[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.72 # Naradapurana 1.72 Nāradapurāṇa 1.72 - **Language:** Sanskrit ## Contents - [1.72.54](https://indike.org/pramana/in.purana.narada.1.72.54) — 1 part ### [1.72.1](https://indike.org/pramana/in.purana.narada.1.72.1) sanatkumāra uvāca praṇavo hṛdayaṃ viṣṇurnentaḥ surapatistathā / mahābalāya svāhānto mantro vasudharākṣaraḥ // ### [1.72.2](https://indike.org/pramana/in.purana.narada.1.72.2) munirindurvirāṭ chando devatā dadhivāmanaḥ / tāro bījaṃ tathā śaktirvahnijāyā prakīrtitā // ### [1.72.3](https://indike.org/pramana/in.purana.narada.1.72.3) candrākṣirāmabāṇeṃṣu netrasaṃkhyairmanūdbhavaiḥ / varṇaiḥ ṣaḍaṅgaṃ kṛtvā ca mūrdhni bhāle ca netrayoḥ // ### [1.72.4](https://indike.org/pramana/in.purana.narada.1.72.4) karṇayorghrāṇayoroṣṭatālukaṇṭhabhujeṣu ca / pṛṣṭe hṛdyudare nābhau guhye corusthale punaḥ // ### [1.72.5](https://indike.org/pramana/in.purana.narada.1.72.5) jānudvayaṃ jaṅghayośca pādayorvinyasetkramāt / aṣṭādaśaiva mantrotthāstato devaṃ vicintayet // ### [1.72.6](https://indike.org/pramana/in.purana.narada.1.72.6) muktāgauraṃ ratnabhūṣaṃ candrasthaṃ bhṛṅgasannibhaiḥ / alakairvilasadvaktraṃ kumbhaṃ śuddhāṃbupūritam // ### [1.72.7](https://indike.org/pramana/in.purana.narada.1.72.7) dadhyannapūrṇacaṣakaṃ dorbhyāṃ saṃdadhanaṃ bhajet / lakṣatrayaṃ japenmantraṃ taddaśāṃśaṃ ghṛtaplutaiḥ // ### [1.72.8](https://indike.org/pramana/in.purana.narada.1.72.8) pāyasānnaiḥ prajuhuyāddadhyannena yathāvidhi / candrānte kalpite pīṭhe pūrvokteṃ pūjayeñca tam // ### [1.72.9](https://indike.org/pramana/in.purana.narada.1.72.9) saṃkalpamūrtimūlena saṃpūjya ca vidhānataḥ / kesareṣu ṣaḍaṅgāni saṃpūjya digdaleṣu ca // ### [1.72.10](https://indike.org/pramana/in.purana.narada.1.72.10) vāsudevaṃ saṃkarṣaṇaṃ pradyumnamaniruddhakam / koṇapatreṣu śāntiṃ ca śriyaṃ sarasvatīṃ ratim // ### [1.72.11](https://indike.org/pramana/in.purana.narada.1.72.11) dhvajaṃ ca vainateyaṃ ca kaustubhaṃ vanamālikam / śaṅkhaṃ cakraṃ gadāṃ śārṅgaṃ daleṣvaṣṭasu pūjayet // ### [1.72.12](https://indike.org/pramana/in.purana.narada.1.72.12) dalāgreṣu keśavādīndikpālāṃstadanantaram / tadastrāṇi ca sampūjya gajānaṣṭau samarcayet // ### [1.72.13](https://indike.org/pramana/in.purana.narada.1.72.13) airāvataḥ puṇḍarīko vāmanaḥ kumudāeṃ'janaḥ / puṣpadantaḥ sārvabhaumaḥ supratīkaśca diggajāḥ // ### [1.72.14](https://indike.org/pramana/in.purana.narada.1.72.14) kariṇyo 'bhramukapilopiṅgalānupamāḥ kramāt / tāmrakarṇī śubhradantī cāṅganā hyañjanā vatī // ### [1.72.15](https://indike.org/pramana/in.purana.narada.1.72.15) evamārādhito mantrī dadyādiṣṭāni mantriṇe / śrīkāmaḥ pāyasājyena sahasraṃ juhuyātsudhīḥ // ### [1.72.16](https://indike.org/pramana/in.purana.narada.1.72.16) mahatīṃ śriyamāpnoti dhānyāptirdhānya homataḥ / śatapuṣpāsamutthaiśca bījairhutvā sahasrataḥ // ### [1.72.17](https://indike.org/pramana/in.purana.narada.1.72.17) mahābhayaṃ nāśayeddhi nātra kāryā vicāraṇā / daddhyodanena śuddhena hutvā mucyate durgateḥ // ### [1.72.18](https://indike.org/pramana/in.purana.narada.1.72.18) dhyātvā traivikramaṃ rūpaṃ japenmantraṃ samāhitaḥ / kārāgṛhādbhavanmukto baddho mantraprabhāvataḥ // ### [1.72.19](https://indike.org/pramana/in.purana.narada.1.72.19) bhittau saṃpādya deveśaṃ phalake vā prapūjayet / nityaṃ sugandhakusumairmahatīṃ śriyamāpnuyāt // ### [1.72.20](https://indike.org/pramana/in.purana.narada.1.72.20) hutvā raktotpalairmantrī vaśayetsakalaṃ jagat / annājyairjuhuyānnityamaṣṭāviṃśatisaṃkhyayā // ### [1.72.21](https://indike.org/pramana/in.purana.narada.1.72.21) sitājyānnaṃ ca vidhivatprāpnuyādannamakṣayam / apūpaiḥ ṣaḍrasopetairhunedvasusahasrakam // ### [1.72.22](https://indike.org/pramana/in.purana.narada.1.72.22) alakṣmīṃ ca parābhūya mahatīṃ śriyamāpnuyāt / juhuyādayutaṃ mantrī dadhyannaṃ ca sitānvitam // ### [1.72.23](https://indike.org/pramana/in.purana.narada.1.72.23) yatra yatra vasetso 'pi tatrānnagirimāpnuyāt / padmākṣarairyutaṃ bilvāntikastho juhuyānnaraḥ // ### [1.72.24](https://indike.org/pramana/in.purana.narada.1.72.24) mahālakṣmīṃ sa labhate tatra tatra na saṃśayaḥ / juhuyātpāyasairlakṣaṃ vācaspatisamo bhavet // ### [1.72.25](https://indike.org/pramana/in.purana.narada.1.72.25) lakṣaṃ japtvā taddaśāṃśaṃ putrajīvaphalairhunet / tatkāṣṭairedhite vahnau śreṣṭhaṃ putramavāpnuyāt // ### [1.72.26](https://indike.org/pramana/in.purana.narada.1.72.26) sasādhyatāraṃ vilasatkarṇikaṃ ca suvarṇakaiḥ / vilasatkesaraṃ mantrākṣaradvandvāṣṭapatrakam // ### [1.72.27](https://indike.org/pramana/in.purana.narada.1.72.27) śeṣayugmārṇāntyapatraṃ dvādaśākṣaraveṣṭitam / tadbahirmātṛkāvarṇairyantraṃ sampatpradaṃ nṛṇām // ### [1.72.28](https://indike.org/pramana/in.purana.narada.1.72.28) raktaṃ trivikramaṃ dhyātvā prasūnai raktavarṇakaiḥ / juhuyādayutaṃ mantrī sarvatra vijayī bhavet // ### [1.72.29](https://indike.org/pramana/in.purana.narada.1.72.29) dhyāyeñcandrāsanagataṃ padmānāmayutaṃ hunet / labhedakaṇṭakaṃ rājyaṃ sarvalakṣaṇasaṃyutam // ### [1.72.30](https://indike.org/pramana/in.purana.narada.1.72.30) hutvā lavaṅgairmadhvāktairapāmārgadalaistu vā / ayutaṃ sādhyanāmāḍhyaṃ sa vaśyo jāyate dhruvam // ### [1.72.31](https://indike.org/pramana/in.purana.narada.1.72.31) aṣṭottaraśataṃ hutvā hyapāmārgadalaiḥ śubhaiḥ / tāvajjaptvā ca saptāhānmahārogātpramucyate // ### [1.72.32](https://indike.org/pramana/in.purana.narada.1.72.32) uhiratpadamābhāṣya praṇavohīya śabdataḥ / sarvavārgīśvaretyante pravadedīśvaretyatha // ### [1.72.33](https://indike.org/pramana/in.purana.narada.1.72.33) sarvavedamayācintyapadānte sarvamīrayet / bodhayadvitavānto 'yaṃ mantrastārādirīritaḥ // ### [1.72.34](https://indike.org/pramana/in.purana.narada.1.72.34) ṛṣirbrahmāsya nirdiṣṭaśchando 'nuṣṭubudāhṛtam / devatā syāddhayagrīvo vāgaiśvaryaprado vibhuḥ // ### [1.72.35](https://indike.org/pramana/in.purana.narada.1.72.35) tāreṇa pādairmantrasya pañcāṅgāni prakalpayet / tuṣārādrisamacchāyaṃ tulasīdāmabhūṣitam // ### [1.72.36](https://indike.org/pramana/in.purana.narada.1.72.36) turaṅgavadanaṃ vande tuṅgasārasvataḥ padam / dhyātvaivaṃ prajapenmantramayutaṃ taddaśāṃśataḥ // ### [1.72.37](https://indike.org/pramana/in.purana.narada.1.72.37) madhvaktaiḥ pāyasairhutvā vimalādisamanvite / pūjayedveṣṇave pīṭhe mūrtiṃ saṃkalpya mūlataḥ // ### [1.72.38](https://indike.org/pramana/in.purana.narada.1.72.38) karṇikāyāṃ caturdikṣu yajetpūrvāditaḥ kramāt / sanandanaṃ ca sanakaṃ śriyaṃ ca pṛthivīṃ tathā // ### [1.72.39](https://indike.org/pramana/in.purana.narada.1.72.39) tadvahirdikṣu vedāśca ṣaṭkoṇeṣu tator'cayet / niruktaṃ jyotiṣaṃ paścādyajedvyākaraṇaṃ tataḥ // ### [1.72.40](https://indike.org/pramana/in.purana.narada.1.72.40) kalpaṃ śikṣāṃ ca chandāṃsi vedāṅgāni tvimāni vai / tato 'ṣṭadalamūle tu mātaro 'ṣṭau samarcayet // ### [1.72.41](https://indike.org/pramana/in.purana.narada.1.72.41) vakratuṇḍādikānaṣṭo dalamadhye prapūjayet / dalāgreṣyarcayetpaścātsādhakaścāṣṭabhairavān // ### [1.72.42](https://indike.org/pramana/in.purana.narada.1.72.42) asitāṅgaṃ ruruṃ caiva bhīṣaṇaṃ raktakanetrakam / baṭukaṃ kāladamanaṃ danturaṃ vikaṭaṃ tathā // ### [1.72.43](https://indike.org/pramana/in.purana.narada.1.72.43) tadbahiḥ ṣoḍaśadaleṣvavatārānharerdaśa / śaṅkhaṃ cakraṃ gadāṃ padmaṃ nandakaṃ śārṅgameva ca // ### [1.72.44](https://indike.org/pramana/in.purana.narada.1.72.44) tadbahirbhūgṛhe śakramukhāndaśa digīśvarān / vajrādyāṃstadbahiśceṣṭvādvāreṣu ca tataḥ kramāt // ### [1.72.45](https://indike.org/pramana/in.purana.narada.1.72.45) mahāgaṇapatiṃ durgāṃ kṣetreśaṃ baṭukaṃ tathā / samastaprakaṭādyāśca yoginyastadbahirbhavet // ### [1.72.46](https://indike.org/pramana/in.purana.narada.1.72.46) tadbahiḥ sapta nadyaśca tadbāhye tu grahānnava / tadbāhye parvatānaṣṭau nakṣatrāṇi ca tadbahiḥ // ### [1.72.47](https://indike.org/pramana/in.purana.narada.1.72.47) evaṃ pañcadaśāvṛttyā saṃpūjya turagānanam / vāgīśvarasamo vāci dhanairdhanapatirbhavet // ### [1.72.48](https://indike.org/pramana/in.purana.narada.1.72.48) evaṃ siddhe manau mantrī prayogānkartumarhati / aṣṭottarasahasraṃ tu śuddhaṃ vāryabhimantritam // ### [1.72.49](https://indike.org/pramana/in.purana.narada.1.72.49) bījena māsamātraṃ yaḥ pibeddhīmān jitandriyaḥ / janmamūko 'pi sa naro vāksiddhiṃ labhate dhruvam // ### [1.72.50](https://indike.org/pramana/in.purana.narada.1.72.50) viyadbhugusthamardhīrābindumadbījamīritam / candrasūryoparāge tu pātre rukmamaye kṣipet // ### [1.72.51](https://indike.org/pramana/in.purana.narada.1.72.51) dugdhaṃ vacāṃ tato mantrī kaṇṭhamātrodake sthitaḥ / sparśādvimokṣaparyantaṃ prajapenmantramādarāt // ### [1.72.52](https://indike.org/pramana/in.purana.narada.1.72.52) pibettatsarvamacirāttasya sārasvataṃ bhavet / jyotiṣmatīlatābījaṃ dineṣvekaikavarddhitam // ### [1.72.53](https://indike.org/pramana/in.purana.narada.1.72.53) aṣṭottaraśataṃ yāvadbhakṣayedabhimantritam / sarasvatyavatāro 'sau satyaṃ syādbhuvi mānavaḥ // ### [1.72.54](https://indike.org/pramana/in.purana.narada.1.72.54) kirṃ bahūktena viprendra manorasya prasādataḥ / sarvavedāgamādīnāṃ vyākhyātā jñānavān bhavet // ### [1.72.54.p1](https://indike.org/pramana/in.purana.narada.1.72.54.p1) iti śrībṛhannāradīyapurāṇe pūrvabhāge bṛhadupākhyāne sanatkumāravibhāge tṛtīyapāde hayagrīvopāsanānirūpaṇaṃ nāma dvisaptatitamo 'dhyāyaḥ ## Linked texts (2) - [Mantrakaumudī](https://indike.org/pramana/in.niti.dharma.prayoga.purascarana.mantrakaumudi.4.539) — Sanskrit - [Nāradopapurāṇa](https://indike.org/pramana/in.purana.upa.vaisnava.naradopapurana.74.1) — Sanskrit --- Source: [https://indike.org/pramana/in.purana.narada.1.72](https://indike.org/pramana/in.purana.narada.1.72) · Pramāṇa