[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.71 # Naradapurana 1.71 Nāradapurāṇa 1.71 - **Language:** Sanskrit ## Contents - [1.71.228](https://indike.org/pramana/in.purana.narada.1.71.228) — 1 part ### [1.71.1](https://indike.org/pramana/in.purana.narada.1.71.1) sanatkumāra uvāca śṛṇu nārada vakṣyāmi divyānnaraharermanūn / yānsamārādhya brahmādyāścakruḥ sṛṣṭyādi karma vai // ### [1.71.2](https://indike.org/pramana/in.purana.narada.1.71.2) saṃvartakaścandramaulirmanurvahnivibhūṣitaḥ / ekākṣaraḥ smṛto mantro bhajatāṃ surapādapaḥ // ### [1.71.3](https://indike.org/pramana/in.purana.narada.1.71.3) muniratriśca jagatīṃ chando buddhimatāṃ vara / devatā nṛhariḥ prokto viniyogo 'khilāptaye // ### [1.71.4](https://indike.org/pramana/in.purana.narada.1.71.4) kṣaṃ bījaṃ śaktirī proktā ṣaḍdīrgheṇa ṣaḍaṅgakam / arkenduvahninayanaṃ śaradindurucaṃ karaiḥ // ### [1.71.5](https://indike.org/pramana/in.purana.narada.1.71.5) dhanuścakrābhayavalarāndadhataṃ nṛhariṃ smaret / lakṣaṃ japastaddaśāṃśahomaśca ghṛtapāyasaiḥ // ### [1.71.6](https://indike.org/pramana/in.purana.narada.1.71.6) yajetpīṭhe vaiṣṇave tu kesareṣvaṅgapūjanam / khageśaṃ śaṅkaraṃ śeṣaṃ śatānandaṃ digāliṣu // ### [1.71.7](https://indike.org/pramana/in.purana.narada.1.71.7) śriyaṃ hriyaṃ dhṛtiṃ puṣṭiṃ koṇapatreṣu pūjayet / dantacchadeṣu nṛharīṃstāvataḥ pūjayetkramātma // ### [1.71.8](https://indike.org/pramana/in.purana.narada.1.71.8) kṛṣṇo rudro mahāghoro bhīmo bhīṣaṇa ujjvalaḥṛ / karālo vikarālaśca daityānto madhusūdanaḥ // ### [1.71.9](https://indike.org/pramana/in.purana.narada.1.71.9) raktākṣaḥ piṅgalākṣaścāñjano dīptarucistathā / sughorakaśca suhanurviśvako rākṣasāṃtakaḥ // ### [1.71.10](https://indike.org/pramana/in.purana.narada.1.71.10) viśālako dhūmrakeśo hayagrīvo ghanasvanaḥ / meghavarṇaḥ kubhaghakarṇaḥ kṛtāntatīvratejasau // ### [1.71.11](https://indike.org/pramana/in.purana.narada.1.71.11) agnivarṇo mahograśca tato viśvavibhūṣaṇaḥ / vighnakṣamo mahāsenaḥ siṃhā dvātriṃśadīritāḥ // ### [1.71.12](https://indike.org/pramana/in.purana.narada.1.71.12) tadbrahiḥ prārcayedvidvāṃllokapālānsahetikān / evaṃ siddhe manau mantrī sādheyedakhilepsitān // ### [1.71.13](https://indike.org/pramana/in.purana.narada.1.71.13) viṣṇaḥ pradyumnayuk śārṅgī mahāṃstataḥ / viṣṇuṃ jvalantaṃ bhṛgvīśo jalaṃ padmāsanaṃ tataḥ // ### [1.71.14](https://indike.org/pramana/in.purana.narada.1.71.14) haristu vāsudevāya vaikuṇṭho viṣṇusaṃyutaḥ / gadī seṃdunṛsiṃhaṃ ca bhīṣaṇaṃ bhadvameva ca // ### [1.71.15](https://indike.org/pramana/in.purana.narada.1.71.15) mṛtyumṛtyuṃ tataḥ śaurirbhānornārāyaṇānvitaḥ / nṛharerdvāviṃśadarṇo 'yaṃ mantraḥ sāmrājyadāyakaḥ // ### [1.71.16](https://indike.org/pramana/in.purana.narada.1.71.16) brahmā munistu gāyatrī chando 'nuṣṭubudāhṛtam / devatā nṛhariścāsya sarveṣṭuphaladāyakaḥ // ### [1.71.17](https://indike.org/pramana/in.purana.narada.1.71.17) haṃ bījaṃ iṃ tathā śaktirviniyogo 'khilāptaye / vedaiścaturbhirvasubhiḥ ṣaḍbhiḥ ṣaḍbhiryugākṣaraiḥ // ### [1.71.18](https://indike.org/pramana/in.purana.narada.1.71.18) ṣaḍaṅgāni vidhāyātha mūrdhni bhāle ca netrayoḥ / mukhabāhvaṅghrisaṃdhyagreṣvatha kukṣau tathā hṛdi // ### [1.71.19](https://indike.org/pramana/in.purana.narada.1.71.19) gale pārśvadvaye pṛṣṭe kakudyarṇānmanūdbhavān / praṇavāntaritān kṛtvā nyasetsādhakasattamaḥ // ### [1.71.20](https://indike.org/pramana/in.purana.narada.1.71.20) nṛsiṃhasāṃnidhyakaro nyāso daśavidho yathā / karāṅghṣaṣṭādyaṅgulīṣu pṛthagādyantaparvaṇoḥ // ### [1.71.21](https://indike.org/pramana/in.purana.narada.1.71.21) sarvāṅgulīṣu vinyasyāvaśiṣṭaṃ talayornyaset / śirolalāṭe bhrumadhye netrayoḥ karṇayostathā // ### [1.71.22](https://indike.org/pramana/in.purana.narada.1.71.22) kapolakarṇamūle ca cibukorddhādharoṣṭake / kaṇṭhe ghoṇe ca bhujayorddattanau nābhimaṇḍale // ### [1.71.23](https://indike.org/pramana/in.purana.narada.1.71.23) dakṣānpadostale kaṭyāṃ meḍhrorvojānujaghayacoḥ / gulphe pādakarāṅgulyoḥ sarvasandhiṣu romasu // ### [1.71.24](https://indike.org/pramana/in.purana.narada.1.71.24) raktāsthimajjāsu tanau nyasedvarṇānvi cakṣaṇaḥ / varṇānpade gulphajānukaṭinābhihṛdi sthale // ### [1.71.25](https://indike.org/pramana/in.purana.narada.1.71.25) bāhvoḥ kaṇṭhe ca cibuke cauṣṭau gaṇḍe pravinyaset / karṇayorvadane nāsāpuṭe netre ca mūrddhani // ### [1.71.26](https://indike.org/pramana/in.purana.narada.1.71.26) padāni tu mukhe mūrdhri nasi cakṣuṣi karṇayoḥ / āsye ca hṛdaya nābhau pādānsarvāṅgakenyaset // ### [1.71.27](https://indike.org/pramana/in.purana.narada.1.71.27) arddhadvayaṃ nyasenmūrdhni āhṛtpādāttadaṅgakam / ugrādīni padānī ha mṛtyumṛtyuṃ namāmyaham // ### [1.71.28](https://indike.org/pramana/in.purana.narada.1.71.28) ityantānyāsyakaghnāṇacakṣuḥśrotreṣupakṣmasu / hṛdi nābhau ca kaṭyādipādāntaṃ navasu nyaset // ### [1.71.29](https://indike.org/pramana/in.purana.narada.1.71.29) vīrādyānapi tānyeva yathāpūrvaṃ pravinyaset / nṛsiṃhādyāni tānyeva pūrvavadvinyasetsudhīḥ // ### [1.71.30](https://indike.org/pramana/in.purana.narada.1.71.30) candrāgnivedaṣaḍrāmanetradigbāhubhūmitān / vibhaktā pantravarṇāṃśca kramātsthāneṣu vinyaset // ### [1.71.31](https://indike.org/pramana/in.purana.narada.1.71.31) mūle mūlācca nābhyantaṃ nābhyādihṛdayāvadhi / hṛdayādbhrūyugāntaṃ tu netratraye ca mastake // ### [1.71.32](https://indike.org/pramana/in.purana.narada.1.71.32) bāhvoraṅguliṣu prāṇemūrddhādi caraṇāvadhi / vinyasennāmato dhīmānharinyāso 'yamīritaḥ // ### [1.71.33](https://indike.org/pramana/in.purana.narada.1.71.33) nyāsasyāsya tu māhātmyaṃ jānātyeko hariḥ svayam / evaṃ nyāsavidhiṃ kṛtvā dhyāyecca nṛhariṃ hṛdi // ### [1.71.34](https://indike.org/pramana/in.purana.narada.1.71.34) galāsaktalasadbāhuspṛṣṭakeśo 'bjacakradhṛk / nakhāgrabhinnadaityeśo jvālāmālāsamanvitaḥ // ### [1.71.35](https://indike.org/pramana/in.purana.narada.1.71.35) dīptajihvastrinayano daṃṣṭrograṃ vadanaṃ vahan / nṛsiṃho 'smānsadā pātusthalāṃbugaganopagaḥ // ### [1.71.36](https://indike.org/pramana/in.purana.narada.1.71.36) dhyātvaivaṃ darśayenmudrāṃ nṛsiṃhasya mahātmanaḥ / jānumadhyagatau kṛtvā cibukoṣṭau samāvubhau // ### [1.71.37](https://indike.org/pramana/in.purana.narada.1.71.37) hastau ca bhūmisaṃlagnau kaṃpamānaḥ punaḥ punaḥ / mukhaṃ vijṛṃbhitaṃ kṛtvā lelihānāṃ ca jihvikām // ### [1.71.38](https://indike.org/pramana/in.purana.narada.1.71.38) eṣā mudrā nārasiṃhī pradhāneti prakīrtitā / vāmasyāṅguṣṭato baddhvākaniṣṭāmaṅgalītrayam // ### [1.71.39](https://indike.org/pramana/in.purana.narada.1.71.39) triśūlavat saṃmukhorddhve kuryānmudrāṃ nṛsiṃhagām / aṅguṣṭābhyāṃ ca karayostathā'kramya kaniṣṭake // ### [1.71.40](https://indike.org/pramana/in.purana.narada.1.71.40) adhomukhābhiḥ śiṣṭābhiḥ śeṣābhirnṛharau tataḥ / hastāvadhomukhau kṛtvā nābhideśe prasārya ca // ### [1.71.41](https://indike.org/pramana/in.purana.narada.1.71.41) tarjaṃnībhyāṃ nayetskandhau proktā cāntraṇamudrikā / hastāvūrddhvamukhau kṛtvā tale saṃyojya madhyame // ### [1.71.42](https://indike.org/pramana/in.purana.narada.1.71.42) anāmāyāṃ tu vāmāyāṃ tuvāmāyāṃ dakṣiṇāṃ tu vinikṣipet / tarjanyau pṛṣṭato lagnau aṅguṣṭau tarjanīśritau // ### [1.71.43](https://indike.org/pramana/in.purana.narada.1.71.43) cakramudrābhavedeṣā nṛhareḥ saṃnidhau matā / cakramudrā tathā kṛtvā tarjanībhyāṃ tu madhyame // ### [1.71.44](https://indike.org/pramana/in.purana.narada.1.71.44) pīḍayedvaṃṣṭramudraiṣā sarvapāpapraṇāśinī / etā mudrā nṛsiṃhasya sarvamantreṣu saṃmatāḥ // ### [1.71.45](https://indike.org/pramana/in.purana.narada.1.71.45) varṇalakṣaṃ japenmantraṃ taddaśāṃśaṃ ca pāyasaiḥ / ghaṛtāktarjuhuyādvahnau pīṭhe pūrvoditer'cayet // ### [1.71.46](https://indike.org/pramana/in.purana.narada.1.71.46) aṅgānyādau samārādhya dikpatreṣu yajetpunaḥṛ / garaḍādīn śrīmukhāṃśca vidikṣu lokapānbahiḥ // ### [1.71.47](https://indike.org/pramana/in.purana.narada.1.71.47) evaṃ saṃsādhito mantraḥ sarvānkāmānprapūrayet / saumye kārye smaretsaumyaṃ krūraṃ krūre smaredbudhaḥ // ### [1.71.48](https://indike.org/pramana/in.purana.narada.1.71.48) pūrvamṛtyupade śatrornāma kṛtvā svayaṃ hariḥ / niśitairnakhadaṃṣṭrāgraiḥ khādyamānaṃ ca saṃsmaret // ### [1.71.49](https://indike.org/pramana/in.purana.narada.1.71.49) aṣṭottaraśataṃ nityaṃ japenmantramatandritaḥ / jāyate maṇḍalādarvāk śatrurvai śamanātithiḥ // ### [1.71.50](https://indike.org/pramana/in.purana.narada.1.71.50) dhyānabhedānatho vakṣye sarvasiddhipradāyakān / śrīkāmaḥ satataṃ dhyāyetpūrvoktaṃ nṛhariṃ sitam // ### [1.71.51](https://indike.org/pramana/in.purana.narada.1.71.51) vāmāṅkasthitayā lakṣmyāliṅgataṃ padmahastayā / viṣamṛtyūparogādisarvopadravanāśanam // ### [1.71.52](https://indike.org/pramana/in.purana.narada.1.71.52) narasiṃhaṃ mahābhīmaṃ kālānala samaprabham / āntramālādharaṃ raudraṃ kaṇṭhahāreṇa bhūṣitam // ### [1.71.53](https://indike.org/pramana/in.purana.narada.1.71.53) nāgayajñopavītaṃ ca pañcānanasuśobhitam / candramauliṃ nīlakaṇṭhaṃ prativaktraṃ trinetrakam // ### [1.71.54](https://indike.org/pramana/in.purana.narada.1.71.54) bhujaiḥ parighasaṃkāśairddaśabhiścopaśobhitam / akṣasūtraṃ gadāpadmaṃ śaṅkhaṃ gokṣīrasannibham // ### [1.71.55](https://indike.org/pramana/in.purana.narada.1.71.55) dhanuśca muśalaṃ caiva bibhrāṇaṃ cakrasuttamam / khaḍgaṃ śūlaṃ ca bāṇaṃ ca nṛhariṃ rudrarūpiṇam // ### [1.71.56](https://indike.org/pramana/in.purana.narada.1.71.56) indragopābhanīlābhaṃ candrābhaṃ svarṇasannibham / pūrvādi cottaraṃ yāvadūddhvārsyaṃ sarvavarṇakam // ### [1.71.57](https://indike.org/pramana/in.purana.narada.1.71.57) evaṃ dhyātvā japenmantrī sarvavyādhivimuktaye / sarvamṛtyuharaṃ divya smaraṇātsarvasiddhidam // ### [1.71.58](https://indike.org/pramana/in.purana.narada.1.71.58) dhyāyedyadā mahātkarma tadā ṣoḍaśahastavān / nṛsiṃhaḥ sarvalokeśaḥ sarvābharaṇabhūṣitaḥ // ### [1.71.59](https://indike.org/pramana/in.purana.narada.1.71.59) dvau vidāraṇakarmāptau dvau cāntroddharaṇānvitau / śaṅkhacacakradharau dvau tu dvau ca bāṇaghanurddharau // ### [1.71.60](https://indike.org/pramana/in.purana.narada.1.71.60) khaḍgakheṭadharau dvau ca dvau gadāpadmadhāriṇau / pāśāṅkuśadharau dvau ca dvau ripormukuṭārpitau // ### [1.71.61](https://indike.org/pramana/in.purana.narada.1.71.61) iti ṣoḍaśadordaṇḍamaṇḍitaṃ nṛhariṃ vibhum / dhyāyennārada nīlābhamugrakarmamaṇyananyadhīḥ // ### [1.71.62](https://indike.org/pramana/in.purana.narada.1.71.62) dhyeyo mahatame kārye dvātriṃśaddhastavānbudhaiḥ / nṛsiṃhaḥ sarvabhūteśaḥ sarvasiddhikaraḥ paraḥ // ### [1.71.63](https://indike.org/pramana/in.purana.narada.1.71.63) dakṣiṇe cakrapadme ca paraśuṃpāśameva ca / halaṃ ca muśalaṃ caiva abhayaṃ cāṅkuśaṃ tathā // ### [1.71.64](https://indike.org/pramana/in.purana.narada.1.71.64) paṭṭiśaṃ bhindipālaṃ ca khaḍgamudgaratomarān / vāmabhāge karaiḥ śaṃṅkhaṃ kheṭaṃ pāśaṃ ca śūlakam // ### [1.71.65](https://indike.org/pramana/in.purana.narada.1.71.65) agniṃ ca varadaṃ śaktiṃ kuṇḍikāṃ ca tataḥ param / kārmukaṃ tarjanīmudrāṃ gadāṃ ḍamaruśūrpakau // ### [1.71.66](https://indike.org/pramana/in.purana.narada.1.71.66) dvābhyāṃ karābhyāṃ ca riporjānumastakapīḍanam / ūrddhvīkṛtābhyāṃ bāhubhyāṃ āntramālādharaṃ vibhum // ### [1.71.67](https://indike.org/pramana/in.purana.narada.1.71.67) adhaḥ sthitābhyāṃ bāhubhyāṃ hiraṇyakavidāraṇam / priyaṅkaraṃ ca bhaktānāṃ daityānāṃ ca bhayaṅkaram // ### [1.71.68](https://indike.org/pramana/in.purana.narada.1.71.68) nṛsihaṃ taṃ smareditthaṃ mahāmṛtyubhayāpaham / evaṃ dhyātvā japenmantrī sarvakāryārthasiddhaye // ### [1.71.69](https://indike.org/pramana/in.purana.narada.1.71.69) athocyate dhyānamanyanmukharogaharaṃ śubham / svarṇavarṇasuparṇasthaṃ vidyunmālāsaṭānvitam // ### [1.71.70](https://indike.org/pramana/in.purana.narada.1.71.70) koṭipūrṇenduvarṇaṃ ca sumukhaṃ tryakṣivīkṣaṇam / pītavastrorubhūṣāḍhyaṃ nṛsiṃhaṃ śāntavigraham / cakraśaṅkhābhayavarāndadhataṃ karapallavaiḥ // ### [1.71.71](https://indike.org/pramana/in.purana.narada.1.71.71) kṣveḍarogādiśamanaṃ svairdhyānaiḥ sukhanditam / śatroḥ senānirodhena yatnaṃ kuryāñca sādhakam // ### [1.71.72](https://indike.org/pramana/in.purana.narada.1.71.72) akṣakāṣṭairedhite 'gnau vicintya ripumardanam / devaṃ nṛsiṃhaṃ saṃpūjya kusumādyupacārakaiḥ // ### [1.71.73](https://indike.org/pramana/in.purana.narada.1.71.73) samūlamūlairjuṃhuyāccarairdaśaśataṃ pṛthak / ripuṃ khādanniva japennirdahanniva taṃ kṣipet // ### [1.71.74](https://indike.org/pramana/in.purana.narada.1.71.74) hutvā saptadinaṃ mantrī senāmiṣṭāṃ mahīpateḥ / prasthāpayecchubhe lagne pararāṣṭrajayecchayā // ### [1.71.75](https://indike.org/pramana/in.purana.narada.1.71.75) tasyāḥ purastānnṛhariṃ nighnantaṃ ripumaṇḍalam / smṛtvā japaṃ praklarvīta yāvadāyāti sā punaḥ // ### [1.71.76](https://indike.org/pramana/in.purana.narada.1.71.76) nirjatya nikhilāñchatrūnsaha vīraśriyāsukhāt / prīṇayenmantriṇaṃ rājā vibhavaiḥ prītamānasaḥ // ### [1.71.77](https://indike.org/pramana/in.purana.narada.1.71.77) gajāśvaratharatnaiśca grāmakṣetradhanādibhiḥ / yadi mantrī na tuṣyeta tadānartho mahīpateḥ // ### [1.71.78](https://indike.org/pramana/in.purana.narada.1.71.78) jāyate tasya rāṣṭreṣu prāṇebhyo 'pi mahābhayam / aṣṭottaraśatamūlamantramantritabhasmanā // ### [1.71.79](https://indike.org/pramana/in.purana.narada.1.71.79) nāśayenmūṣikālūtāvṛścikādyutthitaṃ viṣam / liptāṅgaḥ sarvarogaiśca mucyate nātra saṃśayaḥ // ### [1.71.80](https://indike.org/pramana/in.purana.narada.1.71.80) sevantīkusumairhutvā mahatīṃ śriyamāpnuyāt / audumbarasamidbhistu bhaveddhānyasamṛddhimān // ### [1.71.81](https://indike.org/pramana/in.purana.narada.1.71.81) apūpalakṣahome tu bhavedvaiśravaṇopamaḥ / kruddhasya sannidhau rājño japedaṣṭottaraṃ śatam // ### [1.71.82](https://indike.org/pramana/in.purana.narada.1.71.82) sadyo nairmalyamāpnoti prasādaṃ cādhigacchati / kundaprasūnairudayaṃ mocābhirvighnanāśanam // ### [1.71.83](https://indike.org/pramana/in.purana.narada.1.71.83) tulasīpatrahomena mahatīṃ kīrtimāpnuyāt / śālyutthasaktuhomena vaśayedakhilaṃ jagat // ### [1.71.84](https://indike.org/pramana/in.purana.narada.1.71.84) madhūkapuṣpairiṣṭaṃ syātstaṃbhanaṃ dhātrikhaṇḍakaiḥ / dadhimadhvājyamiśrāṃ tu guḍūcīṃ caturaṅgulām // ### [1.71.85](https://indike.org/pramana/in.purana.narada.1.71.85) juhuyā dayutaṃ yo 'sau śataṃ jīvati rogajit / śanaiścaradine 'śvatthaṃ spṛṣṭvā cāṣṭottaraṃ śatam // ### [1.71.86](https://indike.org/pramana/in.purana.narada.1.71.86) japejjitvāso 'pamṛtyuṃ śatavarṣāṇi jīvati / atha te saṃpravakṣyāmi yantraṃ trailokyamohanam // ### [1.71.87](https://indike.org/pramana/in.purana.narada.1.71.87) yasya saṃdhāraṇādeva bhaveyuḥsarvasaṃpadaḥ / śvetabhūrjje likhetpadmaṃ dvātriṃśatsiṃhasaṃyutam // ### [1.71.88](https://indike.org/pramana/in.purana.narada.1.71.88) madhye siṃhe svabījaṃ ca likhetpūrvavadeva tu / śrībījena tu tusaṃvedya valayatrayasaṃyutam // ### [1.71.89](https://indike.org/pramana/in.purana.narada.1.71.89) pāśāṅkuśaiśca saṃveṣṭya pūjayedyantramuttamam / trailokyamohanaṃ nāma sarvakāmārthasādhanam // ### [1.71.90](https://indike.org/pramana/in.purana.narada.1.71.90) cakrarājaṃ mahārājaṃ sarvacarkeśvareśvaram / dhāraṇājjayamāpnoti satyaṃ satyaṃ na saṃśayaḥ // ### [1.71.91](https://indike.org/pramana/in.purana.narada.1.71.91) atha yantrāntaraṃ vakṣye śṛṇu nārada siddhidam / aṣṭāraṃ vilikhedyantraṃ ślakṣṇaṃ karṇikayā yutam // ### [1.71.92](https://indike.org/pramana/in.purana.narada.1.71.92) mūlamantraṃ likhettatra praṇavena samanvitam / ekākṣaraṃ nārasiṃhaṃ madhye caiva sasādhyakam // ### [1.71.93](https://indike.org/pramana/in.purana.narada.1.71.93) japedaṣṭasahasraṃ tu sūtreṇāveṣṭya tadbahiḥ / svarṇaraupyasutāmraiśca veṣṭayetkramataḥ sudhīḥ // ### [1.71.94](https://indike.org/pramana/in.purana.narada.1.71.94) lākṣayā veṣṭitaṃ kṛtvā punarmantreṇa mantrayet / kaṇṭhe bhuje śikhāyāṃ vā dhārayedyantramuttamam // ### [1.71.95](https://indike.org/pramana/in.purana.narada.1.71.95) naranārīnaredrāśca sarve syurvaśagā bhuvi / duṣṭāstaṃ naiva bādhante piśācoragarākṣasāḥ // ### [1.71.96](https://indike.org/pramana/in.purana.narada.1.71.96) yantrarājaprasādena sarvatra jayamāpnuyāt / athānyatsaṃpravakṣyāmi yantraṃ sarvavaśaṅkaram // ### [1.71.97](https://indike.org/pramana/in.purana.narada.1.71.97) dvādaśāraṃ mahācakraṃ pūrvavadvilikhetsudhīḥ / mātrādvādaśasaṃbhinnadalena vilikhedrudhaḥ // ### [1.71.98](https://indike.org/pramana/in.purana.narada.1.71.98) madhye mantraṃ śaktiyuktaṃ śrībījena tu veṣṭayeta / kālāntakaṃ nāma cakraṃ surāsukhaśaṅkaram // ### [1.71.99](https://indike.org/pramana/in.purana.narada.1.71.99) cakramullekhayedbhūrje sarvaśatrunivāraṇam / yasya dhāraṇamātreṇa sarvatra vijayī bhavet // ### [1.71.100](https://indike.org/pramana/in.purana.narada.1.71.100) atha sarveṣṭadaṃ jvālāmālisaṃjñaṃ vadāmyaham / bījaṃ hṛdbhagavānṅeṃto narasiṃhāya tatparam // ### [1.71.101](https://indike.org/pramana/in.purana.narada.1.71.101) jvāline māline dīptadaṃṣṭrāya agnine padam / trāya sarvādirakṣoghnāya ca naḥ sarvabhūpadam // ### [1.71.102](https://indike.org/pramana/in.purana.narada.1.71.102) harirvināśanāyānte sarvajvaravināśanaḥ / nāmānte dahayugmaṃ ca pacadvayamudīrayet // ### [1.71.103](https://indike.org/pramana/in.purana.narada.1.71.103) rakṣayugmaṃ ca varmāstraṭhadūyānto dhruvādikaḥ / aṣṭaṣaṣṭyakṣaraiḥ prokto jvālāmālī manūttamaḥ // ### [1.71.104](https://indike.org/pramana/in.purana.narada.1.71.104) puṇyādikaṃ tu pūrvoktaṃ trayodaśabhirakṣaraiḥ / paṅktibhī rudrāsaṃkhyākairaṣṭādaśabhirakṣaraiḥ // ### [1.71.105](https://indike.org/pramana/in.purana.narada.1.71.105) bhānubhiḥ karaṇairmantrī varairaṅgāni kalpayet / pūrvoktarūpiṇaṃ jvālāmālina nṛhariṃ smaret // ### [1.71.106](https://indike.org/pramana/in.purana.narada.1.71.106) lakṣaṃ japo daśāṃśaṃ ca juhuyātkapilāghṛtaiḥ / raudrāpasmārabhūtādināśako 'yaṃ manūttamaḥ // ### [1.71.107](https://indike.org/pramana/in.purana.narada.1.71.107) prāṇo māyā nṛsiṃhaśca sṛṣṭirbrahmāstramīritaḥ / ṣaḍakṣaro mahāmantraḥ sarvābhīṣṭapradāyakaḥ // ### [1.71.108](https://indike.org/pramana/in.purana.narada.1.71.108) munirbrahmā tathā chandaḥ paṅktirdevo nṛkesarī / ṣaḍdīrghabhājā bījena ṣaḍaṅgāni samācaret // ### [1.71.109](https://indike.org/pramana/in.purana.narada.1.71.109) pūrvoktenaiva vidhinā dhyānaṃ pūjāṃ samācaret / siddhena manunānena sarvasiddhirbhavennṛṇām // ### [1.71.110](https://indike.org/pramana/in.purana.narada.1.71.110) ramābījādiko 'nuṣṭuptrayastriṃśārṇavānmanuḥ / prajāpatirmuniścchando 'nuṣṭup lakṣmīnṛkesarī // ### [1.71.111](https://indike.org/pramana/in.purana.narada.1.71.111) devatā caja padaiḥ sarveṇāṅgakalpanamīritam / vinyasyaivaṃ tu pañcāṅgaṃ svātmarakṣāṃ samācaret // ### [1.71.112](https://indike.org/pramana/in.purana.narada.1.71.112) saṃspṛśan dakṣiṇaṃ bāhuṃ śarabhasya manuṃ japet / praṇavo hṛcchivāryanti mahate śarabhāya ca // ### [1.71.113](https://indike.org/pramana/in.purana.narada.1.71.113) vahnipriyānto mantrastu rakṣārthe samudāhṛtaḥ / athavā rāmamantrānte paraṃ kṣadvitayaṃ paṭhet // ### [1.71.114](https://indike.org/pramana/in.purana.narada.1.71.114) athavā keśavādyaistu rakṣāṃ kuryātprayatnataḥ / keśavaḥ pātu pādau me jaṅghe nārāyaṇo 'vatu // ### [1.71.115](https://indike.org/pramana/in.purana.narada.1.71.115) mādhavo me kaṭiṃ pātu govindo guhyameva ca / nābhiṃ viṣṇuśca me pātu jaṭharaṃ madhusūdanaḥ // ### [1.71.116](https://indike.org/pramana/in.purana.narada.1.71.116) ūrū trivikramaḥ pātu hṛdayaṃ pātu me naraḥ / śrīdharaḥ pātu kaṇṭhaṃ ca hṛṣīkeśo mukhaṃ mama // ### [1.71.117](https://indike.org/pramana/in.purana.narada.1.71.117) padmanābhaḥ stanau pātu śīrṣaṃ dāmodaro 'vatu / evaṃ vinyasya cāṅgeṣu japakāle tu sādhakaḥ // ### [1.71.118](https://indike.org/pramana/in.purana.narada.1.71.118) nirbhayo jāyate bhūtavetālagraharākṣasāt / punarnyasetprayatnena dhyānaṃ kurvansamāhitaḥ // ### [1.71.119](https://indike.org/pramana/in.purana.narada.1.71.119) purastātkeśavaḥ pātuḥ cakrī jāṃbūnadaprabhaḥ / paścānnārāyaṇaḥ śaṅkhī nīlajīmūtasannibhaḥ // ### [1.71.120](https://indike.org/pramana/in.purana.narada.1.71.120) urddhvamindīvaraśyāmo mādhavastu gadādharaḥ / givindo dakṣiṇe pārśve dhanvī candraprabho mahān // ### [1.71.121](https://indike.org/pramana/in.purana.narada.1.71.121) uttare haladhṛgviṣṇuḥ padmakiñjalkasannibhaḥ / āgneyyāmaravindākṣo musalīmadhusūdanaḥ // ### [1.71.122](https://indike.org/pramana/in.purana.narada.1.71.122) trivikramaḥ khaḍgapāṇirnairṛtyāṃ jvalanaprabhaḥ / vāyavyāṃ mādhavo vajrī taruṇādityasannibhaḥ // ### [1.71.123](https://indike.org/pramana/in.purana.narada.1.71.123) aiśānyāṃ puṇḍarīkākṣaḥ śrīdharaḥ paṭṭiśāyudhaḥ / vidyutprabho hṛṣīkeśa urddhū pātu samudgaraḥ // ### [1.71.124](https://indike.org/pramana/in.purana.narada.1.71.124) adhaśca padmanābho me sahasrāṃśusamaprabheḥ / sarvāyudhaḥ sarvaśaktiḥ sarvādyaḥ sarvatomukhaḥ // ### [1.71.125](https://indike.org/pramana/in.purana.narada.1.71.125) indragopaprabhaḥ pāyātpāśahasto 'parājitaḥ / sa bāhyābhyantare dehamavyāddāmo daro hariḥ // ### [1.71.126](https://indike.org/pramana/in.purana.narada.1.71.126) evaṃ sarvatra niśchidraṃ nāma dvādaśapañjaram / praviṣṭo 'haṃ na me kiñcidbhayamasti kadācana // ### [1.71.127](https://indike.org/pramana/in.purana.narada.1.71.127) evaṃ rakṣāṃ vidhāyātha durddharṣo jāyate naraḥ / sarveṣu nṛharermantravargeṣvevaṃ vidhirmataḥ // ### [1.71.128](https://indike.org/pramana/in.purana.narada.1.71.128) pūrvoktavidhinā sarvaṃ dhyānapūjādikaṃ caret / jitaṃ te puṇḍarīkākṣa namaste viśvabhāvana // ### [1.71.129](https://indike.org/pramana/in.purana.narada.1.71.129) namaste 'stu hṛṣīkeśa mahāpuruṣa te namaḥ / itthaṃ saṃprārthya japtvā ca paṭitvā visṛjedvibhum // ### [1.71.130](https://indike.org/pramana/in.purana.narada.1.71.130) evaṃ siddhe manau mantrī jāyate sampadāṃ padam / jayadvayaṃ śrīnṛsiṃhetyaṣṭārṇo 'yaṃ manūttamaḥ // ### [1.71.131](https://indike.org/pramana/in.purana.narada.1.71.131) munirbrahmātha gāyatrī chandaḥ prokto 'sya devatā / śrīmāñjayanṛsiṃhastu sarvābhīṣṭapradāyakaḥ // ### [1.71.132](https://indike.org/pramana/in.purana.narada.1.71.132) seṃdugorvidapūrveṇa viyatā sendunā punaḥ / ṣaḍvīrghāḍhye na kurvīta ṣaḍaṅgāni viśāladhīḥ // ### [1.71.133](https://indike.org/pramana/in.purana.narada.1.71.133) tato dhyāyeddhṛdi vibhuṃ nṛsiṃhaṃ candraśekharam // ### [1.71.134](https://indike.org/pramana/in.purana.narada.1.71.134) śrīmannṛkesaritano jagadekabaṃndho śrīnīlakaṇṭha karuṇārṇave sāmarāja / vahnīndutīvrakaranetra pinākapāṇe śītāṃśuśekhara rameśvara pāhi viṣṇo // ### [1.71.135](https://indike.org/pramana/in.purana.narada.1.71.135) dhyātvaivaṃ prapellakṣāṣṭakaṃ mantrī daśāṃśataḥ / sājyena pāyasānnena juhuyātprāgvadarcanam // ### [1.71.136](https://indike.org/pramana/in.purana.narada.1.71.136) tāro māyā svabījānte karṇograṃ vīramīrayet / mahāviṣṇu tato brūyājjvalantaṃ sarvatomukham // ### [1.71.137](https://indike.org/pramana/in.purana.narada.1.71.137) sphuraddvayaṃ prasphureti dvayaṃ ghorapadaṃ tataḥ / vadeddhorataraṃ te tu tanurūpaṃ ca ṭhadvayam // ### [1.71.138](https://indike.org/pramana/in.purana.narada.1.71.138) pracaṭadvayamābhāṣya kahayugma ca madvayam / bandhadvayaṃ ghātayeti dvayaṃ varmāstramīrayet // ### [1.71.139](https://indike.org/pramana/in.purana.narada.1.71.139) nṛsiṃhaṃ bhīṣaṇaṃ bhadraṃ mṛtyumṛtyuṃ namāmyaham / pañcāśītyakṣaro mantro bhajatāmiṣṭadāyakaḥ // ### [1.71.140](https://indike.org/pramana/in.purana.narada.1.71.140) ṛṣī hyaghorabrahmaṇau tathā triṣṭubanuṣṭubhau / chandasī ca tathā ghoranṛsiṃho devatā mataḥ // ### [1.71.141](https://indike.org/pramana/in.purana.narada.1.71.141) dhyānārcanādikaṃ cāsya kuryādānuṣṭubhaṃ sudhīḥ / viśeṣānmantravaryo 'yaṃ sarvarakṣākaro mataḥ // ### [1.71.142](https://indike.org/pramana/in.purana.narada.1.71.142) bījaṃ jayayugaṃ paścānnṛsiṃhetyaṣṭavarṇavān / ṛṣiḥ prajāpatiścāsyānuṣṭupchanda udāhṛtam // ### [1.71.143](https://indike.org/pramana/in.purana.narada.1.71.143) vidāraṇanṛsiṃho 'sya devatā parikīrtitaḥ / jaṃ bījaṃ haṃ tathā śaktirviniyogo 'khilāptaye // ### [1.71.144](https://indike.org/pramana/in.purana.narada.1.71.144) dīrghāḍhyena nṛsiṃhena ṣaḍaṅganyāsamācaret / raudraṃ dhyāyennṛsiṃhaṃ tu śatruvakṣo vidāraṇam // ### [1.71.145](https://indike.org/pramana/in.purana.narada.1.71.145) nakhadaṃṣṭrāyudhaṃ bhaktābhayada śrīniketanam / taptahāṭakakeśāntajvalaptāvakalocanam // ### [1.71.146](https://indike.org/pramana/in.purana.narada.1.71.146) vajrādhikanakhasparśa divyasiṃha namo 'stu te /. munirbrahmā samākhyāto 'nuṣṭupchandaḥ samīritaḥ // ### [1.71.147](https://indike.org/pramana/in.purana.narada.1.71.147) devatāsya ragadārṇasya divyapūrvo nṛkesarī / pādaiścaturbhiḥ sarveṇa pañcāṅgāni samācaret // ### [1.71.148](https://indike.org/pramana/in.purana.narada.1.71.148) dhyānapūjādikaṃ sarvaṃ prāgvatproktaṃ munīśvara / pūrvoktāni ca sarvāṇi kāryāṇyāyānti siddhatām // ### [1.71.149](https://indike.org/pramana/in.purana.narada.1.71.149) tāro namo bhagavate narasiṃhāya hṛñca te / jastejase āvirāvirbhava vajranakhāntataḥ // ### [1.71.150](https://indike.org/pramana/in.purana.narada.1.71.150) vrajadaṃṣṭreti karmānte tvāsayākrandayadvayam / tamo grasadvayaṃ paścātsvāhānte cābhayaṃ tataḥ // ### [1.71.151](https://indike.org/pramana/in.purana.narada.1.71.151) ātmanyante ca bhūyiṣṭā dhruvo bījāntimo manuḥ / dviṣaṣṭyarmo 'sya munyādi sarvaṃ pūrvavadīritam // ### [1.71.152](https://indike.org/pramana/in.purana.narada.1.71.152) tāro nṛsiṃhabījaṃ ca namo bhagavate tataḥ / narasiṃhāya tāraśca bījamasya yadā tataḥ // ### [1.71.153](https://indike.org/pramana/in.purana.narada.1.71.153) rūpāya tāraḥ svarbījaṃ kūrmarūpāya tārakam / bījaṃ varāharūpāya tāro bīja nṛsiṃhataḥ // ### [1.71.154](https://indike.org/pramana/in.purana.narada.1.71.154) rūpāya tāra svaṃ bījaṃ vāmanānte ca rūpataḥ / pāpadhruvatrayaṃ bījaṃ rāmāya nigamāditaḥ // ### [1.71.155](https://indike.org/pramana/in.purana.narada.1.71.155) bījaṃ kṛṣṇāya tārānte bījaṃ ca kalkine tataḥ / jayadvayaṃ tataḥ śālagrāmānte ca nivāsine // ### [1.71.156](https://indike.org/pramana/in.purana.narada.1.71.156) divyasiṃhāya ṅentaḥ syātsvayaṃbhūḥ puruṣāya hṛt / tāraḥ svaṃ bījamityeṣa mahāsāmrājyadāyakaḥ // ### [1.71.157](https://indike.org/pramana/in.purana.narada.1.71.157) nṛsiṃhamantraḥ khāṅkārṇo muniratriḥ prakīrtitaḥ / chando 'tijagatī proktaṃ devatā kathitā manoḥ // ### [1.71.158](https://indike.org/pramana/in.purana.narada.1.71.158) daśāvatāro nṛhariṃ bījaṃ khaṃ śaktiravyayaḥ / ṣaḍūdīrghāḍhyena bījena kṛtvāṅgāni ca bhāvayet // ### [1.71.159](https://indike.org/pramana/in.purana.narada.1.71.159) anekacandrapratimo lakṣmīmukhakṛtekṣaṇaḥ / daśāvatāraiḥ sahitastanotu nṛhariḥ sukham // ### [1.71.160](https://indike.org/pramana/in.purana.narada.1.71.160) japo 'yutaṃ daśāṃśena homaḥ syātpāyasena tu / prāgukte pūjayetpīṭhe mūrtisaṃkalpya mūlataḥ // ### [1.71.161](https://indike.org/pramana/in.purana.narada.1.71.161) aṅgānyādau ca matsyādyāndigdaleṣu tator'cayet / indrādyānapi vajrādyānsampūjyeṣṭamavāpnuyāt // ### [1.71.162](https://indike.org/pramana/in.purana.narada.1.71.162) sahasrārṇaṃ mahāmantraṃ vakṣye tantreṣu gopitam / tāro māyā ramā kāmo bījaṃ krodhapadaṃ tataḥ // ### [1.71.163](https://indike.org/pramana/in.purana.narada.1.71.163) mūrte nṛsiṃha śabdānte mahāpuruṣa īrayet / pradhānadharmādharmānte nigaḍetipadaṃ vadet // ### [1.71.164](https://indike.org/pramana/in.purana.narada.1.71.164) nirmocanānte kāleti tatataḥ puruṣa īrayet / kālāntakasadṛktoyaṃ sveśvarānte sadṛgjalam // ### [1.71.165](https://indike.org/pramana/in.purana.narada.1.71.165) śrāntānte tu niviṣṭeti caitanyacitsadā tataḥ / bhāsakānte tu kālādyatītanityoditeti ca // ### [1.71.166](https://indike.org/pramana/in.purana.narada.1.71.166) udayāstamayākrāntamahākāruṇiketi ca / hṛdayābjacatuścoktā dalānte tu niviṣṭitaḥ // ### [1.71.167](https://indike.org/pramana/in.purana.narada.1.71.167) caitanyātmaṃścaturāmandvādaśātmaṃstataḥ param / caturviṃśātmannante tu pañcaviṃśātmannityapi // ### [1.71.168](https://indike.org/pramana/in.purana.narada.1.71.168) bako hariḥ sahasrānte mūrte ehyehi śabdataḥ / bhagavannṛsiṃhapuruṣa krodheśvara rasā saha // ### [1.71.169](https://indike.org/pramana/in.purana.narada.1.71.169) sravanditānte pādeti kalpāntāgnisahasra ca / koṭyābhānte mahādeva nikāyadaśaśabdataḥ // ### [1.71.170](https://indike.org/pramana/in.purana.narada.1.71.170) śatayajñātalaṃ jñeyaṃ tataścāmalayugmakam / piṅgalekṣaṇasaṭādaṣṭrā daṃṣṭrāyudha nakhāyudha // ### [1.71.171](https://indike.org/pramana/in.purana.narada.1.71.171) dānavendrāntakāvahniṇaśoṇitapadaṃ tataḥ / saṃ saktivigrahānte tu bhūtāpasmārayātudhān // ### [1.71.172](https://indike.org/pramana/in.purana.narada.1.71.172) surāsuravandyamānapādapaṅkajaśabdataḥ / bhagavanvyomacakreśvarānte tu prabhavāpyaya // ### [1.71.173](https://indike.org/pramana/in.purana.narada.1.71.173) rūpeṇottiṣṭa cottiṣṭa avidyānicayaṃ daha / daha jñānaiśvaryamante prakāśayayugaṃ tataḥ // ### [1.71.174](https://indike.org/pramana/in.purana.narada.1.71.174) oṃ sarvajña aroṣānte jaṃbhājṛṃbhyavatārakam / satyapuruṣa śabdānte sadasanmadhya īrayet // ### [1.71.175](https://indike.org/pramana/in.purana.narada.1.71.175) niviṣṭaṃ mama duḥsvapnabhayaṃ nigaḍaśabdataḥ / bhayaṃ kāntāraśabdānte bhayaṃ viṣapadāttataḥ // ### [1.71.176](https://indike.org/pramana/in.purana.narada.1.71.176) jvarānte ḍākinī kṛtyādhvarevatībhayaṃ tataḥ / aśanyante bhayaṃ durbhikṣabhayaṃ mārīśabdataḥ // ### [1.71.177](https://indike.org/pramana/in.purana.narada.1.71.177) bhayaṃ mārīcaśabdānte bhayaṃ chāyāpadaṃ tataḥ / skandāpasmāraśabdānte bhayaṃ caurabhayaṃ tataḥ // ### [1.71.178](https://indike.org/pramana/in.purana.narada.1.71.178) jalasvapnāgnibhayaṃ gajasiṃhabhujaṅgagataḥ / bhayaṃ janmajarānte maraṇādiśabdamīrayet // ### [1.71.179](https://indike.org/pramana/in.purana.narada.1.71.179) bhayaṃ nirmocayayugaṃ praśamayayugaṃ tataḥ / jñeyarūpadhāraṇānte nṛsiṃhabṛhatsāmataḥ // ### [1.71.180](https://indike.org/pramana/in.purana.narada.1.71.180) puruṣānte sarvabhayanivāraṇapadaṃ tataḥ / aṣṭāṣṭakaṃ catuḥṣaṣṭi ceṭikābhayamīrayet // ### [1.71.181](https://indike.org/pramana/in.purana.narada.1.71.181) vidyāvṛtastrayastriṃśaddevatākoṭiśabdataḥ / namitānte padapadātpaṅkajānvita īrayet // ### [1.71.182](https://indike.org/pramana/in.purana.narada.1.71.182) saha sravadanānte tu sahasrodara saṃvadet / sahasrekṣaṇaśabdānte sahasrapādamīrayet // ### [1.71.183](https://indike.org/pramana/in.purana.narada.1.71.183) sahasrabhuja saṃprocya sahasrajihva saṃvadet / sahastānte lalāṭeti sahasrāyudhato dharāt // ### [1.71.184](https://indike.org/pramana/in.purana.narada.1.71.184) tamaḥprakāśaka puramathanānte tu sarva ca / mantrerājeśvarapadādvihāyasagatiprada // ### [1.71.185](https://indike.org/pramana/in.purana.narada.1.71.185) pātālagatipradānte yantramarddana īrayet / ghorāṭṭahāsahasitaviśvāvāsapadaṃ tataḥ // ### [1.71.186](https://indike.org/pramana/in.purana.narada.1.71.186) vāsudeva tato 'krūra tato hayamukheti ca / paramahaṃsa viśveśa viśvānte tu viḍaṃbana // ### [1.71.187](https://indike.org/pramana/in.purana.narada.1.71.187) niviṣṭānte tataḥpradurbhāvakāraka īrayet / hṛṣīkeśa ca svacchanda niḥśeṣajīva vinyaset // ### [1.71.188](https://indike.org/pramana/in.purana.narada.1.71.188) grāsakānte mahā paścātpiśitāsṛgitīrayet / laṃpaṭānte khecarīti siddhyateṃ tu pradāyaka // ### [1.71.189](https://indike.org/pramana/in.purana.narada.1.71.189) ajeyāvyaya avyakta brahmāṇḍodara ityapi / tato brahmasahasrānte koṭisragruṇḍaśabdataḥ // ### [1.71.190](https://indike.org/pramana/in.purana.narada.1.71.190) māla paṇḍitamuṇḍeti matsya kūrmaṃ tataḥ param / varāhānte nṛsiṃheti vāmanānte samīrayet // ### [1.71.191](https://indike.org/pramana/in.purana.narada.1.71.191) trailokyākramaṇānte tu pādaśālika īrayet / rāmatraya tato viṣṇurūpānte dhara eva ca // ### [1.71.192](https://indike.org/pramana/in.purana.narada.1.71.192) tattvatrayānte praṇavādhāratastacchikhāṃ padam / niviṣṭavahnijāyānte svadhā caiva tato vaṣaṭ // ### [1.71.193](https://indike.org/pramana/in.purana.narada.1.71.193) netra varmāstramuñcāryya prāṇādhāra itariyet / ādidevapadātprāṇāpānapaścānniviṣṭitaḥ // ### [1.71.194](https://indike.org/pramana/in.purana.narada.1.71.194) pāñcarātrika ditija vinidhanānte kareti ca / mahāmāyā amoghānte daryaṃ daityandraśabdataḥ // ### [1.71.195](https://indike.org/pramana/in.purana.narada.1.71.195) daryānte dalanetyuktā tejorāśin dhruvaṃ smaraḥ / tejasvarānte puruṣapaṃṅeṃte satyapūruṣa // ### [1.71.196](https://indike.org/pramana/in.purana.narada.1.71.196) astratāro 'cyutāstraṃ ca tāro vācā sudeva phaṭ / tāramāyāmūrteḥ phaṭ vaḥ kāmaḥ svarādimaḥ // ### [1.71.197](https://indike.org/pramana/in.purana.narada.1.71.197) mūrtestramavyayobījaṃ viśvamūrtestrimavyayaḥ / māyāviśvātmane ṣaṭ ca tāraḥ saucaṃ turātmane // ### [1.71.198](https://indike.org/pramana/in.purana.narada.1.71.198) phaṭ tārohaṃ viśvarūpinnastraṃ ca tadanantaram / tārauhnaiparamānte tu hraṃsaphaṭpraṇavastataḥ // ### [1.71.199](https://indike.org/pramana/in.purana.narada.1.71.199) hraḥ hiraṇaayagarbharūpa dhāraṇānte ca phaṭ dhruvaḥ / hraiṃ anaupamyarūpadhāriṇāstraṃ dhruvastataḥ // ### [1.71.200](https://indike.org/pramana/in.purana.narada.1.71.200) kṣaiṃ nṛsiṃharūpadhārin oṃ klaṃ ślaśca svarādikaḥ / ṣṭāṅgavinyāsavinya stamūrtidhāriṃstataśca phaṭ // _First 200 of 230 passages. [Read on](https://indike.org/pramana/in.purana.narada.1.71)_ ## Linked texts (8) - [Merutantra](https://indike.org/pramana/in.sampradaya.general.sakta.merutantra.15.172) — Gommaṭa, Sanskrit - [Mantrakośa](https://indike.org/pramana/in.sampradaya.general.mantrakosa.mantrakosa.13.115) — Āśādityatripāṭhin, Sanskrit - [Puraścaryārṇava](https://indike.org/pramana/in.niti.dharma.prayoga.purascarana.purascaryarnava.2.25.179) — Sanskrit - [Dāśarathīyatantra](https://indike.org/pramana/in.sampradaya.vaisnava.tantra.dasarathiyatantra.6284) — Sanskrit - [Brahmāṇḍapurāṇa](https://indike.org/pramana/in.purana.brahmanda.3.34.79) — Vyāsa, Sanskrit - [Tantracintāmaṇi](https://indike.org/pramana/in.sampradaya.saiva.trika.krama.tantracintamani.24.515) — Sanskrit - [Śāktapramoda](https://indike.org/pramana/in.sampradaya.general.sakta.saktapramoda.6.564) — Sanskrit - [Viśvasāratantra](https://indike.org/pramana/in.sampradaya.general.sakta.visvasaratantra.7.94) — Sanskrit --- Source: [https://indike.org/pramana/in.purana.narada.1.71](https://indike.org/pramana/in.purana.narada.1.71) · Pramāṇa