[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.6 # Naradapurana 1.6 Nāradapurāṇa 1.6 - **Language:** Sanskrit ## Contents - [1.6.70](https://indike.org/pramana/in.purana.narada.1.6.70) — 1 part ### [1.6.1](https://indike.org/pramana/in.purana.narada.1.6.1) sūta uvāca bhagavadbhaktimāhātmyaṃ śrutvā prītastu nāradaḥ / punaḥ papraccha sanakaṃ jñānavijñānapāragam // ### [1.6.2](https://indike.org/pramana/in.purana.narada.1.6.2) nārada uvāca kṣetrāṇāmuttamaṃ kṣetraṃ tīrthānāṃ ca tathottamam / parayā dayayā tathavaṃ brūhiṃ śāstrārthapāraga // ### [1.6.3](https://indike.org/pramana/in.purana.narada.1.6.3) sanaka uvāca śuṇu brahmantaraṃ guhyaṃ sarvasaṃpatkaraṃ param / duḥsvanpanāśanaṃ puṇyaṃ dharmyaṃ pāpaharaṃ śubham // ### [1.6.4](https://indike.org/pramana/in.purana.narada.1.6.4) śrotavyaṃ munibhirnityaṃ duṣṭagrahanivāraṇam / sarvarogapraśamanamāyurvardhdanakāraṇam // ### [1.6.5](https://indike.org/pramana/in.purana.narada.1.6.5) kṣetrāṇāmuttamaṃ kṣetraṃ tīrthānāṃ ca tathottamam / gaṅgāyamunayoryogaṃ vadanti paramarṣayaḥ // ### [1.6.6](https://indike.org/pramana/in.purana.narada.1.6.6) sitāsitodakaṃ tīrthaṃ brahmādyāḥ sarvadevatāḥ / munayo manavaścaiva sevante puṇyakāṅkṣiṇaḥ // ### [1.6.7](https://indike.org/pramana/in.purana.narada.1.6.7) gaṅgā puṇyanadī jñeyā yato viṣṇupadodbhavā / ravijā yamunā brahmaṃstayoryogaḥ śubhāvahaḥ // ### [1.6.8](https://indike.org/pramana/in.purana.narada.1.6.8) smṛtārtināśinī gaṅgā nadīnāṃ pravarā mune / sarvapāpakṣayakarī sarvopadra vanāśinī // ### [1.6.9](https://indike.org/pramana/in.purana.narada.1.6.9) yāni kṣetrāṇi puṇyāni samudrānte mahītale / teṣāṃ puṇyatamaṃ jñeyaṃ prayāgākhyaṃ mahāmune // ### [1.6.10](https://indike.org/pramana/in.purana.narada.1.6.10) iyāja vedhā yajñena yatra devaṃ ramāpatim / tathaiva munayaḥ sarve cakraśca vividhānmakhān // ### [1.6.11](https://indike.org/pramana/in.purana.narada.1.6.11) sarvatīrthābhiṣekāṇi yāni puṇyāni tāni vai / gaṅgābindvabhiṣekasya kalāṃ nārhanti ṣoḍaśīm // ### [1.6.12](https://indike.org/pramana/in.purana.narada.1.6.12) gaṅgā gaṅgeti yo brūyādyojanānāṃ śate sthitaḥ / so 'pi mucyeta pāpebhyaḥ kimu gaṅgābhiṣekavān // ### [1.6.13](https://indike.org/pramana/in.purana.narada.1.6.13) viṣṇupādodbhavā devī viśveśvaraśiraḥ sthitā / saṃsevyā munibhirdevaḥ kiṃ punaḥ pāmarairjanai // ### [1.6.14](https://indike.org/pramana/in.purana.narada.1.6.14) yatsaikataṃ lalāṭe tu dhriyate manujottamaiḥ / tatraiva netraṃ vijñeyaṃ vidhyarddhādhaḥ samujjvalat // ### [1.6.15](https://indike.org/pramana/in.purana.narada.1.6.15) yanmajjana mahāpuṇyaṃ durlabhaṃ tridivaukasām / sārupyadāyakaṃ viṣṇoḥ kimasmātkathyate parama // ### [1.6.16](https://indike.org/pramana/in.purana.narada.1.6.16) yatra strātāḥ pāpino 'pi sarvapāpavivarjitāḥ / mahadvimānamāruḍhāḥ prayānti paramaṃ padam // ### [1.6.17](https://indike.org/pramana/in.purana.narada.1.6.17) yatra snātā mahātmānaḥ pitṛmātṛkulāni vai / sahasrāṇi samuddhṛtya viṣṇuloke vrajanti vai // ### [1.6.18](https://indike.org/pramana/in.purana.narada.1.6.18) sa snātaḥ sarvatīrtheṣu yo gaṅgāṃ smarati dvica / puṇyakṣetreṣu sarveṣau sthitavānnātra saṃśayaḥ // ### [1.6.19](https://indike.org/pramana/in.purana.narada.1.6.19) yatra snātaṃ naraṃ dṛṣṭvā pāpo 'pi svargabhūmibhāk / madaṅgasparśemātreṇa devānāmādhapo bhavet // ### [1.6.20](https://indike.org/pramana/in.purana.narada.1.6.20) tulasīmūlasaṃbhūtā dvijapādodbhāvā tathā / gaṅgodbhavā tu mṛllokānnayatyacyutarupatām // ### [1.6.21](https://indike.org/pramana/in.purana.narada.1.6.21) gaṅgā ca tulasī caiva haribhaktiracañcalā / atyantadurllabhā nṝṇāṃ bhaktirddharmapravaktari // ### [1.6.22](https://indike.org/pramana/in.purana.narada.1.6.22) saddharmavaktuḥ padasaṃbhavāṃ mṛdaṃ gaṅgodbhavāṃ caiva tathā tulasyāḥ / mūlodbhavāṃ bhaktiyuto manuṣyo dhṛtvā śirasyeti padaṃ ca viṣṇoḥ // ### [1.6.23](https://indike.org/pramana/in.purana.narada.1.6.23) kadā yāsyāmyahaṃ gaṅgāṃ kadā paśyāmi tāmaham / vāñcchatyapi ca yo hyevaṃ so 'pi viṣṇupadaṃ vrajet // ### [1.6.24](https://indike.org/pramana/in.purana.narada.1.6.24) gaṅgāyā mahimā brahmanvaktuṃ varṣaśatairapi / na śakyate viṣṇunāpi kimanyairbahubhāṣitaiḥ // ### [1.6.25](https://indike.org/pramana/in.purana.narada.1.6.25) aho māyā jagatsarvaṃ mohayatyetadadbhutam / yato vai narakaṃ yānti gaṅgānātri sthite 'pi hi // ### [1.6.26](https://indike.org/pramana/in.purana.narada.1.6.26) saṃsāraduḥkha vicchedi gaṅgānāma prakīrtitam / tathā tulasyā bhaktiśca harikīrtipravaktari // ### [1.6.27](https://indike.org/pramana/in.purana.narada.1.6.27) sakṛdapyuccaredyastu gaṅgetyevākṣaradvayam / sarvapāpavinirmukto viṣṇulokaṃ sa gacchati // ### [1.6.28](https://indike.org/pramana/in.purana.narada.1.6.28) yojanatritayaṃ yastu gaṅgāyāmadhigacchati / sarvapāpavinirmuktaḥ sūryalokaṃ sameti hi // ### [1.6.29](https://indike.org/pramana/in.purana.narada.1.6.29) seyaṃ gaṅgā mahāpuṇyā nadī bhaktyā niṣevitā / meṣataulimṛgākarṣu pāvayatyakhilaṃ jagat // ### [1.6.30](https://indike.org/pramana/in.purana.narada.1.6.30) godāvarī bhīmarathī kṛṣṇā revā sarasvatī / tuṅgabhadrā ca kāverī kāliṃndī bāhudā tathā // ### [1.6.31](https://indike.org/pramana/in.purana.narada.1.6.31) vetravatī tāmraparṇī sarayūśca dvijottama / evamādiṣu tīrtheṣu gaṅgā mukhyatamā smṛtā // ### [1.6.32](https://indike.org/pramana/in.purana.narada.1.6.32) yathā sarvagato viṣṇurjagavdyāpya pratiṣṭitaḥ / tatheyaṃ vyāpinī gaṅgā sarvapāpapraṇāśinī // ### [1.6.33](https://indike.org/pramana/in.purana.narada.1.6.33) aho gaṅgā jagaddhātrī snānapānādibhirjagat / punāti pāvanītyeṣā na kathaṃ sevyate nṛbhiḥ // ### [1.6.34](https://indike.org/pramana/in.purana.narada.1.6.34) tīrthānāmuttamaṃ tīrthaṃ kṣetrāṇāṃ kṣetramuttamam / vārāṇasīti vikhyātaṃ sarvadevaniṣevitam // ### [1.6.35](https://indike.org/pramana/in.purana.narada.1.6.35) te eva śravaṇe dhanye saṃvidāte bahuśrutam / iha śrutimatāṃ puṃsāṃ kāśī yābhyāṃ śrutāsakṛt // ### [1.6.36](https://indike.org/pramana/in.purana.narada.1.6.36) ye yaṃ smaranti saṃsthānamavimuktaṃ dvijottamam / nirdhūtasarvapāpāste śivalokaṃ vrajanti vai // ### [1.6.37](https://indike.org/pramana/in.purana.narada.1.6.37) yojanānāṃ śatastho 'pi avimuktaṃ smaredyadi / bahupātakapūrṇo 'pi padaṃ gacchatyanāmayam // ### [1.6.38](https://indike.org/pramana/in.purana.narada.1.6.38) prāṇaprayāṇasamaye yo 'vimuktaṃ smaredvūja / so 'pi pāpavinirmuktaḥ śaivaṃ padamavānpuyāt // ### [1.6.39](https://indike.org/pramana/in.purana.narada.1.6.39) kāśīsmaraṇajaṃ puṇyaṃ bhuktvā svarge tadantataḥ / pṛthivyāmekarāḍū bhūtvā kāśīṃ prāpya ca muktibhāk // ### [1.6.40](https://indike.org/pramana/in.purana.narada.1.6.40) bahunātra kimuktena vārāṇasyā guṇānprati / nāmāpi gṛhṇātāṃ kāśyāścaturvargo na dūrataḥ // ### [1.6.41](https://indike.org/pramana/in.purana.narada.1.6.41) gaṅgāyamunayoryogo 'dhikaḥ kāśyā api dvijā / yasya darśanamātreṇa narā yānti parāṃ gatim // ### [1.6.42](https://indike.org/pramana/in.purana.narada.1.6.42) makarasthe ravau gaṅgā yatra kutrāvagāhitā / punāti strānapānādyairnayantīndrapuraṃ jagat // ### [1.6.43](https://indike.org/pramana/in.purana.narada.1.6.43) yo gaṅgāṃ bhajate nityaṃ śaṅkaro lokaśaṅkaraḥ / liṅgarupīṃ kathaṃ tasyā mahimā parikīrtyate // ### [1.6.44](https://indike.org/pramana/in.purana.narada.1.6.44) harirupadharaṃ liṅgaṃ liṅgarupadharo hariḥ / īṣadapyantaraṃ nāsti bhedakṛccānayoḥ kudhīḥ // ### [1.6.45](https://indike.org/pramana/in.purana.narada.1.6.45) anādinidhane deve hariśaṅkarasaṃjñite / ajñānasāgare magnā bhedaṃ kurvanti pāpinaḥ // ### [1.6.46](https://indike.org/pramana/in.purana.narada.1.6.46) yo devo jagatāmaśaḥ kāraṇānāṃ ca kāraṇam / yugānte nigadantyetadrudrarupadharo hariḥ // ### [1.6.47](https://indike.org/pramana/in.purana.narada.1.6.47) rudro vai viṣṇurupeṇa pālayatyakhilañjagat / brahmarupeṇa sṛjati prānteḥ hayetatrayaṃ haraḥ // ### [1.6.48](https://indike.org/pramana/in.purana.narada.1.6.48) hariśaṅkarayormadhye brahmaṇaścāpi yo naraḥ / bhedaṃ karoti so 'bhyeti narakaṃ bhṛśadāruṇam // ### [1.6.49](https://indike.org/pramana/in.purana.narada.1.6.49) haraṃ hariṃ vidhātāraṃ yaḥ paśyatyekarupiṇam / sa yāti paraṃmānandaṃ śāstrāṇāmeṣa viṣvayaḥ // ### [1.6.50](https://indike.org/pramana/in.purana.narada.1.6.50) yo 'sāvanādiḥ sarvajño jagatāmādikṛdvibhuḥ / nityaṃ saṃnihitastatra liṅgarupī janārdanaḥ // ### [1.6.51](https://indike.org/pramana/in.purana.narada.1.6.51) kāśīviśveśvaraṃ liṅgajyotirliṅgaṃ taducyate / taṃ dṛṣṭvā paramaṃ jyotirāproti manujottamaḥ // ### [1.6.52](https://indike.org/pramana/in.purana.narada.1.6.52) kāśīpradakṣiṇā yena kṛtā trailokyapāvanī / satpadvīpāsābdhiśailā bhūḥ parikramitāmunā // ### [1.6.53](https://indike.org/pramana/in.purana.narada.1.6.53) dhātumṛddārapāṣāṇalekhyādyā mūrtayo 'malāḥ / śivasya vācyutasyāpi tāsu saṃnihito hariḥ // ### [1.6.54](https://indike.org/pramana/in.purana.narada.1.6.54) tulasīkānanaṃ yatra yatra pahmavanaṃ dvijā / purāṇapaṭhanaṃ yatra yatra saṃnihito hariḥ // ### [1.6.55](https://indike.org/pramana/in.purana.narada.1.6.55) purāṇasaṃhitāvaktā harirityabhidhīyate / tadbhaktiṃ kurvatāṃ nṝṇāṃ gaṅgāstrānāṃ dine dine // ### [1.6.56](https://indike.org/pramana/in.purana.narada.1.6.56) purāṇaśravaṇe bhaktirgaṅgāstrānasamā dvija / tadvaktari ca yā bhaktiḥ sā prayāgopamā smṛtā // ### [1.6.57](https://indike.org/pramana/in.purana.narada.1.6.57) purāṇadharmakathanairyaḥ samuddharate jagat / saṃsārasāgare magnaṃ sa hariḥ parikīrtitaḥ // ### [1.6.58](https://indike.org/pramana/in.purana.narada.1.6.58) nāsti gaṅgāsamaṃ tīrthaṃ nāsti mātṛsamo guruḥ / nāsti viṣṇusamaṃ daivaṃ nāsti tattvaṃ guroḥ param // ### [1.6.59](https://indike.org/pramana/in.purana.narada.1.6.59) varṇānāṃ brāhmaṇaḥ śreṣṭhastārakāṇāṃ yathā śaśī / yathā payodhiḥ sindhūnāṃ tathā gaṅgā parā smṛtā // ### [1.6.60](https://indike.org/pramana/in.purana.narada.1.6.60) nāsti śāntisamo bandhurnāsti satyātparaṃ tapaḥ / nāsti mokṣātparo lābho nāsti gaṅgāsamā nadī // ### [1.6.61](https://indike.org/pramana/in.purana.narada.1.6.61) gaṅgāyāḥ paramaṃ nāma pāpāraṇyadavānalaḥ / bhavavyādhiharā gaṅgā tasmātsevyā prayantataḥ // ### [1.6.62](https://indike.org/pramana/in.purana.narada.1.6.62) gāyatrī jāhnavī cobhe sarvapāpahare smṛte / etayorbhaktihīno yastaṃ vidyātpatitaṃ dvija // ### [1.6.63](https://indike.org/pramana/in.purana.narada.1.6.63) gāyatrī chandasāṃ mātā mātā lokasya jāhnavī / ubhe te sarvapāpānāṃ nāśakāraṇatāṃ gate // ### [1.6.64](https://indike.org/pramana/in.purana.narada.1.6.64) yasya prasannā gāyatrī tasya gaṅgā prasīdati / viṣṇuśaktiyute te dve samakāmaprasiddhede // ### [1.6.65](https://indike.org/pramana/in.purana.narada.1.6.65) dharmārthakāmarupāṇāṃ phalarupe nirañjane / sarvalokānugrahārthaṃ pravartete mahottame // ### [1.6.66](https://indike.org/pramana/in.purana.narada.1.6.66) atīva durllabhā nṝṇāṃ gāyatrī jāhnavī tathā / tathaiva tulasībhaktirharibhaktiśca sāttvikī // ### [1.6.67](https://indike.org/pramana/in.purana.narada.1.6.67) aho gaṅgā mahābhāgā smṛtā pāpapraṇāśinī / harilokapradā dṛṣṭā pītā sārupyadāyinī / yatra strātā narā yānti viṣṇoḥ padamanuttamam // ### [1.6.68](https://indike.org/pramana/in.purana.narada.1.6.68) nārāyaṇo jagaddhātā vāsudevaḥ sanātanaḥ / gaṅgāstrānaparāṇāṃ tu vāñchitārthaphalapradaḥ // ### [1.6.69](https://indike.org/pramana/in.purana.narada.1.6.69) gaṅgājalakaraṇenāpi yaḥ sikto manujottamaḥ / sarvapāpavinirmuktaḥ prayāti paramaṃ padam // ### [1.6.70](https://indike.org/pramana/in.purana.narada.1.6.70) yadvindusevanādeva sagarānvayasambhavaḥ / visṛjyarākṣasaṃ bhāvaṃ saṃprātpaḥ paramaṃ padam // ### [1.6.70.p1](https://indike.org/pramana/in.purana.narada.1.6.70.p1) iti śrīvṛhannāradīyapurāṇe pūrvabhāge prathamapāde gaṅgāmāhātmyaṃ nāma ṣaṣṭo 'dhyāyaḥ ## Linked texts (3) - [Kālikāpurāṇa](https://indike.org/pramana/in.purana.upa.sakta.kalika.3.670) — Sanskrit - [Yoginītantra](https://indike.org/pramana/in.sampradaya.general.sakta.yoginitantra.25.76) — Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.6.4) — Sanskrit --- Source: [https://indike.org/pramana/in.purana.narada.1.6](https://indike.org/pramana/in.purana.narada.1.6) · Pramāṇa