[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.66 # Naradapurana 1.66 Nāradapurāṇa 1.66 - **Language:** Sanskrit ## Contents - [1.66.151](https://indike.org/pramana/in.purana.narada.1.66.151) — 1 part ### [1.66.1](https://indike.org/pramana/in.purana.narada.1.66.1) sanatkumāra uvāca tataḥ śvāsānusāreṇa datvā pādaṃ mahītale / samudramekhale devi parvatastanamaṇḍale // ### [1.66.2](https://indike.org/pramana/in.purana.narada.1.66.2) viṣṇuvatni namastubhyaṃ pādasparśaṃ kṣamasva me / iti bhūmiṃ tu saṃprārthya vihareñca yathāvidhi // ### [1.66.3](https://indike.org/pramana/in.purana.narada.1.66.3) rakṣaḥ koṇe tato grāmādgatvā mantramudīrayet / gacchantu ṛṣayo devāḥ piśācā ye ca guhyakāḥ // ### [1.66.4](https://indike.org/pramana/in.purana.narada.1.66.4) pitṛbhūtagaṇāḥ sarve kariṣye malamocanam / iti tālatrayaṃ datvā śiraḥ prāvṛtya vāsasā // ### [1.66.5](https://indike.org/pramana/in.purana.narada.1.66.5) dakṣiṇābhimukhaṃ rātrau divā sthitvā hyudaṅmukhaḥ / malaṃ visṛjya saucaṃ tu mṛdādbhiḥ samupācaret // ### [1.66.6](https://indike.org/pramana/in.purana.narada.1.66.6) ekā liṅge gude tisro daśa vāmakare mṛdaḥ / karayoḥ sapta vai dadyātritrivaraṃ ca pādayoḥ // ### [1.66.7](https://indike.org/pramana/in.purana.narada.1.66.7) evaṃ śaucaṃ vidhāyātha gaṇḍūṣāndvādaśaiva tu / kṛtvā vanaspatiṃ cātha prārthayenmanunāmunā // ### [1.66.8](https://indike.org/pramana/in.purana.narada.1.66.8) āyurbalaṃ yaśo varcaḥ prajāḥ paśuvasūni ca / śriyaṃ prajñāṃ ca medhāṃ ca tvaṃ no dehi vanaspate // ### [1.66.9](https://indike.org/pramana/in.purana.narada.1.66.9) saṃprārthyaivaṃ dantakāṣṭaṃ dvādaśāṅgulasaṃmitam / gṛhītvā kāmamantreṇa kuryānmantrī samāhitaḥ // ### [1.66.10](https://indike.org/pramana/in.purana.narada.1.66.10) kāmadevapadaṃ ṅentaṃ tathā sarvajanapriyam / hṛdantaḥ kāmabījāḍhyaṃ dantāṃścānena śodhayet // ### [1.66.11](https://indike.org/pramana/in.purana.narada.1.66.11) jihvollekho vāgbhavena mūlena kṣālayenmukham / devāgāraṃ tato gatvā nirmālyamapasārya ca // ### [1.66.12](https://indike.org/pramana/in.purana.narada.1.66.12) paridhāyāṃbaraṃ śuddhaṃ maṅgalārārtikaṃ caret / asreṇa pātraṃ saṃprokṣya mūlena jvālayeñca tam // ### [1.66.13](https://indike.org/pramana/in.purana.narada.1.66.13) saṃpūjya pātramādāyotthāya ghaṇṭāṃ ca vādayet / sugoghṛtapradīpena bhrāmitena samantataḥ // ### [1.66.14](https://indike.org/pramana/in.purana.narada.1.66.14) vādyairgītairmanojñaiśca devasyārārtikaṃ bhavet / iti nīrājanaṃ kṛtvā prārthayitvā nijeśvaram // ### [1.66.15](https://indike.org/pramana/in.purana.narada.1.66.15) snātuṃ yāyānnimragādau kīrtayandevatāguṇān / gatvā tīrthaṃ namaskṛtya snānīyaṃ ca nidhāya vai // ### [1.66.16](https://indike.org/pramana/in.purana.narada.1.66.16) mūlābhimantritamṛdamādāya kaṭideśataḥ / vilipyapādaparyantaṃ kṣālayettīrthavāriṇā // ### [1.66.17](https://indike.org/pramana/in.purana.narada.1.66.17) tataśca pañcabhiḥ pādau prakṣālyāntarjale punaḥ / praviśya nābhimātre tu mṛdaṃ vāmakarasya ca // ### [1.66.18](https://indike.org/pramana/in.purana.narada.1.66.18) maṇibandhe hastatale tadagre ca tathā punaḥ / kṛtvāṅgulyā gāṅgamṛgamādāyāstreṇa tatpunaḥ // ### [1.66.19](https://indike.org/pramana/in.purana.narada.1.66.19) nijopari ca mantrajño bhrāmayitvā tyajetsudhī / talasthāṃ ca ṣaḍaṅgeṣu tanmantraiḥ pravilepayet // ### [1.66.20](https://indike.org/pramana/in.purana.narada.1.66.20) nimajya kṣālayetsamyag malasnānamitīritam / vibhāvyeṣṭamayaṃ sarvamāntaraṃ snānamācaret // ### [1.66.21](https://indike.org/pramana/in.purana.narada.1.66.21) anantā dityasaṃkāśaṃ nijabhūṣāyudhairyutam / mantramūrtiṃ prabhuṃ smṛtvā tatpādodakasaṃbhavām // ### [1.66.22](https://indike.org/pramana/in.purana.narada.1.66.22) dhārāṃ ca brahmarandhreṇa praviśantīṃ nijāṃ tanum / tayā saṃkṣālayetsarvamantarddehagataṃ malam // ### [1.66.23](https://indike.org/pramana/in.purana.narada.1.66.23) tatkṣaṇādvirajā mantrī jāyate sphaṭikopamaḥ / tataḥ śrautoktavidhinā snātvā mantrī samāhitaḥ // ### [1.66.24](https://indike.org/pramana/in.purana.narada.1.66.24) mantrasnānaṃ tataḥ kuryāttadvidhānamathocyate / deśakālau ca saṃkīrtya prāṇāyāmaṣaḍaṅgakaiḥ // ### [1.66.25](https://indike.org/pramana/in.purana.narada.1.66.25) kṛtvārkamaṇḍalāttīrthānyāhvayenmuṣṭimudrayā / brahmāṇḍodaratīrthāni karaiḥ spṛṣṭāni te raveḥ // ### [1.66.26](https://indike.org/pramana/in.purana.narada.1.66.26) tena satyena me deva dehi tīrthaṃ divākara // ### [1.66.27](https://indike.org/pramana/in.purana.narada.1.66.27) gaṅge ca yamune caiva godāvari sarasvati / narmade siṃdhukāveri jale 'sminsaṃnidhiṃ kuru // ### [1.66.28](https://indike.org/pramana/in.purana.narada.1.66.28) ityāvāhya jale tāni sudhābījena yojayet / gomudrayāmṛtīkṛtya kavacenāvaguṇṭhya ca // ### [1.66.29](https://indike.org/pramana/in.purana.narada.1.66.29) saṃrakṣyāstreṇa tatpaścāccakramudrāṃ pradarśayet / vahnyarkendumaṇḍalāni tatra saṃcitayedrudhaḥ // ### [1.66.30](https://indike.org/pramana/in.purana.narada.1.66.30) mantrayedarkamantreṇa sudhābījena tajjalam / mūlena caikādaśadhā tatra saṃmantrya bhāvayet // ### [1.66.31](https://indike.org/pramana/in.purana.narada.1.66.31) pūjāyantraṃ ca tanmadhye svāntādāvāhya devatām / snāpayitvārcayettāṃ ca mānasairupacārakaiḥ // ### [1.66.32](https://indike.org/pramana/in.purana.narada.1.66.32) siṃhāsanasthāṃ tāṃ natvā tajjalaṃ praṇametsudhīḥ / ādhāraḥ sarvabhātānāṃ viṣṇoratulatejasaḥ // ### [1.66.33](https://indike.org/pramana/in.purana.narada.1.66.33) tadrūpāśca tato jātā āpastāḥ praṇamāmyaham / iti natvā samārundhya saptacchidrāṇi sādhakaḥ // ### [1.66.34](https://indike.org/pramana/in.purana.narada.1.66.34) nimajya salile tasminmūlaṃ devākṛtiṃ smaret / nimajjyonmajjya triścaivaṃ siṃcetkaṃ kuṃbhamudrayā // ### [1.66.35](https://indike.org/pramana/in.purana.narada.1.66.35) trirmūlena caturmantrairabhiṣiñcennijāṃ tanum / catvāro manavaste 'tra kathyante tāntrikā mune // ### [1.66.36](https://indike.org/pramana/in.purana.narada.1.66.36) sisṛkṣornikhilaṃ viśvaṃ muhuḥ śukraṃ prajāpateḥ / mātaraḥ sarvabhūtānāmāpo devyaḥ punantu mām // ### [1.66.37](https://indike.org/pramana/in.purana.narada.1.66.37) alakṣmīrmalarūpā yā sarvabhūteṣu saṃsthitā / kṣālayanti ca tāṃ sparśādāpo devyaḥ punantu mām // ### [1.66.38](https://indike.org/pramana/in.purana.narada.1.66.38) yanme keśeṣu daurbhāgyaṃ sīmante yañca mūrddhani / lalāṭe karṇayorakṣṇorāpastaddhantu vo namaḥ // ### [1.66.39](https://indike.org/pramana/in.purana.narada.1.66.39) āyurārogyamaiśvaryamaripakṣakṣayaṃ śubham / santoṣaḥ kṣāntirāstikyaṃ vidyā bhavatu vo namaḥ // ### [1.66.40](https://indike.org/pramana/in.purana.narada.1.66.40) viprapādodakaṃ pītvā śālagrāmaśilājalam / pibeddhiruddhaṃ no kuryādeṣāṃ tu niyato vidhiḥ // ### [1.66.41](https://indike.org/pramana/in.purana.narada.1.66.41) pṛthivyāṃ yāni tīrthāni dakṣāṅghrau tāni bhūsure / sveṣṭadevaṃ samudvāsya mantrī mārtaṇḍamaṇḍale // ### [1.66.42](https://indike.org/pramana/in.purana.narada.1.66.42) tatastīraṃ samāgatyaṃ vastraṃ saṃkṣālya yatnataḥ / vāsasī paridhāyātha kuryātsandhyādikaṃ sudhīḥ // ### [1.66.43](https://indike.org/pramana/in.purana.narada.1.66.43) rogādyaśakto manujaḥ kuryāttatrāgharmaṣaṇam / athavā bhasmanā snāto rajobhiścaiva vākṣamaḥ // ### [1.66.44](https://indike.org/pramana/in.purana.narada.1.66.44) atha sandhyādikaṃ kuryān sthitvā caivāsane śubhe / keśavena tathā nārāyaṇena mādhavena ca // ### [1.66.45](https://indike.org/pramana/in.purana.narada.1.66.45) saṃprāśya toyaṃ govindaviṣṇubhyāṃ kṣālayetkarau / madhusūdanatrivikramābhyāmoṣṭhau ca mārjayet // ### [1.66.46](https://indike.org/pramana/in.purana.narada.1.66.46) vāmanaśrīdharābhyāṃ ca mukhaṃ hastau spṛśettataḥ / hṛṣīkeśapadmanābhābhyāṃ spṛśeñcaraṇau tataḥ // ### [1.66.47](https://indike.org/pramana/in.purana.narada.1.66.47) dāmodareṇa mūrddhānaṃ mukhaṃ saṃkarṣaṇena ca / vāsudevena pradyumnena spṛśennāsike tataḥ // ### [1.66.48](https://indike.org/pramana/in.purana.narada.1.66.48) aniruddhapuruṣottamābhyāṃ netre spṛśettataḥ / adhokṣajanṛsiṃhābhyāṃ śravaṇe saṃspṛśettathā // ### [1.66.49](https://indike.org/pramana/in.purana.narada.1.66.49) nābhiṃ spṛśedacyutena janārdanena vakṣasi / hariṇā viṣṇunāṃsau ca vaiṣṇavācamanaṃ tvidam // ### [1.66.50](https://indike.org/pramana/in.purana.narada.1.66.50) praṇavādyairṅentasvāhāntaiḥ keśavādikanāmabhiḥ / mukhe nasoḥ pradeśinyānāmayā netrakarṇayoḥ // ### [1.66.51](https://indike.org/pramana/in.purana.narada.1.66.51) kaniṣṭhayā nābhideśaṃ sarvatrāṅguṣṭyojanam / ātmavidyāśivaistattvaiḥ svāhāntaiḥ śaivamīritam // ### [1.66.52](https://indike.org/pramana/in.purana.narada.1.66.52) dīrghatrayenduyugvyomapūrvakaiśca pibejjalam / ātmavidyāsivaireva śaivaṃ svāhāvasānikaiḥ // ### [1.66.53](https://indike.org/pramana/in.purana.narada.1.66.53) vāglajjāśrī mukhaiḥ proktaṃ śāktaṃ svāhāvasānikaiḥ / vāglajjāśrīmukhaiḥ proktaṃ dvijācamanamarthadam // ### [1.66.54](https://indike.org/pramana/in.purana.narada.1.66.54) tilakaṃ ca tataḥ kuryādbhāle suṣṭhu gadākṛti / nandakaṃ hṛdaye śaṅkhacakre caiva bhujadvaye // ### [1.66.55](https://indike.org/pramana/in.purana.narada.1.66.55) śārṅgabāṇaṃ mastake ca vinyasetkramaśaḥ sudhīḥ / karṇamūle pārśvayośca pṛṣṭe nābhau kakudyapi // ### [1.66.56](https://indike.org/pramana/in.purana.narada.1.66.56) evaṃ tu vaiṣṇavaḥ kuryānmṛdbhistīrthodbhavādibhiḥ / agnihotrodbhavaṃ bhasma gṛhītvā tryaṃbakeṇa tu // ### [1.66.57](https://indike.org/pramana/in.purana.narada.1.66.57) kiṃvāgniriti mantreṇābhimantrya pañcamantrakaiḥ / kramāttatpuruṣāghorasadyojātādināmabhiḥ // ### [1.66.58](https://indike.org/pramana/in.purana.narada.1.66.58) pañca kuryātripuṇḍrāṇi bhālāṃsodarahṛtsu ca / śaivaṃ śāktastrikoṇā bhaṃ nārīvadvā samācaret // ### [1.66.59](https://indike.org/pramana/in.purana.narada.1.66.59) kṛtvā tu vaidikīṃ saṃdhyāṃ tāntrikīṃ ca samācaret / ācamya vidhivanmantrī tīrthānyāvāhya pūrvavat // ### [1.66.60](https://indike.org/pramana/in.purana.narada.1.66.60) tatastrivāraṃ darbheṇa bhūmau toyaṃ viniḥbhipet / saptadhā tajjalenātha mūrddhānamabhiṣecayet // ### [1.66.61](https://indike.org/pramana/in.purana.narada.1.66.61) tataśca prāṇānāyamya kṛtvā nyāsaṃ ṣaḍaṅgakam / ādāya vāmahasteṃ'bu dakṣeṇācchādya pāṇinā // ### [1.66.62](https://indike.org/pramana/in.purana.narada.1.66.62) viyadvāyvagnitoyakṣmābījaiḥ saṃmantrya mantravit / mūlena tasmāt ścotadbhirbindubhistattvamudrayā // ### [1.66.63](https://indike.org/pramana/in.purana.narada.1.66.63) svaśiraḥ saptadhā prokṣyāvaśiṣṭaṃ tatpunarjalam / kṛtvā tadakṣaraṃ mantrī nāsikāntikamānayet // ### [1.66.64](https://indike.org/pramana/in.purana.narada.1.66.64) jalaṃ tejomayaṃ tañcākṛṣyāntaśceḍayā punaḥ / prakṣālyāntargataṃ tena kalmaṣaṃ tajjalaṃ punaḥ // ### [1.66.65](https://indike.org/pramana/in.purana.narada.1.66.65) kṛṣṇavarṇaṃ piṅgalayā recayetsvāgratastathā / kṣipedastreṇa tatpaścātkalpite kuliśopale // ### [1.66.66](https://indike.org/pramana/in.purana.narada.1.66.66) etaddhvi sarvapāpaghnaṃ proktaṃ caivāghamarṣaṇam / tataśca hastau prakṣālya prāgvadācamya mantravit // ### [1.66.67](https://indike.org/pramana/in.purana.narada.1.66.67) samutthāya ca mantrajñastāmrapātre sumādikam / prakṣipyārghaṃ pradadyādvai mūlāntairmantramuccaran // ### [1.66.68](https://indike.org/pramana/in.purana.narada.1.66.68) ravimaṇḍalasaṃsthāya devāyārghyaṃ prakalpayet / dattvārghaṃ triranenātha devaṃ ravigataṃ smaret // ### [1.66.69](https://indike.org/pramana/in.purana.narada.1.66.69) svakalpoktāṃ ca gāyatrīṃ japedaṣṭottaraṃ śatam / aṣṭāṃviṃśativāraṃ vā guhyetimanunārpayet // ### [1.66.70](https://indike.org/pramana/in.purana.narada.1.66.70) udyadādityasaṃkāśāṃ pustakākṣakarāṃbujām / kṛṣṇājināṃbarāṃ brāhmīṃ dhyāyettārāṅkite 'mbare // ### [1.66.71](https://indike.org/pramana/in.purana.narada.1.66.71) madhyāhne varadāṃ devīṃ pārvatīṃ saṃsmaretparām / śuklāṃbarāṃ vṛṣārūḍhāṃ trinetrāṃ ravibiṃbagām // ### [1.66.72](https://indike.org/pramana/in.purana.narada.1.66.72) varaṃ pāśaṃ ca śūlaṃ ca dadhānāṃ nṛkaroṭikām / sāyāhne ratnabhūṣāḍhyāṃ pītakauśeyavāsasām // ### [1.66.73](https://indike.org/pramana/in.purana.narada.1.66.73) śyāmaraṅgāṃ caturhastāṃ śaṅkhacakralasatkarām / gadāpadmadharāṃ devīṃ sūryāsanakṛtāśrayām // ### [1.66.74](https://indike.org/pramana/in.purana.narada.1.66.74) tato devānṛṣīṃścaiva pitṝṃścāpi vidhānavit / tarpayitvā sveṣṭadevaṃ tarpayetkalpamārgataḥ // ### [1.66.75](https://indike.org/pramana/in.purana.narada.1.66.75) gurupaṅktiṃ ca saṃtarpyaṃ sāṃgaṃ sāvaraṇaṃ tathā / sāyudhaṃ vainateyaṃ saṃtarpayāmīti tarpayet // ### [1.66.76](https://indike.org/pramana/in.purana.narada.1.66.76) nāradaṃ parvataṃ jiṣṇuṃ niśaṭhoddhavadārukān / viṣvaksena ca śaileyaṃ vaiṣṇavaḥ paritarpayet // ### [1.66.77](https://indike.org/pramana/in.purana.narada.1.66.77) evaṃ saṃtarpya viprendra dattvārdhyaṃ ca vivasvate / pūjāgāraṃ samāgatya prakṣālyāṅghrī upaspṛśet // ### [1.66.78](https://indike.org/pramana/in.purana.narada.1.66.78) agnihotrasthitānagnīn hutvopasthāya yatnataḥ / pūjāsthalaṃ samāgatya dvārapūjāṃ samācaret // ### [1.66.79](https://indike.org/pramana/in.purana.narada.1.66.79) gaṇeśaṃ corddhvaśākhāyāṃ mahālakṣmīṃ ca dakṣiṇe / sarasvatīṃ vāmabhāge dakṣe vighneśvaraṃ punaḥ // ### [1.66.80](https://indike.org/pramana/in.purana.narada.1.66.80) kṣetrapālaṃ tathā vāme dakṣe gaṅgāṃ prapūjayet / vāme ca yamunāṃ dakṣe dhātāraṃ vāmatastathā // ### [1.66.81](https://indike.org/pramana/in.purana.narada.1.66.81) vidhātāraṃ śaṅkhapadmanidhīṃśca vāmadakṣayoḥ / dvārapālāṃstato 'bhyarcettattatkalpoditānsudhīḥ // ### [1.66.82](https://indike.org/pramana/in.purana.narada.1.66.82) nandaḥ sunandaścaṇḍaśca pracaṇḍaḥ pracalobalaḥ / bhadraḥ subhadraścetyādyā vaiṣṇavā dvārapālakāḥ // ### [1.66.83](https://indike.org/pramana/in.purana.narada.1.66.83) nandī bhṛṅgī riṭī skando gaṇeśomāmaheśvarāḥ / vṛṣabhaśca mahākālaḥ śaivā vai dvārapālakāḥ // ### [1.66.84](https://indike.org/pramana/in.purana.narada.1.66.84) brāhmayādyā mātaro 'ṣṭau tu śaktyo dvāḥsthitāḥ svayam / seṃduḥ svanāmāgharṇādyā ṅenamoṃtā ime smṛtāḥ // ### [1.66.85](https://indike.org/pramana/in.purana.narada.1.66.85) tataḥ sthitvāsane dhīmānācamya prayataḥ śuciḥ / divyāntarikṣabhaumāṃśca vighnānutsārya yatnataḥ // ### [1.66.86](https://indike.org/pramana/in.purana.narada.1.66.86) keśavādyāṃ mātṛkāntu nyasedvaiṣṇavasattamaḥ / keśavaḥ kīrtisaṃyuktaḥ kāntyā nārāyaṇastathā // ### [1.66.87](https://indike.org/pramana/in.purana.narada.1.66.87) mādhavastuṣṭisahito govindaḥ puṣṭisaṃyutaḥ / viṣṇustu dhṛtisaṃyuktaḥ śāntiyuṅmadhusūdanaḥ // ### [1.66.88](https://indike.org/pramana/in.purana.narada.1.66.88) trivikramaḥ kriyāyukto vāmano dayitāyutaḥ / śrīdharo medhayā yukto hṛṣīkiśaśca harṣayā // ### [1.66.89](https://indike.org/pramana/in.purana.narada.1.66.89) padmanābhayutā śraddhā lajjā dāmodarānvitā / vāsudevaśca lakṣmīyuk saṃkarṣaṇasarasvatī // ### [1.66.90](https://indike.org/pramana/in.purana.narada.1.66.90) pradyumnaḥ prītisaṃyukto 'niruddho ratisaṃyutaḥ / cakrī jayāyutaḥ paścādgadī durgāsamanvitaḥ // ### [1.66.91](https://indike.org/pramana/in.purana.narada.1.66.91) śārṅgī tu prabhayā yuktaḥ khaḍgī yuktastu satyayā / śaṅkhī caṇḍāsamāyukto halī vāṇīsamāyutaḥ // ### [1.66.92](https://indike.org/pramana/in.purana.narada.1.66.92) musalī ca bilāsinyā śūlī vijayayānvitaḥ / pāśī virajayā yukto kuśī viśvāsamanvitaḥ // ### [1.66.93](https://indike.org/pramana/in.purana.narada.1.66.93) mukundo vinatāyukto nandajaśca sunandayā / nindī smṛtyā samāyukto naro vṛddhyā samanvitaḥ // ### [1.66.94](https://indike.org/pramana/in.purana.narada.1.66.94) samṛddhiyuṅnarakajicchuddhiyukca hariḥ smṛtaḥ / kṛṣṇo buddhyā yutaḥ satyo bhuktyā muktyātha sātvataḥ // ### [1.66.95](https://indike.org/pramana/in.purana.narada.1.66.95) saurikṣame sūrarame umāyukto janārdanaḥ / bhūdharaḥ kledinīyukto viśvamūrtiśca klinnayā // ### [1.66.96](https://indike.org/pramana/in.purana.narada.1.66.96) vaikuṇṭho vasudhāyukto vasudaḥpuruṣottamaḥ / balī tu parayā yukto balānujaparāyaṇe // ### [1.66.97](https://indike.org/pramana/in.purana.narada.1.66.97) bālasūkṣme vṛṣaghnastu saṃdhyāyuk prajñayā vṛṣaḥ / haṃsaḥ prabhāsamāyukto varāho niśayā yutaḥ // ### [1.66.98](https://indike.org/pramana/in.purana.narada.1.66.98) vimalo dhārayā yukto nṛsiṃho vidyutā yutaḥ / keśavādimātṛkāyā munirnārāyaṇo mataḥ // ### [1.66.99](https://indike.org/pramana/in.purana.narada.1.66.99) amṛtādyā ca gāyatrī chando viṣṇuśca devatā / cakrādyāyudhasaṃyuktaṃ kuṃbhādarśadharaṃ harim // ### [1.66.100](https://indike.org/pramana/in.purana.narada.1.66.100) lakṣmīyutaṃ vidyudābhaṃ bahubhūṣāyutaṃ bhajet / evaṃ dhyātvā nyasecchaktiṃ śrīkāmapuṭitākṣaram // ### [1.66.101](https://indike.org/pramana/in.purana.narada.1.66.101) vadettadviṣṇuśaktibhyāṃ hṛdayaṃ praṇavādikam / tvagaṃsṛṅmāṃsamedo 'sthimajjāśukrāṇyasūnvadet // ### [1.66.102](https://indike.org/pramana/in.purana.narada.1.66.102) prāṇaṃ krodhaṃ tathā mabhyāmantānyādidaśasvapi / eka maulau mukhe caika dvika netre dvikaṃ śrutau // ### [1.66.103](https://indike.org/pramana/in.purana.narada.1.66.103) nasordvayaṃ kapole ca dvayaṃ dve dviradacchade / ekaṃ tu rasanāmūle grīvāyāmekameva ca // ### [1.66.104](https://indike.org/pramana/in.purana.narada.1.66.104) kavargaṃ dakṣiṇe bāhau cavargaṃ vāmabāhuke / ṭatavargauṃ pādayostu paphau kuṅkṣidvaye nyaset // ### [1.66.105](https://indike.org/pramana/in.purana.narada.1.66.105) pṛṣṭhavaṃśe vamityuktaṃ nābhau bhaṃ hṛdaye tu mam / yādisaptāpi dhātusthā haṃ prāṇe laṃ tathātmani // ### [1.66.106](https://indike.org/pramana/in.purana.narada.1.66.106) kṣaṃ krodhe kramato nyasya viṣṇu pūjākṣamo bhavet / pūrṇodaryā tu śrīkaṇṭho hyananto vijarānvitaḥ // ### [1.66.107](https://indike.org/pramana/in.purana.narada.1.66.107) sūkṣmeśaḥ śālmalīyukto lolākṣīyuktrimātakaḥ / maheśvaro vartulākṣyādhīṃśo vai dīrghaghoṇayā // ### [1.66.108](https://indike.org/pramana/in.purana.narada.1.66.108) dirghamukhyā bhārabhūtistithīśo gomukhīyutaḥ / sthāvareśo dirghajihvāyugdharaḥ kuḍodarīyutaḥ // ### [1.66.109](https://indike.org/pramana/in.purana.narada.1.66.109) urddhakeśyā tu jhiṇṭīśo bhautiko vikṛtāsyayā / sadyo jvālāmukhīyuktolkāmukhyānugraho yutaḥ // ### [1.66.110](https://indike.org/pramana/in.purana.narada.1.66.110) akrūra āsyayā yukto mahāseno vidyayā yutaḥ / krodhīśaścamahākālyā caṇḍeśena sarasvatī // ### [1.66.111](https://indike.org/pramana/in.purana.narada.1.66.111) pañcāntakaḥ siddhagauryā yuktaścātha śirottamaḥ / trailokyavidyayā yukto mantraśaktyaikarudrakaḥ // ### [1.66.112](https://indike.org/pramana/in.purana.narada.1.66.112) krūrmeśaḥ kamaṭhīyukto bhūtamātraikanetrakaḥ / lambodaryā caturvakro hyajeśo drāviṇīyutaḥ // ### [1.66.113](https://indike.org/pramana/in.purana.narada.1.66.113) sarveśo nāgarīyuktaḥ someśaḥ khecarīyutaḥ / maryādayā lāṅgalīśo dārukeśena rūpiṇī // ### [1.66.114](https://indike.org/pramana/in.purana.narada.1.66.114) vāruṇyā tvarddhanārīśo umākānto gunīśvaraḥ / kākodaryā tathāṣāḍhī pūtanāsaṃyukto mataḥ // ### [1.66.115](https://indike.org/pramana/in.purana.narada.1.66.115) daṇḍīśo bhadrakālīyutrīśo yoginīyutaḥ / mīneśaḥ śaṅkhinīyukto meṣeśastarjayanīyutaḥ // ### [1.66.116](https://indike.org/pramana/in.purana.narada.1.66.116) lohitaḥ kālarātryā ca śikhīśaḥ kujanīyutaḥ / chalagaṇḍaḥ kapardinyā dviraṇḍeśaśca vajrayā // ### [1.66.117](https://indike.org/pramana/in.purana.narada.1.66.117) mahābalo jayāyukto balīśaḥ sumukheśvarī / bhujaṅgo revatīyuktaḥ pinākī mādhavīyutaḥ // ### [1.66.118](https://indike.org/pramana/in.purana.narada.1.66.118) khaḍgīśo vāruṇīyukto bakeśo vāyavīyutaḥ / śvetorasko vidāriṇyā bhṛguḥ sahajayā yutaḥ // ### [1.66.119](https://indike.org/pramana/in.purana.narada.1.66.119) lakulīśaśca lakṣmīyuk śiveśo vyāpinīyutaḥ / saṃvartake mahāmāyā proktā śrīkaṇṭhamātṛkā // ### [1.66.120](https://indike.org/pramana/in.purana.narada.1.66.120) yatra svīśapadaṃ noktaṃ tatra sarvatra yojayet / muniḥsyāddakṣiṇāmūrtirgāyatrīchanda īritam // ### [1.66.121](https://indike.org/pramana/in.purana.narada.1.66.121) devatā cārddhanārīśo viniyogo 'khilāptaye / halo bījāni coktāni svarāḥ śaktaya īritāḥ // ### [1.66.122](https://indike.org/pramana/in.purana.narada.1.66.122) kuryādbhṛgusthākāśena ṣaḍdīrghāḍhyena cāṅgakam / bandhūkasvarṇavarṇāgaṃ varākṣāṅkuśapāśinam // ### [1.66.123](https://indike.org/pramana/in.purana.narada.1.66.123) arddhenduśekharaṃ tryakṣaṃ devavandyaṃ vicintayet / dhyātvaivaṃ śivaśaktīśca caturthī hṛdayāntim // ### [1.66.124](https://indike.org/pramana/in.purana.narada.1.66.124) saubījamātṛkāpūrve vinyasenmātṛkā sthale / vighneśaśca hriyā yukto vighnarājaḥ śriyā yutaḥ // ### [1.66.125](https://indike.org/pramana/in.purana.narada.1.66.125) vināyakastathā puṣṭyā śāntiyuktaḥ śivottamaḥ / vighnakṛtsvastisaṃyukto vighnahartā sarasvatī // ### [1.66.126](https://indike.org/pramana/in.purana.narada.1.66.126) svāhayā gaṇanāthaśca ekadantaḥ sumedhayā / kāntyā yukto dvidantastu kāminyā gajavakrakaḥ // ### [1.66.127](https://indike.org/pramana/in.purana.narada.1.66.127) nirañjano mohinīyukkaparddītunaṭīyutaḥ / dīrghajihvaḥ pārvatīyugjvālinyā śaṅkukarṇakaḥ // ### [1.66.128](https://indike.org/pramana/in.purana.narada.1.66.128) vṛṣadhvajo nandayā ca sureśyā gaṇanāyakaḥ / gajendaḥ kāmarūpiṇyā śūrpakarṇastathomayā // ### [1.66.129](https://indike.org/pramana/in.purana.narada.1.66.129) virocanastejovatyā satyā lambodareṇa ca / mahānandaśca vighneśyā caturmūrtisvarūpiṇī // ### [1.66.130](https://indike.org/pramana/in.purana.narada.1.66.130) sadāśivaḥ kāmadayā hyāmodo madajihvayā / dumukho bhūtisaṃyuktaḥ sumukho bhautikīyutaḥ // ### [1.66.131](https://indike.org/pramana/in.purana.narada.1.66.131) pramodadhaḥ sitayā yukta ekapādo ramāyutaḥ / dvijihvo mahiṣīyukto jabhinyā śūranāmakaḥ // ### [1.66.132](https://indike.org/pramana/in.purana.narada.1.66.132) vīro vikarṇayā yuktaḥ ṣaṇmukho bhṛkuṭīyutaḥ / varado lajjayā vāmadevaṃśo dīrghaghoṇayā // ### [1.66.133](https://indike.org/pramana/in.purana.narada.1.66.133) dhanurddharyā vakratuḍo dviṃraṇḍo yāminīyutaḥ / senānī rātrisaṃyuktaḥ kāmāndho grāmaṇīyutaḥ // ### [1.66.134](https://indike.org/pramana/in.purana.narada.1.66.134) mattaḥ śaśiprabhāyukto vimatto lolanetrayā / mattavāhaścañcalayā jaṭī dīptisamanvitaḥ // ### [1.66.135](https://indike.org/pramana/in.purana.narada.1.66.135) muṃhī subhagayā yuktaḥ khaḍgī durbhagayā yutaḥ / vareṇyaśca śivāyukto bhagayā vṛṣaketanaḥ // ### [1.66.136](https://indike.org/pramana/in.purana.narada.1.66.136) bhakṣyapriyo bhaginyā ca gaṇeśo bhaginīyutaḥ / meghanādaḥ subhagayā vyāpī syātkālarātriyuk // ### [1.66.137](https://indike.org/pramana/in.purana.narada.1.66.137) gaṇeśvaraḥ kāliṅkayā proktā vighneśamātṛkāḥ / gaṇeśamātṛkāyāstu gaṇo munibhirīritaḥ // ### [1.66.138](https://indike.org/pramana/in.purana.narada.1.66.138) trivṛdgāyatrikāchando devaḥ śaktigaṇeśvaraḥ / ṣaḍdīrghāḍhyena bījena kṛtvāṅgāni tataḥ smaret // ### [1.66.139](https://indike.org/pramana/in.purana.narada.1.66.139) pāṃśāṅkuśābhayavarāndadhānaṃ kañjahastayā / patnyāśliṣṭaṃ raktatanuṃ trinetraṃ gaṇape bhavet // ### [1.66.140](https://indike.org/pramana/in.purana.narada.1.66.140) evaṃ dhyātvā nyasetsvīyabījapūrvākṣarānvitam / nivṛttiśca pratiṣṭhā ca vidyā śāntistatedhikāḥ // ### [1.66.141](https://indike.org/pramana/in.purana.narada.1.66.141) dīpikā recikā cāpi mocikā ca parābhidhā / sūkṣmāsūkṣmāmṛtā jñānāmṛtā cāpyāyinī tathā // ### [1.66.142](https://indike.org/pramana/in.purana.narada.1.66.142) vyāpinī vyomarūpā cānantā sṛṣṭiḥ samṛddhikā / smṛtirmedhā tataḥ kāntirlakṣmīrddhṛtiḥ sthirā sthitiḥ // ### [1.66.143](https://indike.org/pramana/in.purana.narada.1.66.143) siddhirjarā pālinī ca kṣāntirīśvarīkā ratiḥ / kāmiko varadā vātha hlādinī prītisaṃyutā // ### [1.66.144](https://indike.org/pramana/in.purana.narada.1.66.144) dīrghā tīkṣṇā tathā raudrā proktā nidrā ca tandrikā / kṣudhā ca krodhinī paścākriyākārī samṛtyukā // ### [1.66.145](https://indike.org/pramana/in.purana.narada.1.66.145) pītā śretāruṇā paścādasitānantayā yutā / uktā kalāmātṛkaivaṃ tattadbhaktaḥ samācaret // ### [1.66.146](https://indike.org/pramana/in.purana.narada.1.66.146) kalāyuṅmātṛkāyāstu muniḥ proktaḥ prajāpatiḥ / gāyatrīchanda ākhyātaṃ devatā śāradābhidhā // ### [1.66.147](https://indike.org/pramana/in.purana.narada.1.66.147) hrasvadīrghāntarasthaiśca tāraiḥ kuryātṣaḍaṅgakam / padmacakraguṇaiṇāṃśca dadhatīṃ ca trilocanām // ### [1.66.148](https://indike.org/pramana/in.purana.narada.1.66.148) pañcavakrāṃ bhāratīṃ tāṃ muktābhūṣāṃ bhajetsudhīḥ / dhyātvaivaṃ tārapūrvāṃ tāṃ nyasenṅantakalānvitām // ### [1.66.149](https://indike.org/pramana/in.purana.narada.1.66.149) tataśca mūlamantrasya ṣaḍaṅgāni samācaret / hṛdayādicaturthyante jātīḥ saṃyojya vinyaset // ### [1.66.150](https://indike.org/pramana/in.purana.narada.1.66.150) namaḥ svāhā vaṣaṭ huṃ vauṣaṭ phaṭ jātaya īritāḥ / tato dhyātveṣṭadevaṃ taṃ bhūṣāyudhasamanvitam // ### [1.66.151](https://indike.org/pramana/in.purana.narada.1.66.151) nyasyāṅgaṣaṭkaṃ tanmūrtauṃ tataḥ pūjanamārabhet // ### [1.66.151.p1](https://indike.org/pramana/in.purana.narada.1.66.151.p1) iti śrībṛhannāradīyapurāṇe pūrvabhāge buhadupākhyāne tṛtīyapāde saṃdhyādinirūpaṇaṃ nāma ṣaṭṣaṣṭitamo 'dhyāyaḥ ## Linked texts (10) - [Puraścaryārṇava](https://indike.org/pramana/in.niti.dharma.prayoga.purascarana.purascaryarnava.1.4.407) — Sanskrit - [Tantracintāmaṇi](https://indike.org/pramana/in.sampradaya.saiva.trika.krama.tantracintamani.16.350) — Sanskrit - [Merutantra](https://indike.org/pramana/in.sampradaya.general.sakta.merutantra.3.92) — Gommaṭa, Sanskrit - [Kulamuktikallolinī](https://indike.org/pramana/in.sampradaya.general.sakta.kulamuktikallolini.13.127) — Sanskrit - [Prāṇatoṣiṇī](https://indike.org/pramana/in.sampradaya.general.sakta.pranatosini.4.3.443) — Rāmatoṣaṇa Śarman 1796, Sanskrit - [Tārābhaktisudhārṇava](https://indike.org/pramana/in.sampradaya.general.sakta.tarabhaktisudharnava.5.107) — Sanskrit - [Śrīvidyānityapaddhati](https://indike.org/pramana/in.sampradaya.saiva.agama.srividya.srividyanityapaddhati.47) — Sanskrit - [Durgārcanasṛti](https://indike.org/pramana/in.niti.dharma.vrata.durgotsava.durgarcanasrti.2.363) — Sanskrit - [Dīkṣāprakāśa](https://indike.org/pramana/in.niti.dharma.samskara.diksaprakasa.3.215) — Sanskrit - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.45.2) — Kamalākarabhaṭṭa 1612, Sanskrit --- Source: [https://indike.org/pramana/in.purana.narada.1.66](https://indike.org/pramana/in.purana.narada.1.66) · Pramāṇa