[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.69 # Naradapurana 1.69 Nāradapurāṇa 1.69 - **Language:** Sanskrit ## Contents - [1.69.141](https://indike.org/pramana/in.purana.narada.1.69.141) — 1 part ### [1.69.1](https://indike.org/pramana/in.purana.narada.1.69.1) sanatkumāra uvāca atha vakṣye trayīmūrtervidhānaṃ tvabjinīpateḥ / mantrāṇāṃ yatsamārādhya sarveṣṭaṃ prāmuyāhṛvi // ### [1.69.2](https://indike.org/pramana/in.purana.narada.1.69.2) tāro recikayā yukto medhānetrayutā ratiḥ / sasargā bāmakarṇoḍhyo bhṛgurvaḍhyāsano marut // ### [1.69.3](https://indike.org/pramana/in.purana.narada.1.69.3) śeṣoditya iti prokto vasvarṇo bhuktimuktidaḥ / devabhāgo muniśchando gāyatrī devatā raviḥ // ### [1.69.4](https://indike.org/pramana/in.purana.narada.1.69.4) māyā vījaṃ ramā śaktirdṛṣṭādṛṣṭe niyogakaḥ / satyāya hṛdayaṃ paścādbrahmaṇe śira īritam // ### [1.69.5](https://indike.org/pramana/in.purana.narada.1.69.5) viṣṇave tu śikhāvarma rudrāya parikīrtitam / netraṃ syādagraye paścātśarvāyāsramudāhṛtam // ### [1.69.6](https://indike.org/pramana/in.purana.narada.1.69.6) netro jvālā mano huṃ phaṭsvāhāntā manavo gaṇāḥ / punaḥ ṣaḍarṇairhrī lakṣmyāḥ kṛtvāntaḥ sthaiḥ ṣaḍaṅgakam // ### [1.69.7](https://indike.org/pramana/in.purana.narada.1.69.7) śiṣṭāraujaṭhare pṛṣṭe tayorṅeṃtākhyayā nyaset / ādityaṃ ca raviṃ paścādbhānuṃ bhāskarameva ca // ### [1.69.8](https://indike.org/pramana/in.purana.narada.1.69.8) sūryaṃ ca mūrdhni vadane hṛdi guhye ca pādayoḥ / sadyādipañca hrasvādyān nyasenṅeṃ hṛdayoṃ'timān // ### [1.69.9](https://indike.org/pramana/in.purana.narada.1.69.9) hrīṃ ramāmadhyagāmaṣṭau varṇāṃstārādikānnyaset / mūrddhāsyakaṇṭhahṛtkukṣinābhiliṅgagudeṣu ca // ### [1.69.10](https://indike.org/pramana/in.purana.narada.1.69.10) sacandrasvarapūrvaṃ tu ṅetaṃ śītāṃśumaṇḍalam / mūrddhādikaṇṭhaparyantaṃ nyaseñcāndrimanuspraran // ### [1.69.11](https://indike.org/pramana/in.purana.narada.1.69.11) sparśānseṃdūnsamuñcārya ṅeṃtaṃ bhāskaramaṇḍalam / nyasetkaṇṭhādinābhyantaṃ dhyāyanpradyotanaṃ hṛdi // ### [1.69.12](https://indike.org/pramana/in.purana.narada.1.69.12) yādīnsacandrānuñcārya ṅetaṃ ca vahnimaṇḍalam / nābhyādipādaparyantaṃ nyasedvahnimanusmaran // ### [1.69.13](https://indike.org/pramana/in.purana.narada.1.69.13) prokto 'yaṃ maṇḍalanyāso mahātejovidhāyakaḥ / ādiṭhāntārṇapūrvaṃ ṅeṃnamontaṃ somamaṇḍalam // ### [1.69.14](https://indike.org/pramana/in.purana.narada.1.69.14) mūrddhādihṛdayāntaṃ tu vinyasetsādhakottamaḥ / ḍakārādikṣakārāntavarṇādyaṃ pahnimaṇḍalam // ### [1.69.15](https://indike.org/pramana/in.purana.narada.1.69.15) ṅeṃtaṃ hṛdādipādāntaṃ vinyasetsusamāhitaḥ / agrīṣomātmako nyāsaḥ kathitaḥ sarvasiddhidaḥ // ### [1.69.16](https://indike.org/pramana/in.purana.narada.1.69.16) nyasetseṃdūnmātṛkārṇāñjayāntapuruṣātmane / namonte vyāpakaṃ mantrī haṃsnayāso 'yamīritaḥ // ### [1.69.17](https://indike.org/pramana/in.purana.narada.1.69.17) aṣṭāvaṣṭau svarāñśeṣānpañcapañca mitānpunaḥ / uktādityamukhānetānvinyaseñca navagrahān // ### [1.69.18](https://indike.org/pramana/in.purana.narada.1.69.18) ādhāraliṅgayornābhau hṛdi kaṇṭhe mukhāntare / bhrūmadhye ca tathā bhāle brahmaraṅghre nyasetkramāt // ### [1.69.19](https://indike.org/pramana/in.purana.narada.1.69.19) haṃsākhyamagnīṣomākhyaṃ maṇḍalatrayameva ca / punarnyāsatrayaṃ kuryānmūlena vyāpakaṃ caret // ### [1.69.20](https://indike.org/pramana/in.purana.narada.1.69.20) evaṃ nyāsavidhiṃ kṛtvā dhyāyetsūryaṃ hṛdabuje / dānābhayābjayugalaṃ dhārayantaṃ karai ravim // ### [1.69.21](https://indike.org/pramana/in.purana.narada.1.69.21) kuṇḍalāṃ gadakeyūrahāriṇaṃ ca trayītanum / dhyātvaivaṃ prajapenmantrī vasulakṣaṃ daśāṃśataḥ // ### [1.69.22](https://indike.org/pramana/in.purana.narada.1.69.22) raktāṃbhojaistilairvāpi juhuyādvidhivadvasau / prathamaṃ pīṭhayajane dharmādīnāṃ sthale yajet // ### [1.69.23](https://indike.org/pramana/in.purana.narada.1.69.23) prabhūtaṃ vimalaṃ śāraṃ samārādhyamanantaram / paramādimukhaṃ madhye khabiṃbāntaṃ prapūjayet // ### [1.69.24](https://indike.org/pramana/in.purana.narada.1.69.24) somāgnimaṇḍalaṃ pūjyaravimaṇḍalamarcayet / dīptā sūkṣmā jayā bhadrā vibhūtirvimalā tathā // ### [1.69.25](https://indike.org/pramana/in.purana.narada.1.69.25) amoghā vidyutā sarvatomukhī pīṭhaśaktayaḥ / hrasvatrayoktijāḥ klībahī nā vahnīndusaṃyutāḥ // ### [1.69.26](https://indike.org/pramana/in.purana.narada.1.69.26) svarā bījāni śaktīnāṃ tadādyāḥ pūjayettuḥ tāḥ / brahmaviṣṇuśivātmā te sṛṣṭiḥ śeṣānvitāpyasau // ### [1.69.27](https://indike.org/pramana/in.purana.narada.1.69.27) evaṃ cānte yoga pīṭhātmane hṛdayamīrayet / tārādyo 'yaṃ pīṭhamantrastvanenāsanamādiśet // ### [1.69.28](https://indike.org/pramana/in.purana.narada.1.69.28) dhruvo viyadbinduyutaṃ khaṃ khakholkāya dṛnmanuḥ / navārṇāya ca manave mūrtiṃ saṃkalpayetsudhīḥ // ### [1.69.29](https://indike.org/pramana/in.purana.narada.1.69.29) sākṣiṇaṃ jagatāṃ tasyāmāvāhya vidhivadyajet / tataḥ ṣaḍaṅgāmārādhya dvikṣvaṣṭāṅgaṃ prapūjayet // ### [1.69.30](https://indike.org/pramana/in.purana.narada.1.69.30) saṃpūjya madhye vādityaṃ raviṃ bhānuṃ ca bhāskaram / sūryaṃ diśāsu sadyādipañca hrasvādikānimān // ### [1.69.31](https://indike.org/pramana/in.purana.narada.1.69.31) svasvanāmādivarṇādyāḥ śaktayor'cyā vidikṣu ca / uṣāṃ prajñāṃ prabhāṃ saṃdhyāṃ tato brahmādikānyajet // ### [1.69.32](https://indike.org/pramana/in.purana.narada.1.69.32) purato 'ruṇamabhyarcya somaṃ jñaṃ ca guruṃ bhṛgum / dikṣvaryamādikāniṣṭvā bhūmijaṃ ca śanaiścaram // ### [1.69.33](https://indike.org/pramana/in.purana.narada.1.69.33) rāhuṃ ketuṃ ca koṇeṣu pūrvavatparipūjayet / indrādyānapi vajrādyānpūjayetpūrvavatsudhīḥ // ### [1.69.34](https://indike.org/pramana/in.purana.narada.1.69.34) itthaṃ saṃpūjya vidhivadbhāskaraṃ bhaktavatsalam / samāhito dineśāya dadyādardhyaṃ dine dine // ### [1.69.35](https://indike.org/pramana/in.purana.narada.1.69.35) prāṇānāyamya sadbhūmau nyāsānkṛtvā puroditān / vidhāya maṇḍalaṃ bhānoḥ pīṭhaṃ pūrvavadarcayet // ### [1.69.36](https://indike.org/pramana/in.purana.narada.1.69.36) dhyātvārkaṃ prayajeddvivyairmānasairupacārakaiḥ / pātraṃ tāmramayaṃ prasthatoyagrāhi suśobhanam // ### [1.69.37](https://indike.org/pramana/in.purana.narada.1.69.37) nidhāya maṇḍale raktacandanādivinirmite / vilomamātṛkāmūlamuñcaranpūrayejjalaiḥ // ### [1.69.38](https://indike.org/pramana/in.purana.narada.1.69.38) sūryabiṃbavinirgacchatsudhāṃbudhivibhāvitaiḥ / kuṅkumaṃ rojanāṃ rājīṃ candanaṃ raktacandanam // ### [1.69.39](https://indike.org/pramana/in.purana.narada.1.69.39) karavīraṃ japāśālikuśaśyāmākataṇḍulān / tilaveṇuyavāṃścaiva nikṣipetsalile śubhe // ### [1.69.40](https://indike.org/pramana/in.purana.narada.1.69.40) sāṃgaṃ sāvaraṇaṃ tatrāvāhyārkaṃ pūrvavadyajet / gandhapuṣpadhūpadīpanaivedyādyai rvidhānataḥ // ### [1.69.41](https://indike.org/pramana/in.purana.narada.1.69.41) prāṇāyāmatrayaṃ kṛtvā kuryādaṅgāni pūrvavat / sudhābījaṃ candanena dakṣe karatale likhet // ### [1.69.42](https://indike.org/pramana/in.purana.narada.1.69.42) tenācchādyārdhyapātraṃ ca japenmanumananyadhīḥ / aṣṭottaraśatāvṛttyā punaḥ saṃpūjya bhāskaram // ### [1.69.43](https://indike.org/pramana/in.purana.narada.1.69.43) hastābhyāṃ pātramādāya jānubhyāmavanīṃ gataḥ / āmūrdhni pātramuddhṛtyāṃbareṇa varaṇe raveḥ // ### [1.69.44](https://indike.org/pramana/in.purana.narada.1.69.44) dṛṣṭiṃ cādhāya manasā pūjayitvā raviṃ punaḥ / sādhakena svakaikyena mūlamantraṃ dhiyā japan // ### [1.69.45](https://indike.org/pramana/in.purana.narada.1.69.45) ardhyaṃ dadyādraviṃ dhyāyavraktacandanamaṇḍale / dattvā puṣpāñjaliṃ bhūyo japedaṣṭottaraṃ śatam // ### [1.69.46](https://indike.org/pramana/in.purana.narada.1.69.46) nityaṃ vā tadvine 'pyevamardhyaṃ dadyādvivasvate / tena tuṣṭo dineśo 'smai dadyādvittaṃ yaśaḥ sukham // ### [1.69.47](https://indike.org/pramana/in.purana.narada.1.69.47) putrānpautrānabhīṣṭaṃ ca yadyatsarvaṃ prayacchati / ardhyadānamidaṃ proktamāyurārogyavarddhanam // ### [1.69.48](https://indike.org/pramana/in.purana.narada.1.69.48) dhanadhānyapaśukṣemakṣetramitrakalatradam / tejovīryayaśaḥkīrtividyāvibhavabhogadam // ### [1.69.49](https://indike.org/pramana/in.purana.narada.1.69.49) gāyatryārādhanāsaktaḥ saṃdhyāvandanatatparaḥ / evaṃ manuṃ japanvipro duḥkhaṃ naivāpnuyātkvacit // ### [1.69.50](https://indike.org/pramana/in.purana.narada.1.69.50) vikartanāya nirmālyamevaṃ saṃpūjya dāpayet / viyadvahnimarutsādyāntārvīseṃdusamanvitam // ### [1.69.51](https://indike.org/pramana/in.purana.narada.1.69.51) mārtaṇḍabhairavākhyaṃ hi bījaṃ trailokyamohanam / biṃbabījena puṭitaṃ sarvakāmaphalapradam // ### [1.69.52](https://indike.org/pramana/in.purana.narada.1.69.52) pūrvavatsakalaṃ cānyadatra jñeyaṃ manīṣibhiḥ / bhṛgurjalendumanvāḍhyaḥ somāya hṛdayāntimaḥ // ### [1.69.53](https://indike.org/pramana/in.purana.narada.1.69.53) ṣaḍakṣaro mantrarājo munirasya bhṛgurmataḥ / chandaḥ paṅktistu somo 'sya devatā parikīrtitā // ### [1.69.54](https://indike.org/pramana/in.purana.narada.1.69.54) ādyaṃ bījaṃ namaḥ śaktirviniyogo 'khilāptaye / ṣaḍdīrgheṇa svabījena ṣaḍaṅgāni samācaret // ### [1.69.55](https://indike.org/pramana/in.purana.narada.1.69.55) pūrṇedvāsyaṃ sphaṭikabhaṃ nīlālakalasanmukham / vibhrāṇamiṣṭaṃ kumudaṃ dhyāyenmuktāsrajaṃ vidhum // ### [1.69.56](https://indike.org/pramana/in.purana.narada.1.69.56) ṛtulakṣaṃ japenmantraṃ pāyasena sasarpiṣā / juhuyāttaddaśāṃśena pīṭhe somāntapūjite // ### [1.69.57](https://indike.org/pramana/in.purana.narada.1.69.57) mūrtimūlena saṃkalpya pūjayedvidhivadvidhum / kesareṣvaṅgapūjā syātpatreṣvetāśca śaktayaḥ // ### [1.69.58](https://indike.org/pramana/in.purana.narada.1.69.58) rohiṇī kṛttikā caiva revatī bharaṇī puraḥ / rātrirārdrā tato jyetsnā kalā hārasamaprabhā // ### [1.69.59](https://indike.org/pramana/in.purana.narada.1.69.59) suśuklamālyavasanāmuktāhāravibhūṣitāḥ / sarvāḥstanabharākrāntā racitāñjalayaḥ śubhāḥ // ### [1.69.60](https://indike.org/pramana/in.purana.narada.1.69.60) svapriyāsaktamanaso madavibhramamantharāḥ / samabhyarcyāḥ sarojākṣyaḥ pūrṇendusadṛśānanāḥ // ### [1.69.61](https://indike.org/pramana/in.purana.narada.1.69.61) dalāgreṣu samabhyarcyāstvaṣṭau sūryādikā grahāḥ / ādityabhūsutabudhamandadevejyarāhavaḥ // ### [1.69.62](https://indike.org/pramana/in.purana.narada.1.69.62) śukraketuyutā hyete pūjyāḥ patragragāgrahāḥ / raktāruṇaśvetanīlapītadhūmrasitāsitāḥ // ### [1.69.63](https://indike.org/pramana/in.purana.narada.1.69.63) vāmorunyastataddhastā dakṣiṇena dhṛtābhayāḥ / sokapālāṃstadastrāṇi tadvāhye pūjayetsudhīḥ // ### [1.69.64](https://indike.org/pramana/in.purana.narada.1.69.64) eva saṃsādhito mantraḥ prayacchediṣṭamātmanaḥ / paurṇamāsyāṃ jitāhāro dadyādardhyaṃ vidhūdaye // ### [1.69.65](https://indike.org/pramana/in.purana.narada.1.69.65) maṇḍalatritaryaṃ kuryātprākpratyagāyataṃ bhuvi / paścime maṇḍale sthitvā pūjādravyaṃ ca madhyame // ### [1.69.66](https://indike.org/pramana/in.purana.narada.1.69.66) saṃsthāpya somamanyasminmaṇḍale 'bjasamanvite / samabhyarcyaṃ vidhānena pīṭhapūjanapūrvakam // ### [1.69.67](https://indike.org/pramana/in.purana.narada.1.69.67) sthāpayedrājataṃ pātraṃ puratastatra mantravit / surabhīpayasāpūryya taṃ spṛśanprajapenmanum // ### [1.69.68](https://indike.org/pramana/in.purana.narada.1.69.68) aṣṭottaraśataṃ paścādvidyā mantreṇa mantravit / dadyānniśākarāyārdhyaṃ sarvābhīṣṭārthasiddhaye // ### [1.69.69](https://indike.org/pramana/in.purana.narada.1.69.69) kuryādanena vidhinā pratimāsamatandritaḥ / vaṣāntareṇa savaṣṭaṃ prāpnoti bhuvimānavaḥ // ### [1.69.70](https://indike.org/pramana/in.purana.narada.1.69.70) vidye vidyāmālini syādanta candriṇi katavadet / candramukhi dviṭhānto 'yaṃ vidyāmantra udāhṛtaḥ // ### [1.69.71](https://indike.org/pramana/in.purana.narada.1.69.71) evaṃ kumudinīnāthamantraṃ yo japati dhruvam / dhanaṃ dhānyaṃ sutānpautrānsaubhāgyaṃ labhate 'cirāt // ### [1.69.72](https://indike.org/pramana/in.purana.narada.1.69.72) athāṅgārakamantraṃ tu vakṣye dhanasutapradam / tāro dīrghenduyugvyoma tadevenduyutaḥ punaḥ // ### [1.69.73](https://indike.org/pramana/in.purana.narada.1.69.73) ṣāntaḥ sargī ca caṇḍīśau kramārdiduvisargiṇai / ṣaḍarṇo 'yaṃ mahāmantro maṅgalasyākhileṣṭadaḥ // ### [1.69.74](https://indike.org/pramana/in.purana.narada.1.69.74) virūpākṣo muniśchandogāyatraṃ devatā kujaḥ / mantrārṇaiḥ ṣaḍbhiraṅgāni krurvandhyāyeddharātmajam // ### [1.69.75](https://indike.org/pramana/in.purana.narada.1.69.75) meṣasthaṃ raktavasrāṅgaṃ śūlaśaktigadāvarān / karairbibhrāṇamīśānasvedajaṃ bhūṃsutaṃ smaret // ### [1.69.76](https://indike.org/pramana/in.purana.narada.1.69.76) rasalakṣaṃ japenmantraṃ daśāṃśaṃ khadirodbhavaiḥ / samidbhirjuhuyādagnau śaive pīṭhe yajetkujam // ### [1.69.77](https://indike.org/pramana/in.purana.narada.1.69.77) prāgaṅgāni samārādhya hyekaviṃśatikoṣṭakam / maṅgalobhūmiputraśca ṛṇahartā dhanapradaḥ // ### [1.69.78](https://indike.org/pramana/in.purana.narada.1.69.78) sthirāsano mahākāyaḥ sarvakarmāvarodhakaḥ / lohito lohitākṣaśca sāmagānāṃ kṛpākaraḥ // ### [1.69.79](https://indike.org/pramana/in.purana.narada.1.69.79) dharātmajaḥ kujo bhaumo bhūmido bhūminandanaḥ / aṅgārako mahīsūnuḥ sarvarogāpahārakaḥ // ### [1.69.80](https://indike.org/pramana/in.purana.narada.1.69.80) vṛṣṭikartā vṛṣṭihartā sarvakāryārthasiddhidaḥ / ityeka rviśatiḥ proktā mūrtayo bhūsutasya vai // ### [1.69.81](https://indike.org/pramana/in.purana.narada.1.69.81) maṅgalādīnyajenmantrī svasvasthānasthitānkramāt / indrādyānapi vajrādīnevaṃ siddho bhavenmanuḥ // ### [1.69.82](https://indike.org/pramana/in.purana.narada.1.69.82) sutakāmā kuraṅgākṣī bhaumavratamupācaret / mārgaśīrṣe 'tha vaiśākhe vratāraṃbhaḥ praśasyate // ### [1.69.83](https://indike.org/pramana/in.purana.narada.1.69.83) aruṇodayavelāyāmutthāyāvaśyakaṃ punaḥ / vinirvartya radāndhāvedapāmārgeṇa vāgyatā // ### [1.69.84](https://indike.org/pramana/in.purana.narada.1.69.84) snātvā raktāṃbaradharā raktamālyavilepanā / naivedyādīṃśca saṃbhārānraktānsarvānprakalpayet // ### [1.69.85](https://indike.org/pramana/in.purana.narada.1.69.85) yogyaṃ vipraṃ samāhūya kujamarcettadājñayā / raktagogomayāliptabhūmau raktāsane viśet // ### [1.69.86](https://indike.org/pramana/in.purana.narada.1.69.86) ācamya deśakālau ca smṛtvā kāmya samuccaran / maṅgalādīni nāmāni svakīyāṅgeṣu vinyaset // ### [1.69.87](https://indike.org/pramana/in.purana.narada.1.69.87) mukhe pravinyasetsādhvī sāmagānāṃ kṛpākaram / dharātmajaṃ nasorakṣṇoḥ kujaṃ bhaumaṃ lalāṭake // ### [1.69.88](https://indike.org/pramana/in.purana.narada.1.69.88) bhūmidaṃ tu bhruvormadhye mastake bhūminandanam / aṅgārakaṃ śikhāyāṃ ca sarvāṅge ca mahīsutam // ### [1.69.89](https://indike.org/pramana/in.purana.narada.1.69.89) bāhudvaye nyasetpaścātsarvarogāpahārakam / mūrddhādi vṛṣṭikartāramāpādāntaṃ nyasetsudhīḥ // ### [1.69.90](https://indike.org/pramana/in.purana.narada.1.69.90) vinyasedrṛṣṭihartāraṃ mūrddhāntaṃ caraṇāditaḥ / nyasedante tato dikṣu sarvakāryārthasiddhidam // ### [1.69.91](https://indike.org/pramana/in.purana.narada.1.69.91) nābhau hṛdi śirasyāraṃ vakre bhūmijameva ca / vinyasyaivaṃ nije dehe dhyāyetprāgvaddharātmajam // ### [1.69.92](https://indike.org/pramana/in.purana.narada.1.69.92) mānasairupacāraiśca saṃpūjyārdhyaṃ nidhāpayet / ekaviṃśatikoṣṭhāḍhye trikoṇe tāmrapatrage // ### [1.69.93](https://indike.org/pramana/in.purana.narada.1.69.93) āvāhyāṅgārakaṃ tatra raktapuṣpādibhiryajet / aṅgāni pūrvamārādhya maṅgalādīnprapūjayet // ### [1.69.94](https://indike.org/pramana/in.purana.narada.1.69.94) ekaviṃśatikoṣṭheṣu cakramāraṃ ca bhūmijam / trikoṇeṣu ca sampūjya bahiraṣṭau ca mātṛkāḥ // ### [1.69.95](https://indike.org/pramana/in.purana.narada.1.69.95) indrādīnatha vajrādīnbāhye saṃpūjayetpunaḥ / dhūpadīpau samarpyātha godhūmānnaṃ nivedayet // ### [1.69.96](https://indike.org/pramana/in.purana.narada.1.69.96) tāmrapātre śuddhatoyapūrite raktacandanam / raktapuṣpākṣataphalānyākṣipyārdhyaṃ samarpayet / maṅgalāya tato mantrī idaṃ mantradvayaṃ paṭhet // ### [1.69.97](https://indike.org/pramana/in.purana.narada.1.69.97) bhūmiputra mahātejaḥ svedodbhavapinākinaḥ / sutārthinī prapannā tvāṃ gṛhāṇārdhyaṃ namo 'stu te // ### [1.69.98](https://indike.org/pramana/in.purana.narada.1.69.98) raktapravālasaṃkāśa japākusumasannibha / mahīsuta mahābhāga gṛhāṇārdhyaṃ namo 'stu te // ### [1.69.99](https://indike.org/pramana/in.purana.narada.1.69.99) ekaviṃśatipūrvoktairṅenamontaiṃśca nāmabhiḥ / tārādyaiḥ praṇametpaścāttāvatyaśca pradakṣiṇāḥ // ### [1.69.100](https://indike.org/pramana/in.purana.narada.1.69.100) dharaṇīgarbhasaṃbhūtaṃ vidyuttejaḥ samaprabham / kumāraṃ śaktihastaṃ ca maṅgalaṃ praṇamāmyaham // ### [1.69.101](https://indike.org/pramana/in.purana.narada.1.69.101) tato rekhātrayaṃ kuryātkhadirāṅgārakeṇa ca / mārjayedvāmapādena mantrābhyāṃ ca samāhitā // ### [1.69.102](https://indike.org/pramana/in.purana.narada.1.69.102) duḥkhadaurbhāgyanāśāya putrasaṃtānahetave / kṛtarekhātrayaṃ vāmapādenaitatpramārjmyaham // ### [1.69.103](https://indike.org/pramana/in.purana.narada.1.69.103) ṛṇaduḥ khavināśāya manobhīṣṭārthasiddhiye / mārjayāmyasitā rekhāstisro janmatrayodbhavāḥ // ### [1.69.104](https://indike.org/pramana/in.purana.narada.1.69.104) stuvīta dharaṇīputraṃ puṣpāñjalikarā tataḥ / dhyāyantī tatpadāṃbhojaṃ pūjāsāṃgatvasiddhaye // ### [1.69.105](https://indike.org/pramana/in.purana.narada.1.69.105) ṛṇahartre namastubhyaṃ duḥkhadāridrayanāśine / saubhāgyasukhado nityaṃ bhava me dharaṇīsuta // ### [1.69.106](https://indike.org/pramana/in.purana.narada.1.69.106) taptakāñcanasaṃkāśa taruṇārkasamaprabha / sukhasaubhāgyadhanada ṛṇadāridṣanāśaka // ### [1.69.107](https://indike.org/pramana/in.purana.narada.1.69.107) graharāja namaste 'stu sarvakalyāṇakāraka / prasādaṃ kuru deveśa sarvakalyāṇabhājana // ### [1.69.108](https://indike.org/pramana/in.purana.narada.1.69.108) devadānavagandharvayakṣarākṣasapannagāḥ / āpnuvanti śivaṃ sarve sadā pūrṇamanorathāḥ // ### [1.69.109](https://indike.org/pramana/in.purana.narada.1.69.109) ācirādeva loke 'sminyasyārādhanato janāḥ / prāpnuvanti sukhaṃ tasmai namo dharaṇisūnave // ### [1.69.110](https://indike.org/pramana/in.purana.narada.1.69.110) yo vakragatimāpanno nṛṇāṃ duḥkhaṃ prayacchati / pūjitaḥ sukhasaubhāgyaṃ tasmai kṣmāsūnave namaḥ // ### [1.69.111](https://indike.org/pramana/in.purana.narada.1.69.111) nabhasi dyotamānāya sarvakalyāṇahetave / maṅgalāya namastubhyaṃ dhanasaṃtānahetave // ### [1.69.112](https://indike.org/pramana/in.purana.narada.1.69.112) prasādaṃ kuru me bhaumamaṅgalaprada maṅgala / meṣavāhana rudrātmandehi putrāndhanaṃ yaśaḥ // ### [1.69.113](https://indike.org/pramana/in.purana.narada.1.69.113) evaṃ stutvā praṇamyātha visṛjya dharaṇīsutam / yathāśaktyā pradāya svaṃ gṛhṇīyādbraṇāśiṣaḥ // ### [1.69.114](https://indike.org/pramana/in.purana.narada.1.69.114) gurave dakṣiṇāṃ dattvā bhuñjīyāttanniveditam // ### [1.69.115](https://indike.org/pramana/in.purana.narada.1.69.115) evamāvatsaraṃ kuryātpratimaṅgalavāsaram / tilairhemaṃ vidhāyātha śatārddhaṃ bhojayoddvijān // ### [1.69.116](https://indike.org/pramana/in.purana.narada.1.69.116) bhaumamūrtiṃ svarṇamayīmācāryāya samarpayet / maṇḍalasthe ghaṭe 'bhyarcyetsutasaubhāgyasiddhaye // ### [1.69.117](https://indike.org/pramana/in.purana.narada.1.69.117) evaṃ vrataparā nārī prāpnuyātsubhagānsutān / ṛṇanāśāya vittārthaṃ vrataṃ kuryātpumānapi // ### [1.69.118](https://indike.org/pramana/in.purana.narada.1.69.118) brāhmaṇaḥ prajapenmantraṃmagnirmūrddheti vaidikam / aṅgārakasya gāyatrīṃ vakṣye yajanasiddhaye // ### [1.69.119](https://indike.org/pramana/in.purana.narada.1.69.119) aṅgārakāya śabdānte vidmahe padamīrayet / śaktihastāya varṇānte dhīmahīti samuñcaret // ### [1.69.120](https://indike.org/pramana/in.purana.narada.1.69.120) tanno bhaumaḥ pracovarṇāndayānditi ca saṃvadet / bhaumasyaiṣā tu gāyatrī japtuḥ sarveṣṭasiddhidā // ### [1.69.121](https://indike.org/pramana/in.purana.narada.1.69.121) bhaumopāsanametaddhi budhamantramathocyate / phaāntaḥ karṇendusaṃyukto budho ṅeṃte hadantimaḥ // ### [1.69.122](https://indike.org/pramana/in.purana.narada.1.69.122) rasāṇoṃ budhamantro 'yaṃ munibrahmāsya kīrtitaḥ / paṅktiśchaido devatā tu budhaḥ sarveṣṭado nṛṇām // ### [1.69.123](https://indike.org/pramana/in.purana.narada.1.69.123) ādyaṃ bījaṃ namaḥ śaktirviniyogo 'khilāptaye / vande budhaṃ sadā bhaktyā pītāmbaravibhūṣaṇam // ### [1.69.124](https://indike.org/pramana/in.purana.narada.1.69.124) jānusthavāmahastāḍhyaṃ sābhayetarapāṇikam / dhyātvevaṃ prajapesahasraṃ vijitendriyaḥ // ### [1.69.125](https://indike.org/pramana/in.purana.narada.1.69.125) daśāṃśaṃ juhuyādājyaiḥ pīṭhe pūrvoditer'cayet / aṅgamātṛdiśāpālahetibhirbudhamarcayet // ### [1.69.126](https://indike.org/pramana/in.purana.narada.1.69.126) evaṃ siddhe manau mantrī sādhayetsvamanorathān / sahasraṃ prajapenmantraṃ nityaṃ daśadināvadhi // ### [1.69.127](https://indike.org/pramana/in.purana.narada.1.69.127) tasyāśu grahajā pīḍā naśyatyeva na saṃśayaḥ / budhasyārādhanaṃ proktaṃ gurorārādhanaṃ śṛṇu // ### [1.69.128](https://indike.org/pramana/in.purana.narada.1.69.128) bṛṃhaspatipadaṃ ṅeṃtaṃ seṃdvādyarṇāghamaṇḍitam / namonto vasuvarṇo 'yaṃ munirbrahmāsya saṃmataḥ // ### [1.69.129](https://indike.org/pramana/in.purana.narada.1.69.129) chando 'nuṣṭupsurācāryo devatā bījamādimam / hṛcchaktirdīrghavahnīnduyugalenāṅgakalpanā // ### [1.69.130](https://indike.org/pramana/in.purana.narada.1.69.130) nyastavāmakaraṃ rāśau ratnānāṃ dakṣiṇātkarāt / kirantaṃ pītapuṣpālaṅkārālepāṃśukārcitam // ### [1.69.131](https://indike.org/pramana/in.purana.narada.1.69.131) sarvavidyānidhiṃ devaguruṃ svarṇadyutiṃ smaret / lakṣaṃ japo daśāṃśena ghṛtenānnena vā hunet // ### [1.69.132](https://indike.org/pramana/in.purana.narada.1.69.132) dharmādipīṭhe prayajedaṅgadikpālahetibhiḥ / evaṃ siddhe manau mantrī sādhayediṣṭamātmanaḥ // ### [1.69.133](https://indike.org/pramana/in.purana.narada.1.69.133) viparogādipīḍāsu kalahe svajanodbhave / pippalotthasamidbhiśca juhuyāttannivṛttaye // ### [1.69.134](https://indike.org/pramana/in.purana.narada.1.69.134) hutvā dinatrayaṃ mantrī niśāpuṣpairghṛtaplutaiḥ / sa viṃśatiśataṃ śīghraṃ vāsāṃsi labhate mahīm // ### [1.69.135](https://indike.org/pramana/in.purana.narada.1.69.135) gurorārādhanaṃ proktaṃ śṛṇu śukrasya sāṃpratam / vasraṃ me dehi śukrāya ṭhadvayānto dhruvādikaḥ // ### [1.69.136](https://indike.org/pramana/in.purana.narada.1.69.136) rudrārṇo 'yaṃ manurbrahmā muniśchando virāhuta / daityejyo devatā bījaṃ dhruvaḥ śaktirvasupriyā // ### [1.69.137](https://indike.org/pramana/in.purana.narada.1.69.137) bhūnetra candranetrāgninetrārṇaiḥ syātṣaḍaṅgakam / śuklāṃbarālepabhūṣaṃ kareṇa dadataṃ dhanam // ### [1.69.138](https://indike.org/pramana/in.purana.narada.1.69.138) vāmena śukraṃ vyākhyānamudrādoṣaṃ smaretsudhīḥ / ayutaṃ prajapenmantraṃ daśāṃśaṃ juhuyād ghṛtaiḥ // ### [1.69.139](https://indike.org/pramana/in.purana.narada.1.69.139) dharmādipīṭhe prayajedaṅgendrāditadāyudhaiḥ / śvetapuṣpaiḥ sugandhaiśca juhuyād bhṛguvāsare // ### [1.69.140](https://indike.org/pramana/in.purana.narada.1.69.140) ekaviṃśativāraṃ yo labhatesoṃ'śukaṃ maṇīn / manavo 'mo sadā gopyā na deyā yasya kasyacit // ### [1.69.141](https://indike.org/pramana/in.purana.narada.1.69.141) bhaktiyuktāya śiṣyāya deyā vā nijasūnave // ### [1.69.141.p1](https://indike.org/pramana/in.purana.narada.1.69.141.p1) iti śrībṛhannāradīyapurāṇe pūrvabhāge bṛhadupākhyāne tṛtīyapāde mantravidhānanirūpaṇaṃ nāmaikonasaptatitamo 'dhyāyaḥ ## Linked texts (10) - [Merutantra](https://indike.org/pramana/in.sampradaya.general.sakta.merutantra.12.8) — Gommaṭa, Sanskrit - [Prāṇatoṣiṇī](https://indike.org/pramana/in.sampradaya.general.sakta.pranatosini.4.8.417) — Rāmatoṣaṇa Śarman 1796, Sanskrit - [Revākhaṇḍa (Vāyupurāṇa)](https://indike.org/pramana/in.purana.vayu.revakhanda.170.14) — Sanskrit - [Tantrasāra (Kṛṣṇānanda)](https://indike.org/pramana/in.sampradaya.general.sakta.tantrasara.2.p806) — Kṛṣṇānanda Āgamavāgīśa 1550, Sanskrit - [Bṛhattantrasāra](https://indike.org/pramana/in.sampradaya.general.sakta.brhattantrasara.2.871) — Sanskrit - [Śaunakakārikā](https://indike.org/pramana/in.niti.dharma.samskara.saunakakarika.13.2) — Śaunaka 1566, Sanskrit - [Vidhānamālā (Nṛsiṃha)](https://indike.org/pramana/in.niti.dharma.prayoga.sarvaprayoga.vidhanamala.144.4) — Nṛsiṃha, Sanskrit - [Nityācārapradīpa](https://indike.org/pramana/in.niti.dharma.acara.ahnika.nityacarapradipa.9.p48) — Narasiṃha Vājapeyin, Sanskrit - [Vratakāṇḍa](https://indike.org/pramana/in.niti.dharma.vrata.vratakanda.6.p139) — Lakṣmīdhara, Sanskrit - [Kriyākaumudī (Govindānanda)](https://indike.org/pramana/in.niti.dharma.nibandha.krtya.kriyakaumudi.1.p52) — Govindānanda 1500, Sanskrit --- Source: [https://indike.org/pramana/in.purana.narada.1.69](https://indike.org/pramana/in.purana.narada.1.69) · Pramāṇa