[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.57 # Naradapurana 1.57 Nāradapurāṇa 1.57 - **Language:** Sanskrit ## Contents - [1.57.21](https://indike.org/pramana/in.purana.narada.1.57.21) — 1 part ### [1.57.1](https://indike.org/pramana/in.purana.narada.1.57.1) sanandana uvāca vaidikaṃ laukikaṃ cāpi chando dvividhamucyate / mātrāvarṇavibhedena taccāpi dvividhaṃ punaḥ // ### [1.57.2](https://indike.org/pramana/in.purana.narada.1.57.2) mayau rasau tajau bhanau gururlaghurapidvija / kāraṇaṃ chandasi proktāśchandaḥśāstraviśāradaiḥ // ### [1.57.3](https://indike.org/pramana/in.purana.narada.1.57.3) sarvago magaṇaḥ prokto mukhalo yagaṇaḥ smṛtaḥ / madhyalo ragaṇaśvaiva prāntyagaḥ sagaṇo mataḥ // ### [1.57.4](https://indike.org/pramana/in.purana.narada.1.57.4) tagaṇoṃ'talaghuḥ khyāto madhyago jo bhaādigaḥ / trilaghurnagaṇaḥ proktastrikā varṇagaṇā mune // ### [1.57.5](https://indike.org/pramana/in.purana.narada.1.57.5) caturlāstu gaṇāḥ pañca proktā āryādisaṃmatāḥ / saṃyogaśca visargaścānusvāro laghutaḥ paraḥ // ### [1.57.6](https://indike.org/pramana/in.purana.narada.1.57.6) laghordīrghatvamākhyāti dīrgho go lo laghurmataḥ / pādaścaturthabhāgaḥ syādvicchedoyatirucyate // ### [1.57.7](https://indike.org/pramana/in.purana.narada.1.57.7) samamarddhasamaṃ vṛttaṃ viṣamaṃ cāpi nārada / tulyalakṣaṇataḥ pādacatuṣke samamucyate // ### [1.57.8](https://indike.org/pramana/in.purana.narada.1.57.8) āditrike dvicaturthe samamarddhasamaṃ tatam / lakṣma bhinnaṃ yasya pādacatuṣke viṣamaṃ hi tat // ### [1.57.9](https://indike.org/pramana/in.purana.narada.1.57.9) ekākṣarātsamārabhya varṇaikaikasya vṛddhitaḥ / ṣaḍviṃśatyakṣaraṃ yāvatpādastāvatpṛthak pṛthak // ### [1.57.10](https://indike.org/pramana/in.purana.narada.1.57.10) tatparaṃ caṇḍavṛṣṭyādidaṇḍakāḥ parikalpitāḥ / tribhiḥ ṣaḍbhiḥ padairgāthāḥ śṛṇu saṃjñā yathottaram // ### [1.57.11](https://indike.org/pramana/in.purana.narada.1.57.11) uktātyuktā tathā madhyā pratiṣṭānyā supūrvikā / gāyatryuṣṇiganuṣṭaṣṭapca bṛhatī paṅktireva ca // ### [1.57.12](https://indike.org/pramana/in.purana.narada.1.57.12) triṣṭupca jagatī caiva tathātijagatī matā / śakkarī sātipūrvā ca aṣṭyatyaṣṭī tataḥ smṛte // ### [1.57.13](https://indike.org/pramana/in.purana.narada.1.57.13) dhṛtiśca vidhṛtiścaiva kṛtiḥ prakṛtirākṛtiḥ / vikṛtiḥ saṃkṛtiścaiva tathātikṛtirutkṛtiḥ // ### [1.57.14](https://indike.org/pramana/in.purana.narada.1.57.14) ityetāśchandasāṃ saṃjñāḥ prastārādbhedabhāgikāḥ / pāde sarvagurau pūrvīllaghuṃ sthāpya guroradhaḥ // ### [1.57.15](https://indike.org/pramana/in.purana.narada.1.57.15) yathopari tathā śeṣamagre prāravannyasedapi / eṣa prastāra udito yāvatsarvalaghurbhavet // ### [1.57.16](https://indike.org/pramana/in.purana.narada.1.57.16) naṣṭāṅkārddhe same laḥ syādvipam saiva sorddhagaḥ / uddiṣṭe dviguṇānādyādaṅgānsaṃmolya lasthitān // ### [1.57.17](https://indike.org/pramana/in.purana.narada.1.57.17) kṛtvā sekānvadaitsaṃkhyāmiti prāhuḥ purāvidaḥ / vaṇānsekānvṛttabhavānuttarādharataḥ sthitān // ### [1.57.18](https://indike.org/pramana/in.purana.narada.1.57.18) ekādikramataścaikānuparyyupari vinyaset / upāntyato nivarteta tyajannekaikamūrddhataḥ // ### [1.57.19](https://indike.org/pramana/in.purana.narada.1.57.19) uparyādyādgurorevamekadvyādilagakriyā / lagakriyāṅkasaṃdohe bhavetsaṃkhyāvimiśrite // ### [1.57.20](https://indike.org/pramana/in.purana.narada.1.57.20) uddiṣṭāṅkasamāhāraḥ saiko vā janayedimām / saṃkhyaiva dviguṇaikonā sadbhiradhvā prakīrtitaḥ // ### [1.57.21](https://indike.org/pramana/in.purana.narada.1.57.21) ityetatkiñcidākhyātaṃ lakṣaṇaṃ chandasāṃ nune / prastāroktaprabhedānāṃ nāmānāṃstyaṃ pragāhate // ### [1.57.21.p1](https://indike.org/pramana/in.purana.narada.1.57.21.p1) iti śrībṛhannāradīyapurāṇe pūrvabhāge bṛhadupākhyāne dvitīyapāde saṅkṣiptacchandovarṇanaṃ nāma saptapañcāśattamo 'dhyāyaḥ ## Linked texts (2) - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.83.26) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.83.26) — Basava, Sanskrit --- Source: [https://indike.org/pramana/in.purana.narada.1.57](https://indike.org/pramana/in.purana.narada.1.57) · Pramāṇa