[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.65 # Naradapurana 1.65 Nāradapurāṇa 1.65 - **Language:** Sanskrit ## Contents - [1.65.97](https://indike.org/pramana/in.purana.narada.1.65.97) — 1 part ### [1.65.1](https://indike.org/pramana/in.purana.narada.1.65.1) sanatkumāra uvāca parīkṣya śiṣyaṃ tu gururmantraśodhanamācaret / prākpratyagdakṣiṇodakcapañcasūtrāṇi pātayet // ### [1.65.2](https://indike.org/pramana/in.purana.narada.1.65.2) catuṣṭayaṃ catuṣkānāṃ syādevaṃ nṛpakoṣṭake / tatrādyaprathame tvādyaṃ dvitīyādye dvitīyakam // ### [1.65.3](https://indike.org/pramana/in.purana.narada.1.65.3) tṛtīyādye tṛtīyaṃ syāñca turthādye turīyakam / tattadāgneyakoṣṭeṣu tattatpañcamamakṣaram // ### [1.65.4](https://indike.org/pramana/in.purana.narada.1.65.4) vilikhya kramato dhīmānmanuṃ saṃśodhayettataḥ / nāmādyakṣaramārabhya yāvanmantrādi varṇakam // ### [1.65.5](https://indike.org/pramana/in.purana.narada.1.65.5) catuṣke yatra nāmārṇastatsyātsiddhicatuṣkakam / prādakṣiṇyāttaddvitīyaṃ sādhyākhyaṃ parikīrtitam // ### [1.65.6](https://indike.org/pramana/in.purana.narada.1.65.6) tṛtīyaṃ puṃsi siddhākhyaṃ turīyamarisaṃjñakam / dvayorvarṇāvekakoṣṭe siddhasiddheti tanmatam // ### [1.65.7](https://indike.org/pramana/in.purana.narada.1.65.7) taddvitīye tu mantrārṇe siddhasādhyaḥ prakīrtitaḥ / tṛtīye tatsusiddhaḥ syātsiddhāristañcaturthake // ### [1.65.8](https://indike.org/pramana/in.purana.narada.1.65.8) nāmārṇānyacatuṣkāttu dvitīye mantravarṇake / catuṣke cettadā pūrvaṃ yatra nāmākṣaraṃ sthitam // ### [1.65.9](https://indike.org/pramana/in.purana.narada.1.65.9) tatra tatkoṣṭamārabhya gaṇayetpūrvavatkramāt / sādhyasiddhaḥ sādhyasādhyastatsusiddhaśca tadripruḥ // ### [1.65.10](https://indike.org/pramana/in.purana.narada.1.65.10) tṛtīye ceñcatuṣke tu yadi syānmantravarṇakaḥ / tadā pūrvoktarītyā tu kramāddveyaṃ manīṣibhiḥ // ### [1.65.11](https://indike.org/pramana/in.purana.narada.1.65.11) susiddhasiddhastatsādhyastatsusiddhaśca tadṛṣiḥ / turīye ceñcatuṣke tu tadaivaṃ gaṇayetsudhīḥ // ### [1.65.12](https://indike.org/pramana/in.purana.narada.1.65.12) arisiddho 'risādhyaśca tatsusiddhaśca tadripuḥ / riddhasiddho yathoktena dviguṇātsiddhisādhyakaḥ // ### [1.65.13](https://indike.org/pramana/in.purana.narada.1.65.13) siddhaḥ susiddhorddhatayātsiddhārirhati gotrajān / dviguṇātsādhyasiddhastu sādhyasādhyo vilaṃbataḥ // ### [1.65.14](https://indike.org/pramana/in.purana.narada.1.65.14) sādhyaḥ susiddho dviguṇātsādhyārirhanti bāndhavān / susiddhasiddhorddhatayā tatsādhyo dviguṇājjapāt // ### [1.65.15](https://indike.org/pramana/in.purana.narada.1.65.15) tatsusiddhaprāptimātrātsusiddhāriḥ kuṭuṃbahṛt / arisiddhastu putradhno 'riśādhyaḥ kanyakāpahaḥ // ### [1.65.16](https://indike.org/pramana/in.purana.narada.1.65.16) tatsusiddhaḥ kalatradhnaḥ sādhakadhnore 'pyariḥ smṛtaḥ / anye 'pyatra prakārā hi saṃti vai bahavoṃ mune // ### [1.65.17](https://indike.org/pramana/in.purana.narada.1.65.17) sarveṣu mukhyo 'yaṃ te 'tra kathito kathahābhidhaḥ / evaṃ saṃśodhya mantraṃ tu śuddhe kāle sthale tathā // ### [1.65.18](https://indike.org/pramana/in.purana.narada.1.65.18) dīkṣayeñca guruḥ śiṣyaṃ tadvidhānamudīryate / nityakṛtyaṃ vidhāyātha praṇamyagurupādukām // ### [1.65.19](https://indike.org/pramana/in.purana.narada.1.65.19) prārthayetsadguruṃ bhaktyābhīṣaaṭārthamādṛtaḥ / saṃpūjya vastrālaṅkāragohiraṇyadharādibhiḥ // ### [1.65.20](https://indike.org/pramana/in.purana.narada.1.65.20) kṛtvā svasti vidhānaṃ tu maṇḍalādi ca tuṣṭimān / guruḥ śiṣyeṇa sahitaḥ śuciryāgagṛhaṃ viśet // ### [1.65.21](https://indike.org/pramana/in.purana.narada.1.65.21) sāmānyārghodakenātha saṃprokṣya dvāramastrataḥ / divyānutsārayedvighnānnabhasthānarcya vāriṇā // ### [1.65.22](https://indike.org/pramana/in.purana.narada.1.65.22) pārṣṇighātaistribhirbhauṃmāṃstataḥ karma samācaret / varṇakaiḥ sarvatobhadre yathoktaparikalpite // ### [1.65.23](https://indike.org/pramana/in.purana.narada.1.65.23) vahnimaṇḍalamabhyarcya tatkalāḥ paripūjya ca / astraprakṣālitaṃ kuṃbhaṃ yathāśakti vinirmitam // ### [1.65.24](https://indike.org/pramana/in.purana.narada.1.65.24) tatra saṃsthāpya vidhivattatra bhānoḥ kalāṃ yajet / vilomamātṛkāmūlamuñcaran śuddhavāriṇā // ### [1.65.25](https://indike.org/pramana/in.purana.narada.1.65.25) āpūrya kuṃbhaṃ tatrārcetsomasya vidhivatkalāḥ / dhūmrārcirūṣmā jvalinī jvālinī visphuliṅginī // ### [1.65.26](https://indike.org/pramana/in.purana.narada.1.65.26) suśrīḥ surūpā kapilā havyakavyavahā tathā / vahnerdaśa kalāḥ proktāḥ procyante 'tha raveḥ kalāḥ // ### [1.65.27](https://indike.org/pramana/in.purana.narada.1.65.27) tapinī tāpinī dhūmrā marīcijvālinī ruciḥ / suṣumṇā bhogadā viśvā bodhinī dhāriṇī kṣamā // ### [1.65.28](https://indike.org/pramana/in.purana.narada.1.65.28) athendrośca kalā jñeyā hyamṛtā mānadā punaḥ / pūṣā tuṣṭiśca puṣṭiśca ratiśca dhṛtisaṃjñikāḥ // ### [1.65.29](https://indike.org/pramana/in.purana.narada.1.65.29) śaśinī candrikā kātirjyotsnā śrīḥ prītiraṅgadā / pūrṇāpūrṇāmṛtā ceti proktāścandramasaḥ kalāḥ // ### [1.65.30](https://indike.org/pramana/in.purana.narada.1.65.30) vasrayugmena saṃveṣṭya tasminsarvaiṣadhīḥ kṣipet / navaratnāni nikṣipya vinyasetpañcapallavān // ### [1.65.31](https://indike.org/pramana/in.purana.narada.1.65.31) panasāmravaṭāśvatthavakuleti ca tān viduḥ / muktāmāṇikyavaiḍūryagomedānvajravidrumau // ### [1.65.32](https://indike.org/pramana/in.purana.narada.1.65.32) padmarāgaṃ marakataṃ nīlaṃ ceti yathākram / evaṃ ratnāni nikṣipya tatrāvāhyeṣṭadevatām // ### [1.65.33](https://indike.org/pramana/in.purana.narada.1.65.33) saṃpūjya vidhivanmantrī tataḥ śiṣyaṃ svalaṅkṛtam / vedyāṃ saṃveśya saṃprokṣya prokṣaṇīsthena vāriṇā // ### [1.65.34](https://indike.org/pramana/in.purana.narada.1.65.34) bhūtaśuddhyādikaṃ katvā taccharīre vidhānataḥ / nyāsajālena saṃśodhya mūrdhni vinyasya pallavān // ### [1.65.35](https://indike.org/pramana/in.purana.narada.1.65.35) aṣṭottaraśatenātha mūlamantreṇa mantritaiḥ / abhiṣiñcetpriyaṃ śiṣyaṃ japanmūlamanuṃ hṛdi // ### [1.65.36](https://indike.org/pramana/in.purana.narada.1.65.36) śiṣṭodakena vācamya paridhāyāṃbaraṃ śiśuḥ / guruṃ praṇamya vidhivatsaṃviśetpurataḥ śuciḥ // ### [1.65.37](https://indike.org/pramana/in.purana.narada.1.65.37) atha śiṣyasya śirasi hastaṃ datvā gurustataḥ / japedaṣṭottaraśataṃ deyamantraṃ vidhānataḥ // ### [1.65.38](https://indike.org/pramana/in.purana.narada.1.65.38) samo 'stvityakṣarāndadyāttataṛ śiṣyor'cayedgurum / tataḥ sacandanaṃ hastaṃ datvā śiṣyasya mastake // ### [1.65.39](https://indike.org/pramana/in.purana.narada.1.65.39) tatkarṇe pravadedvidyāmaṣṭavāraṃ samāhitaḥ / saṃprāptavidyaḥ śiṣyo 'pi nipatedgurupādayoḥ // ### [1.65.40](https://indike.org/pramana/in.purana.narada.1.65.40) uttiṣṭha vatsa mukte 'si samyagācāravānbhava / kīrtiśrīkāntiputrāyurbalārogya sadāstu te // ### [1.65.41](https://indike.org/pramana/in.purana.narada.1.65.41) tataḥ śiṣyaḥ samutthāya gandhādyairgurumarcayet / dadyāñca dakṣiṇāṃ tasmai vittaśāṭhyavivarjitaḥ // ### [1.65.42](https://indike.org/pramana/in.purana.narada.1.65.42) saṃprāpyaivaṃ gurormantraṃ tadārabhya dhanādibhiḥ / dehaputrakalatraiśca gurusevāparo bhavet // ### [1.65.43](https://indike.org/pramana/in.purana.narada.1.65.43) svaṣṭadevaṃ yajenmadhye datvā puṣpāñjaliṃ tataḥ / agninairṛtivāgīśān krameṇa paripījayet // ### [1.65.44](https://indike.org/pramana/in.purana.narada.1.65.44) yadā madhye yajedviṣṇuṃ bāhyādiṣu vināyakam / raviṃ śivāṃ śivaṃ caiva yadā madhye tu śaṅkaram // ### [1.65.45](https://indike.org/pramana/in.purana.narada.1.65.45) raviṃ gaṇeśamaṃbāṃ ca hariṃ cātha yadā śivām / īśaṃ vighnārkagovindānmadhye cedgaṇanāyakam // ### [1.65.46](https://indike.org/pramana/in.purana.narada.1.65.46) śivaṃ śivāṃ raviṃ viṣṇuṃ ravau madhyagate punaḥ / gaṇeṣaṃ viṣṇumaṃbāṃ ca śivaṃ ceti yathākramam // ### [1.65.47](https://indike.org/pramana/in.purana.narada.1.65.47) evaṃ nitya samabhyarcya devapañcakamādṛtaḥ / brāhme muhūrtte hyutthāya kṛtvācā vaśyakaṃ budhaḥ // ### [1.65.48](https://indike.org/pramana/in.purana.narada.1.65.48) aśaṅkito vā śayyāyāṃ svakīyaśirasi smaret / sahasradalaśuklābjakārṃṇakāsthadumaṇḍale // ### [1.65.49](https://indike.org/pramana/in.purana.narada.1.65.49) akathāditrikoṇasthaṃ varābhayakaraṃ gurum / dvinetraṃ dvibhujaṃ śuklagandhamālyānuṃlepanam // ### [1.65.50](https://indike.org/pramana/in.purana.narada.1.65.50) vāme śaktyā yutaṃ dhyātvā mānasairupacārakaiḥ / ārādhya pādukāmantraṃ daśadhāprajapetsudhīḥ // ### [1.65.51](https://indike.org/pramana/in.purana.narada.1.65.51) vā māyā śrīrbhagendvāḍhyā viyaddhaṃsakhakāgnayaḥ / hasakṣamalavāryagnivāmakarṇaiduyugmarut // ### [1.65.52](https://indike.org/pramana/in.purana.narada.1.65.52) tato bhṛgvākāśaravāgnibhagendvāḍhyāḥ parantimaḥ / sahakṣamalatoyāgnicandraśāntiyuto marut // ### [1.65.53](https://indike.org/pramana/in.purana.narada.1.65.53) tataḥ śrīścāmukānte tu nandanāthāmukī punaḥ / devyaṃbānte śrīpāndukāṃ pūjayāmi hṛdantime // ### [1.65.54](https://indike.org/pramana/in.purana.narada.1.65.54) ayaṃ śrīpādukāmantraḥ sarvasiddhiprado nṛṇām / guhyeti ca samarpyātha mantrairetairnametsudhīḥ // ### [1.65.55](https://indike.org/pramana/in.purana.narada.1.65.55) akhaṇḍamaṇḍalākāraṃ vyāptaṃ yena carācaram / tatpadaṃ darśitaṃ yena tasmai śrīgurave namaḥ // ### [1.65.56](https://indike.org/pramana/in.purana.narada.1.65.56) ajñānatimirāndhasya jñānāñjanaśalākayā / cakṣurunmīlitaṃ yena tasmai śrīgurave namaḥ // ### [1.65.57](https://indike.org/pramana/in.purana.narada.1.65.57) namo 'stu gurave tasmā iṣṭadevasvarūpiṇe / yasya vāgamṛtaṃ hṝnti viṣaṃ saṃsārasaṃjñakam // ### [1.65.58](https://indike.org/pramana/in.purana.narada.1.65.58) iti natvā paṭhetstotraṃ sadyaḥ pratyayakārakam / oṃ namaste nātha bhagavān śivāya gururūpiṇe // ### [1.65.59](https://indike.org/pramana/in.purana.narada.1.65.59) vidyāvatārasaṃsiddhyai svīkṛtānekavigraha / navāya tanarūpāya paramārthaikarūpiṇe // ### [1.65.60](https://indike.org/pramana/in.purana.narada.1.65.60) sarvājñānatamobhedabhānave ciddhanāya te / statantrāya dayākḷptavigrahāya śivātmane // ### [1.65.61](https://indike.org/pramana/in.purana.narada.1.65.61) paratra trāya bhaktānāṃ bhavyānāṃ bhāvarūpiṇe / vivekināṃ vivekāya vimarśāya vimarśinām // ### [1.65.62](https://indike.org/pramana/in.purana.narada.1.65.62) prakāśānāṃ prakāśāya jñānināṃ jñānarūpiṇe / purastātpārśvayoḥ pṛṣṭe namastubhyamuparyadhaḥ // ### [1.65.63](https://indike.org/pramana/in.purana.narada.1.65.63) sadā sañcitsvarūpeṇa vidhehi bhavadāsanam / tvatprasādādahaṃ deva kṛtākṛtyo 'smi sarvataḥ // ### [1.65.64](https://indike.org/pramana/in.purana.narada.1.65.64) māyāmṛtyumahāpāśādvimukto 'smi śivo 'smi vaḥ / iti stutvā tataḥ sarva gurave vinivedayet // ### [1.65.65](https://indike.org/pramana/in.purana.narada.1.65.65) prātaḥ prabhṛti sāyāntaṃ sāṃyādiprātarantataḥ / yatkaromi jagannātha tadastu tava pūjanam // ### [1.65.66](https://indike.org/pramana/in.purana.narada.1.65.66) tataśca gurupādābjagalitāmṛtadhārayā / kṣālitaṃ nijamātmānaṃ lirmalaṃ bhāvayetsudhīḥ // ### [1.65.67](https://indike.org/pramana/in.purana.narada.1.65.67) mūlādibrahmarandhrāntaṃ mūlavidyāṃ vibhāvayet / mūlādhārādadho bhāge vartulaṃ vāyumaṇḍalam // ### [1.65.68](https://indike.org/pramana/in.purana.narada.1.65.68) tatrasthavāyubījotthavāyunā ca tadrūrddhvakam / trikoṇaṃ maṇḍalaṃ vahnestatrasthavahnibījataḥ // ### [1.65.69](https://indike.org/pramana/in.purana.narada.1.65.69) utpannenāgninā mūlādhārāvasthitavigrahām / prasuptabhujagākārāṃ svayaṃbhūliṅgaveṣṭinīm // ### [1.65.70](https://indike.org/pramana/in.purana.narada.1.65.70) visatantunibhāṃ koṭividyudābhāṃ tanīyasīm / kulakuṇḍalinīṃ dhyātvā kūrcenotthāpayeñca tām // ### [1.65.71](https://indike.org/pramana/in.purana.narada.1.65.71) suṣumṇāvartmanātāṃ ca ṣaṭcakrakramabhedinīm / gurupadiṣṭavidhinā brahmarandhraṃ nayetsudhīḥ // ### [1.65.72](https://indike.org/pramana/in.purana.narada.1.65.72) tatrasthāmṛtasaṃmagnīkṛtyātmānaṃ vibhāvayet / tatprabhāpaṭalavyāptaivimalaṃ cinmayaṃ param // ### [1.65.73](https://indike.org/pramana/in.purana.narada.1.65.73) punastāṃ svasthalaṃ nītvā hṛdidevaṃ vicintayan / dṛṣṭvā ca mānasairdravyaiḥ prārthayenmanunāmunā // ### [1.65.74](https://indike.org/pramana/in.purana.narada.1.65.74) trailokyacaita nyamayādideva śrīnātha viṣṇo bhavadājñayaiva / prātaḥ samutthāya tava priyārthaṃ saṃsārayātrāṃ tvanuvartayiṣye // ### [1.65.75](https://indike.org/pramana/in.purana.narada.1.65.75) viṣṇoriti sthale vipra kārya ūho 'nyadaivate / tatataḥ kuryātsarvasiddhyai tvajapāyā nivedanam // ### [1.65.76](https://indike.org/pramana/in.purana.narada.1.65.76) ṣaṭśatāni divā rātrau sahasrāṇyekaviṃśatiḥ / ajapākhyāṃ tu gāyatrīṃ jīvojapati sarvadā // ### [1.65.77](https://indike.org/pramana/in.purana.narada.1.65.77) ṛṣirhaṃsastathāvyaktagātrīchanda īritam / devatā paramohaṃsaścādyante bījaśaktikam // ### [1.65.78](https://indike.org/pramana/in.purana.narada.1.65.78) tataḥ ṣaḍaṅgaṃ kurvīta sūryaḥ somonirañjanaḥ / nirābhāsaśca dharmaśca jñānaṃ ceti tathā punaḥ // ### [1.65.79](https://indike.org/pramana/in.purana.narada.1.65.79) kramādetānhaṃsapūrvānātmanepadapaścimān / jātayuktānsādhakendra ṣaḍaṅgeṣu niyojayet // ### [1.65.80](https://indike.org/pramana/in.purana.narada.1.65.80) hakāraḥ sūryasaṃkāśatejāḥ saṃgacchate bahiḥ / sakārastādṛśaścaiva praveśe dhyānamīritam // ### [1.65.81](https://indike.org/pramana/in.purana.narada.1.65.81) evaṃ dhyātvārpayeddhīmānvahnyarkeṣu vibhāgaśaḥ / mūlādhāre vādisāṃtabījayukte caturdale // ### [1.65.82](https://indike.org/pramana/in.purana.narada.1.65.82) bandhūkābhe svaśaktyā tu sahitāpāsvagāya ca / pāśāṅkuśasudhāpātramodakollāsapāṇaye // ### [1.65.83](https://indike.org/pramana/in.purana.narada.1.65.83) ṣaṭśataṃ tu gaṇeśāya vāgadhīśāya cārpayet / svādhiṣṭāne vidrumābhe vādilāntārṇasaṃyute // ### [1.65.84](https://indike.org/pramana/in.purana.narada.1.65.84) vāmāṅgaśaktiyuktāya vidyādhipataye tathā / sruvākṣamālālasitabāhave padmajanmane // ### [1.65.85](https://indike.org/pramana/in.purana.narada.1.65.85) brahmaṇe ṣaṭsahasraṃ tu haṃsārūḍhāya cārpayet / vidyullasitameghābhe ḍādiphaāntārṇapatrake // ### [1.65.86](https://indike.org/pramana/in.purana.narada.1.65.86) maṇipūre śaṅkhacakragadāpaṅkadhāriṇe / saśriye ṣaṭsahasraṃ ca viṣṇave vinivedayet // ### [1.65.87](https://indike.org/pramana/in.purana.narada.1.65.87) anāhater'kapatre ca kādiṭhāntārṇasaṃyute / śukle śūlābhayavarasadhākalaśadhāriṇe // ### [1.65.88](https://indike.org/pramana/in.purana.narada.1.65.88) vāmāṅge śaktiyuktāya vidyādhipataye sudhīḥ / vṛṣārūḍhāya rudrāya ṣaṭsahasraṃ nivedayet // ### [1.65.89](https://indike.org/pramana/in.purana.narada.1.65.89) viśudde ṣoḍaśadale svarāḍhye śuknatraṇake / mahājyotiprakāśāyendriyādhipataye tataḥ // ### [1.65.90](https://indike.org/pramana/in.purana.narada.1.65.90) sahasramarpayetprāṇaśaktyā yukteścarāya ca / ājñācakre hakṣayukte dvidile 'bje sahasrakam // ### [1.65.91](https://indike.org/pramana/in.purana.narada.1.65.91) sadāśivāya gurave parāśaktiyutāya vai / sahasrāre mahāpadme nādabindudvayānvite // ### [1.65.92](https://indike.org/pramana/in.purana.narada.1.65.92) vilasanmātṛkāvarṇe varāmayakarāya ca / praramādye ca gurave sahasraṃ vinivedayet // ### [1.65.93](https://indike.org/pramana/in.purana.narada.1.65.93) culukeṃ'bu punarddhṛtvā svabhāvādeva sidhyataḥ / ekaviṃśatisāhasrapramitasya japasya ca // ### [1.65.94](https://indike.org/pramana/in.purana.narada.1.65.94) ṣaṭśatādhikasaṃkhyāsyā dajapāyā vibhāgaśaḥ / saṃkalpena mokṣadātā viṣṇurme prīyatāmiti // ### [1.65.95](https://indike.org/pramana/in.purana.narada.1.65.95) asyāḥ saṃkalpamātreṇa mahāpāpaiḥ pramucyate / brahmaivāhaṃ na saṃsārī nityamukto na śokabhāk // ### [1.65.96](https://indike.org/pramana/in.purana.narada.1.65.96) sañcidānandarūpo 'hamātmānamiti bhāvayet / tataḥ samācareddehakṛtyaṃ devārcanaṃ tathā // ### [1.65.97](https://indike.org/pramana/in.purana.narada.1.65.97) taddhidhānaṃ pravakṣyāmi sadācārasya lakṣaṇam // ### [1.65.97.p1](https://indike.org/pramana/in.purana.narada.1.65.97.p1) iti śrībṛhannāradīyapurāṇe pūrvabhāge bṛhadupākhyāne tṛtīyapāde pañcaṣaṣṭimo 'dhyāyaḥ ## Linked texts (9) - [Prāṇatoṣiṇī](https://indike.org/pramana/in.sampradaya.general.sakta.pranatosini.3.16.766) — Rāmatoṣaṇa Śarman 1796, Sanskrit - [Durgārcanasṛti](https://indike.org/pramana/in.niti.dharma.vrata.durgotsava.durgarcanasrti.1.420) — Sanskrit - [Nṛsiṃhārcanapaddhati](https://indike.org/pramana/in.niti.dharma.pratistha.vaisnava.nrsimharcanapaddhati.3.2) — Brahmāṇḍānandanātha, Sanskrit - [Śāktapramoda](https://indike.org/pramana/in.sampradaya.general.sakta.saktapramoda.2.49) — Sanskrit - [Devīrahasya](https://indike.org/pramana/in.sampradaya.saiva.agama.rudra.devirahasya.69.14) — Sanskrit - [Mantrakaumudī](https://indike.org/pramana/in.niti.dharma.prayoga.purascarana.mantrakaumudi.2.1046) — Sanskrit - [Nāradopapurāṇa](https://indike.org/pramana/in.purana.upa.vaisnava.naradopapurana.67.1) — Sanskrit - [Mantramahārṇava (ed. Ram Kumar Rai)](https://indike.org/pramana/in.sampradaya.saiva.agama.mantramaharnava*rai1990.24.1-4) — Sanskrit - [Devīrahasya](https://indike.org/pramana/in.sampradaya.general.sakta.devirahasya.64.8) — Sanskrit --- Source: [https://indike.org/pramana/in.purana.narada.1.65](https://indike.org/pramana/in.purana.narada.1.65) · Pramāṇa