[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.60 # Naradapurana 1.60 Nāradapurāṇa 1.60 - **Language:** Sanskrit ## Contents - [1.60.94](https://indike.org/pramana/in.purana.narada.1.60.94) — 1 part ### [1.60.1](https://indike.org/pramana/in.purana.narada.1.60.1) sanadana uvāca avatīrṇeṣu vipreṣu yāsaḥ putrasahāyavān / tūrṣṇīṃ dhyānaparo dhīmānekānte samupāviśat // ### [1.60.2](https://indike.org/pramana/in.purana.narada.1.60.2) tamuvācāśarī rī vāk vyāsaṃ putrasamanvitam / bho bho maharṣe bāsiṣṭha brahmaghoṣo na vartate // ### [1.60.3](https://indike.org/pramana/in.purana.narada.1.60.3) eko dhyānaparastūṣṇī kimāḥse cintayanniva / brahmaghoṣairvirahitaḥ parvato 'yaṃ na śobhate // ### [1.60.4](https://indike.org/pramana/in.purana.narada.1.60.4) tasmādadhīṣva bhagavansārddha putreṇa dhīmatā / vedānvedavidā caiva suprasannamanāḥ sadā // ### [1.60.5](https://indike.org/pramana/in.purana.narada.1.60.5) tacchutvā vacanaṃ vyāso nabhovāṇīsamīritam / śukena saha putreṇa vedābhyāsamathākarot // ### [1.60.6](https://indike.org/pramana/in.purana.narada.1.60.6) tayorabhyasatorevaṃ bahukālaṃ dvijottama / vāto 'timātraṃ pravavau samudrānilavījitaḥ // ### [1.60.7](https://indike.org/pramana/in.purana.narada.1.60.7) tato 'nadhyāya iti taṃ vyāsaḥ putramavārayat / śuko vāritamātrastu kautūhalasamanvitaḥ // ### [1.60.8](https://indike.org/pramana/in.purana.narada.1.60.8) apṛcchatpitaraṃ tatra kuto vāyurabhūdayam / ākhyātumarhati bhavānsarvaṃ vāyorvicaiṣṭitam // ### [1.60.9](https://indike.org/pramana/in.purana.narada.1.60.9) śukasyaitadvacaḥ śrutvā vyāsaḥ paramavismitaḥ / anadhyāyanimitta'sminnidaṃ vacanaṃ mabravīt // ### [1.60.10](https://indike.org/pramana/in.purana.narada.1.60.10) divyaṃ te cakṣurutpannaṃ svasthaṃ te niścalaṃ manaḥ / tamasā rajasā cāpi tyaktaḥ satye vyavasthitaḥ // ### [1.60.11](https://indike.org/pramana/in.purana.narada.1.60.11) tasyātmani svayaṃ vedānbuddhvā samanucintaya / devayānacaro viṣṇoḥ pitṛyānaśca tāmasaḥ // ### [1.60.12](https://indike.org/pramana/in.purana.narada.1.60.12) dvāvetau pratyayaṃ yātau divaṃ cādhaśca gacchataḥ / pithivyāmantarikṣe ca yataḥ saṃyānti vāyavaḥ // ### [1.60.13](https://indike.org/pramana/in.purana.narada.1.60.13) sapta te vāyumārgā vai tānnibodhānupūrvaśaḥ / tatra devagaṇāḥ sādhyāḥ samabhūvanmahābalāḥ // ### [1.60.14](https://indike.org/pramana/in.purana.narada.1.60.14) teṣāmapyabhavatputraḥ samāno nāma durjayaḥ / udānastasya putro 'bhūvdyānastasyābhavatsutaḥ // ### [1.60.15](https://indike.org/pramana/in.purana.narada.1.60.15) apānaśca tato jajñe prāṇaścāpi tataḥ param / anapatyo 'bhavatprāṇo durddharṣaḥ śatrumardanaḥ // ### [1.60.16](https://indike.org/pramana/in.purana.narada.1.60.16) pṛtharkkṃmāṇi teṣāṃ tu pravakṣyāmi yathā tathā / prāṇināṃ sarvato vāyuśceṣṭā vartayate pṛthak // ### [1.60.17](https://indike.org/pramana/in.purana.narada.1.60.17) prīṇanāñcaiva sarveṣāṃ prāṇa ityabhidhīyate / preṣayatyabhrasaṃghātāndhūmajāṃścoṣmajāṃstathā // ### [1.60.18](https://indike.org/pramana/in.purana.narada.1.60.18) prathamaḥ prathame mārge pravaho nāma so 'nilaḥ / aṃbare snehamātrebhyastaḍidbhyaścottamadyutiḥ // ### [1.60.19](https://indike.org/pramana/in.purana.narada.1.60.19) āvaho nāma so 'bhyeti dvitīyaḥ śvasano nadan / udayaṃ jyotiṣāṃ śaśvatsomādīnāṃ karoti yaḥ // ### [1.60.20](https://indike.org/pramana/in.purana.narada.1.60.20) antardeheṣu codānaṃ yaṃ vadanti manīṣiṇaḥ / yaścaturbhyaḥ samudrebhyo vāyurddhārayate jalam // ### [1.60.21](https://indike.org/pramana/in.purana.narada.1.60.21) uddhṛtya dadate cāpo jīmūtebhyo vane 'nilaḥ / yo 'ddhiḥ saṃyojya jīmūtānparjanyāya prayacchatī // ### [1.60.22](https://indike.org/pramana/in.purana.narada.1.60.22) udvaho nāma baṃhiṣṭhastṛtīyaḥ sa sadāgatiḥ / saṃnīyamānā bahudhā yena nīlā mahāghanāḥ // ### [1.60.23](https://indike.org/pramana/in.purana.narada.1.60.23) varṣamokṣakṛtāraṃbhāste bhavanti ghanāghanāḥ / yo 'sau vahati devānāṃ vimānāni vihāyasā // ### [1.60.24](https://indike.org/pramana/in.purana.narada.1.60.24) caturthaḥ saṃvaho nāma vāyuḥ sa girimardanaḥ / yena vegavatā rugṇāḥ kriyante tarujā rasāḥ // ### [1.60.25](https://indike.org/pramana/in.purana.narada.1.60.25) pañcamaḥ sa mahāvego vivaho nāma mārutaḥ / yasminpariplave divyā vahṝntyāpo vihāyasā // ### [1.60.26](https://indike.org/pramana/in.purana.narada.1.60.26) puṇyaṃ cākāśagaṅgāyāstoyaṃ tiṣṭati tiṣṭati / dūrātpratihato yasminnekaraśmirdivākaraḥ // ### [1.60.27](https://indike.org/pramana/in.purana.narada.1.60.27) yoniraṃśusahasrasya yena yāti vasuṃdharām / yasmādāpyāyate somo nidhirdivyo 'mṛtasya ca // ### [1.60.28](https://indike.org/pramana/in.purana.narada.1.60.28) ṣaṣṭhaḥ parivaho nāma sa vāyurjīvatāṃ varaḥ / sarvaprāṇabhṛtāṃ prāṇārnyo 'takāle nirasyati // ### [1.60.29](https://indike.org/pramana/in.purana.narada.1.60.29) yasya dharme 'nuvartete mṛtyuvevasvatāvubhau / samyaganvīkṣatā buddhyā śāntayādhyātmanityayā // ### [1.60.30](https://indike.org/pramana/in.purana.narada.1.60.30) dhyānābhyāsābhirāmāṇāṃ yo 'mṛtatvāya kalpate / yaṃ samāsādya vegena diśāmantaṃ prapedire // ### [1.60.31](https://indike.org/pramana/in.purana.narada.1.60.31) dakṣasya daśa putrāṇāṃ sahasrāṇi prajāpateḥ / yena vṛṣṭyā parābhūtastoyānyena nivartate // ### [1.60.32](https://indike.org/pramana/in.purana.narada.1.60.32) parīvaho nāma varo vāyuḥ sa duratikramaḥ / evamete diteḥ putrā marutaḥ paramādbhutāḥ // ### [1.60.33](https://indike.org/pramana/in.purana.narada.1.60.33) anāramantaḥ sarvāṅgāḥ sarvacāriṇaḥ / etattu mahadāścaryaṃ yadayaṃ parvatottamaḥ // ### [1.60.34](https://indike.org/pramana/in.purana.narada.1.60.34) kaṃpitaḥ sahasā tena pavamānena vāyunā / viṣṇorniḥśvāsavāto 'yaṃ yadā vegasamīritaḥ // ### [1.60.35](https://indike.org/pramana/in.purana.narada.1.60.35) sahasodīryate tāta jagatpravyathate tadā / tasmādbrahmavido brahma na paṭhantyativāyutaḥ // ### [1.60.36](https://indike.org/pramana/in.purana.narada.1.60.36) vāyorvāyubhayaṃ hyuktaṃ brahma tatpīḍitaṃ bhavet / etāvaduktvā vacanaṃ parāśarasutaḥ prabhuḥ // ### [1.60.37](https://indike.org/pramana/in.purana.narada.1.60.37) uktvā putramadhīṣveti vyomagaṅgāmagāttadā / tato vyāse gate snātuṃ śuko brahmavidāṃ varaḥ // ### [1.60.38](https://indike.org/pramana/in.purana.narada.1.60.38) svādhyāyamakarodbrahmanvedavedāṅgapāragaḥ / tatra svādhyāyasaṃsaktaṃ śukaṃ vyāsasutaṃ mune // ### [1.60.39](https://indike.org/pramana/in.purana.narada.1.60.39) sanatkumāro bhagavānekānte samupāgataḥ / utthāya satkṛtastena brahmaputro hi kārṣṇinā // ### [1.60.40](https://indike.org/pramana/in.purana.narada.1.60.40) tataḥ provāca viprendra śukaṃ vidāṃ varaḥ / kiṃ karoṣi mahābhāga vyāsaputra mahādyute // ### [1.60.41](https://indike.org/pramana/in.purana.narada.1.60.41) śuka uvāca svādhyāye saṃpravṛtto 'haṃ brahmaputrādhunā sthitaḥ / tvaddarśanamanuprāptaḥ kenāpi sukṛtena ca // ### [1.60.42](https://indike.org/pramana/in.purana.narada.1.60.42) kiñcittvāṃ praṣṭumicchāmi tattvaṃ mokṣārthasādhanam / tadvadasva mahābhāga yathā ta jjñānamāpnuyām // ### [1.60.43](https://indike.org/pramana/in.purana.narada.1.60.43) sanatkumāra uvāca nāsti vidyāsamaṃ cakṣurnāsti vidyāsamaṃ tapaḥ / nāsti rāgasamaṃ duḥkhaṃ nāsti tyāgasamaṃ sukham // ### [1.60.44](https://indike.org/pramana/in.purana.narada.1.60.44) nivṛttiḥ karmaṇaḥ pāpātsatataṃ puṇyaśīlatā / sadvṛttiḥ samudācāraḥ śreya etadanuttamam // ### [1.60.45](https://indike.org/pramana/in.purana.narada.1.60.45) mānuṣyamasukhaṃ prāpya yaḥ sajjati sa muhyati / nālaṃ sa duḥkhamokṣāya saṃgo vai duḥkhalakṣaṇaḥ // ### [1.60.46](https://indike.org/pramana/in.purana.narada.1.60.46) saktasya buddharbhavati mohajālavivarddhinī / mohajālāvṛto duḥkhamihāmutra tathāśnute // ### [1.60.47](https://indike.org/pramana/in.purana.narada.1.60.47) sarvopāyena kāmasya krodhasya ca vinigrahaḥ / kāryaḥ śreyorthinā tau hi śreyoghātārthamudyatau // ### [1.60.48](https://indike.org/pramana/in.purana.narada.1.60.48) nityaṃ krodhāttapo rakṣecchriyaṃ rakṣeñca matsarāt / vidyāṃ mānāvamānābhyāmātmānaṃ tu pramādataḥ // ### [1.60.49](https://indike.org/pramana/in.purana.narada.1.60.49) ānṛśaṃsyaṃ paro dharmaḥ kṣamā ca paramaṃ balam / ātmajñānaṃ paraṃ jñānaṃ satyaṃ hi paramaṃ hitam // ### [1.60.50](https://indike.org/pramana/in.purana.narada.1.60.50) yena sarvaṃ parityaktaṃ sa vidvānsa ca paṇḍitaḥ / indriyairindriyārthebhyaścaratyātmavaśairiha // ### [1.60.51](https://indike.org/pramana/in.purana.narada.1.60.51) asajjamānaḥ śāntātmā nirvikāraḥ samāhitaḥ / ātmabhūtairatadbhūtaḥ saha caiva vinaiva ca // ### [1.60.52](https://indike.org/pramana/in.purana.narada.1.60.52) sa vimuktaḥ paraṃ śreyo na cireṇādhigacchati / adarśanamasaṃsparśastathaivābhāṣāṇaṃ sadā // ### [1.60.53](https://indike.org/pramana/in.purana.narada.1.60.53) yasya bhūtaiḥ saha mune sa śreyo vindate mahat / na hiṃsyātsarvabhūtāni bhūtairmaitrāyaṇaścaret // ### [1.60.54](https://indike.org/pramana/in.purana.narada.1.60.54) nedaṃ janma samāsādya vairaṃ kurvīta kena cit / ākiñcanyaṃ susaṃtoṣo nirāśiṣṭvamacāpalam // ### [1.60.55](https://indike.org/pramana/in.purana.narada.1.60.55) etadāhuḥ paraṃ śreya ātmajñasya jitātmanaḥ / parigrahaṃ parityajya bhava tātajitendriyaḥ // ### [1.60.56](https://indike.org/pramana/in.purana.narada.1.60.56) aśokaṃ sthānamātiṣṭa iha cāmutra cābhayam / nirāśiṣo na śocanti tyajedāśiṣamātmanaḥ // ### [1.60.57](https://indike.org/pramana/in.purana.narada.1.60.57) parityajyāśiṣaṃ saumya duḥkhagrāmādvimokṣyase / taparonityena dāntena muninā saṃyatātmanā // ### [1.60.58](https://indike.org/pramana/in.purana.narada.1.60.58) ajitaṃ jetukāmena bhāvyaṃ saṃgeṣvasaṃginā / guṇasaṃgeṣveṣvanāsakta ekacaryā rataḥ sadā // ### [1.60.59](https://indike.org/pramana/in.purana.narada.1.60.59) brāhmaṇo na cirādeva sukhamāyātyanuttamam / dvandvārāmeṣu bhūteṣu varāko ramate muniḥ // ### [1.60.60](https://indike.org/pramana/in.purana.narada.1.60.60) kiñcinprajñānatṛpto 'sau jñānatṛpto na śocati / śubhairlabheta devatvaṃ vyāmiśrairjanma mānuṣam // ### [1.60.61](https://indike.org/pramana/in.purana.narada.1.60.61) aśubhaiścāpyadho janma karmabhirlabhate 'vaśaḥ / tatra mṛtyujarāduḥkhaiḥ satataṃ samabhidrutam // ### [1.60.62](https://indike.org/pramana/in.purana.narada.1.60.62) saṃsāraṃ paśyate jantustatkathaṃ nāvabudhse / ahite hitasaṃjñastvamadhruve dhruvasaṃjñakaḥ // ### [1.60.63](https://indike.org/pramana/in.purana.narada.1.60.63) anarthe vārthasaṃjñastvaṃ kimarthaṃ nāvabudhyase / saṃveṣṭyamānaṃ bahubhirmohatantubhirātmajaiḥ // ### [1.60.64](https://indike.org/pramana/in.purana.narada.1.60.64) kośakāravadātmānaṃ veṣṭito nāvabudhyase / alaṃ parigraheṇeha doṣavān hi parigrahaḥ // ### [1.60.65](https://indike.org/pramana/in.purana.narada.1.60.65) kṛmirhi kośakārastu badhyate svaparigrahāt / putradārakuṭuṃbeṣu saktāḥ sīdanti jantavaḥ // ### [1.60.66](https://indike.org/pramana/in.purana.narada.1.60.66) saraḥpaṅkārṇave magnā jīrṇā vanagajā iva / mohajālasamākṛṣṭānpaśyajantūnsuduḥkhitān // ### [1.60.67](https://indike.org/pramana/in.purana.narada.1.60.67) kuṭuṃbaṃ putradāraṃ ca śarīraṃ dravyasaṃcayam / pārakyamadhruvaṃ sarvaṃ kiṃ svaṃ sukṛtaduṣkṛte // ### [1.60.68](https://indike.org/pramana/in.purana.narada.1.60.68) yadā sarvaṃ parityajya gantavyamavaśena vai / anarthe kiṃ prasaktastvaṃ svamarthaṃ nānutiṣṭasi // ### [1.60.69](https://indike.org/pramana/in.purana.narada.1.60.69) aviśrāntamanālaṃbamapātheyamadaiśikam / tamaḥ karttāramadhvānaṃ kathameko gamiṣyasi // ### [1.60.70](https://indike.org/pramana/in.purana.narada.1.60.70) nahi tvāṃ prasthitaṃ kaścitpṛṣṭato 'nugamiṣyati / sukṛtaṃ duṣkṛtaṃ ca tvāṃ gacchantamanuyāsyataḥ // ### [1.60.71](https://indike.org/pramana/in.purana.narada.1.60.71) vidyā karma ca śauryaṃ ca jñānaṃ ca bahuvistaram / arthārthamanuśīryante siddhārthastu vimucyate // ### [1.60.72](https://indike.org/pramana/in.purana.narada.1.60.72) nibandhinī rajjureṣā yā grāme vasato ratiḥ / chitvaināṃ sukṛto yānti naināṃ chindanti duṣkṛtaḥ // ### [1.60.73](https://indike.org/pramana/in.purana.narada.1.60.73) tulyajātivayorūpān hṛtānpasyasi mṛtyunā / na ca nāmāsti nirvedo lohaṃ hi hṛdayaṃ tava // ### [1.60.74](https://indike.org/pramana/in.purana.narada.1.60.74) rūpakūlāṃ manaḥ srotāṃ sparśadvīpāṃ rasāvahām / gandhapaṅkāṃ śabdajalāṃ svargamārgadurāruhām // ### [1.60.75](https://indike.org/pramana/in.purana.narada.1.60.75) kṣamāritrāṃ satyamayīṃ dharmasthairyakarākarām / tyāgavātādhvagāṃ śīghrāṃ buddhināvaṃ nadīṃ taret // ### [1.60.76](https://indike.org/pramana/in.purana.narada.1.60.76) tyaktvā dharmamadharmaṃ ca hyubhe satyānṛte tyaja / tyaja dharmamasaṃkalpādadharmaṃ cāpyahiṃsayā // ### [1.60.77](https://indike.org/pramana/in.purana.narada.1.60.77) ubhe satyānṛte buddhiṃ paramaniścayāt / asthisthūṇaṃ snāyuyutaṃ māṃsaśoṇitalepanam // ### [1.60.78](https://indike.org/pramana/in.purana.narada.1.60.78) dharmāvanaddhaṃ durgandhiṃ pūrṇaṃ mūtrapurīṣayoḥ / jarāśokasamāviṣṭaṃ rogāyatanamasthiram // ### [1.60.79](https://indike.org/pramana/in.purana.narada.1.60.79) rajasvalamanityaṃ ca bhūtāvāsaṃ samutsṛja / idaṃ viśvaṃ jagatsarvamajagañcāpi yadbhavet // ### [1.60.80](https://indike.org/pramana/in.purana.narada.1.60.80) mahābhūtātmakaṃ sarvamasmādyatparamāṇumat / indriyāṇi ca pañcaiva tamaḥ sattvaṃ rajastathā // ### [1.60.81](https://indike.org/pramana/in.purana.narada.1.60.81) ityeṣa saptadaśako rāśikhyaktasaṃjñakaḥ / sarvairihendriyārthaiśca vyaktāvyaktairhi hitam // ### [1.60.82](https://indike.org/pramana/in.purana.narada.1.60.82) pañcaviṃśaka ityeṣa vyaktāvyaktamayo gaṇaḥ / etaiḥ sarvaiḥ samāyuktamanityamabhidhīyate // ### [1.60.83](https://indike.org/pramana/in.purana.narada.1.60.83) trivargo 'tra sukhaṃ duḥkha jīvitaṃ maraṇaṃ tathā / ya idaṃ veda tattvena sasa veda prabhavāpyayau // ### [1.60.84](https://indike.org/pramana/in.purana.narada.1.60.84) indriyairgṛhyate yadyattadvyaktamabhidhīyate / avyaktamatha tajjñeyaṃ liṅgagrāhyamatīndriyam // ### [1.60.85](https://indike.org/pramana/in.purana.narada.1.60.85) indriyairniyatairdehī dhārābhiriva tarpyate / loke vihitamātmānaṃ lokaṃ cātmani paśyati // ### [1.60.86](https://indike.org/pramana/in.purana.narada.1.60.86) parāvaradṛśaḥ śaktirjñānavelāṃ na paśyati / paśyataḥ sarvabhūtāni sarvāvasthāsu sarvadā // ### [1.60.87](https://indike.org/pramana/in.purana.narada.1.60.87) brahmabhūtasya saṃyogo nāśubhenopapadyate / jñānena vividhātkleśānna nivṛttiśca dehajāt // ### [1.60.88](https://indike.org/pramana/in.purana.narada.1.60.88) lokabuddhiprakāśena lokamārgo na riṣyati / anādinidhanaṃ jantumātmani sthitamavyayam // ### [1.60.89](https://indike.org/pramana/in.purana.narada.1.60.89) akartāramamūḍhaṃ ca bhagavānāha tīrtavit / yo jantuḥ svakṛtaistaistaiḥ karmabhirnityaduḥkhitaḥ // ### [1.60.90](https://indike.org/pramana/in.purana.narada.1.60.90) svaduḥkhapratighātārthaṃ hṝnti janturanekadhā / tataḥ karma samādatte punaranyannavaṃ bahu // ### [1.60.91](https://indike.org/pramana/in.purana.narada.1.60.91) tapyate 'tha punastena bhuktvāpathyamivāturaḥ / ajasrameva mohānto duḥkheṣu sukhasaṃjñitaḥ // ### [1.60.92](https://indike.org/pramana/in.purana.narada.1.60.92) vadhyate tapyate caiva bhayavatyarmabhiḥ sadā / tato nivṛtto bandhātsvātkarmaṇāmudayādiha // ### [1.60.93](https://indike.org/pramana/in.purana.narada.1.60.93) paribhramati saṃsāre cakravadbāhuvarjitaḥ / saṃyamena ca saṃbandhānnivṛttyā tapaso balāt // ### [1.60.94](https://indike.org/pramana/in.purana.narada.1.60.94) samprāptā bahavaḥ siddhiṃ avyābādhāṃ sukhodayām // ### [1.60.94.p1](https://indike.org/pramana/in.purana.narada.1.60.94.p1) iti śrībṛhannāradīyapurāṇe pūrvabhāge dvitīyapāde bṛhadupākhyāne ṣaṣṭitamo 'dhyāyaḥ ## Linked texts (4) - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.12.328.10) — Sanskrit - [Padmapurāṇa](https://indike.org/pramana/in.purana.padma.5.99.21) — Vyāsa, Sanskrit - [Āryacarita](https://indike.org/pramana/in.lit.short_stories.aryacarita.104.10) — Sanskrit - [Śabdakalpadruma](https://indike.org/pramana/in.art.kosa.sabdakalpadruma.331.18) — Rājā Sir Rādhākānta Deb, Sanskrit --- Source: [https://indike.org/pramana/in.purana.narada.1.60](https://indike.org/pramana/in.purana.narada.1.60) · Pramāṇa