[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.64 # Naradapurana 1.64 Nāradapurāṇa 1.64 - **Language:** Sanskrit ## Contents - [1.64.70](https://indike.org/pramana/in.purana.narada.1.64.70) — 1 part ### [1.64.1](https://indike.org/pramana/in.purana.narada.1.64.1) sanatkumāra uvāca atha jīvasya pāśaughacchedanāyeṣṭasiddhidam / dīkṣāvidhiṃ pravakṣyāmi mantrasāmarthyadāyakam // ### [1.64.2](https://indike.org/pramana/in.purana.narada.1.64.2) divyaṃ bhāvaṃ yato dadyātkṣiṇuyā dduritāni ca / ato dīkṣeti sā proktā sarvāgamaviśāradaiḥ // ### [1.64.3](https://indike.org/pramana/in.purana.narada.1.64.3) mananaṃ sarvaveditvaṃ trāṇaṃ saṃkhāryanugrahaḥ / mananātrāṇadharmattvānmantra ityabhidhīyate // ### [1.64.4](https://indike.org/pramana/in.purana.narada.1.64.4) strīpuṃnapuṃsakātmānaste mantrāstu tridhā matāḥ / strīmantrāstu dviṭhāntāḥ syuḥ puṃmantrā huṃphaḍantakāḥ // ### [1.64.5](https://indike.org/pramana/in.purana.narada.1.64.5) klībāścaiva narmo 'tāḥ smurmantrāṇāṃ jātayaḥ smṛtāḥ / pundaivatāstu mantrā syurvidyāḥ strīdaivatā matāḥ // ### [1.64.6](https://indike.org/pramana/in.purana.narada.1.64.6) ṣaṭ kramasu praśastāste manavastrividhāḥ punaḥ / tārāntyarephaḥ svāhāstu tatrāgneyāḥ samīritāḥ // ### [1.64.7](https://indike.org/pramana/in.purana.narada.1.64.7) saumyāstu bhṛgupīyūṣabījaḍhyāḥ kathitā mune / agnīṣomātmakā hyevaṃ mantrā jñeyā manīṣibhiḥ // ### [1.64.8](https://indike.org/pramana/in.purana.narada.1.64.8) bodhamāyānti cāgneyāḥ śvasane piṅgalāśrite / saumayāścaiva prabudhyante vāme vahati māruteḥ // ### [1.64.9](https://indike.org/pramana/in.purana.narada.1.64.9) sarve mantrāḥ prabudhyante vāyau nāḍidvayāśrite / svāpakāle tu mantrasya japo 'narthaphalapradaḥ // ### [1.64.10](https://indike.org/pramana/in.purana.narada.1.64.10) pratyekaṃ mantramuñcārya nāvyānāṃ tānsamuñcaret / anulobhe binduyuktānvilobhe sargasaṃyutān // ### [1.64.11](https://indike.org/pramana/in.purana.narada.1.64.11) japto yadi sa vai devaṃ prabuddhaḥ kṣiprasiddhidaḥ / anayā mālayā japto duṣṭamantro 'pi siddhyati // ### [1.64.12](https://indike.org/pramana/in.purana.narada.1.64.12) krūre karmāṇi cāgneyāḥ saumyāḥ saumya phalapradāḥ / śāntajñānetiraudreyaśāntijāti samanvitaḥ // ### [1.64.13](https://indike.org/pramana/in.purana.narada.1.64.13) śānto 'pi raudratāmeti huṃphaṭīpallavayojanāt / chinnādidoṣayuktāste naiva rakṣanti sādhakam // ### [1.64.14](https://indike.org/pramana/in.purana.narada.1.64.14) chinno ruddhaḥ śaktihīnastataścaiva parāṅmukhaḥ / karmahīno netrahīnaḥ kīlitaḥ staṃbhitastathā // ### [1.64.15](https://indike.org/pramana/in.purana.narada.1.64.15) dagdhaḥ srastaśca bhītaśca malinaśca tiraskṛtaḥ / bheditaśca suṣuptaśca madonmattaśca mūrcchitaḥ // ### [1.64.16](https://indike.org/pramana/in.purana.narada.1.64.16) hatavīryo bhrāntasaṃjñaḥ pradhvasto bālakastathā / kumāro 'tha yuvā prauḍho vṛddho nistriṃśakastathā // ### [1.64.17](https://indike.org/pramana/in.purana.narada.1.64.17) nirbījaḥ sidvihīnaśca mandaḥ kūṭo niraṃśakaḥ / sattvahīnaḥ kekaraśca bījahīnaśca dhṛmitaḥ // ### [1.64.18](https://indike.org/pramana/in.purana.narada.1.64.18) āliṅgito mohitaśca kṣudhārtaścātidīptakaḥ / aṅgahīno 'tikruddhaścātikrūre vrīḍitastathā // ### [1.64.19](https://indike.org/pramana/in.purana.narada.1.64.19) praśāntamānasaḥ sthānabhraṣṭaśca vikalastathā / ativṛddho 'tiniḥsnehaḥ pīḍitaśca tathā punaḥ // ### [1.64.20](https://indike.org/pramana/in.purana.narada.1.64.20) doṣā hyete samākhyātā vakṣyāmyeṣāṃ ca lakṣaṇam / saṃyuktaṃ vā viyuktaṃ vā tridhā vā svarasaṃyutam // ### [1.64.21](https://indike.org/pramana/in.purana.narada.1.64.21) manoryasyādimadhyanti vahnibījaṃ tathocyate / caturddhā pañcadhā vāpi sa mantraśchinnasaṃjñakaḥ // ### [1.64.22](https://indike.org/pramana/in.purana.narada.1.64.22) manoryasyādimadhyānte bhūbījadvayamucyate / sa tu ruddho manujñeyo hyatiklaśena siddhidaḥ // ### [1.64.23](https://indike.org/pramana/in.purana.narada.1.64.23) tāravarmatrayā lakṣmīrevaṃ hīnastu yo manuḥ / śaktihīnaḥ sa vijñeyaścirakālaphavapradhaḥ // ### [1.64.24](https://indike.org/pramana/in.purana.narada.1.64.24) kāmabījaṃ mukhe māyāhyante caivāṅkuśaṃ tathā / asau parāṅmukho jñeyo bhajatāṃ cirasiddhidaḥ // ### [1.64.25](https://indike.org/pramana/in.purana.narada.1.64.25) ādimadhyāvasāneṣu sakāro dṛśyate yadi / sa mantro badhiraḥ proktaḥ kaṣṭenālpaphalapradaḥ // ### [1.64.26](https://indike.org/pramana/in.purana.narada.1.64.26) pañcārṇo yadi repharkabinduvarjitavigrahaḥ / netrahīnastu vijñeyaḥ kleśenāpi na siddhidaḥ // ### [1.64.27](https://indike.org/pramana/in.purana.narada.1.64.27) ādimadhyāvasāneṣu haṃsaḥ prāsādavāgbhavau / haṃseṃdurvā sakāro vā phakāro varma vā puna // ### [1.64.28](https://indike.org/pramana/in.purana.narada.1.64.28) māprā namāmi ca padaṃ nāsti yasminsa kīlitaḥ / evaṃ madhye dvayaṃ mūrghni yasminnasralakārakau // ### [1.64.29](https://indike.org/pramana/in.purana.narada.1.64.29) na vidyete sa mantrastu staṃbhitaḥ siddhirodhakṛt / agniḥ pavanasaṃyukto manoryasya tu mūrddhani // ### [1.64.30](https://indike.org/pramana/in.purana.narada.1.64.30) sa sārṇo dṛśyate yastu sa mantro dagdhasaṃjñakaḥ / asraṃ dvābhyāṃ tribhiḥ ṣaḍbhiraṣṭābhirdṛśyate 'kṣareḥ // ### [1.64.31](https://indike.org/pramana/in.purana.narada.1.64.31) trastaḥ sa mantro vijñeyo mukhe tāravivarjitaḥ / hakāraḥ śaktirathavā bhīto mantraḥ sa eva hi // ### [1.64.32](https://indike.org/pramana/in.purana.narada.1.64.32) manoryasyādimadhyānte syānmakāracatuṣṭayam / malinastu sa vijñeyo hyatikleśena siddhidaḥ // ### [1.64.33](https://indike.org/pramana/in.purana.narada.1.64.33) dārṇo yasya manormadhye mūrdhni krodhayugaṃ tathā / asraṃ cāsti sa mantrastu tiraskṛta udīritaḥ // ### [1.64.34](https://indike.org/pramana/in.purana.narada.1.64.34) myodvayaṃ hṛdayaṃ śīrṣe vaṣaḍvauṣaṭkamadhyamaḥ / yasya syādbhedito mantrastyājyaḥ kliṣṭaphalapradaḥ // ### [1.64.35](https://indike.org/pramana/in.purana.narada.1.64.35) tryakṣaro haṃsahīno yaḥ suṣuptaḥ kīrtitastu saḥ / vidyā vāpyathavā mantro bhavetsaptadaśākṣaraḥ // ### [1.64.36](https://indike.org/pramana/in.purana.narada.1.64.36) ṣaṭkārapañcakādiryo madonmattastu sa smṛtaḥ / yasya madhye sthitaṃ cāsraṃ sa mantro mūrcchitaḥ smṛtaḥ // ### [1.64.37](https://indike.org/pramana/in.purana.narada.1.64.37) virāmasthānagaṃ cāsraṃ hatavīryaḥ sa ucyate / mantrasyādau ca madhye ca mūrdhni cāsracatuṣṭayam // ### [1.64.38](https://indike.org/pramana/in.purana.narada.1.64.38) jñātavyo bhrānta ityeṣa yaḥ syādaṣṭā daśākṣaraḥ / punarviśativarṇo vā yo mantraḥ smarasaṃyutaḥ // ### [1.64.39](https://indike.org/pramana/in.purana.narada.1.64.39) hṛllekhākuṃśabījāḍhyaḥ pradhvastaḥ sa kathyate / saptārṇo bālamantrastu kumāro vasuvarṇavān // ### [1.64.40](https://indike.org/pramana/in.purana.narada.1.64.40) ṣoḍaśārṇo yuvā prauḍhaścatvāriṃśativarṇakaḥ / triṃśadvarṇaścatuḥṣaṣṭivarṇaścāpi śatākṣaraḥ // ### [1.64.41](https://indike.org/pramana/in.purana.narada.1.64.41) catuḥśatākṣaro mantro vṛddha ityabhidhīyate / navārṇastārasaṃyukto mantro nistriṃśa ucyate // ### [1.64.42](https://indike.org/pramana/in.purana.narada.1.64.42) yasyānte hṛdayaṃ proktaṃ śiromantro 'tha madhyagaḥ / śikhā varma ca yasyānte netramasraṃ ca dṛśyate // ### [1.64.43](https://indike.org/pramana/in.purana.narada.1.64.43) śiva śaktyārṇahīno vā nirbījaḥ sa manuḥ smṛtaḥ / ādyantamadhye phaṭkāraḥ ṣoḍhā yasminpradṛśyate // ### [1.64.44](https://indike.org/pramana/in.purana.narada.1.64.44) sa manuḥ siddhihīnaḥ syānmandaḥ paṅktyakṣaro manuḥ / kūṭa ekākṣaro mantraḥ sa evokto niraṃśakaḥ // ### [1.64.45](https://indike.org/pramana/in.purana.narada.1.64.45) dvivarṇaḥ sattvahīnaḥ syātkekaraścaturakṣaraḥ / ṣaḍvarṇo bījahīno vā sārddhasaptākṣaro 'pi vā // ### [1.64.46](https://indike.org/pramana/in.purana.narada.1.64.46) sārddhadvādaśavarṇo vā dhūmito rniditastu saḥ / sārddhabījatrayayuto mantro viṃśativarṇavān // ### [1.64.47](https://indike.org/pramana/in.purana.narada.1.64.47) triṃśadvarṇaścaikaviṃśadvarṇaścārliṅgitastu saḥ / yo mantro dantavarṇastu mohitaḥ sa tu kīrtitaḥ // ### [1.64.48](https://indike.org/pramana/in.purana.narada.1.64.48) caturviśativarṇo vā saptaviṃśativarṇavān / kṣudhārtaḥ sa tu vijñeyo mantrasiddhivivarjitaḥ // ### [1.64.49](https://indike.org/pramana/in.purana.narada.1.64.49) ekādaśākṣaro vāpi pañcaviṃśativarṇakaḥ / trayorviṃśativarṇo vā sa manurdṛptasaṃjñakaḥ // ### [1.64.50](https://indike.org/pramana/in.purana.narada.1.64.50) ṣaḍviṃśatyakṣaro vāpi ṣaṭtriṃśadvarṇaṅko 'pi vā / ekona triṃśadarṇo vā mantro hīnāṅgakaḥ smṛtaḥ // ### [1.64.51](https://indike.org/pramana/in.purana.narada.1.64.51) aṣṭāviṃśativarṇo vā tathaikatriṃśadarṇakaḥ / atikrūraḥ sa vijñeyo 'khilakarmasu garhitaḥ // ### [1.64.52](https://indike.org/pramana/in.purana.narada.1.64.52) catvāriṃśatsamārabhya triṣaṣṭyantastu yo manuḥ / vrīḍitaḥ sa tu vijñeyaḥ sarvakarmasu na kṣamaḥ // ### [1.64.53](https://indike.org/pramana/in.purana.narada.1.64.53) pañcaṣaṣṭyakṣarā mantrā jñeyā vai śāntamānasāḥ / pañcaṣaṣaaṭyarṇamārabhya navanandākṣarāvadhi // ### [1.64.54](https://indike.org/pramana/in.purana.narada.1.64.54) ye mantrāste tu vijñeyāḥ sthānabhraṣṭā munīśvara / trayodaśārṇā ye mantrāstithyarṇāśca tathā punaḥ // ### [1.64.55](https://indike.org/pramana/in.purana.narada.1.64.55) vikasāsteṃ samākhyātāḥ sarvatantraviśāradaiḥ / śataṃ sārddhaśataṃ vāpi śatadvayamathāpi vā // ### [1.64.56](https://indike.org/pramana/in.purana.narada.1.64.56) dvinavatyekahīno vā śatatrayamathāpi vā / ye mantrā varṇasaṃkhyākā niḥsnehāste prakīrtitāḥ // ### [1.64.57](https://indike.org/pramana/in.purana.narada.1.64.57) catuḥśataṃ samārabhya sahasrārṇāvadhi dvija / ativṛddhāḥ prayogeṣu śithilāste samīritāḥ // ### [1.64.58](https://indike.org/pramana/in.purana.narada.1.64.58) sahasravarṇadadhikā mantrāste pīḍitāhvayāḥ / tadvarddhvaṃ caiva ye mantrāḥ stotrarūpāstu te smṛtāḥ // ### [1.64.59](https://indike.org/pramana/in.purana.narada.1.64.59) evaṃ vidhāḥ samākhyātā manavo doṣa saṃyutāḥ / doṣānetānavijñāya mantrānetāñjapanti ye // ### [1.64.60](https://indike.org/pramana/in.purana.narada.1.64.60) siddhirna jāyate teṣāṃ kalpakoṭiśatairapi / chinnādidoṣaduṣṭānāṃ mantrāṇāṃ sādhanaṃ bruve // ### [1.64.61](https://indike.org/pramana/in.purana.narada.1.64.61) yonimudrāsane sthitvā prajapedyaḥ samāhitaḥ / yaṃ kañcidapi vā mantraṃ tasya syuḥ sarvasiddhayaḥ // ### [1.64.62](https://indike.org/pramana/in.purana.narada.1.64.62) savyapāṣṇi gude sthāpya dakṣiṇaṃ ca dhvajopari / yonimudrābandha evaṃ bhavedāsanamuttamam // ### [1.64.63](https://indike.org/pramana/in.purana.narada.1.64.63) anyo 'pyatra prakāro 'sti yonimudrānibandhane / tadagre sarahasyaṃ te kathayiṣyāmi nārada // ### [1.64.64](https://indike.org/pramana/in.purana.narada.1.64.64) pāraṃparyakramaprāpto nityānuṣṭānatatparaḥ / gurvanujñārataḥ śrīmānabhiṣekasamanvitaḥ // ### [1.64.65](https://indike.org/pramana/in.purana.narada.1.64.65) suṃdaraḥ sumukhaḥ śāntaḥ kulīnaḥ sulabho vaśī / mantratantrārthatattvajño nigrahānugrahakṣamaḥ // ### [1.64.66](https://indike.org/pramana/in.purana.narada.1.64.66) nirapekṣo munirdānto hitavādī vicakṣaṇaḥ / tattvaniṣkāsane dakṣo vinayī ca suveṣavān // ### [1.64.67](https://indike.org/pramana/in.purana.narada.1.64.67) āśramī dhyānanirataḥ saṃśayacchitsuvuddhimān / nityānuṣṭānasaṃyuktastvācāryaḥ parikīrtitaḥ // ### [1.64.68](https://indike.org/pramana/in.purana.narada.1.64.68) śānto vinītaḥ śuddhātmā sarvalakṣaṇasaṃyutaḥ / śamādisādhanopetaḥ śraddhāvān susthirāśayaḥ // ### [1.64.69](https://indike.org/pramana/in.purana.narada.1.64.69) śuddhadeho 'nnapānadyairddhārmikaḥ śuddhamānasaḥ / dṛḍhavratasamācāraḥ kṛtajñaḥ pāpabhīrukaḥ // ### [1.64.70](https://indike.org/pramana/in.purana.narada.1.64.70) gurudhyānastutikathāsevanāsaktamānasaḥ / evaṃvidho bhavecchiṣyastvanyathā guruduḥkhadaḥ // ### [1.64.70.p1](https://indike.org/pramana/in.purana.narada.1.64.70.p1) iti śrībṛhannāradīyapurāṇe pūrvabhāge bṛhadupākhyāne tṛtīyapāde catuḥṣaṣṭitamo 'dhyāyaḥ ## Linked texts (6) - [Śrīvidyārṇavatantra](https://indike.org/pramana/in.sampradaya.saiva.agama.srividya.srividyarnavatantra.2.199) — Sanskrit - [Viśvasāratantra](https://indike.org/pramana/in.sampradaya.general.sakta.visvasaratantra.4.437) — Sanskrit - [Mantrakaumudī](https://indike.org/pramana/in.niti.dharma.prayoga.purascarana.mantrakaumudi.2.623) — Sanskrit - [Tattvacintāmaṇi](https://indike.org/pramana/in.sampradaya.general.sakta.tattvacintamani.3.5.1541) — Sanskrit - [Mṛgendra (another edition)](https://indike.org/pramana/in.sampradaya.saiva.agama.siva.kamika.mrgendra*alt.1.195) — Sanskrit - [Śāradātilaka](https://indike.org/pramana/in.sampradaya.general.saradatilaka.2.80) — Lakṣmaṇadeśika, Sanskrit --- Source: [https://indike.org/pramana/in.purana.narada.1.64](https://indike.org/pramana/in.purana.narada.1.64) · Pramāṇa