[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.61 # Naradapurana 1.61 Nāradapurāṇa 1.61 - **Language:** Sanskrit ## Contents - [1.61.78](https://indike.org/pramana/in.purana.narada.1.61.78) — 1 part ### [1.61.1](https://indike.org/pramana/in.purana.narada.1.61.1) sanatkumāra uvāca aśokaṃ śokanāśārthaṃ śāstraṃ śāntikaraṃ śivam / niśamya labhyate buddhirlabdhāyāṃ sukhamedhate // ### [1.61.2](https://indike.org/pramana/in.purana.narada.1.61.2) harṣasthānasahasrāṇi śokasthānaśatāni ca / divase divase mūḍhamāviśanti na paṇḍitam // ### [1.61.3](https://indike.org/pramana/in.purana.narada.1.61.3) aniṣṭasaṃpraṃyogāśca viprayogātpriyasya ca / manuṣyā mānasairduḥkhairyujyante ye 'lpabuddhayaḥ // ### [1.61.4](https://indike.org/pramana/in.purana.narada.1.61.4) dravyeṣu samatīteṣu ye guṇāstenna cindayet / tānanādriyamāṇaśca snehabandhādvimucyate // ### [1.61.5](https://indike.org/pramana/in.purana.narada.1.61.5) doṣadarśī bhavettatra yatra rāgaḥ pravarttate / aniṣṭabuddhitāṃ yacchettataḥ kṣipraṃ virājate // ### [1.61.6](https://indike.org/pramana/in.purana.narada.1.61.6) nārtho na dharmo na yaśo yo 'tītamanuśocati / asyābhāvena yujyetaṃ tañcāsya tu nivartate // ### [1.61.7](https://indike.org/pramana/in.purana.narada.1.61.7) guṇairbhūtāni yujyante tathaiva ca na yujyate / sarvāṇi naitadekasya śokasthānaṃ hi vidyate // ### [1.61.8](https://indike.org/pramana/in.purana.narada.1.61.8) mṛtaṃ vā yadi vā naṣṭaṃ yo 'tītamanuśocati / duḥkhena labhate duḥkhaṃ mahānarthe prapadyate // ### [1.61.9](https://indike.org/pramana/in.purana.narada.1.61.9) duḥkhopaghāte śārīre mānase cāpyupasthite / yasminna śakyate kartuṃ yatnastannānurcitayet // ### [1.61.10](https://indike.org/pramana/in.purana.narada.1.61.10) bhaiṣajyametaddaḥkhasya yadetannānucintayet / cintyamānaṃ hi na vyeti bhūyaścābhipravarddhate // ### [1.61.11](https://indike.org/pramana/in.purana.narada.1.61.11) prajñayā mānasaṃ duḥkhaṃ hanyācchārīramauṣadhaiḥ / etadvijñāya sāmarthyaṃ na vānyaiḥ samatāmiyāt // ### [1.61.12](https://indike.org/pramana/in.purana.narada.1.61.12) anityaṃ jīvitaṃ rūpaṃ yauvanaṃ dravyasañcayaḥ / ārogyaṃ priyasaṃvāsaṃ na mṛdhyetpaṇḍitaḥ kvacit // ### [1.61.13](https://indike.org/pramana/in.purana.narada.1.61.13) nājñānaprabhavaṃ duḥkhamekaṃ śocitumarhati / aśocanpratikurvīta yadi paśyedupakramam // ### [1.61.14](https://indike.org/pramana/in.purana.narada.1.61.14) sukhātpriyataraṃ duḥkhaṃ jīvite nātra saṃśayaḥ / jarāmaraṇaduḥkhebhyaḥ priyamātmānamuddharet // ### [1.61.15](https://indike.org/pramana/in.purana.narada.1.61.15) bhajanti hi śārīrāṇi rogāḥ śarīramānasāḥ / sāyakā iva tīkṣṇāgrāḥ prayuktā dṛḍhadhanvibhiḥ // ### [1.61.16](https://indike.org/pramana/in.purana.narada.1.61.16) vyādhitasya cikitsābhistrasyato jīvitaiṣiṇaḥ / āmayasya vināśāya śarīramanukṛṣyate // ### [1.61.17](https://indike.org/pramana/in.purana.narada.1.61.17) sraṃsaṃti na nivartante srotāṃsi saritāmiva / āyurādāya martyānāṃ rātryahāni punaḥpunaḥ // ### [1.61.18](https://indike.org/pramana/in.purana.narada.1.61.18) apayantyayamatyantaṃ pakṣayoḥ śuklakṛṣṇayoḥ / jātaṃ martyaṃ jarayati nimiṣaṃ nāvatiṣṭate // ### [1.61.19](https://indike.org/pramana/in.purana.narada.1.61.19) sukhaduḥkhābhibhūtānāmajaro jarayatyasūn / ādityo hyastamabhyeti punaḥ punarudeti ca // ### [1.61.20](https://indike.org/pramana/in.purana.narada.1.61.20) adṛṣṭapūrvānādāya bhāvānapariśaṅkitān / iṣṭāniṣṭā manuṣyāṇāṃ mataṃ gacchanti rātrayaḥ // ### [1.61.21](https://indike.org/pramana/in.purana.narada.1.61.21) yo yadicchedyathākāmaṃ kāmānāṃ tattadāpnuyāt / yadi syānna parādhīnaṃ puruṣasya kriyāphalam // ### [1.61.22](https://indike.org/pramana/in.purana.narada.1.61.22) saṃyatāścaiva takṣāśca matimantaśca mānavāḥ / dṛśyante niṣphalāḥ saṃtaḥ prahīnāśca svakarmabhiḥ // ### [1.61.23](https://indike.org/pramana/in.purana.narada.1.61.23) apare niṣphalāḥ santo nirguṇāḥ puruṣādhamāḥ / āśābhiraṇyasaṃyuktā dṛśyante sarvakāminaḥ // ### [1.61.24](https://indike.org/pramana/in.purana.narada.1.61.24) bhūtānāmaparaḥ kaściddhiṃsāyāṃ satatotthitaḥ / vañcanāyāṃ ca lokeṣu sasukheṣveva jīyate // ### [1.61.25](https://indike.org/pramana/in.purana.narada.1.61.25) aceṣṭamānamāsīnaṃ śrīḥ kañcidupatiṣṭati / kaścitkarmāṇi kurute na prāpyamadhigacchati // ### [1.61.26](https://indike.org/pramana/in.purana.narada.1.61.26) aparādhānsamācṣṭuṃ puruṣasya svabhāvataḥ / śukramanyatra saṃbhūtaṃ punaranyatra gacchati // ### [1.61.27](https://indike.org/pramana/in.purana.narada.1.61.27) tasya yonau prasaktasya garbho bhavati mānavaḥ / āmrapuṣpopamā yasya nivṛttirupalabhyate // ### [1.61.28](https://indike.org/pramana/in.purana.narada.1.61.28) keṣāñcitputrakāmānāmanusantānamicchatām / siddhau prayatamānānāṃ naivāṇḍamupajāyate // ### [1.61.29](https://indike.org/pramana/in.purana.narada.1.61.29) garbhādudvijamānānāṃ kruddhādaśīviṣādiva / āyuṣmān jāyate putraḥ kathaṃ pretaḥ piteva saḥ // ### [1.61.30](https://indike.org/pramana/in.purana.narada.1.61.30) devāniṣṭvā tapastaptvā kṛpaṇaiḥ putrahetubhiḥ / daśamāsānparidhṛtā jāyate kulapāṃsanāḥ // ### [1.61.31](https://indike.org/pramana/in.purana.narada.1.61.31) apare dhanadhānyāni bhogāṃśca pitṛsaṃcitān / vimalānabhijāyante labdhvā taireva maṅgalaiḥ // ### [1.61.32](https://indike.org/pramana/in.purana.narada.1.61.32) anyonya samabhipretya maithunasya samāgame / upadravaivādṛṣṭo yonau garbhaḥ prapadyate // ### [1.61.33](https://indike.org/pramana/in.purana.narada.1.61.33) snigdhatvādindriyārtheṣu mohānmaraṇamapriyam / parityajati yo duḥkhaṃ sukhamapyubhayaṃ naraḥ // ### [1.61.34](https://indike.org/pramana/in.purana.narada.1.61.34) atyeti brahma so 'tyantaṃ sukhamapyaśnute param / duḥkhamarthā hi tyajyante pālane ca na te sukhāḥ // ### [1.61.35](https://indike.org/pramana/in.purana.narada.1.61.35) śrutvaiva nādhigamanaṃ nāśameṣāṃ na cintayet / anyāmanyāṃ dhanāvasthāṃ prāpya vaiśeṣikā narāḥ // ### [1.61.36](https://indike.org/pramana/in.purana.narada.1.61.36) atṛptā yānti vidhvaṃsaṃ santoṣaṃ yānti paṇḍitāḥ / sarve kṣayāntā nicayāḥ patanāntāḥ samucchrayāḥ // ### [1.61.37](https://indike.org/pramana/in.purana.narada.1.61.37) saṃyogā viprayogāntā maraṇāntaṃ hi jīvitam / anto nāsti pipāsāyāstuṣṭistu paramaṃ sukham // ### [1.61.38](https://indike.org/pramana/in.purana.narada.1.61.38) tasmātsaṃtoṣameveha dhanaṃ śaṃsanti paṇḍitāḥ / nimeṣamātramapi hi yo 'dhigacchanna tiṣṭati // ### [1.61.39](https://indike.org/pramana/in.purana.narada.1.61.39) saśarīreṣvanityeṣu nityaṃ kimanucintayet / bhūteṣu bhāvaṃ saṃcintya ye buddhyā tamasaḥ param // ### [1.61.40](https://indike.org/pramana/in.purana.narada.1.61.40) na śocanti gatādhvānaḥ paśyanti paramāṃ gatim / saṃcinvannekamevainaṃ kāmānāvitṛptakam // ### [1.61.41](https://indike.org/pramana/in.purana.narada.1.61.41) vyāghra paśumivāsādya mṛtyurādāya gacchati / athāpyupāyaṃ saṃpaśyedduḥkhasyāsya vimokṣaṇe // ### [1.61.42](https://indike.org/pramana/in.purana.narada.1.61.42) aśocannārabhennaiva yuktaścāvyasanī bhavet / śabde sparśe rase rūpe gandhe ca paramaṃ tathā // ### [1.61.43](https://indike.org/pramana/in.purana.narada.1.61.43) nopabhogātparaṃ kiñciddhanino vādhanasya vā / vāksaṃprayogādbhṛtānāṃ nāsti duḥkhamanāmayam // ### [1.61.44](https://indike.org/pramana/in.purana.narada.1.61.44) viprayogaśca sarvasya na vācā na ca vidyayā / praṇayaṃ parisaṃhṛtya saṃstuteṣvitareṣu ca // ### [1.61.45](https://indike.org/pramana/in.purana.narada.1.61.45) vicaredasamunnaddhaḥ sa sukhī sa ca paṇḍitaḥ / adhyātmagatamālīno nirapekṣo nirāmiṣaḥ // ### [1.61.46](https://indike.org/pramana/in.purana.narada.1.61.46) ātmanaiva sahāyena caścaretsa sukhī bhavet / sukhaduḥkhaviparyāso yadā samupapadyate // ### [1.61.47](https://indike.org/pramana/in.purana.narada.1.61.47) nainaṃ prajñā suniyataṃ trāyate nāpi pauruṣam / svabhāvādyatnamātiṣṭhedyatnavānnāvasīdati // ### [1.61.48](https://indike.org/pramana/in.purana.narada.1.61.48) upadrava ivāniṣṭo yoniṃ garbhaḥ prapadyate / tāni pūrvaśarīrāṇi nityamekaṃ śarīriṇam // ### [1.61.49](https://indike.org/pramana/in.purana.narada.1.61.49) prāṇināṃ prāṇasaṃrodhe māṃsaśleṣmaviceṣṭitam / nirdagdhaṃ paradehena paradeṃhaṃ balābalam // ### [1.61.50](https://indike.org/pramana/in.purana.narada.1.61.50) vinaśyati vināśānte nāvi nāvamivācalām / saṃgatyā jaṭhare nyastaṃ retobindumacetanam // ### [1.61.51](https://indike.org/pramana/in.purana.narada.1.61.51) kena yatnena jīvantaṃ garbhaṃ tvamiha paśyasi / annapānāni jīryante yatra bhakṣyāśca bhakṣitāḥ // ### [1.61.52](https://indike.org/pramana/in.purana.narada.1.61.52) tasminnevodare garbhaḥ kiṃ nānnamiva jīryati / garbhe mūtrapurīṣāṇāṃ svabhāvaniyatā gatiḥ // ### [1.61.53](https://indike.org/pramana/in.purana.narada.1.61.53) dhāraṇe vā visarge ca na kartuṃ vidyate 'vaśaḥ / prabhavantyudare garbhā jāyamānāstathāpare // ### [1.61.54](https://indike.org/pramana/in.purana.narada.1.61.54) āgamena mahānyeṣāṃ vināśa upapadyate / etasmādyonisaṃbandhādyo jīvanparimucyate // ### [1.61.55](https://indike.org/pramana/in.purana.narada.1.61.55) pūjāṃ na labhate kāñcitpunarddhandveṣu majjati / garbhasya saha jātasya saptamīmīdṛśīṃ daśām // ### [1.61.56](https://indike.org/pramana/in.purana.narada.1.61.56) prāpnuvanti tataḥ pañca na bhavanti śatāyuṣaḥ / nābhyutthāne manuṣyāṇāṃ yogāḥ syurnātra saṃśayaḥ // ### [1.61.57](https://indike.org/pramana/in.purana.narada.1.61.57) vyādhibhiśca vivadhyante vyāghraiḥ kṣudramṛgā iva / vyādhibhirbhakṣyamāṇānāṃ tyajatāṃ vipulandhanam // ### [1.61.58](https://indike.org/pramana/in.purana.narada.1.61.58) vedanā nāpakarṣanti yatamānāścikitsakāḥ // ### [1.61.59](https://indike.org/pramana/in.purana.narada.1.61.59) te cāpi vividhā vaidyāḥ kuśalā saṃmatauṣadhāḥ / vyādhibhiḥ parikṛṣyante mṛgā jyāghrairivārditāḥ // ### [1.61.60](https://indike.org/pramana/in.purana.narada.1.61.60) te pibanti kaṣāyāṃśca sarpīṣi vividhāni ca / dṛśyante jarayā bhagnā nāgairnāgā ivottamāḥ // ### [1.61.61](https://indike.org/pramana/in.purana.narada.1.61.61) kairvā bhuvi cikitsyenta rogārttā mṛgapakṣiṇaḥ / śvāpadāśca daridrāśca prāyo nārtā bhavanti te // ### [1.61.62](https://indike.org/pramana/in.purana.narada.1.61.62) ghorānapi durādharṣānnṛpatīnugratejasa / ākramya roga ādatte paśūnpaśupaco yathā // ### [1.61.63](https://indike.org/pramana/in.purana.narada.1.61.63) iti lokamanākrandaṃ mohaśokapariplutam / srotasā mahasā kṣipraṃ hriyamāṇaṃ balīyasā // ### [1.61.64](https://indike.org/pramana/in.purana.narada.1.61.64) na dhanena na rājyena nogreṇa tapasā tathā / svabhāvā hyativartante ye nirmuktāḥ śarīriṣu // ### [1.61.65](https://indike.org/pramana/in.purana.narada.1.61.65) uparyapari lokasya sarvo bhavitumicchati / yatate ca yathāśakti na ca tadvartate tathā // ### [1.61.66](https://indike.org/pramana/in.purana.narada.1.61.66) na mriyerannajīryeransarve syuḥ sārvakāmikāḥ / nāpriyaṃ pratipadyerannutthānasya phalaṃ prati // ### [1.61.67](https://indike.org/pramana/in.purana.narada.1.61.67) aiśvaryamadamattāśca mānānmayamadena ca / apramattāḥ śaṭhāḥ krūrā vikrāntāḥ paryupāsate // ### [1.61.68](https://indike.org/pramana/in.purana.narada.1.61.68) śokāḥ pratinivartante keṣāñcidasamīkṣatām / svaṃ svaṃ ca punaranyeṣāṃ na kañcidatigacchati // ### [1.61.69](https://indike.org/pramana/in.purana.narada.1.61.69) mahañca phalavaiṣamyaṃ dṛśyate karmasaṃdhiṣu / vahṝnti śibikāmanye yāntyanye śibikāruhaḥ // ### [1.61.70](https://indike.org/pramana/in.purana.narada.1.61.70) sarveṣāmṛddhikāmānāmanye rathapuraḥ sarāḥ / manujāśca gataśrīkāḥ śataśo vividhāḥ striyāḥ // ### [1.61.71](https://indike.org/pramana/in.purana.narada.1.61.71) dvandvārāmeṣu bhūteṣu gacchantyekaikaśo narāḥ / idamanyatparaṃ paśya nātra mohaṃ kariṣyasi // ### [1.61.72](https://indike.org/pramana/in.purana.narada.1.61.72) dharmaṃ cāpi tyajā dharmaṃ tyaja satyānṛtāṃ dhiyam / sarvaṃ tyaktvā svarūpasthaḥ sukhī bhava nirāmayaḥ // ### [1.61.73](https://indike.org/pramana/in.purana.narada.1.61.73) etatte paramaṃ guhyamākhyātamṛṣisattama / yena devāḥ parityajya bhartyalokaṃ divaṃ gatāḥ // ### [1.61.74](https://indike.org/pramana/in.purana.narada.1.61.74) sanandana uvāca ityuktvā vyāsatanayaṃ samāpṛcchya mahāmuniḥ / sanatkumāraḥ prayayau pūjitastena sādaram // ### [1.61.75](https://indike.org/pramana/in.purana.narada.1.61.75) śuko 'pi yogināṃ śreṣṭhaḥ samyagjñātvā hyavasthitam / brahmaṇaḥ padamanveṣṭumutsukaḥ pitaraṃ yayau // ### [1.61.76](https://indike.org/pramana/in.purana.narada.1.61.76) tataḥ pitrā samāgamya praṇamya ca mahāmuniḥ / śukaḥ pradakṣiṇīkṛtya yayau kailāsaparvatam // ### [1.61.77](https://indike.org/pramana/in.purana.narada.1.61.77) vyāsastadvirahāddūnaḥ putrasnehasamāvṛtaḥ / kṣaṇaikaṃ sthīyatāṃ putra iti ca krośa durmanāḥ // ### [1.61.78](https://indike.org/pramana/in.purana.narada.1.61.78) nirapekṣaḥ śuko bhūtvā niḥsneho muktabandhanaḥ / mokṣamevānusaṃcitya gata eva paraṃ padam // ### [1.61.78.p1](https://indike.org/pramana/in.purana.narada.1.61.78.p1) iti śrībṛhannāradīyapurāṇe pūrvabhāge bṛhadupākhyāne dvitīyapāde ekaṣaṣṭitamo 'dhyāyaḥ ## Linked texts (4) - [Southern recension](https://indike.org/pramana/in.lit.mahabharata.vyasa*southern.12.338.4) — Sanskrit - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.12.330.1) — Sanskrit - [Āryacarita](https://indike.org/pramana/in.lit.short_stories.aryacarita.105.1) — Sanskrit - [Subhāṣitasudhānidhi](https://indike.org/pramana/in.lit.subhasita.subhasita.daksina.subhasitasudhanidhi.30.7) — Sāyaṇa, Sanskrit --- Source: [https://indike.org/pramana/in.purana.narada.1.61](https://indike.org/pramana/in.purana.narada.1.61) · Pramāṇa