[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.58 # Naradapurana 1.58 Nāradapurāṇa 1.58 - **Language:** Sanskrit ## Contents - [1.58.72](https://indike.org/pramana/in.purana.narada.1.58.72) — 1 part ### [1.58.1](https://indike.org/pramana/in.purana.narada.1.58.1) nārada uvāca anūcānaprasaṃgena vedāṅgānyakhilāni ca / śrutāni tvanmukhāṃbhojātsamāsavyāsayogataḥ // ### [1.58.2](https://indike.org/pramana/in.purana.narada.1.58.2) śukotpattiṃ samācakṣva vistareṇa mahāmate / sanandana uvāca meruśṛṅge kila purā karṇikāravanāyate // ### [1.58.3](https://indike.org/pramana/in.purana.narada.1.58.3) vijahāra mahodevo bhaumaibhūtagaṇaivṛtaḥ / śailarājasutā caiva devī tatrābhavatpurā // ### [1.58.4](https://indike.org/pramana/in.purana.narada.1.58.4) tatra divyaṃ tapastepe kṛṣṇadvaipāyanaḥ prabhuḥ / yogenātmānamāviśya yogadharmaparāyaṇaḥ // ### [1.58.5](https://indike.org/pramana/in.purana.narada.1.58.5) dhārayansa tapastepe putrārthaṃ sunisaṃttamaḥ / agnerbhūmestathā vāyorantarikṣasya cābhitaḥ // ### [1.58.6](https://indike.org/pramana/in.purana.narada.1.58.6) vīryeṇa saṃmataḥ putro mama bhūyāditi sma ha / saṃkalpenātha so 'nena duṣprāpamakagṛtātmabhiḥ // ### [1.58.7](https://indike.org/pramana/in.purana.narada.1.58.7) varayāmāsa deveśamāsthitastapa uttamam / atiṣṭanmārutāhāraḥ śataṃ kila samāḥ prabhuḥ // ### [1.58.8](https://indike.org/pramana/in.purana.narada.1.58.8) ārādhayanmahādevaṃ bahurūpamumāpatim / tatra brahmarṣayaścaiva sarve devarṣayastathā // ### [1.58.9](https://indike.org/pramana/in.purana.narada.1.58.9) lokapālāśca sādhyāśca vasubhiścāṣṭabhiḥ saha / ādityāścaiva rudrāśca divākaraniśākarau // ### [1.58.10](https://indike.org/pramana/in.purana.narada.1.58.10) viśvā vasuśca gandharvaḥ siddhāścāpsarāsāṃgaṇāḥ / tatra rudro mahādevaḥ karṇikāramayīṃ śubhām // ### [1.58.11](https://indike.org/pramana/in.purana.narada.1.58.11) dhārayānaḥ srajaṃ bhāti śāradīva niśākaraḥ / tasnin divye vane ramye devadevarṣisaṃkule // ### [1.58.12](https://indike.org/pramana/in.purana.narada.1.58.12) āsthitaḥ paramaṃ yogaṃ vyāsaḥ putrārthamudyataḥ / na cāsya hīyate varṇo na glānirupajāyate // ### [1.58.13](https://indike.org/pramana/in.purana.narada.1.58.13) trayāṇāmapilokānāṃ tadadbhutamivābhavat / jaṭāśca tejasā tasya vaiśvānaraśikhopamāḥ // ### [1.58.14](https://indike.org/pramana/in.purana.narada.1.58.14) prajvalantyaḥ sma dṛśyante yuktasyāmitatejasaḥ / evaṃ vidhena tapasā tasya bhaktyā ca nārada // ### [1.58.15](https://indike.org/pramana/in.purana.narada.1.58.15) maheśvaraḥ prasannātmā cakāra manasā matim / uvāca cainaṃ bhagavāṃstryaṃbakaḥ prahasanniva // ### [1.58.16](https://indike.org/pramana/in.purana.narada.1.58.16) yathā hyagniyathā vāyuryathā bhūmiryathā jalam / yathā khe ca tathā śuddho bhaviṣyati sutastaṃva // ### [1.58.17](https://indike.org/pramana/in.purana.narada.1.58.17) tadbhāvabhāgī tadbuddhistadātmā tadupāśrayaḥ / tejasā tasya lokāṃstrīnyaśaḥ prāpsyati kevalam // ### [1.58.18](https://indike.org/pramana/in.purana.narada.1.58.18) evaṃ labdhvā varaṃ devo vyāsaḥ satyavatīsutaḥ / araṇiṃ tvatha saṃgṛhya mamanthāgnicikīrṣayā // ### [1.58.19](https://indike.org/pramana/in.purana.narada.1.58.19) atha rūpaṃ paraṃ vipra bibhratīṃ svena tejasā / ghṛtācīṃ nāmāpsarasaṃ dadarśa bhagavānnṛṣiḥ // ### [1.58.20](https://indike.org/pramana/in.purana.narada.1.58.20) sa tāmapsarasaṃ dṛṣṭvā sahasā kāmamohitaḥ / abhavadbhagavānvyāso vane tasminmunīśvara // ### [1.58.21](https://indike.org/pramana/in.purana.narada.1.58.21) sā tu kṛtvā tadā vyāsaṃ kāmasaṃvignamānasam / śukībhūyā mahāramyā ghṛtācī samupāgamat // ### [1.58.22](https://indike.org/pramana/in.purana.narada.1.58.22) sa tāmapsarasaṃ dṛṣṭvā rūpeṇānyenasaṃvṛtām / smararājenānugataḥ sarvagātrātigena ha // ### [1.58.23](https://indike.org/pramana/in.purana.narada.1.58.23) sa tu mahatā nigṛhṇan hṛcchayaṃ muniḥ / na śaśāka niyantuṃ taṃ vyāsaḥ pravisṛtaṃ manaḥ // ### [1.58.24](https://indike.org/pramana/in.purana.narada.1.58.24) bhāvitvāñcaiva bhāvyasya ghṛtācyā vapuṣā / hṛtam yatnānniyacchataścāpi mune etañcikīrṣayā // ### [1.58.25](https://indike.org/pramana/in.purana.narada.1.58.25) araṇyāmeva sahasā tasya śukramavāpatat / śukre nirmathyamāne 'syāṃ śuko jajñe mahātapāḥ // ### [1.58.26](https://indike.org/pramana/in.purana.narada.1.58.26) paramarṣirmahāyogī araṇīgarbhasaṃbhavaḥ / yathaiva hi samiddho 'gnirbhāti havyamupāttavān // ### [1.58.27](https://indike.org/pramana/in.purana.narada.1.58.27) tathā rūpaḥ śuko jajñe prajvalanniva tejasā / bibhrañcitraṃ ca viprendra rūpavarṇamanuttamam // ### [1.58.28](https://indike.org/pramana/in.purana.narada.1.58.28) taṃ gaṅgāṃ saritāṃ śreṣṭhāṃ merupṛṣṭhe svarūpiṇīm / abhyetya snāpayāmāsa vāriṇā svena nārada // ### [1.58.29](https://indike.org/pramana/in.purana.narada.1.58.29) kṛṣṇājinaṃ cāntarikṣācchukārthe bhuvyavāpatat / jagīyanta ca gandharvā nanṛtuñcāpsarogaṇāḥ // ### [1.58.30](https://indike.org/pramana/in.purana.narada.1.58.30) devadundubhayaścaiva prāvādyanta mahāsvanāḥ / viśvāvasuśca gandharvastathā tuṃburunāradau // ### [1.58.31](https://indike.org/pramana/in.purana.narada.1.58.31) hāhāhūhūśca gandharvauṃ tuṣṭuvuḥ śukasaṃbhavam / tatra śakrapurogāśca lokapālāḥ samāgatāḥ // ### [1.58.32](https://indike.org/pramana/in.purana.narada.1.58.32) devā devarṣathayaścaṭaiva tathā brahmarṣayo 'pi ca / divyāni sarvapuṣpāṇi pravavarṣa ca mārutaḥ // ### [1.58.33](https://indike.org/pramana/in.purana.narada.1.58.33) jaṅgamaṃ sthāvaraṃ caiva prahṛṣṭamabhavajjagat / taṃ mahātmā svayaṃ prītyā devyā saha mahādyutiḥ // ### [1.58.34](https://indike.org/pramana/in.purana.narada.1.58.34) jātamātraṃ muneḥ putraṃ vidhinopānayattadā / tasya deveśvaraḥ śakto divyamadbhutadarśanam // ### [1.58.35](https://indike.org/pramana/in.purana.narada.1.58.35) dadau kamaṇḍaluṃ prītyā devā vāsāṃsi cābhitaḥ / haṃsāśca śatapatrāśca sārasāśca sahasraśaḥ // ### [1.58.36](https://indike.org/pramana/in.purana.narada.1.58.36) pradakṣiṇamavartanta śukāścāṣāśca nārada / āraṇe yastadā divyaṃ prāpya janma mahāmuniḥ // ### [1.58.37](https://indike.org/pramana/in.purana.narada.1.58.37) tatraivovāsa medhāvī vratacārī samāhitaḥ / utpannamātraṃ taṃ vedāḥ sarahasyāḥ sasaṃgrahāḥ // ### [1.58.38](https://indike.org/pramana/in.purana.narada.1.58.38) upatasthurmuniśreṣṭhaṃ yathāsya pitaraṃ tathā / bṛhaspatiṃ sa vavre ca vedavedāṅgabhāṣyavit // ### [1.58.39](https://indike.org/pramana/in.purana.narada.1.58.39) upādhyāyaṃ dvijaśreṣṭha dharmamevānucintayan / so 'dhītya vedānakhilānsarahasyānsasaṃgrahān // ### [1.58.40](https://indike.org/pramana/in.purana.narada.1.58.40) itihāsaṃ ca kārtsnyena vedaśāstrāṇi cābhitaḥ / gurave dakṣiṇāṃ dattvā samāvṛtto mahāmuniḥ // ### [1.58.41](https://indike.org/pramana/in.purana.narada.1.58.41) ugraṃ tapaḥ samārebhe brahmacārī samāhitāḥ / devatānāmṛṣīṇāṃ ca bālye 'pi sumahātapāḥ // ### [1.58.42](https://indike.org/pramana/in.purana.narada.1.58.42) saṃmatraṇīyo janyaśca jñānena tapasā tathā / na tvasya ramate buddhi rāśrameṣu munīśvara // ### [1.58.43](https://indike.org/pramana/in.purana.narada.1.58.43) triṣu gārhasthyamūleṣu mokṣadharmānudarśinaḥ / sa mokṣamanucintyaiva śukaḥ pitaramabhyagāt // ### [1.58.44](https://indike.org/pramana/in.purana.narada.1.58.44) prāhābhivādya ca tadā śreyor'thī vinayānvitaḥ / mokṣadharmeṣu kuśalo bhagavān prabravītu me // ### [1.58.45](https://indike.org/pramana/in.purana.narada.1.58.45) yathaiva manasaḥ śāntiḥ paramā saṃbhavenmune / śṛtvā putrasya vacanaṃ paramarṣiruvāca tam // ### [1.58.46](https://indike.org/pramana/in.purana.narada.1.58.46) adhīṣva mokṣaśāstraṃ vai dharmāṃśca vividhānapi / piturnideśājjagrāha śuko brahmavidāṃ varaḥ // ### [1.58.47](https://indike.org/pramana/in.purana.narada.1.58.47) yogaśāstraṃ ca nikhilaṃ kāpilaṃ caiva nārada / śataṃ brāhmyā śriyā yuktaṃ brahmatulyaparākramam // ### [1.58.48](https://indike.org/pramana/in.purana.narada.1.58.48) mene putraṃ yathā vyāso mokṣaśāstraviśāradam / uvāca gaccheti tadā janakaṃ mithileśvaram // ### [1.58.49](https://indike.org/pramana/in.purana.narada.1.58.49) sa te vakṣyati mokṣārthaṃ nikhilena narādhipaḥ / piturniyogādagamajjanakaṃ methakhilaṃ nṛpam // ### [1.58.50](https://indike.org/pramana/in.purana.narada.1.58.50) praṣṭuṃ dharmasya niṣṭāṃ vai mokṣasya ca parāyaṇam / uktaśca mānuṣeṇa tvaṃ tathā gacchetyavismitaḥ // ### [1.58.51](https://indike.org/pramana/in.purana.narada.1.58.51) na prabhāveṇa gantavyamantarikṣacareṇa vai / ārjavenaiva gantavyaṃ na sukhāya kṣaṇāttvayā // ### [1.58.52](https://indike.org/pramana/in.purana.narada.1.58.52) na draṣṭavyā viśeṣā hi viśeṣā hi prasaṃginaḥ / ahṝṅkāro na kartavyo yājye tasminnarādhipe // ### [1.58.53](https://indike.org/pramana/in.purana.narada.1.58.53) sthātavyaṃ vasathe tasya sa te chetsyati saṃśayam / sa dharmakuśalo rājā mokṣaśāstraviśāradaḥ // ### [1.58.54](https://indike.org/pramana/in.purana.narada.1.58.54) yathā yathā ca te brūyāttatkāryamaviśaṅkayā / evamuktaḥ sa dharmātmā jagāma mithilāṃ muniḥ // ### [1.58.55](https://indike.org/pramana/in.purana.narada.1.58.55) pabhdyāṃ śaktontarikṣeṇa krāntuṃ bhūmiṃ sasāgarām / sagirīṃ ścāpyatikramya bhārataṃ varṣamāsadat // ### [1.58.56](https://indike.org/pramana/in.purana.narada.1.58.56) sa deśānvividhānsphītānatikramya mahāmuniḥ / videhānvai samāsādya janakena samāgamat // ### [1.58.57](https://indike.org/pramana/in.purana.narada.1.58.57) rājadvāraṃ samāsādya dvārapālairnivāritaḥ //ṭa tasthau tatra mahāyogī kṣutpipāsādivarjitaḥ // ### [1.58.58](https://indike.org/pramana/in.purana.narada.1.58.58) ātape glānirahito dhyānayuktaśca nārada / teṣāṃ tu dvārapālānāmekastatra vyavasthitaḥ // ### [1.58.59](https://indike.org/pramana/in.purana.narada.1.58.59) madhyaṅgatamivādityaṃ dṛṣṭvā śukamavasthitam / jūjayitvā yathānyāyamabhivādya kṛtāñjaliḥ // ### [1.58.60](https://indike.org/pramana/in.purana.narada.1.58.60) prāveśayattataḥ kakṣaāṃ dvitīyāṃ rājaveśmanaḥ / tatrāntaḥpurasaṃbaddhaṃ mahaccaitragthopamam // ### [1.58.61](https://indike.org/pramana/in.purana.narada.1.58.61) suvibhaktajalākrīḍaṃ ramyaṃ puṣpitapādapam / darśayitvāsane sthāpya rājānaṃ ca vyajijñapat // ### [1.58.62](https://indike.org/pramana/in.purana.narada.1.58.62) śrutvā rājā śukaṃ prāptaṃ vārastrīḥ sa nyayuṅkta ca / sevāyai tasya bhāvasya jñānāya munisatama // ### [1.58.63](https://indike.org/pramana/in.purana.narada.1.58.63) taṃ cārukeśyaḥ śuśreṇyastaruṇyaḥ priyadarśanāḥ / sūkṣmaraktāṃbaradharāstaptakāñcanabhūṣaṇāḥ // ### [1.58.64](https://indike.org/pramana/in.purana.narada.1.58.64) saṃlāpālāpakuśālā bhāvajñāḥ sarvakovidāḥ / paraṃ pañcāśatastasya pādyādīni vyakalpayan // ### [1.58.65](https://indike.org/pramana/in.purana.narada.1.58.65) deśa kālopapannena sādhvannenāpyatarpayan / tasya bhuktavatastāta tāstataḥ purakānanam // ### [1.58.66](https://indike.org/pramana/in.purana.narada.1.58.66) suramyaṃ darśayāmāsurekaikatvena nārada / krīḍantyaśca hasaṃtyaśca gāyantyaścaiva tāḥ śukam // ### [1.58.67](https://indike.org/pramana/in.purana.narada.1.58.67) udārasatvaṃ satvajñāḥsarvāḥ paryyacaraṃstadā / āraṇeyastu śuddhātmā jitakrodho jitendriyaḥ // ### [1.58.68](https://indike.org/pramana/in.purana.narada.1.58.68) dhyānastha eva satataṃ na hṛṣyati na kupyati / pādaśaucaṃ tu kṛtvā vai śukaḥ saṃdhyāmupāsya ca // ### [1.58.69](https://indike.org/pramana/in.purana.narada.1.58.69) niṣasādāsane puṇye tamevārthaṃ vyacintayat / pūrvarātre tu tatrāsau bhūtvā dhyānaparāyaṇaḥ // ### [1.58.70](https://indike.org/pramana/in.purana.narada.1.58.70) madhyarātre yathānyāyyaṃ nidrāmāhārayatprabhuḥ / tataḥ prātaḥ samutthāya kṛtvā śaucamanantaram // ### [1.58.71](https://indike.org/pramana/in.purana.narada.1.58.71) strībhiḥ parivṛtto dhīmāndhyānamevānvapadyata / anena vidhinā tatra tadahaḥśeṣamapyuta // ### [1.58.72](https://indike.org/pramana/in.purana.narada.1.58.72) tāṃ ca rātriṃ nṛpakule vartayāmāsa nārada // ### [1.58.72.p1](https://indike.org/pramana/in.purana.narada.1.58.72.p1) iti śrībṛhannāradīyapurāṇe pūrvabhāge bṛhadupākhyāne dvitīyabhāge śukapralobhanaṃ nāmāṣṭañcāśattamo 'dhyāyaḥ ## Linked texts (4) - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.12.323.11) — Sanskrit - [Devībhāgavatapurāṇa](https://indike.org/pramana/in.purana.upa.sakta.devibhagavata.1.10.6) — Sanskrit - [Devīrahasya](https://indike.org/pramana/in.sampradaya.saiva.agama.rudra.devirahasya.2.10) — Sanskrit - [Āryacarita](https://indike.org/pramana/in.lit.short_stories.aryacarita.100.3) — Sanskrit --- Source: [https://indike.org/pramana/in.purana.narada.1.58](https://indike.org/pramana/in.purana.narada.1.58) · Pramāṇa