaghnakālaścātītakālāghnaphalasaṃhṛtāḥ // ### [1.54.40](https://indike.org/pramana/in.purana.narada.1.54.40) svayogabhaktānighnāḥ syuḥ saṃprayuktadalāni ca / bahurāśipalātsvalparāśimāsaphalaṃ bahu // ### [1.54.41](https://indike.org/pramana/in.purana.narada.1.54.41) cedrāśivivaraṃ māsaphalāntarahṛtaṃ ca yaḥ / kṣepā miśrahatāḥ kṣepoyogabhaktāḥ phalāni ca // ### [1.54.42](https://indike.org/pramana/in.purana.narada.1.54.42) bhajecchidāeṃśaistairmiśrai rūpaṃ kālaśca pūrtikṛt / pūrṇogacchetsamedhyavyesamevargorddhitetyataḥ // ### [1.54.43](https://indike.org/pramana/in.purana.narada.1.54.43) vyastaṃ gacchataṃ phalaṃ yadguṇavargaṃ bhacahi tat / vyekaṃ vyekaguṇāptaṃ ca prādhnaṃ mānaṃ guṇottare // ### [1.54.44](https://indike.org/pramana/in.purana.narada.1.54.44) bhujakoṭikṛtiyogamūlaṃ karṇaśca dorbhavet / śrutikṛtyantarapada koṭirdoḥ karṇavargayoḥ // ### [1.54.45](https://indike.org/pramana/in.purana.narada.1.54.45) viṃvarāttatkarṇapadaṃ kṣetre tricaturasrake / rāśyorantaravargeṇa dvighne ghāte yute tayoḥ // ### [1.54.46](https://indike.org/pramana/in.purana.narada.1.54.46) vargayogotha yogāntahṝntirvargāntaraṃ bhavet / vyāsa ākṛtisaṃkṣaṇṇovyāsāsyātparidhirmune // ### [1.54.47](https://indike.org/pramana/in.purana.narada.1.54.47) jyāvyāsayogavivarāhatamūlonito 'rddhitaḥ / vyāsaḥ śaraḥ śaronāñca vyāsāccharaguṇātpadam // ### [1.54.48](https://indike.org/pramana/in.purana.narada.1.54.48) dvighnaṃ jīvātha jīvārddhavarge śarahṛte yute / vyāsoṣṭatebhavedevaṃ proktaṃ gaṇitakovidaiḥ // ### [1.54.49](https://indike.org/pramana/in.purana.narada.1.54.49) cāponanighnaḥ paridhiḥ pragaṅlaḥ paridheḥ kṛte / turyāṃśena śaradhnenāgheninādhaṃ caturgaṇam // ### [1.54.50](https://indike.org/pramana/in.purana.narada.1.54.50) vyāsadhnaṃ prabhajedvipra jyā kāśaṃ jāyate sphuṭā / jyāṅghrīṣudhnovṛttavargobagdhighnavyāsāḍhyamaurvihṛt // ### [1.54.51](https://indike.org/pramana/in.purana.narada.1.54.51) labdhonavṛttavargādripaderdhātpatite dhanuḥ / sthūlamadhyāpṛvannavedho vṛttāṅkāśeṣabhāgikaḥ // ### [1.54.52](https://indike.org/pramana/in.purana.narada.1.54.52) vṛttāṅgāṃśakṛtirvedhaniprīyanakarāmitau / vārivyāsahataṃ dairdhyaṃvedhāṅgulahataṃ punaḥ // ### [1.54.53](https://indike.org/pramana/in.purana.narada.1.54.53) kharavendurāmavihataṃ mānaṃ droṇādivāriṇaḥ / vistārāyāmavedhānāṃmaṅgulyonyanāḍighnāḥ // ### [1.54.54](https://indike.org/pramana/in.purana.narada.1.54.54) rasāṃkābhrābdhibhirbhaktā dhānye droṇādikāmitiḥ / utsedhavyāsadairdhyāṇāmaṅgulyānyasya no dvija // ### [1.54.55](https://indike.org/pramana/in.purana.narada.1.54.55) mithoghnāti bhajetsvākṣeśairdreṇādimitirbhavet / vistārādyaṃ gulānyevaṃ mithoghnānyapasāṃbhavet // ### [1.54.56](https://indike.org/pramana/in.purana.narada.1.54.56) vāṇebhamārgaṇairlabdhaṃ droṇādyaṃ mānamādiśet / dīpaśaṅkutalacchidraghnaḥ śaṅkurbhaivaṃbhavenmune // ### [1.54.57](https://indike.org/pramana/in.purana.narada.1.54.57) narona dīpakaśikhaucyabhakto hyatha bhodvane / śaṅkaunṛdīpādhaśchidraghnairdīpauccyaṃ narānvite // ### [1.54.58](https://indike.org/pramana/in.purana.narada.1.54.58) viṃśakudīpauccaguṇācchāyā śaṅkūddhṛtā bhavet / dīpaśaṅkvantaraṃ cātha cchāyāgravivaraghnabhā // ### [1.54.59](https://indike.org/pramana/in.purana.narada.1.54.59) mānāntaradrudbhūmiḥ syādathobhūnarāhatiḥ / prabhāptā jāyate dīpaśikhauccyaṃ syāttrirāśikāt // ### [1.54.60](https://indike.org/pramana/in.purana.narada.1.54.60) etatsaṃkṣepataḥ proktaṃ gaṇite parikarmakam / grahamadhyādikaṃ vakṣye gaṇite nātivistarān // ### [1.54.61](https://indike.org/pramana/in.purana.narada.1.54.61) yugamānaṃ smṛtaṃ vipra khacatuṣkaradārṇavāḥ / taddaśāṃśāstu catvāraḥ kṛtākhyaṃ pādamucyate // ### [1.54.62](https://indike.org/pramana/in.purana.narada.1.54.62) trayasretā dvāparaḥ dvau kalirekaḥ prakīrtitaḥ / manukṛtābdasahitā yugānāmekasaptatiḥ // ### [1.54.63](https://indike.org/pramana/in.purana.narada.1.54.63) vidherddine syurviprendra manavastu caturdaśa / tāvatyeva niśā tasya viprendra parikīrtitā // ### [1.54.64](https://indike.org/pramana/in.purana.narada.1.54.64) svayaṃbhuvā śaragatānabdānsaṃpiṇḍya nārada / khacarānayanaṃ kāryamathaveṣṭayugāditaḥ // ### [1.54.65](https://indike.org/pramana/in.purana.narada.1.54.65) yuge sūryajñaśukrāṇāṃ khacatuṣkaradārṇavāḥ / pūjārkiguruśukrāṇāṃ bhagaṇāpūrvapāpinām // ### [1.54.66](https://indike.org/pramana/in.purana.narada.1.54.66) indorasāgnitriṣu sapta bhūdharamārgaṇāḥ / dasratryāṣṭarasāṃkāśvilocanāni kujasya tu // ### [1.54.67](https://indike.org/pramana/in.purana.narada.1.54.67) budhaśīghrasya śūnyartukhādritryaṅkanagendavaḥ / bṛhaspateḥ khadasrākṣivedasraṅhūyastathā // ### [1.54.68](https://indike.org/pramana/in.purana.narada.1.54.68) śitaśīghrasya yaṣṇasatriyamāśvisvabhūdharāḥ / śanerbhujagaṣaṭpacarasavedaniśākarāḥ // ### [1.54.69](https://indike.org/pramana/in.purana.narada.1.54.69) candroñcasyāgniśūnyākṣivasusarpārṇavā yuge / vāmaṃ pātasya ca svagniyamāśviśikhidasrakāḥ // ### [1.54.70](https://indike.org/pramana/in.purana.narada.1.54.70) udayādudayaṃ bhānorbhūmaiḥ sācena vāsarāḥ / vasuvdyaṣṭādrirūpāṅkasaptādritithayo yuge // ### [1.54.71](https://indike.org/pramana/in.purana.narada.1.54.71) ṣaḍ vahitrihutāśāṅkatithayaścādhimāsakāḥ / tithikṣayāyamārthākṣidvyaṣṭavyomaśarāśvinaḥ // ### [1.54.72](https://indike.org/pramana/in.purana.narada.1.54.72) ravacatuṣkā samudrāṣṭakurpacaravimāsakāḥ / ṣaṭtryagnivedagnipañcaśubhrāṃśumāsakāḥ // ### [1.54.73](https://indike.org/pramana/in.purana.narada.1.54.73) prāgāteḥ sūryamandasya kalpesaptāṣṭavahnayaḥ / kaujasya vedasvayamā baudhasyāṣṭartuvahnayaḥ // ### [1.54.74](https://indike.org/pramana/in.purana.narada.1.54.74) ravaravarandhrāṇi jaivasya śaukrasyārdhaguṇeṣavaḥ / gognayaḥ śanimandasya pātānāmathavā mataḥ // ### [1.54.75](https://indike.org/pramana/in.purana.narada.1.54.75) manudasrāstu kaujasya baudhasyāṣṭāṣṭasāgarāḥ / kṛtādricandrājaivasya ravaikasyāgniravanandakāḥ // ### [1.54.76](https://indike.org/pramana/in.purana.narada.1.54.76) śanipātasya bhagaṇāḥ kalpe yamarasartavaḥ / vartamānayuge pānāvatsarābhagaṇābhidhāḥ // ### [1.54.77](https://indike.org/pramana/in.purana.narada.1.54.77) māsīkṛtāyutā māsairmadhuśuklādibhirgataiḥ / pṛthaktthāsidhimāsagrāsūryamāsavibhājitāḥ // ### [1.54.78](https://indike.org/pramana/in.purana.narada.1.54.78) athādhimāsakairyuktā dinīkṛtya dinānvitāḥ / dvisthāstitikṣayābhyastāścāndravāsarabhājitāḥ // ### [1.54.79](https://indike.org/pramana/in.purana.narada.1.54.79) lathonarātrirahitālaṅkāryāmarddharātrikāḥ / sāvanodyūgasārarkādirdinamāsābdayāstataḥ // ### [1.54.80](https://indike.org/pramana/in.purana.narada.1.54.80) saptibhiḥ kṣapitaḥ śeṣaḥ mūryādyovāsareśvaraḥ / māsābdadinasaṃkhyāsaṃdvitrighnaṃ rūpasaṃyutam // ### [1.54.81](https://indike.org/pramana/in.purana.narada.1.54.81) saptorddhanāvaśeṣau tau vijñeyau māsavarṣapau / snehasya bhagaṇābhyasto dinarāśiḥ kuvāsaraiḥ // ### [1.54.82](https://indike.org/pramana/in.purana.narada.1.54.82) vibhājito madhyagatyā bhagaṇādirgraho bhavet / evaṃ hyaśīghramandāñcaye proktāḥ pūrvapāpinaḥ // ### [1.54.83](https://indike.org/pramana/in.purana.narada.1.54.83) vilomagatayaḥ pātāstadvañcakrāṣviśodhitāḥ / yojanāni śatānyaṣṭau bhūkarṇauṃ dviguṇāḥ smṛtaḥ // ### [1.54.84](https://indike.org/pramana/in.purana.narada.1.54.84) tadvargato daśaguṇātpada bhūparidhirbhavet / laṃbajyāghnasvajīvāptaḥ sphuṭo bhūparidhiḥ svakaḥ // ### [1.54.85](https://indike.org/pramana/in.purana.narada.1.54.85) tena deśāntarābhyastā grahabhuktirvibhājitā / kalāditatphalaṃ prārcyāḥ grahebhyaḥ pariśodhayet // ### [1.54.86](https://indike.org/pramana/in.purana.narada.1.54.86) rekhāpratīcisaṃsthāne prakṣipetsyuḥ svadeśataḥ / rākṣasātapadevaukaḥ śailayormadhyasūtragāḥ // ### [1.54.87](https://indike.org/pramana/in.purana.narada.1.54.87) avantikārohatikaṃ tathā sannihitaṃ saraḥ / vārapravṛttivāgdeśe kṣayārddhebhyadhiko bhavet // ### [1.54.88](https://indike.org/pramana/in.purana.narada.1.54.88) taddeśāntaranāḍībhiḥ paścādūne vinirdiśet / iṣṭanāḍīguṇā bhuktiḥ ṣaṣṭyā bhaktā kalādikam // ### [1.54.89](https://indike.org/pramana/in.purana.narada.1.54.89) gate śoddhyaṃ tathā yojyaṃ gamye tātkāliko grahaḥ / bhacakraliptāśītyaṃśaḥ paramaṃ dakṣiṇottaram // ### [1.54.90](https://indike.org/pramana/in.purana.narada.1.54.90) vikṣipyate svapātena svakrāntyantādanuṣṇaguḥ / tatra vāsaṃ dviguṇitajīvasriguṇitaṃ kujaḥ // ### [1.54.91](https://indike.org/pramana/in.purana.narada.1.54.91) budhaśukrārkajāḥ pātairvikṣipyante caturguṇam / rāśiliptāṣṭamo bhāgaḥ prathamaṃ jyārddhamucyate // ### [1.54.92](https://indike.org/pramana/in.purana.narada.1.54.92) tato dvibhaktalabdhonamiśritaṃ taddvitīyakam / ādyenaiva kramātpiṇḍānbhaktāllabdhonitairyutān // ### [1.54.93](https://indike.org/pramana/in.purana.narada.1.54.93) khaṇḍakāḥ syuścaturviśā jyārddhapiṇḍāḥ kramādamī / paramā pakramajyā tu saptarandhraguṇendavaḥ // ### [1.54.94](https://indike.org/pramana/in.purana.narada.1.54.94) tadgumajyā trijivāptā tañcāpaṃ krāntirucyate / grahaṃ saṃśodhya mandoñcattathā śīghnādviśodhya ca // ### [1.54.95](https://indike.org/pramana/in.purana.narada.1.54.95) śeṣaṃ kandapadantasmādbhujajyā koṭireva ca / gatādbhujajyāviṣame gamyātkoṭiḥ pade bhavet // ### [1.54.96](https://indike.org/pramana/in.purana.narada.1.54.96) sameti gamyādvāhudajyā koṭijyānugatā bhavet / liptāstattvayamairbhaktā labdhajyāpiṇḍakaṃ gatam // ### [1.54.97](https://indike.org/pramana/in.purana.narada.1.54.97) gatagamyāntarābhyastaṃ vibhajettattvalocanaiḥ / tadavāptaphalaṃ yojyaṃ jyāpiṇḍe gatasaṃjñake // ### [1.54.98](https://indike.org/pramana/in.purana.narada.1.54.98) syātkramajyāvidhiścaivamutkramajyāgatā bhavet / liptāstattvayamairbhaktā labdhajyā piṇḍakaṃ gatam // ### [1.54.99](https://indike.org/pramana/in.purana.narada.1.54.99) gatagamyāntarābhyastaṃ vibhajettattvalocanaiḥ / tadavāptaphalaṃ yojyaṃ jyāpiṇḍe gatasaṃjñake // ### [1.54.100](https://indike.org/pramana/in.purana.narada.1.54.100) syātkramajyāvidhiścaivamukramajyāsvapismṛtaḥ / jyāṃ prohya śeṣaṃ tattvatāśvi hṝntaṃ tadvivaroddhṛm // ### [1.54.101](https://indike.org/pramana/in.purana.narada.1.54.101) saṃkhyātattvāśvisaṃvargyasaṃyojyaṃ dhanurucyate / ravermandaparidhyaṃśā manavaḥ śītagoradāḥ // ### [1.54.102](https://indike.org/pramana/in.purana.narada.1.54.102) yugmānte viṣamānte tunakhaliptonitāstayoḥ / yugmānterthādrayaḥ khāgnisurāḥ sūryā navārṇavāḥ // ### [1.54.103](https://indike.org/pramana/in.purana.narada.1.54.103) ojedvyagā ca suyamāradārudrāgajābdhayaḥ / kujādīnāmataḥ śaughnyāyugmānterthāgnidasrakāḥ // ### [1.54.104](https://indike.org/pramana/in.purana.narada.1.54.104) guṇāgnicandrāḥ khanagādvirasākṣīṇi go 'grayaḥ / ojānte dvitriyamatādviviśveyamaparvatāḥ // ### [1.54.105](https://indike.org/pramana/in.purana.narada.1.54.105) khartudasnāvipadvedāḥ śīghnakarmaṇi kīrtitāḥ / ojayugmāntaraguṇābhujajyātrijyayoddhṛtāḥ // ### [1.54.106](https://indike.org/pramana/in.purana.narada.1.54.106) yugmavṛttedhanarṇaśyādojādūne 'dhike sphuṭam / tadguṇe bhujakoṭijyebhagaṇāṃśavibhājite // ### [1.54.107](https://indike.org/pramana/in.purana.narada.1.54.107) tadbhujajyāphaladhanurmāndaṃ liptādikaṃ phalam / śai'yakoṭiphalaṃ kendre makarādau dhanaṃ smṛtam // ### [1.54.108](https://indike.org/pramana/in.purana.narada.1.54.108) saṃśodhyaṃ tu trijīvāyāṃ karkādau koṭijaṃ phalam / tadbāhuphalavargaikyānmūlakarṇaścalābhidhaḥ // ### [1.54.109](https://indike.org/pramana/in.purana.narada.1.54.109) trijyābhyastaṃ bhujaphalaṃ makarādau dhanaṃ smṛtam / saṃśodhyaṃ tu trijīvāyāṃ karkādau koṭijaṃ phalam // ### [1.54.110](https://indike.org/pramana/in.purana.narada.1.54.110) tadbāhuphalavargaikyānmūlaṃ karṇaścalābhidhaḥ / trijyābhaghyastaṃ bhujaphalaṃ palakarṇavibhājitam // ### [1.54.111](https://indike.org/pramana/in.purana.narada.1.54.111) labdhasya cāpaṃ liptādi phalaṃ śaidhryamidaṃ smṛtam / etadādau kujādīnāṃ caturthe caiva karmaṇi // ### [1.54.112](https://indike.org/pramana/in.purana.narada.1.54.112) māndyaṃ karmaikamarkendvorbhaundvorbhauṃmādīnāmāthocyate / śairdhyaṃ mādyaṃ punarmāndyaṃ śairghyaṃ catvāryanukramāt // ### [1.54.113](https://indike.org/pramana/in.purana.narada.1.54.113) ajā dikendre sarveṣāṃ māndye śairghye ca karmaṇi / dhanaṃ grahāṇāṃ liptādi tulādāvṛṇameva tat // ### [1.54.114](https://indike.org/pramana/in.purana.narada.1.54.114) arkabāhuphalābhyastā grahabhuktivibhājitāḥ / bhacakrakalikābhistu liptāḥ kāryā graher'kavat // ### [1.54.115](https://indike.org/pramana/in.purana.narada.1.54.115) grahabhaktaḥ phalaṃ kāryaṃ grahavanmandakarmaṇi / karkādau taddhanaṃ tatra makarādāvṛṇaṃ smṛtam // ### [1.54.116](https://indike.org/pramana/in.purana.narada.1.54.116) dorjyottaraguṇābhuktistattvanetroddhṛtā punaḥ / svamandaparidhikṣuṇṇā bhagaṇāṃśoddhṛtāḥkalāḥ // ### [1.54.117](https://indike.org/pramana/in.purana.narada.1.54.117) mandasphuṭakṛtā bhuktiḥ śīghnoccabhuktitaḥ / taccheṣaṃ vivareṇātha hanyātrijyāṅkakarṇayoḥ // ### [1.54.118](https://indike.org/pramana/in.purana.narada.1.54.118) cakrakarṇahṛtaṃ bhuktau karṇe trijyādhike dhanam / ṛṇamūne 'dhike prohya śeṣaṃ vakragatirbhavet // ### [1.54.119](https://indike.org/pramana/in.purana.narada.1.54.119) kṛtartucandrairvedendraiḥ śūnyatryekairguṇāṣṭabhiḥ / śararudraiścaturyāṃśukendrāṃśerbhūsutādayaḥ // ### [1.54.120](https://indike.org/pramana/in.purana.narada.1.54.120) vakriṇaścakraśuddhaistairaṃśairujutivakratām / kramajyā viṣuvadbhāghnī kṣitijyā dvādaśoddhṛtā // ### [1.54.121](https://indike.org/pramana/in.purana.narada.1.54.121) trijyāguṇā dinavyāsabhaktā cāpaṃ ca śatravaḥ / tatkārmukamudakrāntau dhanahīno pṛthakkṣate // ### [1.54.122](https://indike.org/pramana/in.purana.narada.1.54.122) svāhorātracaturbhāgedinarātridale smṛte / yāmyakrāntau viparyaste dviguṇaite dinakṣaye // ### [1.54.123](https://indike.org/pramana/in.purana.narada.1.54.123) bhabhogo 'ṣṭaśatīrliptāḥ svāśivaśailostathāttitheḥ / grahaliptā bhagābhogābhāni bhuktyādinādikam // ### [1.54.124](https://indike.org/pramana/in.purana.narada.1.54.124) ravīnduyogaliptāstu yogābhabhogabhājitāḥ / gatagamyāśca ṣaṣṭighnā bhuktiyogāptanāḍikāḥ // ### [1.54.125](https://indike.org/pramana/in.purana.narada.1.54.125) arkenacandraliptāstu tithayo bhogabhājitāḥ / gatagamyāśca ṣaṣṭighnā nātobhuktataroddhṛtāḥ // ### [1.54.126](https://indike.org/pramana/in.purana.narada.1.54.126) tithayaḥ śuklapratipado dvighnāḥ saikā na gāhatāḥ / śeṣaṃ bavo bālavaśca kaulavastaitilo garaḥ // ### [1.54.127](https://indike.org/pramana/in.purana.narada.1.54.127) vaṇijobhre bhavedviṣṭiḥ kṛṣṇabhūtāparārddhataḥ / śakunirnāgāśca catuṣpada kiṃstughnameva ca // ### [1.54.128](https://indike.org/pramana/in.purana.narada.1.54.128) śilātalevasaṃśuddhe vajralepetivāsame / tatra śakāṅgulairiṣṭaiḥ samamaṇḍalamālikhet // ### [1.54.129](https://indike.org/pramana/in.purana.narada.1.54.129) tanmadhye sthāpayecchaṅkuṃ kalpanā ddvādaśāṅgulam / tacchāyāgraṃ spṛśedyatra dattaṃ pūrvāparāhnayoḥ // ### [1.54.130](https://indike.org/pramana/in.purana.narada.1.54.130) tatra binduṃ vidhāyobhau vṛtte pūrvāparābhidhau / tanmadhye timinā rekhā kartavyā dakṣiṇottata // ### [1.54.131](https://indike.org/pramana/in.purana.narada.1.54.131) yāmyottaradiśormadhye timinā pūrvapaścimā / digmadhyamatsyaiḥ saṃsādhyā vidiśastadvadeva hi // ### [1.54.132](https://indike.org/pramana/in.purana.narada.1.54.132) caturastaṃ bahiḥ kuryātsūtrairmadhyādviniḥsṛtaiḥ / bhujasūtrāṅgulaistatra dattairiṣṭaprabhā matā // ### [1.54.133](https://indike.org/pramana/in.purana.narada.1.54.133) prāṅkpaścimāśritā rekhā procyate samamaṇḍalam / bhamaṇḍalaṃ ca viṣuvanmaṇḍalaṃ parikīrtitam // ### [1.54.134](https://indike.org/pramana/in.purana.narada.1.54.134) rekhā prācyaparā sādhyā viṣuvadbhāgrayā tathā / iṣṭacchāyāviṣuvatormadhyehyagrābhidhīyate // ### [1.54.135](https://indike.org/pramana/in.purana.narada.1.54.135) śaṅkucchāyākṛtiyutermūlaṃ karṃṇo 'ya vargataḥ / prohya śaṅkukṛte mūlaṃ chāyā śekuviparyayāt // ### [1.54.136](https://indike.org/pramana/in.purana.narada.1.54.136) triṃśatkṛtyoyuge bhānāṃ cakraṃ prākparilaṃbate / tadguṇādbhadinairbhaktyā dyugaṇādyadavāpyate // ### [1.54.137](https://indike.org/pramana/in.purana.narada.1.54.137) taddosrivnādaśādhnāṃśā vijñeyā ayatānidhāḥ / tatsaṃsvakṛtāddhahātkānticchāyāvaradalādikam // ### [1.54.138](https://indike.org/pramana/in.purana.narada.1.54.138) śaṅkucchāyāhate trijye viṣuvatkarkabhājite / laṃbākṣajye tayośchāye laṃbākṣau dakṣimau sadā // ### [1.54.139](https://indike.org/pramana/in.purana.narada.1.54.139) sākṣārkāpakramayutirddiksāmyentaramanyathā / śeṣahyānāṃśāḥ sūryasya tadvāhujyātha koṭijāḥ // ### [1.54.140](https://indike.org/pramana/in.purana.narada.1.54.140) śaṅkumānāṅgulābhyaste bhujatrijye yathāṅkramam / koṭījyayāvibhajyāpte chāyākarmābahirddale // ### [1.54.141](https://indike.org/pramana/in.purana.narada.1.54.141) svākṣārkanatabhāgānāṃ diksāmye 'taramanyathā / digbhedopakramaḥ śeṣastasya jyā trijyayā hatā // ### [1.54.142](https://indike.org/pramana/in.purana.narada.1.54.142) paramopakramajyāpta cāpamepādigo raviḥ / karkādau prohyacakrārddhāttulādau bhārddhasaṃyutātta // ### [1.54.143](https://indike.org/pramana/in.purana.narada.1.54.143) mṛgādau prohyacakrāttu madhyāhner'kaḥ sphuṭo bhavet / tanmandamasakṛddhāmaṃphalaṃ madhyo divākaraḥ // ### [1.54.144](https://indike.org/pramana/in.purana.narada.1.54.144) grahodayāḥ prāṇahatāḥ khakhāṣṭaikoddhatā gatiḥ / cakrāsavo labdhayutī svrahorātrāsavaḥ smṛtāḥ // ### [1.54.145](https://indike.org/pramana/in.purana.narada.1.54.145) tribhadyukarṇārddhaguṇā svāhorātrārddhabhājitāḥ / kramādekadvitribhaghājyā taccāpāni pṛthak pṛthak // ### [1.54.146](https://indike.org/pramana/in.purana.narada.1.54.146) svādhodhaḥ praviśodhyātha meṣāllaṅkodayāsavaḥ / svāgāṣṭayorthagogaikāḥ śaratryekaṃ himāṃśavaḥ // ### [1.54.147](https://indike.org/pramana/in.purana.narada.1.54.147) svadeśacarakhaṇḍonā bhavantīṣṭodayāsavaḥ / vyastāvyastairyutāstaistaiḥ karkaṭādyāstatastu yaḥ // ### [1.54.148](https://indike.org/pramana/in.purana.narada.1.54.148) utkrameṇa ṣaḍevaite bhavantīṣṭāstulādayaḥ / gatabhogyāsavaḥ kāryāḥ sāyanāḥsveṣṭabhāskarāḥ // ### [1.54.149](https://indike.org/pramana/in.purana.narada.1.54.149) svodayātsuhatā bhaktā bhaktabhogyāḥ svamānataḥ / abhiṣṭadhaṭikāsubhyo bhogyāsūnpraviśodhayet // ### [1.54.150](https://indike.org/pramana/in.purana.narada.1.54.150) tadvadevaiṣyalagnāsūnevaṃ vyāptāstathā kramāt / śeṣaṃ triṃśatkramāddhyastamaśuddhena vibhājitam // ### [1.54.151](https://indike.org/pramana/in.purana.narada.1.54.151) bhāgayuktaṃ ca hīnaṃ ca vyayanāṃśaṃ tanuḥ kuje / prākpaścānnatanāḍībhyastadvallaṅkodayāsubhiḥ // ### [1.54.152](https://indike.org/pramana/in.purana.narada.1.54.152) bhānau kṣayadhane kṛtvā madhyalagnaṃ tadā bhavet / bhogyāsūnūnakasyātha bhuktāsūnadhikasya ca // ### [1.54.153](https://indike.org/pramana/in.purana.narada.1.54.153) sapiṇḍyāntaralagnāsūnevaṃ syātkālasādhanam / virāhvarkabhujāṃśāścedindrālpāḥ syād graho vidhoḥ // ### [1.54.154](https://indike.org/pramana/in.purana.narada.1.54.154) teṣāṃ śivaghnāḥ śailāptā vyāvarkājaḥ śarāeṅgulaiḥ / arkaṃ vidhurvidhuṃ bhūbhā chādayatyathā channakam // ### [1.54.155](https://indike.org/pramana/in.purana.narada.1.54.155) chādyachādakamānārdhaṃ śaronaṃ grāhyavarjitam / tatsvacchannaṃ ca mānaikyārddhāṃśaṣaṣṭaṃ daśāhatam // ### [1.54.156](https://indike.org/pramana/in.purana.narada.1.54.156) channaghnamasmānmūlaṃ tu khāṅgonaglauvapurhṛtam / sthityarddhaṃ ghaṭikādisyādvyaṅgabāhvaṃśasaṃmitaiḥ // ### [1.54.157](https://indike.org/pramana/in.purana.narada.1.54.157) iṣṭaiḥ palaistadūnāḍhyaṃ vyagāvūner'kaṣaṅguṇaḥ / tadanyathādhike tasminnevaṃ spaṣṭe sukhāntyage // ### [1.54.158](https://indike.org/pramana/in.purana.narada.1.54.158) grāsena svāhate cchādyamānāme syurviśopakāḥ / pūrṇāntaṃ madhyamatra syāddarśānteñjaṃ tribhonakam // ### [1.54.159](https://indike.org/pramana/in.purana.narada.1.54.159) pṛthak tatkrāntyakṣabhāgasaṃskṛtau syurnatāṃśakāḥ / taddighnāṃśakṛtidvyūnārddhārkayutā hariḥ // ### [1.54.160](https://indike.org/pramana/in.purana.narada.1.54.160) tribhānāṅgārkaviśleṣāṃśo ḥṃśonaghnāḥ / purandarāḥ harāptālaṃbanaṃ svarṇavitribherkādhikonake // ### [1.54.161](https://indike.org/pramana/in.purana.narada.1.54.161) viśvaghnalaṃbanakalāḍhyonastu tithivadyaguḥ / śaronolaṃbanaṣaḍaghne tallavāḍhyonavitribhāt // ### [1.54.162](https://indike.org/pramana/in.purana.narada.1.54.162) natāṃśāstajāṃsāne prādhṛtastadvivarjita / śabdenduliptaiḥ ṣaḍbhistu bhaktānatirnatirnatāṃśadik // ### [1.54.163](https://indike.org/pramana/in.purana.narada.1.54.163) tayornāṭyohabhinnaikadik śaraḥ sphuṭatāṃ vrajet / tataśchannasthitidale sādhye sthityarddhaṣaṭtribhiḥ // ### [1.54.164](https://indike.org/pramana/in.purana.narada.1.54.164) aṃśastairvintribhandvisthaṃlaṃbanetayoḥ pūrvavat / saṃskṛtestābhyāṃ sthityarddhe bhavataḥ sphuṭe // ### [1.54.165](https://indike.org/pramana/in.purana.narada.1.54.165) tābhyāṃ hīnayuto madhyadarśaḥ kālau mukhāntagau / arkādyūnā viśva īśā navapañcadaśāṃśakāḥ // ### [1.54.166](https://indike.org/pramana/in.purana.narada.1.54.166) kālāṃśāstairūnayukte ravau hyastodayau vidhoḥ / dṛṣṭvā hyādau kheṭabiṃbaṃ dṛgauñcye laṃbamīkṣya ca // ### [1.54.167](https://indike.org/pramana/in.purana.narada.1.54.167) talluṃbapāpabiṃbāntardṛṇau vyāptaravighnabhāḥ / aste sāvayavā jñeyā gataiṣyāstithayo budhaiḥ // ### [1.54.168](https://indike.org/pramana/in.purana.narada.1.54.168) vyaste yuktāntibhāgaiśca dvighnatithyāhṛtā sphuṭam / saṃskāradikalaṃbanamaṅgulādyaṃ prajāyate // ### [1.54.169](https://indike.org/pramana/in.purana.narada.1.54.169) seṣvaśonāḥ sitaṃ tithyo balannāśonnataṃ vidhoḥ / śṛṅgamanyatra udvācyaṃ balanāṅgulalekhanāt // ### [1.54.170](https://indike.org/pramana/in.purana.narada.1.54.170) pañcatve goṅkaviśikhāḥ śeṣakarṇahatāḥ pṛthak / vikṛjyakāṅgasiddhāgnibhaktālabdhonasaṃyutāḥ // ### [1.54.171](https://indike.org/pramana/in.purana.narada.1.54.171) trijyādhikone śravaṇe vapūṃṣi syurhṛtāḥ kujāt / ṛjvoranṛjvorvivaraṃ gatyantaravibhājitam // ### [1.54.172](https://indike.org/pramana/in.purana.narada.1.54.172) vakrartvorgatiyogāmaṃ gamyetīte dinādikam / khanatyāsaṃskṛtauvveṣūdaksāmyenyentaraṃ yutiḥ // ### [1.54.173](https://indike.org/pramana/in.purana.narada.1.54.173) yāmyodakkheṭavivaraṃ mānaukyāddholpakaṃ yadā / yadā bhedolaṃbanādyaṃ sphuṭārthaṃ sūryaparvavat // ### [1.54.174](https://indike.org/pramana/in.purana.narada.1.54.174) ekāyanagatau syātāṃ sūryācandramasau yadā / tayute maṇḍale krāntyau tulyatve vai dhṛtābhidhaḥ // ### [1.54.175](https://indike.org/pramana/in.purana.narada.1.54.175) vipaṭītāyanagatau candrākārai krāntiliptikāḥ / samāstadā vyatīpāto bhagaṇārddhe tapoyutau // ### [1.54.176](https://indike.org/pramana/in.purana.narada.1.54.176) bhāskaredvor bhacakrānta cakrārddhāvadhisaṃsthayoḥ / dṛkkalpasādhitāṃśādiyuktayoḥ svāvapakramau // ### [1.54.177](https://indike.org/pramana/in.purana.narada.1.54.177) athojapadagamyendoḥ krāntirvikṣepasaṃskṛtāḥ / yadi syādadhikā bhānoḥ krānteḥ pāto gatastadā // ### [1.54.178](https://indike.org/pramana/in.purana.narada.1.54.178) nyūnā cetsyāttadā bhāvī vāmaṃ yugmapadasya ca / yadānyatvaṃ vidhoḥ krāntiḥ kṣepāccedyadi śuddhyati // ### [1.54.179](https://indike.org/pramana/in.purana.narada.1.54.179) krāntyorjetrijyayābhiste paramāyakramoddhate / taccāpāntarmarddhavāyorjyabhāvinaśītagau // ### [1.54.180](https://indike.org/pramana/in.purana.narada.1.54.180) śodhyaṃ candrādgate pāte tatsūyagatitāḍitam / candrabhuktyā hṛtaṃ bhānau liptādiśaśivatphalam // ### [1.54.181](https://indike.org/pramana/in.purana.narada.1.54.181) tadūcchaśāṅkapātasya phalaṃ deyaṃ viparyayāt / karmaitadasakṛttāvatkrāntī yāvatsametayoḥ // ### [1.54.182](https://indike.org/pramana/in.purana.narada.1.54.182) krāntyoḥ samatve pāto 'tha prakṣiptāṃśonite vidhau / hīner'dvarātraghikāghato bhāvī tātkālike 'dhikā // ### [1.54.183](https://indike.org/pramana/in.purana.narada.1.54.183) sthirīkṛtārddharā trārddhau dvayorvivaraliptakāḥ / ṣaṣṭiścācandrabhuktāptā pātakālasya nāḍikāḥ // ### [1.54.184](https://indike.org/pramana/in.purana.narada.1.54.184) ravīndvormānayogārddhaṃ ṣaṣṭyā saṃguṇya bhājayet / tayorbhuktayantareṇāptaṃ sthityamarddhāṃ nāḍikādivat // ### [1.54.185](https://indike.org/pramana/in.purana.narada.1.54.185) pātakālaḥ sphuṭo madhyaḥ so 'pi sthityarddhavarjitaḥ / tasya saṃbhavakālaḥ syāttatsaṃyogektasaṃjñakaḥ // ### [1.54.186](https://indike.org/pramana/in.purana.narada.1.54.186) ādyantakālayormadhye kālo jñeyo 'tidāruṇaḥ / prajvalajjvalanākāraḥ sarvakarmasu garhitaḥ // ### [1.54.187](https://indike.org/pramana/in.purana.narada.1.54.187) ityetadgaṇito kiñcitproktaṃ saṃkṣepato dvija / jātakaṃ vācmi samayādrāśisaṃjñāpuraḥsaram // ### [1.54.187.p1](https://indike.org/pramana/in.purana.narada.1.54.187.p1) iti śrībṛhannāradīyapurāṇe pūrvabhāge bṛhadupākhyāne dvitīyapāde jyotiṣavarṇanaṃ nāma catuḥpañcāśattamo 'dhyāyaḥ ## Linked texts (5) - [Sūryasiddhānta](https://indike.org/pramana/in.astro.siddhanta.early.suryasiddhanta.1.29) — Maya, Sanskrit - [Nāradasaṃhitā](https://indike.org/pramana/in.art.sangita.prachina.naradasamhita.132_22) — Nārada, Sanskrit - [Siddhāntatattvaviveka](https://indike.org/pramana/in.astro.siddhanta.later.siddhantatattvaviveka.3.181) — Kamalākarabhaṭṭa 1633, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.1.p67) — Nīlakaṇṭha Dīkṣita 1625, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.6.p211) — Govindānanda 1500, Sanskrit --- Source: [https://indike.org/pramana/in.purana.narada.1.54](https://indike.org/pramana/in.purana.narada.1.54) · Pramāṇa