[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.56 # Naradapurana 1.56 Nāradapurāṇa 1.56 - **Language:** Sanskrit ## Contents - [1.56.537](https://indike.org/pramana/in.purana.narada.1.56.537) — 1 part - [1.56.587](https://indike.org/pramana/in.purana.narada.1.56.587) — 1 part - [1.56.614](https://indike.org/pramana/in.purana.narada.1.56.614) — 1 part - [1.56.758](https://indike.org/pramana/in.purana.narada.1.56.758) — 1 part ### [1.56.1](https://indike.org/pramana/in.purana.narada.1.56.1) sanandana uvāca kramāñcaitrādimāseṣu meṣādyāḥ saṃkramā matāḥ / caitraśuklapratipadi yo vāraḥ sa nṛpaḥ smṛtaḥ // ### [1.56.2](https://indike.org/pramana/in.purana.narada.1.56.2) meṣapraveśe senānīḥ karkaṭe sasyayo bhavet / samodyadhīśvaraḥ sūryo madhyamaścottamovidhuḥ // ### [1.56.3](https://indike.org/pramana/in.purana.narada.1.56.3) neṣṭaḥ kujo budho jīvo bhṛgustvatiśubhaṅkaraḥ / adhamo ravijo vācyo jñātvā caiṣāṃ balābalam // ### [1.56.4](https://indike.org/pramana/in.purana.narada.1.56.4) daṇḍākāre kabandhe vā dhvāṅkṣākāre 'tha kīlake / dṛṣṭer'kamaṇḍale vyādhirbhrāntiścorārthanāśanam // ### [1.56.5](https://indike.org/pramana/in.purana.narada.1.56.5) chatradhvajapatākādyasannibhastimitairdhvanaiḥ / varimaṇḍalagairdhūmraiḥ sasphuliṅgairjagatkṣayaḥ // ### [1.56.6](https://indike.org/pramana/in.purana.narada.1.56.6) sitaraktaiḥ pītakṛṣṇairvaṇairviprādipīḍanam / ghnanti dvitricaturvarṇairbhuvi rājajanānmune // ### [1.56.7](https://indike.org/pramana/in.purana.narada.1.56.7) ūrddhairbhānukaraistāmrairnāśa yāti camūpatiḥ / pītairnṛpasutaḥ śvetaiḥ purodhāścitritairjanāḥ // ### [1.56.8](https://indike.org/pramana/in.purana.narada.1.56.8) dhūmrairnṛpapiśaṅgaistu jaladādhomukhairjagat / śubhor'kaḥ śiśire tāmraḥ kuṅkumābhā vasaṃtike // ### [1.56.9](https://indike.org/pramana/in.purana.narada.1.56.9) grīṣmaścāpāṇḍuraścaiva vicitro jaladāgame / padmodarābhaḥ śaradi hemante lohitacchaviḥ // ### [1.56.10](https://indike.org/pramana/in.purana.narada.1.56.10) pītaḥ śīte vṛṣṭau grīṣme lohitabhāraviḥ / rogānāvṛṣṭibhayakṛt kramādukto munīśvara // ### [1.56.11](https://indike.org/pramana/in.purana.narada.1.56.11) indracāpārddhamūrtistu bhānurbhūpavirodhakṛt / śaśaraktanibhe bhānau saṃgrāmo na cirādbhuvi // ### [1.56.12](https://indike.org/pramana/in.purana.narada.1.56.12) mayūrapatra saṃkāśo dvādaśābdaṃ na varṣati / candramāsadṛśo bhānuḥ kuryādbhūpāntaraṃ kṣitau // ### [1.56.13](https://indike.org/pramana/in.purana.narada.1.56.13) arke śyāme kīṭabhayaṃ bhasmābhe rāṣṭrajaṃ tathā / chidrer'kamaṇḍale dṛṣṭaṃ mahārājavināśanam // ### [1.56.14](https://indike.org/pramana/in.purana.narada.1.56.14) ghaṭākṛtiḥ kṣudbhayakṛtpurahā toraṇākṛtiḥ / chatrākṛte deśahatiḥ khaṇḍabhānunṛpāntakṛt // ### [1.56.15](https://indike.org/pramana/in.purana.narada.1.56.15) udayāstamaye kāle vidyudulkāśaniryadi / tadā nṛpavadho jñeyastvathavā rājavigrahaḥ // ### [1.56.16](https://indike.org/pramana/in.purana.narada.1.56.16) pakṣaṃ pakṣārddhamarkendupariviṣṭāvaharniśam / rājānamanyaṃ kuruto lohitāmbudayāstagau // ### [1.56.17](https://indike.org/pramana/in.purana.narada.1.56.17) udayāstamaye bhānurācchinnaḥ śastrasannibheḥ / ghanairyuddhaṃ kharoṣṭrādyaiḥ pāparūpairbhayapradam // ### [1.56.18](https://indike.org/pramana/in.purana.narada.1.56.18) yāmyaśṛṅgonnattaścandraḥ śubhadī mīnameṣayoḥ / saumyaśṛṅgonnataḥ śreṣṭho nṛyuṅmakarayostathā // ### [1.56.19](https://indike.org/pramana/in.purana.narada.1.56.19) ghaṭokṣṇastu samaḥ karkacāpayoḥ śarasannibhaḥ / cāpavatkaurmahṝrṃyośca śūlabattulakarkayoḥ // ### [1.56.20](https://indike.org/pramana/in.purana.narada.1.56.20) viparītoditaścandro durbhikṣakalahapradaḥ / āṣāḍhadvayamūlendradhiṣṇyānāṃ yāmyagaḥ śaśī // ### [1.56.21](https://indike.org/pramana/in.purana.narada.1.56.21) agnipradasteyacaravanasarpavināśakṛt / viśākhā mitrayoryāmyapārśvagaḥ pāpagaḥ śaśī // ### [1.56.22](https://indike.org/pramana/in.purana.narada.1.56.22) madhyamaḥ pitṛdaivatye dvidaive saimyagaḥ śaśī / aprāpyapauṣṇabhādrāmadukṣāviśaśī śubhaḥ // ### [1.56.23](https://indike.org/pramana/in.purana.narada.1.56.23) madhyagodvāradakṣāṇi atītya navavāsavāt / yamendrāhīśanoyeśamarutaścārddhatārakāḥ // ### [1.56.24](https://indike.org/pramana/in.purana.narada.1.56.24) dhruvāditidvidaivāḥ syuradhyarddhāṃścāparāḥ samāḥ / yāmyaśṛṅgonnato neṣṭaḥ śubhaḥ śukle pipīlikā // ### [1.56.25](https://indike.org/pramana/in.purana.narada.1.56.25) kāryahāniḥ kāryavṛddhirhānirvṛddhiryathākramam / subhikṣakṛdviśālenduraviśāloghanāśanaḥ // ### [1.56.26](https://indike.org/pramana/in.purana.narada.1.56.26) adhomukhe śastrabhayaṅkalahodaṇḍasannibhe / kujādyairnihate śṛṅge maṇḍale vā yathākramam // ### [1.56.27](https://indike.org/pramana/in.purana.narada.1.56.27) kṣemādyaṃ vṛṣṭibhūpālajananāśaḥ prajāyate / satyāṣṭanavamarkṣeṣu sodayādvikrime kuje // ### [1.56.28](https://indike.org/pramana/in.purana.narada.1.56.28) tadvakramuṣṇaṃsaṃjñaṃ syātprajāpīḍāgnisaṃbhavaḥ / daśamaikādaśe ṛkṣe dvādaśarvāgratīpayaḥ // ### [1.56.29](https://indike.org/pramana/in.purana.narada.1.56.29) kūkraṃ vakramukhaṃ jñeyaṃ sasyavṛṣṭivināśakṛt / kuje trayodaśe ṛkṣe vakrite vā caturdaśe // ### [1.56.30](https://indike.org/pramana/in.purana.narada.1.56.30) bālāsyacakraṃ tattasminsasyavṛṣṭivināśanam / pañcadaśe ṣoḍaśarkṣe vakre syādrudhirānanam // ### [1.56.31](https://indike.org/pramana/in.purana.narada.1.56.31) durbhikṣaṃ kṣudbhayaṃ rogānkaroti kṣitinandanaḥ / aṣṭādaśe saptadaśe tadvakraṃ muśalāhvayam // ### [1.56.32](https://indike.org/pramana/in.purana.narada.1.56.32) durbhikṣaṃ dhanadhānyādināśane bhayakṛtsadā / phaālgunyorudito bhaumo vaiśvadeve pratīpagaḥ // ### [1.56.33](https://indike.org/pramana/in.purana.narada.1.56.33) astagaścaturāsyārkṣe lokatrayavināśakṛt / uditaḥ śravaṇe puṣye vaktṛgośvanahānidaḥ // ### [1.56.34](https://indike.org/pramana/in.purana.narada.1.56.34) yaddiggo 'bhyudito bhaumastaddigbhūpabhayapradaḥ / madhāmadhyagato bhaumastatra caiva pratīpagaḥ // ### [1.56.35](https://indike.org/pramana/in.purana.narada.1.56.35) avṛṣṭiśastrabhayadaḥ pīḍyaṃ devā nṛpantakṛt / pitṛdvidaivadhātṝṇāṃ bhidyante gaṇḍatārakāḥ // ### [1.56.36](https://indike.org/pramana/in.purana.narada.1.56.36) durbhikṣaṃ maraṇaṃ rogaṃ karoti kṣitijastadā / triṣūttarāsu rohiṇyāṃ nairṛte śravaṇe mṛge // ### [1.56.37](https://indike.org/pramana/in.purana.narada.1.56.37) avṛṣaaṭidaścaranbhaumo dakṣiṇerohiṇīsthitaḥ / bhūmijaḥ sarvadhiṣṇyānāmudagāmī śubhaghapradaḥ // ### [1.56.38](https://indike.org/pramana/in.purana.narada.1.56.38) yāmyago 'niṣṭaphalado bhavedbhedakaro nṛṇām / vinotpātena śaśinaḥ kadācinnodayaṃ vrajet // ### [1.56.39](https://indike.org/pramana/in.purana.narada.1.56.39) anāvṛṣṭāgnibhayakṛdanarthanṛpavigrahaṛ / vasuvaiṣṇavaviśvendudhātṛbheṣu caranbudhaḥ // ### [1.56.40](https://indike.org/pramana/in.purana.narada.1.56.40) bhinatti yadi tattārāṃ bādhāvṛṣṭibhayaṅkaraḥ / ārdrādipitṛbhānteṣu dṛśyate yadi candrajaḥ // ### [1.56.41](https://indike.org/pramana/in.purana.narada.1.56.41) tadā durbhikṣakalaharogānāvṛṣṭibhītikṛt / hastādiṣaṭsu tārāsu vicarannindunandanaḥ // ### [1.56.42](https://indike.org/pramana/in.purana.narada.1.56.42) kṣemaṃ subhikṣamārogyaṃ kurute roganāśanam / ahirbudhnyāryamāgneyayāmyabheṣu caranbudhaḥ // ### [1.56.43](https://indike.org/pramana/in.purana.narada.1.56.43) bhiṣaktaraṅgavāṇijyavṛttīnāṃ nāśakṛttādā / pūrvātrayecaransaumyo yogatārāṃ bhinatti cet // ### [1.56.44](https://indike.org/pramana/in.purana.narada.1.56.44) kṣucchastrānalacaurebhyo bhayadaḥ prāṇināṃ tadā / yāmyāgnidhātṛvāyavyadhiṣṇayeṣu prākṛtā gatiḥ // ### [1.56.45](https://indike.org/pramana/in.purana.narada.1.56.45) raudrendusārpapitryeṣu jñeyā miśrāhvayā gatiḥ / bhāgyāryamejyāditiṣu saṃkṣiptā gatirucyate // ### [1.56.46](https://indike.org/pramana/in.purana.narada.1.56.46) gatitīkṣṇājacaraṇāhirbudhyabhāśribheṣuyā / yomātikātiviśvābumūlamatsyainyajasya ca // ### [1.56.47](https://indike.org/pramana/in.purana.narada.1.56.47) ghorā gatirharitvāṣṭravasuvāruṇabheṣu ca / indrāgnimitramārtaṇḍabheṣu pāpāhvayāgatiḥ // ### [1.56.48](https://indike.org/pramana/in.purana.narada.1.56.48) prākṛtādyāsu gati hyudito 'stamitopivā / yāvantyeva dinānyeṣa dṛśyastāvatyadṛśyagaḥ // ### [1.56.49](https://indike.org/pramana/in.purana.narada.1.56.49) catvāriṃśatkramātriṃśadravīndra bhūsuto nava / pañcadaśaikādaśabhirdivasaiḥ śaśinandanaḥ // ### [1.56.50](https://indike.org/pramana/in.purana.narada.1.56.50) prākṛtāyāṃ gataḥ saumyaḥ kṣemārogyasubhikṣakṛt / miśrasakṣiptayormadhye phalado 'nyāsu vṛṣṭidaḥ // ### [1.56.51](https://indike.org/pramana/in.purana.narada.1.56.51) vaiśākha śrāvaṇe pauṣe āṣāḍhe 'bhyudito budhaḥ / jagatāṃ pāpaphaladastvitareṣu śubhapradaḥ // ### [1.56.52](https://indike.org/pramana/in.purana.narada.1.56.52) iṣorjamāsayoḥ śastradurbhikṣāgnibhayapradaḥ / uditaścandrajaḥ śreṣṭho rajatasphaṭikopayaḥ // ### [1.56.53](https://indike.org/pramana/in.purana.narada.1.56.53) dvibhāṭajodimāstasya pañcamaikādaśāstrimādhavaḥ śubhado jyeṣṭo nṛṇāṃ madhyaphalapradaḥ / śucirmadhyo nabhaḥ śreṣṭho bhādraḥ śreṣṭhaḥ kvacinnaraḥ // ### [1.56.54](https://indike.org/pramana/in.purana.narada.1.56.54) kārtiko mārgaśīrṣaśca nṛṇāṃ duṣṭaphalapradaḥ / śubhapradau pauṣamādhau madhyamau phaālguno madhuḥ // ### [1.56.55](https://indike.org/pramana/in.purana.narada.1.56.55) mādhavaḥ śubhado jyeṣṭo nṛṇāṃ madhyaphalapradaḥ / śucirmadhyo nabhaḥ śreṣṭho bhādraḥ śreṣṭhaḥ kvacinnara // ### [1.56.56](https://indike.org/pramana/in.purana.narada.1.56.56) atiśreṣṭha iṣaḥ prokto māsānāṃ phalamīdṛśam / saumye bhāge caranbhānāṃ kṣemārogyasubhikṣakṛt // ### [1.56.57](https://indike.org/pramana/in.purana.narada.1.56.57) viparīto gururyāmye madhye carati madhyamam / pītāgniśyāmaharitaraktavarṇogirāḥ kramāt // ### [1.56.58](https://indike.org/pramana/in.purana.narada.1.56.58) vyādhyagnicauraśastrāstrabhayadaḥ prāṇināṃ bhavet / anāvṛṣṭiṃ bhūmnanibhaḥ karoti surapūjitaḥ // ### [1.56.59](https://indike.org/pramana/in.purana.narada.1.56.59) divādṛṣṭo nṛpavadhyāmayaṃvārāṣṭranāśanam / saṃvatsaraśarīraṃ syātkṛttikā rohiṇī tathā // ### [1.56.60](https://indike.org/pramana/in.purana.narada.1.56.60) nābhistvāpāṭhayugalamādrī hṛtkusumaṃ maghā / durbhikṣāgnimarudbhītiḥ śarīraṃ krūrapīḍite // ### [1.56.61](https://indike.org/pramana/in.purana.narada.1.56.61) nābhyāṃ kṣuttṛṅbhayaṃ puṣye samyaṅmūlaphalakṣayaḥ / hṛdayeśasya nidhanaṃ śubhaṃ syātsaṃyutaiḥ śubhaiḥ // ### [1.56.62](https://indike.org/pramana/in.purana.narada.1.56.62) śasyavṛddhiḥ prajārogyaṃ yuddhaṃ jīvātyavarṣaṇam / iti dvijātimadhyāṃ tu gonṛpastrīsukhaṃ mahat // ### [1.56.63](https://indike.org/pramana/in.purana.narada.1.56.63) niḥsvanāvṛṣṭiphaṇi bhirvṛṣṭiḥ svāsthyaṃ mahotsavaḥ / mahārghamapi saṃpattirdeśanāśo 'tivarṣaṇam // ### [1.56.64](https://indike.org/pramana/in.purana.narada.1.56.64) avairaṃ rogamabhayaṃ rogabhīḥ sasyavarṣaṇe / rogo dhānyaṃ nabho 'dṛṣṭimaghādyṛkṣagate gurau // ### [1.56.65](https://indike.org/pramana/in.purana.narada.1.56.65) saumyamadhyamayāmyeṣu mārgeṣu vīthikātrayam / śukrasya dastrabhājjñeyaṃ paryāyaiśca tribhistribhiḥ // ### [1.56.66](https://indike.org/pramana/in.purana.narada.1.56.66) nāgebhairāvatāścaiva vṛṣabhoṣṭrakharāhvayāḥ / mṛgāñjadahanākhyāḥ syuryāmayāntā vīthayo nava // ### [1.56.67](https://indike.org/pramana/in.purana.narada.1.56.67) saumya mārge ca tisṛṣu caranvīthiṣu bhārgavaḥ / dhānyārthavṛṣṭisasyānāṃ paripūrti karoti hi // ### [1.56.68](https://indike.org/pramana/in.purana.narada.1.56.68) madhyamārge ca tisṛṣu sarvamapyadhamaṃ phalam / pūrvasyāṃ diśi meghastu śubhadaḥ pitṛpañcake // ### [1.56.69](https://indike.org/pramana/in.purana.narada.1.56.69) svātitraye paścimāyāṃ tasyāṃ śukrastathāvidhaḥ / viparīte tvanāvṛṣṭidṛdbudhasaṃyutaḥ // ### [1.56.70](https://indike.org/pramana/in.purana.narada.1.56.70) kṛṣṇāṣṭamyāṃ caturdaśyāmamāyāṃ ca yadā sitaḥ / undayāstamanaṃ yāti tadā jalamayī mahī // ### [1.56.71](https://indike.org/pramana/in.purana.narada.1.56.71) mithaḥ saptamarāśisthau paścātprāgvīthisaṃsthitau / guruśukrāvanāvṛṣṭidurbhikṣasamarapradau // ### [1.56.72](https://indike.org/pramana/in.purana.narada.1.56.72) kujajñajīvaravijāḥ śukrasyāgresarā yadi / yuddhāntivāyurdurbhikṣajalanāśakarā matāḥ // ### [1.56.73](https://indike.org/pramana/in.purana.narada.1.56.73) jalamitrāryamāhīndranakṣatreṣu subhikṣakṛt / sacchastrāvṛṣṭido mūle 'hirbudhnyabhayorbhayam // ### [1.56.74](https://indike.org/pramana/in.purana.narada.1.56.74) śravaṇānilahtārdrābharaṇībhāgyameṣu ca / caratrchaiścaro nṝṇāṃ subhikṣārogyasyakṛt // ### [1.56.75](https://indike.org/pramana/in.purana.narada.1.56.75) mukhe caikaṃ gude dve ca trīṇi ke nayane dvayam / hṛdaye pañca ṛkṣāṇi vāmahaste catuṣṭayam // ### [1.56.76](https://indike.org/pramana/in.purana.narada.1.56.76) vāmapāde tathā trīṇi dakṣiṇe trīṇe bhāni ca / catvāri dakṣiṇe haste janmabhādravijasthitiḥ // ### [1.56.77](https://indike.org/pramana/in.purana.narada.1.56.77) rogo lābhastathā hānirlābhaḥ saukhyaṃ ca bandhanam / āyāsaḥ śreṣṭhayātrā ca dhanalābhaḥ kramātphalam // ### [1.56.78](https://indike.org/pramana/in.purana.narada.1.56.78) bahudhāravijastvetadvakragaḥ phalamīdṛśam / karotyeva samaḥ sāmyaṃ śīghrageṣūtkramātphalam // ### [1.56.79](https://indike.org/pramana/in.purana.narada.1.56.79) viṣṇucakrotkṛttaśirāḥ haṅguḥ pūyūṣapānataḥ / amṛtyutāṃ gatastatra kheṭastatra kheṭatve parikalpitaḥ // ### [1.56.80](https://indike.org/pramana/in.purana.narada.1.56.80) varaṇadhāturarkendū tudateḥ sarvaparvaṇi / vikṣepāvanatervaṅgādgāhurdūragatastayoḥ // ### [1.56.81](https://indike.org/pramana/in.purana.narada.1.56.81) ṣaṇmāsavṛddhyā grahaṇaṃ śodhayendravicandrayoḥ / parveśāstu tathā satyadevā khyāditaḥ kramāt // ### [1.56.82](https://indike.org/pramana/in.purana.narada.1.56.82) brahmendrvindradhanādhīśavaruṇāgniyamāhvayoḥ / paśusasyadvijātīnāṃ vṛddhirbrahme tu parvaṇi // ### [1.56.83](https://indike.org/pramana/in.purana.narada.1.56.83) tadvadeva phalaṃ saumye śleṣmapīḍā ca parvaṇi / virodho bhūbhujāṃ duḥkhamaindre sasyavināśanam // ### [1.56.84](https://indike.org/pramana/in.purana.narada.1.56.84) dhanināṃ dhanahāniḥ syātkauberaṃ dhānyavardhanam / nṛpāṇāmaśivaṃ kṣemamitareṣāṃ ca vāruṇe // ### [1.56.85](https://indike.org/pramana/in.purana.narada.1.56.85) pravarṣaṇaṃ sasyavṛddhiḥ kṣemaṃ hautāśaparvaṇi / anāvṛṣṭiḥ sasyahānirdurbhikṣaṃ yāmyaparvaṇi // ### [1.56.86](https://indike.org/pramana/in.purana.narada.1.56.86) velāhīne syahānirnṛpāṇāṃ dāruṇaṃ raṇam / ativele puṣpahānirbhayaṃ sasyavināśanam // ### [1.56.87](https://indike.org/pramana/in.purana.narada.1.56.87) ekasminneva māse tu candrārkagrahaṇaṃ yadā / virodho dharaṇīśānāmarthavṛṣṭivināśanam // ### [1.56.88](https://indike.org/pramana/in.purana.narada.1.56.88) grastoditāvastamitau nṛpadhānyavināśadau / sarvagrastāvinendūtu kṣudvyādhyagnibhayapradau // ### [1.56.89](https://indike.org/pramana/in.purana.narada.1.56.89) saumyāyane kṣatraviprānitarāṃhanti dakṣiṇe / dvijātīṃścakramāddhanti rāhudṛṣṭoragāditaḥ // ### [1.56.90](https://indike.org/pramana/in.purana.narada.1.56.90) tathaiva grāmabhedāḥ syurmokṣabhe dāstathā daśa / no śaktā lakṣituṃ devāḥ kiṃ punaḥ prākṛtā janāḥ // ### [1.56.91](https://indike.org/pramana/in.purana.narada.1.56.91) ānīya kheṭāngaṇitāṃsteṣāṃ vāraṃ vicintayet / śubhāśubhānyaiḥ kālasya grāhayāmo hi lakṣaṇam // ### [1.56.92](https://indike.org/pramana/in.purana.narada.1.56.92) tasmādanveṣaṇīyaṃ tatkālajñānāya dhīmatā / utpātarūpāḥ ketūnāmudayāstamayā nṛṇām // ### [1.56.93](https://indike.org/pramana/in.purana.narada.1.56.93) divyāntarikṣā bhaumāste śubhāśubhaphalapradāḥ / yajñadhvajāstrabhavanarakṣavṛddhiṅgajopamāḥ // ### [1.56.94](https://indike.org/pramana/in.purana.narada.1.56.94) stambhaśūlāṅkuśākārā āntarikṣāḥ prakīrtitāḥ / nakṣatrasaṃsthitā divyā bhaumā ye bhūmisaṃsthitāḥ // ### [1.56.95](https://indike.org/pramana/in.purana.narada.1.56.95) eko 'pi bhinnarūpaḥ syājjanturnāma śubhāya vai / yāvanto divasānketurdṛśyate vividhātmakaḥ // ### [1.56.96](https://indike.org/pramana/in.purana.narada.1.56.96) tāvanmāsaiḥ phalaṃ yacchatyaṣṭau sāravyavatsaraiḥ / ye divyāḥ ketavaste 'pi śaśvajjīvaphalapradāḥ // ### [1.56.97](https://indike.org/pramana/in.purana.narada.1.56.97) hrasvaḥ snigdhaḥ suprasannaḥ śvetaketuḥ suvṛṣṭikṛt / kṣiprādastamayaṃ yāti dīrghaketu ravṛṣṭikṛt // ### [1.56.98](https://indike.org/pramana/in.purana.narada.1.56.98) aniṣṭado dhūmaketuḥ śakracāpasamaprabhaḥ / dvitricatuḥśūlarūpaḥ sa ca rājyāntakṛnmataḥ // ### [1.56.99](https://indike.org/pramana/in.purana.narada.1.56.99) maṇihārastuvarṇābhā dīptimanto 'rkasūnavaḥ / ketavaścoditāḥ pūrvāparayornṛpahānidāḥ // ### [1.56.100](https://indike.org/pramana/in.purana.narada.1.56.100) vaṃsukabiṃbakṣitijacchukatuṇḍādisannibhāḥ / hutāśanoditāste 'pi ketavaḥ phaladāḥ smṛtāḥ // ### [1.56.101](https://indike.org/pramana/in.purana.narada.1.56.101) bhūsutā jalatailābhā vartulāḥ kṣudbhayapradāḥ / subhikṣakṣemadāḥ śvetaketavaḥ somasūnavaḥ // ### [1.56.102](https://indike.org/pramana/in.purana.narada.1.56.102) pitāmahātmajaḥ ketustrivarṇastridaśānvitaḥ / brahmadaṇḍāddhūmaketuḥ prajānāmantakṛnmataḥ // ### [1.56.103](https://indike.org/pramana/in.purana.narada.1.56.103) aiśānyāṃ bhārgavasutāḥ śvetarūpāstvaniṣṭadāḥ / aniṣṭadāḥ paṅgusutā viśikhāḥ kamakāhvayāḥ // ### [1.56.104](https://indike.org/pramana/in.purana.narada.1.56.104) vikacākhyā gurusutā veṣṭā yāmye sthitā api / sūkṣmāḥ śuklā budhasutāścaurarogabhayapradāḥ // ### [1.56.105](https://indike.org/pramana/in.purana.narada.1.56.105) kujātmajāḥ kuṅkumākhyā raktāḥ śūlāstvaniṣṭadāḥ / agnijā viśvarūpākhyā agnivarṇāḥ sukhapradāḥ // ### [1.56.106](https://indike.org/pramana/in.purana.narada.1.56.106) aruṇāḥ śyāmalākārā arkaputrāśca pāpadāḥ / śukrajā ṛkṣasadṛśāḥ ke tavaḥ śubhadāyakāḥ // ### [1.56.107](https://indike.org/pramana/in.purana.narada.1.56.107) kṛttikāsu bhavo dhūmaketurnūnaṃ prajākṣayaḥ / prāsādavṛkṣaśaileṣu jāto rājñāṃ vināśakṛt // ### [1.56.108](https://indike.org/pramana/in.purana.narada.1.56.108) subhikṣakṛtkaumudākhyaḥ ketuḥ kumudasannibhaḥ / āvartaketusaṃdhyāyāṃ śaśiro neṣṭadāyakaḥ // ### [1.56.109](https://indike.org/pramana/in.purana.narada.1.56.109) brahmadevamanormāna pitryaṃ sauraṃ ca sāvanam / cāndramārkṣaṃ gurormānamiti mānāni vai navaḥ // ### [1.56.110](https://indike.org/pramana/in.purana.narada.1.56.110) eteṣāṃ navamānānāṃ vyavahāro 'tra pañcabhiḥ / teṣāṃ pṛthakpṛthakkāryaṃ vakṣyate vyavahārataḥ // ### [1.56.111](https://indike.org/pramana/in.purana.narada.1.56.111) grahāṇāṃ nikhilaścāro gṛhyate saura mānataḥ / vṛṣṭervidhānaṃ strīgarbhaḥ sāvanenaiva gṛhyate // ### [1.56.112](https://indike.org/pramana/in.purana.narada.1.56.112) pravarṣaṇāṃ same garbhauṃ nākṣatreṇa pragṛhyate / yātrodvāhavratakṣaure tithivarṣeśanirṇayaḥ // ### [1.56.113](https://indike.org/pramana/in.purana.narada.1.56.113) parvavāstūpavāsādi kṛtsnaṃ cāndreṇa gṛhyate / gṛhyate gurumānena prabhavādyabdalakṣaṇam // ### [1.56.114](https://indike.org/pramana/in.purana.narada.1.56.114) tattanmāsairdvādaśabhistattadaṣṭau bhavettataḥ / gurumadhyamacāreṇaṣaṣṭyabdāḥ prabhāvādayaḥ // ### [1.56.115](https://indike.org/pramana/in.purana.narada.1.56.115) prabhavo vibhavaḥ śuklaḥ pramodo 'tha prajāpatiḥ / aṅgirāḥ śrīmukho bhāvo yuvā dhātā tathaiva ca // ### [1.56.116](https://indike.org/pramana/in.purana.narada.1.56.116) īśvaro bahudhānyaśca pramāthī vikramo vṛṣaḥ / citrabhānuḥsubhānuśca tāraṇaḥ pārthivo 'vyayaḥ // ### [1.56.117](https://indike.org/pramana/in.purana.narada.1.56.117) sarvajitsarvadhārī ca virodhī vikṛtaḥ kharaḥ / nandano vijayaścaiva jayo manmathadurmukhau // ### [1.56.118](https://indike.org/pramana/in.purana.narada.1.56.118) hemalaṃbo vilaṃbaśca vikārī śārvarī lavaḥ / śubhakṛcchobhanaḥ krodhī viśvāvasuparābhavau // ### [1.56.119](https://indike.org/pramana/in.purana.narada.1.56.119) plavaṅgaḥ kīlakaḥ saumyaḥ sāmāptaśca virodhakṛt / paribhāvī pramādī ca ānando rākṣaso 'nalaḥ // ### [1.56.120](https://indike.org/pramana/in.purana.narada.1.56.120) piṅgalaḥ kālayuktaśca siddhārtho raudradurmatīḥ / dundubhīrudhirodgarī raktākṣaḥ krodhanaḥ kṣayaḥ // ### [1.56.121](https://indike.org/pramana/in.purana.narada.1.56.121) nāmatulyaphalāḥ sarve vijñeyāḥ ṣaṣṭivatsarāḥ / yugaṃ syātpañcabhirvarṣairyugānyevaṃ tu dvādaśa // ### [1.56.122](https://indike.org/pramana/in.purana.narada.1.56.122) teṣāmīśāḥ kramājjñeyā viṣṇurdevapurohitaḥ / purandaro lohitaśca tvaṣṭāhirbudhnyasaṃjñakaḥ // ### [1.56.123](https://indike.org/pramana/in.purana.narada.1.56.123) pitaraśca tato viśve śaśīndrādgnayaśino bhagaḥ / tathā yugasya varṣe śāstvagninenduvidhīśvarāḥ // ### [1.56.124](https://indike.org/pramana/in.purana.narada.1.56.124) athādveśacamūnāthasasyapānāṃ balābalam / tatkālaṃ grahacāraṃ ca samyak jñātvā phalaṃ padet // ### [1.56.125](https://indike.org/pramana/in.purana.narada.1.56.125) saumyā yanaṃ māsaṣaṭkaṃ mṛgādyaṃ bhānubhuktitaḥ / ahaḥ surāṇāṃ tadrātriḥ karkādyaṃ dakṣiṇāyanam // ### [1.56.126](https://indike.org/pramana/in.purana.narada.1.56.126) gṛhapraveśavaivāhapratiṣṭāmaiñjibandhanam / madhādau maṅgalaṃ karma vidheyaṃ cottarāyaṇe // ### [1.56.127](https://indike.org/pramana/in.purana.narada.1.56.127) yāmyāyane garhitaṃ ca karma yatnātpraśasyate / mādhādi māsau dvau dvau ca ṛtavaḥ śiśirādayaḥ // ### [1.56.128](https://indike.org/pramana/in.purana.narada.1.56.128) mṛgācchiśiravasaṃtaśca grīṣmāḥ syuścottarāyaṇe / varṣā śaraśca hemantaḥ karkādvai dakṣiṇāyane // ### [1.56.129](https://indike.org/pramana/in.purana.narada.1.56.129) cāndro darśīvadhiḥ sauraḥ saṃkrātyā sāvano dineḥ / triṃśadbhiścandrabhagaṇo māso nākṣatrasaṃjñakaḥ // ### [1.56.130](https://indike.org/pramana/in.purana.narada.1.56.130) madhuśca mādhavaḥ śukraḥ śuciścātha nabhastataḥ / nabhasya iṣa ūrjaśca sahāścaiva sahasyakaḥ // ### [1.56.131](https://indike.org/pramana/in.purana.narada.1.56.131) tapāstapasya kramaśaścaitrādīnāṃ samāhvayā / yasminmāse paurṇamāsī yena dhiṣṇena saṃyutā // ### [1.56.132](https://indike.org/pramana/in.purana.narada.1.56.132) tannakṣatrāhvayo māsaḥ paurṇamāsī tadāhvayā / tatpakṣau daiva pitrākhyau śuklakṛṣṇau tathāpare // ### [1.56.133](https://indike.org/pramana/in.purana.narada.1.56.133) śubhāśubhe karmaṇi ca praśastau bhavataḥ sadā / kramāttithīnāṃ brahmāgnī viriñciviṣṇuśailajāḥ // ### [1.56.134](https://indike.org/pramana/in.purana.narada.1.56.134) vināyakayamau nāgacandrau skandor'kavāsavau / mahendravāsavau nāgadurgādaṇḍadharāhvayaḥ // ### [1.56.135](https://indike.org/pramana/in.purana.narada.1.56.135) śivaviṣṇūhariravīkāmaḥ sarvaḥ kalītataḥ / candraviśvedarśasaṃjñatithīśāḥ pitaraḥ smṛtāḥ // ### [1.56.136](https://indike.org/pramana/in.purana.narada.1.56.136) nandābhadrājayāriktā pūrṇāḥ syutithayaḥ punaḥ / trirāvṛttyā kramājjñeyā neṣṭamadhyeṣṭadāḥ site // ### [1.56.137](https://indike.org/pramana/in.purana.narada.1.56.137) kṛṣṇapakṣe tviṣṭamadhyāniṣṭadāḥ kramaśastadā / aṣṭamī dvādaśī ṣaṣṭī caturthī ca caturdaśī // ### [1.56.138](https://indike.org/pramana/in.purana.narada.1.56.138) tithayaḥ pakṣarandhrākhyā hyatirūkṣā prakīrtitāḥ / samudramanurandhrāṅkatattvasaṃkhyāstu nāḍikāḥ // ### [1.56.139](https://indike.org/pramana/in.purana.narada.1.56.139) tyājyāḥ syustāsu tithiṣu kramātpañca ca sarvadā / amāvāsyā ca navamī hitvā viṣamasaṃjñikā // ### [1.56.140](https://indike.org/pramana/in.purana.narada.1.56.140) tithayastupraśastāsyurmadhyamā pratipatsitā / ṣaṣaaṭyāṃ tailaṃ tathāṣṭamyāṃ māsaṃ kṣauraṃ kalestithau // ### [1.56.141](https://indike.org/pramana/in.purana.narada.1.56.141) pūrṇimādarśayornārīsevanaṃ parivarjayet / derśe ṣaṣṭyāṃ pratipadi dvādaśyāṃ pratiparvasu // ### [1.56.142](https://indike.org/pramana/in.purana.narada.1.56.142) navamyāṃ ca na kurvīta kadāciddantadhāvanam / vyatīpāte ca saṃkrāntāvekādaśyāṃ ca parvasu // ### [1.56.143](https://indike.org/pramana/in.purana.narada.1.56.143) arkabhaumadine ṣaṣṭyāṃ nābhyaṅgo vaidhṛtau tathā / yaḥ karoti daśamyāṃ ca snānamāmalakairnaraḥ // ### [1.56.144](https://indike.org/pramana/in.purana.narada.1.56.144) putrahānirbhavettasya traṃyodaśyāṃ dhanakṣayaḥ / arthaputrakṣayastasya dvitīyāyāṃ na saṃśayaḥ // ### [1.56.145](https://indike.org/pramana/in.purana.narada.1.56.145) amāyāṃ ca navamyāṃ ca saptamyāṃ ca kulakṣayaḥ / yā paurṇimā divā candramatī sānumatī smṛtā // ### [1.56.146](https://indike.org/pramana/in.purana.narada.1.56.146) rātrau candravatī rākāpyamāvāsyā tathā dvidhā / sinīvālī cendumatī kuhūrnendumatī matā // ### [1.56.147](https://indike.org/pramana/in.purana.narada.1.56.147) kārtike śuklanavamī tvādiḥ kṛtayugasya ca / tretādirmādhave śukle tṛtīyā puṇyasaṃjñitā // ### [1.56.148](https://indike.org/pramana/in.purana.narada.1.56.148) kṛṣṇā pañcadaśī māghe dvāparādimudīritā / kalpādiḥ syātkṛṣṇapakṣe nabhastasya trayodaśī // ### [1.56.149](https://indike.org/pramana/in.purana.narada.1.56.149) dvādaśyūrje śuklapakṣe navamyaccheśvayujyapi / caitre bhādrapade caiva tṛtīyā śuklasaṃjñitā // ### [1.56.150](https://indike.org/pramana/in.purana.narada.1.56.150) ekādaśī sitā pauṣe hyāṣāḍherdeśamīsitā / māghe ca saptamī śuklā nabhasye tvasitāṣṭamī // ### [1.56.151](https://indike.org/pramana/in.purana.narada.1.56.151) śrāvaṇe māsyamāvāsyā phaālgune māsi paurṇimā / āṣāḍhe kārtike māsi jyaṣṭe caitre ca paurṇimā // ### [1.56.152](https://indike.org/pramana/in.purana.narada.1.56.152) manvādayo mānavānāṃ śrāddheṣvatyantapuṇyadā / bhādre kṛṣṇatrayodaśyāṃ maghāminduḥ kare raviḥ // ### [1.56.153](https://indike.org/pramana/in.purana.narada.1.56.153) gajacchāyā tadā jñeyā śrāddhe hyatyantapuṇyadā / ekasminvāsare tisrastithayaḥ syāttithikṣayaḥ // ### [1.56.154](https://indike.org/pramana/in.purana.narada.1.56.154) tithirvāratraye tvekā hyadhikā dve ca nindite / sūryāstamanaparyantaṃ yasminvāre tu yā tithiḥ // ### [1.56.155](https://indike.org/pramana/in.purana.narada.1.56.155) vidyate sā tvakhaṇḍā syānnyūnā cetkhañjasaṃjñitā / titheḥ pañcadaśo bhāgaḥ kramātpratipadādayaḥ // ### [1.56.156](https://indike.org/pramana/in.purana.narada.1.56.156) kṣaṇasaṃjñāstadarddhāni tāsāmarddhapramāṇataḥ / raviḥ sthiraścaraścandraḥ krūro vakrokhilo budhaḥ // ### [1.56.157](https://indike.org/pramana/in.purana.narada.1.56.157) laghurījyo mṛduḥ śukrastrīkṣṇo dinakarātmajaḥ / abhyakto bhānuvāre yaḥ sa naraḥ kleśavānbhavet // ### [1.56.158](https://indike.org/pramana/in.purana.narada.1.56.158) ṛkṣeśe kāntibhāgbhaume vyādhi saubhāgyaminduje / jīve naivaṃ site hānirmande sarvasamṛddhayaḥ // ### [1.56.159](https://indike.org/pramana/in.purana.narada.1.56.159) laṅkodayātsyādvārādista smādūrdhvamadho 'pivā / deśāntarasvacarārddhanāḍībhirapare bhavet // ### [1.56.160](https://indike.org/pramana/in.purana.narada.1.56.160) balapradasya kheṭasya karma siddhyati yatkṛtam / tatkarma balahīnasya duḥkhenāpi na siddhyāti // ### [1.56.161](https://indike.org/pramana/in.purana.narada.1.56.161) indujñajīvaśukrāṇāṃ vāsarāḥ sarvakarmasu / phaladāstvitare krūre karmasvabhimatapradāḥ // ### [1.56.162](https://indike.org/pramana/in.purana.narada.1.56.162) raktavarṇauṃ raviścandrau gauro bhaumastulohitaḥ / dūrvāvarṇo vudho jīvaḥ pītaśvetastu bhārgavaḥ // ### [1.56.163](https://indike.org/pramana/in.purana.narada.1.56.163) kṛṣṇaḥ sauriḥ svavāreṣu svasvavarṇakriyā hitāḥ / adrivāṇāśca yastarkapātālavasudhādharāḥ // ### [1.56.164](https://indike.org/pramana/in.purana.narada.1.56.164) bāṇāgnilocanānihyavedabāhuśilīmukhāḥ / tryekāhayo netragotrarāmāśvadrarasartavaḥ // ### [1.56.165](https://indike.org/pramana/in.purana.narada.1.56.165) kulikāścopakulikā vāravelā stathā kramāt / praharārddhapramāṇāste vijñeyāḥ sūryavāsarāt // ### [1.56.166](https://indike.org/pramana/in.purana.narada.1.56.166) yasminvāre kṣaṇo vāradṛṣṭastadvāsarādhipaḥ / ādyaḥ ṣaṣṭo dvitīyo 'smattatṣaṣṭhastutṛtīyakaḥ // ### [1.56.167](https://indike.org/pramana/in.purana.narada.1.56.167) ṣaṣṭaḥ ṣaṣṭaścetareṣāṃ kālahorādhipāḥ smṛtāḥ / sārddhanāḍīdvayenaiva divā rātrau yathākramāt // ### [1.56.168](https://indike.org/pramana/in.purana.narada.1.56.168) vāraprokte karmakārye tadgrahasya kṣaṇe 'pi san / nakṣatreśāḥ kramāddasrayamavahnipitāmahāḥ // ### [1.56.169](https://indike.org/pramana/in.purana.narada.1.56.169) candreśāditijīvāhipitaro bhagasaṃjñakaḥ / aryamārkatvaṣṭṛmarucchakrāgnimitravāsavaḥ // ### [1.56.170](https://indike.org/pramana/in.purana.narada.1.56.170) nairṛtyudakaviśvejagovindavasutoyapāḥ / ajaikapādahirbudhnyā pūṣā ceti prakīrtitāḥ // ### [1.56.171](https://indike.org/pramana/in.purana.narada.1.56.171) pūrvātrayaṃ madhāhyagniviśākhāya mamūlabham / adhomukhaṃ tu navakaṃ bhānau tatra vidhīyate // ### [1.56.172](https://indike.org/pramana/in.purana.narada.1.56.172) bilapraveśagaṇitabhūtasādhanalekhanam / śilpakarmakalākūpanikṣepoddharaṇādi yat // ### [1.56.173](https://indike.org/pramana/in.purana.narada.1.56.173) mitrendutvāṣṭrahastendrāditibhāntyāśvivāyubham / tiryaṅmukhākhyaṃ navakaṃ bhānau tatra vidhīyate // ### [1.56.174](https://indike.org/pramana/in.purana.narada.1.56.174) halapravāhagamanaṃ gantrīpatragajoṣṭrakam / kharagorathanauyānalulāyahayakarma ca // ### [1.56.175](https://indike.org/pramana/in.purana.narada.1.56.175) brahmaviṣṇumaheśāryaśatatārāvasūttarāḥ / ūrddhāsyaṃ navakaṃ bhānāṃ proktamatra vidhīyate // ### [1.56.176](https://indike.org/pramana/in.purana.narada.1.56.176) nṛpābhiṣekamāṅgalyavāraṇadhvajakarmaca / prāsādatoraṇārāmaprākārādyaṃ ca siddhyati // ### [1.56.177](https://indike.org/pramana/in.purana.narada.1.56.177) sthiraṃ rohiṇyuttarākhyaṃ kṣipraṃ sūrayāśvipuṣyabham / sādhāraṇaṃ dvidaivatyaṃ vahnibhaṃ ca prakīrtitam // ### [1.56.178](https://indike.org/pramana/in.purana.narada.1.56.178) vasvadityaṃvupuṣyāṇi viṣṇubhaṃ carasaṃjñitam / mṛdvindumitracitrāntyamugraṃ pūrvāmaghātrikam // ### [1.56.179](https://indike.org/pramana/in.purana.narada.1.56.179) mūlārdrāhīndrabhaṃ tīkṣṇaṃ svanāmasadṛśaṃ phalam / citrādityaṃbuviṣṇvaṃbāntyādhimitravasūḍuṣu // ### [1.56.180](https://indike.org/pramana/in.purana.narada.1.56.180) samṛgejyeṣu bālānāṃ karṇavedhaṅkriyā hitā / dasrendvadititiṣyeṣu karāditritaye tathā // ### [1.56.181](https://indike.org/pramana/in.purana.narada.1.56.181) gajakarmākhilaṃ yattadvidheyaṃ sthirabheṣu ca / vājikarmākhilaṃ kāryaṃ sūryavāre viśeṣataḥ // ### [1.56.182](https://indike.org/pramana/in.purana.narada.1.56.182) citrāvaruṇavairiñcatryuttarāsu gamāgamam / darśāṣṭabhyāṃ caturdaśyāṃ paśūnāṃ na kadācana // ### [1.56.183](https://indike.org/pramana/in.purana.narada.1.56.183) mṛdudhruvakṣipracaraviśākhāpitṛbheṣu ca / halapravāhaṃ prathamaṃ vidadhyānmūlabhe vṛṣaiḥ // ### [1.56.184](https://indike.org/pramana/in.purana.narada.1.56.184) halādau vṛṣānāśāya bhatrayaṃ sūryamuktabhāt / agre vṛddhyai trayaṃ lakṣmye saumyapārśve ca pañcakam // ### [1.56.185](https://indike.org/pramana/in.purana.narada.1.56.185) śūlatrayepi navakaṃ maraṇāya ca pañcakam / śriyai puṣṭyai trayaṃ śreṣṭhaṃ syāccakre lāṅgalāhvaye // ### [1.56.186](https://indike.org/pramana/in.purana.narada.1.56.186) mṛdudhruvakṣiprabheṣu pitṛvāyuvasūṅṣu / samūlabheṣu bījoptiratyuntkṛṣṭaṃ phalapradā // ### [1.56.187](https://indike.org/pramana/in.purana.narada.1.56.187) bhavedbhatritayaṃ mūrghni dhānyanāśāya rāhubhāt / gale trayaṃ kajjalāya vṛddhyai ca dvādaśodare // ### [1.56.188](https://indike.org/pramana/in.purana.narada.1.56.188) nistaṃhulatvaṃ lāṅgūle bhacatuṣṭayabhītidam / nābhau vahniḥ pañcakaṃ yadvījoptāviti cintayet // ### [1.56.189](https://indike.org/pramana/in.purana.narada.1.56.189) sthireṣvaditisārpāntyapitṛmārutabheṣu ca / na kuryādrogamuktasya snānamāhīṃ duśukrayoḥ // ### [1.56.190](https://indike.org/pramana/in.purana.narada.1.56.190) uttarātrayamaitrendravasuvāruṇabheṣu ca / puṣyārkapauṣṇadhiṣṇyeṣu nṛtyāraṃbhaḥ praśasyate // ### [1.56.191](https://indike.org/pramana/in.purana.narada.1.56.191) pūrvārddhayuñji ṣaṅbhani pauṣṇabhādudabhāttataḥ / madhyayuñji dvādaśarkṣāṇīndrabhānnavabhāni ca // ### [1.56.192](https://indike.org/pramana/in.purana.narada.1.56.192) parārddhayuñji kramaśaḥ saṃprītirdampatermathaḥ / jaghanyāstoyapārdrāhipavanāntakanākapāḥ // ### [1.56.193](https://indike.org/pramana/in.purana.narada.1.56.193) kramāditidvidaivatyā bṛhattārāḥ parāḥ samāḥ / tāsāṃ pramāṇaghaṭikāstriṃśannavatidyaṣṭayaḥ // ### [1.56.194](https://indike.org/pramana/in.purana.narada.1.56.194) kramādabhyudite candre nayatyarghasamāni ca / aśvagrīndvījyanairṛtyatvāṣṭrajattyuttarābhavāḥ // ### [1.56.195](https://indike.org/pramana/in.purana.narada.1.56.195) pitṛdvidaivavasvākhyāstārāḥ syuḥ kulasaṃjñikāḥ / dhātṛjyeṣṭāditisvātīpauṣṇārkaharidevatāḥ // ### [1.56.196](https://indike.org/pramana/in.purana.narada.1.56.196) ajāhyantyakabhaujaṅgatārāścaivākulāhvayāḥ / śeṣāḥ kulākulāstārāstāsāṃ madhye kuloḍuṣu // ### [1.56.197](https://indike.org/pramana/in.purana.narada.1.56.197) prayāti yadi bhūpālastadāpnoti parājayam / bheṣūpakulasaṃjñeṣu jayamāpnoti niścitam // ### [1.56.198](https://indike.org/pramana/in.purana.narada.1.56.198) saṃdhirvāpi tayoḥ sāmyaṃ kulākulagaṇoḍuṣu / arkārkibhaumavāre cedbhadrāyā viṣamāṅghribham // ### [1.56.199](https://indike.org/pramana/in.purana.narada.1.56.199) tripuṣkaraṃ triguṇadaṃ dviguṇaṃ yamalāhibham / tadyāttaddoṣanāśāya gotrayaṃ mūlyameva vā // ### [1.56.200](https://indike.org/pramana/in.purana.narada.1.56.200) dvipuṣkare dvayaṃ dadyānna doṣastvṛkṣabho 'pi vā / krūraviddho yuto vāpipuṣyo yadi balānvitaḥ // _First 200 of 763 passages. [Read on](https://indike.org/pramana/in.purana.narada.1.56)_ ## Linked texts (14) - [Nāradasaṃhitā](https://indike.org/pramana/in.art.sangita.prachina.naradasamhita.132_60) — Nārada, Sanskrit - [Bṛhatparāśarahorāśāstra](https://indike.org/pramana/in.astro.hora.yavana.brhatparasara.6.24) — Parāśara, Sanskrit - [Ratnamālāvadāna](https://indike.org/pramana/in.bauddha.sanskrit.avadana.ratnamalavadana.13.135.p1) — Sanskrit - [Viśvasāratantra](https://indike.org/pramana/in.sampradaya.general.sakta.visvasaratantra.4.390) — Sanskrit - [Jyotirnibandha (ed. Raṅganātha Śāstrī Vaidya)](https://indike.org/pramana/in.niti.dharma.kala.jyotisa.jyotirnibandha*vaidya1919.4.29) — Sanskrit - [Kālaprakāśikā](https://indike.org/pramana/in.astro.muhurta.kala.kalaprakasika.7.4) — Nṛsiṃha, Sanskrit - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.28.5) — Kamalākarabhaṭṭa 1612, Sanskrit - [Saṃskārabhāskara (Ṛṣibudha)](https://indike.org/pramana/in.niti.dharma.samskara.samskarabhaskara.1.p45.121) — Ṛṣibudha, Sanskrit - [Saṃskārabhāskara (Khaṇḍabhaṭṭa)](https://indike.org/pramana/in.niti.dharma.samskara.samskarabhaskara-khandabhatta.1.p45.121) — Khaṇḍabhaṭṭa, Sanskrit - [Saṃskārabhāskara (Siddheśvara)](https://indike.org/pramana/in.niti.dharma.samskara.samskarabhaskara-siddhesvara.1.p45.121) — Siddheśvara 1630, Sanskrit - [Vidhānapārijāta](https://indike.org/pramana/in.niti.dharma.nibandha.mahanibandha.vidhanaparijata.2.p53) — Ananta Bhaṭṭa 1600, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.46.8) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.46.8) — Basava, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.1.p82) — Nīlakaṇṭha Dīkṣita 1625, Sanskrit --- Source: [https://indike.org/pramana/in.purana.narada.1.56](https://indike.org/pramana/in.purana.narada.1.56) · Pramāṇa