[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.5 # Naradapurana 1.5 Nāradapurāṇa 1.5 - **Language:** Sanskrit ## Contents - [1.5.83](https://indike.org/pramana/in.purana.narada.1.5.83) — 1 part ### [1.5.1](https://indike.org/pramana/in.purana.narada.1.5.1) nārada uvāca brahmankathaṃ sa bhagavānmṛkaṇḍoḥ putratāṃ gataḥ / kiṃ cakāra ca tadbruhi harirbhārgavavaṃśajaḥ // ### [1.5.2](https://indike.org/pramana/in.purana.narada.1.5.2) śrūyate capurāṇeṣu mārkaṇḍeyo mahāmuniḥ / apaśyadvaiṣṇavīṃ māyāṃ cirañjīvyasya saṃplave // ### [1.5.3](https://indike.org/pramana/in.purana.narada.1.5.3) sanaka uvāca śruṇu nārada vakṣaayāmi kathāmetāṃ sanātanīm / viṣṇubhaktisamāyuktāṃ mārkuṇḍeyamuniṃ prati // ### [1.5.4](https://indike.org/pramana/in.purana.narada.1.5.4) tapaso 'nte mṛkaṇḍuste mṛkaṇḍustu bhāryāmudūhya sattamaḥ / gārhasthyamakaroddhṛṣṭaḥ śānto dāntaḥ kṛtārthakaḥ // ### [1.5.5](https://indike.org/pramana/in.purana.narada.1.5.5) tasya bhāryā śucirdakṣā nityaṃ patiparāyaṇā / manasā vacasā cāpi dehena ca pativratā // ### [1.5.6](https://indike.org/pramana/in.purana.narada.1.5.6) kāle dadhāra sā garbhaṃ haritejoṃśasaṃbhavam / ruṣuve daśamāsānte putraṃ tejasvināṃ param // ### [1.5.7](https://indike.org/pramana/in.purana.narada.1.5.7) sa ṛṣiḥ paramaprīto dṛṣṭvā putraṃ sulakṣaṇam / jātakaṃ kārayāmāsa maṅgalaṃ vidhipūrvakam // ### [1.5.8](https://indike.org/pramana/in.purana.narada.1.5.8) sa bālo vavṛdhe tatra śuklapakṣa ivīḍupaḥ / tatastu pañcame varṣe upanīya mudānvitaḥ // ### [1.5.9](https://indike.org/pramana/in.purana.narada.1.5.9) śikṣāṃ cakāra viprendra vaidikīṃ dharmasaṃhitām / namaskāryā dvijāḥ putra sadādṛṣṭā vidhānataḥ // ### [1.5.10](https://indike.org/pramana/in.purana.narada.1.5.10) trikālaṃ sūryamabhyarcya salilāñcalidānataḥ / vaidikaṃ karma tartavyaṃ vedādhyayanapūrvakam // ### [1.5.11](https://indike.org/pramana/in.purana.narada.1.5.11) brahmacaryeṇa tapasā pūjanīyo hariḥ sadā / niṣiddhaṃ varjanīyaṃ syādṛṣṭasaṃbhāṣaṇādikam // ### [1.5.12](https://indike.org/pramana/in.purana.narada.1.5.12) sādhubhiḥ saha vastavyaṃ viṣṇubhaktiparaiḥ sadā / na dveṣaḥ kasyacitkāryaḥ sarveṣāṃ hitamācaret // ### [1.5.13](https://indike.org/pramana/in.purana.narada.1.5.13) ijyādhyaṃyanadānāni sadā kāryāṇi te suta / evaṃ pitrā samādiṣṭo mārkaṇḍeyo munīśvaraḥ // ### [1.5.14](https://indike.org/pramana/in.purana.narada.1.5.14) cacāra dharmaṃ satataṃ sadā saṃcintayanharim / mārkaṇḍeyo mahābhāgo dayāvāndharmavatsalaḥ // ### [1.5.15](https://indike.org/pramana/in.purana.narada.1.5.15) ātmavānsatyasandhaśca mārtaṇḍasadṛśaprabhaḥ / vaśīṃ śānto mahājñānī sarvatattvārthakovidaḥ // ### [1.5.16](https://indike.org/pramana/in.purana.narada.1.5.16) tapaścacāraṃ mahāmacyutaprītikāraṇam / ārādhito jagannātho mākraṇḍeyena dhīmatā // ### [1.5.17](https://indike.org/pramana/in.purana.narada.1.5.17) purāṇasaṃhitāṃ karttudattavānvaramacyutaḥ / mārkaṇḍeyo muni tapaścacāraṃ paramamacyutaprītikāraṇam / mārkaṇḍeyo munistasmānnārāyaṇa iti smṛtaḥ // ### [1.5.18](https://indike.org/pramana/in.purana.narada.1.5.18) cirajīvī mahābhakto devadevasya cakriṇaḥ / jagatyekārṇavībhūte svaprabhāvaṃ janārddanaḥ // ### [1.5.19](https://indike.org/pramana/in.purana.narada.1.5.19) tasya darśayituṃ vigrāstaṃ na saṃhṛtavānhariḥ / mṛkaṇḍutanayo dhīmānviṣṇubhaktisamanvitaḥ // ### [1.5.20](https://indike.org/pramana/in.purana.narada.1.5.20) tasmiñjale mahāghore sthitavāñchīrṇapatravat / mārkaṇḍeyaḥ sthitastāvadyāvacchete hariḥ svayam // ### [1.5.21](https://indike.org/pramana/in.purana.narada.1.5.21) tasya pramāṇaṃ vakṣyāmi kālasya vadataḥ śruṇu / daśabhiḥ pañcabhiścaiva nimeṣaiḥ parikīrtitā // ### [1.5.22](https://indike.org/pramana/in.purana.narada.1.5.22) kāṣṭātatriṃśato jñeyā kalā pahmajanandana / tatriṃśato kṣaṇo jñeyastaiḥ paṅbharghaṭikā smṛtā // ### [1.5.23](https://indike.org/pramana/in.purana.narada.1.5.23) tadvayena muhūrttaṃ syāddinaṃ tatriṃśatā bhavet / triṃśaddinerbhavenyāsaḥ pakṣadvitayasaṃyutaḥ // ### [1.5.24](https://indike.org/pramana/in.purana.narada.1.5.24) ṛturmāsadvayena syāttatrayeṇāyanaṃ smṛtam / taddayena bhavedabdaḥ sa devānāṃ dinaṃ bhavet // ### [1.5.25](https://indike.org/pramana/in.purana.narada.1.5.25) uttaraṃ divasaṃ prāhū rātrirvai dakṣiṇāyanam / mānuṣeṇaiva māsena pitṝṇāṃ dinamucyate // ### [1.5.26](https://indike.org/pramana/in.purana.narada.1.5.26) tasmātsuryendusaṃyoge jñātavyaṃ kalpamuttamam / divyairvarṣasahasrairdvādaśabhirdaivataṃ yugam // ### [1.5.27](https://indike.org/pramana/in.purana.narada.1.5.27) daive yugasahasre dve brāhmaḥ kalpau tu tau nṛṇām / ekasatpatisaṃkhyātairdivyairmanvantaraṃ yugaiḥ // ### [1.5.28](https://indike.org/pramana/in.purana.narada.1.5.28) caturddaśabhiretaiśca brahmaṇo divasaṃmune / yāvatpramāṇaṃ divasaṃ tāvadrātriḥ prakīrtitā // ### [1.5.29](https://indike.org/pramana/in.purana.narada.1.5.29) nāśamāyāti viprendra tasminkāle jagannayam / manuṣeṇa sahasreṇa yatpramāṇaṃ bhavecchṛṇu // ### [1.5.30](https://indike.org/pramana/in.purana.narada.1.5.30) caturyugasahasrāṇi brahmaṇo divasaṃ mune / tadvanmāso vatsaraśca jñeyastasyāpi vedhasaḥ // ### [1.5.31](https://indike.org/pramana/in.purana.narada.1.5.31) parārddhadvayakālastu tanmatena bhavedvijāḥ / viṣṇorahastu vijñeyaṃ tāvadrātriḥ prakīrtitā // ### [1.5.32](https://indike.org/pramana/in.purana.narada.1.5.32) mṛkaṇḍutanayastāvatsthitaḥ saṃjīrṇaparṇavat / tasminghore jalamaye viṣṇuśaktyupabṛṃhitaḥ / ātmānaṃ paramaṃ dhyāyansthitavānharisānnidhau // ### [1.5.33](https://indike.org/pramana/in.purana.narada.1.5.33) atha kāle samāyāte yoganidrāvimocitaḥ / sṛṣṭavānbrahmarupeṇa jagadetaccarācaram // ### [1.5.34](https://indike.org/pramana/in.purana.narada.1.5.34) saṃhṛtaṃ tu jalaṃ vīkṣya sṛṣṭaṃ viśvaṃ mṛkaṇḍujaḥ / vismitaḥ paramaprīto vavande caraṇau hareḥ // ### [1.5.35](https://indike.org/pramana/in.purana.narada.1.5.35) śirasyañjalimādhāya mārkaṇḍeyo mahāmuniḥ / tuṣṭāva vāgbhiriṣṭābhiḥ sadānandaikavigraham // ### [1.5.36](https://indike.org/pramana/in.purana.narada.1.5.36) mārkaṇḍeya uvāca sahasraśirasaṃ devaṃ nārāyaṇamanāmayam / vāsudevamanādhāraṃ praṇato 'smijanārdanam // ### [1.5.37](https://indike.org/pramana/in.purana.narada.1.5.37) ameyamajaraṃ nityaṃ sadānandaikavigraham / apratarkyamanirdeśyaṃ praṇato 'smi janārddanam // ### [1.5.38](https://indike.org/pramana/in.purana.narada.1.5.38) akṣaraṃ paramaṃ nityaṃ viśākṣaṃ viśvasambhavam / sarvatattvamayaṃ śāntaṃ praṇato 'smi janārddanam // ### [1.5.39](https://indike.org/pramana/in.purana.narada.1.5.39) purāṇaṃ puruṣaṃ siddhaṃ sarvajñānaikabhājanam / parātparataraṃ rupaṃ praṇato 'smi janārddanam // ### [1.5.40](https://indike.org/pramana/in.purana.narada.1.5.40) parañjyotiḥ paraṃ dhāma pavitraṃ paramaṃ padam / sarvaikarupaṃ paramaṃ praṇato 'smi janārddanamam // ### [1.5.41](https://indike.org/pramana/in.purana.narada.1.5.41) taṃ sadānandacinmātraṃ parāṇāṃ paramaṃ padam / sarvaṃ sanātanaṃ śreṣṭhaṃ praṇato 'smi janārddanam // ### [1.5.42](https://indike.org/pramana/in.purana.narada.1.5.42) saguṇaṃ nirguṇaṃ śāntaṃ māyātītaṃ sumāyinam / arupaṃ bahurupaṃ taṃ praṇato 'smi janārddanam // ### [1.5.43](https://indike.org/pramana/in.purana.narada.1.5.43) yatratadbhagavānviśvaṃ sṛjatyavatti hanti ca / tamādidevamīśānaṃ praṇato 'smi janārddanam // ### [1.5.44](https://indike.org/pramana/in.purana.narada.1.5.44) pareśa paramānanda śaraṇāgatavatsala / trāhi māṃ karuṇāsindho manotīti namo 'stute // ### [1.5.45](https://indike.org/pramana/in.purana.narada.1.5.45) evaṃ stavantaṃ viprendraṃ mārkaṇḍeyajagadgurum / uvāca parayā prītyā śaṅkhacakragadādharaḥ // ### [1.5.46](https://indike.org/pramana/in.purana.narada.1.5.46) śrībhagavānuvāca loke bhāgavatā ye ca bhagavadbhaktamānasāḥ / teṣāṃ tuṣṭo na sandeho rakṣāmyetāṃśca sarvadā // ### [1.5.47](https://indike.org/pramana/in.purana.narada.1.5.47) ahameva dvijaśreṣṭha nityaṃ pracchannavigrahaḥ / bhagavadbhaktarupeṇa lokākrakṣāmi sarvadā // ### [1.5.48](https://indike.org/pramana/in.purana.narada.1.5.48) mārkaṇḍeya uvāca kiṃlakṣaṇā bhāgavatā jāyante kena karṃmaṇā / etadicchāmyadaṃ śrotuṃ kautuhalaparo yataḥ // ### [1.5.49](https://indike.org/pramana/in.purana.narada.1.5.49) śrībhagavānuvācā lakṣaṇaṃ bhāgavatānāṃ śruṇuṣva munisattam / vaktuṃ teṣāṃ prabhāvaṃ hi śakyate nābdakoṭibhiḥ // ### [1.5.50](https://indike.org/pramana/in.purana.narada.1.5.50) yo hitāḥ sarvajantūnāṃ gatāsūyā aamatsarā / viśino nispṛhāḥ śāntāste vai bhāgavatottamāḥ // ### [1.5.51](https://indike.org/pramana/in.purana.narada.1.5.51) karṃmaṇā manasā vācā parapīḍāṃ na kurvate / aparigrahaśīlāśca te vai bhāgavatāḥ smṛtāḥ // ### [1.5.52](https://indike.org/pramana/in.purana.narada.1.5.52) satkathāśravaṇe yeṣāṃ vartate sāttvikī matiḥ / tadbhaktaviṣṇubhaktāśca te vai bhāgavatottamāḥ // ### [1.5.53](https://indike.org/pramana/in.purana.narada.1.5.53) mātāpitrośca śuśruṣāṃ kurvanti ye narottamāḥ / gaṅgāviśveśvaradhiyā te vai bhāgavatottamāḥ // ### [1.5.54](https://indike.org/pramana/in.purana.narada.1.5.54) ye tu devārccanaratā ye tu tatsādhakāḥ smṛtāḥ / pūjāṃ dṛṣṭvānumodante te vai bhāgavatottamāḥ // ### [1.5.55](https://indike.org/pramana/in.purana.narada.1.5.55) vratināṃ ca yatīnāṃ ca paricaryāparāśaaca ye / viyuktaparanindāśca te va bhāgavatottamāḥ // ### [1.5.56](https://indike.org/pramana/in.purana.narada.1.5.56) sarveṣāṃ hitavākyāni ye vadanti narottamāḥ / ye guṇagrāhiṇo loke te vai bhāgavatāḥ smṛtāḥ // ### [1.5.57](https://indike.org/pramana/in.purana.narada.1.5.57) ātmavatsarvabhūtāni ye paśyanti narottamāḥ / tulyāḥ śatruṣu mitreṣu te vai bhāgavatottamāḥ // ### [1.5.58](https://indike.org/pramana/in.purana.narada.1.5.58) dharṃmaśāstrapravaktāraḥ satyavākyaratāśca ye / satāṃ śuśrūṣavo ye ca te vai bhāgavatottamāḥ // ### [1.5.59](https://indike.org/pramana/in.purana.narada.1.5.59) vyākurvate purāṇāni tāni śṛṇvanti ye tathā / tadvaktari ca bhaktā ye te vai bhāgavatottamāḥ // ### [1.5.60](https://indike.org/pramana/in.purana.narada.1.5.60) ye gobrāhmaṇaśuśrūṣaāṃ kurvate satataṃ narāḥ / tīrthayātrāparā ye ca te vai bhāgavatottamāḥ // ### [1.5.61](https://indike.org/pramana/in.purana.narada.1.5.61) anyeṣāmudayaṃ dṛṣṭvā ye 'bhinavandanti mānavāḥ / harināmaparā ye ca te vai bhāgavatottamāḥ // ### [1.5.62](https://indike.org/pramana/in.purana.narada.1.5.62) ārāmāropaṇaratāstaḍāparirakṣakāḥ / kāsārakūpakarttāraste vai bhāgavatottamāḥ // ### [1.5.63](https://indike.org/pramana/in.purana.narada.1.5.63) ye vai taḍāgakarttāro devasahmāni kurvate / goyatrīniratā ye ca te vai bhāgavatottamāḥ // ### [1.5.64](https://indike.org/pramana/in.purana.narada.1.5.64) ye 'bhinandanti nāmāni hareḥ śrutvātiharṣitāḥ / romāñcitaśarīrāśca te vai bhāgavatottamāḥ // ### [1.5.65](https://indike.org/pramana/in.purana.narada.1.5.65) tulasīkāvanaṃ dṛṣṭvā ye namaskurvate narāḥ / tatkāṣṭāṅkitakarṇā ye te vai bhāgavatottamāḥ // ### [1.5.66](https://indike.org/pramana/in.purana.narada.1.5.66) tulasīgandhamāghrāya santoṣaṃ kurvate tu ye / tanmūlamṛttikāṃ ye ca te vai bhāgavatottamāḥ // ### [1.5.67](https://indike.org/pramana/in.purana.narada.1.5.67) āśramācācaraniratāstathaivātithipūjakāḥ / ye ca vedārthavaktāraste vai bhāgavatottamāḥ // ### [1.5.68](https://indike.org/pramana/in.purana.narada.1.5.68) śivāpriyāḥ śivāsaktāḥ śivapādārccane ratāḥ / tripuṇḍradhāriṇo ye ca te vai bhāgavatottamāḥ // ### [1.5.69](https://indike.org/pramana/in.purana.narada.1.5.69) vyāharanti ca nāmāni hareḥ śambhormahātmanaḥ / rudrākṣālaṅkṛtā ye ca te vai bhāgavatottamāḥ // ### [1.5.70](https://indike.org/pramana/in.purana.narada.1.5.70) ye yajanti mahādevaṃ ṛtubhirbahudakṣiṇaiḥ / hariṃ vā parayā bhaktyā te vai bhāgavatottamāḥ // ### [1.5.71](https://indike.org/pramana/in.purana.narada.1.5.71) viditāni ca śāstrāṇi parārthaṃ gravadanti ye / sarvatra guṇabhājo ye te vai bhāgavatāḥ smṛtāḥ // ### [1.5.72](https://indike.org/pramana/in.purana.narada.1.5.72) śive ca parameśe ca viṣṇau ca paramātmani / samabuddhyā pravarttante te vai bhāgavatāḥ smṛtāḥ // ### [1.5.73](https://indike.org/pramana/in.purana.narada.1.5.73) śivāgrikāryaniratāḥ pañcākṣarajape ratāḥ / śivadhyānaratā ye ca te vai bhāgavatottamāḥ // ### [1.5.74](https://indike.org/pramana/in.purana.narada.1.5.74) pānīyadānaniratā ye 'nnadānaratāstathā / ekādarśīvrataratā vai bhāgavatottamāḥ // ### [1.5.75](https://indike.org/pramana/in.purana.narada.1.5.75) godānaniratā ye ca kanyādānaratāśca ye / madarthaṃ karṃmakarttāraste vai bhāgavatottamāḥ // ### [1.5.76](https://indike.org/pramana/in.purana.narada.1.5.76) ete bhāgavatā vipra kecidatra prakīrtitāḥ / mayāpi gadituṃ śakyā nābdakoṭiśatairapi // ### [1.5.77](https://indike.org/pramana/in.purana.narada.1.5.77) tasmāttvamapi viprendra suśīlo bhava sarvadā / sarvabhūtāśrayo dānto metro dharṃmaparāyaṇaḥ // ### [1.5.78](https://indike.org/pramana/in.purana.narada.1.5.78) punaryugāntaparyyantaṃ dharṃmaṃ sarvaṃ samācaran / manmūrttidhyānanirataḥ paraṃ nirvāṇamāpsyasi // ### [1.5.79](https://indike.org/pramana/in.purana.narada.1.5.79) evaṃ mṛkaṇḍuputrasya svabhaktasya kṛpānidhiḥ / dattvā varaṃ sa deveśastatraivāntaradhīyata // ### [1.5.80](https://indike.org/pramana/in.purana.narada.1.5.80) mārkaṇḍeyo mahābhāgo haribhaktirataḥ sadā / cacāra paramaṃ dharmamīje ca vidhivanmakhaiḥ // ### [1.5.81](https://indike.org/pramana/in.purana.narada.1.5.81) śālaprāme mahākṣetre tatāpa paramaṃ tapaḥ / dhyānakṣapitakarmā tu paraṃ nirvāṇamātpavān // ### [1.5.82](https://indike.org/pramana/in.purana.narada.1.5.82) tasmājjantuṣu sarveṣu hitakṛddharipūjakaḥ / īpsivaṃ manasā yadyanattadānprotyasaṃśayam // ### [1.5.83](https://indike.org/pramana/in.purana.narada.1.5.83) sanaka uvāca etatsarvaṃ nigaditaṃ tvayā pṛṣṭaṃ dvijottama / bhagavadbhakti māhātmyaṃ kimanyacchrotumicchasi // ### [1.5.83.p1](https://indike.org/pramana/in.purana.narada.1.5.83.p1) iti śrībṛhannāradīyapurāṇe pūrvabhāge prathamapāde mārkaṇḍeyavarṇanaṃ nāma pañcamo 'dhyāyaḥ ## Linked texts (4) - [Haribhaktivilāsa](https://indike.org/pramana/in.sampradaya.vaisnava.gaudiya.acara.haribhaktivilasa.10.40) — Gopāla Bhaṭṭa Gosvāmin & Sanātana Gosvāmin 1535, Sanskrit - [Nāradopapurāṇa](https://indike.org/pramana/in.purana.upa.vaisnava.naradopapurana.5.1) — Sanskrit - [Bṛhannāradapurāṇa](https://indike.org/pramana/in.purana.upa.vaisnava.brhannaradapurana.5.2) — Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.5.3) — Sanskrit --- Source: [https://indike.org/pramana/in.purana.narada.1.5](https://indike.org/pramana/in.purana.narada.1.5) · Pramāṇa