[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.63 # Naradapurana 1.63 Nāradapurāṇa 1.63 - **Language:** Sanskrit ## Contents - [1.63.124](https://indike.org/pramana/in.purana.narada.1.63.124) — 1 part ### [1.63.1](https://indike.org/pramana/in.purana.narada.1.63.1) samāptaścāyaṃ dvitīyaḥ pādaḥ / śaunaka uvāca sūta sādho ciraṃ jīva sarvaśāstraviśāradaḥ / yattvayā pāyitā vidvanvayaṃ kṛṣṇakathāmṛtam // ### [1.63.2](https://indike.org/pramana/in.purana.narada.1.63.2) śrutvā tu mokṣadharmānvai nārado bhagavatpriyaḥ / sanandanamukhodgītānkiṃ papracchaṃ tataḥ param // ### [1.63.3](https://indike.org/pramana/in.purana.narada.1.63.3) mānasā brahmaṇaḥ putrāḥ sanakādyā munīśvarāḥ / caranti lokānantasiddhā lokoddharaṇatatparāḥ // ### [1.63.4](https://indike.org/pramana/in.purana.narada.1.63.4) nārado 'pi mahābhāga nityaṃ kṛṣṇaparāyaṇaḥ / teṣāṃ samāgame bhadrā kā kathā lokapāvanī // ### [1.63.5](https://indike.org/pramana/in.purana.narada.1.63.5) sūta uvāca sādhu pṛṣṭaṃ mahābhāga tvayā lokopakāriṇā / kathayiṣyāmi tatsarvaṃ yatpṛṣṭa nāradarṣiṇā // ### [1.63.6](https://indike.org/pramana/in.purana.narada.1.63.6) śrutvā sanandanaproktānmokṣadharmānsanātanān / nārado bhārgavaśreṣṭha punaḥ papraccha tānmunīn // ### [1.63.7](https://indike.org/pramana/in.purana.narada.1.63.7) nārada uvāca sarvadeveśvaro viṣṇurvede tantre ca kīrtitaḥ / samārādhyaḥ sa evātra sarvaiḥ sarvārthakāṅkṣibhiḥ // ### [1.63.8](https://indike.org/pramana/in.purana.narada.1.63.8) kairmantrairbhagavānviṣṇuḥ samārādhyo munīśvarāḥ / ke devāḥ pūjanīyāśca viṣṇupādaparāyaṇaiḥ // ### [1.63.9](https://indike.org/pramana/in.purana.narada.1.63.9) tantraṃ bhāgavataṃ viprā guruśiṣyaprayojakam / dīkṣaṇaṃ prātarādyaṃ ca kṛtyaṃ syādyattaducyatām // ### [1.63.10](https://indike.org/pramana/in.purana.narada.1.63.10) yairmāsaiḥ karmabhiryairvā japyairhemādibhistathā / prīyeta paramātmā vai tadbrūta mama mānadāḥ // ### [1.63.11](https://indike.org/pramana/in.purana.narada.1.63.11) sūta uvāca etacchrutvā vacastasya nāradasya mahātmanaḥ / sanatkumāro bhagavānuvācārkasamadyutiḥ // ### [1.63.12](https://indike.org/pramana/in.purana.narada.1.63.12) sanatkumāra uvāca śṛṇu nārada vakṣyāmi tantraṃ bhāgavataṃ tava / yajjñātvāmalayā bhaktyā sādhayedviṣṇumavyayam // ### [1.63.13](https://indike.org/pramana/in.purana.narada.1.63.13) tripadārthaṃ catuṣpādaṃ mahātantraṃ pracakṣate / bhogamokṣakriyācaryāhvayā pādāḥ prakīrtitāḥ // ### [1.63.14](https://indike.org/pramana/in.purana.narada.1.63.14) pādārthāstu paśupatiḥ paśupāśāstraya eva hi / patistatra śivohyeko jīvāstu paśavaḥ smṛtāḥ // ### [1.63.15](https://indike.org/pramana/in.purana.narada.1.63.15) yāvanmohādisaṃyogāḥ svarūpābodhalakṣaṇāḥ / tāvatpaśutvameteṣāṃ dvaitavatpaśya nārada // ### [1.63.16](https://indike.org/pramana/in.purana.narada.1.63.16) pāśāḥ pañcavidhāstveṣāṃ pratyekaṃ teṣu lakṣaṇam / paśavastrividhāścāpi vijñātāḥ kalasaṃjñikāḥ // ### [1.63.17](https://indike.org/pramana/in.purana.narada.1.63.17) talapākalasaṃjñaśca sakalaśceti nāmataḥ / tatrādyo malasaṃyukto malakarmayutaḥ paraḥ // ### [1.63.18](https://indike.org/pramana/in.purana.narada.1.63.18) malamāyākarmayutastṛtīyaḥ parikīrtitaḥ / ādyastu dvividhastatra samāsakaluṣastathā // ### [1.63.19](https://indike.org/pramana/in.purana.narada.1.63.19) asamāsamalaśceti dvitīyo 'pi punastathā / pakvāpakvamalenaiva dvividhaḥ parikīrtitaḥ // ### [1.63.20](https://indike.org/pramana/in.purana.narada.1.63.20) śuddhe 'dhvani gatāvetau vijñānapralayākalau / kalāditattvaniyataḥ sakalaḥ paryaṭatyayam // ### [1.63.21](https://indike.org/pramana/in.purana.narada.1.63.21) karmānugaśarīreṣu tattadbhuvanageṣu ca / pāśāḥ pañca tathā tatra prathamau malakarmajau // ### [1.63.22](https://indike.org/pramana/in.purana.narada.1.63.22) māyeyaśca tirodhānaśaktijo bindujaḥ paraḥ / eko 'pyanekaśaktirdṛkkriyācchādanakomalaḥ // ### [1.63.23](https://indike.org/pramana/in.purana.narada.1.63.23) tuṣakañcukavaddehanimittaṃ cātmanāmiha / dharmādharmātmakaṃ karma vicitraphalabhogadam // ### [1.63.24](https://indike.org/pramana/in.purana.narada.1.63.24) pravāhanityaṃ tadbījāṅkuranyāyena saṃsthitam / ityetau prathamau cātha māyeyādyān śṛṇudvija // ### [1.63.25](https://indike.org/pramana/in.purana.narada.1.63.25) sañcidānandavibhavaḥ paramātmā sanātanaḥ / patirjayati sarveṣāmeko bījaṃ vibhuḥ param // ### [1.63.26](https://indike.org/pramana/in.purana.narada.1.63.26) manasyati na codeti nivṛttiṃ ca prayacchati / varvarti dṛkkriyārūpaṃ tattejaḥ śāṃbhavaṃ param // ### [1.63.27](https://indike.org/pramana/in.purana.narada.1.63.27) śakto mayā harau bhukto paśugaṇasya hi / tacchaktimādyāmekāntāṃ vidrūpākhyāṃ vadanti hi // ### [1.63.28](https://indike.org/pramana/in.purana.narada.1.63.28) tayā cojjṛṃbhito bindurdikkriyātmā śivābhidhaḥ / aśeṣatattvajātasya kāraṇaṃ vibhuravyayam // ### [1.63.29](https://indike.org/pramana/in.purana.narada.1.63.29) asminnilīnā nikhilā icchāyāḥ śaktayaḥ svakam / kṛtyaṃ kurvanti tenedaṃ sarvānugrāhakaṃ mune // ### [1.63.30](https://indike.org/pramana/in.purana.narada.1.63.30) cijjaḍānugrahārthāya yasya viśvaṃ sisṛkṣataḥ / ādyonmeṣo 'sya nādātmā śāntyādibhuvanātmakaḥ // ### [1.63.31](https://indike.org/pramana/in.purana.narada.1.63.31) tacchaktitattvaṃ viprendra proktaṃ sāvayavaṃ param / tato jñānakriyāśaktyostathotkarṣāpakarṣayoḥ // ### [1.63.32](https://indike.org/pramana/in.purana.narada.1.63.32) prasaraścāpyabhāvena tattvaṃ caitatsadāśivam / dṛkśaktiryatra nyagbhūtā kriyāśaktirviśiṣyate // ### [1.63.33](https://indike.org/pramana/in.purana.narada.1.63.33) īśvarākhyaṃ tu tattattvaṃ proktaṃ sarvārthakartṛkam / yatra kriyā hi nyagbhūtā jñānākhyodrekamaśnute // ### [1.63.34](https://indike.org/pramana/in.purana.narada.1.63.34) tattattvaṃ caiva vidyākhyaṃ jñānarūpaṃ prakāśakam / nādo binduśca sakalaḥ sadākhyaṃ tattvamāśritau // ### [1.63.35](https://indike.org/pramana/in.purana.narada.1.63.35) vidyeśāḥ punaraiśaṃ tu mantrā vidyābhidhaṃ punaḥ / imāni caiva tattvāni śuddhādhveti prakīrtitam // ### [1.63.36](https://indike.org/pramana/in.purana.narada.1.63.36) sākṣānnimittamīśo 'tretyupādānasabindurāṭ / pañcānāṃ kālarāhityākramo nāstīti niścitam // ### [1.63.37](https://indike.org/pramana/in.purana.narada.1.63.37) vyāpāravasato hyeṣāṃ vihitā khalu kalpanā / tattvaṃ vastuta ekaṃ tu śivākhyaṃ citraśaktikam // ### [1.63.38](https://indike.org/pramana/in.purana.narada.1.63.38) śaktaṃ yāṃ vṛttibhedāttuvihitāḥ khalu kalpanāḥ / cijjaḍānugrahārthāya kṛtvā rūpāṇi vai prabhuḥ // ### [1.63.39](https://indike.org/pramana/in.purana.narada.1.63.39) anādimalaruddhānāṃ kurute 'nugrahaṃ citām / muktiṃ ca viśveṣāṃ svavyāpāre samarthetām // ### [1.63.40](https://indike.org/pramana/in.purana.narada.1.63.40) vidhatte jaḍavargasya sarvānugrāhakaḥ śivaḥ / śivasāmānyarūpo hi mokṣastu cidanugrahaḥ // ### [1.63.41](https://indike.org/pramana/in.purana.narada.1.63.41) so 'nāditvātkarmaṇo hi tattadbhogaṃ vinā bhavet / tenānugrāhakaḥ śambhustadbhuktyai prabhurvyayaḥ // ### [1.63.42](https://indike.org/pramana/in.purana.narada.1.63.42) kurute sūkṣmakaraṇabhuvanotpattimañjasā / karttopādānakaraṇairvinā kārye na dṛśyate // ### [1.63.43](https://indike.org/pramana/in.purana.narada.1.63.43) śaktayaḥ karaṇaṃ cātra māyopādānamiṣyate / nityaikā ca śivā śaktyā hyanādinidhanā satī // ### [1.63.44](https://indike.org/pramana/in.purana.narada.1.63.44) sādhāraṇī narāṇāṃ vai bhuvanānāṃ ca kāraṇam / svabhāvānmohajananī svacitājanakarmabhiḥ // ### [1.63.45](https://indike.org/pramana/in.purana.narada.1.63.45) viśvī sūkṣmā parā māyā vikṛtaiḥ parattu sā / karmāṇyāvekṣya vidyeśo māyāṃ vikṣobhya śaktibhiḥ // ### [1.63.46](https://indike.org/pramana/in.purana.narada.1.63.46) vidhatte jīvabhogārthaṃ vapūṃṣi karaṇāni ca / sṛjatyādo kālatattvaṃ nānāśaktimayī ca sā // ### [1.63.47](https://indike.org/pramana/in.purana.narada.1.63.47) bhāvi bhūtaṃ mavañcedaṃ jagatkalayate layam / sūte hyanantaraṃ māyā śaktiṃ niyamanātmikām // ### [1.63.48](https://indike.org/pramana/in.purana.narada.1.63.48) sarvaṃ niyamayatyeṣā teneyaṃ niyatiḥ smṛtā / anantaraṃ ca sā māyā nityā viśvavimohinī // ### [1.63.49](https://indike.org/pramana/in.purana.narada.1.63.49) anādinidhanā tattvaṃ kalākhyaṃ janayatyapi / ekatastu nṛṇāṃ yena kalayitvā malaṃ tataḥ // ### [1.63.50](https://indike.org/pramana/in.purana.narada.1.63.50) kartṛśaktiṃ vyañjayati tenedaṃ tu kalābhidham / kālena ca niyatyopasargatāṃ samupetayā // ### [1.63.51](https://indike.org/pramana/in.purana.narada.1.63.51) vyāpāraṃ vidadhātyeṣā bhūparyantaṃ svakīyakam / pradarśanātha vai puṃso viṣayāṇāṃ ca sā punaḥ // ### [1.63.52](https://indike.org/pramana/in.purana.narada.1.63.52) prakāśarūpaṃ vidyākhyaṃ tattvaṃ sūte kalaiva hi / vidyā tvāvaraṇaṃ bhitvā jñānaśakteḥ svakarmaṇā // ### [1.63.53](https://indike.org/pramana/in.purana.narada.1.63.53) viṣayāndarśayatyeṣātmanāṃśākāraṇaṃ hyataḥ / karoti bhogyaṃ yānāsau karaṇena pareṇa vai // ### [1.63.54](https://indike.org/pramana/in.purana.narada.1.63.54) udbuddhaśaktiḥ puruṣaḥ pracodya mahadādikān / bhogye bhogaṃ ca bhoktāraṃ tatparaṃ karaṇaṃ tu sā // ### [1.63.55](https://indike.org/pramana/in.purana.narada.1.63.55) bhogyesya bhogyatirmāsāñcidvyaktirbhoga ucyate / sukhādirūpo viṣayākārā buddhiḥ samāsataḥ // ### [1.63.56](https://indike.org/pramana/in.purana.narada.1.63.56) bhogyaṃ bhoktuśca svenaiva vidyākhyaṃ karaṇaṃ tu tat / yadyarkavatprakāśā dhīḥ karmatvāñca tathāpi hi // ### [1.63.57](https://indike.org/pramana/in.purana.narada.1.63.57) karaṇāntarasāpekṣā śaktā grāhayituṃ ca tam / saṃbandhātkāraṇādyaistadbhogautsukyena codanāt // ### [1.63.58](https://indike.org/pramana/in.purana.narada.1.63.58) tañcaṣṭāphalayogāñca saṃsiddhā kartṛtāsya tu / akartṛtvābhyupagame bhoktṛtvākhyā vṛthāsya tu // ### [1.63.59](https://indike.org/pramana/in.purana.narada.1.63.59) kiṃ ca pradhānacaritaṃ vyarthaṃ sarvaṃ bhavettataḥ / kartṛtvarahite puṃsi karaṇādyaprayojake // ### [1.63.60](https://indike.org/pramana/in.purana.narada.1.63.60) bhogasyāsaṃbhavastasmātsa evātra pravartakaḥ / karaṇādiprayoktṛātvaṃ vidyayaivāsya saṃmatam // ### [1.63.61](https://indike.org/pramana/in.purana.narada.1.63.61) anantaraṃ kalārāgaṃ sūte bhidyaṅgarūpakam / yena bhogyāya janitā bhidyaṅge puruṣe punaḥ // ### [1.63.62](https://indike.org/pramana/in.purana.narada.1.63.62) kriyāpravṛttirbhavati tenedaṃ rāgasaṃjñikam / ebhistattvaiśca bhoktṛtvadaśāyāṃ kalito yadā // ### [1.63.63](https://indike.org/pramana/in.purana.narada.1.63.63) nityastadāyamātmā tu labhate puruṣābhidhām / kalaiva praścādavyaktaṃ sūte bhogyāya cāsya tu // ### [1.63.64](https://indike.org/pramana/in.purana.narada.1.63.64) saptagranthividhānasya yattadgauṇasyakāraṇam / guṇānāmavibhāgo 'tra hyādhāre kṣmādibhāgavat // ### [1.63.65](https://indike.org/pramana/in.purana.narada.1.63.65) ādhāro 'pi ca yasteṣāṃ tadavyaktaṃ ca gīyate / traya eva guṇā hyaṣāmavyaktādeva saṃbhavaḥ // ### [1.63.66](https://indike.org/pramana/in.purana.narada.1.63.66) sattvaṃ rajastamaḥprakhyā vyāpāraniyamātmikā / guṇato dhīśca viṣayādhyavasāyasvarūpiṇī // ### [1.63.67](https://indike.org/pramana/in.purana.narada.1.63.67) guṇatastrividhā sāpi proktā karmānusārataḥ / mahattattavādahṝṅkāro jātaḥ saṃraṃbhavṛttimān // ### [1.63.68](https://indike.org/pramana/in.purana.narada.1.63.68) saṃbhodādasya viṣayaḥ prāpnoti vyavahāryatām / sattvā dviguṇabhedena sa punastrividho bhavet // ### [1.63.69](https://indike.org/pramana/in.purana.narada.1.63.69) taijaso rājasaścaiva tāmasaśceti nāmataḥ / tatra taijasato jñānendriyāṇi manasā saha // ### [1.63.70](https://indike.org/pramana/in.purana.narada.1.63.70) prakāśānva yatastasmādvodhakāni bhavanti hi / rājasāñca kriyāhetostathā karmendriyāṇi tu // ### [1.63.71](https://indike.org/pramana/in.purana.narada.1.63.71) tāmasāñcaiva jāyante tanmātrā bhūtayonayaḥ / icchārūpaṃ ca saṃkalpavyāpāraṃ tatra vai manaḥ // ### [1.63.72](https://indike.org/pramana/in.purana.narada.1.63.72) dvidhādhikāri tañcittaṃ bhoktṛbhogopapādakam / bahiḥ karaṇabhāvena svocitena yataḥ sadā // ### [1.63.73](https://indike.org/pramana/in.purana.narada.1.63.73) indriyāṇāñca sāmarthyaṃ saṃkalpenātmavṛttinā / karotyantaḥsthitaṃ bhūyastato 'ntaḥ karaṇaṃ manaḥ // ### [1.63.74](https://indike.org/pramana/in.purana.narada.1.63.74) mano 'hṝṅkārabuddhyākhyamastyantaḥ kāraṇaṃ tridhā / icchāsaṃraṃbhabodhākhyā vṛttayaḥ kramato 'sya tu // ### [1.63.75](https://indike.org/pramana/in.purana.narada.1.63.75) jñānendriyāṇi śrotraṃ tvak cakṣurjihvā ca nāsikā / grāhyāśca viṣayā hyeṣāṃ jñeyāḥ śabdādayo mune // ### [1.63.76](https://indike.org/pramana/in.purana.narada.1.63.76) śabdasparśarūparasagandhāḥ śabdādayo matāḥ / vākpāṇipādapāyūpasthāstu karmendriyāṇyapi // ### [1.63.77](https://indike.org/pramana/in.purana.narada.1.63.77) vacanādānagamanotsargānandeṣu karmasu / karaṇāni ca siddhinā na kṛtiḥ karaṇairvinā // ### [1.63.78](https://indike.org/pramana/in.purana.narada.1.63.78) daśadhā karaṇaiśceṣṭāṃ kāryamāviśya kāryate / ceṣṭante kāryamālaṃbya vibhutvātkaraṇāni tu // ### [1.63.79](https://indike.org/pramana/in.purana.narada.1.63.79) tanmātrāṇi tu khavāyustejo 'mbhaḥ kṣmeti pañca vai / tebhyo bhūtānyekaguṇānyākhyātāni bhavanti hi // ### [1.63.80](https://indike.org/pramana/in.purana.narada.1.63.80) iti pañcasu śabdo 'yaṃ sparśo bhūtacatuṣṭaye / rūpaṃ triṣu rasaścaiva dvayorgandhaḥ kṣitau tathā // ### [1.63.81](https://indike.org/pramana/in.purana.narada.1.63.81) kāryāṇyeṣāṃ krameṇaivāvakāśo vyūhakalpanam / pākaśca saṃgrahaścaiva dhāraṇaṃ ceti kathyate // ### [1.63.82](https://indike.org/pramana/in.purana.narada.1.63.82) āśītoṣṇau mahā vādyau śītoṣṇau vāritejasoḥ / bhāsvadagnau jale śuklaṃ kṣitau śuklādyanekadhā // ### [1.63.83](https://indike.org/pramana/in.purana.narada.1.63.83) rūpaṃ triṣu rasoṃ'bhaḥ su madhuraḥ ṣaḍidhaḥ kṣitau / gandhaḥ kṣitāvasurabhiḥ surabhiśca prakīrtitaḥ // ### [1.63.84](https://indike.org/pramana/in.purana.narada.1.63.84) tanmātraṃ tadbhūtaguṇaṃ karaṇaṃ poṣaṇaṃ tathā / bhūtasya tu viśeṣo 'yaṃ viśeṣarahitaṃ tu tat // ### [1.63.85](https://indike.org/pramana/in.purana.narada.1.63.85) imāni pañcabhūtāni saṃniviṣṭāni sarvataḥ / pañcabhūtātmakaṃ sarvaṃ jagatsthāvarajaṅgamam // ### [1.63.86](https://indike.org/pramana/in.purana.narada.1.63.86) śarīrasaṃniviṣṭatvameṣāṃ tāvannirūpyate / dehe 'sthimāṃsakeśatvaṅnakhadantāśca pārthivāḥ // ### [1.63.87](https://indike.org/pramana/in.purana.narada.1.63.87) mūtraraktakaphasvedaśukrādiṣu jalasthitiḥ / hṛdi paṅktau dṛśoḥ pitte tejastaddharmadarśanāt // ### [1.63.88](https://indike.org/pramana/in.purana.narada.1.63.88) prāṇādivṛttibhedena vāyuścaivātra saṃsthitaḥ / viyatsarvāsu nāḍīṣu garbhavṛtyanuṣaṅgataḥ // ### [1.63.89](https://indike.org/pramana/in.purana.narada.1.63.89) prayoktyādimahīprāntametadaṇḍārthasādhanam / pratyātmaniyataṃ bhogabhedato vyavasīyate // ### [1.63.90](https://indike.org/pramana/in.purana.narada.1.63.90) tattvānyevaṃ kalādyāni pratipuṃniyatāni hi / deheṣu karmavaśataḥ sarveṣu vicaranti hi // ### [1.63.91](https://indike.org/pramana/in.purana.narada.1.63.91) māyeyaścaiva pāśo 'yaṃ yenāvṛtamidaṃ jagat / aśuddhādhvāmato hyeṣa dharaṇyādikalāvadhiḥ // ### [1.63.92](https://indike.org/pramana/in.purana.narada.1.63.92) tatra bhūmaṇḍalastho 'sau sthāvaro jaṅgamātmakaḥ / sthāvarā girivṛkṣādyā jaṅgamastrividhaḥ punaḥ // ### [1.63.93](https://indike.org/pramana/in.purana.narada.1.63.93) svedajāścāṇḍajāścaiva tathaiva ca jarāyujāḥ / carācareṣu lakṣāṇāṃ caturāśītiyonayaḥ // ### [1.63.94](https://indike.org/pramana/in.purana.narada.1.63.94) bhramamāṇasteṣu jīvaḥ kadācinmānuṣaṃ vapuḥ / prāpnoti karmavaśataḥ paraṃ sarvārthasādhakam // ### [1.63.95](https://indike.org/pramana/in.purana.narada.1.63.95) tatrāpi bhārate khaṇḍe brāhmaṇādikuleṣu ca / mahāpuṇyavaśenaiva janirbhavati durlabhā // ### [1.63.96](https://indike.org/pramana/in.purana.narada.1.63.96) janiśca puṃstriyoryogaḥ śukraśoṇitayogataḥ / bindurekaḥ praviśati yadā garbhe dvayātmakaḥ // ### [1.63.97](https://indike.org/pramana/in.purana.narada.1.63.97) tadā rajo 'dhike nārī bhavedreto 'dhike pumān / malakarmādipāśena kaścidātmā niyantritaḥ // ### [1.63.98](https://indike.org/pramana/in.purana.narada.1.63.98) jīvabhāvaṃ tadā tasminsakalaḥ pratipadyate / atha tatrāhṛtairmātrā pānānnādyaiśca poṣitaḥ // ### [1.63.99](https://indike.org/pramana/in.purana.narada.1.63.99) pakṣamāsādikālena vardhate vapuratra hi / duḥkhādyaḥ pīḍitaścaivācchannadeho jarāyuṇā // ### [1.63.100](https://indike.org/pramana/in.purana.narada.1.63.100) evaṃ tatra sthito garbhe prāgjanmotthaṃ śubhāśubham / smaraṃstiṣṭati duḥkhātmāpīḍyamāno muhurmuhuḥ // ### [1.63.101](https://indike.org/pramana/in.purana.narada.1.63.101) kālakrameṇa bālo 'sau mātaraṃ pīḍayannapi / saṃpīḍito niḥsarati yoniyantrādavāṅmukhaḥ // ### [1.63.102](https://indike.org/pramana/in.purana.narada.1.63.102) kṣaṇaṃ tiṣṭati niśceṣṭastato roditumicchati / tataḥ krameṇa sa śiśurvardhamāno dinedine // ### [1.63.103](https://indike.org/pramana/in.purana.narada.1.63.103) bālapaugaṇḍabhedena yuvatvaṃ pratipadyate / evaṃ krameṇa loke 'smindehināṃ dehasaṃbhavaḥ // ### [1.63.104](https://indike.org/pramana/in.purana.narada.1.63.104) mānuṣaṃ durlabhaṃ prāpya sarvalokopakārakam / yastārayati nātmānaṃ tasmātpāpataro 'tra kaḥ // ### [1.63.105](https://indike.org/pramana/in.purana.narada.1.63.105) āhāraścaiva nidrā ca bhayaṃ maithunameva ca / paśvādīnāṃ ca sarveṣāṃ ca sarveṣāṃ sādhāraṇamitīritam // ### [1.63.106](https://indike.org/pramana/in.purana.narada.1.63.106) caturṣvevānurakto yaḥ sa mūrkho hyātmadhātakaḥ / manuṣyāṇāmayaṃ dharmaḥ ravabandhacchedanātmakaḥ // ### [1.63.107](https://indike.org/pramana/in.purana.narada.1.63.107) pāśabandhanavicchedo dīkṣayaiva prajāyate / ato bandhanavicchittyai mantradīkṣāṃ samācaret // ### [1.63.108](https://indike.org/pramana/in.purana.narada.1.63.108) dīkṣājñānākhyayā śaktyā hyapadhvaṃsitabandhanaḥ / śuddhātmatattvanāmāsau nirvāṇapadamaśnute // ### [1.63.109](https://indike.org/pramana/in.purana.narada.1.63.109) svaśaktyātmikayā dṛṣṭyā śivaṃ dhyāyati paśyati / yajate śivaṃ mantraiśca ravapareṣāṃ hitāya saḥ // ### [1.63.110](https://indike.org/pramana/in.purana.narada.1.63.110) śivārkaśaktidīdhityā samarthīkṛtacidṛśā / śivaśaktyādibhiḥ sārddhaṃ paśyatyātmagatāvṛttiḥ // ### [1.63.111](https://indike.org/pramana/in.purana.narada.1.63.111) antaḥkaraṇavṛttiryā bodhākhyā sā maheśvaram / na prakāśayituṃ śaktā pāśatvānnigaḍādivat // ### [1.63.112](https://indike.org/pramana/in.purana.narada.1.63.112) dīkṣaiva paramo hetuḥ pāśavicchedane punaḥ / ataḥ śāstroktavidhinā matradīkṣāṃ samācaret // ### [1.63.113](https://indike.org/pramana/in.purana.narada.1.63.113) dīkṣitastantravidhinā svavarṇācāratatparaḥ / anuṣṭānaṃ prakurvīta nityanamittikātmakam // ### [1.63.114](https://indike.org/pramana/in.purana.narada.1.63.114) nijavarṇāśramācārānmanasāpi na laṅghayet / yo yasminnāśrame tiṣṭandīkṣāṃ prāpnoti mānavaḥ // ### [1.63.115](https://indike.org/pramana/in.purana.narada.1.63.115) sa tasminnāśrame tiṣṭhettaddharmānanupālayet / kṛtānyapi na karmāṇi bandhanāya bhavanti hi // ### [1.63.116](https://indike.org/pramana/in.purana.narada.1.63.116) ekaṃ tu phaladaṃ karma mantrānuṣṭhānasaṃbhavam / dīkṣito 'bhilaṣedbhogānyadyallokagatānasau // ### [1.63.117](https://indike.org/pramana/in.purana.narada.1.63.117) mantrārādhanasāmarthyāttadbhuktvā mokṣamaśnute / nityaṃ naimittikaṃ dīkṣāṃ prāpya yo nācarennaraḥ // ### [1.63.118](https://indike.org/pramana/in.purana.narada.1.63.118) kañcitkālaṃ piśācatvaṃ prāpyānte mokṣamaśnute / tasmāttu dīkṣitaḥ kuryyānnityanaimittikādikam // ### [1.63.119](https://indike.org/pramana/in.purana.narada.1.63.119) anuṣṭhānaṃ ca tenāsya dīkṣāṃ prāpyānumīyate / nityanaimittikācāra pālakasya narasya tu // ### [1.63.120](https://indike.org/pramana/in.purana.narada.1.63.120) dīkṣāvaikalyavirahātsadyo muktistu jāyate / tatrāpi gurubhaktasya gatirbhavati nānyathā // ### [1.63.121](https://indike.org/pramana/in.purana.narada.1.63.121) dīkṣayā gurumūrtisthaḥ sarvānugrāhakaḥ śivaḥ / dṛṣṭādyarthatayā yasya gurubhaktistu kṛtrimā // ### [1.63.122](https://indike.org/pramana/in.purana.narada.1.63.122) kṛte 'pi viphalaṃ tasya prāyaścittaṃ pade pade / kāyena manasā vācā gurubhaktiparasya ca // ### [1.63.123](https://indike.org/pramana/in.purana.narada.1.63.123) prāyaścittaṃ bhavennaiva siddhistasya pade pade / gurubhaktiyute śiṣye sarvasvavinivedake // ### [1.63.124](https://indike.org/pramana/in.purana.narada.1.63.124) mithyāprayuktamantrastu prāyāścittī bhavedguruḥ // ### [1.63.124.p1](https://indike.org/pramana/in.purana.narada.1.63.124.p1) iti śrībṛhannāradīyapurāṇe pūrvabhāge bṛhadupākhyāne tṛtīyapāde triṣaṣṭitamo 'dhyāyaḥ ## Linked texts (6) - [Mṛgendra](https://indike.org/pramana/in.sampradaya.saiva.agama.siva.kamika.mrgendra.1.12.27) — Sanskrit - [Tattvaprakāśa](https://indike.org/pramana/in.sampradaya.saiva.siddhanta.darsana.tattvaprakasa.3.10) — Bhoja, Sanskrit - [Garuḍapurāṇa](https://indike.org/pramana/in.purana.garuda.2.49.115) — Vyāsa, Sanskrit - [Kūrmapurāṇa](https://indike.org/pramana/in.purana.kurma.1.29.4) — Vyāsa, Sanskrit - [Mṛgendra (another edition)](https://indike.org/pramana/in.sampradaya.saiva.agama.siva.kamika.mrgendra*alt.1.44) — Sanskrit - [Garuḍapurāṇasāroddhāra](https://indike.org/pramana/in.purana.garudasaroddhara.19.15-2) — Sanskrit --- Source: [https://indike.org/pramana/in.purana.narada.1.63](https://indike.org/pramana/in.purana.narada.1.63) · Pramāṇa