[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.68 # Naradapurana 1.68 Nāradapurāṇa 1.68 - **Language:** Sanskrit ## Contents - [1.68.94](https://indike.org/pramana/in.purana.narada.1.68.94) — 1 part ### [1.68.1](https://indike.org/pramana/in.purana.narada.1.68.1) śrīsanatkumāra uvāca / atha vakṣye gaṇeśasya mantrānsarveṣṭadāyakān / yānsamārādhya viprendra sādhako bhuktimuktimān // ### [1.68.2](https://indike.org/pramana/in.purana.narada.1.68.2) avyayo viṣṇuvanitā śaṃbhustrī mīnaketanaḥ / smṛtirmāṃseṃdumanvāḍhyā sā punaścandraśekharā // ### [1.68.3](https://indike.org/pramana/in.purana.narada.1.68.3) ṅeṃto gaṇapatistoyaṃ bhujaṅgo varadeti ca / sarvānte janamuñcārya tato me vaśamānaya // ### [1.68.4](https://indike.org/pramana/in.purana.narada.1.68.4) vahniḥ priyānto mantro 'yaṣṭāviṃśativarṇavān / gaṇako 'sya muniśchando gāyatrī viyudādikā // ### [1.68.5](https://indike.org/pramana/in.purana.narada.1.68.5) gaṇeśo devatā bījaṃ ṣaṣṭaśaktistadādikā / śrīmanmahāgaṇapatiprītaye viniyogakaḥ // ### [1.68.6](https://indike.org/pramana/in.purana.narada.1.68.6) ṛṣiṃ śirasi vakre tu chandaśca hṛdi devatām / guhye bījaṃ padoḥ śaktiṃ nyasetsādhakasattamaḥ // ### [1.68.7](https://indike.org/pramana/in.purana.narada.1.68.7) ṣaḍdīrghāḍhyena bījena yaṃ ca bījādinā punaḥ / ṣaḍaṅgāni nyasedasya jātiyuktāni mantravit // ### [1.68.8](https://indike.org/pramana/in.purana.narada.1.68.8) śaivī ṣaḍaṅgamudrāya nyastavyā hi ṣaḍaṅgake / gāmādyaṃ caiva bhūrlokaṃ nābhyantaṃ pādayornyaset // ### [1.68.9](https://indike.org/pramana/in.purana.narada.1.68.9) gīmādyaṃ ca bhuvarlokaṃ kaṇṭhāntaṃ nābhito nyaset / svarlokaṃ caiva gūmādyaṃ kaṇṭhadimastakāvadhi // ### [1.68.10](https://indike.org/pramana/in.purana.narada.1.68.10) vyāpakaṃ mūlamantreṇa nyāso 'yaṃ bhuvanābhidhaḥ / mūlamantraṃ samuñcārya mātṛkāvarṇamīrayet // ### [1.68.11](https://indike.org/pramana/in.purana.narada.1.68.11) tadante 'pi ca mūlaṃ syānnamoṃ'taṃ mātṛkāsthale / kṣāntaṃ vinyasya mūlena vyāpakaṃ racayetsudhīḥ // ### [1.68.12](https://indike.org/pramana/in.purana.narada.1.68.12) varṇanyā so 'yamākhyātaḥ padanyāsastathocyate / pañcatribāṇavahnīnducandrākṣinigamaiḥ kramāt // ### [1.68.13](https://indike.org/pramana/in.purana.narada.1.68.13) vibhaktairmūlagāyatryā hṛdantairaṣṭabhiḥ padaiḥ / bhāladeśe mukhe kaṇṭhe hṛdi nābhyūrujānuṣu // ### [1.68.14](https://indike.org/pramana/in.purana.narada.1.68.14) pādayoścaiva vinyasya mūlane vyāpakaṃ caret / vadettatpuruṣāyānte vidmaheti padaṃ tataḥ // ### [1.68.15](https://indike.org/pramana/in.purana.narada.1.68.15) vakratuṇḍāya śabdānte dhīmahīti samīrayet / tanno dantiḥ pracovarṇā dayāditi vadetpunaḥ // ### [1.68.16](https://indike.org/pramana/in.purana.narada.1.68.16) eṣoktā mūlagāyatrī sarvasiddhipradāyinī / evaṃ nyāsavidhiṃ kṛtvā dhyāyedevaṃ hṛdaṃbuje // ### [1.68.17](https://indike.org/pramana/in.purana.narada.1.68.17) udyanmārtaṇḍasadṛśaṃ lokasthityantakāraṇam / saśaktikaṃ bhūṣitāṅgaṃ danta cakrādyudāyudham // ### [1.68.18](https://indike.org/pramana/in.purana.narada.1.68.18) evaṃ dhyātvā catuścatvāriṃśatsāhasrasaṃyutam / caturlakṣaṃ japenmantraṃ aṣṭadravyairdaśāṃśataḥ // ### [1.68.19](https://indike.org/pramana/in.purana.narada.1.68.19) juhuyādvidhivanmantrī saṃskṛte havyavāhane / ikṣavaḥ saktavo mocāphalāni cipiṭāstilāḥ // ### [1.68.20](https://indike.org/pramana/in.purana.narada.1.68.20) modakā nārikelāni lājā dravyāṣṭakaṃ smṛtam / pīṭhamādhāraśaktyādiparatatvāntamarcayet // ### [1.68.21](https://indike.org/pramana/in.purana.narada.1.68.21) ṣaṭkoṇāntastrikoṇaṃ ca bahiraṣṭadalaṃ likhet / bhūpuraṃ tadbahiḥ kṛtvā gameśaṃ tatra pūjayet // ### [1.68.22](https://indike.org/pramana/in.purana.narada.1.68.22) tīvrākhyā jvālinī nandā bhogadā kāmarūpāṇī / agrā tejovatī satyā navamī vidhnanāśinī // ### [1.68.23](https://indike.org/pramana/in.purana.narada.1.68.23) sarvādiśaktikamalāsanāya hṛdayāntikaḥ / pīṭhamantro 'yametena dadyādāsanamuttamam // ### [1.68.24](https://indike.org/pramana/in.purana.narada.1.68.24) tatrāvāhya gaṇādhīśaṃ madhye sampūjya yatnataḥ / vikoṇabāhye pūrvādicaturdikṣaavarcayetkramāt // ### [1.68.25](https://indike.org/pramana/in.purana.narada.1.68.25) śriyaṃ śriyaḥ patiṃ caiva gaurīṃ gaurī patiṃ tathā / ratiṃ ratipatiṃ pāścānmahīpūrva ca potriṇam // ### [1.68.26](https://indike.org/pramana/in.purana.narada.1.68.26) kramādilvavaṭāśvatthapriyagūnāmadhor'cayet / ramā padmadvayakarā śaṅkhacakradharo hariḥ // ### [1.68.27](https://indike.org/pramana/in.purana.narada.1.68.27) gaurī pāśāṅkuśadharā ṭaṅkaśūladharo haraḥ / ratiḥ padmakarā puṣpabāṇacāpadharaḥ smaraḥ // ### [1.68.28](https://indike.org/pramana/in.purana.narada.1.68.28) śūkavrīhyagrahastā bhūḥ potrī cakragadādharaḥ / devāgre pūjayellakṣmīsahitaṃ tu vināyakam // ### [1.68.29](https://indike.org/pramana/in.purana.narada.1.68.29) pūjayetṣaṭsu koṇeṣu hyāmodādyānpriyāyutān / āmodaṃ siddhisaṃyuktamagrataḥ paripījayet // ### [1.68.30](https://indike.org/pramana/in.purana.narada.1.68.30) pramodaṃ cāgnikoṇe tu samṛddhisahitaṃ yajet / īśakoṇe yajetkīrtisaṃyutaṃ sumukhaṃ tathā // ### [1.68.31](https://indike.org/pramana/in.purana.narada.1.68.31) vāruṇe madanāvatyā saṃyutaṃ durmukhaṃ yajet / yajennairṛtyakoṇe tu vighnaṃ madadravāyutam // ### [1.68.32](https://indike.org/pramana/in.purana.narada.1.68.32) drāviṇyā vighnakartāraṃ vāyukoṇe samarcayet / pāśāṅkuśābhayakarāṃstaruṇārkasamaprabhān // ### [1.68.33](https://indike.org/pramana/in.purana.narada.1.68.33) kapolavigaladdānagandhalubdhā liśobhitān / ṣaṭkoṇobhayapārśve tu śaṅkhapadmanibhau kramāt // ### [1.68.34](https://indike.org/pramana/in.purana.narada.1.68.34) sahitau nijaśaktibhyāṃ dhyātvā pūrvavadarcayet / keśareṣu ṣaḍaṅgāni patreṣvaṣṭau tu mātaraḥ // ### [1.68.35](https://indike.org/pramana/in.purana.narada.1.68.35) indrādyānapi vajjrādīnpūjayeddharaṇīgṛhe / evamārādhya vighneśaṃ sādhayetsvamanorathān // ### [1.68.36](https://indike.org/pramana/in.purana.narada.1.68.36) catuścatvāriṃśatāḍhyaṃ catuḥ śatamatandritaḥ / tarpayedaṃbubhiḥ śuddhairgajāsyaṃ dinaśaḥ sudhīḥ // ### [1.68.37](https://indike.org/pramana/in.purana.narada.1.68.37) padmaistu vaśayedbhūpāṃstatpatnīścotpalaistathā / kumudairmantriṇo 'śvatthasamidbhirvāḍavāñśubhaiḥ // ### [1.68.38](https://indike.org/pramana/in.purana.narada.1.68.38) uduṃmbarotthairnṛpatīnvaiśyānplakṣasamudbhavaiḥ / vaṭodbhavaiḥ samidbhiśca vaśayedantimānbudhaḥ // ### [1.68.39](https://indike.org/pramana/in.purana.narada.1.68.39) ājyena śriyamāpnoti svarṇāptirmadhunā bhavet / godugdhena gavāṃ lābho dadhnā sarvasamṛddhimān // ### [1.68.40](https://indike.org/pramana/in.purana.narada.1.68.40) annāptirannahomena samidbhirvetasāṃ jalam / vāsāṃsi labhate hutvā kusuṃbhakusumaiḥ śubhaiḥ // ### [1.68.41](https://indike.org/pramana/in.purana.narada.1.68.41) atha sarveṣṭadaṃ vakṣye caturāvṛttitarpaṇam / mūlenādau caturvāraṃ pratyekaṃ ca pratarpayet // ### [1.68.42](https://indike.org/pramana/in.purana.narada.1.68.42) pūrvamantrākṣarairmantraiḥ svāhāntaiśca catuścatuḥ / mūlamantraiścaturvārapūrvakaṃ saṃpratarpya ca // ### [1.68.43](https://indike.org/pramana/in.purana.narada.1.68.43) mithunādīṃstataḥ paścātpūrvavatsaṃpratarpayet / devena sahitāṃ śaktiṃ śaktyā ca sahitaṃ tu tam // ### [1.68.44](https://indike.org/pramana/in.purana.narada.1.68.44) evañca ṣaḍviṃśatidhā mithunāni bhavanti hi / svanāmādyarṇabījāni tāni santarpayetkramāt // ### [1.68.45](https://indike.org/pramana/in.purana.narada.1.68.45) bhavetsaṃbhūya sacatuścatvāriṃśañcatuḥ śatam / evaṃ saṃtapya tatpaścātpūrvavatsopacārakaiḥ // ### [1.68.46](https://indike.org/pramana/in.purana.narada.1.68.46) sarvābhīṣṭaṃ ca saṃprārthya praṇamyodvāsayetsudhīḥ / bhādrakṛṣṇacaturthyādipratimāsamatandritaḥ // ### [1.68.47](https://indike.org/pramana/in.purana.narada.1.68.47) ārabhyārke dayaṃ mantrī yāvaccandrodayo bhavet / tāvannopaviśedbhūmau jitavākkriyāmānasaḥ // ### [1.68.48](https://indike.org/pramana/in.purana.narada.1.68.48) tataścandrodaye mantrī pūjayedgaṇanāyakam / pūrvoktavidhinā samyaṅnānāpuṣpopahārakaiḥ // ### [1.68.49](https://indike.org/pramana/in.purana.narada.1.68.49) ekaviṃśatisaṃkhyākānmodakāṃśca nivedayet / tadagre prajapenmantramaṣṭottarasahasrakam // ### [1.68.50](https://indike.org/pramana/in.purana.narada.1.68.50) tataḥ karpūrakāśmīraraktapuṣpaiḥ sacandanaiḥ / ardhyaṃ dadyāttu mūlānte ṅeṃte gaṇapatiṃ tataḥ // ### [1.68.51](https://indike.org/pramana/in.purana.narada.1.68.51) idamardhyaṃ kalpayāmi hṛdantor'dhyamanurmataḥ / stutvā natvā visṛjyātha yajeccandramasaṃ punaḥ // ### [1.68.52](https://indike.org/pramana/in.purana.narada.1.68.52) ardhyaṃ dadyāñcaturvāraṃ pūjayitvā guruṃ tataḥ / nivediteṣu viprāya dadyādardhāṃśca modakān // ### [1.68.53](https://indike.org/pramana/in.purana.narada.1.68.53) svayamarddhānprabhuñjīta brahmacārī jitendriyaḥ / evaṃ vrataṃ yaḥ kurute samyaksaṃvatsarāvadhi // ### [1.68.54](https://indike.org/pramana/in.purana.narada.1.68.54) putrānpautrānsukhaṃ vittamārogyaṃ labhate naraḥ / sūryodayādaśaktaścedastamārabhya mantravit // ### [1.68.55](https://indike.org/pramana/in.purana.narada.1.68.55) candrodayāntaṃ pūrvoktavidhinā vratamācaret / evaṃ kṛte 'pi pūrvoktaṃ phalamāpnoti niścitam // ### [1.68.56](https://indike.org/pramana/in.purana.narada.1.68.56) gaṇiśapratimāṃ dantidantena kapināpi vā / gajabhagrena niṃbena sitārkeṃṇāthavā punaḥ // ### [1.68.57](https://indike.org/pramana/in.purana.narada.1.68.57) kṛtvā tasyāṃ samāvāhya prāṇasthāpanapūrvakam / abhyarcya vidhivanmantrī rāhugraste niśākare // ### [1.68.58](https://indike.org/pramana/in.purana.narada.1.68.58) spṛṣṭrā caiva nirahārastāṃ śikhāyāṃ samudvahan / dyūte vivāde samare vyavahāre jayaṃ labhet // ### [1.68.59](https://indike.org/pramana/in.purana.narada.1.68.59) bījaṃ varāho binddhāḍhyau manvindvānnau kalau tataḥ / smṛtirmāṃseṃdumanvāgrā karṇocchiṣṭagaṇe vadet // ### [1.68.60](https://indike.org/pramana/in.purana.narada.1.68.60) bakaḥ sadīrghapavano mahāyakṣāya yaṃ baliḥ / balimantro 'yamākhyāto na cedvarṇo 'khileṣṭadaḥ // ### [1.68.61](https://indike.org/pramana/in.purana.narada.1.68.61) praṇavo bhuvaneśānīsvabījānte navārṇakaḥ / hastīti ca piśācīti likheñcaivāgriṃsuṃdarī // ### [1.68.62](https://indike.org/pramana/in.purana.narada.1.68.62) navārṇo 'yaṃ samuddiṣṭo bhajatāṃ sarvasiddhidaḥ / padaiḥ sarvaṇa mantreṇa pañcāṅgāni prakalpayet // ### [1.68.63](https://indike.org/pramana/in.purana.narada.1.68.63) anyatsarvaṃ samānaṃ syātpūrvamantreṇa nārada / athābhidhāsye vidhivadvakratuṇḍamanuttamam // ### [1.68.64](https://indike.org/pramana/in.purana.narada.1.68.64) toyaṃ vidhirvahniyuktakarṇendvāḍhyo haristathā / sadīrgho dārako vāyurvarmānto 'yaṃ rasārṇakaḥ // ### [1.68.65](https://indike.org/pramana/in.purana.narada.1.68.65) bhārgavo 'sya muniśchando 'nuṣṭubdevo gaṇādhipaḥ / vakratuṇḍābhidho bījaṃ vaṃ śaktiḥ kavacaṃ punaḥ // ### [1.68.66](https://indike.org/pramana/in.purana.narada.1.68.66) tāradṛnmadhyagairmantravarṇaiścandravibhūṣitaiḥ / kṛtvā ṣaḍaṅgamantrārṇānbhrūmadhye ca gale hṛdi // ### [1.68.67](https://indike.org/pramana/in.purana.narada.1.68.67) nāmau liṅge pade nyasyākhilena vyāpakaṃ caret / udyadarkadyutiṃ hastaiḥ pāśāṅkuśavarābhayān // ### [1.68.68](https://indike.org/pramana/in.purana.narada.1.68.68) dadhataṃ gajavaktraṃ ca raktabhūṣāṃbaraṃ bhajet / dhyātvaivaṃ prajapettarkalakṣaṃ dravyairdaśāṃśataḥ // ### [1.68.69](https://indike.org/pramana/in.purana.narada.1.68.69) aṣṭabhirjuhuyātpīṭhe tīvrādisahiter'cayet / mūrtiṃ mūrtena saṃkalpya tasyāmāvāhya pūjayet // ### [1.68.70](https://indike.org/pramana/in.purana.narada.1.68.70) ṣaṭkoṇeṣu ṣaḍaṅgāni patreṣvaṣṭau tu śaktayaḥ / yajedvidyāṃ vidhātrīṃ ca bhogadāṃ vipraghātinīm // ### [1.68.71](https://indike.org/pramana/in.purana.narada.1.68.71) nidhipradīpāṃ pāpaghnīṃ puṇyāṃ paścācchaśiprabhām / dalāgreṣu vakratuṇḍa ekadaṃṣṭramahodarau // ### [1.68.72](https://indike.org/pramana/in.purana.narada.1.68.72) gajāsyalaṃbodarakau vikaṭau vidhnarāṭ tathā / dhūmravarṇastato bāhye lokeśānhetisaṃyutān // ### [1.68.73](https://indike.org/pramana/in.purana.narada.1.68.73) evamāvaraṇairiṣṭvā pañcabhirgaṇanāyakam / sādhaṃyedakhilānkāmānvakratuṇḍa praṃsādataḥ // ### [1.68.74](https://indike.org/pramana/in.purana.narada.1.68.74) labdhvā gurumukhānmantraṃ dīkṣāsaṃskārapūrvakam / brahmacārī haviṣyāśī satyavāk ca jitendriyaḥ // ### [1.68.75](https://indike.org/pramana/in.purana.narada.1.68.75) japedarkasahasraṃ tu ṣaṇmāsaṃ homasaṃyutam / dāridṣaṃ tu parābhūya jāyate dhanadopamaḥ // ### [1.68.76](https://indike.org/pramana/in.purana.narada.1.68.76) caturthyādi caturthyantaṃ japedayutamādarāt / aṣṭottaraśataṃ nityaṃ hutvā prāgvatphalaṃ labhet // ### [1.68.77](https://indike.org/pramana/in.purana.narada.1.68.77) / pakṣayorubhayormantrī caturthyāṃ juhuyācchatam / apūpairvatsare sa syātsamṛddheḥ paramaṃ padam // ### [1.68.78](https://indike.org/pramana/in.purana.narada.1.68.78) aṅgārakacaturthyāṃ tu devamiṣṭvā vidhānataḥ / haviṣā pā yasānnena naivedyaṃ parikalpayet // ### [1.68.79](https://indike.org/pramana/in.purana.narada.1.68.79) tato guruṃ samabhyarntya bhojayedvidhivatsudhīḥ / niveditena juhuyātsaharasraṃ vidhivadvasau // ### [1.68.80](https://indike.org/pramana/in.purana.narada.1.68.80) evaṃ saṃvatsaraṃ kṛtvā mahatīṃ śriyamāpnuyāt / athānyatsādhanaṃ vakṣye lokānāṃ hitakāmyayā // ### [1.68.81](https://indike.org/pramana/in.purana.narada.1.68.81) iṣṭvā gaṇeśaṃ pṛthukaiḥ pāyasāpūpamodakaḥ / nānāphalaistatomantrī haridrāmatha saindhavam // ### [1.68.82](https://indike.org/pramana/in.purana.narada.1.68.82) vacāṃ niṣkārddhabhāgaṃ ca tadarddhaṃ vā manuṃ japet / viśodhya cūrṇaṃ prasṛtau gavāṃ mūtre vinikṣipet // ### [1.68.83](https://indike.org/pramana/in.purana.narada.1.68.83) sahasrakṛtvo manunā mantrayitvā prayatnataḥ / snātāmṛtudine śuddhāṃ śuklāṃbaradharāṃ śubhām // ### [1.68.84](https://indike.org/pramana/in.purana.narada.1.68.84) devasya purataḥ sthāpya pāyayedauṣadhaṃ sudhīḥ / sarvalakṣaṇasaṃpannaṃ vandhyāpi labhate sutam // ### [1.68.85](https://indike.org/pramana/in.purana.narada.1.68.85) athānyatsaṃpravakṣyāmi rahasyaṃ paramādbhutam / gocarmamātrāṃ dharaṇīmupalipya prayatnataḥ // ### [1.68.86](https://indike.org/pramana/in.purana.narada.1.68.86) vikīrya dhānyaprakaraistatra saṃsthāpayeddhaṭam / śuddhodakena saṃpūrya tasyopari nidhāpayet // ### [1.68.87](https://indike.org/pramana/in.purana.narada.1.68.87) kapilājyena saṃpūrṇaṃ śarāvaṃ nūtanaṃ śubham / ṣaḍaṣṭākṣaramantrābhyāṃ dīpamāropayecchubham // ### [1.68.88](https://indike.org/pramana/in.purana.narada.1.68.88) dīpe devaṃ samāvāhya gandhapuṣpādibhiryajet / snātāṃ kumārīmathavā kumāraṃ pūjayetsudhīḥ // ### [1.68.89](https://indike.org/pramana/in.purana.narada.1.68.89) dīpasya purataḥ sthāpyadhyātvā devaṃ japenmanum / pradīpe sthāpite paśyeddvijarūpaṃ gaṇeśvaram // ### [1.68.90](https://indike.org/pramana/in.purana.narada.1.68.90) pṛṣṭastataḥ saṃpadi vā naṣṭaṃ caivāpyanāgatam / sakalaṃ pravadedevaṃ kumārī vā kumārakaḥ // ### [1.68.91](https://indike.org/pramana/in.purana.narada.1.68.91) ṣaḍakṣaro hṛdantaścedbhavedaṣṭākṣaro manuḥ / anye 'pi mantrā devarṣe santi tantre gaṇeśituḥ // ### [1.68.92](https://indike.org/pramana/in.purana.narada.1.68.92) kintvatra yanna sādhyaṃ syātrriṣu lokeṣu sādhakaiḥ / aṣṭaviṃśarasārṇābhyāṃ tanna paśyedapi kvacit // ### [1.68.93](https://indike.org/pramana/in.purana.narada.1.68.93) etadgaṇeśamantrāṇāṃ vidhānaṃ te mayoditam / śaṭhebhyaḥ paraśiṣyebhyo vañcakebhyo 'pi mā vada // ### [1.68.94](https://indike.org/pramana/in.purana.narada.1.68.94) evaṃ yo bhajate devaṃ gaṇeśaṃsarvasiddhidam / prāpyeha sakalānbhoganinte muktipadaṃ vrajet // ### [1.68.94.p1](https://indike.org/pramana/in.purana.narada.1.68.94.p1) iti śrībṛhannāradīyapurāṇe pūrvabhāge bṛhadupākhyāne tṛtīyapāde gaṇeśamantravidhānanirūpaṇaṃ nāmāṣṭaṣaṣṭitamo 'dhyāyaḥ ## Linked texts (6) - [Gaṇeśapurāṇa](https://indike.org/pramana/in.purana.upa.surya.ganesa.1.17.31) — Sanskrit - [Kulavṛtti](https://indike.org/pramana/in.sampradaya.general.sakta.kulavrtti.2.325) — Sanskrit - [Tantrasāra (Kṛṣṇānanda)](https://indike.org/pramana/in.sampradaya.general.sakta.tantrasara.2.p613) — Kṛṣṇānanda Āgamavāgīśa 1550, Sanskrit - [Bṛhattantrasāra](https://indike.org/pramana/in.sampradaya.general.sakta.brhattantrasara.2.657) — Sanskrit - [Mantrakośa](https://indike.org/pramana/in.sampradaya.general.mantrakosa.mantrakosa.12.3) — Āśādityatripāṭhin, Sanskrit - [Nityācārapaddhati (Vidyākara vājapeyin)](https://indike.org/pramana/in.niti.dharma.acara.ahnika.nityacarapaddhati-vidyakara-vajapeyin.10.p31) — Vidyākara vājapeyin, Sanskrit --- Source: [https://indike.org/pramana/in.purana.narada.1.68](https://indike.org/pramana/in.purana.narada.1.68) · Pramāṇa