[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.70 # Naradapurana 1.70 Nāradapurāṇa 1.70 - **Language:** Sanskrit ## Contents - [1.70.202](https://indike.org/pramana/in.purana.narada.1.70.202) — 1 part ### [1.70.1](https://indike.org/pramana/in.purana.narada.1.70.1) sanatkumāra uvāca atha vakṣye mahāviṣṇormantrānlokeṣu durlabhān / yānprāpya mānavāstūrṇaṃ prāpnuvanti nijepsitam // ### [1.70.2](https://indike.org/pramana/in.purana.narada.1.70.2) yeṣāmuñcāraṇeneva pāpasaṃghaḥ pralīyate / brahmādayo 'pi yāñjñātvā samarthāḥ syurjagatkṛtau // ### [1.70.3](https://indike.org/pramana/in.purana.narada.1.70.3) tārahṛtpūrvakaṃ ṅeṃtaṃ nārāyaṇapadaṃ bhavet / aṣṭākṣaro manuścāsya sādhyo nārāyaṇo muniḥ // ### [1.70.4](https://indike.org/pramana/in.purana.narada.1.70.4) chandaḥ proktaṃ ca gāyatrī devatā viṣṇukhyayaḥ / oṃ bījaṃ yaṃ ca tathā śaktirviniyogo 'khilāptaye // ### [1.70.5](https://indike.org/pramana/in.purana.narada.1.70.5) kruddholkāya hṛdākhyātaṃ maholkāya śiraḥ smṛtam / vīrolkāya śikhā proktā dyulkāya kavacaṃ matam // ### [1.70.6](https://indike.org/pramana/in.purana.narada.1.70.6) maholkāyeti cāsraṃ syāditthaṃ pañcāṅgakalpanā / punaḥ ṣaḍaṅgamantrotthaiḥ ṣaḍvarṇaiśca samācaret // ### [1.70.7](https://indike.org/pramana/in.purana.narada.1.70.7) avaśiṣṭau nyasetkukṣipṛṣṭayormantravarṇakau / sudarśanasya mantreṇa kuryāddigbandhanaṃ tataḥ // ### [1.70.8](https://indike.org/pramana/in.purana.narada.1.70.8) tāro namaścaturthyantaṃ sudarśanapadaṃ vadet / astrāyaphaḍiti prokto mantro dvādaśavarṇavān // ### [1.70.9](https://indike.org/pramana/in.purana.narada.1.70.9) daśāvṛttimaya nyāsaṃ vakṣye vibhūtipañcaram / mūlārṇānsvatanau nyasyedādhāre hṛdaye mukhe // ### [1.70.10](https://indike.org/pramana/in.purana.narada.1.70.10) doḥpanmūleṣu nāsāyāṃ prathamāvṛttirīritā / gale nābhau hṛdi kucapārśvapṛṣṭeṣu tatparāḥ // ### [1.70.11](https://indike.org/pramana/in.purana.narada.1.70.11) mūrddhāsyanetraśravaṇaghrāṇeṣu ca tṛtīyakāḥ / doḥpādasaṃdhyaṅguliṣu vedāvṛttyā ca vinyaset // ### [1.70.12](https://indike.org/pramana/in.purana.narada.1.70.12) dhātuprāṇeṣu hṛdaye vinyasettadanantaram / śironetrā syahṛtkukṣisorujaṅghāpadadvaye // ### [1.70.13](https://indike.org/pramana/in.purana.narada.1.70.13) ekaikaśo nyasedvarṇānmantrasya kramataḥ sudhīḥ / nyaseddhṛdaṃsorupadeṣvarṇānvedamitānmanoḥ // ### [1.70.14](https://indike.org/pramana/in.purana.narada.1.70.14) cakraśaṃ khagadāṃbhojapadeṣu svasvamudrayā / śeṣāṃśca nyāsavaryo 'yaṃ vibhūtipañjarābhidhaḥ // ### [1.70.15](https://indike.org/pramana/in.purana.narada.1.70.15) nyasenmūlārṇamekaikaṃ sacandraṃ tārasampuṭam / athavā vai namontena nyasedityapare jaguḥ // ### [1.70.16](https://indike.org/pramana/in.purana.narada.1.70.16) tattvanyāsaṃ tataḥ kuryāddhiṣṇubhāvaprasiddhaye / aṣṭārṇo 'ṣṭaprakṛtyātmā gaditaḥ pūrvasūribhiḥ // ### [1.70.17](https://indike.org/pramana/in.purana.narada.1.70.17) pṛthivyādīni bhūtāni tato 'hṝṅkārameva ca / mahāṃśca prakṛtiścaivetyaṣṭau prakṛtayo matāḥ // ### [1.70.18](https://indike.org/pramana/in.purana.narada.1.70.18) pāde liṅge hṛdi mukhe mūrdhni vakṣasi hṛtsthale / sarvāṅge vyāpakaṃ kuryādekena sādhakottamaḥ // ### [1.70.19](https://indike.org/pramana/in.purana.narada.1.70.19) mantrārṇahṛtparāyādyamātmane hṛdayāntimam / tattannāma samuñcāryya nyasettattatsthale budhaḥ // ### [1.70.20](https://indike.org/pramana/in.purana.narada.1.70.20) ayaṃ tattvābhidho nyāsaḥ sarvanyāsottamottamaḥ / mūrtīnyaṃseddvādaśa vai dvādaśādityasaṃyutāḥ // ### [1.70.21](https://indike.org/pramana/in.purana.narada.1.70.21) dvādaśākṣaravarṇādyā dvādaśādityasaṃyutāḥ / aṣṭārṇo 'yaṃ manuścāṣṭaprakṛtyātmā samīritaḥ // ### [1.70.22](https://indike.org/pramana/in.purana.narada.1.70.22) tāsāmātmacatuṣkasya yogādarkākṣaro bhavet / lalāṭakukṣihṛtkaṇṭhadakṣapārśvāṃsakeṣu ca // ### [1.70.23](https://indike.org/pramana/in.purana.narada.1.70.23) gale ca vāmapārśvāṃ sagalapṛṣṭeṣvanantaram / kakudyapi nyasenmantrī mūrtīrdvādaśa vai kramāt // ### [1.70.24](https://indike.org/pramana/in.purana.narada.1.70.24) dhātrā tu keśavaṃ nyasyāryamṇa nārāyaṇaṃ punaḥ / mitreṇa mādhavaṃ nyasya govindaṃ varuṇena ca // ### [1.70.25](https://indike.org/pramana/in.purana.narada.1.70.25) viṣṇuṃ caivāṃśunā yuktaṃ bhagena madhusūdanam / nyasedvivasvatā yuktaṃ trivikramamataḥ param // ### [1.70.26](https://indike.org/pramana/in.purana.narada.1.70.26) vāmanaṃ ca tathādraṇa pūṣṇā śrīdharameva ca / hṛṣīkeśaṃ nyasetpaścātparjanyena samanvitam // ### [1.70.27](https://indike.org/pramana/in.purana.narada.1.70.27) tvaṣṭrā yutaṃ padmanābhaṃ dāmodaraṃ ca viṣṇunā / dvādasārṇaṃ tato mantraṃ samaste śirasi nyaset // ### [1.70.28](https://indike.org/pramana/in.purana.narada.1.70.28) vyāpakaṃ vinyasetpaścātkirīṭamanunā sudhīḥ / dhruvaḥkirīṭakeyūrahārānte makaretica // ### [1.70.29](https://indike.org/pramana/in.purana.narada.1.70.29) kuṇḍalānte cakraśaṅkhagadānteṃ'bhojahastataḥ / pītāṃbarānte śrīvatsāṃ kitavakṣaḥ sthaleti ca // ### [1.70.30](https://indike.org/pramana/in.purana.narada.1.70.30) śrībhūmisahitasvātmajyotirdvayamataḥ param / vadeddīptikarāyānti sahasrādityatejase // ### [1.70.31](https://indike.org/pramana/in.purana.narada.1.70.31) namonto bāṇaṣaṅvarṇaiḥ kirīṭamanurīritaḥ / evaṃ nyāsavidhiṃ kṛtvā dhyāyennārāyaṇaṃ vibhum // ### [1.70.32](https://indike.org/pramana/in.purana.narada.1.70.32) udyatkoṭyarkasadṛśaṃ śaṅkhaṃ cakraṃ gadāṃbujam / dadhataṃ ca karairbhūmiśrībhyāṃ pārśvadvayāñcitam // ### [1.70.33](https://indike.org/pramana/in.purana.narada.1.70.33) śrīvatsavakṣasaṃ bhrājatkaustubhāmuktakandharam / hārakeyūravalayāṅgadaṃ pītāṃbaraṃ smaret // ### [1.70.34](https://indike.org/pramana/in.purana.narada.1.70.34) varṇalakṣaṃ japenmantraṃ vidhivanniyatendriyaḥ / prathamena tu lakṣeṇa svātmaśuddhirbhaved dhruvam // ### [1.70.35](https://indike.org/pramana/in.purana.narada.1.70.35) lakṣadvayajapenātha mantraśuddhimavāpnuyāt / lakṣatrayeṇa japtena svarlokamadhigacchati // ### [1.70.36](https://indike.org/pramana/in.purana.narada.1.70.36) viṣṇoḥ samīpamāpnoti vedalakṣajapānnaraḥ / tathā ca nirmalaṃ jñānaṃ pañcalakṣajapādbhavet // ### [1.70.37](https://indike.org/pramana/in.purana.narada.1.70.37) lakṣaṣaṣṭena cāpnoti mantrī viṣṇau1sthirā matim / saptalakṣajapānmantrī viṣṇoḥ sārūpyamāpnuyāt // ### [1.70.38](https://indike.org/pramana/in.purana.narada.1.70.38) aṣṭalakṣaṃ japenmantrī nirvāṇamadhigacchati / evaṃ japtvā tataḥ prājño daśāṃśaṃ sarasīruhaiḥ // ### [1.70.39](https://indike.org/pramana/in.purana.narada.1.70.39) madhurāktaiḥ prajuhuyātsaṃskṛte havyavāhane / maṇḍūkātparatatvāntaṃ pīṭhe saṃpūjya yatnataḥ // ### [1.70.40](https://indike.org/pramana/in.purana.narada.1.70.40) vimalotkarṣiṇī jñānā kriyā yogā tataḥ parā / prahvī satyā tatheśānanugrahā navamī matā // ### [1.70.41](https://indike.org/pramana/in.purana.narada.1.70.41) tāro namano bhagavate viṣṇave sarvabhū tataḥ / tātmane vāsudevāya sarvātmeti padaṃ vadet // ### [1.70.42](https://indike.org/pramana/in.purana.narada.1.70.42) saṃyogayogapadmānte pīṭhāya hṛdayāntimaḥ / ṣaḍviṃśadakṣaraḥ pīṭhamantro 'nenāsanaṃ diśet // ### [1.70.43](https://indike.org/pramana/in.purana.narada.1.70.43) mūrtiṃ saṃkalpya mūlena tasyāmāvāhya pūjayet / ādau cāṅgāni saṃpūjya mantrāṇāṃ keśareṣu ca // ### [1.70.44](https://indike.org/pramana/in.purana.narada.1.70.44) prāgādidigdale vāsudevaṃ saṃkarṣaṇaṃ tathā / pradyumnamaniruddhaṃ ca śaktīḥ koṇeṣvathārcayet // ### [1.70.45](https://indike.org/pramana/in.purana.narada.1.70.45) śāntiṃ śriyaṃ sarasvatyā ratiṃ saṃpūjayetkramāt / hemapītatamālendranīlābhāḥ pītavāsasaḥ // ### [1.70.46](https://indike.org/pramana/in.purana.narada.1.70.46) caturbhujāḥ śaṅkhacakragadāṃbhaghojadharā ime / sitakāñcanagodugdhadūrvāvarṇāśca śaktayaḥ // ### [1.70.47](https://indike.org/pramana/in.purana.narada.1.70.47) dalāgreṣu cakraśaṅkhagadāpaṅkajakaustubhān / pūjayenmusalaṃ khaḍgaṃ vanamālāṃ yathākramāt // ### [1.70.48](https://indike.org/pramana/in.purana.narada.1.70.48) raktājapītakanakaśyāmakṛṣṇāsitārjunān / kuṅkumābhaṃ samabhyarcyedvahiragre khageśvaram // ### [1.70.49](https://indike.org/pramana/in.purana.narada.1.70.49) pārśvayoḥ pūjayetpaścāṅkhapadmanidhī kramāt / muktāmāṇikyasaṃkāśau paścime dhvajamaparcayet // ### [1.70.50](https://indike.org/pramana/in.purana.narada.1.70.50) raktaṃ vighnaṃ tathāgneye śyāmamāryaṃ ca rākṣase / durgāṃ śyāmāṃ vāyukoṇe senānyaṃ pītamaiśvare // ### [1.70.51](https://indike.org/pramana/in.purana.narada.1.70.51) lokeśā nāyudhairyuktānbahiḥ saṃpūjayetsudhīḥ / evamāvaraṇairyuktaṃ yor'cajayedviṣṇumavyayam // ### [1.70.52](https://indike.org/pramana/in.purana.narada.1.70.52) bhuktvehasakalānbhogānante viṣṇupadaṃ vrajet / kṣetradhānyasuvarṇānāṃ ppāptaye dhāraṇīṃ smaret // ### [1.70.53](https://indike.org/pramana/in.purana.narada.1.70.53) devīṃ dūrvādalaśyāmāṃ dadhānāṃ śālimañjarīm / cintayedbhāratīṃ devīṃ vīṇāpustakadhāriṇīm // ### [1.70.54](https://indike.org/pramana/in.purana.narada.1.70.54) dakṣiṇe devadevasya pūrṇacandranibhānanām / kṣīrābdhiphenapuñjābhe vasānāṃ śvetavāsasī // ### [1.70.55](https://indike.org/pramana/in.purana.narada.1.70.55) bhāratyā sahitaṃ yo vai dhyāyeddvevaṃ parātparam / vedavedārthatattvajño jāyate sarvavittamaḥ // ### [1.70.56](https://indike.org/pramana/in.purana.narada.1.70.56) nārasiṃhamivātmānaṃ devaṃ dhyātvātibhairavam / śaśtraṃ saṃmantrya mantreṇa śabrūnhatvā nivartate // ### [1.70.57](https://indike.org/pramana/in.purana.narada.1.70.57) nārasiṃhena bījena mantraṃ saṃyojya sādhakaḥ / śatamaṣṭottaraṃ jaṇtvā vāmahastābhimantritāḥ // ### [1.70.58](https://indike.org/pramana/in.purana.narada.1.70.58) punaḥ punarapaḥ siṃcetsarpadaṣṭo 'pi jīvati / gāruḍena ca saṃyojya pañcārṇena japettadā // ### [1.70.59](https://indike.org/pramana/in.purana.narada.1.70.59) nirviṣīkaraṇe dhyāyedviṣṇuṃ garuḍavāhanam / aśokaphalake tārkṣyamālikhyāśokasaṃhatau // ### [1.70.60](https://indike.org/pramana/in.purana.narada.1.70.60) aśokapuṣpaiḥ saṃpūjya bhagavantaṃ tadagrataḥ / juhuyāttāni puṣpāṇi trisaṃdhyaṃ saptapatrakam // ### [1.70.61](https://indike.org/pramana/in.purana.narada.1.70.61) pratyakṣo jāyate pakṣī varamiṣṭaṃ prayacchati / gāṇapatyena saṃyojya japellakṣaṃ payovrataḥ // ### [1.70.62](https://indike.org/pramana/in.purana.narada.1.70.62) mahāgaṇapatiṃ devaṃ pratyakṣamiha paśyati / vāṇibījena saṃyuktaṃ ṣaṇmāsaṃ yojayennaraḥ // ### [1.70.63](https://indike.org/pramana/in.purana.narada.1.70.63) mahākavivaro bhūtvā mohayetsakalaṃ jagat / hutvā guṅcīśakalānyarddhāgulamitāni ca // ### [1.70.64](https://indike.org/pramana/in.purana.narada.1.70.64) dadhimadhvājyayuktāni mṛtyuṃ jayati sādhakaḥ / śanaiśvara dine samyak spṛṣṭvā śvatthaṃ ca pāṇinā // ### [1.70.65](https://indike.org/pramana/in.purana.narada.1.70.65) japtvā cāṣṭaśataṃ yuddhe hyapamṛtyuṃ jayatyasau / pañcaviṃśatidhā japtvā nityaṃ prātaḥ pibejjalam // ### [1.70.66](https://indike.org/pramana/in.purana.narada.1.70.66) sarvapāpavinirmukto jñānavān rogavarjitaḥ / kuṃbhaṃ saṃsthāpya vidhivadāpūrya śuddhavāriṇā // ### [1.70.67](https://indike.org/pramana/in.purana.narada.1.70.67) japtvāyutaṃ tatastenābhiṣekaḥ sarvaroganut / candrasūryoparāge tu hyupoṣyāṣṭasahasrakam // ### [1.70.68](https://indike.org/pramana/in.purana.narada.1.70.68) spṛṣṭvā brāhmīdhṛtaṃ japtvā pibetsādhakasattamaḥ / medhāṃ kavitvaṃ vāksiddhiṃ labhate nātra saṃśayaḥ // ### [1.70.69](https://indike.org/pramana/in.purana.narada.1.70.69) juhuyādayutaṃ vilvairmahādhanapatirbhavet / nārāyaṇasya mantro 'yaṃ sarvamantrottamottamaḥ // ### [1.70.70](https://indike.org/pramana/in.purana.narada.1.70.70) ālayaḥ sarvasiddhīnāṃ kathitastava nārada / nārāyaṇāya śabdānte vidmahe padamīrayet // ### [1.70.71](https://indike.org/pramana/in.purana.narada.1.70.71) vāsudevapadaṃ ṅeṃtaṃ dhīmahīti tato vadet / tanno viṣṇuḥ pracovarṇānsaṃvadeñcodayāditi // ### [1.70.72](https://indike.org/pramana/in.purana.narada.1.70.72) eṣoktā viṣṇugāyatrī sarvapāpapraṇāśinī / tāro hṛdbhagavān ṅeṃto vāsudevāya kīrtitaḥ // ### [1.70.73](https://indike.org/pramana/in.purana.narada.1.70.73) dvādaśārṇo mahāmantro bhuktimuktipradāyakaḥ / strīśūdrāṇāṃ vitāro 'yaṃ satārastu dvijanmanām // ### [1.70.74](https://indike.org/pramana/in.purana.narada.1.70.74) prajāpatirmuniścāsya gāyatrī chanda īritaḥ / devatā vāsudevastu bījaṃ śaktirdhruvaśca hṛt // ### [1.70.75](https://indike.org/pramana/in.purana.narada.1.70.75) candrākṣivedapañcarṇaiḥ samastenāṅgakalpanam / mūrdhni bhāle dṛśorāsye gale dorhṛdaye punaḥ // ### [1.70.76](https://indike.org/pramana/in.purana.narada.1.70.76) kukṣau nābhau dhvaje jānudvaye pādadvaye tathā / nyāsetkramān mantravarṇānsṛṣṭinyāso 'yamīritaḥ // ### [1.70.77](https://indike.org/pramana/in.purana.narada.1.70.77) hṛdādimastakāntaṃ tu sthitinyāsaṃ pracakṣate / pādādārabhya mūrddhānaṃ nyāsaṃ saṃhārakaṃ viduḥ // ### [1.70.78](https://indike.org/pramana/in.purana.narada.1.70.78) tattvanyāsaṃ tataḥ kuryātsarvatantreṣu gopitam / bīvaṃ prāṇaṃ tathā cittaṃ hṛtpadmaṃ sūryamaṇḍalam // ### [1.70.79](https://indike.org/pramana/in.purana.narada.1.70.79) candrāgnimaṇḍale caiva vāsudevaṃ tataḥ param / saṃkarṣaṇaṃ ca pradyumnamaniruddhaṃ tataḥ param // ### [1.70.80](https://indike.org/pramana/in.purana.narada.1.70.80) nārāyaṇaṃ cakramatastattvāni dvādaśaiva tu / mūlārṇahṛtparāyādyamātmane hṛdayāntimam // ### [1.70.81](https://indike.org/pramana/in.purana.narada.1.70.81) tattve nāma samuñcaryya nyasenmūrddhādiṣu kramāt / pūrvoktaṃ dhyānamatrāpi bhānulakṣajapo manoḥ // ### [1.70.82](https://indike.org/pramana/in.purana.narada.1.70.82) tadṛśāṃśaṃ tilairājyalolitairhavanaṃ caret / pīṭhe pūrvodite mantrī mūrti saṃkalpya mūlataḥ // ### [1.70.83](https://indike.org/pramana/in.purana.narada.1.70.83) tasyāmāvāhya deveśaṃ vāsudevaṃ prapūjayet / aṅgāni pūrvamabhyarcya vāsudevādikāstataḥ // ### [1.70.84](https://indike.org/pramana/in.purana.narada.1.70.84) śāntyādiśaktayaḥ pūjyāḥ prāgvaddikṣu vidikṣu ca / tṛtīyāvaraṇe pūjyāḥ proktā dvādaśa mūrtayaḥ // ### [1.70.85](https://indike.org/pramana/in.purana.narada.1.70.85) indrādyānāyudhairyuktān pūjayeddharaṇīgṛhe / evamāvaraṇairiṣṭvā pañcabhirviṣṇumavyayam // ### [1.70.86](https://indike.org/pramana/in.purana.narada.1.70.86) prāpnuyātsakalānarthānante viṣṇupade vrajet / puruṣottamasaṃjñasya viṣṇorbhedacatuṣṭayam // ### [1.70.87](https://indike.org/pramana/in.purana.narada.1.70.87) trailokyamohanasteṣāṃ prathamaḥ parikīrtitaḥ / śrīkaraśca hṛṣīkeśaḥ kṛṣaaṇaścātra caturthakaḥ // ### [1.70.88](https://indike.org/pramana/in.purana.narada.1.70.88) tāraḥ kāmo ramā paścān ṅeṃtaḥ syātpuruṣottamaḥ / varmāstrāṇyagnipriyānto mantro vahnīnduvarṇavān // ### [1.70.89](https://indike.org/pramana/in.purana.narada.1.70.89) brahmā muniḥ syādgāyatrī chandaḥ prokto 'tha devatā / puruṣottamasaṃjño 'tra bījaśaktīsmarandire // ### [1.70.90](https://indike.org/pramana/in.purana.narada.1.70.90) bhūcandraikarasākṣyakṣimantravarṇorvibhāgataḥ / kṛtvāṅgāni tato dhyāyedvidhivatpuruṣottamam // ### [1.70.91](https://indike.org/pramana/in.purana.narada.1.70.91) samudyadādityanibhaṃ śaṅkhacakragadāṃbujaiḥ / lasatkaraṃ pītavasraṃ smarecchrīpuruṣottamam // ### [1.70.92](https://indike.org/pramana/in.purana.narada.1.70.92) mahāratnaughakhacitasphurattoraṇamaṇḍape / mauktikaughaśamadamavirājitavitānake // ### [1.70.93](https://indike.org/pramana/in.purana.narada.1.70.93) nṛtyaddevāṅganāvṛndakvaṇātkiṅkiṇinūpure / lasanmāṇikyavedyāṃ tu dītpārkāyutatejasi // ### [1.70.94](https://indike.org/pramana/in.purana.narada.1.70.94) vṛndārakavrātakirīṭāgraratnābhicarcite / navalakṣaṃ japenmantraṃ juhuyāttaddaśāṃśataḥ // ### [1.70.95](https://indike.org/pramana/in.purana.narada.1.70.95) utphullaiḥ kamalaiḥ pīṭhe pūrvokte vaiṣṇaver'cayet / evamārādhya deveśaṃ prāpnoti mahatīṃ śriyam // ### [1.70.96](https://indike.org/pramana/in.purana.narada.1.70.96) putrānpautrānyaśaḥ kāntiṃ bhuktiṃ muktiṃ ca vindati / uttiṣṭeti padaṃ paścācchrīkarāgnipriyāntimaḥ // ### [1.70.97](https://indike.org/pramana/in.purana.narada.1.70.97) aṣṭārṇo 'sya munirvyāsaḥ paṅktiśchanda udāhṛtam / śrīkārākhyo hariḥ prokto devatā sakaleṣṭadaḥ // ### [1.70.98](https://indike.org/pramana/in.purana.narada.1.70.98) bhīṣayadvitayaṃ hṛtsyāt trāsayadvitayaṃ śiraḥ / śikhā pramarddayadvandvaṃ varma pradhvaṃsayadvayam // ### [1.70.99](https://indike.org/pramana/in.purana.narada.1.70.99) asraṃ rakṣadvayaṃ sarve humantāḥ samudīritāḥ / mastake netrayoḥ kaṇṭhahṛdaye nābhideśake // ### [1.70.100](https://indike.org/pramana/in.purana.narada.1.70.100) ūrūjaṅghāṃyugmeṣu mantravarṇānkramānnyataset / tataḥ puruṣasūktoktamantrairnyāsaṃ samācaret // ### [1.70.101](https://indike.org/pramana/in.purana.narada.1.70.101) mukhe nyasedbrāhmaṇo 'sya mukhamāsīdimaṃ manum / bāhuyugme tathā bāhūṃrājanya iti vinyaset // ### [1.70.102](https://indike.org/pramana/in.purana.narada.1.70.102) ūrū tadasya yadvaiśya imamūrudvaye nyaset / nyasetpādadvaye mantrī padbhyāṃ śūdro ajāyata // ### [1.70.103](https://indike.org/pramana/in.purana.narada.1.70.103) cakraṃ śaṅkhaṃ gadāṃ padmaṃ karāgreṣvatha vinyaset / evaṃ nyāsavidhiṃ kṛtvā dhyāyetpūrvoktamaṇḍape // ### [1.70.104](https://indike.org/pramana/in.purana.narada.1.70.104) aruṇābjāsanasthasya tārkṣyasyopari saṃsthitam / pūrvoktarūpiṇaṃ devaṃ śrīkaraṃ lokamohanam // ### [1.70.105](https://indike.org/pramana/in.purana.narada.1.70.105) dhyātvaivaṃ pūjayedaṣṭalakṣaṃ mantrī daśāṃśataḥ / raktāṃbujaiḥ samidbhiśca vilvakṣīridrumodbhavaiḥ // ### [1.70.106](https://indike.org/pramana/in.purana.narada.1.70.106) payo 'nnaiḥ sarpiṣā hutvā pratyekaṃ susamāhitaḥ / aśvatthoduṃbaraplakṣavaṭāḥ kṣīridrumāḥ smṛtā // ### [1.70.107](https://indike.org/pramana/in.purana.narada.1.70.107) pūjayedvaiṣṇave pīṭhe mūrtiṃ saṃkalpya mūlataḥ / aṅgāvaraṇadikpālahetibhiḥ sahitaṃ vibhum // ### [1.70.108](https://indike.org/pramana/in.purana.narada.1.70.108) itthaṃ siddhe manau matrī prayogānpūrvavañcaret / tāro hṛdbhagavān ṅeṃto varāheti tataḥ param // ### [1.70.109](https://indike.org/pramana/in.purana.narada.1.70.109) rūpāya bhūrbhuvaḥ svaḥ syāllohitakāmikā ca ye / bhūpatitvaṃ ca me dehi dadāpaya śucipriyā // ### [1.70.110](https://indike.org/pramana/in.purana.narada.1.70.110) rāmāgnivarṇo mantro 'yaṃ bhārgavo 'sya munirmataḥ / chando 'nuṣṭubdevatādivarāhaḥ samudīritaḥ // ### [1.70.111](https://indike.org/pramana/in.purana.narada.1.70.111) ekadaṃṣṭrāya hṛdayaṃ vyomolkāyaga śiraḥ smṛtam / śikhā tejo 'dhipataye viśvarūpāya varma ca // ### [1.70.112](https://indike.org/pramana/in.purana.narada.1.70.112) mahādaṃṣṭrāya cāstraṃ syātpañcāṅgamiti kalpayet / athavā giriṣaṭsaptabāṇairvasubhirakṣaraiḥ // ### [1.70.113](https://indike.org/pramana/in.purana.narada.1.70.113) vibhaktairmantravaryasya pañcāgāṃni prakalpayet / tatau dhyāyedanekārkanibhamādivarāhakam // ### [1.70.114](https://indike.org/pramana/in.purana.narada.1.70.114) āṃ hrīṃ svarṇanibhaṃ jānvoradho nābheḥ sitaprabham / iṣṭābhītigadāśaṅkhacakraśaktyasikheṭakān // ### [1.70.115](https://indike.org/pramana/in.purana.narada.1.70.115) dadhataṃ ca karairdaṃṣṭrāgralasaddharaṇiṃ smaret / evaṃ dhyātvā japellakṣaṃ daśāṃśaṃ sarasīruhaiḥ // ### [1.70.116](https://indike.org/pramana/in.purana.narada.1.70.116) madhvaktairjuhayātpīṭhe pūrvokte vaiṣṇave yajet / mūlena mūrtiṃ saṅkalpya tasyāṃ sampūjayedvibhum // ### [1.70.117](https://indike.org/pramana/in.purana.narada.1.70.117) aṅgāvaraṇadikpālahetiyantraprasiddhaye / japādevāvarni dadyāddhanaṃ dhānyaṃ mahīṃ śriyam // ### [1.70.118](https://indike.org/pramana/in.purana.narada.1.70.118) siṃhārke sitapakṣasyāṣṭamyāṃ gavyeṣu pañcasu / śilāṃ śuddhāṃ vinikṣipya spṛṣṭvā tāmayutaṃ japet // ### [1.70.119](https://indike.org/pramana/in.purana.narada.1.70.119) udaṅmukhasvato mantrī tāṃ śilāṃ likhanedbhuvi / bhūtapretāhicaurādikṛtāṃ bādhāṃ nivārayet // ### [1.70.120](https://indike.org/pramana/in.purana.narada.1.70.120) prātarbhṛgudine sādhyabhūtalānmṛdamāharet / mantritāṃ mūlamantreṇa vibhajettāṃ tridhā punaḥ // ### [1.70.121](https://indike.org/pramana/in.purana.narada.1.70.121) cullyāmekaṃ samālipyāpyaparaṃ pākabhājane / godugdhe paramāloḍya śodhitāṃstandulān kṣipet // ### [1.70.122](https://indike.org/pramana/in.purana.narada.1.70.122) samyak śuddhe śuciḥ keśe japanmantraṃ paceñcarum / avatārya caruṃ paścādvahnau deyaṃ yathāvidhi // ### [1.70.123](https://indike.org/pramana/in.purana.narada.1.70.123) sampūjya dhūpadīpādyaiḥ paścādājyaplutaṃ carum / juhuyātsaṃskṛte vahnau aṣṭottaraśataṃ sudhīḥ // ### [1.70.124](https://indike.org/pramana/in.purana.narada.1.70.124) evaṃ prajuhuyānmantrī kavivāreṣu saptasu / virodho naśyati kṣetre śatrucaurādyupadravāḥ // ### [1.70.125](https://indike.org/pramana/in.purana.narada.1.70.125) bhānūdayepyāravāre sādhyakṣetrānmṛdaṃ punaḥ / ādāya pūrvavidhinā havirāpādya pūrvavat // ### [1.70.126](https://indike.org/pramana/in.purana.narada.1.70.126) juhuyādedhite vahnau pūrvasaṃkhyākamādarāt / evaṃ sa saptāravāreṣu juhuyātkṣetrasiddhaye // ### [1.70.127](https://indike.org/pramana/in.purana.narada.1.70.127) juhuyāllakṣasaṃkhyākaṃ gavyai ścaiva sapāyasaiḥ / abhīṣṭabhūmyādhipatyaṃ labhate nātra saṃśayaḥ // ### [1.70.128](https://indike.org/pramana/in.purana.narada.1.70.128) udyaddoḥ paridhaṃ divyaṃ sitadaṃṣṭrāgrabhūdharam / svarṇābhaṃ pārthive pīte maṇḍale susamāhitaḥ // ### [1.70.129](https://indike.org/pramana/in.purana.narada.1.70.129) dhyātvāpnoti mahīṃ ramyāṃ varāhasya prasādataḥ / vāruṇe maṇḍale dhyāyedvārāhaṃ himasannibhagham // ### [1.70.130](https://indike.org/pramana/in.purana.narada.1.70.130) mahopadravaśāntiḥ syātsādhakasya na saṃśayaḥ / vaśyārthaṃ ca sadā dhyāyedvarhyābhaṃ vahnimaṇḍe // ### [1.70.131](https://indike.org/pramana/in.purana.narada.1.70.131) dhyāyedevaṃ ripūñcāṭe kṛṣṇābhaṃ vāyumaṇḍale / hyamaṇḍalagataṃ svacchaṃ vārāhaṃ sarvasiddhidam // ### [1.70.132](https://indike.org/pramana/in.purana.narada.1.70.132) śatrubhūtagrahakṣveḍāmayapīḍādiśāntaye / bhagvardhīśayutaṃ vyomabindubhūṣitamastakam // ### [1.70.133](https://indike.org/pramana/in.purana.narada.1.70.133) ekākṣaro varāhasya mantraḥ kalpadrumo 'paraḥ / pūjādyārdhyādikaṃ sarvamasyāṃ pūrvoktavañcaret // ### [1.70.134](https://indike.org/pramana/in.purana.narada.1.70.134) savāmakarṇānidrāsyādvarāhāya hṛdantimaḥ / tārādyo vasuvarṇo 'yaṃ sarvaiśvaryapradāyakaḥ // ### [1.70.135](https://indike.org/pramana/in.purana.narada.1.70.135) brahmā muniḥ syādgāyatrī chando vārāhasaṃjñakaḥ / devaścandredvabdhinetraiḥ saveṇāṅgakriyā matā // ### [1.70.136](https://indike.org/pramana/in.purana.narada.1.70.136) dhyānapūjāprayogādi prāgvadasyāpi kalpayet / praṇavādau ca ṅentaṃ ca bhagavatīti padaṃ tataḥ / dharaṇidvitayaṃ paścāddharerdvayamudīrayet // ### [1.70.137](https://indike.org/pramana/in.purana.narada.1.70.137) ekonaviṃśatyarṇāḍhyo mantro vahnipriyāntimaḥ / varāho 'sya muniśchando gāyatrī nivṛdādikā // ### [1.70.138](https://indike.org/pramana/in.purana.narada.1.70.138) devatā dharaṇī bījaṃ tāraḥśaktirvasupriyā / rāmavedāgnibāṇākṣinetrārṇairaṅgarakalpanam // ### [1.70.139](https://indike.org/pramana/in.purana.narada.1.70.139) śyāmāṃ citravibhūṣāḍhyāṃ padmasthāṃ tuṅgasustanīm / nīlāṃbujadvayaṃ śālimañjarīṃ ca śukraṃ karaiḥ // ### [1.70.140](https://indike.org/pramana/in.purana.narada.1.70.140) dadhatīṃ citravasanāṃ dharāṃ bhagavatīṃ smaret / evaṃ dhyātvā japellakṣaṃ daśāṃśaṃ pāyasena tu // ### [1.70.141](https://indike.org/pramana/in.purana.narada.1.70.141) sājyena juhuyānmantrī viṣṇoḥ pīṭhṭhe samarcayet / mūrtiṃ saṃkalpya mūlena tasyāṃ vasumatīṃ yajet // ### [1.70.142](https://indike.org/pramana/in.purana.narada.1.70.142) aṅgāni pūrvamārādhya bhūvahnijalamārutān / dikpātreṣu ca sampūjya koṇapatreṣu tatkalāḥ // ### [1.70.143](https://indike.org/pramana/in.purana.narada.1.70.143) nivṛttiśca pratiṣṭā ca vidyānāṃ taiśca tatkalāḥ / indrādyānapi vañcādīnpūjayettadanantaram // ### [1.70.144](https://indike.org/pramana/in.purana.narada.1.70.144) evaṃ siddhe manau mantrī sādhayediṣṭamātmanaḥ / dharaṇī prabhajannevaṃ paśuratnāṃbarādibhiḥ // ### [1.70.145](https://indike.org/pramana/in.purana.narada.1.70.145) dharamyā vallabhaḥ sa syātsukhī jīvecchataṃ samā / trailokyamohano mantro jagannāthasya kīrtyate // ### [1.70.146](https://indike.org/pramana/in.purana.narada.1.70.146) tāraḥ kāmo ramā bījaṃ hṛdante puruṣottamaḥ / śrīkaṇṭhaḥ pratirūpānte lakṣmīti ca nivāsi ca // ### [1.70.147](https://indike.org/pramana/in.purana.narada.1.70.147) sakalānte jagatpaścātkṣobhaṇeti padaṃ vadet / sarvastrīhṛdayānte tu vidāraṇapadaṃ vadet // ### [1.70.148](https://indike.org/pramana/in.purana.narada.1.70.148) tatastribhuvanāntaṃ tu madonmādakareti ca / surāsurānte manujasuṃdarījanavarṇataḥ // ### [1.70.149](https://indike.org/pramana/in.purana.narada.1.70.149) manāṃsi tāpayadvandvaṃ dīpayadvitayaṃ tataḥ / śoṣayadvitayaṃ paścānmārayadvitayaṃ tataḥ // ### [1.70.150](https://indike.org/pramana/in.purana.narada.1.70.150) staṃbhayadvitayaṃ bhūyo mohayadvitaya tataḥ / drāvayadvitayaṃ tāvadākarṣayayugaṃ tataḥ // ### [1.70.136\_2](https://indike.org/pramana/in.purana.narada.1.70.136_2) dhyānapūjāprayogādi prāgvadasyāpi kalpayet / praṇavādau ca ṅentaṃ ca bhagavatīti padaṃ tataḥ / dharaṇidvitayaṃ paścāddharerdvayamudīrayet // ### [1.70.137\_2](https://indike.org/pramana/in.purana.narada.1.70.137_2) ekonaviṃśatyarṇāḍhyo mantro vahnipriyāntimaḥ / varāho 'sya muniśchando gāyatrī nivṛdādikā // ### [1.70.138\_2](https://indike.org/pramana/in.purana.narada.1.70.138_2) devatā dharaṇī bījaṃ tāraḥśaktirvasupriyā / rāmavedāgnibāṇākṣinevārṇairaṅgakalpanam // ### [1.70.139\_2](https://indike.org/pramana/in.purana.narada.1.70.139_2) śyāmāṃ citravibhūṣāḍhyāṃ padmasthāṃ tuṅgasustanīm / nīlāṃbujadvayaṃ śālimañjarīñca śukaṃ karaiḥ // ### [1.70.140\_2](https://indike.org/pramana/in.purana.narada.1.70.140_2) dadhatīṃ citravasanāṃ dharāṃ bhagavatīṃ smaret / evaṃ dhyātvā japellakṣaṃ daśāṃśaṃ pāyasena tu // ### [1.70.141\_2](https://indike.org/pramana/in.purana.narada.1.70.141_2) sājyena juhuyānmantrī viṣṇoḥ pīṭhe samarcayet / mūrtiṃ saṃkalpya gūlena tasyāṃ vasumatīṃ yajet // ### [1.70.142\_2](https://indike.org/pramana/in.purana.narada.1.70.142_2) aṅgāni pūrvamārādhya bhūvahnijalamārutān / dikpātreṣu ca sampūjya koṇapatreṣu tatkalāḥ // ### [1.70.143\_2](https://indike.org/pramana/in.purana.narada.1.70.143_2) nivṛttiśca pratiṣṭā ca vidyānāṃ taiśca tatkalāḥ / indrādyānapi vajrādīnpūjayettadanantaram // ### [1.70.144\_2](https://indike.org/pramana/in.purana.narada.1.70.144_2) pūrnaṃ siddhe manau mantrī sādhayediṣṭamātmanaḥ / dharaṇīṃ prabhajannevaṃ paśuratnāṃbarādibhiḥ // ### [1.70.145\_2](https://indike.org/pramana/in.purana.narada.1.70.145_2) dharaṇyā vallabhaḥ sa syātsukhī jīvecchataṃ samā / trailokyamohano mantro jagannāthasya kīrtyate // ### [1.70.146\_2](https://indike.org/pramana/in.purana.narada.1.70.146_2) tāraḥ kāmo ramā bījaṃ hṛdante puruṣottamaḥ / śrīkaṇṭhaḥ pratirūpānte lakṣmīti ca nivāsiṃ ca // ### [1.70.147\_2](https://indike.org/pramana/in.purana.narada.1.70.147_2) sakalānte jagatpaścātkṣobhaṇeti padaṃ vadet / sarvastrīhṛdayānte tu vidāraṇapadaṃ vadet // ### [1.70.148\_2](https://indike.org/pramana/in.purana.narada.1.70.148_2) tatastribhuvanāntaṃ tu madonmādakareti ca / surāsurānte manujasuṃdarījanavarṇataḥ // ### [1.70.149\_2](https://indike.org/pramana/in.purana.narada.1.70.149_2) manāṃsi tāpayadvandvaṃ dīpayadvitayaṃ tataḥ / śoṣayadvitayaṃ paścānmārayadvitayaṃ tataḥ // ### [1.70.150\_2](https://indike.org/pramana/in.purana.narada.1.70.150_2) staṃbhayadvitayaṃ bhūyo mohayadvitaya tataḥ / drāvayadvitayaṃ tāvadākarṣayayugaṃ tataḥ // ### [1.70.151](https://indike.org/pramana/in.purana.narada.1.70.151) samastaparamo yena subhagena ca saṃyutam / sarvasaubhāgyaśabdānte karasarvapadaṃ vadet // ### [1.70.152](https://indike.org/pramana/in.purana.narada.1.70.152) kāmapradādamunbrahmāseṃdurhanuyugaṃ tataḥ / cakreṇa gadayā paścātkhaḍgena tadanantaram // ### [1.70.153](https://indike.org/pramana/in.purana.narada.1.70.153) sarvabāṇairbhediyugaṃ pāśenānte kaṭadvayam / aṅkuśeneti saṃprocya tāḍayadvitayaṃ punaḥ // ### [1.70.154](https://indike.org/pramana/in.purana.narada.1.70.154) kuruśabdadvayamatho kiṃ tiṣṭasi padaṃ vadet / tāvadyāvatpadasyānte samāhitamanantaram / tato me siddhirābhāsya bhavamante ca varma phaṭ // ### [1.70.155](https://indike.org/pramana/in.purana.narada.1.70.155) hṛdanto 'yaṃ mahāmantro dviśatārṇaḥ samīritaḥ / jaiminirmunirasyoktaśchandaścāmitamīritam // ### [1.70.156](https://indike.org/pramana/in.purana.narada.1.70.156) devatā jagatāṃ mohe jagannāthaḥ prakīrtitaḥ / kāmo bījaṃ ramā śaktirviniyogo 'khilāptaye // ### [1.70.157](https://indike.org/pramana/in.purana.narada.1.70.157) puruṣottamatribhuvanonmādakānte 'gnivarma ca / hṛdayaṃ kīrtitaṃ paścājjagatkṣobhaṇaśabdataḥ // ### [1.70.158](https://indike.org/pramana/in.purana.narada.1.70.158) lakṣmīdayitavarmāntaḥ śiraḥ proktaṃ śikhā punaḥ / manmatho tamaśabdānte maṅgaje padamīrayet // ### [1.70.159](https://indike.org/pramana/in.purana.narada.1.70.159) kāmadāyeti huṃ procya nyasedvama tataḥ param / paramānte bhṛgukarṇābhyāṃ ca sarvapadaṃ tataḥ // ### [1.70.160](https://indike.org/pramana/in.purana.narada.1.70.160) saubhāgyakaravarmānte kavacaṃ pārikīrtitam / surāsurānte manujasuṃdarīti padaṃ vadet // ### [1.70.161](https://indike.org/pramana/in.purana.narada.1.70.161) hṛdayānte vidā paścādraṇasarvapadaṃ vadet / tataḥ praharaṇadharasarvakāmukatatpadam // ### [1.70.162](https://indike.org/pramana/in.purana.narada.1.70.162) hanayugmaṃ ca hṛdayaṃ bandhanāni tato vadet / ākarṣayadvayaṃ paścānmahābalapadaṃ tataḥ // ### [1.70.163](https://indike.org/pramana/in.purana.narada.1.70.163) varma cāstraṃ samākhyātaṃ netraṃ syāttadanantaram / vadetribhuvanaṃ paścāccara sarvajaneti ca // ### [1.70.164](https://indike.org/pramana/in.purana.narada.1.70.164) manāṃsi harayugmānte dārayadvitayaṃ ca me / vaśamānaya varmānte netramantraḥ samīritaḥ // ### [1.70.165](https://indike.org/pramana/in.purana.narada.1.70.165) ṣaḍaṅgamantrāstārādyāḥ phaṭnamontāḥ prakīrtitāḥ / tārastrailokyaśabdānte mohaneti padaṃ vadet // ### [1.70.166](https://indike.org/pramana/in.purana.narada.1.70.166) hṛṣīkeśeti saṃprocyāpratirūpādiśabdataḥ / mamnathānantaraṃ sarvastrīṇāṃ hṛdayamīrayet // ### [1.70.167](https://indike.org/pramana/in.purana.narada.1.70.167) ākarṣaṇapadā gacchadāgacchahṛdayāntimaḥ / anena vyāpakaṃ kṛtvā jagannāthaṃ smaret sudhīḥ // ### [1.70.168](https://indike.org/pramana/in.purana.narada.1.70.168) kṣīrābdhestu taṭe ramyaṃ suradrumalatāñcitam / udyadarkābhujālābhaṃ svadhāmnojvāladiṅmukham // ### [1.70.169](https://indike.org/pramana/in.purana.narada.1.70.169) prasūnāvalisaurabhyamādyanmadhukarāravam / divyavātoñcalatkañjaparāgoddhūlitāṃbaram // ### [1.70.170](https://indike.org/pramana/in.purana.narada.1.70.170) svarvadhūgītamādhuryābhirāma cintayedvanam / tadantarmaṇisampattisphurattoraṇamaṇḍape // ### [1.70.171](https://indike.org/pramana/in.purana.narada.1.70.171) vilasanmauktikoddāmadāmarājadvitānake / maṇivedyādi viyatkirīṭāgrasamarcite // ### [1.70.172](https://indike.org/pramana/in.purana.narada.1.70.172) divyasiṃhāsane vipra samāsīnaṃ smaredvibhum / śaṅkhapāśeṣu cāpāni musalaṃ nandakaṃ gadām // ### [1.70.173](https://indike.org/pramana/in.purana.narada.1.70.173) aṅkuśaṃ dadhataṃ dorbhiḥ śliṣṭe kamalayorasi / paśyatyaṅkasthayāṃbhojaśriyā rāgollasadṛśā // ### [1.70.174](https://indike.org/pramana/in.purana.narada.1.70.174) dhyātvaivaṃ prajapellakṣacatuṣkaṃ taddaśāṃśataḥ / kuṇḍer'ddhacandre padmairvā jātīpuṣpaiśca homayet // ### [1.70.175](https://indike.org/pramana/in.purana.narada.1.70.175) yāgabhūmiṃ tathātmānaṃ yāgopakaraṇaṃ tathā / pūjayiṣyan jagannāthaṃ gāyatryā prokṣayedvudhaḥ // ### [1.70.176](https://indike.org/pramana/in.purana.narada.1.70.176) trailokyamohanāyānte vidmahe padamīrayet / smarāya dhīmahītyuktvā tanno viṣṇuḥ pracodayāt // ### [1.70.177](https://indike.org/pramana/in.purana.narada.1.70.177) gāyatryeṣā samākhyātā sarvaśuddhikarī parā / kalpayedāsanaṃ pīṭhe pūrvokte vaiṣṇave sudhīḥ // ### [1.70.178](https://indike.org/pramana/in.purana.narada.1.70.178) pakṣirājāya ṭhadvandvaṃ pīṭhamantro 'yamīritaḥ / mūrtiṃ saṃkalpamūlena tasyāmāvāhayedataḥ // ### [1.70.179](https://indike.org/pramana/in.purana.narada.1.70.179) vyāpakanyāsamantreṇa tataḥ sampūjya bhaktitaḥ / śrīvatsahṛdayaṃ tena śrīvatsaṃ stanayoryajet // ### [1.70.180](https://indike.org/pramana/in.purana.narada.1.70.180) kaustubhāya hṛdantena yajedvakṣasi kaustubham / pūjayedvanamālāyai hṛdantena gale ca tām // ### [1.70.181](https://indike.org/pramana/in.purana.narada.1.70.181) karṇikāyāṃ tato 'bhyarcayedvidhivañcāṅgadevatāḥ / daleṣu pūjayetpaścāllakṣmyādyāvṛttacāmarāḥ // ### [1.70.182](https://indike.org/pramana/in.purana.narada.1.70.182) bandhūkakusumābhāsāḥmuktāhāralasatkucāḥ / utphullāṃbhaghojanayanā madavibhramamantharāḥ // ### [1.70.183](https://indike.org/pramana/in.purana.narada.1.70.183) lakṣmī sarasvatī caiva dhṛtiḥ prītistataḥ param / kāntiḥ śāntistuṣṭipuṣṭibījādyā ṅenamontikāḥ // ### [1.70.184](https://indike.org/pramana/in.purana.narada.1.70.184) bhṛguḥ khaḍrāśacandrāḍhyo devyā bījamudāhṛtam / hrasvatrayaklībasarvarahitasvarasaṃyutam // ### [1.70.185](https://indike.org/pramana/in.purana.narada.1.70.185) devyā bījaṃ kramādāsāmādau ca viniyojayet / dalāgreṣu yajecchaṅkhaṃ śārṅgaṃ cakramasiṃ gadām // _First 200 of 219 passages. [Read on](https://indike.org/pramana/in.purana.narada.1.70)_ ## Linked texts (8) - [Tantrasāra (Kṛṣṇānanda)](https://indike.org/pramana/in.sampradaya.general.sakta.tantrasara.2.40_947) — Kṛṣṇānanda Āgamavāgīśa 1550, Sanskrit - [Bṛhattantrasāra](https://indike.org/pramana/in.sampradaya.general.sakta.brhattantrasara.4.33) — Sanskrit - [Puraścaryārṇava](https://indike.org/pramana/in.niti.dharma.prayoga.purascarana.purascaryarnava.2.25.6) — Sanskrit - [Merutantra](https://indike.org/pramana/in.sampradaya.general.sakta.merutantra.15.77) — Gommaṭa, Sanskrit - [Dāśarathīyatantra](https://indike.org/pramana/in.sampradaya.vaisnava.tantra.dasarathiyatantra.6221) — Sanskrit - [Gautamīyatantra](https://indike.org/pramana/in.sampradaya.vaisnava.tantra.gautamiya.2.100) — Sanskrit - [Bhāgavatapurāṇa](https://indike.org/pramana/in.purana.bhagavata.10.51.2) — Vyāsa, Sanskrit - [Mantracandrikā](https://indike.org/pramana/in.sampradaya.general.mantrakosa.mantracandrika.21) — Sanskrit --- Source: [https://indike.org/pramana/in.purana.narada.1.70](https://indike.org/pramana/in.purana.narada.1.70) · Pramāṇa