[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.67 # Naradapurana 1.67 Nāradapurāṇa 1.67 - **Language:** Sanskrit ## Contents - [1.67.140](https://indike.org/pramana/in.purana.narada.1.67.140) — 1 part ### [1.67.1](https://indike.org/pramana/in.purana.narada.1.67.1) sanatkumāra uvāca atha vakṣye devapūjāṃ sādhakābhīṣṭasiddhidām / trikoṇaṃ caturasraṃ vā vāmabhāge prakalpya ca // ### [1.67.2](https://indike.org/pramana/in.purana.narada.1.67.2) sampūjyā sreṇa saṃkṣālya hṛdādhāraṃ nidhāya ca / tatrāgnimaṇḍalaṃ cedvā pātraṃ saṃkṣālya cāsrataḥ // ### [1.67.3](https://indike.org/pramana/in.purana.narada.1.67.3) ādhāre nāmasaṃ sthāpya tatra cedravimaṇḍalam / klimamātṛkā pūlamuñcaranpūrapejjalaiḥ // ### [1.67.4](https://indike.org/pramana/in.purana.narada.1.67.4) catreñjumaṇḍalaṃ prārcya tīrthānyāvāhya pūrvavat / gomudrayāmṛtīkṛtya kavacenāvaguṇṭhayet // ### [1.67.5](https://indike.org/pramana/in.purana.narada.1.67.5) saṃkṣālyāsreṇa praṇavaṃ taduparyaṣṭadhā japet / sāmānyārghamidaṃ proktaṃ sarvasiddhikaraṃ nṛṇām // ### [1.67.6](https://indike.org/pramana/in.purana.narada.1.67.6) tajjalaṃ rkicidudūdhṛtya prokṣiṇyā sādhakottamaḥ / ātmānaṃ yāgavastūni tena saṃprokṣayetputhak // ### [1.67.7](https://indike.org/pramana/in.purana.narada.1.67.7) ātmavāmāgrataḥ kuryātṣaṭṭkoṇāntasrikoṇakam / caturasreṇa saṃveṣṭya saṃkṣālyārghodakena ca // ### [1.67.8](https://indike.org/pramana/in.purana.narada.1.67.8) tatastu sādhakaśreṣṭhaḥ staṃbhayecchaṅkhamudrayā / āgneyādiṣu koṇeṣu hṛdādyaṅgacatuṣṭayam // ### [1.67.9](https://indike.org/pramana/in.purana.narada.1.67.9) netraṃ madhye dikṣu cāsraṃ trikoṇe pūjayettataḥ / mūlakhaṇḍatrayenāthādhāraśaktiṃ tu madhyagām // ### [1.67.10](https://indike.org/pramana/in.purana.narada.1.67.10) evaṃ saṃpūjya vidhivadasraṃsaṃkṣālitaṃ hṛdā / pratiṣṭāpya tripadikāṃ pūjayenmanunāmunā // ### [1.67.11](https://indike.org/pramana/in.purana.narada.1.67.11) maṃ vahnimaṇḍalā yeti tato deśakalātmane / amukārdhyeti pātrānte sanāpahṛdayoṃ'time // ### [1.67.12](https://indike.org/pramana/in.purana.narada.1.67.12) caturviṃśativarṇo 'yamādhārasyārcane manuḥ / svamantrakṣālitaṃ śaraṃvaṃ saṃsyāpyāya samarcayet // ### [1.67.13](https://indike.org/pramana/in.purana.narada.1.67.13) tāraḥ kārṃmamahāṃste tu tato jalacarāya ca / varma phaṭ hṛdayaṃ pāñcajanyāya hṛdayaṃ maneḥ // ### [1.67.14](https://indike.org/pramana/in.purana.narada.1.67.14) tatrārkamaṇḍalāyeti dvādaśānte kalāramane / amukārdhyeti pātrānte namontastryakṣivarṇavān // ### [1.67.15](https://indike.org/pramana/in.purana.narada.1.67.15) sampūjya tena tatrārceddvādaśārkakalāḥ kramāt / tataḥ śuddhajalairmūlaṃ vilomamātṛkāṃ paṭhan // ### [1.67.16](https://indike.org/pramana/in.purana.narada.1.67.16) śaṅkhamāpūrayettasminpūjayenmanunāmunā / oṃ somamaṇḍalāyeti ṣoḍaśānte kalātmane // ### [1.67.17](https://indike.org/pramana/in.purana.narada.1.67.17) amukārdhyāmṛtāyeti hṛnmanuścārdhyapūjane / tatra ṣoḍaśasaṃkhyākā yajeñcandramasaḥ kalāḥ // ### [1.67.18](https://indike.org/pramana/in.purana.narada.1.67.18) tatastu tīrthānyāvāhya gaṅge cetyādipūrvavat / gomudrayāmṛtīkṛtyācchādayenmatsmamudrayā // ### [1.67.19](https://indike.org/pramana/in.purana.narada.1.67.19) kavacenāvaguṇṭhyātha rakṣedastreṇa tatpunaḥ / cintayitveṣṭadevaṃ ca tato mudrāḥ pradarśayet // ### [1.67.20](https://indike.org/pramana/in.purana.narada.1.67.20) śaṅkhamauśalacakākhyāḥ paramīkaraṇaṃ tataḥ / mahāmudrāṃ yonimudrāṃ darśayetkramataḥ sudhīḥ // ### [1.67.21](https://indike.org/pramana/in.purana.narada.1.67.21) gāruḍī gālinī caiva mukhye mudre prakīrtite / gandhapuṣpādibhistatra pūjayeddevatāṃ smaranaṭ // ### [1.67.22](https://indike.org/pramana/in.purana.narada.1.67.22) aṣṭakṛtvo japenmūlaṃ praṇavaṃ cāṣṭadhā tathā / śaṅkhāddakṣiṇadigbhāge prokṣaṇīpātramādiśet // ### [1.67.23](https://indike.org/pramana/in.purana.narada.1.67.23) prokṣaṇyāṃ tajjalaṃ kiñcitkṛtvātmānaṃ tridhā tataḥ / ātmatattvātmane hṛñca vidyātattvātmane namaḥ // ### [1.67.24](https://indike.org/pramana/in.purana.narada.1.67.24) śivatattvātmane hṛñca ityetairmanubhistribhiḥ / prokṣetpuṣpākṣataiścāpi maṇḍalaṃ vidhivatsudhīḥ // ### [1.67.25](https://indike.org/pramana/in.purana.narada.1.67.25) athavā mūlagāyatryā pūjādravyāṇi prokṣayet / pādyārdhyācamanūyārthaṃ madhuparkārthamapyuta // ### [1.67.26](https://indike.org/pramana/in.purana.narada.1.67.26) pātrāṇyādhārayuktāni sthāpayedvidhinā puraḥ / pādyaṃ śyāmākadūrvābjaviṣṇukrāntajalaiḥ smṛtam // ### [1.67.27](https://indike.org/pramana/in.purana.narada.1.67.27) ardhyaṃ puṣpākṣatayavaiḥ kuśāgratilasarṣapaiḥ / gandhadūrvādalaiḥ proktaṃ tataścācamanīyakam // ### [1.67.28](https://indike.org/pramana/in.purana.narada.1.67.28) jātīphalaṃ ca kaṅkolaṃ lavaṅgaṃ ca jalānvitam / kṣaudrājyadadhisaṃmiśraṃ madhuparkasamīritam // ### [1.67.29](https://indike.org/pramana/in.purana.narada.1.67.29) ekasminnathavā pātre pādyādīni prakalpayet / śaṅkarārkārcane śaṅkhamayenaiva praśasyate // ### [1.67.30](https://indike.org/pramana/in.purana.narada.1.67.30) śvetākṛṣṇāruṇāpītāśyāmāraktāsitāsitāḥ / raktāṃbarābhayakarādhyeyāḥspuḥ pīṭhaśaktayaḥ // ### [1.67.31](https://indike.org/pramana/in.purana.narada.1.67.31) svarṇādilikhite yantre śālagrāme maṇau tathā / vidhinā sthāpitāyāṃ vā pratimāyāṃ prapūjayet // ### [1.67.32](https://indike.org/pramana/in.purana.narada.1.67.32) aṅguṣṭādivitastyantamānā svarṇādidhātubhiḥ / nirmitā śubhadā gehe pūjanāya dine dine // ### [1.67.33](https://indike.org/pramana/in.purana.narada.1.67.33) vakrāṃ dagdhāṃ khaṇḍitāṃ ca bhinnamūrddhadṛśaṃ punanaḥ / spaṣṭāṃ vāpya ntyajādyaiśca pratimāṃ naiva pūjayet // ### [1.67.34](https://indike.org/pramana/in.purana.narada.1.67.34) bāṇādiliṅge vābhyarcetsarvalakṣaṇalakṣite / mūlena mūrtiṃ saṃkalpya dhyātvā devaṃ yathoditam // ### [1.67.35](https://indike.org/pramana/in.purana.narada.1.67.35) āvāhā pūjayetasyāṃ parivāragaṇaiḥ saha / śālagrāme sthāpitāyāṃ nāvāhanavisarjane // ### [1.67.36](https://indike.org/pramana/in.purana.narada.1.67.36) puṣpāñjaliṃ samādāya dhyātvā mantramudīrayet // ### [1.67.37](https://indike.org/pramana/in.purana.narada.1.67.37) ātmasaṃsthamajaṃ śuddhaṃ tvāmahaṃ parameśvara / araṇyāmiva havyāśaṃ mūrtāvāvāhayāmyaham // ### [1.67.38](https://indike.org/pramana/in.purana.narada.1.67.38) taveyaṃ hi mahāmūrtistasyāṃ tvāṃ sarvagaṃ prabho / bhaktirevahasamākṛṣṭaṃ dīpavatsthāpayāmyaham // ### [1.67.39](https://indike.org/pramana/in.purana.narada.1.67.39) sarvāntaryāmiṇe devaṃ sarvabījamaya śubham / ravātmasthaāya paraṃ śuddhamāsanaṃ kalpayāvyaham // ### [1.67.40](https://indike.org/pramana/in.purana.narada.1.67.40) ananyā tava deveśa mūrtiśaktiriyaṃ prabho / sāṃnidhyaṃ kuru tasyāṃ tvaṃ bhaktānugrāhakāraka // ### [1.67.41](https://indike.org/pramana/in.purana.narada.1.67.41) ajñānājuca mattattvādvaikalyātsādhanasya ca / yadyapūrṇaṃ bhavetkalpaṃ katathāpyabhimukho bhava // ### [1.67.42](https://indike.org/pramana/in.purana.narada.1.67.42) dṛśā pūyūṣavarṣiṇyā pūrayanyajñaviṣṭare / mūrtauṃ vā yajñasaṃpūrtyai sthito bhava maheśvara // ### [1.67.43](https://indike.org/pramana/in.purana.narada.1.67.43) abhaktavāṅmanaścakṣuḥ śrotradūrāyitadyute / svatejaḥ pañjareṇāśu veṣṭito bhava sarvataḥ // ### [1.67.44](https://indike.org/pramana/in.purana.narada.1.67.44) yasya darśanāmicchanti devāḥ svābhīṣṭasiddhaye / tasmai te parameśāya svāgataṃ svāgataṃ ca me // ### [1.67.45](https://indike.org/pramana/in.purana.narada.1.67.45) kṛtārtho 'nugṛhīto 'smi saphalaṃ jīvitaṃ mama / āgato devadeveśaḥ sukhāgatamidaṃ punaḥ // ### [1.67.46](https://indike.org/pramana/in.purana.narada.1.67.46) yadbhaktileptasaṃparkātparamānandasaṃbhavaḥ / tasmai me paraṇābjāya pādyaṃ śuddhāya kalpyate // ### [1.67.47](https://indike.org/pramana/in.purana.narada.1.67.47) vedānāmapi vedāya devānāṃ devatātmane / ācāmaṃ kalpayāmīśa śuddhānāṃ śuddhihetave // ### [1.67.48](https://indike.org/pramana/in.purana.narada.1.67.48) tāpatrayahara divyaṃ paramānandalakṣaṇam / tāpatrayavinirmuktyai tavārghyaṃ kalpayāmyaham // ### [1.67.49](https://indike.org/pramana/in.purana.narada.1.67.49) sarvakāluṣyahīnāya paripūrṇasukhātmane / madhuparkamidaṃ deva kalpayāmi prasīda me // ### [1.67.50](https://indike.org/pramana/in.purana.narada.1.67.50) avacchiṣṭo 'pyaśucirvāpi yasya smaraṇamātrataḥ / śuddhimāpnoti tasmai te punarācamanīyakam // ### [1.67.51](https://indike.org/pramana/in.purana.narada.1.67.51) snehaṃ gṛhāṇa snehena lokanātha mahāśaya / sarvalokeṣu śuddhātmandadāmi snehamuttamam // ### [1.67.52](https://indike.org/pramana/in.purana.narada.1.67.52) paramānandabodhābdhinimagnanijamūrtaye / sāṃgopāṅgamidaṃ snānaṃ kalpayāmyahamīśa te / sahasraṃ vā śataṃ vāpi yathāśaktyādareṇa ca // ### [1.67.53](https://indike.org/pramana/in.purana.narada.1.67.53) gandhapuṣpādikairīśa manunāṃ cābhiṣiñcet // ### [1.67.54](https://indike.org/pramana/in.purana.narada.1.67.54) māyāci trapaṭacchannanijaguhyorutejase / nirāvaraṇavijñāna vāsaste kalpayāmyaham // ### [1.67.55](https://indike.org/pramana/in.purana.narada.1.67.55) yamāśritya ma hāmāyā jagatsaṃmohinī sadā / tasmai te parameśāya kalpayāmyuttarīyakam // ### [1.67.56](https://indike.org/pramana/in.purana.narada.1.67.56) raktaṃ śaktyarkavighneṣu pītaṃviṣṇau sitaṃ śive / tailādidūṣitaṃ jīrṇaṃ sacchidraṃ malinaṃ tyajet // ### [1.67.57](https://indike.org/pramana/in.purana.narada.1.67.57) yasya śaktitrayeṇadaṃ saṃprītamakhilaṃ jagat / yajñasūtrāya tasmai te yajñasūtraṃ prakalpaye // ### [1.67.58](https://indike.org/pramana/in.purana.narada.1.67.58) svabhāvasundarāṅgāya nānāśaktyāśrayāya te / bhūṣaṇāni vicitrāṇi kalpayāmyamarārcita // ### [1.67.59](https://indike.org/pramana/in.purana.narada.1.67.59) paramānandasaurabhyaparipūrṇadigantaram / gṛhāṇa parama gandha kṛpayā parameśvara // ### [1.67.60](https://indike.org/pramana/in.purana.narada.1.67.60) turīyavanasaṃbhūtaṃ nānāguṇamanoharam / amandasaurabhapuṣpaṃ gṛhyatāmidamuttamam / japākṣatārkadhattūrānviṣṇau naivārpayetkvacit // ### [1.67.61](https://indike.org/pramana/in.purana.narada.1.67.61) ketakīṃ kuṭajaṃ kundaṃ bandhūkaṃ kesaraṃ japām / mālatīpuṣpaka caiva nārpayettu maheśvare // ### [1.67.62](https://indike.org/pramana/in.purana.narada.1.67.62) mātuliṅgaṃ ca tagaraṃ ravau naivārpayetkvacit / śaktau dūrvārkamandārān gaṇeśe tulasīṃ tyajet // ### [1.67.63](https://indike.org/pramana/in.purana.narada.1.67.63) sarojinīdamanakau tathā marubakaḥ kuśaḥ / viṣṇukrāntā nāgavallī dūrvāpāmārgadāḍimau // ### [1.67.64](https://indike.org/pramana/in.purana.narada.1.67.64) dhātrī muniyutānāṃ ca patrairdevārcanaṃ caret / kadalī badarī dhātrī tintiṇī bījapūrakam // ### [1.67.65](https://indike.org/pramana/in.purana.narada.1.67.65) āmradāḍimajaṃbīrajaṃbūpanasabhūruhāḥ / eteṣāṃ tu phalaiḥ kuryāddevatāpūjanaṃ budhaḥ // ### [1.67.66](https://indike.org/pramana/in.purana.narada.1.67.66) śuṣkaistu nārcayeddevaṃ patraiḥ puṣpaiḥ phalairapi // ### [1.67.67](https://indike.org/pramana/in.purana.narada.1.67.67) dhātrī khadirabitvānāṃ tamālasya dalāni ca / chinnabhinnānyapi mune na dūṣyāṇi jagurbudhāḥ // ### [1.67.68](https://indike.org/pramana/in.purana.narada.1.67.68) padmamāmalakaṃ tiṣṭecchuddhaṃ caiva dinatrayam / sarvadā tulasī śuddhā bilvapatrāṇi vai tathā // ### [1.67.69](https://indike.org/pramana/in.purana.narada.1.67.69) palāśakāśakusumaistamālatulasīdalaiḥ / chātrīdalaiśca dūrvābhirnārcayejjagadaṃbikām // ### [1.67.70](https://indike.org/pramana/in.purana.narada.1.67.70) nārpayetkusumaṃ patraṃ phalaṃ deve hyadhomukham / puṣpapatrādikaṃ vipra yathotpannaṃ tathārpayet // ### [1.67.71](https://indike.org/pramana/in.purana.narada.1.67.71) vanaspatirasaṃ divyaṃ gandhāḍhyaṃ sumanoharam / āghreyaṃ devadeveśa dhūpaṃ bhaktyā gṛhāma me // ### [1.67.72](https://indike.org/pramana/in.purana.narada.1.67.72) suprakāśaṃ mahādīpaṃ sarvadā timirāpaham / ghṛtavartisamāyuktaṃ gṛhāṇa mama satkṛtam // ### [1.67.73](https://indike.org/pramana/in.purana.narada.1.67.73) annaṃ caturvidhaṃ svādu rasaiḥ ṣaḍbhiḥ samanvitam / bhaktyā gṛhāṇa me deva naivedyantuṣṭidaṃsadā // ### [1.67.74](https://indike.org/pramana/in.purana.narada.1.67.74) nāgavallīdalaṃ śreṣṭhaṃ pūgakhadiracūrṇayuk / karpūrādisugandhāḍhyaṃ yaddattaṃ tadgṛhāṇa me // ### [1.67.75](https://indike.org/pramana/in.purana.narada.1.67.75) dadyātpuṣpāñjaliṃ paścātkuryādāvaraṇārcanam // ### [1.67.76](https://indike.org/pramana/in.purana.narada.1.67.76) yadāśābhimukho bhūtvā pūjanaṃ tu samācaret / saiva prācī tu vijñeyā tato 'nyā vidiśo daśa // ### [1.67.77](https://indike.org/pramana/in.purana.narada.1.67.77) keśareṣvagnikoṇādi hṛdayādīni pūjayet / netramagre dikṣu cāstraṃ aṅgamantrairyathākramam // ### [1.67.78](https://indike.org/pramana/in.purana.narada.1.67.78) śuklaśvetasitaśyāmakṛṣṇaraktārciṣaḥ kramāt / varābhayakarā dhyeyāḥ svasvadikṣvaṃ gaśaktayaḥ // ### [1.67.79](https://indike.org/pramana/in.purana.narada.1.67.79) amukāvaraṇānte tu devatā iti saṃvadet / sālaṅkārāstataḥ paścātsāṃgāḥ saparicārikāḥ // ### [1.67.80](https://indike.org/pramana/in.purana.narada.1.67.80) savāhanāḥ sāyudhāśca tataḥ sarvo pacārakaiḥ / saṃpūjitāstarpitāśca varadāḥ saṃtvidaṃ paṭhet // ### [1.67.81](https://indike.org/pramana/in.purana.narada.1.67.81) mūlānte ca samuñcārya divatāyai nivedayet / abhīṣṭasiddhiṃ me dehi śaraṇāgatavatsala // ### [1.67.82](https://indike.org/pramana/in.purana.narada.1.67.82) bhaktayā samarpaye tubhyamamukāvaraṇārcanam / ityuñcārya kṣipetpuṣpāñjaliṃ devasya mastake // ### [1.67.83](https://indike.org/pramana/in.purana.narada.1.67.83) tatastvabhyarcyanīyāḥ syuḥ kalpoktāścāvṛtīḥ kramāt / sāyudhāṃstata indrādyānsvasvadikṣu prapūjayet // ### [1.67.84](https://indike.org/pramana/in.purana.narada.1.67.84) idro vahniryamo rakṣo varuṇaḥ pavano vidhuḥ / īśāno 'tha vidhiścaivamadhastātpanna gādhipaḥ // ### [1.67.85](https://indike.org/pramana/in.purana.narada.1.67.85) airāvatastathā meṣo mahiṣaḥ pretastimirmṛgaḥ / vājī vṛṣo haṃsakūrmauṃ vāhanāni vidurbudhāḥ // ### [1.67.86](https://indike.org/pramana/in.purana.narada.1.67.86) vajraṃ śaktiṃ daṇḍakhaḍgau pāśāṃ kuśagadā api / triśūlaṃ padmacakre ca kramādindrādihetayaḥ // ### [1.67.87](https://indike.org/pramana/in.purana.narada.1.67.87) samāpyāvaraṇārcāṃ tu devatārārtikaṃ caret / śaṅkhatoyaṃ parikṣipyodvāhurnṛtyan patetkṣitau // ### [1.67.88](https://indike.org/pramana/in.purana.narada.1.67.88) daṇḍavañcāpyathotthāya prārthayitvā nije śvaram / dakṣiṇe sthaṇḍilaṃ kṛtvā tatra saṃskāramācaret // ### [1.67.89](https://indike.org/pramana/in.purana.narada.1.67.89) mūlenekṣaṇamastreṇa prokṣaṇaṃ tāḍanaṃ punaḥ / kuśaistadvarmaṇābhyukṣya pūjya tatra nyasedvasum // ### [1.67.90](https://indike.org/pramana/in.purana.narada.1.67.90) pradāpya tatra juhuyāddhyātvā caiveṣṭadevatām / mahāvyāhṛtibhiryastu samastābhiścatuṣṭayam // ### [1.67.91](https://indike.org/pramana/in.purana.narada.1.67.91) juhuyātsarpiṣā bhaktaistilairvā pāyasena vā / saghṛtaiḥ sādhakaśreṣṭhaḥ pañcaviṃśatisaṃkhyayā // ### [1.67.92](https://indike.org/pramana/in.purana.narada.1.67.92) punarvyāhṛtibhaghirhutvā gandhādyaiḥ punararcayet / devaṃ saṃyojayenmūrtauṃ tato vahniṃ visarjayet // ### [1.67.93](https://indike.org/pramana/in.purana.narada.1.67.93) bho bho vahne mahāśakte sarvakarmaprasādhaka / karmāntare 'pi saṃprāpte sānnidhyaṃ kuru sādaram // ### [1.67.94](https://indike.org/pramana/in.purana.narada.1.67.94) visṛjyāgnidevatāyai dadyādācamanīyakam / avaśiṣṭena haviṣā gandhapuṣpākṣatānvitam // ### [1.67.95](https://indike.org/pramana/in.purana.narada.1.67.95) devatāpārṣadebhyo 'pi pūrvoktebhyo baliṃ dadet / ye raudrā raudrakarmāṇo raudrasthānanivāsinaḥ // ### [1.67.96](https://indike.org/pramana/in.purana.narada.1.67.96) yoginyo hyugrarūpāśca gaṇānāmadhipāśca ye / vighnabhūtāstathā cānye digvidikṣu samāśritāḥga // ### [1.67.97](https://indike.org/pramana/in.purana.narada.1.67.97) sarve te prītamanasaḥ pratigṛhṇantvimaṃ balim / ityaṣṭadikṣu datvā ca punarbhūtabaliṃ caret // ### [1.67.98](https://indike.org/pramana/in.purana.narada.1.67.98) pānīyamamṛtīkṛtya mudrayā dhenusaṃjñayā / devatāyāḥ kare dadyātpunaścācamanīyakam // ### [1.67.99](https://indike.org/pramana/in.purana.narada.1.67.99) devamudvāsya mūrtisthaṃ punastatraiva yojayet / naivedyaṃ ca tato dadyāttattaducchiṣṭabhojine // ### [1.67.100](https://indike.org/pramana/in.purana.narada.1.67.100) maheśvarasya caṇḍeśo viṣvaksenastathā hareḥ / caṇḍāṃśustaraṇervaktatuṇḍaścāpi gaṇeśituḥ / śakterucchiṣṭacāṇḍālī proktā ucchiṣṭabhojinaḥ // ### [1.67.101](https://indike.org/pramana/in.purana.narada.1.67.101) tato ṛṣyādikaṃ smṛtvā kṛtvā mūlaṣaḍaṅgakam / japtvā mantraṃ yathāśakti devatāyai nivedayet // ### [1.67.102](https://indike.org/pramana/in.purana.narada.1.67.102) guhyātiguhyagoptā tvaṃ gṛhāṇāsmatkṛtaṃ japam / siddhirbhavatu me deva tvatprasādāttvayi sthitā // ### [1.67.103](https://indike.org/pramana/in.purana.narada.1.67.103) tataḥ parāṅmukhaṃ cārghaṃ kṛtvā puṣpaiḥ prapūjayet / dorbhyāṃ pabhdyāṃ ca jānubhyāmurasā śirasādṛśā / manasā vacasā ceti praṇāmo 'ṣṭāṅga īritaḥ // ### [1.67.104](https://indike.org/pramana/in.purana.narada.1.67.104) bāhubhyāṃ ca sajānubhyāṃ śirasā vacasāpi vā / pañcāṅgakaḥ praṇāmaḥ syātpūjāyāṃ pravarāvubhau // ### [1.67.105](https://indike.org/pramana/in.purana.narada.1.67.105) natvā ca daṇḍavanmantrī tataḥ kuryātpradakṣiṇāḥ / viṣmusomārkavighnānāṃ vedārdhendvadrivahnayaḥ // ### [1.67.106](https://indike.org/pramana/in.purana.narada.1.67.106) tataḥ stotrādikaṃ mantrī prapaṭhe dbhaktipūrvakam / itaḥ pūrṇaṃ prāṇabuddhidehadharmādhikārataḥ // ### [1.67.107](https://indike.org/pramana/in.purana.narada.1.67.107) jāgratsvapnasuṣuptyante 'vasthāsu manasā vadet / vācā hastābhyāṃ ca padbhyā mudareṇa tataḥ param // ### [1.67.108](https://indike.org/pramana/in.purana.narada.1.67.108) śiṣṇānte yatsmṛtaṃ paścādyaduktaṃ yatkṛtaṃ tataḥ / tatsarvaṃ ca tato brahmarpaṇaṃ bhavatu ṭhadvayam // ### [1.67.109](https://indike.org/pramana/in.purana.narada.1.67.109) māṃ madīyaṃ ca sakalaṃ viṣṇave ca samarpaye / tāraṃ tatsadato brahmarpaṇamastu manurmataḥ // ### [1.67.110](https://indike.org/pramana/in.purana.narada.1.67.110) praṇavādyo 'ṣṭavasvarṇo hyanenātmānamarpayet / ajñānādvā pramādādvā vaikalyātsādhanasya ca // ### [1.67.111](https://indike.org/pramana/in.purana.narada.1.67.111) yannyūnamatiriktaṃ vā tatsarvaṃ kṣantumarhasi / dravyahīnaṃ kriyāhīnaṃ mantrahīnaṃ mayānyathā // ### [1.67.112](https://indike.org/pramana/in.purana.narada.1.67.112) kṛtaṃ yattatkṣamasveśa kṛpayā tvaṃ dayānidhe / yanmayā kriyate karma jāgratsvaprasuṣuptiṣu // ### [1.67.113](https://indike.org/pramana/in.purana.narada.1.67.113) tatsarvaṃ tāvakī pūjā bhūyādbhūtyai ca me prabho / bhūmau skhalitapādānāṃ bhūmirevāvalaṃbanam // ### [1.67.114](https://indike.org/pramana/in.purana.narada.1.67.114) tvayi jātāparādhānāṃ tvameva śaraṇaṃ prabho / anyathā śaraṇaṃ nāsti tvameva śaraṇaṃ mama // ### [1.67.115](https://indike.org/pramana/in.purana.narada.1.67.115) tasmātkāruṇyabhāvena kṣamasva parameśvara / aparādhasahasrāṇi kriyante 'harnniśaṃ mayā // ### [1.67.116](https://indike.org/pramana/in.purana.narada.1.67.116) dāso 'yamiti māṃ matvā kṣamasva jagatāṃ pate / āvāhanaṃ na jānāmi na jānāmi visarjanam // ### [1.67.117](https://indike.org/pramana/in.purana.narada.1.67.117) pūjāṃ caiva na jānāmi tvaṃ gatiḥ parameśvara / saṃprārthyaivaṃ tato mantrī mūlānte ślokamuñcaret // ### [1.67.118](https://indike.org/pramana/in.purana.narada.1.67.118) gaccha gaccha paraṃ sthānaṃ jagadīśa jaganmaya / yanna brahmādayo devā jānanti ca sadāśivaḥ // ### [1.67.119](https://indike.org/pramana/in.purana.narada.1.67.119) iti puṣpāñjaliṃ datvā tataḥ saṃhāramudrayā / nidhāya devaṃ sāṃgaṃ ca svīyadṛtsarasīruhe // ### [1.67.120](https://indike.org/pramana/in.purana.narada.1.67.120) suṣumṇāvartmanā puṣpamāghrāyodvāsayed budhaḥ / śaṅkhacakraśilāliṅgavighnasūryadvayaṃ tathā // ### [1.67.121](https://indike.org/pramana/in.purana.narada.1.67.121) śaktitrayaṃ na caikatra pūjayedduḥkhakāraṇam / akālamṛtyuharaṇaṃ sarvavyādhivināśan // ### [1.67.122](https://indike.org/pramana/in.purana.narada.1.67.122) sarvapāpakṣayakaraṃ viṣṇupādodakaṃ śubham // ### [1.67.123](https://indike.org/pramana/in.purana.narada.1.67.123) tattadbhaktairgṛhī tavyaṃ tannaivedyaniveditam / agrāhyaṃ śivanirmālyaṃ patraṃ puṣpaṃ phalaṃ jalam // ### [1.67.124](https://indike.org/pramana/in.purana.narada.1.67.124) śālagrāmaśilāsparśātsarvaṃ yāti pavitratām / pūjā pañcavidhā tatra kathitā nāradākhilaiḥ // ### [1.67.125](https://indike.org/pramana/in.purana.narada.1.67.125) āturī sautikī trāsī sādhanā bhāvinī tathā / daurbodhī ca kramādāsāṃ lakṣaṇāni śṛṇuṣaava me // ### [1.67.126](https://indike.org/pramana/in.purana.narada.1.67.126) rogādiyukto na srāyānna japenna ca pūjayet / vilokya pūjāṃ devasya mūrtiṃ vā sūryyamaṇḍalam // ### [1.67.127](https://indike.org/pramana/in.purana.narada.1.67.127) praṇamyātha smaranmantramarpayetkumāñjalim / roge nivṛtte snātvātha natvā saṃpūñcedgurum // ### [1.67.128](https://indike.org/pramana/in.purana.narada.1.67.128) tvatprasādājjagannātha jagatpūjya dayānidhe / pūjāvicchedadoṣo me māstviti prārthayecca tam // ### [1.67.129](https://indike.org/pramana/in.purana.narada.1.67.129) dvijānapi ca saṃpūjya yathāśaktyā pratoṣya ca / tebhyaścāśiṣamādāya devaṃ prāgvattator'cayet // ### [1.67.130](https://indike.org/pramana/in.purana.narada.1.67.130) āturī kathitā hyeṣā sotikyatha nigadyate / sūtakaṃ dvividhaṃ proktaṃ jātākhyaṃ mṛtasaṃjñakam // ### [1.67.131](https://indike.org/pramana/in.purana.narada.1.67.131) tatra snātvā mānasīṃ tu kṛtvā saṃdhyāṃ samāhitaḥ / manasaiva yajeddevaṃ manasaiva japenmanum // ### [1.67.132](https://indike.org/pramana/in.purana.narada.1.67.132) nivṛtte sūtake prāgvatsaṃpūjya ca guruṃ dvijān / tebhyaścāśiṣamādāya tato nityakramaṃ caret // ### [1.67.133](https://indike.org/pramana/in.purana.narada.1.67.133) eṣā tu sautikī proktā trāsī cātha nigadyate / duṣṭebhyastrāsamāpanno yathālabdhopacāraṅkaiḥ // ### [1.67.134](https://indike.org/pramana/in.purana.narada.1.67.134) mānasairvai yajeddevaṃ trāsī sā parikīrtitā / pūjāsādhanavastūnāma sāmarthye tu sarvataḥ // ### [1.67.135](https://indike.org/pramana/in.purana.narada.1.67.135) puṣpaiḥ patraiḥ phalairvāpi manasā vā yajedvibhum / sādhanābhāvinī hyeṣā daurbodhīṃ śṛṇu nārada // ### [1.67.136](https://indike.org/pramana/in.purana.narada.1.67.136) striyo vṛddhā stathā bālā mūrkhāstaistu yathākramam / yathājñānakṛtā sā tu daurbodhīti prakīrtitā // ### [1.67.137](https://indike.org/pramana/in.purana.narada.1.67.137) evaṃ yathākathañcittu pūjāṃ kuryāddhi sādhakaḥ / devapūjāvihīno yaḥ sa gacchennarakaṃ dhruvam // ### [1.67.138](https://indike.org/pramana/in.purana.narada.1.67.138) vaiśvadevādikaṃ kṛtvā bhojayeddvijasattamān / deve niveditaṃ paścādbhuñjīta svagaṇaiḥ svayam // ### [1.67.139](https://indike.org/pramana/in.purana.narada.1.67.139) ācamyānanaśuddhiṃ ca kṛtvā tiṣṭet kiyatkṣaṇam / purāṇamitihāsaṃ ca śṛṇuyātsvajanaiḥ saha // ### [1.67.140](https://indike.org/pramana/in.purana.narada.1.67.140) samarthaḥ sarvakalpeṣu yo 'nukalpaṃ samācaret / na sāṃgaśayikaṃ tasya durmaterjāyate phalam // ### [1.67.140.p1](https://indike.org/pramana/in.purana.narada.1.67.140.p1) iti śrībṛhannāradīyapurāṇe pūrvabhāge bṛhadupākhyāne tṛtīyapāde devapūjānirūpaṇaṃ nāma saptaṣaṣṭittamo 'dhyāyaḥ ## Linked texts (17) - [Durgārcanasṛti](https://indike.org/pramana/in.niti.dharma.vrata.durgotsava.durgarcanasrti.5.55) — Sanskrit - [Mantrakaumudī](https://indike.org/pramana/in.niti.dharma.prayoga.purascarana.mantrakaumudi.3.25) — Sanskrit - [Śāktapramoda](https://indike.org/pramana/in.sampradaya.general.sakta.saktapramoda.3.18) — Sanskrit - [Dīkṣāprakāśa](https://indike.org/pramana/in.niti.dharma.samskara.diksaprakasa.3.535) — Sanskrit - [Navārṇavacaṇḍīpañcāṅgastotra](https://indike.org/pramana/in.sampradaya.general.devistotra.durga.navarnavacamdipamcamgastotra.56) — Sanskrit - [Navārṇacaṇḍīpañcāṅga](https://indike.org/pramana/in.niti.dharma.prayoga.candi.navarnacandipancanga.55) — Sanskrit - [Puraścaryārṇava](https://indike.org/pramana/in.niti.dharma.prayoga.purascarana.purascaryarnava.1.5.512) — Sanskrit - [Devīrahasya](https://indike.org/pramana/in.sampradaya.saiva.agama.rudra.devirahasya.46.9) — Sanskrit - [Merutantra](https://indike.org/pramana/in.sampradaya.general.sakta.merutantra.3.866) — Gommaṭa, Sanskrit - [Kulamuktikallolinī](https://indike.org/pramana/in.sampradaya.general.sakta.kulamuktikallolini.19.772) — Sanskrit - [Tantracintāmaṇi](https://indike.org/pramana/in.sampradaya.saiva.trika.krama.tantracintamani.19.682) — Sanskrit - [Kālikāpurāṇa](https://indike.org/pramana/in.purana.upa.sakta.kalika.3.3579) — Sanskrit - [Prapañcasāratantra](https://indike.org/pramana/in.sampradaya.general.prapancasara.6.113) — Śaṅkara, Sanskrit - [Nityācārapaddhati (Vidyākara vājapeyin)](https://indike.org/pramana/in.niti.dharma.acara.ahnika.nityacarapaddhati-vidyakara-vajapeyin.9.p17.1) — Vidyākara vājapeyin, Sanskrit - [Śāradātilaka](https://indike.org/pramana/in.sampradaya.general.saradatilaka.4.62-2) — Lakṣmaṇadeśika, Sanskrit - [Gūḍhārthadīpikā](https://indike.org/pramana/in.niti.dharma.nibandha.nirnaya.gudharthadipika.2.p20) — Vāmadeva, Sanskrit - [Kṛtyamahārṇava](https://indike.org/pramana/in.niti.dharma.nibandha.krtya.krtyamaharnava.1.p50) — Vācaspatimiśra, Sanskrit --- Source: [https://indike.org/pramana/in.purana.narada.1.67](https://indike.org/pramana/in.purana.narada.1.67) · Pramāṇa